(ភ្នំពេញ)៖ នារាត្រីថ្ងៃសៅរ៍-អាទិត្យ ទី១៩-២០ មេសា នៅលើផ្លូវថ្មើរជើង (Walk Street) មានរៀបចំឱ្យមានរបាំបុរាណ នារីកម្ពុជា ហើយសំរាប់រាត្រីថ្ងៃអាទិត្យវិញ មានសម្តែងក្បាច់ គុនល្បុក្កតោ។ បន្ថែមពីនេះ ដោយសារនៅសល់ចំហាយពីបុណ្យចូលឆ្នាំថ្មី នាថ្ងៃសៅរ៍ ទី១៩ មេសា នេះដែរ ក៏មានប្អូនៗយុវវ័យ បានបន្តលែងល្បែងប្រជាប្រិយ៍ និងរាំលេងកំសាន្ត នៅផ្លូវថ្មើរជើង (Walk Street) យ៉ាងច្រើនកកកុញផងដែរ។ នេះបើតាមការឱ្យដឹងពីលោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យសាលារាជធានីភ្នំពេញ កាលពីរាត្រីថ្ងៃអាទិត្យ ទី២០ ខែមេសា ឆ្នាំ២០២៥។ លោកស្រីបន្តថា នៅថ្ងៃអាទិត្យនេះ ម៉ោង៧យប់មាន របាំល្បុក្កតោ។ ប៉ុន្តែអ្វីដែលជាការកត់សំគាល់ នៅថ្ងៃសៅរ៍នេះដែរ មានបងប្អូនប្រជាពលរដ្ឋ ពិសេសយុវវ័យ នៅតែបន្តលែងល្បែងប្រជាប្រិយ៍របស់យើង ដូចជាលោតកៅស៊ូ លាក់កន្សែងនិងរាំលេងកំសាន្ត នៅផ្លូវថ្មើរជើង (Walk Street) មុខបរមរាជវាំងដដែល ដើម្បីអបអរសាទរ បុណ្យចូលឆ្នាំប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩នេះ។ គួររំលឹកថា៖ […]

(កំពត)៖ នៅព្រឹកថ្ងៃចន្ទ ៩រោច ខែចេត្រ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២១ ខែមេសា ឆ្នាំ២០២៥នេះ សម្តេចមហាបវរ​ធិប​តី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជាអធិបតីដ៏ខ្ពង់​ខ្ពស់​សម្ពោធដាក់ឱ្យប្រើប្រាស់ជាផ្លូវការកំពង់ផែទេសចរណ៍អន្តរជាតិ​កំពត។ កំពង់ផែទេសចរណ៍អន្តរជាតិកំពត ស្ថិតនៅក្នុងភូមិជុំគ្រៀល ឃុំជុំ​គ្រៀល ស្រុកទឹកឈូ ខេត្តកំពត ត្រូវបានសាងសង់ឡើង​នៅលើ​ផ្ទៃ​ដីទំហំ ៤,២៥ហិកតា ជាអំណោយរបស់អ្នកឧកញ៉ា វិញ ហួរ ជូន​រាជ​រដ្ឋាភិបាលកម្ពុជា។ ហេដ្ឋារចនាសម្ព័ន្ធរបស់កំពង់ផែនេះ រួមមាន ផ្លូវ​បេតុងចូលកំពង់ផែប្រវែង ២,៤០គីឡូម៉ែត្រ ប្រព័ន្ធអគ្គិសនី ប្រព័ន្ធ​ទឹកស្អាតសម្រាប់ផ្គត់ផ្គង់ការប្រើប្រាស់របស់ប្រជាជន និងកំពង់ផែ ប្រព័ន្ធចម្រោះទឹកកខ្វក់ របង ប៉ុស្តិ៍យាម ចំណតរថយន្ត សួនច្បារ ស្រះទឹក អគារប្រមូលទុកដាក់សំរាម អគារបន្ទប់ទឹកសាធារណៈ អគារបច្ចេកទេស អគាររដ្ឋបាលនិងអ្នកដំណើរ ចំណតនាវា ប្រព័ន្ធ​គ្រប់គ្រងអគ្គិភ័យ និងការបំពាក់ឧបករណ៍បច្ចេកទេសចាំបាច់ផ្សេងៗ​ទៀត​សម្រាប់ប្រតិបត្តិការកំពង់ផែ។ តាមការគ្រោង​ទុក​របស់គម្រោងសាងសង់កំពង់ផែទេសចរណ៍នេះ តម្រាយផ្លូវនាវាច​រ​ណ៍ ត្រូវមានជម្រៅទឹក ៣ម៉ែត្រ ដោយរាប់ចាប់ពី​ទីតាំងបត់នាវារហូត​ដល់​ផ្ទៃសមុទ្រ ដែលមានប្រវែង ៦,៧៥គីឡូ​ម៉ែត្រ និងទទឹងទំហំ ៦២ម៉ែត្រ ចែកជា […]

(កាហ្សាក់ស្ថាន)៖ លោក ហួត ហាក់ រដ្ឋមន្រ្តីក្រសួងទេសចរណ៍ នៅយប់ថ្ងៃទី១៩ ខែមេសា ឆ្នាំ២០២៥ ដឹកនាំគណៈប្រតិភូជាន់ខ្ពស់ក្រសួងទេសចរណ៍ អញ្ជើញដល់ទីក្រុង Almaty សាធារណរដ្ឋកាហ្សាក់ស្ថាន ប្រកបដោយសុខសុវត្ថិភាព។ ខណៈនោះមានការទទួលស្វាគមន៍យ៉ាងកក់ក្តៅពីសំណាក់ថ្នាក់ដឹកនាំក្រុមហ៊ុន Daubay Production ក្នុងឱកាសមកចូលរួមពិធីសម្ភោធខ្សែភាពយន្តទេសចរណ៍ដែលបានថតនៅកម្ពុជា របស់ក្រុមហ៊ុន Daubay។ ជាមួយគ្នានេះ រដ្ឋមន្រ្តី ហួត ហាក់ ក៏នឹងមានជំនួបពិភាក្សាការងារដាច់ដោយឡែកជាមួយ រដ្ឋមន្រ្តីក្រសួងទេសចរណ៍ និងកីឡានៃសាធារណរដ្ឋកាហ្សាក់ស្ថាន ដើម្បីផ្លាស់ប្តូរបទពិសោធ និងពង្រឹងកិច្ចសហប្រតិបត្តិការលើវិស័យទេសចរណ៍នៃប្រទេសទាំងពីរផងដែរ។ សូមជម្រាបថា លោក ហួត ហាក់ នឹងដឹកនាំគណៈប្រតិភូក្រសួងទេសចរណ៍កម្ពុជា ចូលរួមកិច្ចប្រជុំកំពូលប្រចាំឆ្នាំ២០២៥ របស់សមាគមទេសចរណ៍អាស៊ីប៉ាស៊ីហ្វិក (PATA Annual Summit 2025) និងពិធីសម្ពោធភាពយន្តទេសចរណ៍ថតនៅកម្ពុជា ចាប់ពីថ្ងៃទី១៩ ដល់ថ្ងៃទី២៤ ខែមេសា ឆ្នាំ២០២៥ នៅទីក្រុង Almaty សាធារណរដ្ឋកាហ្សាក់ស្ថាន និងទីក្រុង Istanbul សាធារណរដ្ឋតួកគីយ៉េ៕ ផ្ដល់សិទ្ធិដោយ៖ Freshnews

(ភ្នំពេញ)៖ ឧត្តមសេនីយ៍ឯក ជួន ណារិន្ទ ស្នងការដ្ឋាននគរបាលរាជធានីភ្នំពេញ បានផ្ញើលិខិតថ្លែងអំណរគុណ ជូនចំពោះថ្នាក់ដឹកនាំ កងកម្លាំងនគរបាលជាតិ និងមន្ត្រីជាប់កិច្ចសន្យា ទាំងអស់ ក្នុងការបំពេញភារកិច្ចយ៉ាងខ្ជាប់ខ្ជួន ក្នុងការពង្រឹងសន្តិសុខ សណ្តាប់ធ្នាប់សាធារណៈ របៀបរៀបរយនៃដំណើរការរៀបចំ ពិធីបុណ្យចូលឆ្នាំថ្មី