(អូស្លូ)៖ ទីបំផុត អ្នកដែលឈ្នះពានរង្វាន់ណូបែលសន្តិភាព សម្រាប់ឆ្នាំ២០២៥នេះ គឺត្រូវបានប្រកាសថា បានទៅលើលោកស្រី Maria Corina Machado ដែលជាមេដឹកនាំក្រុមបក្សប្រឆាំងនៅឯប្រទេសវ៉េណេស៊ុយអេឡា។ នេះបើតាមការចេញផ្សាយ ដោយទីភ្នាក់ងារព័ត៌មាន Reuters នាថ្ងៃសុក្រ ទី១០ ខែតុលា ឆ្នាំ២០២៥។ ក្នុងសេចក្តីប្រកាសម្ចាស់ជ័យលាភីណូបែលសន្តិភាពខាងលើ គណៈកម្មាធិការណូបែល បាននិយាយថា លោកស្រី ត្រូវបានជ្រើសរើស​ជាម្ចាស់ជ័យលាភី គឺដោយសារតែ កិច្ចប្រឹងប្រែងតស៊ូជាច្រើនទសវត្សរ៍មកហើយរបស់លោកស្រី ប្រឆាំងនឹងរបបផ្តាច់ការ និងការការពារយ៉ាងអង់អាចក្លាហានរបស់លោកស្រី ចំពោះលទ្ធិប្រជាធិបតេយ្យ ព្រមទាំងភាពជាអ្នកដឹកនាំផ្នែកស្មារតី ដែលគ្មានការមិនចុះញ៉មរបស់លោកស្រី នៅក្នុងប្រទេសមួយ ដែលពោរពេញទៅដោយវិបត្តិ។ គួរបញ្ជាក់ថា លោកស្រី Corina Machado បានស្ថិតក្នុងការលាក់ខ្លួនអស់រយៈពេលប្រមាណជាង១៤ខែមកហើយ បន្ទាប់ពី​បដិសេធទទួលស្គាល់ ការប្រកាសជ័យជម្នះរបស់ ប្រធានាធិបតីវ៉េណេស៊ុយអេឡា លោក Nicolas Maduro នៅក្នុងការបោះឆ្នោត ដែលត្រូវបានរិះគន់ដោយសហរដ្ឋអាមេរិក និងសហភាពអឺរ៉ុប៕ ផ្ដល់សិទ្ធិដោយ៖ Fresh News

(ភ្នំពេញ)៖ រយៈពេល៩ខែ ឆ្នាំ២០២៥នេះ កម្ពុជានាំចេញទំនិញ គិតទឹកប្រាក់ជាង ២២ពាន់លានដុល្លារ ទៅកាន់ទីផ្សារអន្តរជាតិ កើនឡើង​១២.៩% បើធៀបរយៈពេលដូចគ្នា កាលពីឆ្នាំ២០២៤ មានចំនួនប្រមាណជិត ២០ពាន់លានដុល្លារ។ នេះបើតាមរបាយការណ៍អគ្គនាយកដ្ឋានគយ​ និងរដ្ឋាករកម្ពុជា ដែលបណ្តាញព័ត៌មាន Fresh News ទទួលបាន។ របាយការណ៍បានបញ្ជាក់ថា គិតចាប់ពីខែមករា ដល់ខែកញ្ញា ឆ្នាំ២០២៥ ការនាំចេញទំនិញកម្ពុជាទៅកាន់ទីផ្សារអន្តរជាតិ សម្រេច២២.៣៨ពាន់លានដុល្លារ ដែលធ្វើឱ្យកម្ពុជាសម្រេចបាន ទំហំពាណិជ្ជកម្មជាមួយទីផ្សារអន្តរជាតិក្នុងទំហំជាង ៤៦.៩៩ពាន់លានដុល្លារ កើនឡើង១៤.៨%។ បើតាមរបាយការណ៍អគ្គនាយកដ្ឋានគយ​ និងរដ្ឋាករកម្ពុជា, សហរដ្ឋអាមេរិក គឺជាទីផ្សារចម្បង ដែលកម្ពុជានាំចេញទំនិញច្រើនជាង មានបរិមាណរហូតដល់ ៩.២ពាន់លានដុល្លារ កើនឡើង២២%។ បន្ទាប់មក គឺវៀតណាម មានតម្លៃ២.៩ពាន់លានដុល្លារ កើនឡើង៧.៨%, ចិនជាង ១ពាន់លានដុល្លារ, ជប៉ុនជាង ១ពាន់លានដុល្លារ, អេស្ប៉ាញជាង ៨៧៥លានដុល្លារ, និងបណ្តាប្រទេសសំខាន់ៗ មួយចំនួនទៀត ដូចអង់គ្លេស ថៃ បារាំង បែលហ្ស៊ិក អ៊ីតាលី កូរ៉េខាងត្បូង ម៉ិកស៊ិក អូស្ត្រាលីជា​ដើម។ […]

