(ប៉េកាំង)៖ នៅថ្ងៃអង្គារនេះ ចិនបានប្រកាសអំពីការដំឡើងពន្ធលើសហរដ្ឋអាមេរិក ដែលជាវិធានការសងសឹកចំពោះការដំឡើងពន្ធ​របស់លោក ដូណាល់ ត្រាំ ប្រឆាំងនឹងប្រទេសចិន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអង្គារ ទី៤ ខែកុម្ភៈ ឆ្នាំ២០២៥។ ក្រសួងពាណិជ្ជកម្មចិន បាននិយាយថា ចិននឹងយកពន្ធក្នុងអត្រា១៥ភាគរយ ទៅលើធ្យូងថ្ម និងឧស្ម័នធម្មជាតិរាវ LNG ដែលនាំចូល​ពីសហរដ្ឋអាមេរិក ព្រមទាំង១០ភាគរយលើប្រេងឆៅ គ្រឿងម៉ាស៉ីនកសិកម្ម យានយន្តដែលប្រើកម្លាំងម៉ាស៉ីនធំៗ និងរថយន្តប្រភេទ pickup របស់អាមេរិក។ បើតាមក្រសួងពាណិជ្ជកម្មចិន ការដំឡើងពន្ធនេះ នឹងត្រូវអនុវត្ត ចាប់ពីថ្ងៃចន្ទសប្តាហ៍ក្រោយ។ គួរបញ្ជាក់ថា ចំណាត់ការសងសឹកខាងលើរបស់ទីក្រុងប៉េកាំង ធ្វើឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ កាលពី​ចុងសប្តាហ៍មុន បានប្រកាសដំឡើងពន្ធបន្ថែម ១០ភាគរយទៀត មកលើទំនិញនាំចូលគ្រប់ប្រភេទពីចិន ដែលត្រូវបានចាប់ផ្តើមអនុវត្តនៅថ្ងៃអង្គារនេះ និងជាទង្វើដែលក្រសួងពាណិជ្ជកម្មចិន បានរិះគន់ថា បំពានយ៉ាងធ្ងន់ធ្ងរលើក្បួនច្បាប់ របស់អង្គការពាណិជ្ជកម្មពិភពលោក WTO៕ ផ្ដល់សិទ្ធិដោយ៖ Fresh News

(បរទេស)៖ ថ្មីៗនេះទទួលបានដំណឹងមកថា ក្រុមហ៊ុនបច្ចេកវិទ្យា Meta ដែលជាមេធំរបស់ Facebook បានតែងតាំងអតីតប្រធានផ្នែកជាន់ខ្ពស់នៅ​ TikTok លោកស្រី Shadi Nayyer ឱ្យដឹកនាំក្រុមថ្មីរបស់ខ្លូនគឺ «Reality Labs» ដែលផ្តោតលើការបង្កើតទំនាក់ទំនងជាមួយអ្នកបង្កើត និងអ្នកអភិវឌ្ឍន៍នៅក្នុងផ្នែក metaverse។​ តួនាទីរបស់លោកស្រី Nayyer នឹងផ្តោតជាពិសេសទៅលើកំណើនប្រព័ន្ធអេកូឡូស៊ី ហើយនឹងត្រូវបានដាក់បញ្ចូលទៅក្នុងអង្គការមាតិកា (Content Organization) នៃ Reality Labs។ នេះបើយោងតាមការចេញផ្សាយដោយ Business Insider នៅថ្ងៃទី០៤ ខែកុម្ភៈ ឆ្នាំ២០២៥។ លោកស្រី Nayyer បានប្រាប់ទៅ Business Insider ថានៅក្នុងមុខតំណែងថ្មីនេះ នាងមានគោលបំណងបង្កើនការចូលរួមនៅក្នុង metaverse