(ភ្នំពេញ)៖ នៅរសៀលថ្ងៃទី២១ ខែមករា ឆ្នាំ២០២៤នេះ កម្លាំងការិយាល័យព្រហ្មទណ្ឌកម្រិតធ្ងន់ នៃនាយកដ្ឋាននគរបាលព្រហ្មទណ្ឌ បានធ្វើការបញ្ជូនខ្លួនតារាចម្រៀង និងសម្តែង កែវ ពិសី ហៅ រតនៈ ពិសី ទៅកាន់សាលាដំបូងរាជធានីភ្នំពេញ ដើម្បីប្រគល់ជូនតំណាងអយ្យការសាកសួរ ក្រោយចាប់ខ្លួន ពីបទរំលោភលើទំនុកចិត្ត និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន។ ការឃត់ និងបញ្ជូនខ្លួនតារាសម្តែង កែវ ពិសី គឺធ្វើឡើងដោយយោងតាមពាក្យបណ្ដឹងរបស់ឈ្មោះ ផាន់ សូរិយា ភេទស្រី អាយុ៣១ឆ្នាំ ដោយបានប្តឹងចោទប្រកាន់ឈ្មោះ កែវ ពិសី ពីបទរំលោភលើទំនុកចិត្ត និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ប្រព្រឹត្តនៅចំណុចរាជធានីភ្នំពេញ កាលកំឡុងថ្ងៃទី១៣ ខែមេសា ឆ្នាំ២០២៣។ យោងតាមរបាយការសមត្ថកិច្ចបញ្ជាក់ថា ជនសង្ស័យមានឈ្មោះ កែវ ពិសី ភេទស្រី អាយុ២៧ឆ្នាំ គាត់ជាម្ចាស់ក្រុមហ៊ុន ELI KP TRADING CO LTD ដែលមានអាសយដ្ឋានបច្ចុប្បន្ន ផ្ទះលេខ១៩ ផ្លូវលេខ៥ ភូមិបន្លាស្អិត សង្កាត់ឃ្លាញ ខណ្ឌសែនសុខ រាជធានីភ្នំពេញ។ […]

(អ៉ីស្លាម៉ាបាដ)៖ យន្តហោះដឹកអ្នកដំណើរមួយគ្រឿងរបស់ប្រទេសឥណ្ឌា បានធ្លាក់ក្នុងពេលធ្វើដំណើរឆ្ពោះទៅកាន់ទីក្រុងមូស្គូ នៃប្រទេសរុស្ស៉ី ដោយបានបាត់ចេញពីរ៉ាដាពេញមួយយប់នៅម្តុំតំបន់ភ្នំនៃខេត្ត Badakhshan របស់ប្រទេសប៉ាគីស្ថាន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី២១ ខែមករា ឆ្នាំ២០២៤។ អ្នកនាំពាក្យរបស់ប៉ូលិសខេត្ត បានឲ្យដឹងនៅថ្ងៃអាទិត្យនេះថា ប៉ូលិសនៅភាគខាងជើងអាហ្វហ្គានីស្ថាន បានទទួលដំណឹងអំពីការធ្លាក់យន្តហោះនេះ នៅក្នុងខេត្ត Badakhshan។ បើតាមប្រព័ន្ធផ្សជ្វផ្សាយឥណ្ឌា យន្តហោះនេះបានធ្លាក់ចូលទៅក្នុងតំបន់ Topkhana នៃស្រុក Zebak នៃខេត្ត Badakhshan ហើយភ្លាមៗនេះគេមិនទាន់ដឹងអំពីប្រភេទ​យន្តហោះ ចំនួន​អ្នក​ដំណើរ និងមូលហេតុ​នៃ​ការ​ធ្លាក់​នៅឡើយ​ទេ​៕ ផ្ដល់សិទ្ធិដោយ៖ Freshnews

