(កំពត)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបន្តថ្លែងណែនាំឱ្យកម្លាំងអាជ្ញាធរ និងសមត្ថកិច្ចគ្រប់ខេត្តទាំងអស់ បន្តអនុវត្តឱ្យបានជាប់ជាប្រចាំ នឹងដូចភ្លៀងរលឹម លើការបង្ក្រាបក្មេងទំនើង ជាពិសេសក្រុមកាប់ដាវស៉ាំម៉ូរៃ ដោយត្រូវអនុវត្តដោយគ្មានការដកថយឡើយ ងើបមួយចាប់មួយ ងើបមួយអនុវត្តច្បាប់មួយ មិនមានការលើកលែងនោះឡើយ។ សម្តេចមហាបវរធិបតី ហ៊ុន ម៉ាណែត បានថ្លែងយ៉ាងដូចនេះនៅព្រឹកថ្ងៃទី០៦ ខែមិថុនា ឆ្នាំ២០២៤នេះ នាឱកាសដែលសម្តេចបានអញ្ជើញសម្ពោធដាក់ឱ្យប្រើប្រាស់កំពង់ផែពហុបំណងកំពត ដែលសាងសង់រួចរាល់ដំណាក់កាលទី១ តម្លៃប្រមាណ ១៤០លានដុល្លារអាមេរិក។ សម្តេចធិបតី ហ៊ុន ម៉ាណែត បានថ្លែងដូចនេះថា «អនុវត្តក្តៅហើយរឿងក្រុមកាប់ដាវស៉ាំម៉ូរៃ, ជួយឱពុកម្តាយថែទាំបង្ការកុំឱ្យឈានដល់ដាច់ដៃដាច់ជើង ឫស្លាប់ អនុវត្តបទបញ្ជារគ្រប់ខេត្តទាំងអស់ត្រូវអនុវត្ត ឱ្យតែមានមួយងើបមួយចាប់មួយ ងើបមួយអនុវត្តច្បាប់មួយ មួយអាណត្តិពេញ រាប់អាណត្តិទៅក្រោយៗទៀត អត់មានដាក់មួយឃើញតែមួយអាណត្តិនេះទេ»។ សម្តេចធិបតី ហ៊ុន ម៉ាណែត បានបន្ថែមថា សម្តេចក៏បានអំនាវនាវរួចហើយផងដែរដល់ប្រព័ន្ធតុលាការ នៅពេលដែលកម្លាំងអាជ្ញាធរ ឫសមត្ថកិច្ចខំប្រឹងចាប់ក្មេងទំនើងបានហើយ ប្រព័ន្ធតុលាការអត់មានមូលហេតុច្បាស់លាស់ហើយដោះលែងវិញនោះទេត្រូវតែឱ្យច្បាស់លាស់ ហើយបើមានមូលហេតុច្បាស់លាស់ត្រូវតែអនុវត្តច្បាប់ឱ្យបានតឹងរឹងដើម្បីរួមគ្នាធ្វើនិងជាការព្រមានដល់ក្រុមក្មេងទំនើង និងក្រុមដាវស៉ាំម៉ូរៃនេះ។ សម្តេចធិបតី ហ៊ុន ម៉ាណែត បានបន្ថែមថា ការអនុវត្តក្តៅលើក្មេងទំនើង ក្រុមកាប់ដាវស៉ាំម៉ូរៃនេះ ត្រូវរួមគ្នាអនុវត្តឱ្យដូចភ្លៀងរលឹម ងើបមួយសង្កត់មួយ […]

