(ភ្នំពេញ)៖ មន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ បានប្រកាសជូនដំណឹងជាសាធារណៈ ដើម្បីស្វែងរកឪពុកម្ដាយក្រុមគ្រួសារសាច់ញាតិរបស់ទារកម្នាក់ ដែលត្រូវគេយកទៅបោះបង់ចោល នៅសង្កាត់ចោមចៅទី៣ ខណ្ឌពោធិ៍សែនជ័យ កាលពីថ្ងៃទី១២ ខែកុម្ភៈ ឆ្នាំ២០២៤កន្លងទៅ។ ទារកត្រូវបានប្រគល់ជូនមជ្ឈមណ្ឌលកុមារបុរីទារកជាតិ ដើម្បីថែទាំជំនួសបណ្ដោះអាសន្ន។ តាមសេចក្តីជូនដំណឹង បានបង្ហាញថា កាលពីវេលាម៉ោង ៤៖៣០នាទីល្ងាចថ្ងៃទី៧ ខែកុម្ភៈ ឆ្នាំ២០២៤ មានជនមិនស្គាល់មុខ បានទារកទៅប្លុងបោះបង់ចោល ស្ថិតចំណុចដីទំនេរ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ គួរបញ្ជាក់ថា ក្រោយពីបានទទួលករណីទារកខាងលើ មន្ទីរសង្គមកិច្ចរាជធានី ក៏បានចេញសេចក្ដីប្រកាសស្វែងរកក្រុមគ្រួសារ និងសាច់ញាតិរបស់ទារក និងបានរៀបចំចាត់ចែងស្របតាមនីតិវិធីច្បាប់រួមទាំងបានបិទប្រកាស នៅលើទីតាំងចំនួន៤ទីតាំង៖ *ទីតាំងទី១៖ ត្រង់ចំណុចទីតាំងដែលទារកត្រូវបានគេបោះបង់ចោល។ *ទីតាំងទី២៖ នៅមុខសង្កាត់ចោមចៅទី៣ *ទីតាំងទី៣៖ នៅមុខសាលាខណ្ឌពោធិ៍សែនជ័យ *ទីតាំងទី៤៖ នៅមន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ៕ ផ្តល់សិទ្ធិដោយ៖ Fresh News

(បាងកក)៖ នយោជិតទាំងឡាយនៅទីក្រុងបាងកក ត្រូវបានណែនាំឱ្យបំពេញការងារពីផ្ទះ ដើម្បីចៀសវាងខ្យល់អាកាសដែលរងការបំពុល ខណៈស្រទាប់អ័ព្ទដែលគ្រោះថ្នាក់ចំពោះសុខភាព បានគ្របដណ្តប់រាជធានីរបស់ប្រទេសថៃ នាថ្ងៃព្រហស្បតិ៍នេះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃព្រហស្បតិ៍ ទី១៥ ខែកុម្ភៈ ឆ្នាំ២០២៤។ អាជ្ញាធរទីក្រុងបាងកក បានស្នើសុំកិច្ចសហការពីសំណាក់ក្រុមនយោជក ដើម្បីជួយបុគ្គលិកធ្វើការទាំងឡាយ នៅក្នុងទីក្រុងដែលមានមនុស្ស​ប្រមាណ១១លាននាក់នេះ ចៀសវាងខ្យល់ពុលដែលត្រូវបានរំពឹងថា នឹងបន្តគ្របដណ្តប់លើទីក្រុងរហូតដល់ថ្ងៃសុក្រ។ លោក Chadchart Sittipunt អភិបាលក្រុងបាងកក បាននិយាយថា រូបលោកសូមស្នើសុំកិច្ចសហការពីក្រុមហ៊ុន និងស្ថាប័នសរុបជាង១៥០ ទាំងវិស័យរដ្ឋនិង​ឯកជន ដើម្បីឱ្យបុគ្គលិកនៅក្នុងទីក្រុង អាចធ្វើការងារពីផ្ទះ សម្រាប់ថ្ងៃព្រហស្បតិ៍ និងថ្ងៃសុក្រសប្តាហ៍នេះ។ បើតាមលោក Chadchart វានឹងប៉ះពាល់មនុស្សជាង៦០,០០០នាក់។ វែបសាយតាមដានគុណភាពខ្យល់អន្តរជាតិ IQAir បានបង្ហាញថា រាជធានីរបស់ប្រទេសថៃ ស្ថិតក្នុងចំណោមទីក្រុងទាំង១០ ដែលទទួល​រងការបំពុលខ្យល់ខ្លាំងក្លាជាងគេបង្អស់ នៅលើពិភពលោក នាព្រឹកថ្ងៃព្រហស្បតិ៍នេះ។ ទីក្រុងបាងកក និងទីក្រុងឆៀងម៉ៃនៅភាគខាងជើង បានជាប់ចំណាត់ថ្នាក់ ក្នុងចំណោមទីក្រុងរងការបំពុលខ្យល់អាកាសខ្លាំងបំផុត ជាច្រើនលើកកាលពីឆ្នាំមុន។ កាលពីឆ្នាំ២០២៣ មនុស្ស​យ៉ាងហោច២លាននាក់ នៅប្រទេសថៃ បានស្វែងរកការព្យាបាលបញ្ហាសុខភាព ដោយសារតែការបំពុលខ្យល់។ គួរបញ្ជាក់ថា រដ្ឋាភិបាលរបស់នាយករដ្ឋមន្រ្តីថៃ […]

(ភ្នំពេញ)៖ ស្ថានទូតជប៉ុនប្រចាំកម្ពុជា នៅព្រលប់ថ្ងៃទី១៤ ខែកុម្ភៈ ឆ្នាំ២០២៤ បានរៀបចំពិធីចម្រើនព្រះជន្ម៦៤ព្រះវស្សា របស់ព្រះករុណា ព្រះចៅអធិរាជជប៉ុន ណារុហ៉ីតុ (NARUHITO) (ពិធីបុណ្យជាតិជប៉ុន) នៅរាជធានី ភ្នំពេញ។ ពិធីនេះមានការចូលរួមពីសម្ដេចមហារដ្ឋសភាធិការធិបតីកិត្តិសង្គហបណ្ឌិត ឃួន សុដារី ប្រធានរដ្ឋសភាកម្ពុជា ឧបនាយករដ្ឋមន្ត្រី សុខ ចិន្តាសោភាព រដ្ឋមន្ត្រីក្រសួងការបរទេ និងសហប្រតិបបត្តិការអន្តរជាតិ រួមនឹងថ្នាក់ដឹកនាំជាន់ខ្ពស់នៃក្រសួង ស្ថាប័នជាតិកម្ពុជាជាច្រេីនរូបទៀត។ លោក អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា បានថ្លែងថា ទោះបីថ្ងៃនេះជាឱកាសសម្រាប់ការប្រារព្ធពិធីនេះក្តី លោកសូមរំឭកថា សម្រាប់លោកដែលជាជនជាតិជប៉ុន ឆ្នាំ២០២៤ បានចាប់ផ្តើមជាមួយនឹងព្រឹត្តិការណ៍ សោកនាដកម្មចំនួនពីរ គឺគ្រោះរញ្ជួយដីនៅឧបទ្វីប ណូតូ និងឧប្បទ្ទវហេតុយន្តហោះប៉ះទង្គិចគ្នានៅអាកាសយានដ្ឋាន ហាណេដា។ ព្រះចៅអធិរាជ និងព្រះអធិរាជនី ទ្រង់មានសេចក្តីព្រួយព្រះហឬទ័យជាខ្លាំង ចំពោះគ្រោះមហន្តរាយ និងគ្រោះថ្នាក់នេះ។ ក្នុងនាមឯកអគ្គរាជទូតជប៉ុនប្រចាំកម្ពុជា​ បានឆ្លៀតក្នុងឱកាសនេះ ថ្លែងអំណរព្រះគុណចំពោះ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី, សម្តេចធិបតី ហ៊ុន […]

