(បាងកក)៖ លោក Sethaput Suthiwartnaruput ទេសាភិបាលធនាគារកណ្តាលថៃ (BoT) កាលពីថ្ងៃសុក្របានសង្កត់ធ្ងន់លើភាពចាំបាច់សម្រាប់ឯករាជ្យភាពរបស់ធនាគារកណ្តាលក្នុងការកំណត់គោលនយោបាយរូបិយវត្ថុក្នុងគ្រាដែលមានការខ្វែងគំនិតគ្នាជាយូរជាមួយរដ្ឋាភិបាលថៃលើបញ្ហាថាតើគួរកាត់បន្ថយអត្រាការប្រាក់ឬអត់ដើម្បីទ្រទ្រង់សេដ្ឋកិច្ច។ នេះបើយោងតាមកាសែតបាងកកប៉ុស្តិ៍។ កាសែតបាងកកប៉ុស្តិ៍បានរាយការណ៍ដោយដកស្រង់សម្ដីរបស់លោកទេសាភិបាល Sethaput ខណៈថ្លែងក្នុងសន្និសីទសារព័ត៌មានមួយថា បើទោះជាអត្រាការប្រាក់ទាបអាចជួយជំរុញកំណើនសេដ្ឋកិច្ចរយៈពេលខ្លីក៏ពិតមាន តែការទម្លាក់អត្រាការប្រាក់ដើម្បីទទួលបានកំណើនសេដ្ឋកិច្ចរយៈពេលខ្លីនេះគឺជាការដោះដូរជាមួយអតិផរណាដែលនឹងកើនឡើង ហើយអត្រាការប្រាក់ទាបនេះក៏អាចនាំទៅរកភាពងាយរងគ្រោះនានាដូចជាការកើនឡើងបំណុល និងសកម្មភាពបែបកេងចំណេញ។លោកបាននិយាយថា ហានិភ័យទាំងនោះនឹងរារាំងកំណើនសេដ្ឋកិច្ចសម្រាប់រយៈពេលវែង ហើយអាចនាំឱ្យមានវិបត្តិ។ លោកបានបន្ថែមថា ឯករាជ្យភាពរបស់ធនាគារកណ្តាលមានសារៈសំខាន់ណាស់សម្រាប់ស្ថិរភាពតម្លៃ។ ការថ្លែងរបស់លោក Sethaput បានកើតមានឡើងក្នុងគ្រាដែលមានការប្រឈមមុខដាក់គ្នារវាងធនាគារកណ្តាលនិងរដ្ឋាភិបាលថៃដែលបានអំពាវនាវម្តងហើយម្តងទៀតឱ្យកាត់បន្ថយអត្រាការប្រាក់ដើម្បីបង្កើនការជំរុញវិធានការសារពើពន្ធរបស់ខ្លួន ហើយធនាគារកណ្តាលបាននិយាយថា អត្រាការប្រាក់មានកម្រិតសមរម្យ ហើយបញ្ហារចនាសម្ព័ន្ធទេដែលកំពុងធ្វើឱ្យរាំងស្តាត់កំណើនសេដ្ឋកិច្ច។ អត្រាការប្រាក់គោលរបស់ប្រទេសថៃមានកម្រិតខ្ពស់ក្នុងរយៈពេលមួយទសវត្សរ៍គឺ ២,៥០% ក្នុងរយៈពេលមួយឆ្នាំមកនេះ ខណៈពេលដែលធនាគារកណ្តាលបានទប់ទល់នឹងការអំពាវនាវម្តងហើយម្តងទៀតឱ្យកាត់បន្ថយ។ ការវាយតម្លៃអត្រាការប្រាក់នៅដំណាក់កាលបន្ទាប់នឹងធ្វើឡើងនៅថ្ងៃទី១៦ ខែតុលា។ នាយករដ្ឋមន្ត្រីថៃអ្នកស្រី ភែថងថាន ស៊ីណាវ៉ាត បាននិយាយកាលពីដើមឆ្នាំនេះមុនពេលអ្នកស្រីក្លាយជានាយករដ្ឋមន្ត្រីថា ឯករាជ្យភាពរបស់ធនាគារកណ្តាលគឺជាឧបសគ្គក្នុងការដោះស្រាយបញ្ហាសេដ្ឋកិច្ច។ នេះបើយោងតាមកាសែតបាងកកប៉ុស្តិ៍៕ ផ្ដល់សិទ្ធិដោយ៖ Freshnews

