(ភ្នំពេញ)៖ ក្មេងស្រីរងគ្រោះដោយការរំលោ.ភបូក នៅសៀមរាបបានមកដល់អង្គការ AFESIP Cambodia នៅភ្នំពេញ ដោយមានការទទួលស្វាគមន៍ដោយលោកស្រី ម៉ម សុម៉ាលី ប្រធានអង្គការ។ ក្មេងស្រីរូបនេះ ត្រូវជនសង្ស័យទាំង២០នាក់ បានប្រព្រឹត្តអំពើរំលោ.ភសេពសន្ធវៈនៅ៣ទីតាំងផ្សេងគ្នា និង៣ថ្ងៃជាប់ៗគ្នា ពោលចាប់ពីថ្ងៃទី១៥ ១៦ និងទី១៧ ខែមេសា៕ ផ្ដល់សិទ្ធិដោយ៖ Freshnews

(ភ្នំពេញ)៖ កុមារា ហ៊ុន ពេជមុន្នីរិទ្ធិសិដ្ឋ កូនប្រុសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាចៅរបស់ សម្តេចតេជោ ហ៊ុន សែន ទទួលបានចំណាត់ថ្នាក់លេខ១ ពីការប្រកួតគណិតវិទ្យាកម្រិតតំបន់ និងពិភពលោក។ យោងតាមវិញ្ញាបនប័ត្រ ដែលចេញដោយអ្នកគ្រប់គ្រងកម្មវិធីប្រកួតកាលពីថ្ងៃទី១ ខែឧសភា ឆ្នាំ២០២៤ បានឱ្យដឹងថា កម្មវិធីប្រកួតប្រជែងគណិតវិទ្យា «CARIBOU» នេះ មានអ្នកចូលរួមប្រកួតប្រជែងក្នុងតំបន់ និងលើពិភពលោកប្រមាណ ១៧៣០នាក់។ ជាលទ្ធផលកុមារា ហ៊ុន ពេជមុន្នីរិទ្ធិសិដ្ឋ ទទួលបានចំណាត់ថ្នាក់លេខ១។ នេះមិនមែនជាលទ្ធផលលើកដំបូងនោះទេ កន្លងទៅ កុមារា ពេជមុន្នីរិទ្ធិសិដ្ឋ ក៏ធ្លាប់ដណ្តើមបានចំណាត់ថ្នាក់កំពូលតារាងពីកម្មវិធីប្រកួតនេះផងដែរ៕ ផ្ដល់សិទ្ធិដោយ៖ Freshnews

(ភ្នំពេញ)៖ ថ្ងៃនេះ កាលពីឆ្នាំមុន គឺជាថ្ងៃប្រវត្តិសាស្ដ្រសម្រាប់កម្ពុជា បន្ទាប់ពីរង់ចាំអស់រយៈពេល ៦៤ឆ្នាំ ហើយក៏ជាពេលវេលាដ៏រំភើប ក្ដុកក្ដួល និងអស្ចារ្យបំផុត ដែលបង្ហាញថា «ខ្មែរអាចធ្វើបាន» ទៅកាន់ពិភពលោក តាមរយៈពិធីបើកមហាព្រឹត្តិការណ៍កីឡាស៊ីហ្គេម (SEA Games) លើកទី៣២ នៅថ្ងៃទី០៥ ខែឧសភា ឆ្នាំ២០២៣ ដែលគិតត្រឹមថ្ងៃនេះ គឺជាគម្រប់ខួប ១ឆ្នាំគត់ ដែលបានបន្សល់នូវមោទនភាពជាតិ និងការចងចាំជានិច្ចនូវរាល់អនុស្សាវរីយ៍ សម្រាប់ប្រជាជនកម្ពុជា ក៏ដូចជាបណ្ដាប្រទេសក្នុងតំបន់ និងលើពិភពលោក។ លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានចាត់ទុកសមិទ្ធផលដ៏អស្ចារ្យជាប្រវត្តិសាស្ដ្រខាងលើ ដែលបានកើតឡើង កាលពី ១ឆ្នាំមុន ដោយសារការខិតខំប្រឹងប្រែង និងលះបង់ចូលរួមរៀបចំពីថ្នាក់ដឹកនាំកំពូលៗ និងស្ថាប័នពាក់ព័ន្ធជាច្រើន ដែលមានសម្ដេចពិជ័យសេនា