(វ៉ាស៉ីនតោន)៖ ទីភ្នាក់ងារឧតុនិយមជាតិ (NWS) បានរាយការណ៍ថា ខ្យល់ព្យុះរដូវរងា និងអាកាសធាតុដ៏ត្រជាក់ដែលកំពុងវាយលុកលើតំបន់ជានៃសហរដ្ឋអាមេរិកក្នុងរយៈពេលប៉ុន្មានថ្ងៃមកនេះ ជាមួយនិងផលវិបាកនានាអាចបន្តមកដល់ចុងសប្តាហ៍នេះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអាទិត្យ ទី២១ ខែមករា ឆ្នាំ២០២៤។ ទោះបីជាអាកាធាតុត្រជាក់ត្រូវបានព្យាករនៅទូទាំង ២ ភាគ ៣នៃប្រទេសសម្រាប់ថ្ងៃខាងមុខ រួមជាមួយនិងព្យុះព្រិលប៉ុន្តែវាបានបណ្តាលឲ្យចំនួនអ្នកស្លាប់ដោយសារតែកត្តាអាកាសធាតុនៅសហរដ្ឋអាមេរិកកើនឡើងដល់ ៨៣នាក់កាលពីសប្តាហ៍មុន។ អ្នកស្លាប់ត្រូវបានរាយការណ៍នៅទូទាំងរដ្ឋចំនួន ៨រួមមានរដ្ឋ Illinois, Pennsylvania, Mississippi, Washington, Kentucky, New York និង New Jersey។ លំនាំនៃអាកាសធាតុបែបនោះកំពុងបន្តមកដល់ថ្ងៃចុងសប្តាហ៍នេះ ជាមួយនិងការព្រមានពីភាពត្រជាក់កកនៅទូទាំងតំបន់ឈូងសមុទ្រដ៏ធំ ដែលលាតសន្ធឹងចាប់ពីភាគខាងកើតរដ្ឋ Texas និង Louisiana ឆ្លងកាត់តំបន់ភាគច្រើននៃរដ្ឋ Mississippi, Alabama និងផ្នែកខ្លះនៃរដ្ឋ Florida និង Georgia។ ព្រិល​ក៏​នឹងធ្លាក់​ចុះ​មកលើបឹង Great Lakes និងផ្នែកខ្លះនៃ​តំបន់ Appalachians ភាគ​កណ្តាល និង​ភាគ​ឦសាន​រហូត​ដល់​ល្ងាច​ថ្ងៃ​អាទិត្យ។ គួរបញ្ជាក់ថា ការធ្លាក់ព្រិលក៏អាចនឹងកើតមាននៅលើភ្នំ Sierra Nevada […]

(ភ្នំពេញ)៖ ក្រសួងពាណិជ្ជកម្ម នៅថ្ងៃទី២១ ខែមករា ឆ្នាំ២០២៤នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃនេះ ដល់ថ្ងៃទី៣០ ខែមករា ឆ្នាំ២០២៤ តម្លៃសាំងធម្មតា ត្រូវលក់តម្លៃ ៤ ២០០រៀល និងម៉ាស៊ូត ត្រូវលក់តម្លៃ ៤ ១៥០រៀលក្នុង១លីត្រ៕ ផ្ដល់សិទ្ធិដោយ៖ Freshnews

(សៀមរាប)៖ ក្រៅពីលើកកម្ពស់ស្មារតីស្រឡាញ់អក្សរជាតិ «កម្មវិធីសំណេរអង្គរ» ដែលកម្មវិធីសរសេរតាមអានថ្នាក់ជាតិនោះ ក៏សម្រឹតសម្រាំងយកនូវខ្លឹមសារដែលពាក់ព័ន្ធប្រវត្តិសាស្ត្រ តម្លៃបេតិកភណ្ឌ វប្បធម៌ និងស្មារតីជាតិនិយមជាដើម ផ្សព្វផ្សាយបញ្ជ្រាបជូនសមណសិស្ស បេក្ខជន បេក្ខនារីដែលចូលរួមប្រកួតនេះផងដែរ។ គួរជម្រាបថា កម្ពុជាបានរៀបចំកម្មវិធីប្រកួតសរសេរតាមអានថ្នាក់ជាតិលើកដំបូង នៅលើស្ពានហាលមុខប្រាសាទអង្គរវត្ត ខេត្តសៀមរាប នាព្រឹកថ្ងៃទី២១ ខែមករា