(ភ្នំពេញ)៖ បន្ទាប់ពីទទួលបានតំណែង ជាប្រធានសមាគមសិល្បករខ្មែរភ្លាម មិនបង្អង់យូរឡើយ លោកជំទាវអ្នកឧកញ៉ា ម៉ៅ ចំណាន ភរិយាអ្នកឧកញ៉ា គិត ម៉េង បានចំណាយពេលវេលា ដឹកនាំក្រុមការងារ អញ្ជើញទៅសួរសុខទុក្ខដោយផ្ទាល់ ព្រឹទ្ធាចារ្យកោសល្យវោហារ​ លោកតា គង់​ ណៃ វីរសិល្បករចាប៉ីដងវែង​ ដែលកំពុងសម្រាកព្យាបាលជំងឺ នៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី)​ ប្រកបដោយសេចក្ដីព្រួយបារម្ភ​ជាទីបំផុត កាលពីថ្ងៃទី០៩ ខែឧសភា ឆ្នាំ២០១៤នេះ។ នៅក្នុងឱកាសនោះ លោកជំទាវអ្នកឧកញ៉ាប្រធានសមាគមសិល្បករខ្មែរ​ បានសាកសួរអំពីស្ថានភាពនានារបស់លោកព្រឹទ្ធាចារ្យ​ គង់​ ណៃ​ ពីសំណាក់ក្រុមគ្រួសារដែលកំពុងមើលថែ លោកព្រឹទ្ធាចារ្យនៅមន្ទីរពេទ្យ​ ព្រមទាំងបាននាំយកនូវថវិកា របស់សមាគមសិល្បករខ្មែរ​ និងថវិការបស់លោកជំទាវអ្នកឧកញ៉ាផ្ទាល់ ប្រគល់ជូនដល់ក្រុមគ្រួសារលោកព្រឹទ្ធាចារ្យ​ ដើម្បីសម្រាលបន្ទុកចំណាយមួយផ្នែកផងដែរ។ លោកជំទាវអ្នកឧកញ៉ា ម៉ៅ ចំណាន បានថ្លែងឲ្យដឹងថា ការដែលបានឡើងធ្វើជាប្រធានសមាគមសិល្បករខ្មែរនេះ លោកស្រីមិនឲ្យម្ចាស់ឆ្នោតខកចិត្តនោះទេ ពោលគឺខិតខំជួយរំលែកទុក្ខលំបាកអ្នករួមអាជីព ដោយការលើកទឹកចិត្ត និងផ្ដល់កម្លាំងចិត្តតាមរយៈពេលវេលាដ៏មានអត្ថន័យនេះ ទោះតិចក្ដីច្រើនក្ដី ពិតជាល្អបំផុត។ លោកជំទាវបានគោរពជូនពរដល់លោកព្រឹទ្ធាចារ្យកោសល្យវោហារ​ គង់​ ណៃ​ ដោយសង្ឃឹមថា​ សុខភាពរបស់លោកព្រឹទ្ធាចារ្យនឹងបានល្អប្រសើរឡើងវិញ ហើយបានជួបលោកតាព្រឹទ្ធាចារ្យសារជាថ្មីម្ដងទៀតនា ពេលឆាប់ៗខាងមុខនេះ​ […]

(ភ្នំពេញ)៖ នៅទីបំផុត សមាគមសិល្បករខ្មែរ បានរកឃើញប្រធានថ្មីនៅអាណត្តិទី៦នេះហើយ គឺបានទៅលើ លោកជំទាវអ្នកឧកញ៉ា ម៉ៅ ចំណាន ដែលបានធ្វើការបោះឆ្នោតប្រកួតប្រជែង នៅព្រឹកថ្ងៃទី០២ ខែឧសភា ឆ្នាំ២០២៤នេះ ដោយមានការចូលរួមពីសំណាក់សិល្បករ-សិល្បការិនី ជាច្រើនាក់ ក្នុងនោះលោកជំទាវអ្នកឧកញ៉ា ម៉ៅ ចំណាន ទទួលបានសំឡេងគាំទ្រ ៥២៧សំឡេង ស្មើនឹង ៩៣%។ នៅក្នុងថ្ងៃបោះឆ្នោត