(បន្ទាយមានជ័យ)៖ កងកម្លាំងចម្រុះរបស់ថៃ នាថ្ងៃទី១០ ខែតុលា ឆ្នាំ២០២៥នេះ បានបន្តទន្ទ្រានទឹកដីកម្ពុជាទាំងខុសច្បាប់ តាមរយៈការឈូសឆាយ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ សកម្មភាពគឃ្លើនរបស់កងកម្លាំងចម្រុះរបស់ថៃ គឺជារំលោភបំពានយ៉ាងធ្ងន់ធ្ងរ មកលើដែនអធិបតេយ្យភាព បូរណភាពទឹកដីកម្ពុជា រំលោភបំពានបទឈប់បាញ់ ព្រមទាំងស្មារតីឯកភាពគ្នាក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី៧ ខែសីហា ឆ្នាំ២០២៥ ក្រោមការចូលរួមសង្កេតការណ៍ដោយម៉ាឡេស៊ី សហរដ្ឋអាមេរិក និងតំណាងប្រទេសចិន។ បើតាមការព្រមព្រៀងគ្នាក្នុងកិច្ចប្រជុំ GBC កន្លងទៅ ដោយភាគីកម្ពុជា និងថៃ ដែលបានឯកភាពគ្នារក្សាកម្លាំងយោធារបស់ខ្លួនក្នុងទីតាំងបច្ចុប្បន្ន ដោយមិនអនុញ្ញាតឱ្យផ្លាស់ទីហួសពីទីតាំងដែលខ្លួនឈរជើងក្នុងពេលព្រៀងបទឈប់បាញ់បានចូលជាធរមាននៅម៉ោង១២យប់កាលពីថ្ងៃទី២៨ ខែកក្កដា ឆ្នាំ២០២៥ ពិសេសមិនត្រូវចល័តកងទ័ពរបស់ខ្លួនរាប់ទាំងការដើរល្បាតទៅលើទីតាំងរបស់ភាគីម្ខាងទៀតឡើយ។ គួរឱ្យដឹងថា ក្នុងកិច្ចប្រជុំ GBC កន្លងទៅ ភាគីទាំងពីរ ក៏ព្រមព្រៀងគ្នាមិនប្រព្រឹត្តសក ម្មភាពបង្កហេតុណាមួយ ដែលនាំឱ្យមានភាពតានតឹងឡើងវិញផងដែរ រាប់ទាំងការមិនសាងសង់ ឬពង្រីកហេដ្ឋារចនាសម្ព័ន្ធយោធា ឬលេណដ្ឋានហួសពីដែនរបស់ខ្លួនឡើយ។ ដូច្នេះសកម្មភាពទាំងឡាយណាចូលដីកម្ពុជាក្នុងស្រុកអូរជ្រៅ ខេត្តបន្ទាយមានជ័យ គឺជាការរំលោភបំពានបទឈប់បាញ់រវាងប្រទេសទាំងពីរ៕ ផ្ដល់សិទ្ធិដោយ៖ Fresh News

(ព្រះសីហនុ)៖ លោកឧត្តមនាវីត្រី អ៉ិន សុខេមរ៉ា នាយសេនាធិការរង មូលដ្ឋានសមុទ្ររាម ព្រមទាំងនាយនាវីជាច្រើនរូប នៅព្រឹកថ្ងៃសុក្រទី១០ ខែតុលា ឆ្នាំ២០២៥ អញ្ជើញទៅ ទទួលស្វាគមន៍នាវាកងទ័ពជើងទឹករំដោះប្រជាជនចិនចំនួន០២គ្រឿង ឈ្មោះទី១៖ នាវា Qi Jiguang (PLAN 83) និងទី២៖ នាវា Yi Mengshan (PLAN 988)នៅកំពង់ផែស្វយ័តក្រុងព្រះសីហនុ។ ក្នុងដំណើរបំពេញទស្សនកិច្ចនៅព្រះរាជាណាចក្រកម្ពុជារយៈពេល៥ថ្ងៃ គិតចាប់ពីថ្ងៃទី១០ ដល់ថ្ងៃទី១៤ ខែតុលា ឆ្នាំ២០២៥ គឺដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ(កម្ពុជា-ចិន)។ លក្ខណៈបច្ចេកទេសទី១៖ នាវា Qi Jiguang (PLAN 83)-មេបញ្ជានាវាលោកវរនាវីឯក ស៊ូ ជែងកូរ (Xu Jianguo) មានទម្ងន់ផ្ទុក ១០,៩០៧តោន, បណ្ដោយ ១៦៥ម៉ែត្រ, ទទឹង ២២.២ម៉ែត្រ និងជម្រៅទឹក ៦,៥ម៉ែត្រ។ ទី២៖ នាវា Yi Mengshan […]

(ព្រំដែន)៖ ថ្ងៃទី១០ តុលា ២០២៥ – បណ្តាញព័ត៌មាន Fresh News បានបដិសេធចំពោះការផ្សាយរូបភាពរបស់សារព័ត៌មាន Khaosod English និង Thai Press ដែលអះអាងថា មានប្រជាពលរដ្ឋខ្មែរជួបជុំគ្នានៅភូមិព្រៃចាន់ និងជោគជ័យ ដែលស្ថិតជិតតំបន់ព្រំដែនកម្ពុជា–ថៃ។ អ្នកយកព័ត៌មាន Fresh News នៅតំបន់ព្រៃចាន់បានរាយការណ៍ថា គិតត្រឹមម៉ោង១០៖៥០នាទីព្រឹក ថ្ងៃទី១០ តុលា ២០២៥ មិនមានហេតុការណ៍ប្រមូលផ្ដុំ ឬការជួបជុំប្រជាជនណាមួយកើតឡើងឡើយ។ គួរកត់សម្គាល់ថា រូបភាពដែល Khaosod English និង Thai Press បានប្រើក្នុងការបោះផ្សាយ គឺជារូបភាពចាស់ ដែលត្រូវបានយកមកប្រើឡើងវិញ ដោយគ្មានការផ្ទៀងផ្ទាត់ប្រភព និងពេលវេលាជាក់លាក់។ ការផ្សាយនេះមានចេតនាអាក្រក់ ដើម្បីទម្លាក់កំហុសណាមួយលើកម្ពុជា។ មកដល់ត្រឹមម៉ោង១០៖៥០នាទីព្រឹកថ្ងៃទី១០ ខែតុលា ឆ្នាំ២០២៥ សភាពការណ៍បន្តស្ងប់ស្ងាត់ តែពង្រឹងស្មារតីការពារ។ ការបោះផ្សាយព័ត៌មានមិនពិតបែបនេះ អាចបណ្តាលឲ្យមានការយល់ច្រឡំ និងប៉ះពាល់ដល់ស្ថានភាពសន្តិភាពព្រំដែន ដែលកំពុងស្ថិតក្រោមការត្រួតពិនិត្យរបស់គណៈកម្មាធិការព្រំដែនទូទៅ (GBC) និងក្រុមអ្នកសង្កេតការណ៍អាស៊ាន។ Fresh News អំពាវនាវឲ្យសារព័ត៌មានទាំងក្នុង […]

(ព្រំដែន)៖ សេចក្ដីរាយការណ៍ពីអ្នកយកព័ត៌មានជួរមុខរបស់បណ្ដាញព័ត៌មាន Fresh News បានឲ្យដឹងថា គិតត្រឹមម៉ោង១១៖៤៥នាទីព្រឹក ថ្ងៃទី១០ ខែតុលា ឆ្នាំ២០២៥នេះ សភាពការណ៍នៅភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ មានភាពស្ងប់ស្ងាត់ធម្មតា ហើយគ្មានការប្រមូលផ្ដុំរបស់ប្រជាពលរដ្ឋដូចការផ្សាយមិនពិតតាមបណ្ដាញសង្គម និងព័ត៌មានរបស់ថៃនោះឡើយ។ ជាមួយគ្នានេះ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានឲ្យដឹងថា នៅព្រឹកថ្ងៃសុក្រ ទី១០ ខែតុលា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) អញ្ជើញចុះពិនិត្យទីតាំងជាក់ស្តែង នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដើម្បីសង្កេតការណ៍ ផ្ទៀងផ្ទាត់ និងរាយការណ៍ នៅស្ថានភាពព្រំដែន ក្រោយបទឈប់បាញ់ចូលជាធរមាន។ សូមគូសបញ្ជាក់ថា បើយោងតាមផែនការ ក្នុងរយៈពេលពេញមួយសប្តាហ៍នេះ ក្រុមអ្នកសង្កេតការណ៍អន្តរកាល (IOT) នឹងតាមដានសភាពការណ៍ និងចុះសង្កេតការណ៍ជាប្រចាំ នៅភូមិទាំងពីរខាងលើនេះ៕ ផ្ដល់សិទ្ធិដោយ៖ Fresh News

(ឧត្តរមានជ័យ)៖ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានឱ្យដឹងថា តបតាមការអញ្ជើញរបស់ប្រធានក្រុមលេខាធិការយោធភូមិភាគទី៤ កម្ពុជា នៅព្រឹកថ្ងៃទី១០ ខែតុលា ឆ្នាំ២០២៥នេះ ក្រុមលេខានៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) រវាងយោធភូមិភាគទី៤ ភាគីកម្ពុជា និងកងទ័ពភូមិភាគទី២ ភាគីថៃ បានជួបប្រជុំគ្នា នៅសាលប្រជុំក្រុមទំនាក់ទំនងកម្ពុជា-ថៃ ច្រកអន្តរជាតិអូរស្មាច់ ខេត្តឧត្តរមានជ័យ។ លោកស្រីឧត្តមសេនីយ៍ឯក ម៉ាលី សុជាតា បានថ្លែងថា ក្រុមលេខាធិការរបស់កម្ពុជាដឹកនាំដោយឧត្តមសេនីយ៍ត្រី និត ណារ៉ុង នាយសេនាធិការរង យោធភូមិភាគទី៤ និងក្រុមលេខាធិការរបស់ថៃ ដឹកនាំដោយ ឧត្តមសេនីយ៍ត្រី កាំផាក់ណាក វ៉ាផាន់ស៊ុ នាយសេនាធិការ កងទ័ពភូមិភាគទី២។ ភាគីទាំងពីរបានប្រជុំពិភាក្សាគ្នាទៅលើការងារសំខាន់ៗចំនួនបី៖ ទី១៖ ការណែនាំសមាសភាពក្រុមការងារសម្របសម្រួល (Cordination Group) នៃភាគីទាំងពីរទី២៖ ការបន្តប្តេជ្ញាជំរុញការកាត់បន្ថយភាពតានតឹងនិងទី៣៖ ពិភាក្សាការងារត្រៀមរៀបចំកិច្ចប្រជុំគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) ដែលគ្រោងនឹងប្រព្រឹត្តទៅនៅថ្ងៃទី១៥ ដល់ថ្ងៃទី១៧ ខែតុលា ឆ្នាំ២០២៥ ខាងមុខនេះ សូមគូសបញ្ជាក់ផងដែរថា កិច្ចប្រជុំនេះ […]

(ភ្នំពេញ)៖ អាជ្ញាធរអគ្គិសនីកម្ពុជា សេចក្ដីសម្រេចថ្មីមួយ ដោយធ្វើការកែសម្រួលប្រការ ១ នៃសេចក្ដីសម្រេចរបស់អាជ្ញាធរអគ្គិសនីកម្ពុជា លេខ ១២០.សរ.២៥.អអក ចុះថ្ងៃទី៧ ខែកក្កដា ឆ្នាំ២០២៥ ស្ដីពីការកំណត់បញ្ជីថ្លៃបញ្ចូលថាមពល សម្រាប់ស្ថានីយបញ្ចូលថាមពលយានយន្តអគ្គិសនីនៅកម្ពុជា។ ខាងក្រោមនេះជា សេចក្ដីសម្រេចថ្មីរបស់អាជ្ញាធរអគ្គិសនីកម្ពុជា៖ ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារាចរស្តីពីការរៀបចំប្រារព្ធ ទិវាអាកាសចរណ៍ស៊ីវិល៧ធ្នូ នៅព្រះរាជាណាចក្រកម្ពុជា។ វិស័យអាកាសចរណ៍ស៊ីវិល ត្រូវបានចាត់ទុកថា ជាកត្តាផលិតកម្មយុទ្ធសាស្ត្រមួយដ៏សំខាន់នៃដំណើរការអភិវឌ្ឍន៍សង្គម សេដ្ឋកិច្ច តាមរយៈការដឹកជញ្ជូនតាមផ្លូវអាកាសជាតិ និងអន្តរជាតិ ដើម្បីជួយសម្រួលដល់ការធ្វើដំណើរ ការដឹកជញ្ជូនទំនិញ ការជំរុញសកម្មភាពពាណិជ្ជកម្ម និងទេសចរណ៍ ការលើកកម្ពស់ទំនាក់ទំនងសង្គមរួមចំណែក បង្កើនចំណូលថវិកាជាតិ។ កាលពីថ្ងៃទី៤ ខែមេសា ឆ្នាំ២០២៥ រាជរដ្ឋាភិបាលកម្ពុជា បានដាក់ចេញនូវគោលនយោបាយជាតិ ស្តីពីការដឹកជញ្ជូនតាមផ្លូវអាកាសឆ្នាំ ២០២៥-២០៣៥ ដើម្បីខិតខំអនុវត្តជាបន្តនូវ គោលនយោបាយ បើកចំហជើងមេឃ ប្រកបដោយចក្ខុវិស័យវែងឆ្ងាយរបស់ សម្តេចតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រីកម្ពុជា ដែលបានដាក់ចេញកាលពី ឆ្នាំ១៩៩៩ និងបន្តពង្រឹងសមត្ថភាពនៃការប្រកួតប្រជែង ការលើកកម្ពស់ការធ្វើពិពិធកម្មសេដ្ឋកិច្ច ការអភិវឌ្ឍសេដ្ឋកិច្ច និងសង្គមប្រកបដោយចីរភាព ការពង្រីកការតភ្ជាប់ខ្សែច្រវាក់ផ្គត់ផ្គង់ និងខ្សែច្រវាក់តម្លៃ ទៅក្នុងតំបន់និងសកលលោក ដោយរំពឹងទុកថា ព្រះរាជាណាចក្រកម្ពុជានឹងមានការដឹកជញ្ជូនអ្នកដំណើរតាមផ្លូវអាកាសជាតិ និងអន្តរជាតិ ចំនួន២៥ (ម្ភៃប្រាំ) លាននាក់ និងការដឹកជញ្ជូនទំនិញតាមផ្លូវអាកាសចំនួន២០៥ (ពីររយប្រាំ) ពាន់តោននៅ ឆ្នាំ២០៣៥ ព្រមទាំងចូលរួមសម្រេចចក្ខុវិស័យរបស់កម្ពុជា […]

(ភ្នំពេញ)៖ ក្នុងរយៈពេលប៉ុន្មានថ្ងៃចុងក្រោយនេះ អ្នកប្រើប្រាស់បណ្តាញទំនាក់ទំនងសង្គម និងសារព័ត៌មានមួយចំនួន បានផ្ទុះការចាប់អារម្មណ៍យ៉ាងខ្លាំង ចំពោះប្រភពព័ត៌មាន ដែលផ្សព្វផ្សាយលើ Page Facebook ផ្លូវការរបស់ «សាលាសង្កាត់ ស្ទឹងមានជ័យ» អំពីប្រតិបត្តិការរបស់កម្លាំងគយ និងរដ្ឋាករកម្ពុជា ជាមួយសមត្ថកិច្ចពាក់ព័ន្ធ ចុះពិនិត្យអនុលោមភាពពន្ធ ដោយឆែកឃ្លាំងស្តុកទំនិញប្រហិត និងផ្លែឈើមួយកន្លែង ក្នុងស្ថិតលើផ្លូវ៣៨សេ ភូមិទ្រាសង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីរសៀលថ្ងៃទី៤ ខែតុលា ឆ្នាំ២០២៥។ ការផ្ទុះការចាប់អារម្មណ៍នេះ ដោយសារកំហុសឆ្គងផ្នែកបច្ចេកទេសរបស់អ្នកគ្រប់គ្រង Facebook «សាលាសង្កាត់ ស្ទឹងមានជ័យ» ប្រើប្រាស់កម្មវិធី Google ដើម្បី Copy អក្សរចេញពីកំណត់ហេតុរបស់សមត្ថកិច្ចជំនាញ យកមកបង្ហោះលើ Facebook របស់ខ្លួន ដោយមិនមានការផ្ទៀងផ្ទាត់ឡើងវិញ ដែលធ្វើឱ្យខុសកាលបរិច្ឆេទផុតកំណត់ត្រឹមត្រូវ ពីឆ្នាំ២០២៧ មកឆ្នាំ២០២១ និងឆ្នាំ២០០៧ នាំឱ្យការរិះគន់លើសមត្ថកិច្ចជំនាញថា​ បណ្តែតបណ្តោយឱ្យទំនិញផុតសុពលភាពរហូតជិត២០ឆ្នាំ ចូលមកទីផ្សារកម្ពុជា ប៉ុន្តែតាមពិត ទំនិញនោះ ត្រូវផុតកាលកំណត់រហូតដល់ឆ្នាំ២០២៧ឯណោះទេ។ ដោយយល់ឃើញអំពីកំហុសឆ្គងរបស់ខ្លួន នៅថ្ងៃទី៩ ខែតុលា ឆ្នាំ២០២៥នេះ លោក ដុះ គឹមឈី ចៅសង្កាត់រង […]