ឆ្នាំ២០២៤ ក្រោមការផ្ដួចផ្ដើមដោយលោក លីម ប៊ុនហុក មិត្តភក្តិដែលស្រឡាញ់អក្សរសាស្ត្រ និងក្រុមការងារ ក្រោមកិច្ចសហការយ៉ាងពេញទំហឹងពីក្រសួងវប្បធម៌និងវិចិត្រសិល្បៈ អាជ្ញាធរជាតិអប្សរា ក្រសួងអប់រំ យុវជន និងកីឡា ក្រសួងទេសចរណ៍ និងអង្គភាព ស្ថាប័ន ដៃគូសហការមួយចំនួនទៀត។ លោក លីម ប៊ុនហុក អ្នកផ្ដួចផ្ដើមកម្មវិធីសំណេរអង្គរ បានថ្លែងថា ការរៀបចំកម្មវិធីនេះបានប្រព្រឹត្តទៅយ៉ាងល្អប្រសើរ ដោយមានការចូលរួមពីសមណសិស្ស បេក្ខជន បេក្ខនារីប្រមាណជាង៧០០នាក់ បង្ហាញនូវភាពចម្រុះនៃស្រទាប់សាធារណជន គ្រួសារខ្លះមកចូលរួមប្រកួតទាំង៣ជំនាន់ មានជីតា ឪពុក និងចៅ។ លោក ប៊ុនហុក បានបន្តថា «ប្រធានបទនៃវិញ្ញាសានេះ ខ្ញុំបានធ្វើសេចក្ដីព្រាងជំហានដំបូង ហើយការត្រួតពិនិត្យនិងសម្រឹងសម្រាំងពីសំណាក់គណៈកម្មការជំនាញៗ បន្ទាប់មក ក្រោមការត្រួតពិនិត្យពីក្រសួងអប់រំ យុវជន […]

(ភ្នំពេញ)៖ នៅថ្ងៃទី២១ ខែមករា ឆ្នាំ២០២៤ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ បានឱ្យដឹង គរបាលចរាចរណ៍ចំនួន០៣នាក់ ឈរជើងនៅគោលដៅស្តុបចេនឡា ផ្សារដើមគរ ខណ្ឌទួលគោក និងស្ត្រីជាម្ចាស់ឡាន (អូឌី) ចូលខ្លួនមកបំភ្លឺ នៅការិយាល័យនគរបាលចរាចរណ៍ផ្លូវគោក ក្រោយពីសួរនាំរួច ម្ចាស់រថយន្តក៏បានប្រាប់សមត្ថកិច្ចដោយសារគាត់ខឹងពេកមានអារម្មណ៍ឆេវឆាវដោយសារឃើញរថយន្តឆ្កូតថ្នាំទើបនិយាយជ្រុលជ្រោះប៉ះពាល់ដល់សមត្ថកិច្ច និងធ្វើការបកស្រាយកែសម្រួលពាក្យសម្ដីគាត់ឡើងវិញ។ បន្ថែមផងដែរថា ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ សូមធ្វើការបំភ្លឺជូនសាធារណជនមេត្តាជ្រាបថា៖ បន្ទាប់ពីបានឃើញការផ្សព្វផ្សាយព័ត៌មានផុសនៅលើបណ្តាញសង្គម និងTikTok ជុំវិញការបង្ហោះវិដេអូរបស់ស្ត្រីម្នាក់ទាក់ទងមន្រ្តីនគរបាលចរាចរណ៍ឈរជើងនៅគោលដៅស្តុបចេនឡា ឃាត់រថយន្តធ្វើឱ្យឆ្កូតថ្នាំរថយន្ត។ បន្ទាប់មក ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យលោកវរសេនីយ៍ឯក ដេ ម៉ៅ នាយការិយាល័យនគរបាលចរាចរណ៍ផ្លូវគោក ធ្វើការស្រាវជ្រាវ ហើយនៅរសៀលថ្ងៃទី២០ ខែមករា ឆ្នាំ២០២៤ បានកោះហៅមន្ត្រីនគរបាលចរាចរណ៍ចំនួន០៣នាក់ និងអ្នកពាក់ព័ន្ធ ឱ្យចូលខ្លួនមកបំភ្លឺ ជុំវិញបញ្ហាការបង្ហោះវិដេអូនោះ។ កាលពីថ្ងៃទី១៩ ខែមករា ឆ្នាំ២០២៤ មានស្ត្រីម្នាក់បើកបររថយន្ត(អូឌី) ពណ៌ស តាមផ្លូវមហាវិថីម៉ៅសេទុងគោលបំណងមកម្តុំបឹងសាឡាង លុះដល់ស្តុបចេនឡា ផ្សារដើមគរ ខណ្ឌទួលគោក […]

(បរទេស)៖ កូរ៉េខាងត្បូងថ្មីៗនេះ បានបង្ហាញផែនការរបស់ខ្លួន ក្នុងការបង្កើតមជ្ឈមណ្ឌលផលិតឈីបដ៏ធំជាងគេបំផុតនៅក្នុងពិភពលោក ដែលមានទីតាំងនៅភាគខាងត្បូងទីក្រុងសេអ៊ូល នាឆ្នាំ២០៤៧ ជាមួយទុនវិនិយោគសរុបចំនួន ៦២២ពាន់ពាន់លានវ៉ុន (ប្រហែល ៤៧២ពាន់លានដុល្លារ) ជាមួយក្រុមហ៊ុន Samsung Electronics និង SK Hynix Inc។ នេះបើយោងតាមការចេញ​ផ្សាយរបស់សារព័ត៌មាន Global Times នៅថ្ងៃទី២០ ខែមករា ឆ្នាំ២០២៤។ តាមរយៈគម្រោងនេះ សបញ្ជាក់ឱ្យឃើញថា ប្រទេសកូរ៉េខាងត្បូងបានបង្ហាញផែនការពង្រីកមហិច្ឆិតារបស់ខ្លួនសម្រាប់ឧស្សាហកម្ម «ផលិតផលពាក់កណ្ដាលសម្រេច» បើទោះបីជាសង្រ្គាមបន្ទះឈីបកំពុងតែរីកកាន់តែខ្លាំងឡើង ពីសំណាក់សហរដ្ឋអាមេរិក។ ជាមួយនឹងការពង្រីកផលិតកម្ម កូរ៉េខាងត្បូងអាចនឹងនាំចេញកាន់តែច្រើនទៅកាន់ទីផ្សារចិន។ ប៉ុន្តែដើម្បីធ្វើដូច្នេះបាន ត្រូវតែបន្តកាត់បន្ថយផលប៉ះពាល់នៃការជ្រៀតជ្រែកផ្នែកនយោបាយរបស់សហរដ្ឋអាមេរិក។ អស់រយៈពេលជាយូរមក អាជីវកម្មរបស់ប្រទេសចិន មានចំណែកដ៏សំខាន់នៃការលក់របស់ក្រុមហ៊ុនផលិតគ្រឿង​អេឡិចត្រូនិក​កូរ៉េខាងត្បូង ដូចជា Samsung និង SK Hynix ជាដើម។ ក្នុងរយៈពេលមួយទសវត្សរ៍កន្លងមកនេះ ជាងពាក់កណ្តាល ក្រុមហ៊ុនផលិតគ្រឿង​អេឡិចត្រូនិកកូរ៉េខាងត្បូងពឹងផ្អែកលើការនាំចេញបន្ទះឈីបទៅកាន់ប្រទេសចិន ។​ នេះបើយោងតាមរបាយការណ៍ប្រព័ន្ធផ្សព្វផ្សាយ។ ប្រាក់ចំណូលរបស់ SK Hynix ពីប្រទេសចិនបានឡើងដល់កំពូលជិត ៤៧ភាគរយក្នុងឆ្នាំ២០១៩ ។ ទោះបីជាចំនួននេះ បានថយចុះមកត្រឹម […]

