ក្រុមអ្នកស្រាវជ្រាវនៅប្រទេសជប៉ុនបាននិយាយថា អនុទម្រង់នៃវ៉ារ្យ៉ង់អូមីក្រុង BA.5 របស់ជំងឺ COVID-19 អាចបង្កឱ្យឆ្លងមេរោគ ឬចម្លងជំងឺ COVID-19 លឿនជាងប្រភេទពីមុនៗ នេះបើតាមការចុះផ្សាយដោយទូរទស្សន៍ NHK ។ ក្រុមមួយដែលមានឈ្មោះថា G2P-Japan ដឹកនាំដោយសាស្រ្តាចារ្យលោក Sato Kei នៃវិទ្យាស្ថានវិទ្យាសាស្ត្រវេជ្ជសាស្ត្រ របស់សាកលវិទ្យាល័យតូក្យូ បានរាយការណ៍ពីការរកឃើញរបស់ពួកគេនៅក្នុងការបោះពុម្ពអត្ថបទ ដែលបានចេញផ្សាយយ៉ាងទូលំទូលាយនៅលើអ៉ីនធឺណិត។ ក្រុមនេះបានបង្កើតអនុទម្រង់ BA.5 និង BA.2 សិប្បនិម្មិត ដើម្បីធ្វើការប្រៀបធៀបគ្នាពីទំហំនៃការចម្លងរបស់មេរោគទាំង ២ ។ បន្ទាប់មក ពួកគេបានដាក់អនុទម្រង់ទាំង ២ ទៅក្នុងកោសិកាពិសោធន៍ដាច់ៗពីគ្នា ដើម្បីពិនិត្យមើលថា តើមេរោគនឹងកើនឡើងបានប៉ុនណា។ រយៈពេល ២៤ ម៉ោងក្រោយមក ពួកគេបានរកឃើញថា កម្រិតមេរោគនៅក្នុងកោសិកាដែលចាក់បញ្ចូល BA.5 គឺខ្ពស់ជាង កោសិកាដែលចាក់បញ្ចូល BA.2 រហូតដល់ទៅ ៣៤ ដង។ អ្នកស្រាវជ្រាវក៏និយាយដែរថា ការពិសោធន៍របស់ពួកគេដោយប្រើសត្វកណ្ដុរ ក៏បានបង្ហាញដែរថា អនុទម្រង់ BA.2 ធ្វើឱ្យសត្វកណ្ដុរស្រកគីឡូបន្តិចប៉ុណ្ណោះ ខណៈសត្វកណ្ដុរផ្សេងដែលចាក់បញ្ចូល BA.5 […]

(កៀវ)៖ អ៊ុយក្រែន នៅថ្ងៃពុធសប្ដាហ៍នេះបានប្រកាសផ្ដាច់ទំនាក់ទំនងការទូតជាមួយកូរ៉េខាងជើងភ្លាមៗ ក្រោយទីក្រុងព្យុងយ៉ាងទទួលស្គាល់តំបន់ ផ្ដាច់ខ្លួន ២ គាំទ្រដោយរុស្ស៉ីក្នុងតំបន់ភាគខាងកើតនៃប្រទេសជារដ្ឋឯករាជ្យ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៤ ខែកក្កដា ឆ្នាំ២០២២។ នៅក្នុងសេចក្ដីថ្លែងការណ៍របស់ខ្លួន ក្រសួងការបរទេសអ៊ុយក្រែនបានគូសបញ្ជាក់បន្ថែមដូច្នេះថា «យើងបានពិចារណាឃើញថាការសម្រេចចិត្តនេះ គឺជាការប៉ុនប៉ងរបស់ទីក្រុងព្យុងយ៉ាង ដើម្បីបំផ្លាញអធិបតេយ្យ និងបូរណភាពទឹកដីរបស់អ៊ុយក្រែន»។ គួរបញ្ជាក់ថា កូរ៉េខាងជើង នៅថ្ងៃពុធសប្ដាហ៍នេះបានទទួលស្គាល់តំបន់ផ្ដាច់ខ្លួន២ គាំទ្រដោយរុស្ស៉ីនៅក្នុងតំបន់ភាគខាងកើតប្រទេសអ៊ុយក្រែនជា «រដ្ឋឯករាជ្យ» ហើយការប្រកាសទទួលស្គាល់នេះដែរ បានធ្វើឱ្យកូរ៉េខាងជើងកា្លយជាប្រទេសទី៣ ដែលទទួលស្គាល់តំបន់ផ្ដាច់ខ្លួន២ គឺសាធារណរដ្ឋប្រជាមានិត ដូណេត និងសាធារណរដ្ឋប្រជាមានិតលូហាន នៃតំបន់ដុនបាស់បន្ទាប់ពីរុស្ស៉ី និងស៊ីរី៕ ផ្តល់សិទ្ធិដោយ៖ freshnews

យោងតាមការចុះផ្សាយរបស់សារព័ត៌មាន Xinhua កាលពីថ្ងៃទី១២ ខែកក្កដា បានឱ្យដឹងថា ប្រទេសរុស្ស៊ីបានបញ្ជាក់ពីករណីដំបូងនៃជំងឺ “អុតស្វា” ដែលត្រូវបានរកឃើញនៅលើអ្នកជំងឺដែលទើបតែត្រលប់មកពីអឺរ៉ុប។ អង្គការឃ្លាំមើលសិទ្ធិអ្នកប្រើប្រាស់ និងសុខុមាលភាពមនុស្សនៅក្នុងប្រទេសរុស្ស៊ី បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា ប្រទេសរុស្ស៊ីបានបញ្ជាក់ពីករណីដំបូងនៃអុតស្វា លើបុរសម្នាក់ដែលបានត្រលប់ទៅប្រទេសរុស្ស៊ីវិញ បន្ទាប់ពីការធ្វើដំណើរពីបណ្តាប្រទេសអ៊ឺរ៉ុប ហើយបានទៅរកការព្យាបាលនៅមន្ទីរពេទ្យដោយសារតែមានឡើងកន្ទួល។ យ៉ាងណាមិញ​ អ្នកជំងឺត្រូវ​បាន​ដាក់​ឱ្យ​នៅ​ដាច់​ដោយ​ឡែក និង​ស្ថិត​នៅ​ក្រោម​ការ​ត្រួត​ពិនិត្យ​ផ្នែក​វេជ្ជ​សា​ស្រ្ត​ដោយ​មាន​រោគ​សញ្ញា​ស្រាល ប៉ុន្តែ​មិន​មាន​គ្រោះថ្នាក់​ដល់​អាយុ​ជីវិត​ឡើយ។ ជាមួយគ្នានេះ ក្រុមឃ្លាំមើលបាននិយាយថា ស្ថានភាពស្ថិតក្រោមការគ្រប់គ្រងយ៉ាងតឹងរ៉ឹង ហើយលទ្ធភាពនៃការរីករាលដាលបន្ថែមទៀតក៏អាចគ្រប់គ្រងបានផងដែរ៕​ ផ្តល់សិទ្ធិដោយ៖ ខ្មែរណូត

ប្រធានអង្គការសុខភាពពិភពលោក (WHO) កាលពីថ្ងៃអង្គារ ទី១២ ខែកក្កដា ឆ្នាំ២០២២ បានព្រមានថា រលកថ្មីនៃការឆ្លងជំងឺ COVID-19 បានបង្ហាញថា ជំងឺរាតត្បាតគឺមិនទាន់ចប់នោះទេ នេះបើតាមការចុះផ្សាយរបស់សារព័ត៌មាន Channel News Asia ។ លោក Tedros Adhanom Ghebreyesus បាននិយាយថា គាត់មានការព្រួយបារម្ភថា ចំនួនករណីកំពុងបន្តកើនឡើង ដែលវានឹងដាក់សម្ពាធបន្ថែមទៀតលើប្រព័ន្ធសុខាភិបាល និងកម្មករ។ គាត់បានប្រាប់សន្និសីទសារព័ត៌មានថា៖ «រលកថ្មីនៃមេរោគបង្ហាញជាថ្មីម្តងទៀតថា ជំងឺ COVID-19 មិនទាន់ដល់ទីបញ្ចប់ទេ» ដោយបន្ថែមថា៖«នៅពេលដែលមេរោគគ្របដណ្ដប់មកលើយើង យើងត្រូវរុញវាត្រឡប់មកទៅវិញ»។ លោកបាននិយាយថា៖«មេរោគកំពុងចេញដោយសេរី ហើយប្រទេសនានាមិនបានគ្រប់គ្រងជំងឺ ដោយផ្អែកទៅតាមសមត្ថភាពរបស់ពួកគេឱ្យមានប្រសិទ្ធភាពនោះទេ ទាំងការសម្រាកព្យាបាលនៅមន្ទីរពេទ្យសម្រាប់ករណីធ្ងន់ធ្ងរ និងស្ថានភាពក្រោយ COVID របស់អ្នកជំងឺ ដែលជារឿយៗហៅថាជំងឺ COVID រយៈពេលវែង»។ លោក Tedros បានទទូចថា៖«នៅពេលដែលការឆ្លងជំងឺ COVID-19 និងការសម្រាកព្យាបាលនៅមន្ទីរពេទ្យកើនឡើង រដ្ឋាភិបាលក៏ត្រូវតែដាក់ពង្រាយវិធានការសាកល្បង និងធ្វើតេស្តដូចជាការបិទខ្ទប់ ការធ្វើឱ្យមានខ្យល់ចេញចូល និងពិធីការសាកល្បង និងការព្យាបាល»។ គណៈកម្មាធិការគ្រាអាសន្នរបស់អង្គការសុខភាពពិភពលោកស្តីពី COVID-19 ក៏បានជួបប្រជុំគ្នាកាលពីថ្ងៃសុក្រ […]

(កូឡុំបូ)៖ នៅថ្ងៃពុធនេះ ស្រីលង្កាបានសម្រេចដាក់ប្រទេសទៅក្នុងភាពអាសន្ន ហើយក្រុមបាតុករ ក៏បាននាំគ្នាចេញធ្វើសកម្មភាពតវ៉ា សាជាថ្មីផងដែរនៅក្នុងរដ្ឋធានីកូឡុំបូ បន្ទាប់ពីប្រធានាធិបតី លោក ហ្កោតាបាយ៉ា រ៉ាចាប៉ាក់សា (Gotabaya Rajapaksa) បានរត់គេចទៅក្រៅប្រទេស មុនពេលត្រូវលាលែងពីតំណែង។ នេះបើតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃពុធ ទី១៣ ខែកក្កដា ឆ្នាំ២០២២។ អ្នកនាំពាក្យការិយាល័យនាយករដ្ឋមន្រ្តីស្រីលង្កា បានឱ្យដឹងថា នាយករដ្ឋមន្រ្តី លោក រ៉ានីល វីគ្រីមេស៉ីងហ្កេ (Ranil Wickremesinghe) ក្នុងនាមជាប្រធានាធិបតីស្តីទី បានសម្រេចប្រកាសដាក់ប្រទេសទាំងមូលក្នុងគ្រាអាសន្ន។ ក្នុងថ្ងៃពុធដដែលនេះ ក្រុមបាតុកររាប់ពាន់នាក់ ក៏បាននាំគ្នាចេញធ្វើបាតុកម្មតាមដងផ្លូវ នៅទីក្រុងកូឡុំបូឡើងវិញផងដែរ បន្ទាប់ពីមានដំណឹងថា ប្រធានាធិបតីលោក រ៉ាចាប៉ាក់សា បានភៀសខ្លួនទៅក្រៅប្រទេសបាត់ទៅហើយ។ កំលុងការផ្ទុះបាតុកម្មឡើងវិញនេះ កងកម្លាំងសន្តិសុខស្រីលង្កា ក៏បានប្រើប្រាស់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករ ដែលប៉ុនប៉ងសម្រុកចូល ការិយាល័យនាយករដ្ឋមន្រ្តីថែមទៀតផង។ គួរបញ្ជាក់ថា កាលពីចុងសប្តាហ៍នេះកន្លងទៅ លោក ហ្កោតាបាយ៉ា រ៉ាចាប៉ាក់សា បានយល់ព្រមថា នឹងលាលែងពីប្រធានាធិបតី នៅថ្ងៃពុធនេះ ហើយលោក រ៉ានីល […]