គេបានដឹងថាគណៈកម្មការរៀបចំការបោះឆ្នោតនេះ ដែលមានការគាំទ្រយ៉ាងពេញទំហឹងពី ក្រសួងវប្បធម៌និងវិចិត្រសិល្បៈ បានបង្ហាញបេក្ខភាពឈរឈ្មោះចំនួន៣រូប រួមមាន៖ អតីតតារាសម្តែង លោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង, លោក គួច ខេវិន និងលោក ផាត់ តារារដ្ឋ ប៉ុន្តែបេក្ខភាពដែលជាប់ជាប្រធាន គឺលោកជំទាវអ្នកឧកញ៉ា ម៉ៅ ចំណាន។ ក្រោយពីជាប់ឆ្នោត ជាប្រធានសមាគមសិល្បករខ្មែរ នៅអណត្តិទី៦នេះ លោកជំទាវអ្នកឧកញ៉ា ម៉ៅ ចំណាន បានថ្លែងឲ្យដឹងថា ទី១ សមាគមសិល្បករសហការជាមួយក្រសួងវប្បធម៌និងវិចិត្រសិល្បៈ ព្រមទាំងស្ថាប័នពាក់ព័ន្ធ ដើម្បីរៀបចំយុទ្ធនាការរួមគ្នាស្របតាមគោលនយោបាយជាតិ […]

(ភ្នំពេញ)៖ នៅព្រឹកថ្ងៃទី០២ ខែឧសភា ឆ្នាំ២០២៤នេះ សិល្បករ-សិល្បការិនី ក្នុងប្រទេសកម្ពុជាជាង ៦០០នាក់ បានចូលរួមបោះឆ្នោតជ្រើសរើសប្រធានថ្មីរបស់ខ្លួនយ៉ាងច្រើនកុះករ ខណៈដែលទីតាំងបោះឆ្នោតនោះ បានធ្វើឡើងនៅរាជបណ្ឌិតសភាកម្ពុជា តាមបណ្ដោយផ្លូវសហព័ន្ធរុស្ស៊ី ស្របតាមលក្ខន្តិកៈដែលសមាគម និងមានការទទួលស្គាល់ដោយក្រសួងមហាផ្ទៃ។ នៅថ្ងៃនេះ គេសង្កេតឃើញសិល្បករ-សិល្បការិនីយ៉ាងច្រើនកុះករបានចូលរួមបោះឆ្នោតជ្រើសរើសប្រធានថ្មីរបស់ខ្លួន ដែលការបោះឆ្នោតនេះ បានប្រព្រឹត្តិទៅដោយរលូន ដោយមានបេក្ខភាពឈរឈ្មោះចំនួន៣រូប រួមមាន៖ អតីតតារាសម្តែង លោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង, លោក គួច ខេវិន និងលោក ផាត់ តារារដ្ឋ។ សមាគមសិល្បករខ្មែរ ត្រូវបានបង្កើតឡើងជាដំបូងនៅក្នុងឆ្នាំ២០០៦ ដោយមានការផ្ដួចផ្ដើមគំនិតរបស់អ្នកស្នេហាវិស័យសិល្បៈមួយចំនួន ក្នុងគោលបំណង អភិរក្ស អភិវឌ្ឍន៍ លើកស្ទួយវិស័យសិល្បៈជាតិ និងជួយដោះស្រាយរាល់បញ្ហារបស់អ្នកសិល្បៈ ជាពិសេសជួយដល់អ្នកសិល្បៈចាស់ជរា ពិការបាត់បង់សមត្ថភាព និងបាត់បង់ជីវិត និងរួមចំណែកជួយដល់សង្គមជាតិជាដើម។ មួយរយៈកន្លងមកនេះ សមាគមសិល្បករខែ្មរក៏បានដើរតួរនាទីដ៏សំខាន់មួយជាសេនាធិកាឱ្យក្រសួងវប្បធម៌ និងវិចិត្រសិល្បៈ ក្នុងការចូលរួមបង្កើតសកម្មភាពសិល្បៈនានា ដើម្បីការលើកស្ទួយនូវវប្បធម៌ជាតិ ក៏ដូចជាការជួយសំរួលនូវកិច្ចការលំបាកផ្សេងៗមួយចំនួនរបស់សិល្បករ សិល្បការិនី ដែលបានជួបនូវបញ្ហាដូចអ្វីដែលជាគោលការណ៍របស់សមាគមផងដែរ។​ សមាគមសិល្បករខ្មែរ ត្រូវបឋនបង្កើតឡើងដោយមានការផ្ដួចផ្ដើមគំនិតរបស់អ្នកសេ្នហាវិស័យសិល្បៈវប្បធម៌មួយចំនួន ក្នុងគោលបំណងអភិរក្ស […]

(ភ្នំពេញ)៖ តារាសម្ដែងបែបកំប្លែង និងមានមាឌធាត់ធំគីឡូធ្ងន់ជាងតារាសម្ដែងនានា គឺនាយធុង បានទទួលមរណភាពហើយ នៅវេលាទៀបភ្លឺឈានចូលថ្ងៃទី១ ខែឧសភា ឆ្នាំ២០២៤នេះ នៅក្នុងមន្ទីរពេទ្យមិត្តភាពកម្ពុជា-ចិន (ពេទ្យព្រះកុសុមៈ) ដោយរោគាពាធ ក្នុងវ័យប្រមាណ៣២ឆ្នាំ។ តារាសម្ដែង នាយព្រែក ដែលជាមិត្តភក្តិជិតស្និទ្ធនឹងនាយធុង បានថ្លែងប្រាប់ Fresh News Plus ឲ្យដឹងនៅព្រឹកនេះថា កាលពី៣ថ្ងៃមុនលោកទទួលបានដំណឹងថា តារាកំប្លែងនាយធុង បានដួលនៅក្នុងបន្ទប់ទឹក ហើយបាននាំយកទៅសង្គ្រោះនៅឯមន្ទីរពេទ្យព្រះកុសុមៈ (ពេទ្យលោកសង្ឃ)។ តាំងពីថ្ងៃនោះមក ដោយសារតែលោកជាប់រវល់នឹងការងារ ក៏មិនបានទូរស័ព្ទសួរនាំអ្វីបន្ថែមទៀតឡើយ។ នាយព្រែកបន្តថា រហូតមកដល់ព្រឹកថ្ងៃទី១ ខែឧសភានេះ លោកបានសម្ដែងក្ដីរន្ធត់ និងតក់ស្លុកយ៉ាងខ្លាំង ដោយបានទទួលដំណឹងពីគ្រួសារនាយធុងមកថា នាយធុងបានទទួលមរណភាពទៅហើយ នៅវេលាទៀបភ្លឺ ដែលហាក់លឿនពេក មិនអាចទទួលយកបាន។ លោកក៏មិនច្បាស់ដែរអំពីស្ថានភាពជំងឺរបស់នាយធុង ដែលឈានដល់ការបាត់បង់ជីវិត ប៉ុន្តែគ្រួសារបានបង្ហើបថា អាចជាជំងឺសួតធ្ងន់ធ្ងរ និងជំងឺធាត់ជ្រុល។ ដំណឹងនៃការបាត់បង់តារាកំប្លែងនាយធុង នៅពេលនេះ បានធ្វើឲ្យសិល្បករ-សិល្បការិនី សម្ដែងក្ដីសោកស្ដាយជាពន់ពេក និងបានបាត់បង់អ្នកសិល្បៈបែបកំប្លែង ក្នុងវិស័យសិល្បៈម្នាក់ទៀត ហើយពួកគេបានចូលរួមរំលែកទុក្ខដ៏ក្រៀមក្រំនេះគ្រប់ៗគ្នា ដោយបានបង្ហោះសារក្នុងបណ្ដាញសង្គមព្រោងព្រាត។ សូមបញ្ជាក់ថា នៅពេលនេះសពរបស់តារាកំប្លែងនាយធុង កំពុងតម្កល់ធ្វើបុណ្យតាមប្រពៃណី នៅក្នុងបរិវេណវត្តសន្សំកុល […]