(ភ្នំពេញ)៖ សាស្ដ្រាចារ្យបណ្ឌិត ទ្រី ចាន់ធុច អនុរដ្ឋលេខាធិការក្រសួងផែនការ និងជាអនុប្រធានក្រុមប្រឹក្សាភិបាលសាកលវិទ្យាល័យអាស៊ីអឺរ៉ុប នាព្រឹកថ្ងៃទី២១ ខែកញ្ញា ឆ្នាំ២០២៤ បានរៀបចំកម្មវិធីនេះដោយសហការជាមួយសមាគមគីវានីសកម្ពុជា-តៃវ៉ាន់ សាកលវិទ្យាល័យជាតិកៅស៊ុងនៃវិទ្យាសាស្រ្តនិងបច្ចេកវិទ្យា និងសាកលវិទ្យាល័យភូមិន្ទភ្នំពេញ នាំយកសម្ភារសិក្សា ចំនួន ២៦៣កញ្ចប់ សម្រាប់កុមារា-កុមារីសិស្សានុសិស្ស ព្រមទាំងឧបត្ថម្ភថវិកាសម្រាប់មួយចំនួនជូនលោកគ្រូ-អ្នកគ្រូ នៅសាលាបឋមសិក្សា គោកមន ស្ថិតក្នុងភូមិគោកមន ឃុំដំដែក ស្រុកសូទ្រនិគម ខេត្តសៀមរាប។ នេះជាលើកទី៥ហើយ ដែលកម្មវិធី «បណ្ណាល័យខ្ញុំ» បានជួយឧបត្ថម្ភដល់សិស្សក្នុងតំបន់ដាច់ស្រយាលខ្វះខាត ឲ្យពួកគេមានសម្ភារៈសិក្សាបន្ថែម និងលទ្ធភាពក្នុងការអានសិក្សាស្រាវជ្រាវបង្កើនចំណេះដឹង។ក្នុងឱកាសនោះ លោកសាស្ដ្រាចារ្យបណ្ឌិត បញ្ជាក់ថា កម្មវិធីសប្បុរសធ៌មនេះ បង្កើតឡើងក្នុងបំណង ដើម្បីលើកទឹកចិត្តសិស្សឱ្យមានចំណង់រៀនសូត្របន្ថែម ការចុះសួរសុខទុក្ខក្នុងដំណើរការអប់រំនៅកម្រិតបឋមសិក្សាផងដែរ។ លោកសាស្ដ្រាចារ្យបណ្ឌិត ទ្រី ចាន់ធុច បានមានប្រសាសន៍ថា អំណោយទាំងនេះ បានមកពីការចូលរួមរបស់សាកលវិទ្យាល័យ អាស៊ីអឺរ៉ុប, សាកលវិទ្យាល័យជាតិកៅស៊ុងនៃវិទ្យាសាស្ដ្រនិងបច្ចេកវិទ្យា, សមាគមគីវ៉ានីស៍ និងសប្បុរសជននានារួមគ្នា ជួយដល់វិស័យអបរំនៅកម្ពុជា តាមរយៈការចែករំលែកពីអ្នកមានលទ្ធភាពជួយដល់អ្នកទន់ខ្សោយខ្វះខាត ដើម្បីចូលរួមជួយដល់មនុស្សក្នុងសង្គមបានរីកចំរើនទៅ ព្រមៗគ្នាក្នុងបំណងរួមចំណែកអភិវឌ្ឍសង្គមជាតិឱ្យបានរីកចម្រើន។ ទន្ទឹមនឹងនេះ លោកសាស្ដ្រាចារ្យបណ្ឌិត ក៏បានណែនាំឲ្យសិស្សានុស្សិស្សទាំងអស់ ត្រូវយកចិត្តទុកដាក់ ខិតខំរៀនសូត្រ ពីថ្នាក់បឋម រហូតដល់វិទ្យាល័យ កុំបោះបង់ការសិក្សា ត្រូវព្យាយាមតស៊ូរៀនឲ្យបានចប់ថ្នាក់ឧត្តមសិក្សា […]

(ណៃពិដោ)៖ រដ្ឋាភិបាលយោធាមីយ៉ាន់ម៉ា បានឱ្យដឹងកាលពីថ្ងៃសោរ៍សប្តាហ៍នេះថា តួលេខមនុស្សបាត់បង់ជីវិតដោយសារគ្រោះទឹកជំនន់ ដែលបង្កឡើងដោយឥទ្ធិពលព្យុះ Yagi បានបន្តកើនដល់៣៨៤នាក់​ និង៨៩នាក់បាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអាទិត្យ ទី២២ ខែកញ្ញា ឆ្នាំ២០២៤។ អ្នកនាំពាក្យរបបសឹកបាននិយាយថា គិតត្រឹមថ្ងៃសៅរ៍ ទី២១ ខែកញ្ញា នៅមីយ៉ាន់ម៉ា ចំនួនមនុស្សបាត់បង់ជីវិត ដោយសារទឹកជំនន់ គឺ៣៨៤នាក់ រីឯបាត់ខ្លួនចំនួន៨៩នាក់។ គ្រោះទឹកជំនន់នេះ ជាការបន្ថែមទុក្ខវេទនាមកលើប្រទេស ដែលមនុស្សប្រមាណរាប់លាននាក់ បានព្រាត់ប្រាសពីផ្ទះសម្បែងរួចស្រេចទៅហើយ ដោយសារតែជម្លោះរយៈពេលជាង៣ឆ្នាំ ដែលផ្តើមចេញពី ការធ្វើរដ្ឋប្រហារយោធា កាលពីឆ្នាំ២០២១។ អង្គការសហប្រជាជាតិ បានព្រមានថា ប្រជាជនអាចដល់៨៨៧,០០០នាក់ ប្រហែលជាបានទទួលរងផលប៉ះពាល់ នៅមីយ៉ាន់ម៉ា ដោយសារឥទ្ធិពលព្យុះ Yagi។ កាលពីសប្តាហ៍មុន រដ្ឋាភិបាលយោធាមីយ៉ាន់ម៉ា បានធ្វើការអំពាវនាវយ៉ាងកម្រមួយ ដោយស្វែងរកការផ្តល់ជំនួយពីបរទេស ដើម្បីយកទៅជួយជនរងគ្រោះ។ គួរបញ្ជាក់ថា ព្យុះ Yagi បានវាយប្រហារលើ តំបន់ភាគខាងជើងប្រទេសវៀតណាម ឡាវ ថៃ និងមីយ៉ាន់ម៉ា កាលពី២សប្ដាហ៍មុន ដោយបង្កឱ្យមានគ្រោះទឹកជំនន់ និងការរអិលបាក់ដីដ៏អាក្រក់ ដែលបានផ្ដាច់ជីវិតមនុស្សសរុបលើស៧០០នាក់ […]

(វ៉ាស៉ីនតោន)៖ ក្រសួងការបរទេសអាមេរិក កាលពីថ្ងៃសៅរ៍សប្តាហ៍នេះ បានទទូចឱ្យពលរដ្ឋអាមេរិកទាំងឡាយ ដែលស្ថិតនៅលីបង់ គួរតែចាកចេញពីប្រទេសនេះ ទាន់នៅមានជម្រើសជើងហោះហើរពាណិជ្ជកម្ម ខណៈជម្លោះរវាងអ៉ីស្រាអែល និងក្រុម Hezbollah បានកើនឡើងកម្តៅខ្លាំង នៅប៉ុន្មានថ្ងៃចុងក្រោយនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអាទិត្យ ទី២២ ខែកញ្ញា ឆ្នាំ២០២៤។ ទីក្រុងវ៉ាស៉ីនតោន បាននិយាយដូច្នេះថា «ដោយសារតែភាពពិបាកប៉ាន់ស្មាន នៃជម្លោះរវាង Hezbollah និងអ៉ីស្រាអែល បូករួម​ជាមួយហេតុការណ៍ផ្ទុះនាពេលថ្មីៗនេះ នៅពេញប្រទេសលីបង់ ក្នុងនោះមានទាំងនៅរដ្ឋធានី Beirut ស្ថានទូតអាមេរិកសូមទទូច​ឱ្យពលរដ្ឋអាមេរិកទាំងឡាយ ចាកចេញពីលីបង់ ទាន់នៅមានជើងហោះហើរពាណិជ្ជកម្ម។ នាពេលនេះ ជើងហោះហើរពាណិជ្ជកម្ម គឺនៅមាន ប៉ុន្តែត្រូវបានកាត់បន្ថយចំនួន។ ប្រសិនបើស្ថានការណ៍សន្តិសុខកាន់តែអាក្រក់ នោះអាចនឹងលែងមានជម្រើសចាកចេញ តាមរយៈជើងហោះហើរពាណិជ្ជកម្ម តែម្តង»។ កាលពីចុងខែកក្កដា អាមេរិកក៏បានដំឡើងការប្រកាសអាសន្ន ដល់កម្រិតខ្ពស់បំផុតផងដែរ ពាក់ព័ន្ធការធ្វើដំណើរទៅកាន់លីបង់ និងពលរដ្ឋខ្លួនដែលស្ថិតនៅទីនោះ បន្ទាប់ពីការវាយប្រហារមួយរបស់អ៉ីស្រាអែល នៅភាគខាងត្បូងទីក្រុង Beirut បានសម្លាប់​មេបញ្ជាការជាន់ខ្ពស់ម្នាក់របស់ Hezbollah។ រីឯកាលពីថ្ងៃសុក្រសប្តាហ៍នេះ អ៉ីស្រាអែលបានទម្លាក់គ្រាប់បែកលើភាគខាងត្បូង​ទីក្រុង Beirut សាជាថ្មី ហើយអះអាងថា លើកនេះបានផ្តាច់ជីវិតប្រធានកងកម្លាំងពិសេស Radwan […]

(ភ្នំពេញ)៖ នៅថ្ងៃទី១៨ ខែកញ្ញា ឆ្នាំ២០២៤ វេលាម៉ោងប្រហែល១៖៤០នាទីរំលងអធ្រាត្រ នៅចំណុចផ្ទះលេខ56E1 ផ្លូវលេខ១៤៦ ក្រុមទី៣៥ ភូមិ១១ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ មានករណីអំពើលួចម៉ូតូ៣គ្រឿង និងកង់ ០១គ្រឿង បានកើតឡើង បង្កឡើងដោយជនសង្ស័យមិនស្គាល់អត្តសញ្ញាណ។ របាយការណ៍របស់ស្នងការដ្ឋាននគរបាលរាជធានីភ្នំពេញ បានបញ្ជាក់ថា ករណីនេះកម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលខណ្ឌទាំង១៤ ក្រោមការបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី១៩ ខែកញ្ញា ឆ្នាំ២០២៤ វេលាម៉ោង១៣ ទើបកម្លាំងចាប់ឃាត់ខ្លួនបានជនសង្ស័យចំនួន២នាក់ នៅចំណុចផ្ទះគ្មានលេខ ផ្លូវលំ ស្ថិតនៅក្រុមទី២៧ ភូមិ៧ សង្កាត់ផ្សារដើមគរ ខណ្ឌទួលគោក។ ជនសង្ស័យទាំង២នាក់រួមមាន៖ ទី១៖ ឈ្មោះ វ៉ន ឌី អាយុ១៩ឆ្នាំ មុខរបរ មិនពិតប្រាកដ មានទីលំនៅ មិនពិតប្រាកដទី២៖ ឈ្មោះ រិទ្ធ ណារ៉ុង អាយុ២៩ឆ្នាំ មុខរបរ មិនពិតប្រាកដ មានទីលំនៅ មិនពិតប្រាកដ។ […]

(ភ្នំពេញ)៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់តែងតាំងលោក សោម ពិសិដ្ឋ ជាអភិបាលខេត្តកែប សម្រាប់អាណត្តិទី២ បន្តទៀត។ នេះបើតាមព្រះរាជក្រឹត្យដែលបណ្តាញព័ត៌មាន ទទួលបាននៅថ្ងៃទី២២ ខែកញ្ញា ឆ្នាំ២០២៤។ នៅក្នុងព្រះរាជក្រឹត្យ បានបញ្ជាក់ថា «តែងតាំងមុខតំណែងឯកឧត្តម សោម ពិសិដ្ឋ ឋានន្តរស័ក្តិឧត្តមមន្រ្តី ថ្នាក់លេខ១ ជាអភិបាល នៃគណៈអភិបាលខេត្តកែប សម្រាប់អាណត្តិទី២ ក្នុងដែនសមត្ថកិច្ចដដែល»។ សូមអានព្រះរាជក្រឹត្យខាងក្រោម៖ ផ្ដល់សិទ្ធិដោយ៖ Freshnews

