(ភ្នំពេញ)៖ លទ្ធផលនៃការរឹតបន្ដឹងច្បាប់ចរាចរណ៍ និងត្រួតពិនិត្យជាតិអាល់កុល នៅយប់ថ្ងៃទី១៨ ខែកុម្ភៈ ឆ្នាំ២០២៤ ក្រោមការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជធានីភ្នំពេញ កម្លាំងសមត្ថកិច្ចបានឃាត់យានយន្ដល្មើសចំនួន ៧០គ្រឿង ក្នុងនោះរថយន្តចំនួន ២២គ្រឿង និងម៉ូតូ ៤៨គ្រឿង។ ប្រតិបត្តិការនេះធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងតបតាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា សំដៅទប់ស្កាត់ និងបង្ការករណីគ្រោះថ្នាក់ចរាចរណ៍ ដែលជាសញ្ញាណគួរឲ្យព្រួយបារម្ភ។ ជាលទ្ធផលតាមបណ្តាអធិការដ្ឋាននគរបាលខណ្ឌ បានចុះអនុវត្តរឹត បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖ ឃាត់យានយន្តល្មើស សរុបចំនួន ៧០គ្រឿង (រថយន្ត ចំនួន ២២គ្រឿង និងម៉ូតូចំនួន ៤៨គ្រឿង)៖ *ទី១៖ ល្មើសជាតិស្រវឹង ចំនួន៤៣គ្រឿង +កម្រិត ០.២៥ – ០.៣៩ mg/L ចំនួន២១គ្រឿង, អ្នកបើកបរម៉ូតូ ចំនួន១៣នាក់, អ្នកបើកបររថយន្ត ចំនួន០៨នាក់ +កម្រិត […]

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអំពាវនាវដល់អ្នកបើកបរទាំងអស់ ឱ្យមានស្មារតីប្រុងប្រយ័ត្ន គោរពច្បាប់ និងបើកបរដោយស្វ័យទទួលខុសត្រូវ ដោយមិនត្រូវគិតតែរឿងខ្លាចនគរបាលចរាចរណ៍ចាប់នោះទេ។ ការអំពាវនាវនេះ បានធ្វើឡើង ក្នុងឱកាសដែល សម្តេចធិបតី អញ្ជើញបើកការដ្ឋានសាងសង់ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) តម្លៃជាង៦០លានដុល្លារ នាព្រឹកថ្ងៃទី១៩ ខែកុម្ភៈ ឆ្នាំ២០២៤។ សម្តេចបញ្ជាក់ដូច្នេះថា៖ «រឿងប៉ូលិសចាប់ រឿងប៉ូលិសបាញ់(ល្បឿន)មិនបាញ់ យើងពុំគួរព្រួយបារម្ភពេកថា នៅកន្លែងណា អ្វីដែលយើងគួរតែព្រួយបារម្ភ ហើយយកចិត្តទុកដាក់ គឺថា ប្រជាពលរដ្ឋរបស់យើងមានការស្វ័យទទួលខុសត្រូវ ក្នុងការបើកបរដោយបើកបរមិនលើសល្បឿន និងបើកបរដោយមិនប្រើគ្រឿងស្រវឹង អាហ្នឹងជាការងារល្អ»។ កាលពីពេលថ្មីៗនេះ នគរបាលខេត្តកំពត បានដាក់ស្លាកសម្គាល់នៅលើផ្លូវជាតិលេខ៣ ដោយផ្តល់ដំណឹងដល់អ្នកបើកទាក់ទងនឹងការកំណត់ល្បឿន ក្រោម៨០គីឡូម៉ែត្រក្នុងមួួយម៉ោង។ ស្លាកសម្គាល់នេះ ក៏ដាក់បន្ថែមរូបនគរបាលចរាចរណ៍ ឈរបាញ់ល្បឿនផងដែរ។ រូបនៃស្លាកសម្គាល់នេះ ត្រូវបានគេបញ្ជូនទៅដល់សម្តេចធិបតី ហ៊ុន ម៉ាណែត។ សម្តេចបានលើកឡើងថា ប្រសិនបើដាក់ស្លាកបញ្ជាក់បែបនេះ អាចធ្វើឱ្យអ្នកបើកបរល្មើស បន្ថយល្បឿននៅកន្លែងលើកស្លាក តែអាចបង្កើនល្បឿនកន្លែងដែលគ្មានស្លាក។ «អ្នកបើកបរអាចរួចខ្លួន ប៉ុន្តែប្រជាពលរដ្ឋ ដែលរស់នៅតាមបណ្តោយផ្លូវនោះ គឺមានការភិតភ័យរហូត អ្នកដែលរស់នៅកន្លែងដែលដាក់ស្លាក មិនសូវភ័យនោះទេ […]

(ភ្នំពេញ)៖ សហព័ន្ធកីឡាបញ្ចស៊ីឡាត់កម្ពុជា បានរៀបចំអង្គមហាសន្និបាតបង្កើតជាផ្លូវការ សម្រាប់អាណត្តិទី១ ឆ្នាំ២០២៤-២០២៨ ក្រោយទទួលបានជោគជ័យក្នុងការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា ដោយឈ្នះមេដាយសរុប ១២គ្រឿង ។ ការបង្កើតសហព័ន្ធនៃប្រភេទកីឡាក្បាច់គុនប្រពៃណីឥណ្ឌូនេស៊ី នៅកម្ពុជានេះ បន្ទាប់ពីថ្នាក់ដឹកនាំកីឡាបញ្ចស៊ីឡាត់ របស់ឥណ្ឌូនេស៊ី បានជួបពិភាក្សាជាមួយប្រមុខថ្នាក់ដឹកនាំកម្ពុជា និងថ្នាក់ដឹកនាំសហព័ន្ធកីឡាគុនល្បុក្កតោ កាលពីចុងឆ្នាំ២០២២ ហើយបានឈានដល់ការផ្លាស់ប្ដូរការហ្វឹកហាត់គ្នាទៅវិញទៅមក ដោយកម្ពុជាបានបញ្ជូនប្រតិភូកីឡា ២៨រូប ទៅបង្ហាត់គុនល្បុក្កតោ និងហ្វឹកហាត់ក្បាច់គុនបញ្ចស៊ីឡាត់ផ្ទាល់ នៅទីក្រុងហ្សាកាតា ។ ជាលទ្ធផលបន្ទាប់ពីហ្វឹកហាត់ច្រើនខែ កីឡាបញ្ចស៊ីឡាត់កម្ពុជា ក៏ដណ្ដើមបានមេដាយមាស ២ និងសំរឹទ្ធ ១០គ្រឿង ក្នុងស៊ីហ្គេម ឆ្នាំ២០២៣ ។ បន្ទាប់ពីទទួលបានភាពជោគជ័យដ៏ត្រចះត្រង់នេះ គួបផ្សំការមើលឃើញពីសក្ដានុពល នៃកីឡាបញ្ចស៊ីឡាត់លើឆាកអន្ដរជាតិផងនោះ កម្ពុជាក៏បានសម្រេចបង្កើតជាសហព័ន្ធកីឡាបញ្ចស៊ីកម្ពុជា ជាផ្លូវការមួយ ដើម្បីជំរុញការអភិវឌ្ឍវិស័យកីឡាមួយនេះ ឲ្យកាន់តែរីកចម្រើននៅកម្ពុជា សម្រាប់ត្រៀមការប្រកួតថ្នាក់ជាតិ និងអន្ដរជាតិនានា ដូចជាការប្រកួតកីឡាស៊ីហ្គេម លើកទី៣៣ នៅថៃ នាឆ្នាំ២០២៥ ជាពិសេសដំណើរឆ្ពោះទៅធ្វើម្ចាស់ផ្ទះការប្រកួតកីឡាយុវជនអាស៊ី លើកទី៥ នាឆ្នាំ២០២៩ ខាងមុខផងដែរ ។ សម្រាប់សមាជិកគណៈកម្មាធិការប្រតិបត្តិ នៃសហព័ន្ធដែលទើបកកើតថ្មីនេះ […]

រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងបញ្ជាក់ថា រាជរដ្ឋាភិបាលកម្ពុជាគ្មានផែនការផ្លាស់ប្ដូររាជធានីភ្នំពេញ ទៅកន្លែងផ្សេងដូចប្រទេសមួយចំនួនក្នុងតំបន់ ពីព្រោះរដ្ឋធានីរបស់ប្រទេសទាំងនោះ បានស្រុតដីទាបជាងមុន ដោយសារការបូបទឹកពីក្រោមដីប្រើប្រាស់ ធ្វើឱ្យរដ្ឋាធានីរងគ្រោះដោយទឹកជំនន់ជាដើម។ ក្នុងឱកាសអញ្ជើញជាអធិបតី “ បើកការដ្ឋានសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ប្រវែង ៨៤៥,៧០ ម៉ែត្រ និង ផ្លូវតភ្ជាប់ប្រវែងសរុប ៨០៤,៣០ម៉ែត្រ” នាព្រឹកថ្ងៃចន្ទ ១០កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ កុម្ភៈ ២០២៤នេះ សម្ដេចធិបតីបានថ្លែងថា យើងត្រូវគិតគូរពីការពង្រីកផ្លូវនៅភ្នំពេញ ជាពិសេសត្រូវសិក្សាផ្លូវក្រោមដី ទៅថ្ងៃខាងមុខ ខណៈប្រទេសយើងនឹងមានអ្វីៗដូចបណ្ដាប្រទេសអភិវឌ្ឍន៍ជឿនលឿន។ សូមបញ្ជាក់ថា ស្ពានដែលកំពុងបើកការដ្ឋានសាងសង់នាឱកាសនេះ គឺជាស្ពានទី១៦ហើយ បើគិតក្នុងចំណោមស្ពានធំៗ ដែលបានសាងសង់ក្រោមឥណទានសម្បទានពី សាធារណរដ្ឋ ប្រជាមានិតចិន រួមមាន៖ ស្ពានមិត្តភាពកម្ពុជា-ចិន(សេកុងស្ទឹងត្រែង), ស្ពានមិត្តភាព កម្ពុជា-ចិន(ព្រែកក្តាម), ស្ពានមិត្តភាពកម្ពុជា-ចិន(ព្រែកតាមាក់), ស្ពានមិត្តភាពកម្ពុជា-ចិន (ជ្រោយ ច […]

(ភ្នំពេញ)៖ លោកឱសថការី បាន បុត្តា អនុរដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាគណៈឱសថការីជាតិ អាណត្តិទី២ នៅថ្ងៃទី១៨ ខែកុម្ភៈ ឆ្នាំ២០២៤នេះ បានអញ្ជើញចូលរួមជាអធិបតីភាពក្នុងពិធីផ្សព្វផ្សាយស្តីពី និយាមវិជ្ជាជីវៈឱសថការី ដល់សមាជិក សមាជិកា គណៈឱសថការីរាជធានីភ្នំពេញ ចំនួនជិត១ពាន់នាក់បានចូលរួម។ ថ្លែងក្នុងឱកាសនោះ លោកឱសថការី បាន បុត្តា បានលើកឡើងថា គោលបំណងកម្មវិធីនៅថ្ងៃនេះ គឺដើម្បីផ្សព្វផ្សាយឱ្យឱសថការីនៅរាជធានីភ្នំពេញ យល់ដឹងពីលិខិតបទដ្ឋានគិតយុត្ត ក្នុងនាមឱសថការីគួរអនុវត្តយ៉ាងដូចម្តេចខ្លះ ដើម្បីលើកកម្ពស់សុខមាលភាពប្រជាពលរដ្ឋ។ លើសពីនេះ លោក បាន បុត្តា បានជំរុញដល់ឱសថការីត្រូវគោរពតាមនិយាមវិជ្ជាជីវៈឱសថការី ឲ្យបានខ្ជាប់ខ្ជួន ដើម្បីកុំឲ្យប្រឈមការដកអាជ្ញាបណ្ណ។ ឱសថការី បានអះអាងថា