ថៃ៖ អាជ្ញាធរថៃសម្រេចបង្កើនការឃ្លាំមើលករណីឆ្លងជំងឺ Mpox ក្រោយរកឃើញអ្នកតេស្តវិជ្ជមានចំនួន ២ករណីកាលពីពេលថ្មីៗនេះ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៩ ខែឧសភា។ ករណីឆ្លងថ្មីទាំង ២នេះត្រូវបានរកឃើញចំពោះបុរសជនជាតិថៃចំនួន ២នាក់ ដែលម្នាក់មានអាយុ ២៥ឆ្នាំ និងម្នាក់ទៀតមានអាយុ ៤០ឆ្នាំ។ បើតាមនាយកដ្ឋានប្រយុទ្ធនឹងជំងឺឆ្លងថៃបានបញ្ជាក់ថា ក្នុងចំណោមករណីឆ្លងទាំង ២ខាងលើនេះ គឺមានអ្នកជំងឺម្នាក់បានផ្តើមចេញរោគសញ្ញាចាប់តាំងពីថ្ងៃទី២២ ខែមេសាម្លេះ តែរូបគាត់ទើបត្រូវបានធ្វើតេស្តវិជ្ជមានកាលពីពេលថ្មីៗនេះ ខណៈក្នុងអំឡុងពេលជាច្រើនសប្តាហ៍ចុងក្រោយនេះរូបគាត់ក៏បានប៉ះពាល់យ៉ាងជិតស្និតជាមួយមនុស្សជាច្រើននាក់ផ្សេងទៀតផងដែរ។ សូមរម្លឹកជូនថា នាពេលកន្លងមកប្រទេសថៃធ្លាប់បានរកឃើញករណីអ្នកឆ្លងជំងឺ Mpox សរុបចំនួន ១,០៧៤ករណី ហើយក្នុងនោះមានអ្នកស្លាប់ចំនួន ១៦ករណីផងដែរ៕ អត្ថបទ៖ ភក្តី

នៅព្រឹកថ្ងៃទី១៩ ខែឧសភា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងឯកឧត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំកម្ពុជា បានចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណងរបស់រដ្ឋាភិបាលជប៉ុន សម្រាប់ “គម្រោងបង្កើតវិទ្យាស្ថានគរុកោសល្យ នៅខេត្តកំពង់ចាម” ដែលមានទឹកប្រាក់ចំនួន ១,១៨៩,០០០,០០០ យ៉េន (ប្រមាណ៨ លានដុល្លារអាម៉េរិក)។ ប្រភព៖ ក្រសួងព័ត៌មាន

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតីក្នុងពិធីពុទ្ធាភិសេកព្រះបដិមា «ព្រះវិស្ណុគង់​លើ​ស្ដេចគ្រុឌ» ស្ថិតនៅរង្វង់មូល​មុខ​វិទ្យាល័យសម្តេចឪ ឬរង្វង់មូលអតីតព្រលានយន្តហោះអន្តរជាតិសៀមរាប និងបួងសួងសុំសេចក្តីសុខ សន្តិភាព និងភាពត្រជាក់ត្រជុំដល់ទឹកដី និងប្រជាពលរដ្ឋខ្មែរ នាព្រឹកថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦។ នៅក្នុងពិធីនេះផងដែរ ក៏បានការអញ្ជើញចូលរួមពីសំណាក់ លោកជំទាវ ហ៊ុន ស៊ីណាត, លោកជំទាវ ហង់ ភារី អ៊ឹមសិទ្ធី, លោកជំទាវ

ខេត្តស្ទឹងត្រែង៖ នារសៀលថ្ងៃទី១៨ ខែឧសភា ឆ្នាំ២០២៦ កិច្ចប្រជុំលើកទី៤ របស់គណៈកម្មការកិច្ចសហប្រតិបត្តិការរក្សាសន្តិសុខ រៀបរយតាម បណ្ដោយព្រំដែនឡាវ-កម្ពុជា ឡាវ-កម្ពុជា ដែលប្រទេសកម្ពុជាធ្វើជាម្ចាស់ផ្ទះបានរៀបចំឡើងនៅខេត្តស្ទឹងត្រែង ដើម្បីពិភាក្សាការងារកិច្ចសហប្រតិបត្តិការនៃការថែរក្សាសន្តិសុខតាមបណ្ដោយព្រំដែនកម្ពុជា-ឡាវ ឡាវ-កម្ពុជា។ កិច្ចប្រជុំទ្វេភាគីដោយផ្ទាល់លើកទី៤នេះ បានប្រព្រឹត្តទៅក្រោមវត្តមានភាគីកម្ពុជា ដឹកនាំដោយនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងជាប្រធានគណៈកម្មការកិច្ចសហប្រតិបត្តិការរក្សាសន្តិសុខ រៀបរយតាមបណ្ដោយព្រំដែនកម្ពុជា-ឡាវ និងភាគីឡាវដឹកនាំដោយឧត្តមសេនីយ៍ទោ វ៉ាន់ថន ប៊ុតតាក់វង្ស អនុប្រធានអគ្គសេនាធិការ កងទ័ពប្រជាជនឡាវ និងជាប្រធានគណៈកម្មការរក្សាសន្តិសុខ រៀបរយតាមបណ្ដោយព្រំដែនឡាវ-កម្ពុជា រួមនឹងសមាជិក៕ ប្រភព៖ ក្រសួងព័ត៌មាន