(ភ្នំពេញ)៖ បន្ទាប់ពីមានការប្រកាសរៀបចំការបោះឆ្នោតជ្រើសរើសប្រធានអាណត្តិថ្មី នាថ្ងៃទី២ ខែឧសភា ឆ្នាំ២០២៤ ខាងមុខនេះ មហាជនក៏ដូចជាសិល្បករជាច្រើនបានបញ្ចេញមតិយោបល់ និងការគាំទ្រសមាសភាពដែលពួកគេគាំទ្រ ខណៈដែលសិល្បករបានបង្ហាញគោលជំហរចង់ឈរឈ្មោះ។ ប៉ុន្តែជាក់ស្ដែង គណៈកម្មការរៀបចំការបោះឆ្នោតបានសម្រេចជ្រើសរើសបេក្ខជនផ្លូវការចំនួន៣រូបប៉ុណ្ណោះ ដែលទទួលបានសិទ្ធិពេញលេញក្នុងឈរឈ្មោះដើម្បីបោះឆ្នោតជ្រើសរើសជាប្រធានសមាគមសិល្បករខ្មែរអាណត្តិថ្មី។ បេក្ខភាព៣រូបនោះ រួមមានអតីតតារាសម្តែងលោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង, លោក គួច ខេវិន និងលោក ផាត់ តារារដ្ឋ។ តាមបេក្ខភាពទាំង៣រូបខាងលើនេះនឹងត្រូវអង្គបោះឆ្នោតដែលជាអ្នកសិល្បៈជាច្រើនរូប បោះឆ្នោតជ្រើសរើសជាប្រធានសមាគមសម្រាប់អាណត្តិថ្មី ដែលគ្រោងធ្វើឡើងនៅថ្ងៃទី២ ខែឧសភា ឆ្នាំ២០២៣ ខាងមុខនេះ នៅរាជបណ្ឌិតសភាកម្ពុជា តាមបណ្ដោយផ្លូវសហព័ន្ធរុស្ស៊ី។ ការដែលគណៈកម្មការរៀបចំការបោះឆ្នោតបានសម្រេចជ្រើសរើសបេក្ខជនទាំង៣រូបនេះ ក្រោយពីបានបំពេញគ្រប់លក្ខខណ្ឌត្រឹមត្រូវ។ គួរឱ្យដឹងដែរថា យោងតាមលក្ខន្តិកៈរបស់សមាគមសិល្បករខ្មែរដែលទទួលស្គាល់ដោយក្រសួងមហាផ្ទៃ ការបោះឆ្នោតជ្រើសរើសប្រធានសមាគមមានអាណត្តិ៥ឆ្នាំម្តង។ ក្រោយខកខានបោះឆ្នោតជ្រើសរើសប្រធានថ្មីកាលពីអាណត្តិមុន ដោយសារតែវិបត្តិនៃជំងឺកូវីដ១៩ នៅឆ្នាំ២០២៤នេះ សមាគមសិល្បករខ្មែរដែលមានលោកស្រី ចន ច័ន្ទលក្ខិណា ជាប្រធាបច្ចុប្បន្ន ក៏បានប្រកាសរៀបចំការបោះឆ្នោតជ្រើសរើសប្រធានថ្មី ដែលនិងធ្វើឡើងនៅថ្ងៃទី២ ខែឧសភា ឆ្នាំ២០២៣ ខាងមុខនេះ នៅរាជបណ្ឌិតសភាកម្ពុជា តាមបណ្ដោយផ្លូវសហព័ន្ធរុស្ស៊ី ស្របតាមលក្ខន្តិកៈដែលសមាគម និងមានការទទួលស្គាល់ដោយក្រសួងមហាផ្ទៃ។ សូមជម្រាបថា […]

