ស្ថានីយ៍ប្រេងឥន្ធនៈរាប់សិបកន្លែងបានបិទទ្វារនៅខេត្ត An Giang និង Dong Thap ប្រទេសវៀតណាម ដោយសារការខ្វះខាតការផ្គត់ផ្គង់ នេះបើយោងតាមការចុះផ្សាយរបស់សារព័ត៌មាន vnexpress។ អាជ្ញាធរទីផ្សារក្នុងខេត្ត An Giang បានរកឃើញស្ថានីយចំនួន ២១ ត្រូវបានបិទទ្វារកាលពីថ្ងៃពុធ ដោយសា្ថនីយ៍ចំនួន ១៩ ក្នុងចំណោមនោះ បាននិយាយថា ពួកគេមិនមានប្រេងម៉ាស៊ូតទេ ហើយខ្លះទៀតក៏បាននិយាយថា គ្មានប្រេងសាំងគ្រប់គ្រាន់ដែរ។ ទន្ទឹមនឹងនេះដែរ ម្ចាស់ស្ថានីយ៍ប្រហែល ២០ទៀត បាននិយាយថា ពួកគេបានបញ្ឈប់ប្រតិបត្តិការដោយសារតែកម្រៃជើងសារ ការខាតបង់ ឬបញ្ហាផ្សេងៗ។ ជាមួយគ្នានេះនៅខេត្ត Dong Thap ស្ថានីយ៍មួយចំនួនបានបិទដោយសារតែការផ្គត់ផ្គង់ទាបពេក។ លោក Hong Phong ប្រធានក្រុមហ៊ុន Petrolimex An Giang ដែលមានទីផ្សារប្រេងឥន្ធនៈ ២៦% នៃខេត្តនេះ បាននិយាយនៅក្នុងកិច្ចប្រជុំនាពេលថ្មីៗនេះថា នៅពេលដែលតម្លៃប្រេងឥន្ធនៈធ្លាក់ចុះ អ្នកចែកចាយតែងតែបោះចោលសារពើភ័ណ្ឌភាគច្រើនរបស់ពួកគេ ដើម្បីកាត់បន្ថយការខាតបង់។ បន្ទាប់មក នៅពេលដែលតម្លៃកើនឡើងភ្លាមៗ ដូចដែលបានកើតឡើងនៅទូទាំងពិភពលោកនាពេលថ្មីៗនេះ អ្នកចែកចាយមិនមានសារពើភ័ណ្ឌគ្រប់គ្រាន់សម្រាប់លក់ ដែលបណ្តាលឱ្យមានការខ្វះខាតផ្នែកខ្លះនៅក្នុងទីផ្សារ៕ ផ្តល់សិទ្ធិដោយ៖ ខ្មែរណូត

ថៃ៖ យ៉ាងហោចណាស់មានឈ្មួញចំនួន ២នាក់កំពុងប្រឈមនឹងការដាក់ទោសពីសំណាក់អាជ្ញាធរថៃ ក្រោយពួកគេបានព្យាយាមនាំយកផ្លែទុរេនគ្មានគុណភាពទៅលក់ក្នុងប្រទសចិនដោយបិទស្លាកសញ្ញាថា “ផ្លែឈើថៃ”។ បើតាមនាយកដ្ឋានកសិកម្មថៃបានបញ្ជាក់ថា ជនខិលខូចទាំង ២នាក់នោះគឺជាឈ្មួញកណ្តាលដែលបានដើរប្រមូលទិញផ្លែទុរេនពីប្រជាកសិករនៅក្នុងខេត្ត Chumphon ក្នុងតម្លៃថោកៗ ពោលគឺក្នុងតម្លៃប្រមាណជា ៤០-៥០បាត (១,១០-១,៤០ ដុល្លារអាមេរិក) ក្នុងមួយគីឡូក្រាម ដើម្បីលក់ប​ន្តទៅកាន់ទីផ្សារក្នុងប្រទេសចិនក្នុងតម្លៃដ៏ខ្ពស់ ដ្បិតពួកគេបានប្រើប្រាស់ស្លាកសញ្ញាថ្លែឈើថៃដែលជាផលិតផលមានគុណភាពខ្ពស់។ យ៉ាងណាក្តី