ទៀ បាញ់ ជាប្រធាន CAMSOC និងលោកបណ្ឌិត ថោង ខុន ជាអនុប្រធានអចិន្ដ្រៃយ៍ ពិសេសក្រោមអគ្គមគ្គុទេសក៏ប្រកបដោយគតិបណ្ឌិតដ៏ប៉ិនប្រសប់របស់សម្ដេចតេជោ ហ៊ុន សែន អតីតនាយករដ្ឋមន្ដ្រី និងជាប្រធានព្រឹទ្ធសភាបច្ចុប្បន្ន។ ក្រោយបិទបញ្ចប់ព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ […]

(ភ្នំពេញ)៖ លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានស្នើដល់ក្រុមគ្រូពេទ្យទាំងអស់ទាំងក្នុងវិស័យសាធារណៈ និងជាពិសេសវិស័យឯកជន សូមបង្កើនការយកចិត្តទុកដាក់ខ្ពស់ ក្នុងការទទួលខុសត្រូវអាយុជីវិតប្រជាពលរដ្ឋ និងត្រូវពង្រឹងការផ្តល់សេវាសុខាភិបាល ប្រកបដោយក្រមសីលធម៌វិជ្ជាជីវៈ ស្របតាមនិយមសុខាភិបាល។ ការថ្លែងដូច្នេះរបស់លោកសាស្រ្តាចារ្យ ឈាង រ៉ា ក្នុងឳកាសអញ្ជើញជាអធិបតីក្នុងពិធីបើកសិក្ខាសាលាសមាគមគ្រូពេទ្យទារក លើកទី៣ ក្រោមប្រធានបទ «START4NEWBORN-ការជួយសង្គ្រោះទារកទើបនឹងកើត» និងក្នុងពិធីបំពាក់គ្រឿងឥស្សរិយយសមេដាយជូនដល់ថ្នាក់ដឹកនាំ មន្រ្តីរាជការសុខាភិបាល ដែលមានស្នាដៃក្នុងការបំពេញ ដោយរៀបចំឡើងនៅមន្ទីរពេទ្យកាល់ម៉ែត នៅថ្ងៃទី៤ ខែឧសភា ឆ្នាំ២០២៤នេះ។ ពិធីនេះដែរមានការអញ្ជើញចូលរួមផ្ទាល់ និងតាមប្រព័ន្ធវីដេអូសន្និសីទពីសំណាក់ រដ្ឋលេខាធិការ អនុលេខាធិការ ទីប្រឹក្សាក្រសួង អគ្គនាយកមន្ទីរពេទ្យកាល់ម៉ែត និងលោក Dr. Denis Laurent អគ្គនាយកមូលនិធិមន្ទីរពេទ្យគន្ធបុប្ផា លោកសាស្រ្តាចារ្យ Jean-Claude FAUCHER ដែលជាសាស្រ្តាចារ្យខាងផ្នែកទារក មកពីសាកលវិទ្យាល័យមន្ទីរពេទ្យ Zurich ប្រទេសស្វីស ព្រមទាំងលោក លោកស្រី ប្រធាននាយកដ្ឋាន នាយកមន្ទីរពេទ្យជាតិ មជ្ឈមណ្ឌលជាតិ តំណាងអង្គការដៃគូ និងសមាជិក សមាជិកានៃសមាគមគ្រូពេទ្យទារកកម្ពុជា សរុបចំនួន ១៨៨រូប។ សិក្ខាសាលានេះរៀបចំឡើងក្នុងគោលបំណង […]

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពីស្ថានភាពធាតុអាកាសនៅកម្ពុជា សម្រាប់ថ្ងៃទី៥ ខែឧសភា ឆ្នាំ២០២៤។ ក្រសួងបញ្ជាក់ថា សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៤៖ ១. តំបន់វាលទំនាប ៖ * សីតុណ្ហភាពអប្បបរមា២៦°C និងសីតុណ្ហភាពអតិបរមា៣៨°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទី។ តំបន់ភាគអាគ្នេយ៍មានខេត្តស្វាយរៀង ខេត្តព្រៃវែង ខេត្តកណ្តាល និងខេត្តកំពង់ចាម អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី១៥%។ ២.តំបន់ខ្ពង់រាប ៖ * សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម២,៥ម៉ែត្រ/វិនាទី។ តំបន់ភាគឧត្តរ មានខេត្តព្រះវិហារ ខេត្តស្ទឹងត្រែង និងទិសឦសាន ខេត្តរតនគិរី ខេត្តមណ្ឌលគិរី និងខេត្តក្រចេះអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី២៥%។ ៣.តំបន់មាត់សមុទ្រ ៖ * សីតុណ្ហភាពអប្បបរមា២៥°C […]

(ភ្នំពេញ)៖ គម្រោងដំណើរការងារធ្វើតេស្តរកសារធាតុញៀនក្នុងទឹកមូត្រ ដោយប្រើឧបករណ៍តេស្តរហ័ស ចំពោះថ្នាក់ដឹកនាំ មន្ត្រីរាជការ មន្ត្រីជាប់កិច្ចសន្យារបស់ក្រសួងព័ត៌មាន បានលើកមកពិភាក្សាក្នុងឱកាស នៃកិច្ចប្រជុំបច្ចេកទេសពាក់ព័ន្ធនឹងការងារប្រយុទ្ធប្រឆាំងគ្រឿងញៀន នៅព្រឹកថ្ងៃទី៤ ខែឧសភា ឆ្នាំ២០២៤ នាសាលប្រជុំព្រះវិហារ ក្រោមអធិបតីភាពលោក នេត្រ ភក្ត្រា រដ្ឋមន្ត្រីក្រសួងព័ត៌មាន និងមានការអញ្ជើញ ចូលរួមពីថ្នាក់ដឹកនាំ មន្ត្រីជំនាញ បច្ចេកទេស នៃអាជ្ញាធរជាតិប្រយុទ្ធប្រឆាំងគ្រឿងញៀន ដែលនឹងមកជួយបង្ហាត់បង្រៀនពន្យល់ពីកិច្ចការងារមួយចំនួនដល់មន្ត្រីបង្គោល ក្រសួងព័ត៌មាន ដើម្បីឱ្យអង្គភាពនីមួយៗអាចចេះធ្វើតេស្តទឹក មូត្រដោយខ្លួនឯង និងបានយល់ដឹងពីរបៀបនៃដំណើរការធ្វើតេស្តរកសារធាតុញៀន។ រដ្ឋមន្រ្តី នេត្រ ភក្ត្រា បានថ្លែងថា កិច្ចការងារធ្វើតេស្តរកសារធាតុញៀនក្នុងជួរថ្នាក់ដឹកនាំ មន្ត្រីរាជការ នៃក្រសួងព័ត៌មាន គឺធ្វើឡើងដើម្បីស្របទៅនឹងការអនុវត្តបទបញ្ជារបស់ប្រមុខរាជរដ្ឋាភិបាល លេខ ០១ បប កាលពីថ្ងៃទី២០ ខែកុម្ភៈ ឆ្នាំ២០២៤ ស្តីអំពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ។ តាមរយៈកិច្ចការងារនេះ ក្រសួងព័ត៌មាន បានបង្កើតគណៈកម្មការរៀបចំធ្វើតេស្តរហ័សនៅក្នុងទឹកមូត្រ របស់មន្រ្តីរាជការ ថ្នាក់ដឹកនាំក្រសួងព័ត៌មាន ហើយគណៈកម្មការផ្ទៃក្នុងនេះ គឺង្កើតឡើងដើម្បីពិនិត្យការតវ៉ា បើសិនជាមាន បញ្ហាកើតឡើងចង់ឲ្យមានការធ្វើតេស្តឡើងវិញ គឺអនុវត្តតាមយន្តការរបស់អាជ្ញាធរជាតិប្រយុទ្ធប្រឆាំងគ្រឿងញៀន ដោយមានកិច្ចសហការជាមួយក្រសួងសុខាភិបាល […]

(ម៉ានីល)៖ ប្រទេសហ្វីលីពីន នឹងតម្រូវឱ្យសិស្សនៅតាមសាលារដ្ឋទាំងអស់រៀនតាមប្រព័ន្ធអនឡាញរយៈពេល២ថ្ងៃ ដោយសារតែរលកកម្ដៅក្ដៅខ្លាំងពេក និងការធ្វើកូដកម្មរបស់ក្រុមអ្នកបើករថយន្ដក្រុង jeepney នៅទូទាំងប្រទេស។ នេះបើតាមការបញ្ជាក់ពីក្រសួងអប់រំហ្វីលីពីន ដកស្រងចេញផ្សាយដោយ ទីភ្នាក់ងារសារព័ត៌មាន AFP។ នៅក្នុងសារមួយបង្ហោះលើបណ្ដាញទំនាក់ទំនងសង្គម Facebook នៅថ្ងៃអាទិត្យ ទី២៨ ខែមេសានេះ ក្រសួងអប់រំហ្វីលីពីន បានគូសបញ្ជាក់ដូច្នេះថា «ផ្អែក លើការព្យាករពីរលកម្ដៅដ៏ក្ដៅ ….គួបផ្សំនឹងការប្រកាសធ្វើកូដកម្មរបស់ក្រុមអ្នកបើកបររថយន្ដក្រុង សាលរដ្ឋទាំងអស់ទូទាំងប្រទេសនឹងត្រូវបើកបង្រៀនតាម ប្រព័ន្ធអនឡាញចាប់ពីថ្ងៃទី២៩ ដល់ថ្ងៃទី៣០ ខែមេសា ឆ្នាំ២០២៤»។ រលកកម្ដៅខុសប្លែកពីសព្វដង បានវាយប្រហារលើប្រទេសហ្វីលីពីនអស់រយៈពេលច្រើនសប្ដាហ៍មកហើយ ដោយបង្ខំឱ្យសាលារាប់ពាន់កន្លែងត្រូវបើកបង្រៀន តាមប្រព័ន្ធអនឡាញ ខណៈក្រសួងអប់រំហ្វីលីពីនកំពុងត្រួតពិនិត្យតាមដានលើសាលាជាង ៤៧ ០០០កន្លែងនៅទូទាំងប្រទេស។ សាលារៀនជាច្រើនក្នុងប្រទេសហ្វីលីពីន មិនមានបំពាក់ម៉ាស៊ីនត្រជាក់នោះទេ ដែលនេះបានផ្ដល់ការលំបាកដល់សិស្សអំឡុងរងការវាយប្រហារដោយរលក កម្ដៅនេះ។ ចំណែក ក្រុមអ្នកបើករថយន្ដក្រុង jeepney វិញ ក៏បានប្រកាសពីការធ្វើកូដកម្មទូទាំងប្រទេសរយៈពេល ៣ថ្ងៃផងដែរ ដោយចាប់ផ្ដើមពីថ្ងៃចន្ទ ដើមសប្ដាហ៍ក្រោយនេះ ដើម្បីសម​្ដែងការមិនពេញចិត្តចំពោះផែនការរបស់រដ្ឋាភិបាលដែលចង់បញ្ឈប់ការប្រើប្រាស់ជាដំណាក់កាល នូវរថយន្ដក្រុងបញ្ចេញ ផ្សែងហ៊ុយមួយនេះ ត្រូវបានប្រើប្រាស់ដោយ​ប្រជាជនហ្វីលីពីនជាច្រើនជាមធ្យោបាយធ្វើដំណើរទៅធ្វើការ និងទៅសាលារៀន៕ ផ្ដល់សិទ្ធិដោយ៖ Freshnews

