(ភ្នំពេញ)៖ ក្រសួងការបរទេស និងសហប្រតិបត្ដិការអន្ដរជាតិ បានណែនាំឲ្យស្ថានតំណាងកម្ពុជា នៅបរទេសទាំងអស់ ជូនដំណឹងអ្នកដំណើរទាំងខ្មែរ និងបរទេសចៀសវាងការធ្វើដំណើរឆ្លងកាត់ថៃ និងផ្អាកប្រើប្រាស់សេវាក្រុមហ៊ុនអាកាសចរណ៍ថៃ ជាបណ្តោះអាសន្ន។ នេះបើលិខិតរបស់ក្រសួងការបរទេស ដែលបណ្ដាញព័ត៌មាន​ Fresh News ទទួលបាននៅថ្ងៃទី២៤ ខែធ្នូ ឆ្នាំ២០២៥។ ក្នុងលិខិតបានបញ្ជាក់ថា «ខ្ញុំសូមជម្រាប ឯកឧត្តម លោកជំទាវ ឯកអគ្គរាជទូត លោកអគ្គកុងស៊ុល និងកុងស៊ុលកិត្តិយសថា ចាប់តាំងពីមានការផ្ទុះអាវុធឈ្លានពានទឹកដីកម្ពុជា អាជ្ញាធរថៃ បានប្រព្រឹត្តទង្វើមិនសមរម្យ បង្កការ លំបាក និងការភិតភ័យដល់អ្នកដំណើរបរទេស និងពលរដ្ឋខ្មែរដែលធ្វើដំណើរឆ្លងកាត់ប្រទេសថៃចូលមក ប្រទេសកម្ពុជាដោយអាជ្ញាធរថៃ បានឃាត់ខ្លួន នាំទៅសាកសួរ ថតវីដេអូ និងឆែកឆេរវ៉ាលីសជាដើម»។ ដើម្បីទប់ស្កាត់អំពើបំភិតបំភ័យ

(ភ្នំពេញ)៖ លោក ហ្សង់-​ណូអែល បារ៉ូ​ រ​ដ្ឋមន្ត្រីក្រសួង​អឺរ៉ុប និង​ការ​បរ​ទេស​បារាំ​ង បានអំពាវនាវរដ្ឋមន្ត្រីការបរទេសកម្ពុជា-ថៃ មាន​បទ​ឈប់​បាញ់​ភា្ល​ម​ៗ។ លោក ហ្សង់-​ណូអែល បារ៉ូ​ បានអំពាវនាវបែបនេះ ក្នុងឱកាសពិភាក្សា​តាម​ទូរសព្ទជាមួ​យលោកឧបនាយក​រដ្ឋ​មន្ត្រី ប្រា​ក់ សុខុន​ រដ្ឋមន្រ្តីក្រសួង​ការ​បរ​ទេ​ស​កម្ពុជា និង​លោក Sihasak Phuangketkeow រដ្ឋម​ន្រ្តី​ការ​បរទេស​ថៃ នាថ្ងៃ​ទី២៣ ​ខែធ្នូ ឆ្នាំ២០២៥។ បើតាមស្ថានទូតបារាំងប្រចាំការកម្ពុជា មួយ​ថ្ងៃក្រោយ​កិច្ចប្រជុំ​ពិ​សេសរ​បស់​រដ្ឋ​មន្ត្រី​ការ​បរទេស​អាស៊ាន ស្តីពីជ​ម្លោះ​រវាង​ប្រទេស​​ទាំងពីរ​ (ពោល​គឺថ្ងៃទី​២២ ខែធ្នូ​) និង​មួយថ្ងៃមុន​ការ​ចាប់​ផ្តើម​ឡើងវិ​ញនូ​វកិច្ច​សន្ទនារ​វាង​កង​កម្លាំងទា​ហាន​នៃ​ប្រទេស​ទាំង​ពីរ រដ្ឋមន្ត្រី​បារាំងបា​ន​អំពាវ​នាវ​ឱ្យ​មាន​បទ​ឈប់​បាញ់​ភា្ល​ម​ៗ និង​បាន​លើក​ឡើង​ជាមួយដៃ​គូ​សន្ទនា​ អំពី​បែ​ប​​បទនា​នានៃ​កា​​រ​កាត់​បន្ថ​យ​ភាព​តាន​តឹង។​ លោករដ្ឋមន្ត្រីបាន​សម្តែង​នូវកា​រ​គាំ​ទ្រ​របស់​ប្រទេស​បារាំ​​ង​ ដល់​កិច្ច​ខិ​ត​ខំប្រឹ​ង​ប្រែង​របស់ម៉ា​ឡេស៊ី​ ក្នុង​នាម​ជាប្រធាន​អាស៊ាន