បើតាមការពិនិត្យរបស់មន្ត្រីគយនៅច្រកព្រំដែនថៃបានរកឃើញថា ទុរេនដែលមានទម្ងន់សរុប ៣៨តោននោះគឺជាផ្លែឈើដែលគ្មានគុណភាពទាល់តែសោះ ពោលគឺជាប្រភេទផ្លែឈើមិនទាន់ទុំល្អ មានមេរោគ និងមានផ្ទុកនូវសារធាតុពុលទៀតផង។ បើតាមអាជ្ញាធរថៃបានបញ្ជាក់ថា សកម្មភាពទុច្ចរិតរបស់ជនខិលខូចទាំង ២នេះខាងលើនេះនឹងធ្វើឲ្យប៉ះពាល់ដល់កេរ្តិ៍ឈ្មោះផ្លែឈើថៃយ៉ាងខ្លាំង ដ្បិតក្រោយពេលអតិថិជនទិញទុរេនទាំងនេះយកទៅបរិភោគរួចគឺពួកគេនឹងលែងហ៊ានទិញផលិតផលផ្លែឈើថៃនៅពេលខាងមុខទៀតហើយ បើទោះជាផលិតផលថ្លែឈើនោះមានគុណភាពល្អក៏ដោយ។ យ៉ាងណាក្តី អាជ្ញាធរថៃមិនបានបញ្ជាក់ថា ជនខិលខូចទាំង ២នាក់នោះនឹងត្រូវទទួលទោសកម្រិតណានោះទេ៕ ផ្តល់សិទ្ធិដោយ៖ ខ្មែរណូត

(សេអ៊ូល)៖ ប្រទេសកូរ៉េខាងជើងបានអនុម័តច្បាប់ដែលកំណត់សិទ្ធិ ប្រើប្រាស់ការវាយប្រហារដោយនុយក្លេអ៊ែរជាមុនដើម្បីការពារខ្លួន ដែលមេដឹកនាំ លោក គីម ជុងអ៊ុន បាននិយាយថា ច្បាប់នេះនឹងធ្វើឲ្យភាពចាំបាច់នៃការប្រើប្រាស់នុយក្លេអ៊ែររបស់ខ្លួន «មិនអាចបំផ្លាញបាន» និងអាចរារាំងរាល់កិច្ចពិភាក្សាស្តីពីការរំសាយអាវុធនុយក្លេអ៊ែរ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៩ ខែកញ្ញា ឆ្នាំ២០២២។ ចំណាត់ការខាងលើនេះកើតមានឡើងចំពេលដែលអ្នកសង្កេតការណ៍ និយាយថា កូរ៉េខាងជើង ហាក់ដូចជាកំពុងរៀបចំឡើងវិញនូការធ្វើតេស្តនុយក្លេអ៊ែរជាលើកដំបូង គិតចាប់តាំងពីឆ្នាំ២០១៧មក។ ទីភ្នាក់ងារសារព័ត៌មានរដ្ឋ KCNA បានរាយការណ៍នៅថ្ងៃសុក្រនេះថា សភាកូរ៉េខាងជើងបានអនុម័តច្បាប់នេះ កាលពីថ្ងៃព្រហស្បតិ៍សប្តាហ៍នេះ។ ថ្លែងទៅកាន់សមាជិកសភា លោក គីម ជុងអ៊ុន បានគូសបញ្ជាក់ថា «សារៈសំខាន់នៃការបង្កើតច្បាប់នេះគឺដើម្បីកំណត់លក្ខខណ្ឌចាំបាច់ ដើម្បីកុំឲ្យមានកិច្ចចរចាលើកម្មវិធីនុយក្លេអ៊ែររបស់យើង»។ ច្បាប់នេះក៏ហាមប្រាមនូវការចែករំលែកអាវុធនុយក្លេអ៊ែរ ឬបច្ចេកវិទ្យាជាមួយ ប្រទេសដទៃទៀត ជាដើម។ គួរបញ្ជាក់ថា កន្លងមកកូរ៉េខាងជើងបានកំណត់ដាក់ប្រទេស ជារដ្ឋអាវុធនុយក្លេអ៊ែរក្នុងរដ្ឋធម្មនុញ្ញរបស់ខ្លួនរួចទៅហើយ ប៉ុន្តែច្បាប់ថ្មីនេះគឺបានបញ្ជាក់បន្ថែមពីពេលវេលាណា ដែលត្រូវប្រើអាវុធនុយក្លេអ៊ែរ រួមទាំងការឆ្លើយតបទៅនឹងការវាយប្រហារ ឬបញ្ឈប់ការឈ្លានពាន ណាមួយ។ វាក៏អនុញ្ញាតឱ្យមានការវាយប្រហារនុយក្លេអ៊ែរទុកជាមុន ប្រឆាំងនឹងផែនការប្រើអាវុធប្រល័យលោក ឬប្រឆាំងនឹង «គោលដៅយុទ្ធសាស្ត្រ» របស់ប្រទេសណាមួយ ដែលត្រូវបានរកឃើញផងដែរ៕ ផ្តល់សិទ្ធិដោយ៖ freshnews

(ឡុងដ៍)៖ ព្រះអង្គម្ចាស់ ឆាល Charles ដែលជាព្រះរាជបុត្រច្បង នឹងឡើងសោយរាជ្យបន្តជាព្រះមហាក្សត្រអង់គ្លេស បន្ទាប់ពីព្រះមាតាគឺព្រះមហាក្សត្រិយ៍ អេលីហ្សាប៊ែត ទី២ (Elizabeth II) សោយទិវង្គតកាលពីថ្ងៃព្រហស្បតិ៍សប្ដាហ៍នេះ ក្នុងព្រះជន្ម ៩៦ព្រះវស្សា។ នេះបើតាមការចេញផ្សាយដោយសារព័ត៌មាន BBC នៅថ្ងៃសុក្រ ទី៩ ខែកញ្ញា ឆ្នាំ២០២២។ ព្រះអង្គម្ចាស់ ឆាល (Charles) ត្រូវបានគេរំពឹងថានឹងត្រូវបានប្រកាសជាព្រះមហាក្សត្រជាផ្លូវការនៅថ្ងៃសៅរ៍ចុងសប្ដាហ៍នេះ ដោយមានគោរមងារថា ព្រះមហាក្សត្រឆាលទី៣។ ព្រះអង្គម្ចាស់ ឆាល មានព្រះជន្ម៧៣ព្រះវស្សា នឹងក្លាយជាព្រះមហាក្សត្រដែលមានវ័យចំណាស់ជាងគេដែលនឹងបានឡើងគ្រងរាជ្យ ក្នុងប្រវត្តិសាស្ត្រអង់គ្លេសក្នុងរយៈពេលជាង ១០០០ឆ្នាំមកនេះ។ គួរបញ្ជាក់ថា ខណៈព្រះអង្គម្ចាស់ ឆាល (Charles) នឹងក្លាយជាព្រះមហាក្សត្រឆាលទី៣ រាជវង្សអង់គ្លេសក៏បានបញ្ចេញបញ្ជីព្រះនាមនៃព្រះអង្គម្ចាស់ដែលត្រូវស្នង រាជ្យបន្តក្នុងនោះរួមមាន៖ ព្រះអង្គម្ចាស់វីលៀម (Prince William) ព្រះជន្ម៤០វស្សា, ព្រះអង្គម្ចាស់ ចច ព្រះជន្ម ៩វស្សា (Prince George) ព្រះនាងម្ចាស់ ឈាឡុត ព្រះជន្ម៧វស្សា (Princess Charlotte) និងព្រះអង្គម្ចាស់ល្វីស […]

(ឡុងដ៍)៖ ព្រះអង្គម្ចាស់ ឆាល Charles ដែលជាព្រះរាជបុត្រច្បង នឹងឡើងសោយរាជ្យបន្តជាព្រះមហាក្សត្រអង់គ្លេស បន្ទាប់ពីព្រះមាតាគឺព្រះមហាក្សត្រិយ៍ អេលីហ្សាប៊ែត ទី២ (Elizabeth II) សោយទិវង្គតកាលពីថ្ងៃព្រហស្បតិ៍សប្ដាហ៍នេះ ក្នុងព្រះជន្ម ៩៦ព្រះវស្សា។ នេះបើតាមការចេញផ្សាយដោយសារព័ត៌មាន BBC នៅថ្ងៃសុក្រ ទី៩ ខែកញ្ញា ឆ្នាំ២០២២។ ព្រះអង្គម្ចាស់ ឆាល (Charles) ត្រូវបានគេរំពឹងថានឹងត្រូវបានប្រកាសជាព្រះមហាក្សត្រជាផ្លូវការនៅថ្ងៃសៅរ៍ចុងសប្ដាហ៍នេះ ដោយមានគោរមងារថា ព្រះមហាក្សត្រឆាលទី៣។ ព្រះអង្គម្ចាស់ ឆាល មានព្រះជន្ម៧៣ព្រះវស្សា នឹងក្លាយជាព្រះមហាក្សត្រដែលមានវ័យចំណាស់ជាងគេដែលនឹងបានឡើងគ្រងរាជ្យ ក្នុងប្រវត្តិសាស្ត្រអង់គ្លេសក្នុងរយៈពេលជាង ១០០០ឆ្នាំមកនេះ។ គួរបញ្ជាក់ថា ខណៈព្រះអង្គម្ចាស់ ឆាល (Charles) នឹងក្លាយជាព្រះមហាក្សត្រឆាលទី៣ រាជវង្សអង់គ្លេសក៏បានបញ្ចេញបញ្ជីព្រះនាមនៃព្រះអង្គម្ចាស់ដែលត្រូវស្នង រាជ្យបន្តក្នុងនោះរួមមាន៖ ព្រះអង្គម្ចាស់វីលៀម (Prince William) ព្រះជន្ម៤០វស្សា, ព្រះអង្គម្ចាស់ ចច ព្រះជន្ម ៩វស្សា (Prince George) ព្រះនាងម្ចាស់ ឈាឡុត ព្រះជន្ម៧វស្សា (Princess Charlotte) និងព្រះអង្គម្ចាស់ល្វីស […]

មន្ត្រីរដ្ឋាភិបាលជាន់ខ្ពស់ម្នាក់បានប្រាប់ទីភ្នាក់ងារសារព័ត៌មាន RIA Novosti នៅថ្ងៃព្រហស្បតិ៍ ទី៨ ខែកញ្ញា នេះថា ប្រជាជនរុស្ស៊ីនឹងមានឱកាសទិញ iPhone 14 របស់ក្រុមហ៊ុន Apple ដែលទើបនឹងចេញកាលពីយប់មិញនេះ បើទោះបីជាក្រុមហ៊ុនបច្ចេកវិទ្យាអាមេរិកមួយនេះបានចាកចេញពីរុស្ស៊ីក៏ដោយ។ តាមប្រភពដដែល ប្រជាជនអាចទិញស្មាតហ្វូនស៊េរីថ្មីនេះបាន គឺដោយសារគម្រោងនាំចូលរបស់ទីក្រុងម៉ូស្គូ។ ប្រទេសរុស្ស៊ីបានប្រកាសពីគម្រោងនេះកាលពីខែមីនា នៅពេលដែលខ្លួនបានអនុញ្ញាតឱ្យក្រុមហ៊ុនលក់រាយ នាំចូលផលិតផលពីបរទេស ដោយគ្មានការអនុញ្ញាតពីម្ចាស់ពាណិជ្ជសញ្ញា។ ជាមួយគ្នានេះ នៅពេលសួរថាតើ iPhone ស៊េរីថ្មីដែល Apple ដាក់បង្ហាញកាលពីថ្ងៃពុធ នឹងត្រូវនាំចូលក្រោមគម្រោងនេះទេ រដ្ឋមន្ត្រីពាណិជ្ជកម្ម និងឧស្សាហកម្ម លោក Denis Manturov បាននិយាយថា “ហេតុអ្វីមិនអាច? ប្រសិនបើអ្នកប្រើប្រាស់ចង់ទិញទូរស័ព្ទទាំងនេះ វានឹងត្រូវបាននាំចូលហើយប្រជាជនងាចទិញបាន”។ គួររម្លឹកផងដែរថា ក្រុមហ៊ុន Apple បានបញ្ឈប់ការលក់ផលិតផលថ្មីនៅក្នុងប្រទេសរុស្ស៊ីក្នុងខែមីនា មួយសប្តាហ៍បន្ទាប់ពីប្រទេសរុស្ស៊ីបានលុកលុយអ៊ុយក្រែន បើទោះបីជា iPhone, MacBook និងទំនិញ Apple ផ្សេងទៀតនៅតែមាននៅក្នុងហាងរុស្ស៊ីក៏ដោយ។ ប៉ុន្តែអ្នកលក់រាយ នៅតែលក់ផលិតផល Apple ពីស្តុកចាស់ដែលនៅសេសសល់ ហើយក៏មានលក់ផលិតផលចេញថ្មីៗដែរ តាមរយៈគ្រោងការណ៍នាំចូល។ ជាក់ស្ដែងបណ្តាញទូរស័ព្ទចល័តរបស់រុស្សី […]

(អង់គ្លេស)៖ ព្រះរាជវាំង Buckingham ប្រកាសថា ព្រះមហាក្សត្រី Elizabeth II របស់ប្រទេសអង់គ្លេស បានសោយទិវង្គត ក្នុងព្រះជន្ម៩៦ព្រះវស្សា នេះបើយោងតាមសារព័ត៌មាន Sky News និង BBC របស់អង់គ្លេសចេញផ្សាយមុននេះបន្តិច។ ព្រះមហាក្សត្រិយ៍ Elizabeth II ត្រូវបានគេស្គាល់ទ្រង់ថា ជាព្រះមហាក្សត្រីនៃចក្រភពអង់គ្លេស ហើយក៏ជាក្សត្រីគ្រងលើរាជបុរីប្រមាណជា១៤ រាជបុរីផ្សេងទៀតនៅលើពិភពលោក។ យោងតាមព្រះរាជប្រវត្តិផ្លូវការរបស់ទ្រង់បានឱ្យដឹងថា ព្រះមហាក្សត្រី Elizabeth II ទ្រង់ប្រសូត្រកាលពីថ្ងៃទី២១ ខែមេសា ឆ្នំា១៩២៦ បើគិតមកដល់ឆ្នំា២០២២នេះ ទ្រង់មានព្រះជន្មាយុ៩៦ព្រះវស្សាហើយ។ ទ្រង់បានរាជាភិសេកកាលពីខែវិច្ឆិកា ឆ្នំា១៩៤៧ ជាមួយនឹងព្រះអង្គម្ចាស់ ហ្វីលីព ម៉ោនបាតធិន (Philip Mountbatten)។ នៅក្នុងកិច្ចព្រះរាជអាវាហមង្គលជាមួយនឹងព្រះអង្គម្ចាស់ Philip Mountbatten ព្រះមហាក្សត្រី Elizabeth II បានផ្តល់កំណើតឱ្យព្រះរាជបុត្រាបត្រីចំនួន៤ព្រះអង្គ។ ព្រះរាជអាវាហមង្គលនេះ មានរយៈពេល៧៣ឆ្នំា រហូតដល់ការសោយទិវង្គតរបស់ព្រះអង្គម្ចាស់ Philip Mountbatten កាលពីខែមេសាឆ្នំា ២០២១។ ព្រះមហាក្សត្រី Elizabeth […]

Khaby Lame ដែលជា TikToker មានអ្នកតាមដាន (Follow) ច្រើនជាងគេលើពិភពលោក រកចំណូលបាន ១០លានដុល្លារក្នុងឆ្នាំ២០២១ ដោយសារភាពល្បីល្បាញលើប្រព័ន្ធផ្សព្វផ្សាយសង្គមរបស់គាត់ នេះបើយោងតាមទស្សនាវដ្ដី Forbes។ តារាកំប្លែងជនជាតិសេណេហ្គាល់រូបនេះ បានក្លាយជាអ្នកបង្កើតមាតិកាដែលមានអ្នកតាមដានច្រើនបំផុតនៅលើ TikTok កាលពីខែមិថុនាកន្លងទៅនេះ ដោយទម្លាក់នារីស្រស់ស្អាត Charli D’Amelio ដែលធ្លាប់កាន់កាប់តំណែងកំពូល។ ទោះបីជា Khaby Lame បានក្លាយជា TikToker ដែលមានអ្នកតាមដានច្រើនជាងគេលើពិភពលោកក៏ពិតមែន តែបុរសវ័យ ២២ឆ្នាំ រូបនេះ មិនមែនជាអ្នករកចំណូលបានច្រើនបំផុតនោះទេ ពោលគឺលោក ស្ថិតនៅពីក្រោយគូប្រជែងរបស់ខ្លួនគឺស្រីស្អាត Charli D’Amelio ដែលងាយរកចំណូលបាន ១៧.