ចាប់ពីថ្ងៃទី១៥ ខែកុម្ភៈឆ្នាំ២០២៤នេះ តទៅ រដ្ឋបាលខេត្តសៀមរាប បានចាប់ផ្តើមដំណើរការផ្តល់សេវារថយន្តក្រុងដឹកអ្នកដំណើរទៅមកដោយឥតគិតថ្លៃ រវាងក្រុងសៀមរាប និងក្រុងរុនតាឯកតេជោសែន ដែលមានរថយន្តក្រុងចំនួន១០គ្រឿង ក្នុងការដឹកជញ្ជូនប្រចាំថ្ងៃ និងត្រៀមបម្រុងចំនួន៥គ្រឿងបន្ថែមទៀត។ នេះបើយោងតាមការចុះផ្សាយរបស់មន្ទីរព័ត៌មានខេត្តសៀមរាប នៅថ្ងៃទី១៥ ខែកុម្ភៈ ឆ្នាំ២០២៤។ លោក អ៊ឹង សោភ័ណ នាយករងរដ្ឋបាល នៃសាលាខេត្តខេត្តសៀមរាប បានឲ្យដឹងថា ការដាក់ដំណើរការសេវារថយន្តក្រុងដឹកអ្នកដំណើរទៅមករវាងក្រុងសៀមរាប និងក្រុងរុនតាឯកតេជោសែននេះ គឺបន្ទាប់ពីមានសេចក្តីសម្រេចរបស់រាជរដ្ឋាភិបាលអាណត្តិទី៦ ដែលដឹកនាំដោយសម្តេចតេជោហ៊ុន សែន និងបន្តដោយរាជរដ្ឋាភិបាលអាណត្តិទី៧ ដែលដឹកនាំដោយសម្តេចធិបតី ហ៊ុន ម៉ាណែត ដែលសម្តេចធិបតីបានសម្រេចផ្តល់រថយន្តក្រុងចំនួន១០គ្រឿង ក្នុងការសម្រួលដឹកជញ្ជូនបងប្អូនប្រជាពលរដ្ឋពីក្រុងទាំងពីរនេះ ដោយឥតគិតថ្លៃ ដើម្បីជាការសម្រួលនូវទុកលំបាករបស់ពួកគាត់ដែលត្រូវធ្វើដំណើរទៅមកប្រកបរបរកិច្ចការងារប្រចាំថ្ងៃ ។ លោកបន្តថា ការផ្តល់ជូននេះ មិនត្រឹមជាការផ្តល់ជូនប្រជាពលរដ្ឋនៅក្រុងរុនតាឯកប៉ុណ្ណោះទេ សម្រាប់បងប្អូនប្រជាពលរដ្ឋដែលមានបំណងធ្វើដំណើរតាមខ្សែរត់ ដែលរដ្ឋបាលខេត្តបានកំណត់ក៏ទទួលបានការធ្វើដំណើរដោយឥតគិតថ្លៃផងដែរ ដោយរដ្ឋបាលបានរៀបចំចំណតចំនួន១១ផ្សេងទៀតនៅតាមផ្លូវនៃខ្សែរត់ ប៉ុន្តែនៅថ្ងៃចាប់ផ្តើមនេះ យើងសង្កេតឃើញថា ប្រជាពលរដ្ឋហាក់មិនទាន់មកទទួលសេវាកម្មនេះនៅឡើយ តែទោះយ៉ាងនេះក្តី នៅឯក្រុងរុនតាឯក មានប្រជាពលរដ្ឋច្រើនបានមកសាកសួរអំពីព័ត៌មាននានា ដើម្បីពួកគាត់បានរៀបចំខ្លួនក្នុងការទទួលយកសេវាកម្មនេះ។ លោក នាង សុភី រស់នៅភូមិពោធិបុស្ស សង្កាត់ស្វាយដង្គំ ក្រុងសៀមរាប បានឲ្យដឹងថា បន្ទាប់ពីទទួលបានដំណឹងអំពីការផ្តល់ជូនរថយន្តជិះទៅកាន់ក្រុងរុនតាឯកតេជោសែនរបស់រដ្ឋបាលខេត្តសៀមរាបនេះ […]

(ព្រះសីហនុ)៖ ជនជាតិចិន២នាក់ ត្រូវបានកម្លាំងអគ្គស្នងការដ្ឋាននគរបាលជាតិ ធ្វើការស្រាវជ្រាវ និងឈានដល់ការចាប់ខ្លួន នៅថ្ងៃទី១៤ ខែកុម្ភៈ ឆ្នាំ២០២៤ម្សិលមិញ បន្ទាប់ពីពួកគេរួមគំនិតគ្នាផលិតមាតិកាវីដេអូប្រឌិត ដែលធ្វើឲ្យប៉ះពាល់ដល់កិត្តិយស និងសណ្ដាប់ធ្នាប់ នៅខេត្តព្រះសីហនុ។ យោងតាមសេចក្ដីរាយការណ៍ជំហានដំបូង បានឲ្យដឹងថា ជនជាតិចិនទាំង២នាក់ ត្រូវកម្លាំងសមត្ថកិច្ចជំនាញចាប់ខ្លួននៅបន្ទប់ខុនដូមួយកន្លែង ដែលមានទីតាំងស្ថិតក្នុងក្រុងព្រះសីហនុ ខេត្តព្រះសីហនុ ក្រោយពួកគេរួមគ្នាផលិតវីដេអូក្លែងក្លាយ ដើម្បីទាក់ទាញការចាប់អារម្មណ៍ នៅលើបណ្ដាញសង្គមនានា ពិសេសបណ្ដាញសង្គម TikTok ដែលមានអ្នកគាំទ្រ ឬចុចឡាយ រហូតដល់ជាង៥លាននាក់។ វីដេអូដែលពួកគេផលិតនោះ មានដូចជា ការប្រឌិតជាខ្មោចលងនៅតាមសណ្ឋាគារ កាស៉ីណូ ឬទីតាំងផ្សេងៗ នៅក្នុងមូលដ្ឋានខេត្តព្រះសីហនុ។ តាមរយៈវីដេអូប្រឌិតទាំងអស់នេះ បានធ្វើឲ្យមហាជនមានការភ័យខ្លាច និងយល់ច្រឡំ ពិសេសអ្នកដែលរស់នៅក្រៅប្រទេស ហើយមានបំណងមកលេងកម្សាន្ដនៅខេត្ដទេសចរណ៍មួយនេះតែម្ដង ទាំងដែលធាតុពិតមិនមានហេតុការណ៍នេះកើតឡើងឡើយ ពោលពួកគេគ្រាន់តែធ្វើដើម្បីទាក់ទាញការចូលមើល ឬដើម្បីបាន View ច្រើនតែប៉ុណ្ណោះ។ ក្រោយចាប់ខ្លួនកម្លាំងសមត្ថកិច្ចជំនាញ ដកហូតបានស្រោមមុខខ្មោច និងសម្ភារៈបម្រើឲ្យការថតវីដេអូមួយចំនួនទៀតផងដែរ។ ស្នងការដ្ឋាននគរបាលខេត្តព្រះសីហនុ នៅរសៀលថ្ងៃទី១៥ ខែកុម្ភៈ ឆ្នាំ២០២៤នេះ នឹងធ្វើសន្និសីទសារព័ត៌មានលម្អិត ដើម្បីបង្ហាញអំពីហេតុការណ៍ដែលពួកគេបានបង្កើតឡើង ក៏ដូចជាបង្ហាញអំពីចំណាត់ការតាមផ្លូវច្បាប់ចំពោះជនសង្ស័យទាំង២នាក់នេះ។ ក្នុងសន្និសីទសារព័ត៌មាននេះ បណ្ដាញព័ត៌មាន Fresh […]

(ភ្នំពេញ)៖ យោងតាមប្រសាសន៍ណែនាំយ៉ាងម៉ឺងម៉ាត់របស់សម្ដេច មហាបវរធិបតី ហ៊ុន ម៉ាណែត លោក ឃួង ស្រេង អភិបាលរាជធានីភ្នំពេញ បានដាក់បញ្ជាឲ្យអាជ្ញាធរខណ្ឌទាំង១៤ ក៏ដូចជាប្រធានផ្សារទាំង២៥ គឺមិនអនុញ្ញាតឲ្យមានល្បែងស៊ីសងខុសច្បាប់គ្រប់ប្រភេទ មាននៅក្នុងមូលដ្ឋានរបស់ខ្លួនឡើយ ។ ការដាក់បទបញ្ជាបែបនេះរបស់លោក ឃួង ស្រេង បានធ្វើឡើង ក្នុងកិច្ចប្រជុំបន្ទាន់មួយ ជាមួយអភិបាលខណ្ឌទាំង១៤និងប្រធានផ្សារទាំង២៥ នារសៀលថ្ងៃទី១៤ខែកុម្ភៈឆ្នាំ២០២៤ នៅសាលារាជធានីភ្នំពេញ ពោលគឺក្រោយពីសម្ដេច មហាបវរធិបតីហ៊ុន ម៉ាណែត បានដាក់បទបញ្ជាភ្លាម។ លោក ឃួង ស្រេង បានលើកឡើងថា ចំពោះអាជីវកម្មឆ្នោតផ្សងសំណាងចំនួន១០ ក្រុមហ៊ុន ក្នុងនោះក្រុមហ៊ុនឆ្នោតផ្សងសំណាងចំនួន៦ ស្មើនឹងជាង៦០ទីតាំង ដែលហួសសុពលភាព គឺមិនអនុញ្ញាតឲ្យបន្តបើកអាជីវកម្មទៀតទេ។ ប៉ុន្តែបើក្រុមហ៊ុនទាំងនោះ នៅតែបន្តអាជីវកម្មរបស់ខ្លួន អាជ្ញាធររាជធានីភ្នំពេញនិងធ្វើការបង្ក្រាបជាបន្ទាន់ ព្រោះជាទីតាំងដែលខុសច្បាប់ ហើយចំពោះទីតាំងថ្មីគឺមិនអនុញ្ញាតឲ្យមានទៀតទេ។ លោក ឃួង ស្រេង បានបន្តទៀតថា តាមជុំវិញ ផ្សារ សាលារៀន គឺមិនអោយមានដាច់ខាតចំពោះល្បែងស៊ីសងខុសគ្រប់ប្រភេទ បើមានលួចបើកល្បែងស៊ីសងខុសច្បាប់ទាំងនេះគឺត្រូវតែបង្រ្កាបភ្លាមតែម្តង។ បន្ថែមពីនេះទៀត លោក ឃួង ស្រេង ជំរុញឲ្យបន្តបង្កេីត​ […]

(សៀមរាប)៖ ជាកម្មករជួសជុលប្រាសាទផង និងជាអ្នកស្រុកអង្គរផងនោះ ប៉ុន្តែលោកតាៗវ័យចំណាស់មួយចំនួននៅតែមានឆន្ទៈចង់ជួយជួសជុលថែទាំប្រាសាទរបស់ដូនតាបុព្វបុរសខ្មែរនៅតំបន់អង្គរ ដើម្បីជួយឱ្យសំណង់ស្ថាបត្យកម្មដ៏មានតម្លៃមិនអាចកាត់ថ្លៃបានទាំងនោះនៅស្ថិតស្ថិរគង់វង្សតដល់ចៅៗជំនាន់ក្រោយៗ និងបានយូរអង្វែងតទៅមុខទៀត។ បច្ចុប្បន្ន លោកតា សេង ស៊ន់ មានអាយុ៦៩ឆ្នាំហើយ រស់នៅភូមិតាត្រៃ ឃុំព្រះដាក់ ស្រុកបន្ទាយស្រី បម្រើការងារជាកម្មករជួសជុលនៅប្រាសាទតាព្រហ្មកិល ដោយលោកតាបានចូលរួមការងារក្នុងតួនាទីជាអ្នកដាប់ឆ្លាក់ទាំងថ្មភក់ និងថ្មបាយក្រៀម។ លោកតា ស៊ន់ បានបង្ហាញក្តីរំភើបថា លោកតាមិនខ្ចិលឡើយចំពោះការងារជួសជុលប្រាសាទ។ លោកតាចូលចិត្ត ដោយមិននឿយហត់ ហើយមួយថ្ងៃៗចង់តែមកចង់តែឃើញ និងនៅតែចង់ធ្វើការងារជួសជុលប្រាសាទបុរាណ។ ប្រសាសន៍មួយឃ្លាដ៏មុះមុតរបស់លោកតា គឺ «ប្រសិនបើតានៅតែមានសុខភាពល្អ គឺតានឹងនៅតែមកចូលរួមធ្វើការងារជួសជុលប្រាសាទបុរាណបន្តទៀត»។ គួរជម្រាបថា ប្រាសាទតាព្រហ្មកិល គឺជាអតីតមន្ទីរពេទ្យបុរាណសម័យអង្គរ ស្ថានភាពប្រាសាទតាព្រហ្មកិលកាលពីមុនពេលជួសជុល មានការធ្លាក់រលុះថ្ម ប្រាសាទមិនមានលំនឹងព្រមទាំងមានសភាពទ្រុឌទ្រោមខ្លាំង ដោយមានការទល់ទ្រស្ទើរតែគ្រប់កន្លែង។នេះបើតាមលោកតា សេង ស៊ន់។ លោកតា សេង ស៊ន់ បានបន្តថា ប៉ុន្តែពេលនេះ ប្រាសាទតាព្រហ្មកិលបានវិលត្រឡប់មករកស្ថានភាពរឹងមាំ និងមានរូបរាងស្ទើរតែពេញលេញដូចកាលពីសម័យដើមឡើងវិញហើយ។ ក្រុមកម្មករជួសជុលប្រាសាទបុរាណក៏បានបង្ហាញនូវទឹកចិត្តរីករាយ បន្ទាប់ពីបានបញ្ចប់ការជួសជុលប្រាង្គកណ្តាលដែលជាហោរបន់ស្រន់របស់ប្រាសាទនេះរួចមក។ ជាអ្នកស្រុកមួយរូបទៀត លោកតា ឡៃ ឡន អាយុ៦០ឆ្នាំ ជាអ្នកដាប់ឆ្លាក់ថ្មនៅការដ្ឋានជួសជុលប្រាសាទតាព្រហ្មកិលម្នាក់ទៀត មានប្រសាសន៍ថា លោកតាពិតជាសប្បាយចិត្តដែលបានចូលរួមជួសជុលប្រាសាទបុរាណរបស់ដូនតាខ្មែរ។ […]

(ភ្នំពេញ)៖ ដោយបានទទួលសិទ្ធប្រទានពីសម្តេចមហាបវរធិបតី​ ហ៊ុន ម៉ាណែត នាយករដ្ឋមន្ត្រីនៃកម្ពុជា, នៅថ្ងៃទី១៤ ខែកុម្ភៈ ឆ្នាំ២០២៤ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) និងលោក Jun KATO អគ្គនាយកក្រុមហ៊ុន SATO KOGYO CO., LTD បានចុះហត្ថលេខាលើកិច្ចព្រមព្រៀង ស្តីពី គម្រោងសាងសង់អគារហ្វឹកហ្វឺន នៅវិទ្យាស្ថានបច្ចេកទេសសកម្មភាពកំចាត់មីន នៅខេត្តកំពង់ឆ្នាំង និងអគារផ្សព្វផ្សាយ អប់រំយល់ដឹងពីសង្គ្រាម (សារមន្ទីរតេជោសន្តិភាព) នៅខេត្តសៀមរាប ដែលមានថវិកាសរុបចំនួន ២ ០៧៩ ៨០០ ០០០ យ៉េន (ប្រមាណជិត ១៤ លានដុល្លារ) ដែលជាជំនួយហិរញ្ញប្បទានឥតសំណងរបស់រដ្ឋាភិបាលជប៉ុនផ្ដល់ ជូនរាជរដ្ឋាភិបាល ដើម្បីគាំទ្រអង្គភាព CMAC ធ្វើការសាងសង់សំណង់អាគារទាំង ០២ទីតាំងនេះ។ សូមជម្រាបថា អាគារដែលត្រូវសាងសង់នៅវិទ្យាស្ថានបច្ចេកទេសសកម្មភាពកំចាត់មីន ខេត្តកំពង់ឆ្នាំង រួមមាន អាគារសាលប្រជុំ (ចំណុះ៤០០នាក់) ចំនួន១ខ្នង អាគារសិក្សា ចំនួន១ខ្នង២ជាន់មាន១០បន្ទប់ […]

