(ហ្សាការតា)៖ នៅព្រឹកថ្ងៃអាទិត្យ ទី២០ ខែតុលានេះ លោក Prabowo Subianto បានស្បថចូលកាន់តំណែងជាផ្លូវការហើយ ជាប្រធានាធិបតីថ្មីនៃប្រទេសឥណ្ឌូណេស៉ី។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ លោក Prabowo ដែលមានវ័យ៧៣ឆ្នាំ បានធ្វើសច្ចាប្រណិធាន ចូលកាន់តំណែងជាប្រធានាធិបតីទី៨ នៅវិមានសភាឥណ្ឌូណេស៉ី បន្ទាប់ពីរូបលោកបានទទួល​ជ័យជម្នះ ក្នុងការបោះឆ្នោត កាលពីខែកុម្ភៈ ឆ្នាំនេះ។ ទន្ទឹមគ្នាលោក Gibran Rakabuming Raka ដែលត្រូវជាកូនប្រុសច្បងរបស់ប្រធានាធិបតីផុតអាណត្តិ លោក Joko Widodo ក៏បានស្បថចូលកាន់តំណែង ជាអនុប្រធានាធិបតីផងដែរ។ ឥណ្ឌូណេស៉ីបានដាក់ពង្រាយងកម្លាំងសន្តិសុខ សរុបយ៉ាងហោច ១០០,០០០នាក់ នៅទូទាំងរដ្ឋធានីហ្សាការតា ដើម្បីការពារសុវត្ថិភាព អំឡុងពិធីស្បថចូលកាន់តំណែងប្រធានាធិបតីថ្មី។ ក្រោយចូលកាន់តំណែងជាផ្លូវការ នៅថ្ងៃអាទិត្យនេះ លោក Prabowo ត្រូវបានរំពឹងថា នឹងជួបជាមួយឥស្សរជនក៏ដូចជាប្រមុខរដ្ឋ/រដ្ឋាភិបាលបរទេស ថែមទៀតផង។ គួរបញ្ជាក់ថា មុនបានក្លាយជាប្រធានាធិបតី លោក Prabowo ធ្លាប់បានចូលរួម និងចាញ់ការប្រកួតប្រជែង ក្នុងការបោះឆ្នោតសកល២លើក រួចមកហើយ គឺនៅឆ្នាំ២០១៤ និងឆ្នាំ២០១៩ ហើយបានកាន់តួនាទីជា […]

(តេហេរ៉ង់)៖ កាលពីថ្ងៃសៅរ៍ ទី១៩ ខែតុលា បេសកកម្មអ៉ីរ៉ង់ប្រចាំនៅអង្គការសហប្រជាជាតិ (UN) បាននិយាយថា ក្រុមហេសបូឡាលីបង់ ដែលមានអ៉ីរ៉ង់ផ្ទាល់ជាខ្នងបង្អែក គឺជាអ្នកពីក្រោយ ការវាយប្រហារដោយយន្តហោះដ្រូនលើ ផ្ទះរបស់នាយករដ្ឋមន្រ្តីអ៉ីស្រាអែល លោក Benjamin Netanyahu។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ ឆ្លើយតបនឹងសំណួរថា តើអ៉ីរ៉ង់មានពាក់ព័ន្ធក្នុងការវាយប្រហារនោះដែរឬអត់ បេសកកម្ម UN របស់ទីក្រុងតេហេរ៉ង់ បាននិយាយដូច្នេះថា «សកម្មភាពនេះ ត្រូវបានធ្វើឡើងដោយ ក្រុមហេសបូឡាលីបង់»។ លោក Netanyahu ក៏បានចោទប្រកាន់ក្រុមហេសបូឡាផងដែរ អំពីការព្យាយាមធ្វើឃាតរូបលោក។ កាលពីថ្ងៃសៅរ៍ ការិយាល័យលោក Netanyahu បានឱ្យដឹងថា ដ្រូន១គ្រឿង ដែលហោះមកពីប្រទេសលីបង់ បានវាយប្រហារលើផ្ទះលោកនាយករដ្ឋមន្រ្តីអ៉ីស្រាអែល ប៉ុន្តែពេលនោះ រូបលោកមិននៅឡើយ ហើយមិនមានមនុស្ស រងគ្រោះថ្នាក់ទេ។ រីឯក្រុមហេសបូឡាផ្ទាល់ មិនទាន់ចេញមុខទទួលស្គាល់ នៅឡើយទេ។ គួរបញ្ជាក់ថា ក្រុមហេសបូឡា បានត្រូវបានអូសទាញចូលក្នុងសង្រ្គាមរវាងអ៉ីស្រាអែល និងក្រុមហាម៉ាសប៉ាឡេស្ទីន ដែលផ្ទុះឡើងនៅតំបន់ហ្កាហ្សា ចាប់តាំងពីថ្ងៃទី៧ ខែតុលា ឆ្នាំ២០២៣។ ចលនាប្រដាប់អាវុធទាំង២ សុទ្ធតែមានការគាំទ្រពីអ៉ីរ៉ង់ដូចគ្នា។ អំឡុងសង្រ្គាមនេះ […]

(ភ្នំពេញ)៖ ការប្រកួតកីឡាយុទ្ធគុនចម្រុះខ្មែរបុរាណ «ពានរង្វាន់សម្ដេចបវរធិបតី» លើកទី១ ឆ្នាំ២០២៤ បានឈានដល់ថ្ងៃចុងក្រោយ នៅថ្ងៃទី២០ ខែតុលានេះហើយ ដោយមានកីឡាករ-កីឡាការិនីឆ្នើមៗ នឹងត្រូវប្រកួតវគ្គផ្ដាច់ព្រ័ត្រ ចាប់ពីព្រឹក រហូតដល់ល្ងាច លើវិញ្ញាសាសម្ដែង និងប្រយុទ្ធ ដើម្បីប្រជែងមេដាយមាសពីព្រឹត្តិការណ៍ជាប្រវត្តិសាស្ដ្រដ៏មានសារៈសំខាន់ និងប្រកបដោយគុណតម្លៃថ្លៃថ្លាបំផុតនេះ។ គួររំឮកថា ព្រឹត្តិការណ៍ដ៏អស្ចារ្យនេះ រៀបចំឡើង ក្រោមគំនិតផ្តួចផ្តើមដ៏ខ្ពង់ខ្ពស់ប្រកបដោយចក្ខុវិស័យវែងឆ្ងាយរបស់ សម្តេចមហាបវរធិបតីនាយករដ្ឋមន្រ្តី ហ៊ុន ម៉ាណែត នាយករដ្ឋមន្ដ្រីនៃកម្ពុជា ក្នុងគោលដៅលើកកម្ពស់ អភិរក្ស និងអភិវឌ្ឍ “មរតកយុទ្ធគុនដូនតាខ្មែរ”។ ការប្រកួតប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី១៨-២០ ខែតុលា នៅវិមានពហុកីឡដ្ឋានជាតិអូឡាំពិក ដោយមានប្រតិភូ មន្ដ្រីបច្ចេកទេស គ្រូបង្វឹក និងកីឡាករ-កីឡាការិនីចូលរួមសរុប ៧២២នាក់។ ជាលទ្ធផលក្រោយឆ្លងកាត់ការប្រកួត ២ថ្ងៃកន្លងមក បានរកឃើញកីឡាករ-កីឡាការិនីឆ្នើមៗ ដែលបានឡើងវគ្គផ្ដាច់ព្រ័ត្រ នឹងត្រូវប្រកួតកាត់សេចក្ដីរកម្ចាស់មេដាយមាស នៅថ្ងៃទី២០ ខែតុលានេះ ទៅតាមវិញ្ញាសានីមួយៗ ទាំងកម្រិតវិញ្ញាសាប្រយុទ្ធ (អាជីព) វិញ្ញាសាប្រយុទ្ធ (ស្ម័គ្រចិត្ដ) និងវិញ្ញាសាសម្ដែង។ ខាងក្រោមនេះ គឺជាកម្មវិធីប្រកួតតាមវិញ្ញាសានីមួយៗ៖ ផ្ដល់សិទ្ធិដោយ៖ Freshnews

(ព្យុងយ៉ាង)៖ រដ្ឋមន្រ្តីការបរទេសកូរ៉េខាងជើង នាថ្ងៃអាទិត្យ ទី២០ ខែតុលា បាននិយាយថា ក្រុមឃ្លាំមើលការអនុវត្តទណ្ឌកម្មថ្មីមួយ ដែលដឹកនាំដោយសហរដ្ឋអាមេរិក គឺគ្មានភាពស្រប​ច្បាប់ និងខុសច្បាប់ទាំងស្រុង។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ កាលពីថ្ងៃពុធសប្តាហ៍នេះ អាមេរិក កូរ៉េខាងត្បូង និងជប៉ុន បានប្រកាសពីការបង្កើតក្រុមពហុជាតិថ្មីមួយ ដើម្បីតាមដានការអនុវត្ត​ការដាក់ទណ្ឌកម្មប្រឆាំងកូរ៉េខាងជើង បន្ទាប់ពីរុស្ស៉ីនិងចិន ដែលមានទំនាក់ទំនងជិតស្និទ្ធជាមួយទីក្រុងព្យុងយ៉ាង បានសម្រេចចិត្ត​រារាំងសកម្មភាពឃ្លាំមើលទណ្ឌកម្ម នៅឯអង្គការសហប្រជាជាតិ (UN)។ កាលពីខែមីនាឆ្នាំនេះ ទីក្រុងមូស្គូ បានបោះឆ្នោតជំទាស់ ការបន្តផ្តល់អាណត្តិប្រចាំឆ្នាំ ដល់ក្រុមអ្នកជំនាញ UN ដែលក្នុងរយៈពេល ១៥ឆ្នាំកន្លងមកនេះ បានទទួលបន្ទុកមើលការខុសត្រូវ លើការអនុវត្តទណ្ឌកម្មរបស់អន្តរជាតិ ដែលមានគោលដៅទប់ស្កាត់ កម្មវិធីមីស៉ីល​និងអាវុធនុយក្លេអ៊ែរ របស់ទីក្រុងព្យុងយ៉ាង។ ចិននាពេលនោះ មិនបានបោះឆ្នោតប្រឆាំងក៏ពិតមែន ប៉ុន្តែបានធ្វើអនុបវាទ។ គួរបញ្ជាក់ថា ក្រុមតាមដានទណ្ឌកម្មថ្មីខាងលើ ក៏នឹងត្រូវចូលរួមដោយប្រទេសចំនួន៨ផ្សេងទៀត ផងដែរ ក្រៅពីអាមេរិក កូរ៉េខាងត្បូង និងជប៉ុន។ យោងតាមសេចក្តីរាយការណ៍ របស់ប្រព័ន្ធផ្សព្វផ្សាយរដ្ឋកូរ៉េខាងជើង KCNA រដ្ឋមន្រ្តីការបរទេសកូរ៉េខាងជើង លោកស្រី Choe Son Hui បានរិះគន់បន្ថែមទៀតថា […]

(ភ្នំពេញ)៖ បុគ្គលឈ្មោះ កាម៉ារូទីន ស៊ូហៃមី អ្នកគ្រប់គ្រងសន្តិសុខសណ្តាប់ធ្នាប់ អនាម័យ និងសុខភាពនៅអន្តេវាសិកដ្ឋានស្រី របស់សាលាឥស្លាម ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនជាបណ្ដោះអាសន្ននៅពន្ធនាគារព្រៃស នាថ្ងៃទី១៩ ខែតុលា ឆ្នាំ២០២៤នេះ។ បុគ្គល កាម៉ារូទីន ស៊ូហៃមី ជនជាតិខ្មែរឥស្លាម ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ សម្រេចឃុំខ្លួនបណ្តោះអាសន្ននៅមណ្ឌលអប់រំកែប្រែទី១ (ម១) ពីបទ ប្រទូស្តកេរ្តខ្មាសមានស្ថានទម្ងន់ទោសទាក់ទងនឹងចារី និងស្ថានទម្ងន់ទោសទាក់ទងទៅនឹងជនរងគ្រោះ ប្រព្រឹត្តចំណុចនៅវិទ្យាស្ថានអាន់នៀកម៉ះអាល់ឥស្លាមីយ៉ះភ្នំពេញ II ស្ថិតនៅក្រុម១ ភូមិ០៤ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ កាលពីកំឡុងខែមីនា ខែកញ្ញា និងក្នុងខែតុលា ឆ្នាំ២០២៤ បទល្មើសព្រហ្មទណ្ឌ ដែលមានបញ្ញត្តិចែងឲ្យផ្តន្ទាទោសតាមមាត្រា២៤៧ និងមាត្រា២៤៨ នៃក្រមព្រហ្មទណ្ឌ។ មុនធ្វើការឃុំខ្លួននេះ លោក ប្លង់ សុផល អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានបញ្ជាក់ថា សំណុំរឿងនេះ តំណាងអយ្យការបានបើកការស៊ើបសួរលើជនសង្ស័យពីបទ ៖ *ទី១៖ រំលោភសេពសន្ថវៈមានស្ថានទម្ងន់ទោសទាក់ទងនឹងជនល្មើសតាមមាត្រា ២៤០ នៃក្រមព្រហ្មទណ្ឌ*ទី២៖ ប្រទូស្តកេរខ្មាសមានស្ថានទម្ងន់ទោសទាក់ទងនឹងចារី និង ស្ថានទម្ងន់ទោសទាក់ទងទៅនឹងជនរងគ្រោះ តាមមាត្រា ២៤៧ និងមាត្រា […]

(ភ្នំពេញ)៖ លោកស្រីសាស្ត្រាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាល បានគូសបញ្ជាក់ថា មកដល់ពេលនេះ គិលានុបដ្ឋាក កំពុងបម្រើការងារគ្រប់កម្រិតនៃប្រព័ន្ធសុខាភិបាល ក្នុងទីតាំងសេវាសុខាភិបាលរដ្ឋ មានចំនួន ១,៥៦៥ទីតាំង ដែលក្នុងនោះមានប៉ុស្ដិ៍សុខភាព មណ្ឌលសុខភាព មន្ទីរពេទ្យបង្អែក និងមន្ទីរពេទ្យជាតិ។ ចំណែកសេវាសុខាភិបាលឯកជន មានចំនួន ១៧,៩៨៨ទីតាំង មានបន្ទប់ថែទាំជំងឺ គ្លីនិកពហុព្យាបាល និងមន្ទីរពេទ្យឯកជនផ្សេងៗទៀត។ ដូច្នេះគិលានុបដ្ឋាក ធ្វើការគ្រប់ទីតាំងទាំងអស់ ត្រូវតែចុះបញ្ជីកាជាមួយគណៈគិលានុបដ្ឋាកជាដាច់ខាត ដើម្បីបញ្ជាក់ថា គិលានុបដ្ឋាកម្នាក់ៗ មានសមត្ថភាពគ្រប់គ្រាន់ ក្នុងពេលផ្ដល់សេវាជូនប្រជាពលរដ្ឋរបស់យើង។ ការថ្លែងបែបនេះរបស់លោកស្រីសាស្ដ្រាចារ្យ ក្នុងឱកាសអញ្ជើញជាអធិបតី ក្នុងពិធីប្រកាសស្ដីពី ការទទួលស្គាល់សមាសភាពក្រុមប្រឹក្សាគណៈគិលានុបដ្ឋាកជាតិ អាណត្ដិទី៣ នៅថ្ងៃទី១៩ ខែតុលា ឆ្នាំ២០២៤ ដែលលោក ជា សុភក្រ្ដមុនីរ័ត្ន ត្រូវបានប្រកាសជាប្រធានក្រុមប្រឹក្សាគណៈគិលានុបដ្ឋាកអាណត្ដិទី៣នេះ។ លោកស្រីសាស្ត្រាចារ្យ អ៊ឹម សិទ្ធិការ្យ បានថ្លែងបន្ដថា គណៈគិលានុបដ្ឋាកកម្ពុជា នៅក្នុងឆ្នាំ២០២៤នេះ បានចុះបញ្ជីកាប្រហែល៨០% ស្មើនឹង២៤ពាន់នាក់ ប្រសិនបើយើងចុះឱ្យបាន ១០០% ប្រហែលជាចំនួន គិលានុបដ្ឋាកមានប្រហែល ៣០ពាន់នាក់ កំពុងផ្ដល់សេវាថែទាំទូទាំងប្រទេស ទាំងសេវាសាធារណៈ […]

(ហឺណាន)៖ ដោយទទួលបានការអនុញ្ញាតពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នាថ្ងៃទី១៩ ខែតុលា ឆ្នាំ២០២៤ លោក ហួត ហាក់ រដ្ឋមន្រ្តីក្រសួងទេសចរណ៍ បានដឹកនាំគណៈប្រតិភូជាន់ខ្ពស់ក្រសួងទេសចរណ៍ និងក្រុមកីឡាករគុនល្បុក្កតោកម្ពុជា ចូលរួមពិធីបើកព្រឹត្តិការណ៍ពិធីបុណ្យក្បាច់គុនសៅលីញវូស៊ូអន្តរជាតិ លើកទី១៣ (The 13th China Zhengzhou International Shaolin Wushu Festival)។ ពិធីបើកព្រឹត្តិការណ៍នេះមានការចូលរួមពី ថ្នាក់ដឹកនាំរដ្ឋបាលខេត្តហឺណាន រដ្ឋបាលក្រុងចឹងចូវ សមាគមវូស៊ូ ព្រះចៅអធិការវត្តសៅលីញ ដែលមានការចូលរួមពី៥៦ប្រទេស កីឡាករ សមាគមទេសចរណ៍ ផ្នែកឯកជន និងភ្ញៀវទេសចរជាតិ និងអន្តរជាតិ សរុបប្រមាណ១២០០០នាក់ និងសិស្ស គ្រូសម្តែងក្បាច់គុន មានចំនួនប្រមាណ៣ម៉ឺននាក់។ ដូច្នេះតាមរយៈព្រឹត្តិការណ៍អន្តរជាតិលំដាប់ពិភពលោកនេះ លោករដ្ឋមន្ត្រីមានជំនឿយ៉ាងមុតមាំថា កម្ពុជាអាចផ្សព្វផ្សាយកាន់តែទូលំទូលាយនូវក្បាច់គុនខ្មែរ វប្បធម៌ ប្រពៃណី និងសក្តានុពលទេសចរណ៍ដ៏សម្បូរបែបរបស់ប្រទេសកម្ពុជាទៅកាន់ពិភពលោក៕ ផ្ដល់សិទ្ធិដោយ៖ Freshnews

(ប៉ៃលិន)៖ លោកស្រីបណ្ឌិត បាន ស្រីមុំ អភិបាលខេត្ត និងជាប្រធានគណៈកម្មធិការគ្រប់គ្រងគ្រោះមហន្តរាយខេត្តប៉ៃលិន អមដំណើរដោយក្រុមការងារ និងមន្ត្រីជំនាញពាក់ព័ន្ធ ព្រមទាំងអាជ្ញាធរមូលដ្ឋាន នៅព្រឹកថ្ងៃទី១៩ ខែតុលា ឆ្នាំ២០២៤នេះ បានអញ្ជើញចុះពិនិត្យមើលស្ថានភាពជំនន់ទឹកភ្លៀង និងផលប៉ះពាល់ នៅតាមបន្ទាត់ព្រំដែនកម្ពុជា-ថៃ ដើម្បីធ្វើការជួយសង្គ្រោះប្រជាពលរដ្ឋបានទាន់ពេលវេលា។ លោកស្រីបណ្ឌិត បាន ស្រីមុំ បានលើកឡើងថា ដោយសារប៉ុន្មានថ្ងៃនេះ មានភ្លៀងធ្លាក់ច្រើនថ្ងៃជាប់ៗគ្នា បានធ្វើឱ្យជន់លិចលំនៅដ្ឋាន របស់ប្រជាពលរដ្ឋ បណ្តាលអោយខូចខាតផលដំណាំ សម្ភារៈប្រើប្រាស់ សត្វចិញ្ចឹម និងហេដ្ឋារចនា សម្ព័ន្ធមួយចំនួនផងដែរ ដូច្នេះសូមអាជ្ញាធរមូលដ្ឋាន ត្រូវសហការជាមួយ អង្គភាពជំនាញ ពាក់ព័ន្ធ ជាពិសេសមន្ទីរធនធានទឹក និងឧតុនិយមខេត្ត ត្រូវសិក្សារកទីតាំងរំដោះទឹកចេញ បើសិនជាជំនន់ ទឹកភ្លៀងមានស្ថានភាព មិនល្អ ព្រមទាំងធ្វើការជួយសង្គ្រោះប្រជាពលរដ្ឋឱ្យបានទាន់ពេលវេលា។ នៅក្នុងឱកាសនោះ លោកស្រីអភិបាលខេត្ត ក៏បានអំពាវនាវដល់បងប្អូនប្រជាពលរដ្ឋ ដែលរស់នៅតាមអូរព្រំដែន និងផ្នែកខាងក្រោម សូមមានការប្រុងប្រយ័ត្នខ្ពស់ នៅពេលដែលមានភ្លៀងធ្លាក់ច្រើនថ្ងៃជាប់គ្នា ហើយបើមានបញ្ហាអ្វីកើតឡើង ត្រូវរាយការណ៍មកកាន់អាជ្ញាធរមូលដ្ឋានឱ្យបានទាន់ពេលវេលា ជាពិសេស ត្រូវយកចិត្តទុក្ខដាក់ ថែទាំសុខភាព និងរស់នៅប្រកបដោយអនាម័យ ដើម្បីជៀសវាងកើតមានជម្ងឺតម្កាត់ផ្សេងៗ។ សូមរំលឹកថា ខេត្តប៉ៃលិន […]

រាជធានីភ្នំពេញ ៖ GANZBERG តែងតែយកចិត្តទុកដាក់ដល់ប្រជាពលរដ្ឋខ្មែរ គ្រប់កាលៈទេសៈ តាមរយៈសកម្ម ភាពសប្បុរសធម៌ផ្សេងៗគ្រប់២៥ រាជធានីខេត្តទូទាំងប្រទេស។ អតិថិជន GANZBERG ទាំងក្នុងរាជធានីភ្នំពេញ និងនៅតាមបណ្តាខេត្តជឿថា GANZBERG ពិតជាក្រុមហ៊ុនធំ និងមានចិត្តទូលាយតាមរយៈសកម្មភាពមនុស្សធម៌ជាច្រើនដូចជា៖ ការចាក់សាំងម៉ូតូហ្រ្វីជូនប្រជាពលរដ្ឋកាលពីថ្ងៃទី ២៨ – ២៩ – ៣០ ខែកញ្ញា ឆ្នាំ២០២៤ GANZBERG ពួកម៉ាកល្អ ចាក់សាំងម៉ូតូហ្រ្វីជូនប្រជាពលរដ្ឋទៅលេងស្រុកកំណើតរាប់ម៉ឺនគ្រឿង ដើម្បីអបអរឱកាសបុណ្យភ្ជុំបិណ្ឌប្រពៃណីជាតិខ្មែរ។ បើទោះពិធីបុណ្យភ្ជុំបិណ្ឌប្រពៃណីជាតិខ្មែរចប់ទៅហើយក្តី GANZBERG ពួកម៉ាកល្អ នៅតែបន្តសកម្មភាពចាក់សាំងម៉ូតូហ្វ្រីជូនប្រជាពលរដ្ឋនៅខេត្តពោធិ៍សាត់ កាលពី ថ្ងៃទី ០៩ ខែតុលា ឆ្នាំ២០២៤ ។ GANZBERG ពួកម៉ាកល្អ នៅតែបន្តចាក់សាំងម៉ូតូហ្រ្វីជូនប្រជាពលរដ្ឋ នៅស្រុភ្នំស្រួច ខេត្តកំពង់ស្ពឺ និងប្រជាពលរដ្ឋនៅស្រុកសំរោង ខេត្តតាកែវ ចំនួនម៉ូតូរាប់ម៉ឺនគ្រឿង កាលពីថ្ងៃទី១២ ខែតុលា ២០២៤ ផងដែរ។ ក្រៅពីសកម្មភាពការងារសប្បុរសធម៌ GANZBERG តែងតែលើកស្ទួយគុនខ្មែរឡើងដល់កម្រិតពិភពលោក និងតែងតែនាំយកមហាព្រឹត្តិការណ៍ប្រដាល់គុនខ្មែរដ៏ធំអស្ចារ្យជូនដល់អ្នកគាំទ្រវិស័យគុនខ្មែរ។ យើងខ្ញុំសូមជំរាបថា លោកអ្នកពិតជាបានចូលរួមចំណែកយ៉ាងសំខាន់ក្នុងការបង្កើតឱ្យមានកម្មវិធីសប្បុរសធម៌នេះកើតឡើង […]

(ភ្នំពេញ)៖ សហព័ន្ធកីឡាប៊ីយ៉ាកម្ពុជា បានបញ្ជូនប្រតិភូ និងកីឡាករសរុបចំនួន ៤រូប ចូលរួមការប្រកួតវិញ្ញាសាស្នូកឃ័រអន្ដរជាតិលក្ខណៈបើកទូលាយ នៅប្រទេសសិង្ហបុរី ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេម ឆ្នាំ២០២៥ ខាងមុខ។ ថ្លែងមុនចាកចេញពីមាតុភូមិ កាលពីថ្ងៃសៅរ៍កន្លងទៅ លោក ម៉ារ៉ា សុជាតិ អគ្គលេខាធិការហព័ន្ធ និងជាប្រធានប្រតិភូដឹកនាំ បានបញ្ជាក់ថា បេសកកម្មនេះ សហព័ន្ធបានបញ្ជូនកីឡាករ ២រូប គឺកីឡាករ នាង តុលា និង កែវ រ៉ាវី ។ ចំពោះការប្រកួត Singapore Open នេះដែរ គឺជាការប្រកួតលក្ខណៈ Pre-SEA Games មួយ សម្រាប់វាស់ស្ទង់បណ្ដាប្រទេសក្នុងតំបន់ត្រៀមឆ្ពោះទៅការប្រកួតកីឡាស៊ីហ្គេម លើកទី៣៣ ឆ្នាំ២០២៥ នៅថៃ។ លោកថា ការប្រកួតនេះ ម្ចាស់ផ្ទះសិង្ហបុរី បានស្នើសុំគ្រប់បណ្តាប្រទេសក្នុងតំបន់ទាំងអស់ បញ្ជូនតែកីឡាករជម្រើសជាតិរបស់ខ្លួន ក្នុង ១ប្រទេសចំនួន ២នាក់ដូចៗគ្នា។ បន្ថែមលើនេះ សិង្ហបុរី ក៏បានស្ងើចសរសើរចំពោះការប្រកួតកីឡាស៊ីហ្គេម ឆ្នាំ២០២៣ នៅកម្ពុជា ហើយបានអញ្ជើញកីឡាករកម្ពុជា ២រូបចូលរួមប្រកួតផងដែរ ដើម្បីជាកម្ដៅសាច់ដុំត្រៀមការប្រកួតស៊ីហ្គេមបន្ទាប់ […]