៥ លានដុល្លារ។ គួរឱ្យដឹងថា Khaby Lame បានសាងកេរ្តិ៍ឈ្មោះល្បីសុះសាយនៅលើបណ្ដាញសង្គម TikTok ពីជីវិតជាកម្មកររោងចក្រ ដែលបានបាត់បង់ការងារក្នុងសម័យកូវីដ-១៩ តាមរយៈការថតវីដេអូខ្លីៗ ពីការដោះស្រាយបញ្ហាប្លែកៗ ដោយមិននិយាយស្តីសូម្បីមួយម៉ាត់ លាយលំជាមួយទឹកមុខកំប្លែងស្ងួត តែអាចឱ្យមនុស្សយល់បាន។ បច្ចុប្បន្នតារារូបនេះ មានតាមដានច្រើនជាង ១៤៦លាននាក់នៅលើ TikTok ហើយបានជាប់ចំណាត់ថ្នាក់លេខ ៨ […]

យោងតាមការចុះផ្សាយរបស់សារព័ត៌មាន Daily Mail បានឱ្យដឹងថា កូនស្រីរបស់ Steve Jobs គឺនាង Eve បានចំអកឱ្យ Apple ចំពោះការបង្ហាញ iPhone 14 ស៊េរីថ្មី ដោយការបង្ហោះអ៉ីនធឺណិត meme នៅលើបណ្ដាញសង្គមរបស់នាង។ នាង Eve Jobs ដែលមានអាយុ ២៣ឆ្នាំ បានឆ្លើយតបភ្លាមៗទៅលើការប្រកាសរបស់ក្រុមហ៊ុន Apple កាលពីថ្ងៃពុធ (ម៉ោងនៅអាមេរិក) បូករួមជាមួយនឹងរូបភាព meme មួយដែលសរសេរថា៖«ខ្ញុំអាប់ដេតពី iPhone 13 ទៅ iPhone 14 បន្ទាប់ពីការប្រកាសរបស់ Apple» ខណៈនៅក្នុងរូបភាពនោះផងដែរ គឺមានរូបមនុស្សពាក់អាវក្រឡា ហើយដៃរបស់គាត់ មានកាន់អាវក្រឡាដូចគ្នាបេះដាក់ទៅនឹងអាវដែលគាត់កំពុងពាក់។ អ្នក​បញ្ចេញមតិម្នាក់បាន​សរសេរ​ថា៖«គេ​គ្រាន់​តែ​បញ្ចេញរបស់ដដែល​ៗ ម្តង​ហើយ​ម្តង​ទៀត»។ ខ្លះទៀតសរសេរថា៖«Apple បានបញ្ចេញទូរស័ព្ទដូចគ្នា ជាមួយនឹងការកែលម្អតិចតួចម្តងទៀត?»។ អ្នកផ្សេងទៀតក៏បានចំអកថា៖«វាមិនដូចគ្នាទេ ព្រោះវាធ្វើឱ្យអ្នកចំណាយប្រាក់កាន់តែច្រើនជាងមុន»។ ជម្រាបដែរថា Apple ទើបតែបានបង្ហាញ iPhone 14 Pro និង iPhone 14 Pro […]