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវកុំឱ្យមានចលនាទិញដី ស្ថិតនៅតាមតម្រាយគម្រោងព្រែកជីកហ្វូណនតេជោ ដើម្បីទារសំណងពីរដ្ឋ។ ថ្លែងក្នុងឱកាសអញ្ជើញសម្ពោធដាក់ឱ្យប្រើប្រាស់​កំពង់ផែពហុបំណងកំពត តម្លៃ១៤០លានដុល្លារ នាព្រឹកថ្ងៃទី០៦ ខែមិថុនា ឆ្នាំ២០២៤ សម្តេចធិបតី ក៏បានអំពាវនាវប្រជាពលរដ្ឋចូលរួមទាំងអស់គ្នា ព្រោះបើគ្មានការចូលរួម គម្រោងរបស់ជាតិ មានតែនៅលើក្រដាសដដែល។ សម្តេចធិបតី បានបន្តថា បើស្រលាញ់ជាតិពិតប្រាកដ ចង់ឱ្យកម្ពុជាមានឯករាជ្យភាពក្នុងដឹកជញ្ជូន ចង់ឃើញទិសនិរតី មានការអភិវឌ្ឍសេដ្ឋកិច្ច ចង់ឱ្យទូទាំងប្រទេសរបស់យើងបានផលពីព្រែកជីកប្រវត្តិសាស្ត្រនេះ ត្រូវតែរួមគ្នាធ្វើ។ សម្តេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «ចុងក្រោយខ្ញុំសុំបងប្អូន ដែលមិនរស់នៅតំបន់ ជាពិសេសអ្នកវិនិយោគ អ្នកដែលចាប់ឱកាសលឿន ខ្ញុំសុំ ព្រោះឥលូវខ្ញុំឮល្ហៀងៗថាប្រមូលគ្នាទិញដី។ កុំ! សូមកុំប៉ះអាកន្លែង ដែលយើងធ្វើ បើយើងធ្វើព្រែកជីកមិនកើត ឬយឺត ក៏យើងខាតដែរ»។ សម្តេច បានបន្តថា «កុំ! ពេលរដ្ឋដាក់គោលនយោបាយ ស្រាប់តែឃើញដីស្រែបោះទង់ ១ការ៉េ ១ពាន់ដុល្លារ ចប់ហើយ។ កន្លែងហ្នឹងទុកទៅ។ ខ្ញុំសូមអំពាវនាវទុកមុនឱ្យហើយ ដើម្បីរួមគ្នា ជាពិសេសបងប្អូនរស់នៅតាមបណ្តោយសណ្តរព្រែក»។ បើតាមប្រសាសន៍សម្តេចធិបតី ហ៊ុន […]

(ភ្នំពេញ)៖ សហគ្រិនខ្មែរប្រកាសបើកទទួលការដាក់ពាក្យចូលរួមក្នុងកម្មវិធីប្រកួតប្រជែង «ពានរង្វាន់ សហគ្រិនខ្មែរសហគ្រាសធុនតូច និងមធ្យមឆ្នាំ២០២៤» ចាប់ពីថ្ងៃផ្សាយដំណឹងនេះតទៅរហូតដល់ថ្ងៃទី0៤ ខែសីហា ឆ្នាំ២០២៤។ កម្មវិធីប្រកួតប្រជែង «ពានរង្វាន់ សហគ្រិនខ្មែរសហគ្រាសធុនតូច និងមធ្យម» ត្រូវបានរៀបចំឡើងជារៀងរាល់ឆ្នាំ ក្នុងគោលបំណងលើកកម្ពស់វប្បធម៌សហគ្រិនភាព និងធ្វើឱ្យបណ្តាញ ទំនាក់ទំនងក្នុងចំណោមតួអង្គសកម្មទាំងអស់នៅក្នុងប្រព័ន្ធអេកូឡូស៊ីប្រសើរឡើង។ ជាពិសេសផ្ដល់ការគាំទ្រដល់ សហគ្រាសធុនតូច និងមធ្យមទូទាំងប្រទេសកម្ពុជា ដែលមកពីគ្រប់វិស័យ។ សហគ្រាសធុនតូច និងមធ្យមទំាងអស់ត្រូវបានលើកទឹកចិត្តឲ្យចូលរួមនៅក្នុងកម្មវិធីប្រកួតប្រជែងនេះ ដើម្បីថ្លឹងថ្លែង ពីសមត្ថភាព