ព្រមទាំងដំណើរទស្សនកិច្ចផ្លូវរដ្ឋរបស់ លោក XI JINPING ប្រធានាធិបតី នៃសាធារណរដ្ឋប្រជាមានិតចិន។ ក្នុងលិខិតថ្លែងអំណរគុណ បានសរសេរថា «ក្នុងនាមថ្នាក់ដឹកនាំ នៃស្នងការដ្ឋាននគរបាលរាជធានីភ្នំពេញ និងក្នុងនាមខ្លួនខ្ញុំផ្ទាល់ ខ្ញុំសូមសម្តែង នូវសេចក្តីសោមនស្សរីករាយ និងសូមថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំ កងកម្លាំងនគរបាល ជាតិ និងមន្ត្រីជាប់កិច្ចសន្យាទាំងអស់ នៃស្នងការដ្ឋាននគរបាលរាជធានីភ្នំពេញ ដែលបានសហការជាមួយកង កម្លាំងគ្រប់ប្រភេទ និងអាជ្ញាធរមូលដ្ឋានគ្រប់លំដាប់ថ្នាក់ បំពេញភារកិច្ចយ៉ាងខ្ជាប់ខ្ជួន ក្នុងការពង្រឹងសន្តិសុខ សណ្តាប់ធ្នាប់សាធារណៈ របៀបរៀបរយនៃដំណើរការរៀបចំ ពិធីបុណ្យចូលឆ្នាំថ្មី ប្រពៃណីជាតិ ឆ្នាំម្សាញ់ សប្តស័ក ព.ស.២៥៦៩ គ.ស.២០២៥ ព្រមទាំងដំណើរទស្សនកិច្ចផ្លូវរដ្ឋរបស់ លោក XI JINPING ប្រធានាធិបតី នៃសាធារណរដ្ឋប្រជាមានិតចិន ចាប់ពីថ្ងៃទី១៧-១៨ ខែមេសា ឆ្នាំ២០២៥ ឱ្យប្រព្រឹត្តទៅ […]

រាជធានីភ្នំពេញ៖ នៅថ្ងៃទី២០ ខែមេសា ឆ្នាំ២០២៥ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា រាជរដ្ឋាភិបាលកម្ពុជា អនុញ្ញាតឱ្យក្រសួងការពារជាតិ ជ្រើសរើសទាហាន ៣០០នាក់។ សម្រាប់បំពេញក្របខ័ណ្ឌឱ្យកងឯកភាពចំនួន៤៖– បញ្ជាការដ្ឋានទ័ពអាកាស ចំនួន ១០០នាក់– កងឯកភាព ចំណុះឱ្យបញ្ជាការដ្ឋានវិស្វកម្ម អគ្គបញ្ជាការដ្ឋាន ចំនួន ១៥០នាក់– មជ្ឈមណ្ឌលហ្វឹកហ្វឺនពហុសាសន៍ ចំណុះមូលដ្ឋានសមុទ្ររាម កងទ័ពជើងទឹក ចំនួន ៣០នាក់– វិទ្យាស្ថានបញ្ជាការសេនាធិការ ចំនួន ២០នាក់៕ ផ្ដល់សិទ្ធិដោយ៖ ខ្មែរណូត

(ភ្នំពេញ)៖ ក្រសួងបរិស្ថាន សូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១៩ ខែមេសា ឆ្នាំ២០២៥ ចាប់ពីម៉ោង ៧ព្រឹក ដល់ម៉ោង ៧ព្រឹកថ្ងៃទី២០ ខែមេសា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង១៥.