(ព្រុចសែល)៖ វិធានការណ៍ភ្លាមៗ របស់រុស្ស៊ីដែលសម្រេចបិទការបង្ហូរប្រេង និងឧស្ម័នតាមប្រព័ន្ធបំពង់បង្ហូរ Nord Stream1 ទៅប្រទេសក្នុងទ្វីបអឺរ៉ុប ជាមួយលក្ខខណ្ឌត្រូវបន្ធូរបន្ថយទណ្ឌកម្មសេដ្ឋកិច្ចវិញមកលើរុស្ស៊ីនោះ បានធ្វើឱ្យអឺរ៉ុបភ័យជ្រួលច្របល់។ បណ្តាប្រទេសក្នុងសហគមន៍អឺរ៉ុប បានព្រួតគ្នាធ្វើ ការដាក់ទណ្ឌកម្មសេដ្ឋកិច្ចនានាលើរុស្ស៊ី នោះដែលរំពឹងថាទង្វើព្រួតគ្នារបស់ពួកគេនឹងត្រូវបង្ខំឱ្យរុស្ស៊ីបញ្ឈប់ការធ្វើសង្គ្រាមរបស់ខ្លួន លើទឹកដីអ៊ុយក្រែន ប៉ុន្តែប្រទេសដែលត្រូវរងការឈឺចាប់ដោយទង្វើដាក់ទណ្ឌកម្មលើរុស្ស៊ី នោះគឺប្រទេសដែលស្ថិតក្នុងចង្កោមសហគមន៍អឺរ៉ុបរបស់ខ្លួនឯងនេះទៅវិញ បន្ទាប់ពី រុស្ស៊ីបានសម្រេចថាបញ្ឈប់ការផ្គត់ផ្គង់ថាមពលប្រេងរបស់ខ្លួនទៅអឺរ៉ុប ជាពិសេសប្រទេសអាល្លឺម៉ង់ដែលតែងទទួលបានការផ្គត់ផ្គង់ច្រើនជាងគេបំផុត។ ស្នៀតពិសេសរបស់រុស្ស៊ីដោយការបិទការបង្ហូរប្រេងនិងឧស្ម័ននេះ បានធ្វើឱ្យសាមគ្គីភាពនៃបណ្តាប្រទេសអឺរ៉ុប បានបែកបាក់គ្នា។ បណ្តារដ្ឋមន្ត្រីនៃ ក្រសួងថាមពលក្នុងទ្វីបអឺរ៉ុប និងបណ្តាមេដឹកនាំប្រទេសគ្រោងជួបគ្នា ក្នុងក្រុង Brussels ដែលជារដ្ឋធានីសហគមន៍អឺរ៉ុបនៅថ្ងៃសុក្រ ទី៩ ខែកញ្ញា ឆ្នាំ២០២២។ គម្រោងជួបគ្នានោះ គឺការជំរុញសាមគ្គីភាពរបស់អឺរ៉ុបកុំឱ្យមានការបែកបាក់គ្នា ដោយសារតែស្នៀតពិសេសរបស់រុស្ស៊ី កំពុងខ្ទប់ដង្ហើម សេដ្ឋកិច្ចអឺរ៉ុបដែលបន្តគាំទ្រអ៊ុយក្រែនធ្វើសង្គ្រាមប្រឆាំងនឹងរុស្ស៊ី។ ពេលនេះ ការបញ្ឈប់ផ្តល់ថាមពលទាំងស្រុងដល់អឺរ៉ុបនេះ បាននាំឱ្យមានការផ្ទុះកំហឹងដល់ពលរដ្ឋរបស់ខ្លួនប្រឆាំងនឹងចំណាត់ការរដ្ឋាភិបាលខ្លួនឯង ដែលគេចោទថាបានធ្វើឱ្យពលរដ្ឋរបស់ខ្លួនជួបនឹងវិបត្តិសេដ្ឋកិច្ច។ តាមបណ្តាប្រទេសមួយចំនួននាពេលនេះ ការធ្វើបាតុកម្មជំទាស់បានកើតឡើង រួចទៅហើយ ជាពិសេសករណីដែលវិក័យបត្រប្រេង និងអគ្គិសនីបានកើនតម្លៃខ្ពស់។ ក្រុមបាតុករក្នុងក្រុង Naples នៃប្រទេសអ៊ីតាលី បានសម្តែង ការខឹងសម្បារ និងពួកគេបាននាំគ្នាយកវិក័យបត្រប្រេង និងអគ្គិសនីទាំងនោះដុតចោល។ ពលរដ្ឋអ្នកតវ៉ាបានថ្លែងថានយោបាយអ៊ីតាលីនេះមិនបានជួយដល់ប្រជាពលរដ្ឋឡើយ។ បាតុករចោទថាក្រុមបណ្តាញសារព័ត៌មាន ផ្តល់នូវរឿងមិនពិតនៃ […]