ទីភ្នាក់ងារព័ត៌មាន AFP បាន​រាយការណ៍​ដោយ​ដក​ស្រង់​សម្តី​មន្ត្រី​រដ្ឋាភិបាល​មួយ​ចំនួន​ថា ប្រធានាធិបតី​ស្រីលង្កា​លោក Gotabaya Rajapaksa ត្រូវ​បាន​​មន្ត្រី​អន្តោប្រវេសន៍នៅព្រលានយន្តហោះ​ ហាមឃាត់ខណៈព្យាយាម​រត់​គេច​ខ្លួន​ឡើង​យន្តហោះ​ដើម្បី​ចាកចេញ​ពី​ប្រទេស។ តាមប្រភពព័ត៌មានបានឱ្យដឹងថា កាលពីថ្ងៃសោរិ៍ លោក Gotabaya បានភៀសខ្លួនចេញពីលំនៅដ្ឋានរបស់លោកក្នុងទីក្រុង Colombo មុនពេលបាតុកររាប់ម៉ឺននាក់សម្រុកចូលលំនៅដ្ឋាន ដើម្បីភៀសខ្លួនទៅក្រុងឌូបៃ ប្រទេសអារ៉ាប់រួម។ លោក Gotabaya ត្រូវបានក្រុមមន្រ្តីអន្តោប្រវេសន៍ បដិសេធមិនផ្តល់ជូនសេវាកម្ម VIP សម្រាប់លិខិតឆ្លងដែនរបស់លោកនោះឡើយ ខណៈលោក បាន​ទទូច​ថា លោក​នឹង​មិន​ប្រើ​ច្បាប់​នេះ​ទេ ព្រោះតែ​ខ្លាច​រង​គ្រោះ​ដោយ​សារអ្នកដំណើរនៅ​ព្រលាន​ផ្សេង​ទៀត។ យ៉ាងណាមិញ ជាលទ្ធផល លោក Gotabaya និងភរិយាបានចំណាយពេលពេញយប់សម្រាកនៅជំរុំយោធាក្បែរអាកាសយានដ្ឋានសំខាន់របស់ប្រទេស ដោយសារការខកជើងហោះហើរចំនួន ៤នៅយប់ថ្ងៃព្យាយាមគេចខ្លួននោះ៕ ផ្តល់សិទ្ធិដោយ៖ ខ្មែរណូត

ជាមួយនឹងការសំពះ បាច់ផ្កា និងទង់ជាតិ ដែលរុំដោយខ្សែបូពណ៌ខ្មៅ ប្រទេសជប៉ុននៅថ្ងៃអង្គារនេះ បានធ្វើការលាគ្នាយ៉ាងអាឡោះ​អាល័យទៅកាន់សពលោក អាបេ ស៊ីនហ្សូ ដែលគាត់ធ្លាប់ជាឥស្សរជននិយមជាន់ខ្ពស់ម្នាក់ និងធ្លាប់ជានាយករដ្ឋមន្ត្រី កាន់តំណែងបានយូរជាងគេបំផុតនៅក្នុងប្រទេសជប៉ុន។ រំលឹកដែរថា លោក អាបេ ត្រូវបានបុគ្គលយង់ឃ្នងម្នាក់លបធ្វើឃាតដោយប្រើកាំភ្លើងច្នៃកាលពីសប្ដាហ៍មុន ដែលបានធ្វើឱ្យរង្គោះរង្គើពេញពិភពលោក ដោយសារថា ប្រទេសនេះមានកំណត់ត្រាទាបបំផុតទាក់ទងនឹងកាំភ្លើង ហើយច្បាប់កាន់កាប់កាំភ្លើងក៏មានភាពតឹងរ៉ឹងខ្លាំងណាស់ដែរ។ ពលរដ្ឋបានចេញមករង់ចាំ​នៅតាមចិញ្ចើម​ផ្លូវ​ ហើយប៉ូលិសជាច្រើននាក់ ក៏បានចេញមកធ្វើការគោរពជូនដំណើរទៅកាន់លោក អាបេ នៅពេលដែលសពរបស់គាត់ ត្រូវបាន​ដង្ហែចេញ​ដំណើរ​ពី​វត្តមួយនៅ​កណ្តាលទី​ក្រុង​តូក្យូ​។ ក្បួនដង្ហែររបស់លោក អាបេ អមដោយឧទ្ធម្ភាគចក្ររាប់សិបគ្រឿង ខណៈពលរដ្ឋខ្លះបានលើកដៃសំពះ ខ្លះក៏ឱនក្បាលចុះ និងខ្លះទៀតបានទះដៃ ដើម្បីជាការគោរព សាទរ និងអរគុណ ចំពោះកិច្ចការបម្រើជាតិ និងបម្រើពលរដ្ឋជប៉ុននាពេលកន្លងមក។ ក្បួនដង្ហែបានឆ្លងកាត់រដ្ឋធានី Nagatacho ដែលជាកន្លែងពលរដ្ឋរាប់រយនាក់ បានតម្រង់ជួរនៅមុខអគារសភា កន្លែងដែលលោក អាបេ បានចូលជាសមាជិកសភាទាំងនៅវ័យក្មេង ក្នុងឆ្នាំ១៩៩៣ បន្ទាប់ពីមរណភាពរបស់ឪពុករបស់គាត់។ ចំណែកនាយករដ្ឋមន្ត្រី Fumio Kishida និងគណៈរដ្ឋមន្ត្រីមួយក្រុម ក៏បានរង់ចាំលោក អាបេ យ៉ាងស្ងៀមស្ងាត់នៅមុខការិយាល័យ ដែលលោក អាបេ ធ្លាប់ដឹកនាំប្រទេសចំនួន […]

ថៃ៖ នាយកដ្ឋានវេជ្ជសាស្រ្តវិទ្យាសាស្រ្តថៃបានអះអាងថា មេរោគបំប្លែងខ្លួននៃជំងឺកូវីដ-១៩ ប្រភេទអូមីក្រុង BA.4 និង BA.5 គឺអាចបង្កគ្រោះថ្នាក់ធ្ងន់ធ្ងរជាងវ៉ារ្យ៉ង់ផ្សេងៗទៀតដែលបានបំប្លែងខ្លួនចេញពីមេរោគអូមីក្រុងដូចគ្នា ខណៈប្រព័ន្ធភាពស៊ាំក្នុងខ្លួនមនុស្សហាក់មិនសូវមានប្រសិទ្ធខ្ពស់នោះទេពេលជួបជាមួយមេរោគអូមីក្រុង BA.4 និង BA.5។ បើតាមលោក Supakit Sirilak ជាអគ្គនាយកនៃនាយកដ្ឋានវេជ្ជសាស្រ្តវិទ្យាសាស្រ្តថៃបានបញ្ជាក់ថា នៅក្នុងចំណោមអ្នកជំងឺកូវីដ-១៩ ដែលមានរោគសញ្ញារលាកសួតធ្ងន់ធ្ងរនិងស្លាប់ទាំងអស់នៅក្នុងទីក្រុងបាកកក គឺមាន ៧៧% ជាអ្នកដែលបានឆ្លងមេរោគអូមីក្រុង BA.4 និង BA.5 ខណៈ ២៣%ផ្សេងទៀតគឺជាអ្នកដែលបានឆ្លងមេរោគអូមីក្រុង BA.2។ លោកអគ្គនាយករូបនេះបានបន្តថាទៀតថា វត្តមានរបស់មេរោគកូវីដ-១៩ បំប្លែងខ្លួនអូមីក្រុង BA.4 និង BA.5 គឺជាក្តីបារម្ភថ្មីមួយសម្រាប់ទាំងអាជ្ញាធរ និងប្រជាពលរដ្ឋ ដ្បិតក្នុងរយៈពេល ៤សប្តាហ៍ចុងក្រោយនេះតួលេខអ្នកឆ្លងមេរោគអូមីក្រុង BA.4 និង BA.5 បានកើនឡើងយ៉ាងគំហុក ពោលគឺកើនពី ១២% មកដល់ ៧២% ឯណោះក្នុងចំណោមករណីឆ្លងទាំងអស់ក្នុងទីក្រុងបាងកក។ ដោយឡែកនៅតាមបណ្តាខេត្តនៅទូទាំងប្រទេសថៃវិញក៏មានការកើនឡើងនូវតួលេខអ្នកឆ្លងមេរោគអូមីក្រុង BA.4 និង BA.5 ផងដែរ ដោយកើនឡើងក្នុងកម្រិតពី ៦% ទៅ៣៤% ជារៀងរាល់សប្តាហ៍នៅក្នុងចំណោមករណីឆ្លងសរុប។ […]

(បរទេស)៖ ក្រុមហ៊ុន Twitter បានដាក់ពាក្យប្តឹងលោក Elon Musk ជាផ្លូវការកាលពីថ្ងៃអង្គារម្សិលមិញនេះ ពីបទរំលោភលើកិច្ចព្រមព្រៀងទិញលក់បណ្ដាញសង្គមមួយនេះក្នុងតម្លៃ ៤៤ពាន់លានដុល្លារ និងបានសុំឱ្យតុលាការ Delaware បញ្ឈប់ការច្របាច់បញ្ចូលគ្នានៃភាគហ៊ុនរបស់ Twitter ក្នុងតម្លៃ ៥៤.២០ដុល្លារក្នុងមួយភាគ។ នេះបើយោងតាមការចេញផ្សាយ របស់សារព័ត៌មាន Reuters នៅថ្ងៃទី១៣ ខែកក្កដា ឆ្នាំ២០២២។ នៅក្នុងពាក្យបណ្ដឹងបានលើកឡើងថា លោក Musk គឺបានរំលោភលើកិច្ចព្រមព្រៀង និងសេចក្ដីទុកចិត្តដ៏ធ្ងន់ធ្ងរ បើទោះបីជា គាត់ មានសេរីភាពក្នុងការផ្លាស់ប្ដូរចិត្តក្នុងការទិញក្ដី ប៉ុន្តែគាត់បានធ្វើឱ្យ ក្រុមហ៊ុន Twitter រងនូវការប៉ះពាល់ខ្លាំង, រំខាន់ដល់ ប្រតិបត្តិការ ក្រុមហ៊ុនទាំងមូល, បំផ្លាញតម្លៃភាគហ៊ុនរបស់ម្ចាស់ហ៊ុន និង បានដើរចេញដោយសារតែបញ្ហាតិចតួច។ តាមការបញ្ជាក់ពីអ្នកនាំពាក្យរបស់ Twitter បានឱ្យដឹងថា ក្រុមហ៊ុន Twitter នឹងប្រឆាំងជាមួយលោក Musk តាមផ្លូវច្បាប់ ឱ្យដល់ ទីបំផុត ខណ:ដែលអ្នកវិភាគបានលើកឡើងថា វានឹងក្លាយជាការប្រកួតប្រជែងតាមផ្លូវច្បាប់ដ៏ធំបំផុតមួយនៅក្នុងប្រវត្តិសាស្ត្ររបស់ Wall Street។ ដើមហេតុដែលនាំឱ្យ Twitter […]

(កៀវ)៖ អនុប្រធានរដ្ឋបាលនៃមូលដ្ឋានយោធា-ស៊ីវិល លោកស្រី អ៉ីកាធឺរីណា ហ្គូបារ៉េវ៉ា (Ekaterina Gubareva) បានឲ្យដឹងនៅថ្ងៃចន្ទសប្តាហ៍នេះថា ប្រជាជនជាង ១០,០០០នាក់ នៃតំបន់ ឃឺសុន (Kherson) បានទទួលលិខិតឆ្លងដែនរុស្ស៉ី។ នេះបើយោងតាមការចុះផ្សាយដោយសារព័ត៌មានរុស្ស៉ី Tass នៅថ្ងៃអង្គារ ទី១២ ខែកក្កដា ឆ្នាំ២០២២។ នៅក្នុងសារមួយបង្ហោះលើបណ្តាញសង្គមតេឡេក្រាម លោកស្រី អ៉ីកាធឺរីណា បានសរសេរយ៉ាងខ្លីដូច្នេះថា «ប្រជាជនជាង ១០,០០០នាក់ នៃតំបន់ Kherson បានទទួលលិខិតឆ្លងដែនរួចហើយ។ លិខិតឆ្លងដែនរុស្ស៉ីដំបូងបានចេញ នៅក្នុងតំបន់ Kherson កាលពីថ្ងៃទី១១ ខែមិថុនា»។ គួរបញ្ជាក់ថា កាលពីថ្ងៃទី២៤ ខែកុម្ភៈកន្លងទៅ ក្រោយពីការចាប់ផ្តើមបើកប្រតិបត្តិការវាយប្រហារក្នុងប្រទេសអ៊ុយក្រែន និងកាន់កាប់បានទីក្រុង Kherson បច្ចុប្បន្ននេះ អាជ្ញាធររុស្ស៉ីបាន និងកំពុងធ្វើកាងារ ដើម្បីឲ្យពលរដ្ឋនៅទីនោះក្លាយជាពលរដ្ឋរុស្ស៉ីស្របច្បាប់ ខណៈអ៊ុយក្រែន បានថ្កោលទោសទង្វើនេះថា ជាការរំលោភបំពានលើអធិបតេយ្យ និងបូរណភាពទឹកដីរបស់ខ្លួន៕ ផ្តល់សិទ្ធិដោយ៖ freshnews