អាមេរិក៖ សហរដ្ឋអាមេរិកបានយល់ព្រមលក់ឧទ្ធម្ភាគចក្រ និងឧបករណ៍ពាក់ព័ន្ធមួយចំនួនទៅកាន់ប្រទេសកូរ៉េខាងត្បូងក្នុងតម្លៃសរុបរហូតដល់ ៤,២ពាន់លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៩ ខែឧសភា។ តាមគម្រោងគឺកូរ៉េខាងនឹងទទួលបានឧទ្ធម្ភាគចក្រក្នុងកញ្ចប់ចំនួន ២ដាច់ដោយឡែកពីគ្នារួមមាន៖ -កញ្ចប់ទី១៖ គឺឧទ្ធម្ភាគចក្រប្រភេទ MH-60R Seahawk ចំនួន ២៤គ្រឿង ដែលមានតម្លៃចំនួន ៣ពាន់លានដុល្លារ -កញ្ចប់ទី២៖ គឺឧទ្ធម្ភាគចក្រប្រភេទ AH-64E Apache និងរួមទាំងសម្ភាៈសំខាន់ៗមួយចំនួនផង ដែលមានតម្លៃចំនួន ១,២ពាន់លានដុល្លារ ប្រភពខាងលើបានបញ្ជាក់ថា ឧទ្ធម្ភាគចក្រទាំង ២ប្រភេទនេះគឺជាប្រភេទឧទ្ធម្ភាគចក្រចម្បាំង ដែលសមត្ថភាពយ៉ាងខ្លាំងក្នុងការប្រឆាំងនាវាមុជទឹក និងការធ្វើសង្គ្រាមនៅលើផ្ទៃទឹក៕ អត្ថបទ៖ ភក្តី

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្រសួងប្រៃសណីយ៍និងទូរគមនាគមន៍ (ក.ប.ទ.) បានចេញសេចក្តីជូនដំណឹង ស្តីពីការកាត់បន្ថយរយៈពេល នៃការផ្តល់សេវាសាធារណៈ មិនលើសពី៨ម៉ោង សម្រាប់សេវាដែលមានលក្ខណៈបច្ចេកទេសទាប និងមិនលើសពី៧ថ្ងៃ សម្រាប់សេវាសាធារណៈ ដែលមានលក្ខណៈបច្ចេកទេសខ្ពស់។ ក្រសួងប្រៃសណីយ៍ និងទូរគមនាគមន៍ បានពិនិត្យឃើញថា កន្លងមកការផ្តល់សេវាមិនទាន់អាចឆ្លើយតបទាន់ពេល ដោយអាចប្រើរយៈពេលរង់ចាំចាប់ពី៣ ទៅ១៥ថ្ងៃ សម្រាប់សេវាសាធារណៈដែលមានលក្ខណៈបច្ចេកទេសទាប ឬ ១៦ ទៅ ៦០ថ្ងៃ ក្នុងករណីសេវាដែលមានលក្ខណៈបច្ចេកទេសខ្ពស់។ កាលពីថ្ងៃទី១៣ ខែមីនា ឆ្នាំ២០២៦ ក.ប.ទ. បានចាប់ផ្តើមអនុវត្តសាកល្បងលើការកែសម្រួលនីតិវិធី និងកាត់បន្ថយពេលវេលានៃការផ្តល់សេវាសាធារណៈឱ្យកាន់ តែឆាប់រហ័ស និងមានប្រសិទ្ធភាព ដើម្បីឆ្លើយតបទៅនឹងតម្រូវការ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា រយៈពេលបីថ្ងៃ ចាប់ពីថ្ងៃទី១៤ដល់១៦ ខែឧសភា ឆ្នាំ២០២៦ អនុវត្តតាម​អនុសាសន៍​​ដ៏ខ្ពង់ខ្ពស់ របស់​ឯកឧត្តម​អភិ​សន្តិ​បណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម សន្តិបណ្ឌិត និង​ថ្នាក់​ដឹកនាំ​ក្រសួងមហាផ្ទៃ ឯកឧត្តម ឧត្តមសេនីយ៍ឯក សុខ វាសនា អគ្គនាយក​អន្តោ​ប្រវេសន៍ បានណែនាំឱ្យនាយកដ្ឋានស៊ើបអង្កេត និង​អនុវត្ត​នីតិវិធី បន្តធ្វើ​ការ​បណ្តេញ​ជន​ជាតិចិន និងជនជាតិវៀតណាមសរុបចំនួន ៤៥៧នាក់ ស្រី៤៤នាក់ ពាក់​ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងករណីលួចស្នាក់នៅ ធ្វើការងារខុសច្បាប់ ត្រូវបានបណ្ដេញចេញ​ពីព្រះរាជាណាចក្រកម្ពុជា ក្នុងនោះមានជនជាតិចិន ៣៣០នាក់ ស្រី០៨នាក់

ចិន៖ យ៉ាងហោចណាស់មានមនុស្សចំនួន ២នាក់បានស្លាប់បាត់បង់ជីវិតនៅក្នុងហេតុការណ៍រញ្ជួយដីក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១៨ ខែឧសភា។ ទន្ទឹមគ្នានេះក៏មានមនុស្សជាង ៧,០០០នាក់ផ្សេងទៀតត្រូវបានបង្ខំចិត្តជម្លៀសខ្លួនជាបន្ទាន់ផងដែរ។ បើតាមអាជ្ញាធរគ្រប់គ្រងគ្រោះមហន្តរាយចិនបានបញ្ជាក់ថា​ គ្រោះរញ្ជួយដីបានកើតឡើតនៅក្នុងកម្រិត ៥,២រ៉ិចទ័រ និងបានវាយប្រហារទៅលើតំបន់ Guangxi ដែលស្ថិតនៅភាគខាងត្បូងប្រទេសចិន។ ប្រភពខាងលើបានបន្តថា គិតត្រឹមពេលនេះនៅមានមនុស្សម្នាក់កំពុងតែបាត់ខ្លួន ហើយមនុស្សមួយចំនួនត្រូវបានបញ្ជូនទៅព្យាបាលរបួសនៅមន្ទីរពេទ្យ ខណៈមានអគារចំនួន ១៣ខ្នងបានដួលរលំផងដែរ៕ អត្ថបទ៖ ភក្តី ប្រភព៖ Channel News Asia

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជានៅរាត្រីថ្ងៃទី១៧ ខែឧសភា ឆ្នាំ២០២៦ នេះ បានប្រកាសរ៉ាប់រងការព្យាបាលទាំងស្រុង លើអ្នកគ្រូម្នាក់ ក្រោយជំងឺខូចតម្រងនោមដំណាក់កាលចុងក្រោយ។ ការប្រកាសរបស់សម្តេចតេជោ បានធ្វើឡើងបន្ទាប់ពីមានបងប្អូនអ្នកជាច្រើន បានអំពាវនាវជួយដល់អ្នកគ្រូដែលកំពុងមានជំងឺដែលត្រូវការជំនួយជាចាំបាច់។ សម្តេចបានបញ្ជាក់ថា សម្តេច បានរកឃើញអ្នកជំងឺនេះហើយតាមរយៈ ឯកឧត្តម សេង ទៀង។ តាមរយៈបណ្តាញទំនាក់ទំនងសង្គមការងារផ្លូវការ សម្តេចតេជោ ប្រមុខរដ្ឋស្តីទី បានរំលេចថា ថ្ងៃស្អែក ឯកឧត្តម សេង ទៀង នឹងទៅជួបអ្នកគ្រូដើម្បីពិភាក្សារកដំណោះស្រាយ ដែលពេលនេះមានពន្លឺខ្លះហើយបន្ទាប់ពីបានពិភាក្សាជាមួយវេជ្ជបណ្ឌិត គង់

អាមេរិក៖ ចិនបានប្តេជ្ញាទិញផលិតផលកសិកម្មពីសហរដ្ឋអាមេរិកក្នុងទំហំទឹកប្រាក់យ៉ាងតិចណាស់ ១៧ពាន់លានដុល្លារក្នុងមួយឆ្នាំ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៨​ ខែឧសភា។ ​គម្រោងខាងលើនេះគឺជាផ្លែផ្កាមួយ ដែលបានកើតចេញពីជំនួបរវាងលោកប្រធានាធិបតីអាមេរិក និងលោកប្រធានាធិបតីចិនកាលពីសប្តាហ៍កន្លងទៅនេះ។ បើតាមសេតវិមានអាមេរិកបានបញ្ជាក់ថា ការប្តេជ្ញាទិញផលិតផលកសិកម្មអាមេរិកពីសំណាក់ប្រទេសចិនខាងលើនេះនឹងត្រូវធ្វើឡើងនៅក្នុងរយៈពេល ៣ឆ្នាំ ពោលគឺចាប់ពី ឆ្នាំ២០២៦,ឆ្នាំ២០២៧ រហូតដល់ឆ្នាំ២០២៨។ ប្រភពខាងលើបានបន្តថា នៅក្នុងគម្រោងទិញផលិតផលកសិកម្មរយៈពេល ៣ឆ្នាំខាងលើនេះ នឹងមិនរួមបញ្ចូលគម្រោងទិញសណ្តែកសៀង ដែលចិនបានធ្វើឡើងកាលពីខែតុលា ឆ្នាំ២០២៥ កន្លងទៅនេះទេ៕ អត្ថបទ៖ ភក្តី ប្រភព៖ The Strait Time