(ភ្នំពេញ)៖ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា បានចេញសេចក្តីជូនដំណឹងពីការកំណត់វិញ្ញាសានៃមុខវិជ្ជាជម្រើស សម្រាប់ការសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤។ តាមលិខិតរបស់រដ្ឋមន្ដ្រី ហង់ជួន ណារ៉ុន ដែលបណ្ដាញព័ត៌មាន Fresh News ទទួលបាននៅថ្ងៃទី០៨ ខែសីហា ឆ្នាំ២០២៤ បានបញ្ជាក់ថា វិញ្ញាសាជម្រើសសម្រាប់ សញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤ ត្រូវបានកំណត់ដូចខាងក្រោម៖ * ១៖ សម្រាប់ថ្នាក់វិទ្យាសាស្ត្រ៖ ប្រវត្តិវិទ្យា* ២៖ សម្រាប់ថ្នាក់វិទ្យាសាស្ត្រសង្គម៖ ផែនដី និងបរិស្ថានវិទ្យា៕ ខាងក្រោមនេះ ជាលិខិតរបស់រដ្ឋមន្ដ្រីអប់រំ៖ ផ្ដល់ជូនដោយ៖ Fresh News

(ភ្នំពេញ)៖ សិស្សឆ្នើមពីសាលាអន្តរជាតិឃីងគ្លរីចំនួន១២​នាក់ បានចូលចូលរួមប្រកួតប្រជែង និងទទួលបានចំណាត់ថ្នាក់ល្អគួរឱ្យចាប់អារម្មណ៍ដែលជាការលើកមុខមាត់ប្រទេសជាតិក្នុងការការប្រកួតគិតលេខរហ័ស International I.A.M.A.​ ​ឆ្នាំ 2024 ដែលធ្វើឡើងនៅទីក្រុងហុងកុងនាពេលកន្លងទៅថ្មីៗនេះ ។ ពួកគេទទួលបានតំណែងកំពូលៗជាច្រើន ក្រោយបង្ហាញពីជំនាញពិសេសរបស់ខ្លួនក្នុងការប្រកួតលើផ្នែកគណិតវិទ្យា និងការគណនាលេខដោយប្រើការគិតរហ័ស និងមិនចាំបាច់សរសេរ ឬប្រើម៉ាស៊ីនគិតលេខឡើយ ។ ការប្រលងគណិតវិទ្យាលំដាប់ពិភពនៅទីក្រុងហុងកុងនេះ, សិស្សឆ្នើមមកពីសាលាអន្តរជាតិឃីងគ្លរីចំនួន ១២​នាក់ ទទួលបានពានជ័យលាភីសរុបចំនួន១៣គ្រឿង, មេដាយមាសចំនួន៨គ្រឿង ដែលក្នុងនោះមានពានជ័យលាភីលេខ២ចំនួន៤គ្រឿង, ពានជ័យលាភីលេខ៣ចំនួន៩ និងជ័យលាភីលេខ៤ជាមេដាយមាសចំនួន៨គ្រឿង ។ សូមជម្រាបថា សិស្សឆ្នើមពីសាលាអន្តរជាតិឃីងគ្លរីចំនួន១២​នាក់ដែលបានចូលរួមប្រកួតប្រជែង និងទទួលបានចំណាត់ថ្នាក់គួរឱ្យចាប់អារម្មណ៍មានដូចខាងក្រោម៖ * កម្រិត K3 ​៖ កម្ពុជាទទួលបានចំណាត់ថ្នាក់លេខ៣ ទាំងវិញ្ញាសារប្រភេទបុគ្គល និងជាក្រុម។* កម្រិត P1 ​: សិស្សឆ្នើមកម្ពុជាទទួលបានចំណាត់ថ្នាក់លេខ ៣ ម្នាក់និងទី ៤ ម្នាក់​ រួមជាមួយនឹងចំណាត់ថ្នាក់លេខ ២ ក្នុងការប្រកួតគណិតវិទ្យា G1 (គណិតវិទ្យាសម្រាប់ថ្នាក់ទី ១ )។* កម្រិត P2 ​: ទទួលបានចំណាត់ថ្នាក់លេខ 4 ជាមួយនឹងចំណាត់ថ្នាក់លេខ […]

(ភ្នំពេញ)៖ បណ្ដាប្រទេសចូលរួមការប្រកួតកីឡាហាប់គីដូជ្រើសរើសជើងឯកពិភពលោក ឆ្នាំ២០២៤ នៅប្រទេសថៃ កាលពីថ្មីៗ បានលាន់មាត់ និងស្ងើចសរសើរ ចំពោះការធ្វើបានយ៉ាងល្អរបស់ក្រុមកីឡាហាប់គីដូកម្ពុជា ដ្បិតទើបចូលរួមការប្រកួតអន្ដរជាតិលើកដំបូង ពិសេសធនធានថ្នាល ដែលបានបង្ហាញនូវសមត្ថភាព និងបច្ចេកទេសល្អក្នុងការប្រកួតដ៏ធំនេះ។ នេះបើតាមការលើកឡើងរបស់លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ និងជាគ្រូបង្វឹក ក្រោយដឹកនាំប្រតិភូ និងអត្តពលិកកីឡាហាប់គីដូកម្ពុជា ត្រឡប់មកដល់មាតុភូមិវិញ កាលពីថ្ងៃអង្គារកន្លងទៅ ក្រោយបញ្ចប់បេសកកម្មដ៏ជោគជ័យពីការបង្ហាញខ្លួនលើកដំបូង ក្នុងការប្រកួតកីឡាហាប់គីដូជើងឯកពិភពលោក ឆ្នាំ២០២៤ នៅប្រទេសថៃ កាលពីឆ្នាំ០១-០៤ ខែសីហាកន្លងទៅ ដោយដណ្ដើមបានមេដាយសរុប ៤០គ្រឿង (មាស ១២ ប្រាក់ ១៣ និងសំរឹទ្ធ ១៥)។ ក្រោយធ្វើដំណើរមកដល់មាតុភូមិតាមរថយន្ដក្រុងដោយសុវត្ថិភាព លោកបានបញ្ជាក់ថា សហព័ន្ធមិននឹកស្មានក្រុមកីឡាករ-កីឡាការិនីកម្ពុជា ធ្វើបានល្អបែបនេះឡើង ដ្បិតមុនចេញដំណើរ លោកមានក្ដីបារម្ភច្រើន ពិសេសលើបទបញ្ជាការប្រកួត ក៏ដូចជាឧបសគ្គជាក់ស្ដែងលើលក្ខខណ្ឌបច្ចេកទេសការប្រកួត ។ តែដោយសារការខំប្រឹងអស់ពីសមត្ថភាពរបស់កីឡាករ-កីឡាការិនី បានជម្នះឧបសគ្គទាំងអស់នោះ រហូតដណ្ដើមបានមេដាយលើសពីការរំពឹងទុក ព្រោះការប្រកួតសហព័ន្ធរំពឹងឈ្នះមេដាយមាស ២ ឬ ៣គ្រឿងប៉ុណ្ណោះ ។ ទន្ទឹមជាមួយសមិទ្ធផលដ៏ត្រចះត្រង់ភ្លូកទឹកភ្លូកដីពីការប្រកួតអន្ដរជាតិលើកដំបូងនេះដែរ បានធ្វើឲ្យបណ្ដាប្រទេសចូលរួម មានការភ្ញាក់ផ្អើល និងកោតសរសើរក្រុមកីឡាហាប់គីដូកម្ពុជា […]

(ឡុងដ៍)៖ បុរសជនជាតិអង់គ្លេសម្នាក់ ត្រូវបានកាត់ទោសឱ្យជាប់ពន្ធនាគាររយៈពេល ៣ឆ្នាំ ពីបទបង្កចលាចល អំឡុងកុបកម្មប្រឆាំងជនមូស្លីម (អ្នកកាន់សាសនា អ៉ីស្លាម» កាលពីសប្តាហ៍មុន ហើយដែលនេះជាការកាត់ទោសដំបូងបំផុតមួយ ចាប់តាំងពីមានរលកនៃអំពើហិង្សា បន្ទាប់ពីក្មេងស្រី៣នាក់ត្រូវបានសម្លាប់ នៅក្នុងការវាយប្រហារដោយកាំបិតនៅទីក្រុង Southport ភាគពាយព្យប្រទេសអង់គ្លេស។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ លោក Derek Drummond អាយុ ៥៨ឆ្នាំ ត្រូវបានកាត់ទោសនៅតុលាការ Liverpool Crown Court កាលពីថ្ងៃពុធ ទី៧ ខែសីហា បន្ទាប់ពីបានសារភាពថារូបគេពិតជា បានប្រើហិង្សាលើប៉ូលិស និងបង្កចលាចល។ ជុំវិញកុបកម្មនេះនៅអង់គ្លេសផងដែរ បុរស២នាក់ទៀតក៏ត្រូវបានតុលាការកាត់ទោសឱ្យជាប់ពន្ធគារផងដែរ ពីបទបង្ក ចលាចល និងអំពើហិង្សា ក្នុងទីក្រុង Liverpool កាលពីថ្ងៃសៅរ៍សប្ដាហ៍មុន។ បុរសទាំង២នាក់នេះម្នាក់មានឈ្មោះថា លោក Declan Geiran អាយុ ២៩ឆ្នាំ ត្រូវបានកាត់ទោសឱ្យជាប់ ពន្ធនាគារសរុប ៣០ខែ ខណៈម្នាក់ទៀតឈ្មោះ Liam Riley អាយុ៤១ឆ្នាំ ត្រូវបានកាត់ទោសឱ្យជាប់ពន្ធនាគាររយៈពេល ២០ខែ។ គួរបញ្ជាក់ថា […]

(ត្បូងឃ្មុំ)៖ អាជ្ញាធរខេត្តត្បូងឃ្មុំ ជាពិសេសយុវជននៃសហភាពសហព័ន្ធយុវជនកម្ពុជា រួមជាមួយប្រជាពលរដ្ឋ បានបន្តដាំដើមត្នោតជាបន្តបន្ទាប់ ចំនួន១០,០០០ ដើម នៅតាមខ្សែក្រវ៉ាត់ព្រំដែន កម្ពុជា-វៀតណាម ស្ថិតក្នុងភូមិសាស្រ្តស្រុកពញាក្រែក ខេត្តត្បូងឃ្មុំ នៅថ្ងៃពុធ ទី០៧ ខែសីហា ឆ្នាំ២០២៤។ កូនត្នោតចំនួន១ម៉ឺនដើម ដែលកំពុងបានដាំជាបន្តបន្ទាប់នេះ ជាអំណោយរបស់លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងារថ្នាក់ជាតិចុះមូលដ្ឋានខេត្តត្បូងឃ្មុំ ដែលបានផ្តល់ជូនអាជ្ញាធរខេត្តត្បូងឃ្មុំ យកទៅដាំនៅតាមខ្សែក្រវ៉ាត់ព្រំដែន កម្ពុជា-វៀតណាម។ សូមបញ្ជាក់ថា លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បានអញ្ជើញចូលរួមជាមួយលោក ប៉ែន កុសល រួមទាំង អាជ្ញាធរមូលដ្ឋាន មន្ត្រីរាជការគ្រប់លំដាប់ថ្នាក់ យុវជន សិស្ស និស្សិត កងកម្លាំងប្រដាប់អាវុធ និងប្រជាពលរដ្ឋជាច្រើននាក់ បើកយុទ្ធនាការដាំកូនត្នោតចំនួន ១០,០០០ដើម នៅឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ នាថ្ងៃទី២១ ខែកក្កដា ឆ្នាំ២០២៤។ នាឱកាសនោះ លោកបណ្ឌិត អ៊ាង សុផល្លែត បានលើកឡើងថា ការដាំកូនត្នោត […]

(ភ្នំពេញ)៖ សាកលវិទ្យាល័យ ដឹ ម៉ុងហ្វត (DE MONTFORt) អាយុជាង១៥០ឆ្នាំ របស់ចក្រភពអង់គ្លេស បានបើកទ្វារបណ្តុះបណ្តាល​នៅក្នុង​ប្រទេសកម្ពុជា។ នេះគឺជាសាកលវិទ្យាល័យដំបូងគេហើយរបស់​ចក្រភពអង់គ្លេស ដែលបានបើកទ្វារបណ្តុះបណ្តាលនៅក្នុងប្រទេសកម្ពុជា។ ពិធីសម្ពោធដាក់ឱ្យដំណើរការបណ្តុះបណ្តាលរបស់សាកលវិទ្យាល័យដ៏ល្បីមួយរបស់ចក្រភពអង់គ្លេស ធ្វើឡើងនាព្រឹកថ្ងៃព្រហស្បតិ៍ ៤កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៨ ខែ​សីហា ឆ្នាំ២០២៤នេះ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ក្នុងពិធីនេះក៏មានការអញ្ជើញចូលរួមពីសំណាក់លោក ដូមីនីក វីលៀមស៍ (Dominic Williams) ឯកអគ្គរាជទូតអង់គ្លេសប្រចាំកម្ពុជាផងដែរ។ សាកលវិទ្យាល័យ ដឹ ម៉ុងហ្វត យូនីវេស៊ីធី (DMU) គឺជាគ្រឹះស្ថានអប់រំឧត្តមសិក្សាដ៏ល្បាញល្បីមួយ​របស់ចក្រភាពអង់គ្លេស ត្រូវបានបង្កើតឡើងក្នុងឆ្នាំ១៨៧០ និងបានធ្វើដំណើរលើវិថីអប់រំជាង១៥០ឆ្នាំមកហើយ។ សាកលវិទ្យាល័យនេះ មាននិស្សិតប្រមាណ ៣៥,០០០ នាក់កំពុងសិក្សានៅចក្រភពអង់គ្លេស និងតាមបណ្តាសាខានានានៅក្រៅប្រទេស។ សាកលវិទ្យាល័យ ដឹ ម៉ុងហ្វត មានកម្រិតស្តង់ដារអន្តរជាតិ មានសាខានៅចក្រភពអង់គ្លេស មជ្ឈិមបូព៌ា (ឌុយបៃ) អាស៊ីបូព៌ា (កាហ្សាក់ស្ថាន) និងបច្ចុប្បន្ននៅអាស៊ីអាគ្នេយ៍ (កម្ពុជា)។ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី០៨ ខែសីហា ឆ្នាំ២០២៤នេះ បានលើកឡើងថា កម្ពុជាមិនអាចក្លាយជាប្រទេសអ្នកមានបានទេ ប្រសិនបើធនធានមនុស្ស ពុំមានចំណេះដឹង និងសមត្ថភាពជំនាញ, ពុំអាចប្រកួតប្រជែង នៅលើឆាកអន្តរជាតិ និងពុំមានសុខភាពល្អគ្រប់គ្រាន់។ ការលើកឡើងបែបនេះ ធ្វើឡើងក្នុងឱកាសដែល សម្តេចធិបតី ហ៊ុន ម៉ាណែត អញ្ជើញជាអធិបតីភាព សម្ពោធដាក់ឲ្យដំណើរការ សាកលវិទ្យាល័យ ដឹ ម៉ុងហ្វត (DE MONTFORt) ដែលជាសាកលវិទ្យាល័យដ៏ល្បីមួយ របស់ចក្រភពអង់គ្លេស បានបើកទ្វារបណ្តុះបណ្តាលនៅក្នុងប្រទេសកម្ពុជា នាព្រឹកថ្ងៃទី០៨ ខែសីហា ឆ្នាំ២០២៤។ សម្តេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «យើងមិនអាចក្លាយជាប្រទេសអ្នកមានបានទេ ប្រសិនបើធនធានមនុស្សរបស់យើង ពុំមានចំណេះដឹង