(ភ្នំពេញ)៖ លោក ហ្សង់ ហ្វ្រង់ស្វ័រ តាន់ រដ្ឋមន្រ្តីប្រតិភូអមនាយករដ្ឋមន្រ្តី នៅថ្ងៃទី២៤ ខែធ្នូ ឆ្នាំ២០២៥ បានបង្ហោះសារលើហ្វេសប៊ុក ដោយដាក់ចំណងជើងថា «កម្ពុជាមិនអាចចាញ់ ថៃមិនអាចឈ្នះ» នោះឡើយ។ លោក ហ្សង់ ហ្វ្រង់ស្វ័រ តាន់ បានលើកឡើងថា ២៣ថ្ងៃក្រោយមក, ២៣ថ្ងៃក្រោយពីផ្តើមវាយលុកលើទឹកដីខ្មែរ នៅបណ្តោយព្រំដែនប្រវែងជាង ៨០០គីឡូម៉ែត្រ, កងទ័ពថៃវ័ណ្ឌជើងក្នុងសង្គ្រាមរ៉ំារ៉ៃ។ គឺជា «សង្គ្រាមលេណដ្ឋាន» ដូចចម្បាំងនៅ Verdun ក្នុងឆ្នាំ១៩១៦ កាលសម័យសង្គ្រាមលោកលើកទីមួយ៖ ចេញពីលេណដ្ឋាន, វ៉ៃសម្រុក, យកបានទីតាំងមួយកន្លែង តែមិនយូរឡើយត្រូវបានវ៉ៃរុញច្រានវិញ រួចហើយបាក់ទ័ព នាំគ្នារត់ចូលលេណដ្ឋានវិញ។ និយាយបែបផ្សេង ថៃឈ្លានពាន ឈ្នះមិនបានយូរ,

(ភ្នំពេញ)៖ មន្ទីអប់រំ យុវជន និងកីឡាខេត្តបាត់ដំបង នៃក្រសួងអប់រំ យុវជន និងកីឡា បានចេញសេចក្តីជូនដំណឹងស្តីពីការសម្រេចឱ្យផ្អាកដំណើរការបង្រៀន និងរៀន សម្រាប់សាលាក្នុងមូលដ្ឋានស្រុកបាណន់ ខេត្តបាត់ដំបង ចាប់ពីថ្ងៃទី២៤ ខែធ្នូ ឆ្នាំ២០២៥នេះ រហូតដល់មានការជូនដំណឹងសារជាថ្មី ដោយសារការឈ្លានពានពីសំណាក់យោធាថៃ មកលើដីកម្ពុជា ក្នុងភូមិសាស្ត្រស្រុកបាណន់៕ ខាងក្រោមនេះជាសេចក្តីជូនដំណឹងរបស់មន្ទីអប់រំ យុវជន និងកីឡាខេត្តបាត់ដំបង៖ ផ្ដល់សិទ្ធិដោយ៖ Fresh News

(ភ្នំពេញ)៖ គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានធ្វើការថ្កោលទោសយ៉ាងដាច់អហង្ការចំពោះការបន្តវាយប្រហារយ៉ាងព្រៃផ្សៃរបស់ប្រទេសថៃ ដោយប្រើប្រាស់សព្វាវុធធុនធ្ងន់ យន្តហោះចម្បាំង F-16 និង T-50TH នាវាចម្បាំង ការប្រើប្រាស់ផ្សែងពុល និងគ្រាប់បែកចង្កោម មកលើទីតាំងភូមិសាស្ត្រដែល មានប្រជាជនស៊ីវិលរស់នៅក្នុងខេត្តបន្ទាយមានជ័យ ពោធិ៍សាត់ ឧត្តរមានជ័យ បាត់ដំបង ព្រះវិហារ និងកោះកុង។ ជាក់ស្តែងគិតត្រឹមថ្ងៃទី២៤ ខែធ្នូ ឆ្នាំ២០២៥ ប្រជាជនស៊ីវិលបានស្លាប់ចំនួន ២១នាក់ និងរងរបួសចំនួន ៨៣នាក់ ជនភៀសសឹកកើនដល់ ៦០៧ ៩៨០នាក់ និង ហេដ្ឋារចនាសម្ព័ន្ធស៊ីវិលជាច្រើនត្រូវបានបំផ្លាញ រួមមានផ្ទះប្រជាពលរដ្ឋ ប្រាសាទបុរាណ អគារឯកជន អគារស្នាក់នៅ/សណ្ឋាគារ

(បាត់ដំបង)៖ បើទោះបីមានកិច្ចប្រជុំពិសេសរដ្ឋមន្ត្រីការបរទេសអាស៊ាន និងការទទូចពីសំណាក់អាមេរិក ចិន និងបណ្តាប្រទេសជាច្រើនឱ្យកម្ពុជា និងថៃ បញ្ឈប់ការផ្ទុះអាវុធរវាងគ្នាយ៉ាងណាក្តី តែកងទ័ពថៃនៅតែបន្តការ​ទន្ទ្រានឈ្លានពានមកលើដែនអធិបតេយ្យ និងបូរណភាពទឹកដីកម្ពុជា។ ក្រៅពីការបាញ់ផ្លោងនៅតាមព្រំដែនហើយនោះ កងទ័ពអាកាសថៃ ក៏បានប្រើយន្តហោះ T50 ដែលទិញពីប្រទេសកូរ៉េខាងត្បូងមកទម្លាក់​គ្រាប់បែកចូលជ្រៅក្នុងទឹកដីកម្ពុជានៅខេត្តសៀមរាប ខេត្តបាត់ដំបង និងបន្ទាយមានជ័យផងដែរ។ នៅភូមិ-ឃុំភ្នំសំពៅ ស្រុកបាណន់ ខេត្តបាត់ដំបង ដែលជាភូមិឋានមាន​ប្រជា​ពលរដ្ឋរស់នៅយ៉ាងច្រើននោះ កងទ័ពអាកាសថៃ បានទម្លាក់គ្រាប់​បែក​ជាច្រើនគ្រាប់។ ការទម្លាក់គ្រាប់បែកនេះ បានបង្កការភ័យខ្លាចយ៉ាង​ខ្លាំងដល់ប្រជាពលរដ្ឋរស់នៅក្នុងភូមិ។ ការភ័យខ្លាចទម្ងន់គ្រាប់ធ្វើឱ្យប៉ះ​ពាល់ដល់អាយុជីវិតនោះ ប្រជាពលរដ្ឋក្នុងភូមិក្មេងចាស់ បានសម្រេចរត់​ចេញពីផ្ទះសម្បែងទៅនៅតាមវាលស្រែ។ ក្នុងចំណោមប្រជាពលរដ្ឋដែលបានរត់ចេញពីភូមិនោះ រួមមានស្ត្រីទើប​សម្រាល​​កូន និងក្មេងតូចៗផងដែរ។ ទិដ្ឋភាពនោះ រំលេចនូវក្តីសង្វេគយ៉ាងខ្លាំងក្លា ហើយនេះក៏បង្ហាញឱ្យឃើញនូវទង្វើព្រៃផ្សៃរបស់កងទ័ពអាកាសថៃ ដើម្បីសម្រេចមហិច្ឆតាឈ្លានពានដ៏ឃោរឃៅរបស់ពួកគេ គេមិនខ្លាចរអាច្បាប់ទម្លាប់សកល

(បាត់ដំបង)៖ ប្រជាពលរដ្ឋ និងកូនសិស្សសាលាសម្តេចឪ សម្តេចម៉ែ ភ្នំសំពៅ នាំគ្នារត់ប្រសាច ក្រោយពួកយោធាថៃឈ្លានពានប្រើ T-50 ទម្លាក់នៅក្បែរភ្នំសំពៅ ខេត្តបាត់ដំបង នៅវេលាម៉ោង ១០ព្រឹក ថ្ងៃទី២៤ ខែធ្នូ ឆ្នាំ២០២៥នេះ៕ ផ្ដល់សិទ្ធិដោយ៖ Fresh News

(ព្រំដែន)៖ នៅវេលាម៉ោងជាង ២រសៀល ថ្ងៃទី២៤ ខែធ្នូ ឆ្នាំ២០២៥ ទាហានឈ្លានពានរបស់សៀម បានប្រើប្រាស់យន្ដហោះចម្បាំង T-50 ទម្លាក់គ្រាប់បែក១គ្រាប់ទៀតហើយ នៅជើងភ្នំសំពៅ ស្រុកបាណន់ ខេត្តបាត់ដំបង ពោលនៅទីតាំងដែលពួកគេទម្លាក់កាលពីព្រឹកមិញ៕ ផ្ដល់សិទ្ធិដោយ៖ Fresh News