(ត្បូងឃ្មុំ)៖ លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងារថ្នាក់ជាតិចុះមូលដ្ឋាន ខេត្តត្បូងឃ្មុំ បានរៀបចំបង្កើតសួនឧទ្យានទន្លេស្ងួត ដែលជាសមិទ្ធផលមួយថ្មីបន្ថែមទៀត ឆ្ពោះទៅតំបន់សហគមន៍ទេសចរណ៍ធម្មជាតិអព្យាក្រឹតកាបូន។ នៅព្រឹកថ្ងៃសៅរ៍ទី២០ ខែមករា ឆ្នាំ២០២៤ លោកបណ្ឌិត អ៊ាង សុផល្លែត និងលោកជំទាវ បានអញ្ជើញចូលរួមជាអធិបតីបើកការដ្ឋានរៀបចំ សួនឧទ្យានទន្លេស្ងួត នៅក្នុងភូមិថ្នល់កែង ឃុំព្រះធាតុ ស្រុកអូររាំងឪ ខេត្តត្បូងឃ្មុំ។ ព្រឹត្តិការណ៍នៅថ្ងៃនេះ ក៏មានការអញ្ជើញចូលរួមពីលោក ចាយ បូរិន រដ្ឋមន្រ្តីក្រសួងធម្មការ និងសាសនា និងលោកជំទាវ ព្រមទាំង មានការចូលរួមពីលោក លោកស្រី ជាថ្នាក់ដឹកនាំនិងមន្រ្តីរាជការក្រសួងបរិស្ថាន រដ្ឋបាលខេត្តត្បូងឃ្មុំ អាជ្ញាធរមូលដ្ឋាន និងប្រជាពលរដ្ឋជាច្រើននាក់។ តំបន់ទន្លេស្ងួត មានផ្ទៃដី១៤ហិកតា ក្នុងនោះ ឧទ្យានទន្លេស្ងួត គ្រោងរៀបចំបង្កើតឱ្យមានកន្លែងកម្សាន្តបែបធម្មជាតិជាច្រើន ជាដំណាក់កាលៗ ដូចជា កន្លែងជិះទោងកម្សាន្ត លើផ្ទៃដីទំហំប្រមាណ ៨៧៥០ម៉ែត្រការ៉េ ដែលគ្រោងនឹងសាងសង់រួចរាល់ នៅមុនរដូវបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខ លើសពីនេះ តំបន់ទេសចរណ៍ធម្មជាតិ ដែលមានកន្លែងលេងកីឡា (បាល់ទះ និងបាល់ទាត់) […]

(ភ្នំពេញ)៖ ថ្នាក់ដឹកនាំសហព័ន្ធកីឡាប៊ូល និងប៉េតង់កម្ពុជា បានជំរុញឲ្យគ្រប់ភាគីពាក់ព័ន្ធ ធ្វើការពង្រឹងការបណ្ដុះបណ្ដាលជំនាញកម្រិតខ្ពស់ ទាំងគ្រូបង្វឹក និងកីឡាករ-កីឡាការិនី ដើម្បីរក្សាបាននូវកិត្យានុភាពកីឡាប៉េតង់កម្ពុជា តាមរយៈការប្រកួតប្រជែងលើឆាកអន្ដរជាតិ ពិសេសជាមួយបណ្ដាប្រទេសក្នុងតំបន់ ដែលកំពុងមានការរីកចម្រើនគួរឲ្យកត់សម្គាល់។ នេះបើតាមការលើកឡើងរបស់លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានកិត្តិយសសហព័ន្ធ នៅក្នុងសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់សហព័ន្ធ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) កាលពីល្ងាចថ្ងៃទី២០ ខែមករា ឆ្នាំ២០២៤។ ការជំរុញនេះដែរ ស្របពេលលោក សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានសហព័ន្ធ បានដាក់ចេញនូវទិសដៅសំខាន់ៗមួយចំនួន ដើម្បីជំរុញការអភិវឌ្ឍវិស័យកីឡាដ៏មានសក្ដានុពលរបស់កម្ពុជានេះឲ្យកាន់តែរីកចម្រើន តាមរយៈការបណ្ដុះបណ្ដាល ការពង្រឹង និងពង្រីកទំនាក់ទំនង រវាងសហព័ន្ធ ជាមួយបណ្ដាសមាគម/ក្លិប ការពង្រឹង និងពង្រីកការប្រកួតជាតិ-អន្ដរជាតិ និងការពង្រីកវិសាលភាពកីឡាប៉េតង់ជាដើម។ ក្នុងនាមប្រធានកិត្តិយសសហព័ន្ធ លោកឧបនាយករដ្ឋមន្ដ្រី ស សុខា បានសម្ដែងការគាំទ្រ ចំពោះផែនការបើកឲ្យមានវគ្គបណ្ដុះបណ្ដាលគ្រូបង្វឹកកម្រិត A, B និង C ដែលជាកាយវិការមួយដ៏ល្អ ក្នុងការបង្កើតធនធានមនុស្សចាក់ចូលដល់ថ្នាក់ក្រោមជាតិ។ […]

(ភ្នំពេញ)​៖​ មនុស្សប្រុសស្រីបួននាក់បានបាត់បង់អាយុជីវិតភ្លាមៗ នៅនឹងកន្លែងកើតហេតុ នឹងបួននាក់ផ្សេងទៀតរងរបួសធ្ងន់ស្រាល ត្រូវបានរថយន្ដសង្គ្រោះ ដឹកយកទៅសង្គ្រោះភា្លមៗនៅឯមន្ទីពេទ្យ ក្នុងករណីបុរសម្នាក់បើករថយន្ដ Ford Ranger បុករះម៉ូតូនឹងរថយន្ដជាច្រើនគ្រឿង នៅក្រោមស្ពានអាកាសឬស្សីកែវ។ ហេតុការណ៍នេះកើតឡើងកាលពីវេលាម៉ោង៦៖៤០នាទីយប់ថ្ងៃទី២០ ខែមករា ឆ្នាំ២០២៤ ចំណុចក្រោមស្ពានអាកាសឬស្សីកែវ ក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ បើតាមប្រភពនៅកន្លែងកើតហេតុបានប្រាប់ភ្នាក់ងារ​ Fresh News ផ្សាយផ្ទាល់​ឲ្យដឹងថា នៅមុនកើតហេតុគេឃើញចរាចរណ៍ដ៏មមាញឹក នៅចំណុចស្ដុបក្រោមស្ពានអាកាសឬស្សីកែវ ដោយមានអ្នកដំណើរដោយរថយន្ដនឹងម៉ូតូជាច្រើនគ្រឿងឈប់ចាំស្ដុប ស្រាប់តែមានបុរសម្នាក់បើករថយន្ដ Ford Ranger មួយគ្រឿងពណ៍ស ពាក់ស្លាកលេខភ្នំពេញ 2AZ-5854 ធ្វើដំណើរចុះពីស្ពានឬស្សីកែវ ក្នុងទិសដៅពីកើតមកលិច ដោយល្បឿនលឿន មកបុករះក្បាលនាគពុះចែកទ្រូងស្ពាន ម៉ូតូ៤គ្រឿងនឹងរថយន្ដចំនួន២គ្រឿង បណ្ដាលអោយរងការខូចខាត គៀបជាប់ក្រោមរថយន្ដ រ៉ាយប៉ាយពេញផ្លូវ ឯអ្នកជិះលើម៉ូតូបានបាត់បង់អាយុជីវិត៤នាក់ស្រី៣នាក់ប្រុស១នាក់ នឹងរងរបួសធ្ងន់ស្រាលចំនួន៤នាក់ ត្រូវបានរថយន្ដសង្គ្រោះដឹកយកទៅសង្គ្រោះភ្លាមៗ នៅឯមន្ទីពេទ្យកាល់ម៉ែត​ ដោយម៉ូតូរងគ្រោះទី១ម៉ាកហុងដាប៊ីត ពណ៍សលាយខ្មៅពាក់ស្លាកលេខភ្នំពេញ 1KG-7548 ទី២ម៉ាកហុងដាខ្លីកពណ៍ស ពាក់ស្លាកលេខបាត់ដំបង 1AP-7471 ទី៣ម៉ាកហុងដាឌ្រីមសង់ពណ៍ខ្មៅ ពាក់ស្លាកលេខពោធិ៍សាត់ 1J-3821 ទី៤ម៉ាកហុងដាហ្សូមើអិច មិនស្គាល់ស្លាកលេខ។ ឯរថយន្ដរងគ្រោះមានចំនួនពីរគ្រឿង […]