និងសមត្ថភាពជំនាញ, ពុំអាចប្រកួតប្រជែង នៅលើឆាកអន្តរជាតិ, ពុំមានសុខភាពល្អគ្រប់គ្រាន់ និងពុំមានសមត្ថភាពចូលរួមកសាង មូលដ្ឋាននៃសង្គម សេដ្ឋកិច្ច និងឧស្សាហកម្ម ដែលផ្អែកលើចំណេះដឹង»។ ទន្ទឹមគ្នានេះ សម្តេចធិបតី ហ៊ុន ម៉ាណែត បានលើកឡើងថា រាជរដ្ឋាភិបាលនីតិកាលទី៧ បានផ្តោតការយកចិត្តទុកដាក់ខ្ពស់បំផុត […]

(ភ្នំពេញ)៖  ប្រទេសចំនួន៦ ដែលមានសិង្ហបុរី ​ម៉ាឡេស៊ី ថៃ…គ្រោងចូលរួមការប្រកួតធ្វើម្ហូប និងបដិសណ្ឋារកិច្ចនៅកម្ពុជា ក្នុងព្រឹត្តិការណ៍ពិព័រណ៍លើវិស័យផ្គត់ផ្គង់ម្ហូបអាហារ និងបដិសណ្ឋារកិច្ច ដើម្បីផ្សព្វផ្សាយពីផលិតផលរបស់ខ្មែរ និងធ្វើការទាក់ទាញម្ចាស់អាជីវកម្មក្រៅប្រទេស ឲ្យដាក់ទុនវិនិយោគឱ្យបានកាន់តែច្រើនថែមទៀត។ តាមរយៈព្រឹត្តិការណ៍ពិព័រណ៍លើវិស័យផ្គត់ផ្គង់ម្ហូប អាហារនិងបដិសណ្ឋានកិច្ច ដែលគ្រោងនឹងប្រព្រឹត្តទៅនាថ្ងៃទី៦ ដល់ថ្ងៃទី៨ ខែវិច្ឆិកា ឆ្នាំ ២០២៤ ខាងមុខនេះ ក៏នឹងមានការដាក់បញ្ចូលនូវការប្រកួតប្រជែងចម្អិនម្ហូប និងបដិសណ្ឋារកិច្ចថ្នាក់ជាតិដែលនឹងធ្វើឡើង ក្នុងមជ្ឈមណ្ឌលសន្និបាតនិងពិព័រណ៍កោះពេជ្រ នៅរាជធានីភ្នំពេញ។ បើតាមលោក សុង តេង ប្រធានសមាគមចុងភៅកម្ពុជាបានឱ្យដឹងថា ការប្រកួតធ្វើម្ហូបថ្នាក់ជាតិឆ្នាំនេះនិងជំរុញឧត្តមភាពផ្នែកធ្វើម្ហូបឲ្យកាន់តែប្រសើរ។ លោកបញ្ជាក់ថា «យើងបានសិក្សាបញ្ហាប្រឈមនានា ដើម្បីកែតម្រូវនិងពង្រឹងជំនាញបច្ចេកទេសដោយរួមបញ្ចូលជាមួយគ្រឿងផ្សំជាតិ និងអន្តរជាតិសម្រាប់ធ្វើឲ្យប្រសើរឡើងនៃម្ហូបដល់សំបូរបែបរបស់កម្ពុជា»។ ជុំវិញរឿងនេះ បើយោងតាមសេចក្តីប្រកាសព័ត៌មាន ស្ដីពីការរៀបចំពិព័រណ៍ camfood and comehotel 2024 បានឱ្យដឹងថា ការរំលេចឡើងនៃព្រឹតិ្តការណ៍ប្រកួតប្រជែងចំអិនម្ហូបអាហារ និងបដិសណ្ឋារកិច្ចថ្នាក់ជាតិឆ្នាំ ២០២៤នេះ និងបង្ហាញអំពីការប្រកួតជំនាញធ្វើម្ហូប និងភាពច្នៃប្រឌិតផងដែរ ក្នុងនោះរួមមាន÷ ការឆ្លាក់ផ្លែឈើ និងបន្លែម្ហូបបួសការរចនានំអាពាហ៍ពិពាហ៍ និងជំនាញបដិសណ្ឋារកិច្ចដូចជាការរៀបចំគ្រែ ការរៀបចំផ្កាការប្រកួតរៀបចំតុ និង sommelier, Waiterthon ជាដើម។ ជាមួយគ្នាផងដែរ នៅក្នុងសន្និសិទដែលបានធ្វើឡើងកាលពីរសៀលថ្ងៃទី ៧ […]

