(កង់បេរ៉ា)៖ ប្រជាជនដែលរស់នៅទីក្រុងស៉ីដនីនៃប្រទេសអូស្រ្តាលី ត្រូវបានហាមឃាត់លើការធ្វើដំណើរចាកចេញពីទីក្រុង នៅថ្ងៃពុធនេះ ខណៈអាជ្ញាធរអូស្រ្តាលី កំពុងប្រញាប់ប្រញាល់ព្យាយាមបញ្ឈប់ការឆ្លងនៃវីរុស COVID-19 បម្លែងខ្លួនថ្មី Delta (វីរុសបម្លែងខ្លួនថ្មីមានប្រភពដើមមកពីប្រទេសឥណ្ឌា) កុំឲ្យរាលដាលទៅកាន់តំបន់ផ្សេងទៀត។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃពុធ ទី២៣ ខែមិថុនា ឆ្នាំ២០២១។ មនុស្សសរុបជាង ៣០នាក់ហើយ ត្រូវបានគេធ្វើតេស្តឃើញលទ្ធផលវិជ្ជមានចំពោះជំងឺ COVID-19 គិតចាប់តាំងពីការឆ្លងជាចង្កោមនេះ បានផ្ទុះឡើងដំបូងនៅតំបន់ឆ្នេររបុនឌី (Bondi Beach) ដ៏ពេញនិយមបំផុតរបស់ទីក្រុងស៉ីដនី កាលពីសប្តាហ៍មុន ខណៈអាជ្ញាធរអូស្រ្តាលីកំពុងជួបការលំបាកក្នុងការបញ្ឈប់វា។ ជុំវិញបញ្ហានេះ អភិបាលរដ្ឋ New South Wales លោកស្រី ហ្គ្លេឌីស ប៊ីរេជីកលាន (Gladys Berejiklian) បានប្រកាសដាក់ចេញនូវវិធានការរឹតបន្តឹងថ្មី ដែលត្រូវអនុវត្តសម្រាប់រយៈពេលមួយសប្តាហ៍ខាងមុខ ក្នុងនោះរួមមានទាំងការហាមឃាត់ជាបន្ទាន់លើ ការធ្វើដំណើរដែលមិនចាំបាច់ចេញពីទីក្រុងស៊ីដនី និងការដាក់កម្រិតលើការជួបជុំនៅក្នុងសង្គមផងដែរ។ លោកស្រី Gladys Berejiklian បានគូសបញ្ជាក់បន្ថែមថា «ប្រជាជនមួយចំនួនធំ» នៃប្រជាជនសរុបចំនួន ៥លាននាក់នៅទីក្រុងស៊ីដនី គឺត្រូវស្ថិតក្រោមការអនុវត្តវិធានការហាមឃាត់លើការធ្វើដំណើរនេះ ហើយគ្រប់ដណ្តប់តំបន់ចំនួន០៧ ដែលករណីឆ្លងជំងឺ COVID-19 […]

(ញូដេលី)៖ ក្រសួងសុខាភិបាលឥណ្ឌា នៅថ្ងៃពុធ ទី២៣ ខែមិថុនា ឆ្នាំ២០២១នេះ បានរាយការណ៍ថា ករណីឆ្លងជំងឺ COVID-19 សរុបនៅទូទាំងប្រទេសកើនឡើងលើស ៣០លានករណីហើយ។ នេះបើតាមការចេញផ្សាយដោយសារព័ត៌មានចិន ស៊ីនហួរ។ ក្នុងរយៈពេល ២៤ម៉ោងចុងក្រោយនេះ ក្រសួងសុខាភិបាលឥណ្ឌា បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៥០,៨៤៨ករណីបន្ថែមទៀត។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ១,៣៥៨នាក់បន្ថែមទៀត ក៏ត្រូវបានរាយការណ៍ថា ស្លាប់ផងដែរនៅក្នុងរយៈពេលដូចគ្នានេះ ហើយអ្នកជំងឺចំនួន ៦៨,៨១៧នាក់ផ្សេងទៀត ទើបតែត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។ គួរបញ្ជាក់ថា រហូតមកទល់ពេលនេះ ប្រទេសឥណ្ឌា បានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេស ៣០,០២៨,៧០៩ករណី ក្នុងនោះមានអ្នកស្លាប់ ៣៩០,៦៦០នាក់ និងអ្នកជាសះស្បើយ ២៨,៩៩៤,៨៥៥នាក់៕ ផ្តល់សិទ្ធិដោយ៖ freshnews

(បាងកក)៖ រដ្ឋមន្ត្រីការបរទេសបង់ក្លាដែស លោក អាប់ឌុល ម៉ូមិន (Abdul Momen) បានបង្ហាញការខកចិត្តជាខ្លាំង ចំពោះបណ្ដាប្រទេសអ្នកមានមួយចំនួន ដែលស្ដុកទុកវ៉ាក់សាំង COVID-19 លើសពីតម្រូវការ និងកំពុងដាក់លក្ខខណ្ឌសម្រាប់ការផ្គត់ផ្គង់ ដល់បណ្ដាប្រទេសដទៃថែមទៀត។ នេះបើតាមការចេញផ្សាយ ដោយសារព័ត៌មាន The Nation នៅព្រឹកថ្ងៃពុធ ទី២៣ ខែមិថុនា ឆ្នាំ២០២១។ ថ្លែងទៅកាន់អ្នកសារព័ត៌មាននៅថ្ងៃពុធនេះ លោក Abdul Momen បានគូសបញ្ជាក់យ៉ាងដូច្នេះថា «នាយករដ្ឋមន្ត្រីរបស់យើងបាននិយាយថា វ៉ាក់សាំង COVID-19 គួរតែជាទំនិញសាធារណៈមួយ។ ប៉ុន្តែជាអកុសល បណ្ដាប្រទេសអ្នកមានខ្លះ បែរជានាំគ្នាស្ដុកទុកវ៉ាក់សាំងលើសពីតម្រូវការទៅវិញ ខណៈវ៉ាក់សាំងទាំងនោះ កំពុងជិតផុតសុពលភាពទៅទៀត»។ លោក Abdul Momen បានបន្ថែមថា បណ្ដាប្រទេសធំៗមួយចំនួនបានសន្យាផ្ដល់វ៉ាក់សាំង ប៉ុន្តែពួកគេមិនទាន់បំពេញតាមសន្យានៅឡើយទេ ហើយពេលខ្លះពួកគេថែមទាំងដាក់លក្ខខណ្ឌទៀតផង ប្រសិនបើប្រទេសណាមួយ ចង់បានវ៉ាក់សាំងទាំងនោះ។ គួរបញ្ជាក់ថា នៅក្នុងកិច្ចប្រជុំកាលពីសប្ដាហ៍មុន ក្រុមមេដឹកនាំប្រទេស G7 បានសន្យាថា នឹងចែកចាយវ៉ាក់សាំង ១ពាន់លានដូសដល់បណ្ដាប្រទេសនានា ជុំវិញពិតភពលោក នៅត្រឹមឆ្នាំ២០២២ខាងមុខនេះ។ ប៉ុន្តែបើតាមលោក […]

(បាងកក)៖ មជ្ឈមណ្ឌលគ្រប់គ្រងជំងឺ COVID-19 របស់ប្រទេសថៃ (CCSA) នៅព្រឹកថ្ងៃពុធ ទី២៣ ខែមិថុនា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៣,១៧៤ករណីបន្ថែមទៀត នៅក្នុងរយៈពេល ២៤ម៉ោងចុងក្រោយនេះ ខណៈចំនួនអ្នកជំងឺបាត់បង់ជីវិតគឺ ៥១នាក់ ដែលជាចំនួនច្រើនបំផុត មិនធ្លាប់មានឡើយក្នុងមួយថ្ងៃ។ នេះបើតាមការចេញផ្សាយ ដោយសារព័ត៌មានថៃ The Nation។ មជ្ឈមណ្ឌល CCSA បានគូសបញ្ជាក់ប្រាប់ថា ក្នុងចំណោមករណីឆ្លងថ្មីៗខាងលើនេះមាន ៣,១៣៨ករណី ត្រូវបានរកឃើញនៅលើប្រជាជនទូទៅ ខណៈ ៣៦ករណីទៀត ត្រូវបានរកឃើញនៅលើអ្នកទោសតាមពន្ធនាគារ។ ដោយឡែកអ្នកជំងឺចំនួន ១,៩៤១នាក់ផ្សេងទៀត ទើបតែត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។ គួរបញ្ជាក់ថា បើគិតចាប់តាំងពីជំងឺ COVID-19 បានឆ្លងរីករាលដាលចូលមកដល់ជាលើកដំបូង កាលពីដើមឆ្នាំ២០២០ រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេស ២២៨,៥៣៩ករណី ក្នុងនោះមានអ្នកស្លាប់ ១,៧៤៤នាក់ និងអ្នកជាសះស្បើយ ១៨៩,៧៧៧នាក់។ ដោយឡែក សម្រាប់យុទ្ធនាការចាក់វ៉ាក់សាំងវិញ ប្រទេសថៃសម្រេចបានជិត ៨លានដូសហើយ៕ ផ្តល់សិទ្ធិដោយ៖ […]

ថៃ៖ សារព័ត៌មាន បាងកកប៉ុស្តិ៍ បានរាយការណ៍ថា មជ្ឈមណ្ឌលឧត្តមភាពវេជ្ជសាស្រ្តនៃសាកលវិទ្យាល័យជូឡាឡុងកនកំពុងបើកការសិក្សាជាពិសេសមួយអំពីជម្រើសនៃការចាក់វ៉ាក់សាំងការពារជំងឺកូវីដ ១៩ ចំនួន ២ ប្រភេទផ្សេងគ្នាទៅកាន់មនុស្សតែម្នាក់។ បើតាមលោកវេជ្ជបណ្ឌិត Yong Poovorawan ដែលជាប្រធានគ្រប់គ្រងមជ្ឈមណ្ឌលខាងលើនេះបានឲ្យដឹងថា ក្នុងការសិក្សានេះគេបានជ្រើសរើសយកវ៉ាក់សាំងចំនួន ២ ប្រភេទគឺវ៉ាក់សាំង Sinovac និង AstraZeneca មកប្រើប្រាស់ ហើយតាមគម្រោងក្រុមអ្នកស្រាវជ្រាវចង់ចាក់វ៉ាក់សាំង Sinovac នៅដូសទី ១ ហើយរយៈពេល ៤ សប្តាហ៍ក្រោយមកគេនឹងចាក់វ៉ាក់សាំង AstraZeneca ថែមមួយដូសទៀតដែលជាដូសទី ២ ទៅក្នុងខ្លួនមនុស្សតែម្នាក់។ វេជ្ជបណ្ឌិតរូបនេះបានបញ្ជាក់ថា មុនបើកការសិក្សានេះគេបានរកឃើញថាការប្រើប្រាស់វ៉ាក់សាំងចំនួន ២ ប្រភេទផ្សេងគ្នាទៅកាន់មនុស្សម្នាក់នឹងធ្វើឲ្យពួកគេមានប្រព័ន្ធការពាររាងកាយកាន់តែរឹងមាំខ្លាំង ហើយអាចប្រឆាំងនឹងមេរោគបំប្លែងខ្លួនថ្មីប្រភេទ Delta បានយ៉ាងល្អទៀតផង។ យ៉ាងណាក្តី គេនៅមិនទាន់ដឹងថាការចាក់វ៉ាក់សាំងចម្រុះគ្នានេះអាចផ្តល់ផលប៉ះពាល់អ្វីខ្លះនោះទេ ដូចនេះហើយទើបក្រុមអ្នកជំនាញសម្រេចបើកការសិក្សានេះឡើង ដែលគោលបំណងសំខាន់នៃការសិក្សានេះគឺស្វែងរកផលប៉ះពាល់នៃការចាក់វ៉ាក់សាំង ២ ប្រភេទផ្សេងគ្នាក្នុងខ្លួនមនុស្សតែម្នាក់។ លោកវេជ្ជបណ្ឌិត Yong Poovorawan ក៏បានបញ្ជាក់ដែរថា ការសិក្សានេះនឹងបង្ហាញលទ្ធផលក្នុងរយៈពេល ២-៣ ខាងមុខទៀត៕ អត្ថបទ៖ ភក្តី ប្រភព៖ បាងកកប៉ុស្តិ៍

(វ៉ាស៉ីនតោន)៖ លោកវេជ្ជបណ្ឌិត អាន់ថូនី ហ្វាវស៉ី (Anthony Fauci) អ្នកជំនាញផ្នែកជំងឺឆ្លងរបស់សហរដ្ឋអាមេរិក បាននិយាយថា វីរុសកូរ៉ូណា (COVID-19) បម្លែងខ្លួនថ្មី ឌែលតា (Delta) ឬ B16172 (វីរុសបម្លែងខ្លួនថ្មីមានប្រភពដើមពីឥណ្ឌា) គឺជាការគំរាមកំហែងដ៏ធំបំផុត ចំពោះការខិតខំរបស់សហរដ្ឋអាមេរិក ក្នុងការលុបបំបាត់ជំងឺ COVID-19 នៅតាមព្រំដែនរបស់ខ្លួន។ នេះបើតាមការចេញផ្សាយ ដោយសារព័ត៌មាន Reuters នៅព្រឹកថ្ងៃពុធ ទី២៣ ខែមិថុនា ឆ្នាំ២០២១។ លោកវេជ្ជបណ្ឌិត Fauci បានគូសបញ្ជាក់ថា «វីរុស COVID-19 បម្លែងខ្លួនថ្មី Delta គឺមានពិតជាមានសមត្ថភាពចម្លងលឿនរហ័ស មិនអាចប្រកែកបានពិតប្រាកដមែន បើប្រៀបធៀបទៅនឹងវីរុសដើមរបស់វា ដែលធ្វើឱ្យមានការព្រួយបារម្ភយ៉ាងខ្លាំងបំផុត»។ លោកវេជ្ជបណ្ឌិត Fauci បានគូសបញ្ជាក់ថា «ទោះជាយ៉ាងណា វ៉ាក់សាំងបង្ការជំងឺ COVID-19 ដែលត្រូវបានប្រើប្រាស់នៅក្នុងសហរដ្ឋអាមេរិក រួមទាំងវ៉ាក់សាំង Pfizer-BioNTech គឺមានប្រសិទ្ធភាពប្រឆាំងនឹងវីរុសបម្លែងខ្លួនថ្មីនេះ។ យើងមានអាវុធសម្រាប់ការពារប្រឆាំងនឹងវា ដូច្នេះសូមប្រើប្រាស់វា ដើម្បីបង្ក្រាបការផ្ទុះឡើងនៃករណីឆ្លងរបស់វា ដែលអាចកើតមានឡើងជាបន្តបន្ទាប់ ច្រើនករណីបន្ថែមទៀតនោះ»។ គួរបញ្ជាក់ថា […]

(ហ្សឺណែវ)៖ អង្គការសុខភាពពិភពលោក WHO បាននិយាយថាប្រទេសក្រីក្រមួយចំនួនធំនៅជុំវិញពិភពលោកដែលកំពុងទទួលបានវ៉ាក់សាំង COVID-19 តាមយន្ដការ COVAX មិនមានវ៉ាក់សាំងគ្រប់គ្រាន់ដើម្បីបន្តយុទ្ធនាការចាក់វ៉ាក់សាំងរបស់ខ្លួនទៀតឡើយ។ នេះបើតាមការចេញផ្សាយដោយសារព័ត៌មាន BBC នៅថ្ងៃពុធ ទី២៣ ខែមិថុនា ឆ្នាំ២០២១។ បើតាមទីប្រឹក្សាជាន់ខ្ពស់ WHO លោក ព្រូស អាលីវ៉ាត ៩Bruce Aylward) យន្ដការ COVAX បានផ្ដល់វ៉ាក់សាំង ៩០លានដូសហើយដល់បណ្ដាប្រទេសចំនួន១៣១ ហើយការខ្វះខាតនាពេលបច្ចុប្បន្ន កើតមានឡើងចំពេលបណ្ដាប្រទេសក្នុងតំបន់អាហ្វ្រិកមួយចំនួនកំពុងប្រឈមមុខនឹងរលកទី៣។ កាលពីថ្ងៃចន្ទដើមសប្ដាហ៍កន្លងទៅ ប្រធានាធិបតីអាហ្វ្រិកខាងត្បូង លោក ស៊ីរីល រ៉ាម៉ាផូសា (Cyril Ramaphosa) បានអំពាវនាវឱ្យក្រុមប្រទេសអ្នកមានបញ្ឈប់ ជាបន្ទាន់នូវការស្ដុកទុកវ៉ាក់សាំងលើសតម្រូវការ ខណៈរដ្ឋាភិបាលរបស់លោកកំពុងធ្វើការងារជាមួយ COVAX សំដៅបង្កើតតំបន់ពិសេសមួយដើម្បីផលិត វ៉ាក់សាំងបន្ថែមនៅក្នុងប្រទេសអាហ្វ្រិកខាងត្បូង។ គួរបញ្ជាក់ថា បើតាមលោកប្រធានាធិបតីអាហ្វ្រិកខាងត្បូង គិតមកទល់នឹងពេលនេះ ទ្វីបអាហ្វ្រិកទើបតែសម្រេចបានការចាក់វ៉ាក់សាំងត្រឹមតែ ៤០លានដូស ប៉ុណ្ណោះ ពោលគឺតិចជាង ២ភាគរយនៃប្រជាជនអាហ្វ្រិកសរុប៕ ផ្តល់សិទ្ធិដោយ៖ freshnews

(ហាណូយ)៖ ក្រសួងសុខាភិបាលប្រទេសវៀតណាមនៅថ្ងៃអង្គារនេះ បានប្រកាសរកឃើញករណីឆ្លងថ្មី នៃជំងឺកូវីដ១៩ ចំនួន២៤៨ករណីបន្ថែមទៀត ក្នុងនោះ ២៣៦ករណីជាករណីឆ្លងសហគមន៍ និង១២ករណីទៀតជាករណីនាំចូល។ នេះបើតាមតាមការចេញផ្សាយដោយ ទីភ្នាក់ងារសារព័ត៌មាន Viet Nam News នៅយប់ថ្ងៃអង្គារ ទី២២ ខែមិថុនា ឆ្នាំ២០២១។ ក្នុងចំណោមករណីសហគមន៍នៅថ្ងៃចន្ទនេះ ទីក្រុងហូជីមីញនៅតែអ្នករ៉ាប់រ៉ងច្រើនជាងគេ ជាមួយការរកឃើញករណីឆ្លងថ្មីចំនួន ១៣៦នាក់ ខណៈដែលទីក្រុងមួយនេះបានសម្រេចរឹតត្បិតវិធានការសុខាភិបាលបន្ថែមកម្រិតទៀត ដោយហាមឃាត់ការជួបជុំគ្នាដែលមានគ្នាលើសពី០៣នាក់ និងរក្សាគម្លាតពីគ្នាឲ្យមាន១.៥ម៉ែតនៅតាមទីសាធារណៈ ក៏ដូចជាហាមចេញក្រៅផ្ទះលើកលែងតែមានកិច្ចការចាំបាច់។ ចំណែកតំបន់ដែលរកឃើញករណីឆ្លងថ្មីៗច្រើនដែរនោះ រួមមានខេត្ត Bac Giang ចំនួន៣១ករណី, ខេត្ត Binh Duong ចំនួន៣៣នាក់, ខេត្ត Bac Ninh ចំនួន០៦នាក់, ទីក្រុង Đà Nẵng ចំនួន០៤ករណី, ខេត្ត Tiền Giang ចំនួន០៥ករណី។ ក្រៅពីនោះនៅតាមខេត្តផ្សេងៗដែលមានមួយ ឬពីរកណី។ សរុបមកវិញ គិតត្រឹមថ្ងៃអង្គារនេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសកើនដល់ចំនួន ១៣,៧៣១នាក់ ក្នុងនោះស្លាប់៦៩នាក់៕ ផ្តល់សិទ្ធិដោយ៖ […]

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃអង្គារ ទី២២ ខែមិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៤,០៥៩នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៣៥នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៣,៩៨៤នាក់ជាអ្នកឆ្លងទូទៅ ចំណែកឯ ៧៥ នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ២២៥,៣៦៥នាក់ និងស្លាប់សរុបចំនួន ១,៦៩៣ នាក់ផងដែរ៕ អត្ថបទ៖ ភក្តី ប្រភព៖បាងកកប៉ុស្តិ៍

(ញូដេលី)៖ ក្រសួងសុខាភិបាលឥណ្ឌា នៅថ្ងៃអង្គារ ទី២២ ខែមិថុនា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៤២,៦៤០ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ ដែលនាំឱ្យចំនួនករណីឆ្លងសរុប នៅទូទាំងប្រទេស កើនឡើងដល់ ២៩,៩៧៧,៨៦១ករណី។ នេះបើតាមការចេញផ្សាយដោយសារព័ត៌មានចិន ស៉ីនហួរ។ បន្ថែមពីខាងលើនេះ បើតាមក្រសួងសុខាភិបាលឥណ្ឌា អ្នកជំងឺ COVID-19 ចំនួន ១,១៦៧នាក់បន្ថែមទៀត ក៏ត្រូវបានរាយការណ៍ថា ស្លាប់ផងដែរនៅក្នុងរយៈពេលដូចគ្នានេះ ដែលនាំឱ្យចំនួនអ្នកស្លាប់សរុបនៅទូទាំងប្រទេស កើនឡើងដល់ ៣៨៩,៣០២នាក់ ខណៈអ្នកជំងឺសរុបចំនួន ២៨,៩២៦,០៣៨នាក់បានជាសះស្បើយ។ គួរបញ្ជាក់ថា តួលេខអ្នកឆ្លងប្រចាំថ្ងៃខាងលើនេះ គឺបង្ហាញពីការបន្តថយចុះគួរឱ្យកត់សម្គាល់មួយកម្រិតទៀត និងជាការថយចុះនៅក្រោម ៥០,០០០ករណីជាលើកដំបូង ក្នុងរយៈពេលជាង៣ខែមកនេះ ខណៈកាលពីខែមេសា និងឧសភាកន្លងទៅ វាបានលោតឡើងដល់អត្រាខ្ពស់បំផុតគឺជាង ៤០០,០០០ករណី។ ដោយឡែក ចំនួនអ្នកស្លាប់វិញ ក៏បានថយចុះផងដែរ ធៀបនឹងកាលពីកំលុងពេលនោះ។ ចំណែកការចាក់វ៉ាក់សាំងវិញ មកទល់ពេលនេះ ឥណ្ឌាសម្រេចបានជាង២៨៨លានដូស ក្នុងនោះជាង៥២លាននាក់ ទទួលបានការចាក់គ្រប់ដូស៕ ផ្តល់សិទ្ធិដោយ៖ freshnews