(បរទេស)៖ ក្រុមហ៊ុនបច្ចេកវិទ្យាយក្ស Apple ត្រូវបានគេរាយការណ៍មកថា គ្រោងនឹងដាក់ដំណើរការឧបករណ៍ (Tool) បញ្ញាសិប្បនិម្មិត្ត (AI) ថ្មីមួយនៅចុងឆ្នាំនេះ ដើម្បីប្រជែងជាមួយនឹង GitHub Copilot របស់ Microsoft ដែលនឹងជួយឱ្យអ្នកបង្កើតកូដកាន់តែងាយស្រួល និងលឿន រហ័សជាងមុន។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១៦ ខែកុម្ភៈ ឆ្នាំ២០២៤។ Tool ថ្មីដែល Apple គ្រោងប្រកាសបង្ហាញនោះត្រូវបានគេឱ្យដឹងថា នឹងបង្កើតឡើងជាពិសេសដើម្បីជំនួយទៅដល់កម្មវិធីសរសេរកូដរបស់ Apple ដែលមានឈ្មោះថា Xcode ដោយវាមានសមត្ថភាពបំពេញកូដដែលមានចន្លោះ ហើយវានឹងដំណើរការដោយបញ្ញាសិប្បនិម្មិត្ត AI។ យោងតាមការចុះផ្សាយបានឱ្យដឹងបន្ថែមទៀតថា Tool នេះនឹងស្រដៀងទៅនឹង GitHub Copilot របស់ Microsoft ដែលអាចបំពេញចន្លោះ និងប្លុកកូដដោយផ្អែកលើកួដ ដែល Developer បានបង្កើតឡើង។ តាមការអះអាងបានឱ្យដឹងថា Apple បានធ្វើការលើ Tool ថ្មីនេះចាប់តាំងពីឆ្នាំ២០២៣ មកម្លេះ ហើយត្រៀមដាក់បង្ហាញនៅចុងឆ្នាំនេះ តាមការរំពឹងទុកអាចនឹងបង្ហាញនៅក្នុងព្រឹត្តិការណ៍ WWDC ដ៏ធំរបស់ […]

(ហាណូយ)៖ យោងតាមទស្សនាវដ្តី Forbes ទ្រព្យសម្បត្តិរួមរបស់មហាសេដ្ឋីកំពូលចំនួនបីនាក់របស់វៀតណាមបានកើនឡើងជិត ១ពាន់លានដុល្លារអាមេរិកកាលពីឆ្នាំមុន។ នេះបើយោងតាមកាសែតវៀតណាម VN Express។ កាសែតវៀតណាម VN Express បានរាយការណ៍ថា បញ្ជីរាយឈ្មោះមហាសេដ្ឋីគិតត្រឹមដំណាច់ឆ្នាំ២០២៣ របស់ទស្សនាវដ្តី Forbes មានឈ្មោះមហាសេដ្ឋីវៀណាមចំនួន ៥នាក់គឺលោក Pham Nhat Vuong ប្រធានក្រុមហ៊ុន Vingroup លោក Tran Dinh Long ប្រធានក្រុមហ៊ុនផលិតដែក Hoa Phat អ្នកស្រី Nguyen Thi Phuong Thao ប្រធានក្រុមហ៊ុនអាកាសចរណ៍ Vietjet លោក Tran Ba Duong ប្រធានក្រុមហ៊ុនទីផ្សាររថយន្ត Thaco និងលោក Ho Hung Anh ប្រធានក្រុមហ៊ុន Techcombank។ ការស្ទុះងើបឡើងវិញនៃទីផ្សារភាគហ៊ុននៅឆមាសទីពីរនៃឆ្នាំ២០២៣ បានធ្វើឱ្យមហាសេដ្ឋីកំពូលទាំងបីរបស់វៀតណាមបានកើនឡើងទ្រព្យសម្បត្តិបន្ថែមបន្ទាប់ពីបានទទួលរងការធ្លាក់ចុះទ្រព្យសកម្មក្នុងឆ្នាំ២០២២។ ទ្រព្យរបស់លោក Long បានកើនឡើងជាង ៥០០លានដុល្លារ ខណៈដែលទ្រព្យរបស់លោក […]

(តូក្យូ)៖ ប្រទេសជប៉ុនបានធ្លាក់ចូលទៅក្នុងការដើរថយក្រោយនៃសេដ្ឋកិច្ចដោយឥតរំពឹងទុកនៅចុងឆ្នាំមុន ដោយបានរបូតតំណែងជាមហាអំណាចសេដ្ឋកិច្ចទីបីក្នុងពិភពលោកទៅឱ្យប្រទេសអាល្លឺម៉ង់។ នេះបើយោងតាមកាសែត Channel News Asia របស់សិង្ហបុរី។ កាសែត Channel News Asia បានរាយការណ៍ថា អ្នកវិភាគមួយចំនួនកំពុងព្រមានពីការធ្លាក់ចូលក្នុងការដើរថយក្រោយនៃសេដ្ឋកិច្ចម្តងទៀតនៅត្រីមាសទី១ ឆ្នាំ២០២៤ នេះ ដោយសារតម្រូវការខ្សោយនៅក្នុងប្រទេសចិន ការធ្លាក់ចុះការប្រើប្រាស់ និងការផ្អាកផលិតកម្មនៅអង្គភាពមួយរបស់ក្រុមហ៊ុន Toyota Motor Corp ដែលទាំងអស់នេះបង្ហាញឱ្យឃើញផ្លូវដ៏លំបាកឆ្ពោះទៅរកការងើបឡើងវិញនៃសេដ្ឋកិច្ច។ លោក Yoshiki Shinke សេដ្ឋវិទូប្រតិបត្តិជាន់ខ្ពស់នៃវិទ្យាស្ថានស្រាវជ្រាវ Dai-ichi Life Research បាននិយាយថា៖ «អ្វីដែលគួរឱ្យចាប់អារម្មណ៍ជាពិសេសនោះគឺការធ្លាក់ចុះការប្រើប្រាស់ និងការចំណាយមូលធន ដែលជាសសរស្តម្ភដ៏សំខាន់នៃតម្រូវការក្នុងស្រុក»។ លោកមានប្រសាសន៍ថា៖ «សេដ្ឋកិច្ចនឹងបន្តខ្វះសន្ទុះក្នុងពេលបច្ចុប្បន្នដោយមិនមានកត្តាជំរុញសំខាន់ៗចំពោះកំណើនឡើយ»។ យោងតាមកាសែត Channel News Asia ទិន្នន័យរបស់រដ្ឋាភិបាលបានបង្ហាញកាលពីថ្ងៃព្រហស្បតិ៍ថា ផលិតផលក្នុងស្រុកសរុបរបស់ប្រទេសជប៉ុនបានធ្លាក់ចុះ ០,៤ភាគរយក្នុងត្រីមាសទី៤ ឆ្នាំ២០២៣ បន្ទាប់ពីការធ្លាក់ចុះ ៣,៣ភាគរយនៅក្នុងត្រីមាស២ ដែលផ្ទុយពីការព្យាកររបស់ទីផ្សារដែលថា សេដ្ឋកិច្ចនឹងកើនឡើង ១,៤ភាគរយ។ ការធ្លាក់ចុះពីរត្រីមាសជាប់ៗគ្នា ជាធម្មតាត្រូវបានចាត់ទុកថាជាការដើរថយតក្រោយនៃសេដ្ឋកិច្ច។ ទិន្នន័យបានបង្ហាញថា ផ.ស.ស នាម (ណូមីណាល់) របស់ប្រទេសជប៉ុនមានចំនួន […]

(ភ្នំពេញ)៖ លោកសាស្រ្តាចារ្យ កុយ វ៉ាន់នី រដ្ឋលេខាធិការក្រសួងសុខាភិបាល បានថ្លែងថា បច្ចុប្បន្នកំណើននៃការមកទទួលសេវា នៅអង្គភាពសុខាភិបាលសាធារណៈរបស់បងប្អូនប្រជាពលរដ្ឋទូទាំងប្រទេស កាន់តែមានសន្ទុះច្រើនគំហុក ពីមួយថ្ងៃទៅមួយថ្ងៃ ដូចនេះសូមឱ្យការបម្រើសេវាសុខាភិបាលគ្រប់កម្រិត និងគ្រប់ជំនាញឯកទេស ត្រូវតែមានភាពទន់ភ្លន់ ឆ្លើយតបបានទាន់ពេលវេលា និងស្ថានការណ៍តម្រូវ ដោយឈរលើមូលដ្ឋាន តម្កល់ខ្ពស់ និងដោយប្រកាន់ខ្ជាប់ជានិច្ចនូវ «ក្រមសីលធម៌វិជ្ជាជីវៈវេជ្ជសាស្ត្រ – Medical Ethics»។ ការថ្លែងបែបនេះរបស់លោកសាស្ដ្រាចារ្យ ក្នុងទិវាវេជ្ជសាស្រ្ត-សល្យសាស្រ្ត លើកទី២៦ និងថែទាំវេជ្ជសាស្រ្តលើកទី១៣ ក្រោមប្រធានបទ «ពិនិត្យព្យាបាលគ្រប់ជ្រុងជ្រោយ និងនវានុវត្តន៍» ដែលប្រារព្ធធ្វើឡើងនៅរយៈពេល២ថ្ងៃ ទី១៥-១៦ ខែកុម្ភៈ ឆ្នាំ២០២៤ នៅមន្ទីរពេទ្យមិត្តភាពខ្មែរ-សូវៀត។ លោកសាស្ដ្រាចារ្យបានបន្ដថា «ការផ្ដល់សេវាសុខាភិបាលប្រកបដោយក្រមសីលធម៌វិជ្ជាជីវៈវេសាស្ដ្រ ដើម្បីកាន់តែបង្ខិតឱ្យបានជិតស្និទ្នបំផុតរវាងយើងជាអ្នកបម្រើសេវាដោយផ្ទាល់ និងបងប្អូនអ្នកជំងឺយើង សាច់ញាត្តិ មិត្តភក្ដិទាំងឡាយដែលលោកមកទទួលសេវា និងនៅជាមួយយើង។ យ៉ាងនេះគឺជាការបង្ករឱ្យភាពជិតស្និត និងទំនុកចិត្តកាន់តែខ្ពស់ និងយូរអង្វែង។ ទីចុងបំផុតគឺការកើតឡើងដោយឯកឯងនូវភាពកក់ក្តៅ រីករាយ ពេញចិត្តពេញថ្លើមទាំងអស់គ្នាដោយគ្មានទីបញ្ចប់»។ លើសពីនោះលោកសាស្ដ្រាចារ្យ ឱ្យបន្តបង្កើនការផ្តល់អាទិភាពដល់អ្នជំងឺចាស់ជរា បងប្អូនពិការភាព អ្នកជួបលំបាកការខ្វះខ្វាតផ្សេងៗ ធ្វើយ៉ាងណាបង្កលក្ខណៈជូនគាត់ឱ្យបានទទួលសេវាព្យាបាលថែទាំព្យាបាល ឆ្លើយតបបានទៅនឹងស្ថានភាពជំងឺជាក់ស្តែង និងផ្តល់ការពន្យល់ទូលំទូលាយ។ សម្រាប់ថ្នាក់ដឹកនាំតាមមន្ទីរពេទ្យ […]

(បាងកក)៖ រដ្ឋាភិបាលយោធាមីយ៉ាន់ម៉ា បាននិយាយកាលពីថ្ងៃពុធថា ខ្លួននឹងជ្រើសរើសយុវជន និងយុវនារីចំនួន ៦០,០០០នាក់ ជារៀងរាល់ឆ្នាំ ឱ្យចូលបម្រើយោធា ក្រោមច្បាប់ស្តីពីការចូលបម្រើការងារថ្មី ជាមួយនឹងការអំពាវនាវឱ្យចាប់ផ្តើមអនុវត្តវា បន្ទាប់ពីពិធីបុណ្យចូលឆ្នាំថ្មីប្រពៃណីជាតិនៅខែមេសាខាងមុខ។​ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃទី១៥ ខែកុម្ភៈ ឆ្នាំ២០២៤។ ប្រព័ន្ធផ្សព្វផ្សាយរដ្ឋមីយ៉ាន់ម៉ា កាលពីថ្ងៃសៅរ៍ ទី១០ ខែកុម្ភៈបាននិយាយថា របបសឹកមីយ៉ាន់ម៉ា បានប្រកាសពីការអនុវត្តកាតព្វកិច្ចយោធាលើ យុវជនជាបុរស និងស្ត្រីទាំងអស់ ខណៈប្រទេសនេះកំពុងជួបការលំបាកកាន់តែខ្លាំងឡើង ក្នុងការវាយប្រយុទ្ធជាមួយកងកម្លាំងប្រដាប់អាវុធជនជាតិភាគតិច នៅតាមតំបន់ជាច្រើនក្នុងប្រទេស បន្ទាប់ពីរបបនេះបានដណ្តើមអំណាចពីរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី ក្នុងខែកុម្ភៈ ឆ្នាំ ២០២១។ មិនមានតួលេខគួរឱ្យទុកចិត្ត ចំពោះទំហំកងទ័ពរបស់មីយ៉ាន់ម៉ាទេ។ ប៉ុន្តែ CIA World Factbook បានប៉ាន់ប្រមាណកាលពីឆ្នាំមុនថា ទំហំកងទ័ពមីយ៉ាន់ម៉ាមានចំនួនពីចន្លោះ ១៥០,០០០ ទៅ ៤០០,០០០។ វិទ្យាស្ថានសន្តិភាពសហរដ្ឋអាមេរិក ដែលមានមូលដ្ឋាននៅទីក្រុងវ៉ាស៊ីនតោនបានកត់សម្គាល់ថា ទាហាន ២១,០០០ នាក់ត្រូវបានបាត់បង់ ដោយសារតែការស្លាប់បាត់បង់ជីវិត ការរត់ចោលជួរ និងការរត់ចោលស្រុកជាដើម ចាប់តាំងពីយោធាឡើងកាន់អំណាច ដោយបន្សល់ទុកនូវកម្លាំង […]

(បាងកក)៖ គណៈរដ្ឋមន្ត្រីរបស់ប្រទេសថៃបានអនុម័តថ្ងៃឈប់សម្រាកបន្ថែមសម្រាប់មន្ត្រីរាជការក្នុងពិធីបុណ្យចូលឆ្នាំថ្មីប្រពៃណីជាតិក្នុងខែមេសា ខណៈដែលប្រជាជាតិអាស៊ីអាគ្នេយ៍មួយនេះព្យាយាមរក្សានិរន្តរភាពការស្ទុះងើបឡើងវិញនៃឧស្សាហកម្មទេសចរណ៍របស់ខ្លួន។ នេះបើយោងតាមទីភ្នាក់ងារព័ត៌មាន Bloomberg។ ថ្ងៃឈប់សម្រាកនៅថ្ងៃទី១២ ខែមេសា នឹងអនុវត្តចំពោះការិយាល័យរដ្ឋាភិបាល និងទីភ្នាក់ងាររដ្ឋផ្សេងទៀត ហើយនឹងបង្កើនថ្ងៃបុណ្យឈប់សម្រាកពិធីបុណ្យសង្ក្រាននេះរហូតដល់ ៥ថ្ងៃពោលគឺឈប់សម្រាកពីថ្ងៃទី១២ រហូតដល់ថ្ងៃទី ១៦ខែមេសា។ ទីភ្នាក់ងារព័ត៌មាន Bloomberg បានរាយការណ៍ដោយដកស្រង់សម្ដីរបស់លោកនាយករដ្ឋមន្ត្រៃថៃ សេដ្ឋា ថាវីស៊ីន ដែលបានថ្លែងបន្ទាប់ពីកិច្ចប្រជុំគណៈរដ្ឋមន្ត្រីកាលពីថ្ងៃអង្ការថា វិធានការនេះនឹងជំរុញទេសចរណ៍ និងការចំណាយក្នុងស្រុក។ ចាប់តាំងពីចូលកាន់តំណែងកាលពីប្រាំមួយខែមុន រដ្ឋាភិបាលរបស់លោក សេដ្ឋា បានដាក់ចេញវិធានការជាច្រើន ដើម្បីជំរុញវិស័យទេសចរណ៍ ដែលលោកហៅថា «ការឈ្នះឆាប់រហ័ស» ដើម្បីជំរុញកំណើនវិស័យនេះដែលជាមធ្យមមានកម្រិតតិចជាង ២% ក្នុងរយៈពេលមួយទសវត្សរ៍កន្លងមក។ វិស័យនេះចូលរួមចំណែកប្រហែល ១២% នៃផលិតផលក្នុងស្រុកសរុប និងជិតមួយភាគប្រាំនៃការងារ។ ប្រទេសថៃបានមើលឃើញកំណើននៃការមកដល់របស់ភ្ញៀវទេសចរបរទេសចំនួន ៤៨% ដល់ ៤,៤លាននាក់គិតចាប់តាំងពីដើមឆ្នាំនេះមកធៀបនឹងរយៈពេលដូចគ្នាកាលពីឆ្នាំមុន ជាមួយនឹងភ្ញៀវទេសចរចិនកាន់តែច្រើនដែលមកទស្សនាប្រទេសថៃក្រោមកម្មវិធីលើកលែងទិដ្ឋាការ។ ទិន្នន័យផ្លូវការបានបង្ហាញថា អ្នកធ្វើដំណើរជិត ២សែននាក់មកពីប្រទេសចិនដីគោកបានសម្រុកទៅទស្សនាប្រទេសថៃកាលពីសប្តាហ៍មុនក្នុងអំឡុងពេលថ្ងៃឈប់សម្រាកចូលឆ្នាំចិន កើនឡើង ៦៨% ធៀបនឹងសប្តាហ៍មុន។ រដ្ឋាភិបាលថៃកំណត់គោលដៅភ្ញៀវបរទេសចំនួន ៣៥លាននាក់ក្នុងឆ្នាំ២០២៤ ដោយ ៨លាននាក់រំពឹងថាមកពីចិន។ អ្នកធ្វើដំណើរមកពីដីគោកមានចំនួនជាង ២៥% នៃភ្ញៀវទេសចរបរទេសសរុបចំនួន ៤០លាននាក់ក្នុងឆ្នាំ ២០១៩ […]

(កណ្ដាល)៖ លោក គង់ សោភ័ណ្ឌ អភិបាលខេត្តកណ្ដាល បានថ្លែងថា នៅក្នុងខេត្តកណ្ដាលទាំងមូលមានទីតាំងល្បែងចំនួន៩៩៩ទីតាំង បិទខ្លះ នៅ៩២៩ទីតាំងខណៈក្រុមហ៊ុនមានអាជ្ញាប័ណ្ណមានតែចំនួន៥៦ប៉ុណ្ណោះ ដូច្នេះអាជ្ញាធរមានសមត្ថកិច្ចទាំងអស់ត្រូវពិនិត្យឲ្យល្អិតល្អន់ ហើយបញ្ជាឲ្យគ្មានឡើយការបន្ថែមទីតាំងថ្មី និងបញ្ជាឲ្យបង្រ្កាបដោយគ្មានត្រាប្រណីចំពោះទីតាំងណាដែលគ្មានច្បាប់អនុញ្ញាត្ត។ លោកបញ្ជាបែបនេះនៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកណ្ដាល នៅថ្ងៃទី១៥ ខែកុម្ភៈ ឆ្នាំ២០២៤នេះ ដោយមានការចូលចូលពីសំណាក់កងកម្លាំងទាំង៣ អភិបាលក្រុង-ស្រុកទាំង១៣ និងគ្រប់ប្រធានមន្ទីរទាំងអស់ និងមន្ត្រីពាក់ព័ន្ធទាំងអស់ផងដែរ។ លោកអភិបាលខេត្តបញ្ជាដាច់ណាត់ឲ្យបង្ក្រាបទីតាំងណាដែលគ្មានការអនុញ្ញាត្តឲ្យអស់ពីទឹកដីខេត្តកណ្ដាល ហើយកុំខ្លាចរអាថាមានខ្នងជានរណា ព្រោះយើងមានសម្ដេចមហាបវេធិបតី ហ៊ុន ម៉ាណែត ជាខ្នងបង្អែករបស់យើងយ៉ាងរឹងមាំបំផុត។ បើតាមលោកអភិបាលខេត្ត ទីតាំងល្បែងគ្មានការអនុញ្ញាតច្បាប់ ត្រូវចុះចាប់ និងបិទបន្ទាន់ ហើយលោកបានណែនាំដល់អភិបាលក្រុង-ស្រុកទាំង១៣ នៅក្នុងខេត្តកណ្ដាល មិនត្រូវអនុញ្ញាតឲ្យបើកទីតាំងល្បែងថ្មីៗ បន្តទៀតនោះទេបើទោះបីជាមានអាជ្ញាបណ្ណក៏ដោយ ពិសេសកុំអាងថាមានអាជ្ញាប័ណ្ណហើយពង្រីកសាខាតាមតែចិត្ត គឺដាច់ខាតមិនឲ្យពង្រីកតាមទំនើងចិត្តឡើយ។ លោកថា រឿងល្បែងនេះមិនត្រូវជាមួយលោកទាល់តែសោះ។ លោកអភិបាលខេត្តបន្តថា ពាក់ព័ន្ធទៅនឹងការគ្រប់គ្រងល្បែងស៊ីសងនៅក្នុងខេត្ត បន្ទាប់ពីទទួលបានបទបញ្ជាពីប្រមុខរាជរដ្ឋាភិបាល លោកបានបើកកិច្ចប្រជុំជាមួយមន្រ្តីពាក់ព័ន្ធដើម្បីវាយតម្លៃ ត្រួតពិនិត្យនិងបានដាក់ចេញ បទបញ្ជាបន្តបន្ទាប់ដើម្បីទប់ស្កាត់ការលេងល្បែងតាមអនឡាញ ព្រោះការលេងល្បែងនេះវាប៉ះពាល់ដល់ជីវភាពរបស់បងប្អូនប្រជាពលរដ្ឋ ខ្លាំងណាស់ បង្កការប្រើអំពើហិង្សានិងធ្លាក់ខ្លួននៅក្នុងស្ថានភាពបំណុលផងដែរ បញ្ហាចោរកម្ម ប្លន់ លួចជាដើម ដែលនេះជាបញ្ហាប្រឈមរបស់អាជ្ញាធរមូលដ្ឋាន ដែលទាមទារឲ្យអាជ្ញាធរគ្រប់លំដាប់ថ្នាក់ព្យាយាមអប់រំ និងពន្យល់បងប្អូនប្រជាពលរដ្ឋកុំឲ្យលេងល្បែងតទៅទៀត បើទោះបីជាល្បែងទាំងអស់ នោះមានច្បាប់ក៏ដោយ។ បើតាមការលើកឡើងរបស់លោក […]

(ព្រះសីហនុ)៖ រដ្ឋបាលខេត្តព្រះសីហនុ បានជូនដំណឹងដល់ម្ចាស់អាជីវកម្ម មណ្ឌលកម្សាន្តទេសចរណ៍មនុស្សពេញវ័យទាំងអស់ ដែលមានការបំពងសម្លេងលឺៗ លើសកម្រិតធ្វើឲ្យរំខាន ដល់ការរស់នៅរបស់ប្រជាពលរដ្ឋ និងភ្ញៀវទេសចរ។ នេះបើតាមសេចក្ដីជូនដំណឹង ដែលបណ្ដាញព័ត៌មាន Fresh News ទទួលបាននៅថ្ងៃទី១៥ ខែកុម្ភៈ ឆ្នាំ២០២៤។ បើតាមសេចក្ដីជូនដំណឹង, រដ្ឋបាលខេត្ត បានចាត់តាំងមន្ត្រីជំនាញ នៃមន្ទីរបរិស្ថានខេត្ត ចុះវាស់សម្លេងជាក់ស្ដែងឃើញថា អាជីវកម្មមណ្ឌលកម្សាន្តទេសចរណ៍មនុស្សពេញវ័យមួយចំនួន មានការបំពងសម្លេង លឺៗ ​លើសកម្រិតស្តង់ដារ កំណត់មានចាប់ពី ៧៩.៦ដេស៊ីបែល (dB(A)) ដល់ ៩០.២ដេស៊ីបែល (dB(A)) ធ្វើឲ្យរំខានដល់ការរស់នៅរបស់ប្រជាពលរដ្ឋ ភ្ញៀវទេសចរជាតិ អន្តរជាតិ និងសាធារណៈជន។ ដូចបានជម្រាបជូនខាងលើ ដើម្បីគ្រប់គ្រងសណ្តាប់ធ្នាប់ និងរបៀបរៀបរយសាធារណៈ រដ្ឋបាលខេត្តព្រះសីហនុ សូមធ្វើការណែនាំលោក លោកស្រី ម្ចាស់អាជីវកម្មមណ្ឌលកម្សាន្តទេសចរណ៍មនុស្ស ពេញវ័យទាំងអស់ ពិសេសនៅតាមឆ្នេរអូរឈើទាលទាំងអស់ ត្រូវអនុវត្តតាមកម្រិតកំណត់ស្តង់ដារសម្លេងអតិបរមា ដូចខាងក្រោម៖ *ទី១៖ ចាប់ពីម៉ោង ៦៖០០នាទីព្រឹក ដល់ម៉ោង ១៨៖០០នាទីល្ងាច ស្តង់ដារសម្លេងអតិបរមា ៧៥ដេស៊ីបែល (dB(A)) *ទី២៖ ចាប់ពីម៉ោង […]

(ភ្នំពេញ)៖ លោក ស៉ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល នៅថ្ងៃទី១៥ ខែកុម្ភៈ ឆ្នាំ២០២៤នេះ បានបញ្ជាក់ឲ្យដឹងថា អាកាសយានដ្ឋានអន្តរជាតិតេជោ (TIA) នឹងគ្រោងដាក់ឲ្យដំណើរការ នៅក្នុងចុងឆមាសទី១ ឆ្នាំ២០២៥ ខាងមុខ ខណៈនេះការសាងសង់សម្រេចបានជាង៦០ភាគរយហើយ។ ការ​បញ្ជាក់ឲ្យដឹងបែបនេះ ធ្វើឡើងក្នុងឱកាសដែលចុះទស្សនកិច្ចវឌ្ឍនភាពនៃការសាងសង់អាកាសយានដ្ឋានអន្តរជាតិតេជោ (TIA) ក្រោមការដឹកនាំរបស់លោកបណ្ឌិត ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល នាថ្ងៃទី១៥ ខែកុម្ភៈ ឆ្នាំ២០២៤។ ថ្លែងប្រាប់បណ្ដាញព័ត៌មាន Fresh News លោក ស៉ីន ចាន់សិរីវុត្ថា បានបញ្ជាក់យ៉ាងដូច្នេះថា «លទ្ធផលការងារសាងសង់ដែលក្រុមហ៊ុនសម្រេចបាន (ដំណាក់កាលទី១) គិតត្រឹមថ្ងៃទី៨ ខែកុម្ភៈ ឆ្នាំ២០២៤ មានចំនួន ៦៤.១% នៃការងារសរុប ដោយចំណាយទឹកប្រាក់សរុបអស់ចំនួន ៩៣២លានដុល្លារ»។ លោក ស៉ីន ចាន់សិរីវុត្ថា បានឲ្យដឹងទៀតថា ចំពោះការកសាងសង់ផ្លូវតភ្ជាប់ពី មហាវិថីសម្តេច កាត់ផ្លូវជាតិលេខ២ ឆ្ពោះទៅកាន់អាកាសយានដ្ឋាន ដែលមានទទឹង៦០ម៉ែត្រ និងបណ្តោយប្រវែង ១៣.៥ […]

(ភ្នំពេញ)៖ ក្រសួងសុខាភិបាល នៅរសៀលថ្ងៃទី១៤ ខែកុម្ភៈ ឆ្នាំ២០២៤នេះ បានចេញសេចក្តីប្រកាសព័ត៌មាន ស្តីពីការរកឃើញជំងឺជំងឺអុតស្វា (Mpox) លើបុរសម្នាក់ទៀតនៅរាជធានីភ្នំពេញ ដែលជាករណីទី១២។ ក្រសួងបញ្ជាក់ថា យោងតាមលទ្ធផល ទទួលបានពីវិទ្យាស្ថានជាតិសុខភាពសាធារណៈ នៅថ្ងៃទី១៣ ខែកុម្ភៈ ឆ្នាំ២០២៤ បានបញ្ជាក់ថា មានករណីជំងឺអ៊ឹមផក (Mpox) ចំនួន១ករណីបន្ថែមទៀត លើបុរសម្នាក់ដែលមានទីលំនៅនៅខណ្ឌមានជ័យ រាជធានីភ្នំពេញ និងបានដាក់ឱ្យព្យាបាលនៅមន្ទីរពេទ្យត្រឹមត្រូវ។ ដូច្នេះជំងឺអ៊ីមផក ដែលបានរកឃើញសរុបមាន ចំនួន ១២ករណី៕ ខាងក្រោមនេះជាសេចក្តីប្រកាសព័ត៌មានរបស់ក្រសួងសុខាភិបាល៖ ផ្តល់សិទ្ធិដោយ៖ Fresh News