(កង់បេរ៉ា)៖ រដ្ឋាភិបាលអូស្ត្រាលី នៅថ្ងៃពុធ ទី២៤ ខែធ្នូ បានបង្ហាញការព្រួយបារម្ភយ៉ាងខ្លាំងចំពោះជម្លោះយោធាដែលកំពុងកើតឡើងរវាងកម្ពុជា និងថៃ ក្នុងនោះរួមមានទាំងការកើនឡើងជម្លោះ យ៉ាងឆាប់រហ័ស ការប្រើប្រាស់អាវុធបង្កការបំផ្លិចបំផ្លាញធ្ងន់ធ្ងរ និងការកើនឡើងផលប៉ះពាល់បង្កឡើងដោយការប្រយុទ្ធគ្នាដល់មនុស្សធម៌ចំពោះភាគីទាំងសងខាង។ នេះបើតាមសេចក្ដីថ្លែងការណ៍ របស់ក្រសួងការបរទេសអូស្ត្រាលី។ ក្រសួងការបរទេសអូស្ត្រាលីបានចូលរួមរំលែកទុក្ខដល់អ្នកដែលបានបាត់បង់សមាជិកគ្រួសារ និងមនុស្សជាទីស្រឡាញ់របស់ពួកគេ ហើយបានស្នើឱ្យភាគីទាំងសងខាងធានាឱ្យបាននូវការការពារ ជនស៊ីវិល ហេដ្ឋារចនាសម្ព័ន្ធស៊ីវិល និងសម្បត្តិបេតិភណ្ឌវប្បធម៌។ «យើងជំរុញឱ្យភាគីទាំងសងខាងអនុវត្តយ៉ាងម៉ឺងម៉ាត់តាមកាតព្វកិច្ចរបស់ខ្លួននៅក្រោមច្បាប់អន្តរជាតិ បន្ធូរបន្ថយភាពតានតឹង ចាត់វិធានការឱ្យបានលឿនរហ័ស និងមានប្រសិទ្ធភាពដើម្បីបញ្ឈប់អរិភាពក្នុងនោះរួមមានតាមរយៈការអនុវត្តតាមសេចក្ដីថ្លែងការណ៍រួមគូឡាឡាំពួ»។ នេះបើតាមសេចក្ដីថ្លែងការណ៍ដដែល។ ក្រសួងការបរទេសអូស្ត្រាលីក៏បានជំរុញផងដែរឱ្យកម្ពុជា និងថៃចូលរួមដោយសុច្ឆន្ទៈក្នុងកិច្ចចរចាអំឡុងកិច្ចប្រជុំនៃគណៈកម្មាធិការព្រំដែនទូទៅ GBC សំដៅសម្រេចឱ្យបាននូវដំណោះស្រាយដោយ សន្តិវិធី និងយូរអង្វែង។ ក្រសួងស្វាគមន៍កិច្ចប្រឹងប្រែងរបស់អាស៊ាន ម៉ាឡេស៊ី និងសហរដ្ឋអាមេរិកដើម្បីគាំទ្រឱ្យមានការបិទបញ្ចប់ជម្លោះ៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងការពារជាតិ សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃនៅតែបន្តធ្វើសកម្មភាពបាញ់ប្រហារចូលដែនអធិបតេយ្យរបស់កម្ពុជា នៅយោធភូមិភាគទី៤ ក្នុងភូមិសាស្រ្តស្រុកស្រីស្នំ ខេត្តសៀមរាប នាថ្ងៃទី២៤ ខែធ្នូ ឆ្នាំ២០២៥៖ – ម៉ោង ១១:០០នាទី យោធាថៃបានប្រើប្រាស់យន្តហោះចម្បាំង (T-50TH) ទម្លាក់ចំនួន ៤គ្រាប់ចូលភូមិសាស្ត្រស្រុកស្រីស្នំ ខេត្តសៀមរាប។ ស្ថានការណ៍នៅទីតាំងមួយចំនួនមានសភាពស្ងប់ស្ងាត់ ខណៈនៅតាមទីតាំងមួយចំនួនក្នុងយោធភូមិភាគទី៤ យោធាថៃនៅបន្តសកម្មភាពវាយប្រហារមកលើដែនអធិបតេយ្យកម្ពុជានៅឡើយ ប៉ុន្តែកងកម្លាំងរបស់យើងកំពុងប្រយុទ្ធតស៊ូយ៉ាងស្វិតស្វាញជាមួយសត្រូវឈ្លានពាន និងបន្តតាមដានយ៉ាងយកចិត្តទុកដាក់ និងប្រុងប្រយ័ត្នខ្ពស់ជានិច្ច។ សកម្មភាពខាងលើជាការវាយប្រហារដ៏កំរោល ដោយមិនរើសគោលដៅរបស់យោធាថៃ ជាការរំលោភបំពានច្បាប់អន្តរជាតិយ៉ាងធ្ងន់ធ្ងរ។ កងកម្លាំងកម្ពុជាបាននឹងបន្តតាមដានយ៉ាងយកចិត្តទុកដាក់ និងឈរជើងយ៉ាងរឹងមាំ ស្វាហាប់ មោះមុត និងប្រុងប្រយ័ត្នខ្ពស់ជានិច្ច ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា