(ព្រំដែន)៖ ក្រសួងការពារជាតិ សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តធ្វើសកម្មភាពបាញ់ប្រហារចូលទីតាំងប្រជាជនស៊ីវិលកម្ពុជានៅយោធភូមិភាគទី៥ ក្នុងភូមិសាស្ត្រភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នាថ្ងៃទី២៦ ខែធ្នូ ឆ្នាំ២០២៥៖ -ម៉ោង ៩:៤៦នាទី យោធាថៃបានបាញ់ផ្លោងកាំភ្លើងប្រភេទ ១៥៥ម.ម ចំនួន ២គ្រាប់បន្ថែមទៀតចូលភូមិសាស្ត្រភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ សកម្មភាពខាងលើជាការវាយប្រហារដ៏កំរោល សាហាវ ព្រៃផ្សៃ ដោយមិនរើសគោលដៅរបស់យោធាថៃ ជាការរំលោភបំពានច្បាប់មនុស្សធម៌អន្តរជាតិយ៉ាងធ្ងន់ធ្ងរ។ កងកម្លាំងរបស់កម្ពុជាបាននឹងបន្តតាមដានយ៉ាងយកចិត្តទុកដាក់ និងប្រុងប្រយ័ត្នខ្ពស់ជានិច្ចក្នុងការបំពេញតួនាទីការពារបូរណភាពទឹកដី និងប្រជាជនរបស់កម្ពុជាយ៉ាងម៉ឺងម៉ាត់បំផុត។ សូមបងប្អូនប្រជាពលរដ្ឋតាមដាននិងទទួលព័ត៌មានពីប្រភពផ្លូវការ ព្រមទាំងចូលរួមសហការណ៍ និងគោរពទៅតាមការណែនាំរបស់អាជ្ញាធរមូលដ្ឋានទាំងអស់គ្នា។ ព័ត៌មានលម្អិតនឹងរាយការណ៍ជូននៅពេលក្រោយ៕ ផ្ដល់សិទ្ធិដោយ៖ Fresh News

(ព្រំដែន)៖ ក្រសួងការពារជាតិ សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តធ្វើសកម្មភាពបាញ់ប្រហារចូលទីតាំងប្រជាជនស៊ីវិលកម្ពុជា និងហេដ្ឋារចនាសម្ព័ន្ធស៊ីវិល នៅយោធភូមិភាគទី៥ ក្នុងភូមិសាស្ត្រជិតរង្វង់មូល៥៨ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នាថ្ងៃទី២៦ ខែធ្នូ ឆ្នាំ២០២៥៖ -ចាប់ពីម៉ោង ៧:៤៥នាទី ដល់ម៉ោង ៩:០៣នាទី យោធាថៃបានបាញ់ផ្លោងកាំភ្លើងប្រភេទ ១៥៥ម.ម សរុបចំនួន ១៧គ្រាប់-ចំនួន ១០គ្រាប់​ ចូលរង្វង់មូលស្ទឹងបត់ផ្លូវ៥៨​ សង្កាត់ផ្សារកណ្តាល-ចំនួន ៥គ្រាប់ ភូមិអណ្តូងថ្មមាស​ សង្កាត់និមិត្ត-ចំនួន ២គ្រាប់​ ចូលភូមិទួលពង្រ​ សង្កាត់អូរឬស្សី ដែលបណ្តាលឱ្យប្រជាជនពលរដ្ឋស៊ីវិលដែលកំពុងធ្វើដំណើរនៅលើដងផ្លូវ៥៨ បានរងរបួស និងខូចខាតទ្រព្យសម្បត្តិផងដែរ។ សកម្មភាពខាងលើជាការវាយប្រហារដ៏កំរោល សាហាវ