ដោយដំបូងឡើងនាងនឹងផ្តោតលើអ្នកបង្កើតដែលអភិវឌ្ឍនៅក្នុងហ្គេម Horizon Worlds និងកម្មវិធី metaverse ផ្សេងទៀត។ ជាងនេះទៅទៀត នាងក៏មានគម្រោងបង្កើតក្រុមដែលរួមមានអ្នកតស៊ូមតិអភិវឌ្ឍន៍ អ្នកដឹកនាំសហគមន៍ និងអ្នកគ្រប់គ្រងកម្មវិធី ដើម្បីរៀបចំកម្មវិធី hackathons ចូលរួមព្រឹត្តិការណ៍ភាគីទីបី និងដំណើរការការប្រកួតប្រជែង និងកម្មវិធីសហគមន៍ផ្សេងទៀតផងដែរ។ លោកស្រី […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ នឹងបើកកិច្ចពិភាក្សាមួយតាមទូរស័ព្ទជាមួយលោកប្រធានាធិបតីចិន ស៊ី ជីនពីង ក្នុងពេលឆាប់ ឬអាចក្នុងសប្ដាហ៍នេះ ខណៈសហរដ្ឋអាមេរិក និងចិនកំពុងព្យាយាមស្វែងរកកិច្ចព្រមព្រៀងដែលអាចនឹងជួយបញ្ចៀសសង្រ្គាមពាណិជ្ជកម្មទ្រង់ទ្រាយធំ។ នេះបើតាមអ្នកនាំពាក្យម្នាក់របស់លោក ត្រាំ ដកស្រង់ចេញផ្សាយដោយទីភ្នាក់ងារសារព័ត៌មាន Reuters។ លោក ត្រាំ កាលពីថ្ងៃសៅរ៍សប្ដាហ៍មុន បានប្រកាសពីការដំឡើងការយកពន្ធលើទំនិញនាំចូលពីម៉ិកស៊ិក កាណាដា និងចិន ជាកិច្ចប្រឹងប្រែងមួយដែលលោក ត្រាំផ្ទាល់ហៅថាជាការ ដាក់សម្ពាធឱ្យប្រទេសទាំង៣នេះជួយទប់ស្កាត់លំហូរចូលថ្នាំញៀនខុសច្បាប់ fentanyl ចូលក្នុងសហរដ្ឋអាមេរិក។ លោក ត្រាំ បានពន្យារពេលអនុវត្តការយកពន្ធលើម៉ិកស៉ិក និងកាណាដា កាលពីថ្ងៃចន្ទ ទី៣ ខែកុម្ភៈ ប៉ុន្តែការយកពន្ធលើចិននឹងត្រូវចូលជាធរមាននៅប៉ុន្មានម៉ោងទៀតនេះ។ «វានឹងកើតឡើងនៅប៉ុន្មានថ្ងៃខាងមុខនេះ»។ នេះជាការបញ្ជាក់ របស់អ្នកនាំពាក្យសេតវិមានលោកស្រី Karoline Leavitt។ កិច្ចសន្ទនាតាមទូរស័ព្ទខាងលើប្រសិនបើកើតឡើងពិតមែន នោះវានឹងក្លាយជាកិច្ចពិភាក្សាលើកដំបូងរវាងលោក ត្រាំ និងលោក ស៊ី ជីនពីង ចាប់តាំងពីលោក ត្រាំ ស្បថចូលកាន់ តំណែងជាប្រធានាធិបតី កាលពីថ្ងៃទី២០ ខែមករា។ មេដឹកនាំទាំង២ ក៏ធ្លាប់បានជជែកគ្នារួចហើយដែរមុនពេលពិធីស្បថចូលកាន់តំណែងរបស់លោក ត្រាំ។ គួរបញ្ជាក់ថា […]

(អូតាវ៉ា/ម៉ិកស៉ីកូ)៖ នាយករដ្ឋមន្រ្តីនៃប្រទេសកាណាដា លោក Justin Trudeau និងប្រធានាធិបតីនៃប្រទេសម៉ិកស៉ិក លោកស្រី Claudia Sheinbaum បាននាំគ្នាប្រកាសវិធានការសងសឹកវិញ ប្រឆាំងលើទំនិញរបស់សហរដ្ឋអាមេរិក បន្ទាប់ពីប្រធានាធិបតីអាមេរិក លោក ដូណាល់ ត្រាំ បានចេញបញ្ជាឱ្យយកពន្ធ២៥ភាគរយ ប្រឆាំងទំនិញរបស់ប្រទេសក្បែរខាងទាំងពីរ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអាទិត្យ ទី១ ខែកុម្ភៈ ឆ្នាំ២០២៥។ លោក Trudeau បាននិយាយថា កាណាដានឹងសងសឹកវិញ តាមរយៈការយកពន្ធ២៥ភាគរយ លើទំនិញរបស់អាមេរិក មានចាប់តាំងពី​ភេសជ្ជៈ គ្រឿងស្រវឹង រហូតដល់សម្ភារ និងឧបករណ៍ផ្សេងៗ។ បើតាមលោក Trudeau ទំនិញអាមេរិកទាំងនោះ គិតជាទឹកប្រាក់​ស្មើនឹង ១៥៥ពាន់លានដុល្លារកាណាដា ឬ១០៧ពាន់លានដុល្លារអាមេរិក។ ពន្ធលើទំនិញ ៣០ពាន់លានដុល្លារកាណាដា ក្នុងចំណោមនោះ នឹងត្រូវចាប់ផ្តើមអនុវត្ត នៅថ្ងៃអង្គារសប្តាហ៍ក្រោយតែម្តង ពោលគឺដូចគ្នានឹងថ្ងៃចាប់ផ្តើមអនុវត្តពន្ធរបស់លោក ត្រាំ រីឯពន្ធលើទំនិញ ដែលនៅសល់១២៥ពាន់លានដុល្លារកាណាដាទៀត នឹងត្រូវអនុវត្តតាមក្រោយ ក្នុងរយៈពេល២១ថ្ងៃ។ លោក Trudeau បានបន្តថា កាណាដាក៏កំពុងពិចារណា វិធានការដទៃទៀតក្រៅពីការយកពន្ធ […]

(វ៉ាស៉ីនតោន)៖ កាលពីថ្ងៃសៅរ៍ ទី១ ខែកុម្ភៈ ប្រធានាធិបតីអាមេរិក លោក ដូណាល់ ត្រាំ បានចេញបញ្ជាឱ្យយកពន្ធក្នុងអត្រា ២៥ភាគរយ លើទំនិញនាំចូលពីប្រទេសកាណាដា និងម៉ិកស៉ិក ព្រមទាំងក្នុងអត្រា១០ភាគរយ លើទំនិញនាំចូលពីប្រទេសចិន ដែលនឹងត្រូវអនុវត្តចាប់ពីថ្ងៃអង្គារសប្តាហ៍ក្រោយ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ លោក ត្រាំ បានចុះហត្ថលេខាលើបទបញ្ជាប្រតិបត្តិចំនួន៣ ដាច់ដោយឡែកពីគ្នា ស្តីពីការយកពន្ធលើទំនិញរបស់ប្រទេសទាំងលើ ហើយបានប្តេជ្ញាថា នឹងរក្សាគោលការណ៍យកពន្ធនោះ រហូតទាល់តែអ្វីដែលលោកហៅថា ភាពអាសន្នថ្នាក់ជាតិ ជុំវិញបញ្ហាថ្នាំ fentanyl និងអន្តោប្រវេសន៍ខុសច្បាប់ មកកាន់សហរដ្ឋអាមេរិក ត្រូវបានបញ្ចប់។ ក្រុមមន្រ្តីសេតវិមាន បាននិយាយថា នឹងពុំមានការលើកលែងក្នុងវិធានការយកពន្ធឡើយ ហើយប្រសិនបើកាណាដា ម៉ិកស៉ិក និងចិន