(កណ្ដាល)៖ ដោយមានការបញ្ជាផ្ទាល់ពីលោក គួច ចំរើន អភិបាលខេត្តកណ្ដាល, លោក ចេង ឌីណា អភិបាលស្រុកខ្សាច់កណ្ដាល នៅថ្ងៃទី៧ ខែសីហា ឆ្នាំ២០២៤នេះ បានដឹកនាំគណៈបញ្ជាការឯកភាពស្រុក និងអាជ្ញាធរឃុំ ភូមិ វាយកំទេចរបង់ និងកាយដី ដែលបានសាងសង់ និងចាក់រំលោភព្រែកខុសច្បាប់ ដែលមានទីតាំងស្ថិតនៅភូមិក្រូចសើច ឃុំពុកឬស្សី ស្រុកខ្សាច់កណ្តាល ខេត្តកណ្តាល។​ លោកអភិបាលស្រុក បានថ្លែងថា ម្ចាស់ទីតាំងនេះ មិនសហការជាមួយអាជ្ញាធរឡើយ រឹងរូស និងមិនអនុវត្តតាមសេចក្តីជូនដំណឹង និងការហាមឃាត់ជាច្រើនលើកច្រើនសាររបស់អាជ្ញាធរ ទើបអាជ្ញាធរសម្រេចចិត្ត វាយកម្ទេចចោលតែម្ដង។ លោកសង្កត់ធ្ងន់ថា នឹងមិនបណ្ដែតបណ្ដោយ ឲ្យជនណាអាចមករំលោភបំពានលើដីរដ្ឋបានជាដាច់ខាត ដោយអនុវត្តន៍ប្រកបដោយតម្លាភាព ហើយបើសិននៅរឹងទទឹងនោះ អាជ្ញាធរនឹងសម្រេចវិធានការក្ដៅតែម្ដង៕ ផ្ដល់សិទ្ធិដោយ៖ Fresh News

(ភ្នំពេញ)៖ មន្ត្រីរាជការស៊ីវិល នឹងទទួលបានប្រាក់ឧបត្ថម្ភរបស់រាជរដ្ឋាភិបាលចំនួន ៥០,០០០រៀលក្នុងម្នាក់ នាឱកាសបុណ្យភ្ជុំបិណ្ឌប្រពៃណីជាតិ ដំណាលគ្នាជាមួយបៀវត្សខែកញ្ញា ឆ្នាំ២០២៤។ នេះយោងតាមសេចក្តីជូនដំណឹងរបស់ក្រសួងមុខងារសាធារណៈដែលបណ្តាញព័ត៌មាន Fresh News ទទួលបាននៅរសៀលថ្ងៃទី០៧ ខែសីហា ឆ្នាំ២០២៤នេះ។ នៅក្នុងសេចក្តីជូនដំណឹងនេះ បានឱ្យដឹងទៀតថា សូមគ្រប់ក្រសួង ស្ថាប័នថ្នាក់ជាតិ និងថ្នាក់ក្រោមជាតិ រៀបចំការបើកផ្តល់ប្រាក់ឧបត្ថម្ភក្នុងឱកាសបុណ្យភ្ជុំបិណ្ឌ ដំណាលគ្នា ជាមួយនឹងការបើកប្រាក់បៀវត្ស​សរុបប្រចាំខែកញ្ញា តែមួយលើកឱ្យបានដល់សាមីជនម្នាក់ៗ យ៉ាងយូរបំផុតត្រឹមថ្ងៃទី១៥ ខែកញ្ញា ឆ្នាំ២០២៤ និងត្រូវរៀបចំបើកផ្តល់ប្រាក់បៀវត្សលើកទី១ សម្រាប់ខែតុលា ឆ្នាំ២០២៤ ឱ្យបានក្នុងសប្តាហ៍ទី១ នៃខែតុលា និងលើកទី២ ឱ្យបានក្នុងសប្តាហ៍ទី៣ នៃខែតុលា ជូនមន្ត្រីរាជការរបស់ខ្លួន។ ដោយឡែកសម្រាប់ការបើកផ្តល់បៀវត្សខែវិច្ឆិកា ឆ្នាំ២០២៤ សូមអនុវត្តតាមនីតិវិធីដែលបានកំណត់ជាធរមាន៕ ផ្ដល់សិទ្ធិដោយ៖ Fresh News ខាងក្រោមនេះជាសេចក្តីជូបដំណឹងរបស់ក្រសួងមុខងារសាធារណៈ៖