(ភ្នំពេញ)៖ នាយប់ថ្ងៃទី២៥ ខែធ្នូ ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានជួបតាមទូរស័ព្ទជាមួយលោក ម៉ាកូ រ៉ូប៊ីអូ រដ្ឋមន្ត្រីការបរទេសសហរដ្ឋអាមេរិក ដើម្បីពិភាក្សាអំពីការវិវត្តសភាពការណ៍តាមបណ្តោយព្រំដែនកម្ពុជា-ថៃ ក្នុងគោលបំណងជំរុញឱ្យមានបទឈប់បាញ់ឱ្យបានឆាប់រហ័ស និងការអនុវត្តកិច្ចព្រមព្រៀងសន្តិភាព ដេីម្បីស្វែងរកសន្តិភាពយូរអង្វែងសម្រាប់កម្ពុជា និងថៃ។ សម្តេចនាយករដ្ឋមន្ត្រី បានបញ្ជាក់ថា ក្នុងជំនួបនេះ លោករដ្ឋមន្ត្រី រ៉ូប៊ីអូ បានគូសបញ្ជាក់ជំហរយ៉ាងច្បាស់លាស់ថា សហរដ្ឋអាមេរិកចង់ឃេីញសន្តិភាពស្ថិតស្ថិររវាងកម្ពុជា និងថៃ និងខិតខំជំរុញឱ្យមានបទឈប់បាញ់ឱ្យបានឆាប់តាមដែលអាចធ្វើទៅបាន។ សម្តេចមហាបវរធិបតី ក៏បានបញ្ជាក់ជាថ្មីអំពីការប្រកាន់ខ្ជាប់យ៉ាងម៉ឺងម៉ាត់របស់កម្ពុជា ក្នុងការបន្តអនុវត្តតាមស្មារតីសេចក្ដីថ្លែងការណ៍រួមទីក្រុងគូឡាឡាំពួ និងសង្ឃឹមថា ភាគីទាំងពីរនឹងបន្តធ្វើការជាមួយគ្នាស្របតាមកិច្ចព្រមព្រៀងដែលមាន។ សម្តេចមហាបវរធិបតី ហ៊ុន ម៉ាណែត ក៏បានជម្រាបរដ្ឋមន្ត្រីការបរទេសអាមេរិកថា

(ព្រំដែន)៖ សមរភូមិប្រាសាទព្រះវិហារ ភ្នំទ្រព្យ វាលឥន្ទ្រីយ៍ ប្រាំមករា តាំងពីយប់ មកទល់ម៉ោងជាង៨ព្រឹក ថ្ងៃទី២៦ ខែធ្នូ ឆ្នាំ២០២៥នេះ ទាហានឈ្លានពានសៀមបន្ដបាញ់ផ្លោងយ៉ាងខ្លាំងមិនដកដៃឡើយ។ ដោយឡែក សមរភូមិប្រាសាទតាមាន់ ក៏ទាហានឈ្លានពានសៀម បន្ដបាញ់ផ្លោងដូចគ្នា។ ខណៈសមរភូមិថ្មដា មានភាពស្ងប់ស្ងាត់៕ ផ្ដល់សិទ្ធិដោយ៖ Fresh News

(ភ្នំពេញ)៖ របាយការណ៍វាយតម្លៃលើការអនុវត្ដ ផែនទីបង្ហាញផ្លូវការ អភិវឌ្ឍវិស័យយានយន្ដ និងអេឡិចត្រូនិកកម្ពុជា ក្នុងឆ្នាំ២០២៣-២០២៤ បានបញ្ជាក់ឱ្យដឹងថា សហរដ្ឋអាមេរិក គឺជាទីផ្សារធំជាងគេ សម្រាប់ប្រទេសកម្ពុជា លើការនាំចេញទំនិញលើវិស័យយានយន្ត និងវិស័យអេឡិចត្រូនិក។ សហរដ្ឋអាមេរិក គឺជាទីផ្សារនាំចេញមុខទំនិញ ក្នុងវិស័យយានយន្តធំជាងគេរបស់កម្ពុជា ក្នុងទំហំប្រមាណ ១.៣ប៊ីលានដុល្លារអាម៉េរិក ដោយសំបកកង់ឈរនៅលំដាប់ទី១ ក្នុងទំហំប្រមាណ ១.២ប៊ីលានដុល្លារអាម៉េរិក ខណៈរ៉ាដ្យាទ័រ និងភាគបំណែករបស់វាឈរនៅលំដាប់ទី២ ប្រមាណ៨.២លានដុល្លារ។ ប្រទេសជប៉ុន ថៃ និងចិន ជាទីផ្សារនាំចេញធំៗរៀងគ្នា បន្ទាប់ពីសហរដ្ឋអាមេរិក តែសម្រាប់មុខទំនិញនាំចេញឈានមុខគេវិញ គឺខុសពីមុខទំនិញនាំចេញទៅសហរដ្ឋអាមេរិក ដែលមុខទំនិញឈានមុខ សម្រាប់ទីផ្សារទាំង៣នេះ គឺខ្សែប៊ូស្ស៊ីសម្រាប់បញ្ឆេះ និងខ្សែផ្សេងៗទៀត។ បន្ថែមលើនេះ

(ព្រំដែន)៖ គិតត្រឹមម៉ោង៤៖៤៥នាទីល្ងាច ថ្ងៃទី២៥ ខែធ្នូ ឆ្នាំ២០២៥នេះ តាមបណ្ដាសមភូមិមុខទិសបន្ទាយមានជ័យ ឧត្តរមានជ័យ និងព្រះវិហារ ទាហានឈ្លានពានសៀមនៅតែបន្ដបាញ់ផ្លោងតែមួយៗ ចូលដែនអធិបតេយ្យកម្ពុជា។ ដោយឡែកសមរភូមិថ្មដា ខេត្តពោធិ៍សាត់ ស្ងប់ស្ងាត់ ប៉ុន្ដែនៅម៉ោង១៖៥០នាទី ដល់ម៉ោង២៖១៩នាទី ទាហានឈ្លានពានរបស់សៀមប្រើប្រាស់ដ្រូនទម្លាក់គ្រាប់បែក នៅអូរភ្លក់ដីរំ។ សម្រាប់ក្នុងភូមិសាស្ដ្រខេត្តបាត់ដំបង តាំងពីព្រឹក រហូតមកដល់រសៀល ទាហានសៀមបន្ដបាញ់ផ្លោងចូលក្នុងមូលដ្ឋានស្រុកសំពៅលូនជាច្រើនគ្រាប់៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ជា ច័ន្ទបរិបូរណ៌ ឯកអគ្គរាជទូតវិសមញ្ញ និងពេញសាមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋប៊ុលហ្គារី រ៉ូម៉ានី ក្រិច ស៊ីប លីទុយអានី ឡាតវីយ៉ា និងអេស្តូនី បានចេញលិខិតចំហមួយ ដោយអំពាវនាវឲ្យនាំថ្នាក់ដឹកនាំកំពូលៗរបស់ថៃទៅកាន់តុលាការឧក្រិដ្ឋកម្មសង្គ្រាម ចំពោះអំពើវាយប្រហារដែលត្រូវបានអះអាងថា បានប្រព្រឹត្តលើជនស៊ីវិល និងទ្រព្យសម្បត្តិស៊ីវិល ក្នុងទឹកដីនៃព្រះរាជាណាចក្រកម្ពុជា។ ក្នុងលិខិតចំហនេះ លោកឯកអគ្គរាជទូតបានបញ្ជាក់យ៉ាងច្បាស់ថា ការវាយប្រហារដោយអាវុធលើជនស៊ីវិល និងទ្រព្យសម្បត្តិស៊ីវិល មិនមែនជារឿងដែលអាចទទួលយកបានឡើយក្រោមច្បាប់អន្តរជាតិ។ អំពើហិង្សាដែលត្រូវបានអះអាងថា បានកើតមាន រួមមានការវាយប្រហារលើជនស៊ីវិល សាលារៀន វត្តអារាម ប្រាសាទបុរាណ ផ្ទះសម្បែងប្រជាពលរដ្ឋ ការផ្តាច់ស្ពាន បំផ្លាញផ្លូវថ្នល់ ការលួចយកទ្រព្យសម្បត្តិ

(កៀវ)៖ Militarnyi ដែលជាគេហទំព័រព័ត៌មានយោធាដ៏ល្បីមួយនៅអ៊ុយក្រែនកាលពីថ្ងៃទី៨ ខែធ្នូ បានរាយការណ៍ថារថក្រោះ និងរថពាសដែករបស់កងទ័ពថៃបានឆ្លងដែន និងឈ្លានពានចូលទឹកដីកម្ពុជា។ នៅក្នុងវីដេអូដែលត្រូវបានគេបង្ហោះលើបណ្ដាញទំនាក់ទំនងសង្គម គេឃើញរថពាកដែករបស់ថៃធុន M113 ACAV បានបើកឆ្លងព្រំដែន ហើយការឈ្លានពាននេះក៏ត្រូវបានទទួលស្គាល់ផងដែរដោយក្រសួងការពារជាតិកម្ពុជា។ បន្ថែមពីលើនេះ វីដេអូមួយទៀតបានបង្ហាញពីរថក្រោះធុន M48A5PI របស់ថៃឈ្លានពានចូលទឹកដីកម្ពុជាផងដែរ។ ក្រសួងការពារជាតិថៃបាននិយាយថានេះជាការឆ្លើយតបទៅនឹងអ្វីដែលខ្លួនចោទថាជាការបង្កហេតុដោយខាងភាគីកម្ពុជា។ អ្នកនាំពាក្យកងទ័ពថៃ លោក Winthai Suwari បានចោទប្រកាន់ថាកម្ពុជាបានប្រើប្រាស់អាវុធធុនធ្ងន់ និងប្រព័ន្ធអាវុធបាញ់គាំទ្រវាយប្រហារលើគោលដៅក្នុងទឹកដីថៃ និងជាអ្នកបើកការបាញ់ប្រហារមុន។ ជាការឆ្លើយតបទៅវិញ ក្រសួងការពារជាតិកម្ពុជាបានទាត់ចោលការចោទប្រកាន់នេះ និងអះអាងថាកម្ពុជាបានអនុវត្តតាមយ៉ាងខ្ជាប់ខ្ជួននូវលក្ខខណ្ឌនៃកិច្ចព្រមព្រៀងបទឈប់បាញ់។ «កម្ពុជាបានអនុវត្តយ៉ាងជាប់លាប់នូវ ការដោះស្រាយជម្លោះតាមមធ្យោបាយសន្តិវិធីស្របទៅតាមច្បាប់អន្តរជាតិ សន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ព្រមទាំងស្វែងរកដំណោះស្រាយដែលមានភាពយុត្តិធម៌ យូរអង្វែង និងអនុលោមតាម