៥២ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អណាស់»។ ពណ៌ខៀវៈ គុណភាពខ្យល់ល្អណាស់មាន ខេត្តបន្ទាយមានជ័យ ខេត្តកំពង់ធំ ខេត្តមណ្ឌលគីរី ខេត្តព្រះវិហារ ខេត្តរតនគិរី ខេត្តស្ទឹងត្រែង ខេត្តកំពង់ឆ្នាំង ខេត្តកោះកុង ខេត្តពោធិ៍សាត់ រាជធានីភ្នំពេញ ខេត្តសៀមរាប ខេត្តព្រះសីហនុ ខេត្តតាកែវ ខេត្តបាត់ដំបង ខេត្តកំពត ខេត្តក្រចេះ ខេត្តស្វាយរៀង ខេត្តកែប ខេត្តត្បូងឃ្មុំ ខេត្តឧត្តរមានជ័យ ខេត្តព្រៃវែង និងខេត្តប៉ៃលិន, ពណ៌បៃតងៈ មានខេត្តកំពង់ចាម ខេត្តកំពង់ស្ពឺ និងខេត្តកណ្តាល៕ ផ្ដល់សិទ្ធិដោយ៖ Freshnews

(ភ្នំពេញ)៖ បន្ទាប់ពីមានសេចក្តីរាយការណ៍ពីប្រជាពលរដ្ឋ ក្រុមការងារនៃអគ្គនាយកដ្ឋានគាំពារបរិស្ថាន ក្រសួងបរិស្ថាន នាថ្ងៃទី១៨ ខែមេសា ឆ្នាំ២០២៥ បានរកឃើញឃើញការបញ្ចេញសំណល់ មិនទាន់បានត្រឹមត្រូវតាមបទដ្ឋានបច្ចេកទេសបរិស្ថាន របស់រោងចក្រកែច្នៃកាកស្រាបៀរ ដែលស្ថិតនៅភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ក្រុមការងារជំនាញនៃក្រសួងបរិស្ថាន បានពិនិត្យឃើញថា មានករណីមានក្លិនស្អុយចេញរោងចក្រ ដែលប្រមូល ទិញកាកស្រាបៀរ និងយីស សម្រាប់ធ្វើការកែច្នៃជាចំណីសត្វ (ផលិតផលពាក់កណ្តាលសម្រេច) សម្រាប់លក់ឱ្យក្រុមហ៊ុនផលិតចំណីសត្វក្នុងស្រុក និងនាំចេញ មិនបានដំណើរការប្រព័ន្ធសម្អាតផ្សែង និងក្លិន គ្រប់ចំនួន និងទៅតាមស្ត់ដារបច្ចេកទេស។ ក្រុមការងារបានឱ្យក្រុមហ៊ុនមានការកែលម្អ និងអនុវត្តតាមច្បាប់ និងបទដ្ឋានគត្តិយុត្តនានារបស់កម្ពុជា។ តំណាងក្រុមហ៊ុន បានទទួលស្គាល់ពីចំណុចអវិជ្ជមាន និងសន្យាធ្វើការកែលម្អប្រព័ន្ធសម្អាតផ្សែង និងក្លិនឱ្យបានល្អប្រសើរ ដើម្បីមិនបង្កឱ្យមានផលប៉ះពាល់ដល់បរិស្ថាន និងប្រជាពលរដ្ឋរស់នៅជុំវិញទីតាំងរោងចក្រ។ សូមបញ្ជាក់ថា ដើម្បីការពារសុខភាពប្រជាពលរដ្ឋ និងទប់ស្កាត់ការបំពុលបរិស្ថាន ក្រុមការងារអនុវត្តច្បាប់ដូចខាងក្រោម៖ ១-ក្រុមហ៊ុនត្រូវគោរពតាមកិច្ចសន្យាការពារបរិស្ថាន ២-ក្រុមហ៊ុនត្រូវកែលម្អប្រព័ន្ធគ្រប់គ្រងសម្អាតផ្សែង សម្អាតក្លិនឱ្យបានត្រឹមត្រូវតាមលក្ខណៈបច្ចេកទេស ៣-ក្រុមហ៊ុនត្រូវរកសេវាដឹកជញ្ជូន សំណល់គ្រប់ប្រភេទ មានសំណល់រឹង សំណល់រាវ ដែលមានលិខិតអនុញ្ញាត ទទួលដឹកសំណល់ពីក្រសួងបរិស្ថាន និងអាជ្ញាធរមានសមត្ថកិច្ច ដែលមានទីតាំទុកដាក់សំណល់ត្រឹមត្រូវ ចាំបាច់ត្រូវមានអាងប្រព្រឹត្តកម្មសំណល់រាវត្រឹមត្រូវ និងបានគោរពតាមច្បាប់នៃព្រះរាជាណាចក្រកម្ពុជា ៤-នៅក្នុងអំឡុងពេលនេះ ក្រសួងបរិស្ថាន […]

(ភ្នំពេញ)៖ ដើម្បីរួមចំណែកចូលរួមទប់ស្កាត់ជំងឺមហារីកថ្លើម និងណែនាំពីវិធីសាស្ត្រក្នុងការព្យាបាលឱ្យកាន់តែមានប្រសិទ្ធភាពខ្ពស់ទៅដល់ប្រជាពលរដ្ឋ សមាគមគ្រូពេទ្យកម្ពុជាផ្នែកប្រដាប់រំលាយអាហារ បានសហការជាមួយមេហ្គាឡៃសាយអិនសិស (Mega Life Sciences) ដែលជាក្រុមហ៊ុនផលិតផលចែកចាយថ្នាំអន្តរជាតិមួយ ដែលមានវត្តមាននៅលើពិភពលោកជាង ៣០ប្រទេស ទាំងនៅអាស៊ី អាហ្វ្រិក និងអឺរ៉ុប រៀបចំទិវាសុខភាពថ្លើមពិភពលោក ដើម្បីផ្សព្វផ្សាយដល់ប្រជាជនលើពិភពលោកឲ្យដឹងពីមូលហេតុគ្រោះថ្នាក់ និងរបៀបការពារព្យាបាលជំងឺថ្លើម។ ពិធីនេះដែរបានធ្វើឡើងនាថ្ងៃទី១៩ ខែមេសា ឆ្នាំ២០២៥ នៅសណ្ឋាភ្នំពេញ ក្រោមវត្តមានលោកសាស្ត្រាចារ្យ ឪម សិរី វិចិត្រ ប្រធានសមាគមគ្រូពេទ្យកម្ពុជាផ្នែកប្រដាប់រំលាយអាហារ​ និងដោយមានការចូលរួម​ពីតំណាងក្រុមហ៊ុនមេហ្គា និងមានវេជ្ជបណ្ឌិតឯកទេស វេជ្ជបណ្ឌិតទូទៅជាច្រើននាក់មកពីគ្រប់មន្ទីរពេទ្យរដ្ឋ ឯកជន គ្លីនិកនៅភ្នំពេញ និងបណ្ដាខេត្តនានា។ ថ្លែងនាឱកាសនោះលោកសាស្ត្រាចារ្យ ឪម សិរី វិចិត្រ បានឱ្យដឹងថា នៅប្រទេសកម្ពុជាក្រៅពីមេរោគរលាកថ្លើម បេ និង សេ ដែលនៅពួនសម្ងំនៅក្នុងស្រទាប់ប្រជាជនយើងជាយូរមកហើយនោះ មេរោគនេះ​នៅមិនទាន់ឃ្លាតឆ្ងាយពីយើងនៅឡើយទេ។ ថ្វីត្បិតតែពិភពលោកមានឧសថព្យាបាលដែលមានប្រសិទ្ធភាព​លើការបង្ក្រាបមេរោគបេ និងបំបាត់មេរោគសេក៏ដោយ ក្នុងរយៈកាល ១០ឆ្នាំចុងក្រោយនេះ ទិន្នន័យ​ពីអង្គការ​សុខភាពពិភពលោកឆ្នាំ២០២៤ បានបង្ហាញឲ្យឃើញថាប្រជាពលរដ្ឋនៅលើពិភពលោកមាននៅសល់ ២៥៥លាននាក់ផ្ទុកមេរោគបេ។ អត្រានៃមរណភាពមានពី ៨សែន ទៅ ១លានក្នុងមួយឆ្នាំ។ ប្រជាជន ១៣% […]

(ភ្នំពេញ)៖ កម្ពុជា-ចិន បានចុះហត្ថលេខាលើកិច្ចព្រមព្រៀង គម្រោងព្រែកជ្រីកហ្វូណនតេជោ ក្នុងទំហំទឹកប្រាក់ ១១៥៦លានដុល្លារ។ នេះបើតាមសេចក្តីប្រកាសព័ត៌មាន ដែលបណ្តាញព័ត៌មាន ទទួលបាននៅថ្ងៃទី១៩ ខែមេសា ឆ្នាំ២០២៥។ ពិធីចុះហត្ថលេខា បានធ្វើឡើងនៅថ្ងៃទី១៧ ខែមេសា ឆ្នាំ២០២៥ ក្នុងអំឡុងពេលដំណើរទស្សនកិច្ចផ្លូវរដ្ឋមកកាន់កម្ពុជា របស់លោក ស៉ី ជីនពីង ប្រធានាធិបតីចិន ដែលឆ្លុះបញ្ចាំងពីការឈានដល់ការ ឯកភាពគ្នាកម្រិតខ្ពស់រវាងលោក ស៉ី ជីនពិង សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕ ផ្ដល់សិទ្ធិដោយ៖ Freshnews

(ភ្នំពេញ)៖ លោក វ៉ាង វិនពីង ឯកអគ្គរដ្ឋទូតចិនប្រចាំនៅកម្ពុជា បានថ្លែងថា ពាក់ព័ន្ធនឹងគម្រោងព្រែកជីកហ្វូណនតេជោ គឺភាគីចិនយល់ច្បាស់ពីតម្រូវការកម្ពុជា ហើយចិននឹងផ្តល់ការគាំទ្រ។ លោកបានថ្លែងបែបនេះ ក្នុងឱកាសស្ថានទូតចិនប្រចាំកម្ពុជា បានរៀបចំសន្និសីទសារព័ត៌មាន ស្តីពីលទ្ធផលដំណើរទស្សនកិច្ចផ្លូវរដ្ឋមកកម្ពុជា របស់លោក ស៉ី ជីនពីង ប្រធានាធិបតីចិន នៅថ្ងៃទី១៩ ខែមេសា ឆ្នាំ២០២៥នេះ។ បើតាមលោក វ៉ាង វិនពីង ក្រៅពីលើកឡើងពីការគាំទ្ររបស់ភាគីចិនលើគម្រោងព្រែកជីកហ្វូណនតេជោ លោកក៏បានរំលឹកថា អំឡុងពេលលោក ស៉ី ជីនពីង ទស្សនកិច្ចផ្លូវរដ្ឋនៅកម្ពុជា ក៏មានការចុះហត្ថលេខាលើកិច្ចព្រមព្រៀង និងកិច្ចសន្យាចំនួន ៥ ពាក់ព័ន្ធនឹងគម្រោងគ្រប់គ្រងធនធានទឹកចម្រុះហ្វូណនតេជោ កាលពីថ្ងៃទី១៧ ខែមេសា ឆ្នាំ២០២៥ ផងដែរ។ ឯកអគ្គរដ្ឋទូតចិន បានបញ្ជាក់យ៉ាងដូច្នេះ «យើងយល់យ៉ាងច្បាស់គម្រោងនេះ ជាសុបិន្តរបស់រដ្ឋាភិបាលប្រទេសកម្ពុជា។ ភាគីចិនយល់យ៉ាងច្បាស់ពីតម្រូវការ និងការយកចិត្តទុកដាក់របស់ភាគីកម្ពុជា ហើយនឹងបន្តផ្តល់​ការគាំទ្រ។ ហើយក្នុងដំណើរទស្សនកិច្ចនេះ ភាគីយើងទាំងពីរ ក៏មានសហគ្រាសរបស់ប្រទេសចិន ដែលពាក់ព័ន្ធនឹងគម្រោងនេះក៏បានចុះហត្ថលេខានូវកិច្ចព្រមព្រៀមកិច្ចសហប្រតិបត្តិការជាមួយភាគីកម្ពុជា ហើយភាគីចិន នឹងបន្តការគាំទ្រ។ យើងយល់ឃើញថា នេះក៏បានបង្ហាញពីគោលបំណងនៃប្រទេសយើងទាំងពីរក្លាយជាបង្អែកយុទ្ធសាស្ត្រទៅវិញទៅមក»។ សូមជម្រាបថា កិច្ចព្រមព្រៀង និងកិច្ចសន្យាទាំង ៥ ពាក់ព័ន្ធនឹងគម្រោងគ្រប់គ្រងធនធានទឹកចម្រុះហ្វូណនតេជោ […]