ពេលបានចូលរួមក្នុងកម្មវិធីផ្សព្វផ្សាយ និយាមវិជ្ជាជីវៈឱសថការី គឺទទួលបានចំណេះដឹងច្រើនពីលិខិបទដ្ឋានគតិយុត្តផ្សេងៗ ពាក់ព័ន្ធនឹងការផ្តល់សេវាឱសថសាស្រ្ត។ លើសពីនេះ ពួកគេប្តេជ្ញាថា នឹងចូលរួមអនុវត្តនិយាមវិជ្ជាជីវៈឱសថការី ឲ្យបានត្រឹមត្រូវ។ សូមជម្រាបថា និយាមវិជ្ជាជីវៈឱសថការី បង្កើតឡើងក្នុងគោលបំណងសំខាន់ៗចំនួន៤រួមមាន៖ *ទី១៖ ដើម្បីបង្ហាញអំពីសេវាឱសថសាស្រ្ត ប្រកបដោយគុណភាព សុវត្ថិភាព ប្រសិទ្ធភាព និងក្រមសីលធម៌វិជ្ជាជីវៈជូនដល់សាធារណៈជន *ទី២៖ សម្រាប់ប្រើជាឧបករណ៍តាមដាន និងវាយតម្លៃលើការអនុវត្តការប្រកបដោយវីជ្ជាជីវៈឱសថសាស្រ្តរបស់ឱសថការីដែលប្រកបវិជ្ជាជីវៈឱសថសាស្រ្តនៅកម្ពុជា […]

(កំពត)៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត នៅថ្ងៃទី១៨ ខែកុម្ភៈ ឆ្នាំ២០២៤នេះ បានចាត់ឱ្យមន្ត្រីនគរបាលរៀបចំតម្លើងស្លាកសញ្ញាកំណត់ល្បឿនលើផ្លូវជាតិលេខ៣ ពីភ្នំពេញមកខេត្តកំពតមាន ០៣គោលដៅ។ ស្នងការនគរបាលខេត្តកំពត បានឱ្យដឹងថា សម្រាប់គោលដៅទាំង៣នេះរួមមាន៖ ទី១៖ គោលដៅទី ០១ (ចន្លោះបង្គោលគីឡូម៉ែត្រលេខ 98-99) ស្ថិតក្នុងភូមិពស់ពង ឃុំនរាយណ៍ ស្រុកឈូក ខេត្តកំពត។ ទី២៖ គោលដៅទី០២ (ចន្លោះបង្គោលគីឡូម៉ែ្រតលេខ 116-117) ស្ថិតក្នុងភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត។ និងទី៣៖ គោលដៅទី០៣ (ចន្លោះបង្គោលគីឡូម៉ែត្រលេខ 132-133) ស្ថិតក្នុង ភូមិព្រៃថ្នង ឃុំព្រៃថ្នង ស្រុកទឹកឈូ ខេត្តកំពត។ ចំពោះការតម្លើងស្លាកសញ្ញាកំណត់ល្បឿនលើផ្លូវជាតិលេខ៣នេះ ទទួលបានការសាទរយ៉ាងខ្លាំងណាក់ប្រជាពលរដ្ឋ៕ ផ្តល់សិទ្ធិដោយ៖ Fresh News

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញអនុក្រឹត្យស្តីពីការផ្ទេរមហាវិទ្យាល័យបញ្ជាការសេនាធិការរបស់សាកលវិទ្យាល័យការពារជាតិ ពីចំណុះក្រសួងការពារជាតិ ទៅដាក់ចំណុះអគ្គបញ្ជាការដ្ឋាន នៃកងយោធពលខេមរភូមិន្ទ។ នេះបើយោងតាមព្រះរាជក្រឹត្យដែលបណ្តាញព័ត៌មាន Fresh News ទទួលបាននៅថ្ងៃទី១៨ ខែកុម្ភៈ ឆ្នាំ២០២៤នេះ៕ ខាងក្រោមនេះជាអនុក្រឹត្យរបស់សម្តេចធិបតី ហ៊ុន ម៉ាណែត៖ ផ្ដល់សិទ្ធិដោយ៖ Freshnews