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់យ៉ាងច្បាស់ថា រាជរដ្ឋាភិបាលកម្ពុជាគ្មានគម្រោងប្រមូលថវិកាពីប្រជាពលរដ្ឋ ដើម្បីយកមកធ្វើគម្រោងព្រែកជីកហ្វ៊ូណន-តេជោនោះឡើយ។ ការបញ្ជាក់នេះធ្វើឡើងក្នុងពិធីសំណេះសំណាលជាមួយសហជីពសេដ្ឋកិច្ចក្រៅប្រព័ន្ធ និងសមាគមបុគ្គលិកសិក្សាជាង៥ពាន់នាក់ អបអរសាទរទេវិពលកម្មអន្តរជាតិ ១ ឧសភា នាថ្ងៃទី២៨ ខែមេសា ឆ្នាំ២០២៤។ នាឱកាសនោះ សម្ដេចធិបតីបានឱ្យដឹងថា មានមហាជនមួយចំនួនលើកឡើងមកសម្ដេចថា ចង់បង្កើតមូលនិធិ ចង់បង្កើតគណនីធនាគារ ដើម្បីឱ្យប្រជាពលរដ្ឋផ្សេងទៀតមានវិភាគទានចូលរួមក្នុងការជួយគាំទ្រគម្រោងព្រែកជីកហ្វ៊ូណន-តេជោ។ សម្ដេចបានបញ្ជាក់ថា «ពេលនេះគឺយើងមិនមានតម្រូចវការដើម្បីឱ្យបងប្អូនចូលរួមថវិកានោះទេ រាល់គម្រោងយើងបានគិតពីគម្រោងហិរញ្ញវត្ថិ ធានារាប់ឆ្នាំមកហើយ យើងអរគុណណាស់ទៅហើយចំពោះទឹកចិត្តស្មារតីគាំទ្រស្មារតីជាតិនិយមនេះឯង នេះគឺជាកម្លាំងធំណាស់ ធំជាងថវិកា១០ពានលានដុល្លារទៅទៀត»។ សម្ដេចធិបតីបានបន្តថា ផ្ទះយើងមានសន្តិភាព មានសុខដុមរមនីយកម្ម រួមគ្នាកសាងសមិទ្ធផលថ្មីសម្រាប់យើង និងកូនចៅយើងតទៅទៀត កម្លាំងមហិមានេះហើយជាកម្លាំងជាតិនិយមធំណាស់ កម្លាំងជាតិនិយមដែលរួមគ្នាធ្វើដើម្បីផលប្រយោជន៍ជាតិ ដើម្បីឯករាជ្យជាតិ ដើម្បីភាពម្ចាស់ការរបស់យើងតកូនតចៅរាប់សិបឆ្នាំ។ សម្ដេចបានស្នើសូមកុំបង្កើតមូលនិធិ ឬមួយក៏ប្រមូលថវិកាអ្វីទាំងអស់ ក្រែងលោមានអ្នកឆ្លៀតឱកាស រាជរដ្ឋាភិបាលអត់មានគម្រោងប្រមូលថវិកាពីបងប្អូនដើម្បីអនុវត្តគម្រោងនេះទេ សុំត្រឹមតែការគាំទ្រជាកម្លាំងចិត្ត ស្មារតីជាតិនិយមទៅបានហើយ។ សម្ដេចធិបតីបានបន្តទៀតថា ទោះបីមាន ឬមិនមានការចូលរួមពីអ្នកវិនិយោគបរទេស ខ្មែរត្រូវតែធ្វើឱ្យបាននូវគម្រោងព្រែកជីកមួយនេះឱ្យបាន អត់មានថយក្រោយទេ យើងបានរៀបចំសេណារីយ៉ូ៣ជម្រើសរួចទៅហើយ ដែលត្រូវធានាឱ្យបាន ប្រសិនបើគ្មានថវិកាពីវិនិយោគបរទេស ខ្មែរយើងនឹងធ្វើឱ្យទាល់តែបាន វាអត់មានខាតទេ៕ ផ្ដល់សិទ្ធិដោយ៖ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវឲ្យបងប្អូនប្រជាពលរដ្ឋខ្មែរទាំងអស់ គ្រប់និន្នាការ គ្រប់សាសនា ចូលរួមជាមួយរាជរដ្ឋាភិបាលកម្ពុជា ដើម្បីគាំទ្រដល់ការធ្វើគម្រោងព្រែកជីកហ្វូណន-តេជោ ឲ្យសម្រេចបានជោគជ័យ ដើម្បីបម្រើដល់ផលប្រយោជន៍ជាតិ និងដើម្បីប្រជាពលរដ្ឋខ្មែរទាំងអស់គ្នា។ ការអំពាវនាវរបស់សម្ដេចធិបតី ហ៊ុន ម៉ាណែត ធ្វើឡើងក្នុងឱកាសសម្ដេចអញ្ជើញសំណេះសំណាល ជាមួយសហជីព សេដ្ឋកិច្ចក្រៅប្រព័ន្ធ និងសមាគម បុគ្គលិកសិក្សាជាង៥ពាន់នាក់ អបអរសាទរ ទិវាពលកម្មអន្តរជាតិ ១ ឧសភា នាព្រឹកថ្ងៃទី២៨ ខែមេសា ឆ្នាំ២០២៤។ សម្តេចធិបតី ហ៊ុន ម៉ាណែត បានថ្លែងឲ្យដឹងថា «ខ្ញុំសូមអំពាវនាវដល់បងប្អូនប្រជាជនខ្មែរទាំងអស់ គ្រប់និន្នាការ គ្រប់សាសនា ចូលរួមជាមួយរាជរដ្ឋាភិបាលកម្ពុជា ដើម្បីគាំទ្រដល់ការធ្វើគម្រោង ព្រែកជីកហ្វូណន-តេជោ ឲ្យបានជោគជ័យ ដើម្បីយើងបានឃើញទាំងអស់គ្នា»។ សម្ដេចធិបតីបានថ្លែងបន្ដថា កម្ពុជាមានសមិទ្ធផលច្រើនណាស់ ហើយសុទ្ធសឹងតែជាសមិទ្ធផលកម្រិតប្រវត្តិសាស្រ្ដ ដែលយើងបានធ្វើ ក្នុងអាណត្តិមុន នឹងបន្ដធ្វើក្នុងអាណត្តិនេះ ក្នុងអាណត្តិនេះយើងបានបើកសម្ពោធព្រលានយន្ដហោះកម្រិតអន្ដរជាតិមួយ ក្នុងខេត្តសៀមរាប និងជាកម្រិតប្រវត្តិសាស្រ្ដមួយ ហើយក្នុងឆ្នាំ២០២៥ កម្ពុជានឹងបើកព្រលានយន្ដហោះថ្មីមួយទៀតក្នុងទីក្រុងភ្នំពេញ ដែលជាកម្រិតប្រវត្តិសាស្រ្ដធំដូចគ្នាមួយទៀត។ សម្តេចធិបតី ហ៊ុន ម៉ាណែត […]

(ភ្នំពេញ)៖ នៅព្រឹកថ្ងៃអាទិត្យ ៥រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី២៨ ខែមេសា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញសំណេះសំណាលជាមួយសហជីព សេដ្ឋកិច្ចក្រៅប្រព័ន្ធ និងសមាគមបុគ្គលិកសិក្សាខ្មែរប្រមាណ ៥,១៨៧នាក់។ ពិធីនេះរៀបចំឡើងដើម្បីអបអរសាទរខួបអនុស្សាវរីយ៍លើកទី១៣៨ ទិវាពលកម្មអន្តរជាតិ ១ ឧសភា ឆ្នាំ២០២៤ ក្រោមប្រធានបទ «សហគ្រាសមួយជាសហគមន៍សុខសាន្តមួយ»។ ខាងក្រោមជាខ្លឹមសារសំខាន់ៗរបស់សម្តេចធិបតី ហ៊ុន ម៉ាណែត៖ * សម្តេចធិបតី ហ៊ុន ម៉ាណែត បានថ្លែងថា ការជួបជុំអបអរសាទរទិវាពលកម្មអន្តរជាតិ១ឧសភា ជាការបង្ហាញឱ្យឃើញពីការយកចិត្តទុកដាក់ របស់រាជរដ្ឋាភិបាលលើកម្មករ និយោជិត និងវិស័យការងារ។ * សម្តេចធិបតី ហ៊ុន ម៉ាណែត បានថ្លែងថា ការងារ គឺជាកិច្ចការធំណាស់ ដែលរាជរដ្ឋាភិបាលយកចិត្តទុកដាក់ ដើម្បីលើកកម្ពស់សេដ្ឋកិច្ច និងជីវភាពរបស់ប្រជាពលរដ្ឋ។ * សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលមិនអាចចិញ្ចឹមប្រជាពលរដ្ឋនោះទេ […]