(កៀវ)៖ អង្គការណាតូ (NATO) បានបិទបញ្ចប់សមយុទ្ធប្រឆាំងយន្តហោះដ្រូន នៅក្នុងសប្តាហ៍នេះ ដោយអ៊ុយក្រែនក៏បានចូលរួមជាលើកដំបូងផងដែរ ខណៈសម្ព័ន្ធមិត្តលោកខាងលិចចង់រៀនសូត្រពីការអភិវឌ្ឍយ៉ាងឆាប់រហ័ស និងការប្រើប្រាស់យ៉ាងទូលំទូលាយនូវប្រព័ន្ធប្រឆាំងដ្រូន ក្នុងសង្គ្រាម។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី២១ ខែកញ្ញា ឆ្នាំ ២០២៤។ សមយុទ្ធដែលបានរៀបចំឡើងនៅឯមូលដ្ឋានយោធារបស់ប្រទេសហូឡង់ មានការចូលរួមពីប្រទេសជាង ២០ និងក្រុមហ៊ុនចំនួន ៥០ ហើយបានធ្វើតេស្តទៅលើប្រព័ន្ធទំនើបៗដែលតាមដាន និងស្ទាក់ចាប់យន្តហោះដ្រូន ក៏ដូចជាវាយតម្លៃទៅលើពីរបៀបដែលដ្រូនទាំងនោះដំណើរការ។ សមយុទ្ធរយៈពេល ១១ថ្ងៃកន្លងមក បានបញ្ចប់ទៅដោយការបង្ហាញរបៀបស្ទាក់ និងចាប់សញ្ញាយន្តហោះដ្រូន។ លោក Matt Roper ប្រធានមជ្ឈមណ្ឌលស៉ើបការណ៍សម្ងាត់ ឃ្លាំមើល និងឈ្លបយកការណ៍នៃទីភ្នាក់ងារបច្ចេកវិទ្យារបស់បក្សសម្ព័ន្ធយោធាមួយនេះ បានគូសបញ្ជាក់ថា «ណាតូ ចាត់ទុកដ្រូន ជាការគំរាមកំហែងខ្លាំង»។ ដោយឡែក ឧត្តមសេនីយ៍ឯកមួយរូបរបស់ប្រទេសហូឡង់ ប្រចាំនៅភាគខាងកើត លោក Best Barracks និយាយថា «នេះមិនមែនជារឿងដែលយើងត្រូវអង្គុយមើល ហើយមិនធ្វើអ្វីសោះនោះទេ»។ គួរបញ្ជាក់ថា ការប្រើប្រាស់ដ្រូនយ៉ាងសន្ធឹកសន្ធាប់ក្នុងសង្រ្គាមរុស្ស៉ី-អ៊ុយក្រែន បានជំរុញឱ្យអង្គការណាតូ បង្កើនការយកចិត្តទុកដាក់លើការគំរាមកំហែងដែលអាចកើតមាន ក្នុងចំណោមសម្ព័ន្ធមិត្តរបស់ខ្លួន។ ការវាយប្រហារដ៏ធំរបស់អ៊ុយក្រែនដោយប្រើដ្រូន បានបង្កការផ្ទុះយ៉ាងខ្លាំងនៅឯឃ្លាំងអាវុធរុស្ស៉ីដ៏សំខាន់មួយ។ នៅថ្ងៃបន្ទាប់ លោក […]

(រ៉ូម)៖ បណ្ដារដ្ឋមន្ត្រីការបរទេសនៃក្រុមប្រទេស G7 កាលពីថ្ងៃទី១៤ ខែកញ្ញា បានថ្កោលទោសយ៉ាងខ្លាំងចំពោះការផ្គត់ផ្គង់មីស៊ីលបាលិស្ទីគរបស់អ៉ីរ៉ង់ ទៅឱ្យរុស្ស៉ី យកទៅប្រើប្រាស់ក្នុងសង្រ្គាមឈ្លានពានអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ក្រុមមន្ត្រីអាមេរិក និងអឺរ៉ុប បានចោទប្រកាន់ថាអ៉ីរ៉ង់បានផ្ដល់មីស៊ីលបាលិស្ទីគមួយចំនួនធំ ទៅឱ្យរុស្ស៉ី ជាផ្នែកមួយនៃការពង្រឹងកិច្ចសហប្រតិបត្តិការយោធាឱ្យកាន់តែ ស៊ីជម្រៅរវាងប្រទេសទាំង២ ដែលសុទ្ធតែកំពុងស្ថិតនៅក្រោមទណ្ឌកម្មរបស់សហរដ្ឋអាមេរិក និងលោកខាងលិច។ បណ្ដារដ្ឋមន្ត្រីការបរទេសនៃក្រុមប្រទេស G7 បានគូសបញ្ជាក់ក្នុងសេចក្ដីថ្លែងការណ៍មួយដូច្នេះថា «អ៉ីរ៉ង់ត្រូវតែបញ្ឈប់ជាបន្ទាន់នូវរាល់ការគាំទ្រទៅដល់សង្រ្គាមខុសច្បាប់ និងគ្មានហេតុផលរបស់រុស្ស៉ីប្រឆាំង អ៊ុយក្រែន ហើយត្រូវបញ្ឈប់ការផ្គត់ផ្គង់មីស៊ីលបាលិស្ទីគ ដ្រូន និងបច្ចេកវិទ្យាពាក់ព័ន្ធ ដែលត្រូវបានចាត់ទុកថាជាការគំរាមកំហែងដល់ប្រជាជនអ៊ុយក្រែន រួមទាំង សន្តិសុខអន្តរជាតិ និងអឺរ៉ុប»។ សេចក្ដីថ្លែងការណ៍នេះដដែល ក៏បានបញ្ជាក់ដែរពីការចាត់វិធានការឆ្លើយតបថ្មីៗទៅនឹងអ៉ីរ៉ង់ សម្រាប់ការគាំទ្ររុស្ស៉ី ខណៈទីក្រុងតេហេរ៉ង់ផ្ទាល់បានបដិសេធថាខ្លួន មិនបានផ្គត់ផ្គង់មីស៊ីលឱ្យទីក្រុងមូស្គូនោះទេ។ អ៉ីតាលីសព្វថ្ងៃ កំពុងកាន់តំណែងជាប្រធានប្ដូរវេន G7 ដែលមានសមាជិកផ្សេងទៀតដូចជាសហរដ្ឋអាមេរិក ជប៉ុន អាល្លឺម៉ង់ ចក្រភពអង់គ្លេស បារាំង និងកាណាដា៕ ផ្ដល់សិទ្ធិដោយ៖ Freshnews

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន ត្រូវបានជ្រើសតាំងជាប្រធានកិត្តិយស សមាគមអភិរក្សដំរីខ្មែរអៃរាវត្តា ដើម្បីចូលរួមក្នុងកិច្ចការងារថែរក្សា និងអភិរក្សសត្វដំរីក្នុងប្រទេសកម្ពុជា ឱ្យបានគង់វង្ស។ ការជ្រើសតាំងលោក នេត្រ ភក្ត្រា រដ្ឋមន្ត្រីក្រសួងព័ត៌មាន ជាប្រធានកិត្តិយសសមាគមអភិរក្សដំរីខ្មែរអៃរាវត្តា ត្រូវបានប្រកាសជាផ្លូវការនៅល្ងាចថ្ងៃទី១៤ ខែកញ្ញា ឆ្នាំ២០១៤ នាសណ្ឋាគារ Sun & Moon ភ្នំពេញ ក្នុងកម្មវិធីរាត្រីសមោលសរសប្បុរសធម៌រៃអង្គាសថវិកាលើកទី៦ ដើម្បីបន្តកិច្ចការងារអភិរក្សដំរីខ្មែរបានស្ថិតស្ថេរ រៀបចំឡើងដោយសមាគមអភិរក្សដំរីអៃរាវត្តា ក្រោមអធិបតីភាពលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ព្រមទាំង លោក លោកស្រី ជាតំណាងថ្នាក់ដឹកនាំតាមបណ្តាក្រសួង ស្ថាប័ននានា និងសប្បុរសជនជាតិ អន្តរជាតិចូលរួមប្រមាណ ៤០០នាក់។ នៅក្នុងឱកាសនេះដែរលោក