(ឡុងដ៍)៖ នាយករដ្ឋមន្ត្រីអង់គ្លេស លោក Keir Starmer បាននិយាយថាប្រធានាធិបតីរុស្ស៉ី លោក វ៉្លាឌីមៀ ពូទីន ត្រូវតែប្រឈមនឹងផលវិបាក សម្រាប់ការគេចវេសពីកិច្ចចរចាសន្តិភាពជាមួយអ៊ុយក្រែន នៅមុន កិច្ចប្រជុំសហគមន៍នយោបាយអឺរ៉ុប ក្នុងប្រទេសអាល់បានី នៅថ្ងៃសុក្រ ទី១៦ ខែឧសភា។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ នៅក្នុងសេចក្ដីថ្លែងការណ៍មួយចេញផ្សាយកាលពីថ្ងៃព្រហស្បតិ៍ ទី១៥ ខែឧសភា លោក Starmer បានគូសបញ្ជាក់ដូច្នេះថា «តាក់ទិករបស់លោក ពូទីន ដើម្បីកេងចំណេញ និងពន្យារពេល ខណៈនៅតែបន្តសម្លាប់ និងបង្កការបង្ហូរឈាមនៅទូទាំងអ៊ុយក្រែន គឺជារឿងមិនអាចអត់ឱនឱ្យបានឡើយ»។ លោកបន្ថែមទៀតថាបទឈប់បាញ់ពេញលេញមួយត្រូវតែទទួលបានការឯកភាព ហើយប្រសិនបើរុស្ស៉ីមិនមានឆន្ទៈដើម្បី ចូលរួម ក្នុងកិច្ចចរចាទេ នោះលោក ពូទីនត្រូវតែប្រឈមនឹងផលវិបាក។ កិច្ចប្រជុំសហគមន៍នយោបាយអឺរ៉ុប ក្នុងប្រទេសអាល់បានី នៅថ្ងៃសុក្រសប្ដាហ៍នេះ ធ្វើឡើងចំថ្ងៃតែមួយដែលកិច្ចចរចារវាងអ៊ុយក្រែន និងរុស្ស៉ីត្រូវបានគេរំពឹងថានឹងត្រូវធ្វើឡើងនៅក្នុងទីក្រុង Istanbul ប្រទេសតួកគី។ ប៉ុន្តែទាំងលោក ពូទីន និងលោក ហ្សេលេនស្គី មិនត្រូវបានគេរំពឹងថានឹងចូលរួមក្នុងកិច្ចចរចានេះនោះទេ ខណៈរដ្ឋមន្ត្រីការបរទេសអាមេរិក លោក Marco Rubio ក៏មិនរំពឹងដែរថាកិច្ចចរចានេះអាចនឹងសម្រេចបាន លទ្ធផលជាដុំកំភួន៕ ផ្ដល់សិទ្ធិដោយ៖ Fresh […]

(ភ្នំពេញ)៖ ក្រសួងបរិស្ថាន តាមរយៈគម្រោង «និរន្តរភាពតំបន់ទេសភាព និងទេសចរណ៍ធម្មជាតិកម្ពុជា» នឹងសម្ពោធបើកការដ្ឋានសាងសង់ ផ្លូវចូលទៅភ្នំខ្នងផ្សារ និងហេដ្ឋារចនាសម្ព័ន្ធ បម្រើឱ្យគោលដៅលំហែបៃតង នៃតំបន់ភ្នំខ្នងផ្សារ នាថ្ងៃទី១៦ ខែឧសភា ឆ្នាំ២០២៥ ក្រោមអធិបតីភាពលោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងមានការចូលរួមពីតំណាងក្រសួងស្ថាប័ន រដ្ឋបាលខេត្ត ដៃគូអភិវឌ្ឍន៍ និងប្រជាពលរដ្ឋជាច្រើននាក់ ស្ថិតនៅភូមិតាំងបំពង់ ឃុំតាសាល ស្រុកឱរ៉ាល់ ខេត្តកំពង់ស្ពឺ។ នៅថ្ងៃទី១៤ ខែ ឧសភា ឆ្នាំ២០២៥នេះ លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានបញ្ជាក់ថា ការរៀបចំបើកការដ្ឋានសាងសង់ ផ្លូវចូលទៅភ្នំខ្នងផ្សារ និងហេដ្ឋារចនាសម្ព័ន្ធបម្រើឱ្យគោលដៅ លំហែបៃតងតំបន់ភ្នំខ្នងផ្សារ​គឺឆ្លើយតបទៅ នឹងបទបញ្ជារបស់ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីថ្ងៃទី៨ ខែមីនា ឆ្នាំ២០២៥ ដែលបានចុះបំពេញទស្សនកិច្ច នៅតំបន់ខ្នងផ្សារផ្ទាល់ ហើយបានជំរុញឱ្យ មានការរៀបចំកម្មវិធីអភិវឌ្ឍន៍ ជីវភាពប្រជាពលរដ្ឋ នៅតាមសហគមន៍មូលដ្ឋាន ដែលទទួលបានប្រយោជន៍ពីការផ្តល់សេវាកម្មទេសចរណ៍ និងបានចូលរួមចំណែក ដល់ការការពារនិងអភិរក្សធនធានធម្មជាតិ […]

(ភ្នំពេញ)៖ អាជ្ញាធរខណ្ឌពោធិ៍សែនជ័យ បានធ្វើការឃាត់ខ្លួនប្រធានផ្សារទួលពង្រ២នាក់ប្ដីប្រពន្ធ រួចប្រគល់ជូននគរបាលប៉ុស្តិ៍ចោមចៅទី១ នៃអធិការដ្ឋាននគរបាលខណ្ឌពោធិ៍សែនជ័យ សាកសួរនិងចាត់ការតាមច្បាប់ កាលពីវេលាល្ងាចថ្ងៃទី១៣ ខែឧសភា ឆ្នាំ២០២៥។ ក្រោយពីសន្តិសុខផ្សារទួលពង្រ២នាក់ ដែលត្រូវអាជ្ញាធរឃាត់ខ្លួនកាលពីវេលាព្រឹកថ្ងៃដដែលនោះសារភាពថា ប្រធានផ្សារ២នាក់ប្ដីប្រពន្ធខាងលើនោះ បានបញ្ជាឲ្យពួកគេដើរប្រមូលប្រាក់ពីប្រជាពលរដ្ឋក្រីក្រលក់ដូរតាមចិញ្ចើមផ្លូវទួលពង្រ ត្រង់ចំណុចមុខរោងចក្រ ហុង វ័ន ស្ថិតនៅក្នុងភូមិត្រពាំងថ្លឹង៤ សង្កាតចោមទី១ ខណ្ឌពោធិ៍សែនជ័យ រាជធានីភ្នំពេញនោះ។ ប្រធានផ្សារទួលពង្រ២នាក់ប្ដីប្រពន្ធ ដែលត្រូវអាជ្ញាធរឃាត់ខ្លួននោះប្រពន្ធឈ្មោះ ណៃ ដាណែត អាយុ៣៩ឆ្នាំ និងប្ដីឈ្មោះ ប៊ុន ស៊ិន អាយុ៣៩ឆ្នាំ ហើយអ្នកទាំង២នាក់ប្តីប្រពន្ធនេះ មានទីលំនៅភូមិត្រពាំងរំចេក សង្កាត់ចោមទី១ ខណ្ឌពោធិ៍សែនជ័យ រាជធានីភ្នំពេញ ។ ពួកគាត់ត្រូវបានឃាត់ខ្លួនពេលធ្វើដំណើរទៅកាន់សាលាសង្កាត់ចោមចៅទី១ ចំណែកសន្តិសុខផ្សារដែលទទួលបញ្ជាពីពួកគាត់ដើរប្រមូលប្រាក់ពីប្រជាពលរដ្ឋ ហើយត្រូវអាជ្ញាធរឃាត់ខ្លួនមុននោះទី១៖ ឈ្មោះ មុី សាផាត ភេទប្រុស អាយុ៤១ឆ្នាំ ទី២៖ ឈ្មោះ សា ម៉ាក់ឆាន ភេទប្រុស អាយុ៤២ឆ្នាំ ស្នាក់នៅផ្សារទួលពង្រ ស្ថិតនៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជយ័  រាជធានីភ្នំពេញ ។ ប្រជាពរដ្ឋបាននិយាយថា សន្តិសុខ២នាក់ខាងលើ […]