ហ៊ានសងសឹកប្រឆាំងទំនិញរបស់អាមេរិកវិញនោះ លោក ត្រាំ ទំនងជានឹងដំឡើងពន្ធបន្ថែមទៀត។ គួរបញ្ជាក់ថា ចំណាត់ការខាងលើ គឺជាការធ្វើតាមពាក្យសន្យារបស់លោក ត្រាំ កាលពីអំឡុងពេលឃោសនាបោះឆ្នោតឆ្នាំ២០២៤ បើទោះបីជាក្រុមសេដ្ឋវិទូកំពូលៗ បានព្រមានថា ការធ្វើសង្រ្គាមពាណិជ្ជកម្មថ្មីមួយ ជាមួយបណ្តាដៃគូពាណិជ្ជកម្មធំៗរបស់អាមេរិក មុខជានឹងធ្វើឱ្យកំណើនសេដ្ឋកិច្ចរបស់សហរដ្ឋអាមេរិកផ្ទាល់ ក៏ដូចជាពិភពលោកទាំងមូល ទទួលរងផលប៉ះពាល់អវិជ្ជមាន ហើយបង្កើនតម្លៃទំនិញ សម្រាប់អ្នកប្រើប្រាស់និងក្រុមហ៊ុន […]

(វ៉ាស៉ីនតោន)៖​ គិតត្រឹមថ្ងៃព្រហស្បត៍​ (ម៉ោងក្នុងតំបន់)​ មូលហេតុនៃគ្រោះថ្នាក់យន្ដហោះដឹកអ្នកដំណើររបស់ក្រុមហ៊ុន PSA Airlines បុកគ្នាជាមួយឧទ្ធម្ភាគចក្រយោធាអាមេរិក​ សម្លាប់មនុស្សទាំងអស់​ ៦៧នាក់​ នៅមិនទាន់អាចបញ្ជាក់បានទេ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃសុក្រ​ ទី៣១​ ខែមករា​ ឆ្នាំ​២០២៥។ យន្ដហោះដឹកអ្នកដំណើររបស់ក្រុមហ៊ុន PSA Airlines បានបុកគ្នានៅកណ្ដាលអាកាស កាលពីយប់ថ្ងៃពុធ ទី២៩ ខែមករា (ម៉ោងនៅទីក្រុងវ៉ាស៊ីនតោន) ជាមួយឧទ្ធម្ភាគចក្រយោធាអាមេរិក Black Hawk ហើយបានធ្លាក់ចូលទន្លេ Potomac ស្ថិតនៅក្បែរអាកាសយានដ្ឋាន នៅពេលហោះជិតទៅដល់អាកាសយានដ្ឋាន Reagan National Airport។ PSA Airlines ដែលធ្វើប្រតិបត្តិការជើងហោះហើរលេខ ៥៣៤២ សម្រាប់ក្រុមហ៊ុន American Airlines គឺបាន ហោះចាកចេញពីទីក្រុង Wichita រដ្ឋ Kansas។ តាម American Airlines យន្ដហោះនេះមានផ្ទុកអ្នកដំណើរ​៦០នាក់ និងក្រុមការងារនៅលើយន្ដហោះ៤នាក់ រីឯយោធាអាមេរិកអះអាងថាមានទាហាន ៣នាក់ ជិះនៅលើឧទ្ធម្ភាគចក្រ Black Hawk។ […]

(វ៉ាស៉ីនតោន)៖​ មន្ត្រីសហរដ្ឋអាមេរិក និងហ្កាតេម៉ាឡា​ បានឱ្យដឹងថា​ ជើងហោះហើរនិរទេសជនអន្តោប្រវេសន៍ហ្កាតេម៉ាឡា​ តាមយន្តហោះយោធាអាមេរិក​ ក្រោមបទបញ្ជារបស់លោកប្រធានាធិបតី​ ដូណាល់​ ត្រាំ​ កាលពីថ្ងៃចន្ទដេីមសប្តាហ៍ ទំនងជាមានតម្លៃយ៉ាងហោចណាស់ ៤​ ៦៧៥ដុល្លារ​ សម្រាប់មនុស្សម្នាក់។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃសុក្រ​ ទី៣១​ ខែមករា​ ឆ្នាំ​ ២០២៥។ តម្លៃនោះគឺថ្លៃជាង ៥ដងនៃតម្លៃសំបុត្រ ៨៥៣ដុល្លារសម្រាប់មនុស្សម្នាក់​ នៅលើជេីងយន្តហោះអាមេរិកចេញពីទីក្រុង​ El Paso រដ្ឋតិចសាស់។ វាក៏ខ្ពស់ជាងតម្លៃនៃការហោះហើរតាមយន្តហោះពាណិជ្ជកម្ម​ រៀបចំដោយភ្នាក់ងារអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក​ (ICE) ផងដែរ។ មន្ត្រីអាមេរិកម្នាក់​ បានប្រាប់ Reuters ក្នុងលក្ខខណ្ឌមិនបញ្ចេញឈ្មោះថា ការចំណាយលើប្រតិបត្តិការយន្តហោះដឹកជញ្ជូនយោធា C-17 គឺ ២៨​ ៥០០ដុល្លារក្នុងមួយម៉ោង។ ការហោះហើរ​ត្រលប់ទៅហ្កាតេម៉ាឡា ដោយមិនរាប់បញ្ចូលពេលវេលាចុះចត ឬប្រតិបត្តិការណាមួយដើម្បីរៀបចំការហោះហើរឡើងនោះ បានចំណាយពេលប្រហែល ១០ទៅ១០ម៉ោងកន្លះ​។ ដោយឡែក​ មន្ត្រីហ្កាតេម៉ាឡេ​ម្នាក់​ បាន​ប្រាប់​ Reuters ថាយន្តហោះដឹកជញ្ជូនយោធាដែលបានចុះចត​ កាលពីថ្ងៃចន្ទ​កន្លងទៅ​ មានមនុស្ស ៦៤នាក់។ ភ្លាមៗ​ […]

(បាងកក)៖ នាយករដ្ឋមន្ត្រីថៃអ្នកស្រី ភែថងថាន ស៊ីណាវ៉ាត់ (Paetongtarn Shinawatra) បាននិយាយថា អ្នកស្រីនឹងជួបជាមួយប្រធានាធិបតីចិនលោក ស៊ី ជីនភីង (Xi Jinping) ក្នុងអំឡុងដំណើរទស្សនកិច្ចរបស់អ្នកស្រីទៅកាន់ប្រទេសចិននៅសប្តាហ៍ក្រោយក្នុងគោលបំណងដើម្បីដោះស្រាយកង្វល់របស់ភ្ញៀវទេសចរចិនអំពីសុវត្ថិភាពនៅក្នុងប្រទេសថៃ។ នេះបើយោងតាមទីភ្នាក់ងារព័ត៌មាន Bloomberg News។ គម្រោងដំណើរទស្សនកិច្ចរបស់អ្នកស្រី Paetongtarn ទៅកាន់ទីក្រុងប៉េកាំងចាប់ពីថ្ងៃទី៥ ដល់ទី៨ ខែកុម្ភៈ ធ្វើឡើងបន្ទាប់ពីរដ្ឋាភិបាលថៃបានធានាឡើងវិញនូវសុវត្ថិភាពជូនភ្ញៀវទេសចរចិនក្នុងគ្រាដែលមានសេចក្តីរាយការណ៍ពីការលុបចោលការធ្វើដំណើរដោយអ្នកធ្វើដំណើរមួយចំនួន។ ការលុបចោលការធ្វើដំណើរនេះត្រូវបានបង្កឡើងដោយសារការភ្ញាក់ផ្អើលអំពីករណីជួញដូរដែលល្បីរន្ទឺរបស់តារាសម្តែងចិននៅជិតព្រំដែនថៃជាមួយប្រទេសមីយ៉ាន់ម៉ាកាលពីដើមខែនេះ។ នាយករដ្ឋមន្ត្រីថៃរូបនេះបាននិយាយថា អ្នកស្រីនឹងស្នើសុំជំនួយពីប្រទេសចិនក្នុងការទប់ស្កាត់ពាក្យចចាមអារ៉ាមអវិជ្ជមានអំពីសុវត្ថិភាពនៅក្នុងប្រទេសថៃ ហើយនឹងបង្ហាញការព្រួយបារម្ភផងដែរទៅកាន់លោក ស៊ី អំពីមជ្ឈមណ្ឌលបោកប្រាស់អនឡាញនៅក្នុងប្រទេសជិតខាងរបស់ថៃ។ ប្រទេសចិនគឺជាប្រភពទេសចរណ៍ធំបំផុតសម្រាប់ប្រទេសថៃ ដោយការមកដល់របស់ភ្ញៀវទេសចរជនជាតិចិនមានចំនួន ៦,៧លាននាក់ក្នុងចំណោមអ្នកធ្វើដំណើរសរុបចំនួន ៣៥,៥លាននាក់ក្នុងឆ្នាំ២០២៤។ អ្នកស្រី Paetongtarn ធ្លាប់បានបញ្ជាឱ្យភ្នាក់ងារអនុវត្តច្បាប់បង្កើនការបង្ក្រាបប្រឆាំងនឹងក្រុមមជ្ឈមណ្ឌលបោកប្រាស់អនឡាញ និងធានាសុវត្ថិភាពរបស់ភ្ញៀវទេសចរ ដោយសារឧស្សាហកម្មនេះមានទំហំប្រហែល ១២% នៃផលិតផលក្នុងស្រុកសរុបរបស់ប្រទេសថៃ និងជិតមួយភាគប្រាំនៃការងារសរុប។ នេះបើយោងតាមទីភ្នាក់ងារព័ត៌មាន Bloomberg៕ ផ្តល់សិទ្ធិដោយ៖ Fresh News

(ភ្នំពេញ)៖ សកម្មភាពគ្រឿងចក្រ ដែលកំពុងឈូសឆាយនេះ គឺជាការអនុវត្តគម្រោងស្តារហេដ្ឋារចនាសម្ព័ន្ធខ្នាតធំរបស់រដ្ឋបាលរាជធានីភ្នំពេញ ក្រោមការជួយឧបត្តម្ភពីរាជរដ្ឋាភិបាល ដើម្បីរំដោះការជន់លិចនៅតំបន់បឹងត្របែក ពិសេសតាមប្រឡាយ១០៥ ចាប់ពីក្រោយវិទ្យាល័យយុគន្ធរ ដល់បឹង ត្របែក ដែលធ្វើបានរយៈពេល៤ខែ សម្រេចបាលលទ្ធផល ៦០%ហើយ។ នេះជាការបញ្ជាក់របស់លោកស្រី ដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ នាថ្ងៃទី២៩ ខែមករា ឆ្នាំ២០២៥។ លោកស្រីបន្តថា ប្រឡាយបឹងត្របែក បច្ចុប្បន្នមានទទឹងមធ្យម ៦ម៉ែត្រ ដែលមានសមត្ថភាពបង្ហូរទឹកត្រឹម ១២ម៉ែត្រគូបក្នុង១វិនាទីប៉ុណ្ណោះ បណ្តាលឱ្យក្នុងពេលទឹកភ្លៀងធ្លាក់ខ្លាំង លើសកំពស់ ៤០មមក្នុង១ម៉ោង ទឹកភ្លៀងបានលិចលង់រយៈពេលយូរនៅផ្នែកខ្លះនៃភូមិសាស្ត្រ ខណ្ឌបឹងកេងកង ចំការមន ខណ្ឌ៧មករា និងខណ្ឌដូនពេញ។ លោកស្រីអ្ននាំពាក្យបញ្ជាក់ទៀតថា ដើម្បីដោះស្រាយបញ្ហាទឹកលិចខាងលើ ផ្លូវលេខ១០៥ ជាប់ប្រឡាយបឹងត្របែក ចាំបាច់ត្រូវពង្រីកពីទទឹង ៦ម៉ែត្រ ទៅទទឹង១២ម៉ែត្រ ដើម្បីឲ្យបង្កើនការបង្ហូរទឹកប្រឡាយនេះ ពី១២ម៉ែត្រគូបក្នុង១វិនាទី