និងជំរុញនូវស្មារតីប្រកួតប្រជែងធុរកិច្ចរបស់អ្នកតាមរយៈ ឱកាសទទួលបានវគ្គត្រៀមខ្លួនប្រកួតប្រជែង ការធ្វើទស្សនកិច្ចសិក្សាទៅកាន់ក្រុមហ៊ុនដែលមានសក្កានុពល ក្នុងការផលិត និងកែច្នៃផលិតផលក្នុងស្រុក ក៏ដូចជាឱកាសជួបជាមួយសហគ្រិនឆ្នើមជាច្រើនផ្សេង ទៀតដើម្បីផ្លាស់ប្តូរយោបល់អាជីវកម្មផងដែរ។ សហគ្រិនដែលចូលរួមប្រកួតនឹងទទួលបានអត្ថប្រយោជន៍ដូចជា៖ *ឱកាសក្នុងការចូលរួមវគ្គត្រៀមខ្លួនដើម្បីធ្វើការប្រកួតពង្រឹងអាជីវកម្ម*ឱកាសបង្កើនដៃគូសហការអាជីវកម្ម*ក្លាយជាសមាជិកនៃបណ្ដាញសហគ្រិនខ្មែរ*ឈ្នះទឹកប្រាក់រង្វាន់សរុបប្រមាណ១១០លានរៀល បែងចែកទៅតាមជ័យលាភី សហគ្រិនដែលមានបំណងចង់ចូលរួមត្រូវបំពេញលក្ខខណ្ឌដូចខាងក្រោម៖● មានសញ្ជាតិខ្មែរ●​ ជាស្ថាបនិក /សហស្ថាបនិក ឬប្រធានគ្រប់គ្រង (លិខិតបញ្ជាក់ផ្ទេរសិទ្ធចូលរួមប្រកួតក្នុងករណីអ្នកចូលរួមមិនមែនជាស្ថាបនិក /សហស្ថាបនិក)● ជាអាជីវកម្មបង្កើតក្នុងស្រុក● អាយុកាលនៃអាជីវកម្មចាប់ពី៣ឆ្នាំឡើងទៅ●​ មានពេលវេលាគ្រប់គ្រាន់ក្នុងការចូលរួមវគ្គត្រៀមខ្លួនរប្រកួត● មានការតាំងចិត្តខ្ពស់ និងមានសុក្រិតភាព សូមកុំឲ្យឱកាសនេះរំលងទៅឲ្យសោះ!​ដាក់ពាក្យចូលរួមទំាងអស់គ្នាតាមរយៈតំណរភ្ជាប់ខាងក្រោមនេះ៖ https://forms.gle/UQBWiPfiC5wySPmW8សម្រាប់ព័ត៌មានលម្អិតសូមចូលទៅកាន់តេលេក្រាមគ្រុបខាងក្រោមនេះ៖ https://t.me/KESMEsAward ឬទាក់ទងតាមលេខទំនាក់ទំនង 095 573 167 ។ គួរបញ្ជាក់ថា កម្មវិធីប្រកួតពានរង្វាន់សហគ្រិនខ្មែរ សហគ្រាសធុនតូច និងមធ្យម ២០២៤ ជាកម្មវិធីប្រកួតប្រជែងផ្នែកសហគ្រិនភាពមួយក្នុងចំណោមកម្មវិធីប្រកួតផ្សេងៗទៀតដែលរៀបចំឡើងដោយ សហគ្រិនខ្មែរ […]

(កំពត)៖ យោងតាមការចុះផ្សាយរបស់ ទីភ្នាក់ងារសារព័ត៌មានកម្ពុជា ថ្ងៃទី០៦ ខែមិថុនា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ប្រកាសមិនផ្ដល់អាជ្ញាប័ណ្ណឱ្យបើកកាស៊ីណូនៅក្រុងកំពតបន្ថែមទៀតទេ  លើកលែងតែនៅទីតាំងភ្នំបូកគោមួយតែប៉ុណ្ណោះ។ ខេត្តកំពតត្រូវបានប្រមុខរាជរដ្ឋាភិបាល មើលឃើញថា មានសក្ដានុពលផ្នែកទេសចរណ៍ និងការវិនិយោគសក្ដានុពលច្រើនបែបច្រើនយ៉ាងផ្សេងទៀត។ ក្នុងពិធីសម្ពោធបើកឱ្យប្រើប្រាស់ជាផ្លូវការកំពង់ផែពហុបំណងកំពត នាព្រឹកថ្ងៃទី០៦ ខែមិថុនា ឆ្នាំ២០២៤នេះ សម្ដេចធិបតីនាយករដ្ឋមន្ត្រី បានបញ្ជាក់ថា អ្នកចង់វិនិយោគខាងកាស៊ីណូអាចងាកទៅបើកបនល្បែងនៅតាមច្រកព្រំដែន។ ទន្ទឹមនេះ សម្ដេចធិបតី បានជំរុញឱ្យខេត្ដចំនួន៤ ជាប់មាត់សមុទ្រត្រូវសហការគ្នាឱ្យមានភាពប្រទាក់ក្រឡាគ្នា ដើម្បីទាញសក្ដានុពលផ្សេងគ្នា ដោយខេត្ដនីមួយៗត្រូវដឹងថាខ្លួនត្រូវធ្វើអ្វី ដើម្បីទាក់ទាញសក្ដានុពលរបស់ខ្លួន។ សូមជម្រាបជូនថា ពិធីសម្ពោធដែលកំពុងរៀបចំឡើងយ៉ាងអធិកអធមនាព្រឹកនេះ គឺជាសក្ខីភាពបង្ហាញឱ្យ ឃើញពីសមិទ្ធផលថ្មីមួយបន្ថែមទៀត និងការអភិវឌ្ឍរីកចម្រើនរបស់កម្ពុជាបើនិយាយជារួម និង ការរីកចម្រើនលើវិស័យដឹកជញ្ជូនតាមផ្លូវទឹក និងកំពង់ផែបើនិយាយដោយឡែក ដែលបានលេច ចេញជារូបរាងឡើង ស្របតាមគោលនយោបាយដ៏ត្រឹមត្រូវ និងច្បាស់លាស់ប្រកបដោយភាព ប្រាកដនិយមរបស់រាជរដ្ឋាភិបាលកម្ពុជា ដើម្បីពង្រឹង និងលើកកម្ពស់ការអភិវឌ្ឍវិស័យកំពង់ផែ នៅកម្ពុជា។ ពិធីនាឱកាសនេះ ក៏ជាការបង្ហាញឱ្យឃើញពីការយកចិត្តទុកដាក់ខ្ពស់ និងការផ្តល់ឱកាសពីសំណាក់ប្រមុខរាជរដ្ឋាភិបាលដល់វិស័យឯកជន ជាពិសេស ក្នុងការចូលរួមវិនិយោគ អភិវឌ្ឍវិស័យកំពង់ផែនៅកម្ពុជាឱ្យកាន់តែរីកចម្រើនបន្ថែមទៀត៕

(កំពត)៖ នាព្រឹកថ្ងៃព្រហស្បតិ៍ ទី០៦ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសសម្តេចធិបតី ប្រកាសថ្ងៃបើកបើកការដ្ឋាន គម្រោងព្រែកជីកហ្វូណនតេជោ ដោយយកថ្ងៃទី០៥ ខែសីហា ឆ្នាំ២០២៤។ ការប្រកាសនេះធ្វើឡើងក្នុងឱកាសសម្តេចមហាបវរធិបតី អញ្ជើញចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការ កំពង់ផែពហុបំណងកំពត ក្រោមទុនវិនិយោគរបស់ក្រុមហ៊ុនកំពតផត។