(សៀមរាប)៖ ក្រសួងបរិស្ថានកំពុងគិតគូស្របតាមយុទ្ធសាស្រ្តចក្រាវិស័យបរិស្ថាន ជួយឱ្យប្រជាសហគមន៍ទាំងអស់មានបានជាមុនសិន ទើបជួយឱ្យពួកគាត់លែងចូលព្រៃ ប៉ះពាល់ជាមួយធនធានធម្មជាតិដោយខុសច្បាប់។ នេះជាការលើកឡើរបស់លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នៅក្នុងការអញ្ចើញ ពិនិត្យលើសក្តានុពល ទេសចរណ៍ធម្មជាតិ និងវប្បធ៌ម ដើម្បីអភិវឌ្ឍន៍ គោលដៅកម្សាន្តបៃតង នៅក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន» នាថ្ងៃទី១៧ ខែកុម្ភៈ ឆ្នាំ២០២៤។ ក្នុងឱកាសអញ្ជើញពិនិត្យទីតាំងអភិវឌ្ឍន៍ហេដ្ឋារចនាសម្ព័ន្ធ នៅជំរុំតង់អូរជប់ថ្មល់ នៃសហគមន៍តំបន់ការពារធម្មជាតិ ព្រៃធំអន្លង់ធំ, លោករដ្ឋមន្ត្រី បានថ្លែងថា ការអភិវឌ្ឍន៍នានាបន្ថែមនៅទីនេះ ដើម្បីបម្រើឱ្យវិស័យទេសចរណ៍បៃតង់ និងផ្តល់ជុំរើសការងារល្អប្រសើរមួយទៀត ដើម្បីជំរុញជីវភាពប្រចាំថ្ងៃរបស់ប្រជាសហគមន៍តាមរយៈការផ្តល់សេវាកម្មផ្សេងដល់ភ្ញៀវទេសចរ និងបោះបង់ការងារខុសច្បាប់ទាំងឡាយលើធនធានធម្មជាតិ។ លោករដ្ឋមន្រ្តី បានបន្ថែមថា ការជួយជំរុញជីវភាពសហគមន៍ឱ្យមានរីកចម្រើន គឺស្របតាមគោលការណ៍រួម ស្តីពីការគ្រប់គ្រង និងអភិវឌ្ឍក្នុងតំបន់ការពារធម្មជាតិ ដែលបានបានបំបែកចេញ ពីយុទ្ធសាស្រ្តចក្រាវិស័យបរិស្ថាន ឆ្នាំ២០២៣-២០២៨។ លើសពីនេះ ក្រសួងបរិស្ថានជួយដល់សហគមន៍នៅលើភ្នំគូលែន លើកស្ទួយ និងបង្ហាញពីជាតិនិយមរបស់ខ្មែរ តាមរយៈរៀបចំហេដ្ឋារចនាសម្ព័ន្ធបៃតង មិនចម្លងវប្បធម៌ដទៃ តែផ្តួចផ្តើម និងបង្កើតនូវគំនិតថ្មីៗ ដែលមានលក្ខណៈជាខ្មែរ ដែលជំរុញឱ្យមានការទាក់ទាញ ទេសចរក្រៅប្រទេសឱ្យមកកម្សាន្ត និងទស្សនាតំបន់ការពារធម្មជាតិដ៏ល្អរបស់កម្ពុជាផងដែរ។ លោករដ្ឋមន្ត្រី អ៊ាង សុផល្លែត […]

(ព្រះសីហនុ)៖ នាវាទេសចរណ៍ខ្នាតធំ១គ្រឿង បានចូលចតនៅកំពង់ផែស្វយ័តក្រុងព្រះសីហនុ នៅថ្ងៃទី១៨ ខែកុម្ភៈ ឆ្នាំ២០២៤ ផ្ទុកភ្ញៀវទេសចរចម្រុះជាតិសាសន៍ និងនាវិកចំនួន ៧៥៦នាក់ មកលេងកម្សាន្តប្រទេសកម្ពុជារយៈពេល១ថ្ងៃ។ របាយការណ៍បានឱ្យដឹងថា បន្ទាប់ពីបានចូលចត ក្រុមការងារ រួមទាំងអាជ្ញាធរ និងសមត្ថកិច្ចគ្រប់ផ្នែក បានទទួលបដិសណ្ឋារកិច្ច ទទួលភ្ញៀវទេសចរ និងរៀបចំរក្សាសន្តិសុខសុវត្ថិភាពជូនភ្ញៀវ គ្រប់កន្លែងដែលភ្ញៀវទេសច​រទៅទស្សនាយ៉ាងយកចិត្តទុកដាក់បំផុត។ នាវានេះ មានសញ្ជាតិ Bahamas មាននាវិកចម្រុះជាតិសាសន៍៤៩សញ្ជាតិ ស្មើនឹង ៤៤៣នាក់ ស្រី៩៦នាក់ ផ្ទុកភ្ញៀវទេសចរចំនួន ៣១៣នាក់ ស្រី១៥៤នាក់ មាន ២៥សញ្ជាតិ។ សូមជម្រាបថា នាវាទេសចរណ៍ខ្នាតធំ ១គ្រឿងនេះ បានចេញពីប្រទេសថៃ មកចូលចតនៅខេត្តព្រះសីហនុ និងបន្តដំណើរទៅកាន់ប្រទេសវៀតណាម៕ ផ្ដល់សិទ្ធិដោយ៖ Freshnews

(ខេត្តកំពង់ចាម)៖ កាលពីថ្ងៃទី១៧ ខែកុម្ភៈ ឆ្នាំ២០២៤ មន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម បានចេញនូវសេចក្ដីបំភ្លឺព័ត៌មាន ឆ្លើយតបទៅសារព័ត៌មានក្នុងស្រុកមួយ ដោយបានដាក់ចំណងជើងថា “លោកប្រធានមន្ទីរកសិកម្មខេត្តកំពង់ចាម ជួយប្រាប់ផង តើស្រូវពូជអ៊ីអ៊ែ ពូជដំណាំ កូនរុក្ខជាតិ ចំណាយថវិកាជាតិជាង ៣០០លានរៀល ឆ្នាំ២០២៣ ចែកជូនដល់កសិករបានប៉ុន្មាននាក់ និងនៅទីកន្លែងណាខ្លះ?” ព្រមទាំងបានអធិប្បាយផ្អែកលើប្រភពគ្មានអត្តសញ្ញាណ និងបានដាក់ការសង្ស័យថាមានភាពមិនប្រក្រតីលើការបែងចែកស្រូវពូជ ពូជដំណាំ និងកូនរុក្ខជាតិ ថាមានលក្ខណៈសម្ងាត់។ ជុំវិញករណីនេះ មន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម សូមបំភ្លឺជូនសាធារណជន អ្នកសារព័ត៌មាន និងអ្នកនិយមតាមដានក្នុងបណ្ដាញសង្គម មេត្តាជ្រាបដូចខាងក្រោម៖ ១. ពាក់ព័ន្ធនឹងគម្រោងស្រូវពូជ ពូជដំណាំ និងកូនរុក្ខជាតិផ្សេងៗ ដែលសារព័ត៌មានបានចុះផ្សាយនេះគឺជាតួលេខឆ្នាំ២០២២ ដែលមន្ទីរបានអនុវត្តគម្រោងនេះ តាមនីតិវិធីលទ្ធកម្មសាធារណៈត្រឹមត្រូវ ដែលបានប្រកាសឱ្យក្រុមហ៊ុនចូលរួម ដេញថ្លៃជាសាធារណៈពុំមានការលាក់បាំងឡើយ ហើយគម្រោងនេះមន្ទីរបានប្រាប់ទៅតាមមុខសញ្ញាជាច្រើន ក្នុងការជួយប្រជាពលរដ្ឋ និងសហគមន៍នៅតាមមូលដ្ឋាន ព្រមទាំងបានត្រួតពិនិត្យពីប្រតិភូអធិការកិច្ច និងសវនកម្មពាក់ព័ន្ធរួចរាល់ ពោលគឺមិនដូចការចោទ ថាមន្ទីរធ្វើកិច្ចការនេះជាលក្ខណៈសម្ងាត់នោះទេ។ ២. មន្ទីរកសិកម្ម រុក្ខាប្រមាញ់ និងនេសាទខេត្ត មានការទទួលខុសត្រូវពេញលេញអំំពីការអនុវត្តតួនាទីរបស់ខ្លួន នៅចំពោះមុខច្បាប់ […]