កើនដល់២៤ម៉ែត្រគូបក្នុងវិនាទី ទើបបង្ហូរទឹកហូរទាន់ ក្នុងករណីនេះ ក្រោមផ្លូវលេខ១០៥ ជាប់ប្រឡាយនេះ ត្រូវដាក់លូប្រអប់ខ្នាតធំទទឹង ៦ម៉ែត្រជម្រៅ ៣ម៉ែត្រឯខាងលើត្រូវស្ថាបនាផ្លូវដដែល។ លោកស្រីបន្តទៀតថា ការងារនេះ ការដ្ឋានបានសាងសង់ជាង ៤ខែមកហើយ […]

(ប៉េកាំង)៖ កម្មវិធី «រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន» នៃអគ្គស្ថានីយវិទ្យុនិងទូរទស្សន៍មជ្ឈិមចិន បានត្រូវចាក់ផ្សាយនៅវេលាម៉ោង៨យប់ ថ្ងៃទី២៨ខែមករា តាមម៉ោងក្រុងប៉េកាំងតាមពេលកំណត់ ប្រព័ន្ធសារព័ត៌មានជិត៣០០០ មកពីប្រទេសនិងតំបន់ចំនួនជាង២០០ លើទូទាំងពិភពលោកបានធ្វើការផ្សាយបន្តផ្ទាល់ ឬផ្សាយដំណឹងអំពីព្រឹត្តិការណ៍នេះ។ ក្រៅពីរៀបចំនៅទីក្រុងប៉េកាំង នៅមានសាខារៀបចំធ្វើឡើងនៅទីក្រុង Chongqing ក្រុង Wuhan ខេត្ត Hubei ក្រុង Lhasa ភូមិភាគ Xizang និងក្រុង Wuxi ខេត្ត Jiangsu ផងដែរ។ ដើម្បីអបអរសាទររាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនលើកដំបូង បន្ទាប់ពីបុណ្យចូលឆ្នាំចិនត្រូវបានដាក់បញ្ចូល ក្នុងបញ្ជីបេតិកភណ្ឌវប្បធម៌អរូបីពិភពលោក «រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន» នៃអគ្គស្ថានីយវិទ្យុនិងទូរទស្សន៍មជ្ឈិមចិន បានរៀបចំយ៉ាងម៉ត់ចត់នូវកម្មវិធីសម្តែងជាច្រើនប្រភេទ ដូចជាចម្រៀង របាំ ល្ខោននិងក្បាច់គុនជាដើម ព្រមទាំងអញ្ជើញជនសាមញ្ញមកពីវិស័យនានា ចូលរួមកម្មវិធីសម្តែងទៀតផង។ «រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន» ឆ្នាំនេះក៏បានដាក់ចេញនូវការផ្សាយបន្តផ្ទាល់ សម្រាប់ជនពិការភ្នែក និងពិការត្រចៀកជាលើកដំបូង ហើយមានការប្រើប្រាស់ការច្នៃប្រឌិតថ្មីផ្នែកបច្ចេកវិទ្យា “5G+4K/8K+AI” របស់អគ្គស្ថានីយវិទ្យុនិងទូរទស្សមជ្ឈិមចិន ដើម្បីផ្តល់ជូនទស្សនិកជនទូទាំងពិភពលោក នូវចំណីអារម្មណ៍ដ៏ពិសេស តាមរយៈការផ្សព្វផ្សាយ ជា៨២ភាសា។ សូមរីករាយជាមួយប្រជាជនចិនទាំងអស់គ្នាផង！ វិទ្យុមិត្តភាពកម្ពុជាចិន ផ្តល់សិទ្ធិដោយ៖ Fresh News