រដ្ឋមន្ត្រី នេត្រ ភក្ត្រា ក្នុងនាមជាប្រធានកិត្តិយសសមាគមអភិរក្សដំរីខ្មែរអៃរាវត្តា បានអំពាវនាវដល់សប្បុរសជននានាបន្តចូលរួមគាំទ្រថវិកាដើម្បីភ្ជាប់និស្ស័យជាមួយសមាគមឱ្យមានលទ្ធភាពពង្រឹងនឹងពង្រីកហើយផ្តល់សេចក្តីសុខដល់សត្វដំរីស្រុក ក៏ដូចជាព្យាយាមបង្កាត់ពូជឱ្យបានកូនច្រើនជាប្រភេទដំរីស្រុក ដើម្បីផ្តល់ជាការកម្សាន្ត និងការអភិរក្សសត្វដំរីស្រុកនៅក្នុងប្រទេសកម្ពុជាបានគង់វង្ស។ ការចូលរួមពីគ្រប់ភាគីក្នុងការចូលរួមការពារនិងអភិរក្សសត្វដំរីនៅកម្ពុជាគឺជាចំណែកមួយយ៉ាងសំខាន់នៃការងារគ្រប់គ្រងធនធានធម្មជាតិ និងការអភិរក្សជីវៈចម្រុះ។ លោកក៏អំពាវនាវឱ្យមានការចូលរួមជាថវិកា ដើម្បីយកទៅចិញ្ចឹមបីបាច់ថែរក្សា អភិរក្សដំរីស្រុកដែលកំពុងរស់នៅក្នុងភូមិកាទៀង ឃុំល្បាំងពីរ ស្រុកលំផាត់ […]

(តូក្យូ)៖ អាជ្ញាធរជប៉ុន នៅថ្ងៃអាទិត្យ ទី១៥ ខែកញ្ញានេះ បានព្រមានប្រជាជនរស់នៅលើកោះមួយស្ថិតនៅភាគខាងត្បូងនៃប្រទេស ពីហានិភ័យនៃគ្រោះរអិលបាក់ដី ខណៈព្យុះទីហ្វុងដ៏មានឥទ្ធិពលមួយកំពុងបក់បោកឆ្ពោះទៅកាន់ប្រទេសចិន។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ តាមអាជ្ញាធរឧតុនិយមជប៉ុន JMA ព្យុះទីហ្វុង Bebinca បានបក់បោកឆ្លងកាត់កោះ Amami របស់ជប៉ុន កាលពីយប់ថ្ងៃសៅរ៍ រហូតដល់ថ្ងៃអាទិត្យនេះ ជាមួយកម្លាំងខ្យល់បក់ ១៩៨គីឡូម៉ែត្រក្នុងមួយម៉ោង។ JMA បន្ថែមថាព្យុះ Bebinca ត្រូវបានព្យាករថាអាចនឹងបក់បោកទៅក្បែរទីក្រុងសៀងហៃ នៅព្រឹកថ្ងៃចន្ទដើមសប្ដាហ៍ក្រោយនេះ ហើយ ព្យុះនេះដែរ អាចថមថយឥទ្ធិពលក្លាយទៅជាព្យុះត្រូពិក ដែលអាចនឹងបង្កឱ្យមានភ្លៀងធ្លាក់ខ្លាំង និងផ្គររន្ទះនៅតាមផ្នែកមួយចំនួននៃតំបន់ភាគខាងត្បូងប្រទេសជប៉ុន។ គួរបញ្ជាក់ថា កាលពីខែសីហាកន្លងទៅ ព្យុះទីហ្វុងដ៏មានឥទ្ធិពលមួយក៏បានវាយប្រហារលើជប៉ុន ដោយនាំមកជាមួយភ្លៀងធ្លាក់ខ្លាំងបណ្ដាលឱ្យសេវាដឹកជញ្ជូនជាច្រើន ត្រូវបានផ្អាកដំណើរការ និងមនុស្ស ៦នាក់បានបាត់បង់ជីវិតផងដែរ។ កាលពីឆ្នាំ២០២១វិញ ព្យុះភ្លៀងបានបង្កឱ្យមានគ្រោះរអិលបាក់ដីក្នុងទីក្រុង Atami សម្លាប់មនុស្ស ២៧នាក់៕ ផ្ដល់សិទ្ធិដោយ៖ Freshnews