យោងតាមការចុះផ្សាយរបស់ក្រសួងព័ត៌មាន នៅព្រឹកថ្ងៃទី៦ ខែមិថុនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីសម្ពោធបើកឱ្យប្រើប្រាស់ជាផ្លូវការ «កំពង់ផែពហុបំណងកំពត»។ កំពង់ផែពហុបំណងកំពត ដែលមានទីតាំង ស្ថិតនៅភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ត្រូវបានរាជរដ្ឋាភិបាល អនុញ្ញាតឱ្យបង្កើតឡើង នៅក្នុងអំឡុងឆ្នាំ២០០៥ និងត្រូវបានក្រសួងសាធារណការ និងដឹកជញ្ជូន ផ្តល់លិខិតអនុញ្ញាត ឱ្យធ្វើការអភិវឌ្ឍសាងសង់ហេដ្ឋារចនាសម្ព័ន្ធកំពង់ផែ នៅក្នុងអំឡុងឆ្នាំ២០១២ នៅលើផ្ទៃដីទំហំ សរុប ២០៧ហិកតា ដែលជាកម្មសិទ្ធិរបស់ក្រុមហ៊ុនកំពតផត។ គម្រោងអភិវឌ្ឍន៍កំពង់ផែពហុបំណងកំពត នៅក្នុងដំណាក់កាលទី១ បានបញ្ចប់ការ សាងសង់ជាស្ថាពរស្របតាមលក្ខណៈបច្ចេកទេស នូវហេដ្ឋារចនាសម្ព័ន្ធរូបវន្តសំខាន់ៗ រួមមាន៖ ចំណតនាវា មានបណ្តោយប្រវែង ៤៥០ម៉ែត្រ និងទទឹងប្រវែង ៦០ម៉ែត្រ មានបង្គោលចងពួរ សម្រាប់នាវាចូលចតែអែបចំណតនាវា និងរបាំងការពារការប៉ះទង្គិចនាវា, ការសាងសង់ទីលាន កុងតឺន័រ មានទំហំផ្ទៃសរុប ៥៥ ០០០ម៉ែត្រការ៉េ, ឃ្លាំងស្តុកទំនិញមានទំហំសរុប ៨ ៨០០ ម៉ែត្រការ៉េ, អគារត្រួតពិនិត្យទំនិញ មានទំហំ […]

(ភ្នំពេញ)៖ ការនាំចេញក្នុង៥ខែ នៃឆ្នាំ២០២៤ កម្ពុជាបាននាំចេញអង្ករចំនួន ៣០២ ៥៩២ តោន គិតជាទឹកប្រាក់បានចំនួន ២១៩.៩១លានដុល្លារសហរដ្ឋអាមេរិក។ នេះបើតាមសេចក្ដីប្រកាសព័ត៌មាន របស់សហព័ន្ធស្រូវអង្ករកម្ពុជា ដែលបណ្ដាញព័ត៌មាន Fresh News ទទួលបាននៅថ្ងៃទី០៥ ខែមិថុនា ឆ្នាំ២០២៤។ សេចក្ដីប្រកាសព័ត៌មាន បានបញ្ជាក់ថា ក្នុងរយៈពេល៥ខែ នៃឆ្នាំ២០២៤ កម្ពុជាបាននាំចេញអង្ករបានចំនួន ៣០២,៥៩២តោន តាមរយៈក្រុមហ៊ុននាំចេញអង្ករចំនួន ៤៩ក្រុមហ៊ុន ទៅកាន់គោលដៅចំនួន ៦៣ ដែលក្នុងនោះ រួមមាន៖ * ទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ១៣៦,៥២៨តោន គិតជាទឹកប្រាក់ចំនួន ១០៤.៤០លានដុល្លារសហរដ្ឋអាមេរិក* ទៅកាន់ប្រទេសចិនរួមទាំងហុងកុង និងម៉ាកាវ ចំនួន ៧៣,៣២០តោន គិតជាទឹកប្រាក់ចំនួន ៤៦.២០លានដុល្លារសហរដ្ឋអាមេរិក* ទៅកាន់ប្រទេសក្នុងអាស៊ាន រួមទាំងទីម័រខាងកើត ចំនួន៧ប្រទេសបានបរិមាណ ចំនួន ៦៥,៤១២តោន គិតជាទឹកប្រាក់ចំនួន ៤៦.៣៤ លានដុល្លារសហរដ្ឋអាមេរិក* ទៅកាន់គោលដៅ២៧ផ្សេងទៀត រួមមាន៖ អាហ្វ្រិក មជ្ឈឹមបូព៌ា អាមេរិក កាណាដា […]

(ភ្នំពេញ)៖ លោក សុខ សូកេន រដ្ឋមន្ត្រីក្រសួងទេសចរណ៍ នាថ្ងៃទី៥ ខែមិថុនា ឆ្នាំ២០២៤ បានជួបប្រជុំតាមប្រព័ន្ធវីដេអូជាមួយលោក Maximillion Cooper ស្ថាបនិកកម្មវិធី Gumball 3000 Group ពាក់ព័ន្ធនឹងដំណើររបស់ជនមានឥទ្ធិពលល្បីៗរាប់ពាន់នាក់ជុំវិញពិភពលោក ដែលនឹងធ្វេីដំណេីរឆ្លងកាត់ពីប្រទេសគ្រប់ទ្វីបទាំងអស់ ក្នុងនោះក៏ឆ្លងកាត់ប្រទេសកម្ពុជាដែរ។ កម្មវិធីនេះជាការប្រមូលផ្តុំរថយន្តទំនើបៗ និងជនមានឥទ្ធិពលល្បីៗរាប់ពាន់នាក់ជុំវិញពិភពលោក ហើយបង្កើតបទពិសោធន៍ដ៏អស្ចារ្យបំផុត តាមរយៈការធ្វេីដំណេីរឆ្លងកាត់ពីប្រទេសមួយទៅប្រទេសមួយទៀតគ្រប់ទ្វីបទាំងអស់ជុំវិញពិភពលោក ដោយឆ្លងកាត់ប្រទេសកម្ពុជា៕ ផ្តល់សិទ្ធិដោយ៖ Fresh News

(កំពត)៖ ភ្នំបូកគោជាតំបន់ទេសចរណ៍ដ៏ល្អពិសេស​មួយនៅខេត្តកំពត ហើយមានកត្តាសំខាន់ៗ៤យ៉ាង ដែលនាំឲ្យភ្នំបូកគោ អាចក្លាយទៅជាទីកន្លែងទេសចរដ៏សំខាន់នៅក្នុងប្រទេស និងលើពិភពលោក។ នេះបើតាមការបញ្ជាក់របស់ លោកឧកញ៉ា សាយ សុភ័ត្រា នាយកផ្នែកលក់ និងទីផ្សារ ក្រុមហ៊ុនសុខា អូតែល និងក្រុមហ៊ុន សុខា រៀល អ៉ីស្តេត ក្នុងជំនួបជាមួយអ្នកសារព័ត៌មាន ដែលរៀបចំដោយ ក្លិបអ្នកកាសែតកម្ពុជា កាលពីពេលថ្មីៗនេះ។ ចំណុចសំខាន់ៗ៤ យ៉ាងដែលមានស្រាប់ និងកំពុងអភិវឌ្ឍដោយក្រុមហ៊ុនសុខា អូតែល និងក្រុមហ៊ុន សុខា រៀល អ៉ីស្តេត នៅតំបន់ភ្នំបូកគោមានដូចជា៖ ១.តំបន់ប្រវត្តិសាស្រ្ត, ២.កន្លែងលម្ហែដែលមានខ្យល់អាកាសល្អ ហើយអាចជួយព្យាបាលសុខភាពបាន, ៣.ប្រព័ន្ធផ្លូវខ្វាត់ខ្វែង និងទី៤.ទេសចរណ៍សាសនា។ ៤ចំណុចនេះ ត្រូវបានលោកឧកញ៉ា សាយ សុភ័ត្រា ជឿជាក់ថា មិនយូរទេ អាចត្រឹម៥ឆ្នាំទៀតប៉ុណ្ណោះ តំបន់ភ្នំបូកគោនេះ នឹងក្លាយជាទីកន្លែងទេសចរដ៏សំខាន់នៅក្នុងប្រទេស និងលើពិភពលោក ដែលសាកសមសម្រាប់ទេសចរណ៍ និងវិនិយោគ។ មិនតែប៉ុណ្ណោះដើម្បីអាចអភិវឌ្ឍអមដោយការអភិរក្សធនធានធម្មជាតិ និងបរិយាកាស នៅតំបន់ភ្នំបូកគោ ក្រុមហ៊ុនសុខា អូតែល និងក្រុមហ៊ុន សុខា រៀល […]

(ស្វាយរៀង)៖ នៅវេលាម៉ោងប្រមាណ៧៖០០នាទីព្រឹកថ្ងៃទី១៨ ខែឧសភា ឆ្នាំ២០២៤ មានប្រជាពលរដ្ឋ បានប្រទះឃើញសាកសពជនរងគ្រោះម្នាក់ភេទប្រុស អាយុប្រហែល២០ឆ្នាំជាង ដេកផ្កាប់មុខនៅជិតម៉ូតូម៉ាកឃ្លីក ពណ៌សលាយក្រហម នៅចំណុចខាងកើតស្ពានហាយវ៉េ ជាប់ច្រាំងទន្លេវ៉ៃគោ ស្ថិតនៅភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង។ បន្ទាប់មកសមត្ថកិច្ចនគរបាលជំនាញចរាចរណ៍ខេត្តស្វាយរៀង និងមានការសម្របសម្រួលនីតិវិធីពីតំណាងអយ្យការអមសាលាដំបូងខេត្តស្វាយរៀង បានចុះទៅពិនិត្យនៅទីតាំងជាក់ស្តែង និងធ្វើកោសល្យវិច័យលើសាកសព នគរបាលបច្ចេកទេសនិងវិទ្យាសាស្ត្រ និងលោកវេជ្ជបណ្ឌិត សមាជិកគណកម្មាការកោសល្យវិច័យ នៃមន្ទីរពេទ្យខេត្តស្វាយរៀង ដោយបានសន្និដ្ឋានថាសាកសពឈ្មោះ ហាក់ ស៊ីវ ភេទប្រុស ជនជាតិវៀតណាម កើតថ្ងៃទី២៥ ខែមិថុនា ឆ្នាំ១៩៩៨ ស្លាប់ដោយសារការប៉ះទង្គិចក្បាលធ្ងន់ធ្ងរ (អាចជាការគ្រោះថ្នាក់ចរាចរណ៍) និងបានប្រគល់សាកសពឱ្យលោក ហាក់ យី មានទីលំនៅភូមិក្រាំងក្អុក ឃុំកំពង់សឹង ស្រុកព្រះស្ដេច ខេត្ដព្រៃវែង ត្រូវជាឪពុករបស់សពទទួលយកទៅធ្វើបុណ្យតាមប្រពៃណី។ ក្រោយពេលក្រុមគ្រួសារទទួលសាកសពយកមកដល់ទីលំនៅនឹងធ្វើការសម្អាតសាកសពឃើញមានករដៃមានស្នាមជាំដុំៗ និងស្នាមជាំដូចការចងកដៃកជើង និងមានស្នាមជាំនៅលើបំពង់ក ឃើញដូចនេះក្រុមគ្រួសារសព មានការសង្ស័យថាការស្លាប់របស់ឈ្មោះ ហាក់ ស៊ីវ ជាករណីឃាតកម្ម សម្លាប់យកទៅផ្លុងចោល។ ក្រោយពេលធ្វើបុណ្យសពតាមប្រពៃណីចប់សព្វគ្រប់នៅថ្ងៃទី២០ ខែឧសភា ឆ្នាំ២០២៤ ឪពុកជនរងគ្រោះបានដាក់ពាក្យ បណ្តឹងទៅកងរាជអាវុធហត្ថខេត្តព្រៃវែង ជួយស្រាវជ្រាវរកការពិតជូនកូនរបស់គាត់។ […]