(ភ្នំពេញ)៖ ជនសង្ស័យ៣៦នាក់ ត្រូវបានកម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ និងអធិការដ្ឋាននគរបាលខណ្ឌនានា ក្នុងភូមិសាស្រ្តរាជធានីភ្នំពេញ ធើ្វការស្រាវជ្រាវបង្ក្រាបជនសង្ស័យជាបន្តបន្ទាប់ យកមកបង្ហាញមុខជាសាធារណៈ រួចបញ្ជូនទៅសាលាដំបូងរាជធានីភ្នំពេញ ក្នុងនោះមានម្នាក់ជាមុខសញ្ញាចាស់។ នៅព្រឹកថ្ងៃទី១៥ ខែឧសភា ឆ្នាំ២០២៥នេះ លោកឧត្តមសេនីយ៍ត្រី ប៊ុន សត្យា ស្នងការរងទទួលផ្នែកការងារយុត្តិធម៌ នៃស្នងការដ្ឋាននគរបាលរាជធានីភ្នំពេញ បានប្រាប់បណ្ដាញព័ត៌មាន Fresh News ឲ្យដឹងថា ដោយអនុវត្តតាមបទបញ្ជារបស់លោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ កម្លាំងការិយាល័យជំនាញ និងអធិការដ្ឋាននគរបាលខណ្ឌ ធ្វើការស្រាវជ្រាវបង្ក្រាបបទល្មើស និងឃាត់ខ្លួនបានជនសង្ស័យជាបន្តបន្ទាប់ យកមកបង្ហាញមុខរួមគ្នានៅស្នងការដ្ឋាននគរបាលរាជធានីភ្នំពេញ។ លោកឧត្តមសេនីយ៍ត្រី ប៊ុន សត្យា ដែលជាអ្នកដឹកនាំប្រតិបត្តិការផ្ទាល់ បានអះអាងថា ប្រតិបត្តិការស្រាវជ្រាវបង្ក្រាបនេះ មានរយៈពេល៣ថ្ងៃ ដោយចាប់គិតពីថ្ងៃទី១៣ ដល់ថ្ងៃទី១៤ ខែឧសភា ឆ្នាំ២០២៥ ជាលទ្ធផលបង្ក្រាបបានសរុប១២ករណី ឃាត់៣៦នាក់ សារធាតុញៀន៧នាក់, ជនជាតិចិន១នាក់, ស្រី១នាក់ និងជាមុខសញ្ញាចាស់១នាក់។ លោកឧត្តមសេនីយ៍ត្រី ប៊ុន សត្យា បានបន្តទៀតថា កម្លាំងការិយាល័យព្រហ្មទណ្ឌកម្រិតស្រាល ធើ្វការស្រាវជ្រាវឃាត់ខ្លួន១៤នាក់ (ក្មេងទំនើងក្រុមឈ្មោះ […]

(ភ្នំពេញ)៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានថ្លែងបញ្ជាក់ថា គិតត្រឹមថ្ងៃទី១៥ ខែឧសភា ឆ្នាំ២០២៥ គម្រោងស្តារឡើងវិញនូវផ្លូវជាតិលេខ៤៨ (ស្រែអំបិល-កោះកុង) កំពុងដំណើរការសាងសង់ យ៉ាងមមាញឹក ដោយសម្រេចបានលទ្ធផលជារួម ៩៦,៨៤% ហើយគ្រោងរួចរាល់នាពេលឆាប់ៗនេះ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ។ ថ្លែងប្រាប់បណ្តាញព័ត៌មាន Fresh News នារសៀលថ្ងៃទី១៥ ខែឧសភា ឆ្នាំ២០២៥ លោក ផន រឹម បានបញ្ជាក់ទៀតថា ផ្លូវជាតិលេខ៤៨ គឺជាខ្សែផ្លូវដ៏សំខាន់ និងយុទ្ធសាស្ត្ររបស់រាជរដ្ឋាភិបាលក្រោមម្លប់នៃសុខសន្តិភាព។ ខ្សែផ្លូវជាតិនេះជាបណ្តាញតភ្ជាប់ប្រកបដោយសក្តានុពលសេដ្ឋកិច្ច ពាណិជ្ជកម្ម ដឹកជញ្ជូន ភស្តុភារកម្ម ទេសចរណ៍។ ខ្សែផ្លូវនេះដើរតួនាទីជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក៏ដូចជាខេត្តកោះកុង ក្នុងការជួយសម្រួលដល់ការតភ្ជាប់ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹក ជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្ម ឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច។ នេះជាការបញ្ជាក់បន្ថែម របស់អ្នកនាំពាក្យក្រសួង។ គួរបញ្ជាក់ថា ផ្លូវជាតិលេខ៤៨ មានប្រវែងសរុប ១៤៨,០៣៨គីឡូម៉ែត្រ ចាប់ពីPK0+000-១៤៨+០៣៨ […]

(ភ្នំពេញ)៖ ​កម្ពុជា-អាមេរិក បានឯកភាពគ្នារៀបចំកិច្ចប្រជុំចរចាពន្ធជុំទី២ ម្តងទៀតដែលនឹងប្រព្រឹត្តិទៅនៅសប្តាហ៍ទី១ ខែមិថុនា ឆ្នាំ២០២៥ នៅរដ្ឋធានីវ៉ាស៊ីនតោន​ ខណៈរាជរដ្ឋាភិបាលដែលមានសម្តេចមហាបវរធិបតី ហ៊ុន ម៉ាណែត ជា នាយករដ្ឋមន្ត្រី និងបន្ត ធ្វើកិច្ចការងារនេះដោយយកចិត្តទុកដាក់បំផុត។ ​នេះបើយោងតាមអង្គភាពអ្នកនាំពាក្យរាជរដ្ឋាភិបាលកម្ពុជា​ ដែលបានចេញសេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំចរចាជុំទី១ លើកិច្ចព្រមព្រៀងពាណិជ្ជកម្មបដិការរវាងកម្ពុជា និងសហរដ្ឋអាម៉េរិក ពីថ្ងៃទី១៣ ដល់ថ្ងៃទី១៥ ខែឧសភា ឆ្នាំ២០២៥។ នាថ្ងៃទី១៣ ដល់ ថ្ងៃទី១៥ ខែឧសភា ឆ្នាំ២០២៥ នៅរដ្ឋធានីវ៉ាស៊ីនតោន សហរដ្ឋអាម៉េរិក ​លោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានដឹកនាំក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិក ចូលរួមកិច្ចប្រជុំចរចាជុំទី១ លើកិច្ចព្រមព្រៀងពាណិជ្ជកម្មបដិការរវាង កម្ពុជា និងសហរដ្ឋអាម៉េរិក ជាមួយភាគីសហរដ្ឋអាម៉េរិក ដឹកនាំដោយ លោកស្រី Sarah Ellerman បានតំណាងពាណិជ្ជកម្មសហរដ្ឋអាម៉េរិកទទួលបន្ទុកតំបន់អាស៊ីអាគ្នេយ៍ និងប៉ាស៊ីហ្វិក។ ក្នុងកិច្ចប្រជុំចរចាជុំទី១ នេះ […]

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានផ្ញើសាររំលែកមរណទុក្ខ ជូនក្រុមគ្រួសារសពកញ្ញា ដួង ម៉ាហ្កាលី និងលោក ផាត មុន្នី យោធិនកម្ពុជាដែលបានពលី ក្នុងឧបទ្ទវហេតុផ្ទុះអាវុធក្នុងទីក្រុង Malakal ប្រទេសស៊ូដង់ខាងត្បូង។ លិខិរបស់សម្តេចតេជោ ហ៊ុន សែន មានខ្លឹមសារដូច្នេះថា «ខ្ញុំ និងភរិយាមានសេចក្តីតក់ស្លុត និងរំជួលចិត្តឥតឧបមា ក្រោយពីបានទទួលដំណឹងដ៏រន្ធត់ ចំពោះការទទួលមរណភាពរបស់យោធិនកម្ពុជាចំនួន ០២រូប គឺ កញ្ញា ដួង ម៉ាហ្កាលី និងលោក ផាត មុន្នី នៃកង អនុសេនាធំរាជអាវុធហត្ថលេខ៨៧២ ប្រចាំនៅប្រទេសស៊ូដង់ខាងត្បូង ក្នុងឧបទ្ទវហេតុផ្ទុះអាវុធក្នុងទីក្រុង Malakal ដែលជាកន្លែងឈរជើងរបស់កងរាជអាវុធហត្ថកម្ពុជា នៅវេលាម៉ោង ១៥:៥០នាទី ថ្ងៃអង្គារ ទី១៣ ខែ ឧសភា ឆ្នាំ២០២៥ ម៉ោងនៅប្រទេសស៊ូដង់ខាងត្បូង (ត្រូវនឹងម៉ោង ២០:៥០នាទី ម៉ោងនៅកម្ពុជា)។ ក្នុងឱកាសប្រកបដោយសមានទុក្ខដ៏ក្រៀមក្រំនេះ ខ្ញុំ និងភរិយា សូមចូលរួមរំលែកទុក្ខ និងការស្តាយ ស្រណោះអាឡោះអាល័យស្ទើររកទីបំផុតគ្មាន ជាមួយក្រុមគ្រួសារសព […]

(កំពង់ឆ្នាំង)៖ យោងតាមការផ្សងដោយផ្អែកលើការបរិភោគរបស់គោ​ឧស​ភ​រាជបានបង្ហាញថា នៅឆ្នាំនេះ ស្រូវ ពោត និងសណ្តែកទទួលបានផលល្អ​ប្រសើរ។ បន្ទាប់ពីបានច្រត់ព្រះនង្គ័ល៣ជុំរួចហើយនោះ ព្រាហ្មណ៍ព្រះរាជគ្រូ បាន​សូត្រពាក្យអធិដ្ឋានផ្សងគោឧសភរាជ ដែលទឹមច្រត់ព្រះនង្គ័លនោះ ឱ្យ​បរិ​ភោគអាហារ ៧យ៉ាង ដែលភ្នាក់ងាររៀបដាក់តុ ប្រាក់ធំៗតាំងទុក​នៅទីមុខ​ព្រះពន្លា គឺគ្រាប់ស្រូវ១តុ គ្រាប់សណ្ដែត១តុ គ្រាប់ពោត១តុ គ្រាប់ល្ង១តុ ស្មៅស្រស់១តុ ទឹក១តុ ស្រា១តុ ។ តាមព្រះរាជបវេណីរបស់ខ្មែរក្រោយសូត្រពាក្យអធិដ្ឋានចប់ ព្រាហ្មណ៍​ព្រះ​រាជគ្រូ យកទឹកមន្តបោះក្បាលព្រះគោទាំងពីរ ហើយមន្ត្រីមួយរូប ដែល​កាន់​នង្គ័លស្តេចមាឃ ដឹកគោឧសភរាជទាំងពីរទៅឱ្យបរិភោគរបស់ទាំង៧​យ៉ាង។ ដឹកទៅជិតរបស់៧យ៉ាងស្រេចហើយ គោឧសភរាជចូលចិត្ត​បរិ​ភោគ អ្វីក៏បរិភោគទៅ គេមិនបង្ខំឱ្យបរិភោគចំពោះអាហារណានីមួយៗទេ កាលព្រះគោ បរិភោគអ្វីមួយយ៉ាង ឬពីរយ៉ាង ព្រាហ្មណ៍ក៏ទាយផល​ប្រផ្នូលទៅខាងមុខតាមនោះ។ ឯទំនាយមិនជាការប្រាកដប៉ុន្មានទេ គឺថាបើព្រះគោបរិភោគអ្វី ក៏ទាយថា ក្នុងឆ្នាំនេះ៖ របស់នោះសម្បូរប្លែក តែបើបរិភោគក្តៅទាយថា នឹងកើត​ជំងឺ​គោ បើបរិភោគស្រានឹងកើតមនុស្សពាល ចោរលួច ចោរប្លន់ជាច្រើន។ ក្នុងព្រះរាជពិធីនាព្រឹកនេះ គោឧសភរាជបរិភោគ ស្រូវ៩៥ភាគរយ ពោត ៩៥ភាគរយ និងសណ្តែក ៨០ភាគរយ។ តាមការបរិភោគនេះ បង្ហាញថា ឆ្នាំម្សាញ់នេះ […]

(ភ្នំពេញ)៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យ នៃរដ្ឋលេខាធិការដ្ឋានអាកាសចរណ៍ស៊ីវិល បាន​បញ្ជាក់បន្ថែម​ជុំវិញកាលបរិច្ឆេទនៃការផ្ទេរ បិទ និងការបើកឱ្យដំណើរការអាកាសយានដ្ឋានអន្តរជាតិតេជោ នៅថ្ងៃទី១០ ខែកក្កដា ឆ្នាំ២០២៥ ខាងមុននេះ ​គឺអាស្រ័យលើលទ្ធផល នៃការពិនិត្យវាយតម្លៃ និងការធ្វើសវនកម្មលើកទី២ ដែលគ្រោងប្រព្រឹត្តទៅនៅចុងខែឧសភា ឬខែមិថុនាខាងមុខនេះ។ លោកបានគូសបញ្ជាក់ថា ចំពោះគម្រោងបើកដំណើរ នៅថ្ងៃទី១០ ខែកក្កដា គឺគ្រាន់តែជាផែនការ ដែលបានគ្រោង និងរំពឹងទុក ដែលបានព្រមព្រៀងគ្នាជាមួយតួអង្គ និងសមត្ថកិច្ចជំនាញពាក់ព័ន្ធនាពេលកន្លងមក (ជាអាទិ៍ រដ្ឋលេខាធិការដ្ឋានអាកាសចរណ៍ស៊ីវិល ក្រុមហ៊ុនវិនិយោគអាកាសយានដ្ឋាន (ACIC)និង ប្រតិបត្តិករសំខាន់ៗពាក់ព័ន្ធផ្សេងៗ)។ ​ចំពោះកាលបរិច្ឆេទចុងក្រោយនៃការផ្ទេរ បិទ និងការបើកឱ្យដំណើរការអាកាសយានដ្ឋានថ្មីនេះ រដ្ឋលេខាធិការដ្ឋានអាកាសចរណ៍ស៊ីវិល នឹងធ្វើការជូនដំណឹងជាផ្លូវការ ក្នុងពេលឆាប់ៗខាងមុខនេះ។ លោក ស៊ីន ចាន់សិរីវុត្ថា បញ្ជាក់ថា «​បើគ្មានអ្វីប្រែប្រួលនោះទេ អាកាសយានដ្ឋានអន្ដរជាតិតេជោ លំដាប់ថ្នាក់ 4F ដំណាក់កាលទី១ នឹងបើកដំណើរការប្រតិបត្តិការ នៅថ្ងៃទី១០ ខែកក្កដា ឆ្នាំ២០២៥ ខាងមុខនេះ ខណៈវឌ្ឍនភាពគម្រោងនៃការសាងសង់អាកាសយានដ្ឋាននាពេលនេះ ស្ទើរតែរួចរាល់ទាំងស្រុងហើយ»។ សូមជម្រាបបន្ថែមថា អាកាសយានដ្ឋានអន្ដរជាតិតេជោមានលក្ខណះទំនើប […]

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៤ ខែឧសភា ឆ្នាំ២០២៥ បានចេញសេចក្តីជូនដំណឹងស្តីពី មរណភាពនៃពលករខ្មែរដែលបណ្តាលមកពីការរញ្ជួយដីនៅប្រទេសថៃ។ នេះបើយោងតាមសេចក្តីជូនដំណឹង ដែលបណ្ដាញសារព័ត៌មាន Fresh news ទទួលបាន។ ក្រសួងបានបញ្ជាក់ថា យោងតាមលទ្ធផលនៃ ការពិនិត្យកោសល្យវិច័យ DNA របស់វិទ្យាស្ថានវេជ្ជសាស្ត្រកោសល្យវិច័យនៃមន្ទីរពេទ្យនគរបាលជាតិប្រទេសថៃ នៅថ្ងៃទី១៤ ខែឧសភា ឆ្នាំ២០២៥ នេះ បានបញ្ជាក់ថា សពពិតជាឈ្មោះ លោក សាន់ សឿន អាយុ ៣៨ឆ្នាំ និងឈ្មោះ លោកស្រី សុខ គឹមសី អាយុ ៣១ឆ្នាំ បានទទួលមរណភាពក្នុងគ្រោះរញ្ជួយដីនៅប្រទេសថៃ កាលពីថ្ងៃទី២៨ ខែមីនា ឆ្នាំ២០២៥ ប្រាកដមែន។ ក្រោយទទួលបានដំណឹងដ៏ក្រៀមក្រំនេះ ក្រសួង ស្ថានឯកអគ្គរាជទូតកម្ពុជាប្រចាំប្រទេសថៃ និងអនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បាននិងកំពុង សម្របសម្រួលរៀបចំឯកសារនានាស្របតាមនីតិវិធីរបស់ប្រទេសថៃ ដើម្បីយកសពមកធ្វើបុណ្យតាមប្រពៃណីនៅ ស្រុកកំណើត ព្រមទាំងបន្តតាមដានចំពោះសំណងនានា ដែលគ្រួសារនៃសពត្រូវទទួលបានពីភាគីថៃ។ គួរបញ្ជាក់ដែរថា ចាប់តាំងពីថ្ងៃកើតមានគ្រោះរញ្ជួយដីនៅប្រទេសថៃ ក្រសួង ស្ថានឯកអគ្គរាជទូតកម្ពុជាប្រចាំប្រទេសថៃ និងអនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បានសហការជាមួយអាជ្ញាធរមានសមត្ថកិច្ចថៃ […]