រាជធានីភ្នំពេញ៖ លោក ចែម ចាន់រ៉ា ដែលត្រូវបានមហាជនស្គាល់ថាជា នាយពាក់មី តារាកំប្លែងល្បីប្រចាំប្រទេស នៅថ្ងៃទី១៨ ខែមីនា​ម្សិលមិញនេះ បានបង្ហោះសារហួសចិត្តមួយ បន្ទាប់ពីលោក បានទិញផ្ទះក្នុងបុរីមួយកន្លែង ជាង៣ឆ្នាំហើយ នៅធ្វើមិនទាន់ហើយ ជាពិសេសពេលបានចុះមើល ឃើញសភាពផ្ទះ ស្ទើរមិនគួរឱ្យជឿ ខណៈដែលជាងធ្វើផ្ទះឱ្យលោក ធ្វើឱ្យរួចពីដៃ ហាក់បីមើលងាយលោកណាស់។ តាមរយៈសារបង្ហោះក្នុងគណនីហ្វេសប៊ុកផ្ទាល់របស់ លោក ចែម ចាន់រ៉ា បានសរសេររៀបរាប់យ៉ាងដូច្នេះថា៖ «ផ្ទះទិញអោយអាតួ កុងត្រា ១៨ខែ ទិញដាច់បង់លុយដាច់ តែជាង ៣ឆ្នាំហើយ នៅធ្វើមិនទាន់ហើយទៀត សូមម្ចាស់បុរី ជួយធ្វើអោយផង ជាពិសេសសូមដាក់ជាងដែលមានជំនាញមកធ្វើផង ដីខ្ពស់ជាងផ្ទះ សសរចាក់មិនត្រង់ជួរគ្នា ការ៉ូក្រាលខ្ពស់ទាប នៅមានទៀត! ខ្ញុំជាអ្នកធ្លាប់ធ្វើសំណង់ដែរ ខ្ញុំយល់ច្បាស់ពីសំណង់ ដល់ពេលដាក់ជាងគ្មានជំនាញ ធ្វើផ្ទះខ្ញុំចឹង ដូចមើលងាយខ្ញុំណាស់ ខ្ញុំប្រាប់ហើយថា ផ្ទះខ្ញុំទិញទុកអោយកូននៅ មិនមែនទិញទុកលក់វិញទេ សូមយកចិត្តទុក្ខដាក់លើជាងផង៕» ប្រភព៖ Chem Chanra ចែម ចាន់រ៉ា

រាជធានីភ្នំពេញ៖ តារាច្រៀងលោក អីណូ ដែលត្រូវបានមហាជនស្គាល់ថា ជាតារាចម្រៀងសម្បូរដោយវោហារ កំប្លែងស្ងួត ស្ថិតនៅក្នុងទ្រនុងសិល្បៈអស់ពេលជាច្រើនឆ្នាំមកហើយនោះ កាលពីព្រឹកមិញនេះលោកបានប្រកាសនៅក្នុងគណនីហ្វេសប៊ុកផ្ទាល់ថា លោកអស់ពីខ្លួនហើយ និងប្រកាសក្ស័យធនជំពាក់បំណុលគេសរុបជាង ១០ម៉ឺនដុល្លារ និងស្នើឱ្យម្ចាស់បំណុលយោគយល់ ដោយសងតែដើមបានហើយ លោកគឺមិនគេចវេសទេ។ តាមរយៈខ្លឹមសារបង្ហោះក្នុងគណនីហ្វេសប៊ុកផ្ទាល់របស់ លោក អីណូ បានសរសេររៀបរាប់យ៉ាងដូច្នេះថា៖ «ជំរាបសួរពុកម៉ែបងប្អូនខ្ញុំឈប់លាក់ហើយខ្ញុំទៅមុខលែងរួចហើយសល់តែភាពល្បីល្បាញដែលពុកម៉ែបងប្អូនគាំទ្រផ្តល់អោយជិត ១៨ឆ្នាំមកនេះទេ ខ្ញុំអស់ពីខ្លួនហើយ ខ្ញុំឈប់លាក់ហើយ ខ្ញុំលែងខ្លាចខ្មាស់គេហើយ ពេលមានបានខ្ញុំមិនដែលអួតអាងអីទេ ខ្ញុំតែងតែជួយគេ តែហេតុអ្វីឥឡូវខ្ញុំមានកម្មពារបែបនេះ។ សុំគោរពសុំម្ចាស់បំណុលដែលខ្ញុំបានជំពាក់សរុបចូលគ្នា ១០ម៉ឺនដុល្លារជាង សូមគិតតែដើមខ្ញុំបានហើយខ្ញុំមិនបានគេចវេសទៅណាទេខ្ញុំនៅតែមានទំនួលខុសត្រូវនិងគុណធម៌ ហើយសុំពេលបន្តិច រីឯថ្ងៃទី១៧ ខែមីនានេះ ៣ម៉ឺនដុល្លារ ការ2400ដុល្លារ ខ្ញុំរកអត់ទាន់ទេតើខ្ញុំត្រូវធ្វើដូចម្តេច?» លោក អីណូ បានបន្ថែមទៀតថា៖ «លោកពុកទាហានពិការចូលនិវត្តន៍ កំពុងឈឺជម្ងឺប្រចាំកាយ អ្នកម្តាយគ្រូបង្រៀនចូលនិវត្តន៍ចាស់ៗអស់ហើយ ផ្ទះពួកគាត់ក៏ត្រូវជាប់ធានាគារបង់គេយឺតរហូត អោយខ្ញុំត្រូវធ្វើបែបណា វាជាកំហុសរបស់ខ្ញុំ។» លោក អីណូ បានឱ្យដឹងពីមូលហេតុដែលធ្វើឱ្យលោកផុងខ្លួន ជំពាក់បំណុងគេវ័នក ក៏ព្រោះតែលោកបានទៅ កម្ចីលុយOnlineចិន លោកបានរៀបរាប់ថា៖ «រយៈពេលប៉ុន្មានឆ្នាំបន្ទាប់ពីក្ស័យធនការងាររកស៊ីខ្លាំងចាប់តាំងពីកូវីដរហូតមកដល់សេដ្ឋកិច្ចធ្លាក់មកនេះ ដោយមិនមែនយកទៅលែងល្បែងអីទេខ្ញុំហ៊ានស្បថខ្ញុំបានលាក់បាំងរហូត ធ្វើអោយលោកពុកអ្នកម្តាយធ្លាក់ខ្លួនឈឺ ដោយសារតែកូនជាប់បំណុលគេច្រើនលាក់បាំងគេប្រឹងសើចប្រឹងច្រៀងលើឆាកប្រឹងឆ្កួតប្រឹងជា […]

រាជធានីភ្នំពេញ៖ ថ្មីៗនេះតារាចម្រៀង ម៉ៅ​ ហាជី​ ដែលត្រូវបានមហាជនស្គាល់ថា ជាតារាចម្រៀងដែលមានទឹកដមសំឡេងធ្ងន់ បានបង្ហាញបទចម្រៀងថ្មីមួយបទ យកទំនុកភ្លេងតាមបទ «ដែនដីខ្មែរប្រែថា សុវណ្ណភូមិ » របស់ព្រះរាជនិពន្ធដោយសម្ដេចព្រះមហាសង្ឃរាជ ជួន ណាត មក remix ខូចទម្រង់ដើម កំពុងរងការរិះគន់យ៉ាងចាស់ដៃពីមហាជន។ ក្នុងនោះក៏ឃើញមានគណនីហ្វេសប៊ុកមួយឈ្មោះ អាចារ្យធំ នគររាជ បានបង្ហាញអារម្មណ៍មិនពេញចិត្តជាខ្លាំង និងបានលើកឡើងយ៉ាងដូច្នេះថា៖ «ព្រះរាជនិពន្ធដោយសម្ដេចព្រះមហាសង្ឃរាជ ជួន-ណាត “ដែនដីខ្មែរប្រែថា សុវណ្ណភូមិ…” មិនមែនដែនដីខ្មែរប្រែថាគ្រឿងស្រវឹងប្រមឹកទេ។ បទជាតិមួយទាំងមូលដែលត្រូវតម្កល់ដោយការគោរព និងបណ្ដុះគំនិតជាតិនិយម បែរជាថ្លើមធំហ៊ានប្រមាថ។ » អាចារ្យធំ នគររាជ ក៏បានស្នើទៅ ក្រសួងវប្បធម៌ និងវិចិត្រសិល្បៈ ឱ្យជួយអន្តរាគមន៍ចំពោះករណីនេះផងដែរ ៕ ប្រភព៖ អាចារ្យធំ នគររាជ