(ភ្នំពេញ)៖ ក្រសួងការបរទេស និងសហប្រតិបត្តិការអន្តរជាតិនៃកម្ពុជា នៅរសៀល ថ្ងៃទី២៥ ខែធ្នូ ឆ្នាំ២០២៥នេះ បា​នធ្វើបទបង្ហាញជូនបណ្តាអង្គទូតបរទេស និងទីភ្នាក់ងារ អ.ស.ប. ប្រចាំកម្ពុជា អំពីការវិវត្តថ្មីៗនៃសភាពការណ៍តាមបណ្តោយព្រំដែន កម្ពុជា-ថៃ។ កិច្ចប្រជុំអំពីការធ្វើបទបង្ហាញនេះ ដឹកនាំដោយ លោក នង សាកល អនុរដ្ឋលេខធិការ និងជាអ្នកនាំពាក្យក្រសួងការបរទេស ដោយមានការចូលរួមពី បណ្តាអង្គទូតបរទេស និងទីភ្នាក់ងារ អ.ស.ប. ប្រចាំកម្ពុជាសរុបចំនួន២៤។ ជំនួបនេះ បានធ្វើឡើងខណៈដែលកងទ័ពថៃ កំពុងឈ្លានពានកម្ពុជា ជាលើកទី២ ដោយវាយប្រហារយ៉ាងខ្លាំងក្លាដោយមិនរើសគោលដៅ នៅតាមបណ្តោយព្រំដែនកម្ពុជា-ថៃ និងបានចូលជ្រៅមកក្នុងទឹកដីកម្ពុជា។ របាយការណ៍របស់ក្រសួងការពារជាតិ បានឱ្យដឹងថាគិតចាប់ពីថ្ងៃទី៧ ខែធ្នូ

(ហ្សឺណែវ)៖ ក្រុមជំនាញខាងសិទ្ធិមនុស្សចំនួន៤រូប របស់អង្គការសហប្រជាជាតិ (UN) កាលពីថ្ងៃពុធ ទី២៤ ខែធ្នូ បានថ្កោលទោស​សហរដ្ឋអាមេរិក ជុំវិញការបិទខ្ទប់ដែនសមុទ្រចំពោះវ៉េណេស៊ុយអេឡា ហើយចាត់ទុកចំណាត់ការនោះថា ជាការឈ្លានពានប្រដាប់អាវុធដោយខុសច្បាប់ និងបានអំពាវនាវឱ្យសភាអាមេរិកធ្វើអន្តរាគមន៍។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ ក្នុងសេចក្តីថ្លែងការណ៍រួមមួយ ក្រុមអ្នកជំនាញ UN ខាងលើបាននិយាយថា គ្មានប្រទេសមួយណា មានសិទ្ធិអនុវត្តទណ្ឌកម្មឯកតោភាគី តាមរយៈការបិទខ្ទប់ដោយប្រើយោធាឡើយ ហើយការប្រើប្រាស់កម្លាំងធ្ងន់ធ្ងរបែបនេះ ក៏ត្រូវបានទទួលស្គាល់យ៉ាងច្បាស់ៗផងដែរថាជា ការឈ្លានពានប្រដាប់អាវុធដោយខុសច្បាប់ នៅក្រោមនិយមន័យការឈ្លានពានឆ្នាំ១៩៧៤ របស់មហាសន្និបាត UN។ ដូច្នេះហើយ វាត្រូវបានចាត់ទុកជាការវាយប្រហារប្រដាប់អាវុធ ក្រោមមាត្រា៥១នៃធម្មនុញ្ញរបស់ UN ដែលជាគោលការណ៍ ផ្តល់ឱ្យរដ្ឋរងគ្រោះ​ នូវសិទ្ធិស្វ័យការពារ។