(អាមេរិក)៖ តារាចម្រៀងល្បីរបស់កម្ពុជា គឺលោក G-Devith និងអ្នកនាង ទេព បូព្រឹក្ស បានក្លាយជាតារាតំណាងរបស់ Tommy Hilfiger ពីប្រទេសកម្ពុជាចូលរួម Tommy Hilfiger Fall-Winter ‘24 Runway Show នៅទីក្រុង New York សហរដ្ឋអាមេរិកជាមួយនឹងតារាល្បីៗលើពិភពលោកជាច្រើនរូបទៀត។ កាលពីយប់ថ្ងៃទី០៩ ខែកុម្ភៈ​នេះ នៅទីក្រុង New York ក្រុមហ៊ុនលក់សម្លៀកបំពាក់ដ៏ល្បីរបស់អាមេរិក Tommy Hilfiger បានរៀបចំកម្មវិធី Tommy Hilfiger Fall-Winter ‘24 Runway Show មួយដ៏ធំ ហើយក៏មានវត្តមានពីតារាល្បីៗទូទាំងពិភពលោកមកចូលរួមដូចជា lee-Junho (ពីក្រុម 2PM), NAYEON (ពីក្រុម TWICE) មកពីប្រទេសកូរ៉េ និង PHUWIN, NARAVIT និង WIN METAWIN មកពីប្រទេសថៃជាដើម។ វត្តមានរបស់តារារ៉េបដ៏ល្បី G-Devith និង […]

(បរទេស)៖ ទោះបីលែងលះគ្នាអស់រយៈពេលជាច្រើនឆ្នាំហើយក្តី តែអតីតស្វាមីប្តីប្រពន្ធកំពូលតារាហូលីវូដ Brad Pitt និង Angelina Jolie នៅតែមិនទាន់ដាច់ស្រេចគ្នា ដោយសារមានរឿងក្តីជាច្រើនត្រូវដោះស្រាយនៅតុលាការ។ ជាក់ស្តែង ជម្លោះអតីតគូស្វាមីភរិយានេះ បានចាប់ផ្តើមនៅពាក់កណ្តាលឆ្នាំ២០១៦ នៅពេលដែល Angelina ចង់លក់ចំការទំពាំងបាយជូរ ដើម្បីផ្លាស់ទៅប្រទេសអង់គ្លេស ដើម្បីបន្តសកម្មភាពនយោបាយ ប៉ុន្តែត្រូវប្រឈមមុខនឹងការប្រឆាំងពី Brad Pitt។ តែយ៉ាងណា នាពេលថ្មីៗនេះ ទទួលដំណឹងមកថា ជុំវិញរឿងក្តីចំការទំពាំងបាយជូរ តម្លៃប្រមាណ៥០០លានដុល្លារនេះ ត្រូវបានតុលាការសម្រេចឲ្យ Brad Pitt ជាអ្នកឈ្នះ។ នេះបើតាមការចេញផ្សាយ ដោយសារព័ត៌មាន Firstpost នៅថ្ងៃទី០៦ ខែកុម្ភៈ ឆ្នាំ២០២៤។ Brad Pitt អះអាងថា ខ្លួនស្រឡាញ់ចំការទំពាំងបាយជូរ Château Miraval ក្នុងប្រទេសបារាំងនេះខ្លាំងណាស់ ហើយបានចំណាយពេលជុសជុលកែលម្អច្រើនណាស់ ទើបលោកមិនចង់លក់វា។ ក្នុងឆ្នាំ២០២២ តារាសម្តែងរូបនេះបានប្តឹងអតីតភរិយារបស់លោក ជាលើកដំបូងពីបទលក់កម្មសិទ្ធិសម្ងាត់ឲ្យ Yuri Shefler ប៉ុន្តែត្រូវបានបាត់បង់ដោយតុលាការ Los Angeles ដោយសារតែមិនមានភស្តុតាងគ្រប់គ្រាន់។ តែយ៉ាណានៅពេលេនះ […]