(ក្រចេះ)៖ កូនសត្វផ្សោតទើបកើតថ្មីមួយក្បាល ត្រូវបានប្រទះឃើញដោយក្រុមការងារស្រាវជ្រាវនៃរដ្ឋបាលជលផល និងអង្គការ WWF នៅវេលាម៉ោង ១០:១៨នាទី នាថ្ងៃទី១៤ ខែកុម្ភៈ ឆ្នាំ២០២៤នេះ នៅអន្លង់កាំពី ស្ថិតនៅភូមិសំបុក ឃុំសំបុក ស្រុកចិត្របុរី ខេត្តក្រចេះ។ កូនផ្សោតនេះស្ថិតនៅក្នុងហ្វូងសត្វផ្សោត៧ក្បាលផ្សេងទៀត។ នេះគឺជាកូនផ្សោតទី២ កើតនៅដើមឆ្នាំ២០២៤ ដែលត្រូវនឹងថ្ងៃនៃសេចក្តីស្រឡាញ់។ រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ សូមអរគុណចំពោះបងប្អូនប្រជាពលរដ្ឋដែលបានចូលរួមថែរក្សា និងការពារធនធានជលផលដ៏មានតម្លៃ។ ទន្ទឹមនេះ ប្រសិនបើបងប្អូនប្រជានេសាទ បានប្រទះឃើញវត្តមានសត្វផ្សោត សូមផ្តល់ព័ត៌មានមកសមត្ថកិច្ចជលផល ដែលមានលេខទូរស័ព្ទ ០១២៨៩៧៨៤៣ ០១១៣៥៥៨៨៣, ០៩៩៧៩១៩១៩, ០៩២៩១៨១៤៤ និង ០១៧៨១៨៣៨២៕ ផ្តល់សិទ្ធិដោយ៖ Fresh News

(ភ្នំពេញ)៖ នៅថ្ងៃទី១៤ ខែកុម្ភៈ ឆ្នាំ២០២៤នេះ ក្រសួងកសិកម្ម រុក្ខាប្រមាញ់ និងនេសាទ បានរៀបចំឱ្យមានការដាក់តាំង លក់ផលិតផលកសិកម្ម ជាពិសេសបន្លែសុវត្ថិភាព និងសរីរាង្គ នៅមុខបរិវេណក្រសួង។ នេះជាឆ្នាំទី២ហើយ ដែលក្រសួងរៀបចំកម្មវិធីនេះឡើង ដោយមានស្តង់ចូលរួមចំនួន ២១ស្តង់។ ចំនួននេះកើនឡើងជាងឆ្នាំមុន បន្ទាប់ពីទទួលបានការគាំទ្រពីប្រជាពលរដ្ឋទូទៅ និងសំណូមពរពីសហគ្រាស កសិដ្ឋាន ដែលដាំដុះ និងផលិតកែច្នៃផលិតផលកសិកម្ម។ គោលដៅនៃការដាក់តាំងលក់នេះ គឺដើម្បីឱ្យប្រជាពលរដ្ឋទូទៅងាកមកចាប់អារម្មណ៍ផលិតផលកសិកម្មរបស់ខ្មែរ ដែលមានគុណភាព និងសុវត្ថិភាព ជាពិសេសផ្តល់ជាជម្រើសសម្រាប់ប្រជាពលរដ្ឋទិញបន្លែសុវត្ថិភាព ជូនចំពោះមនុស្សជាទីស្រឡាញ់។ ការផ្តល់ជូនបាច់បន្លែ ឬកន្ត្រកបន្លែសុវត្ថិភាពជំនួសបាច់ផ្កា មិនត្រឹមតែបង្ហាញពីការយកចិត្តទុកដាក់របស់អ្នកទិញជូនដល់អ្នកទទួលប៉ុណ្ណោះទេ តែវាក៏បង្ហាញពីការគាំទ្រ និងលើកទឹកចិត្តដល់ប្រជាកសិករ ដែលខិតខំប្រឹងប្រែងដាំដុះបន្លែ កសិដ្ឋានចិញ្ចឹមសត្វ ព្រមទាំងសហគ្រាសកែច្នៃផលិតផលកសិកម្មឱ្យមានគុណភាព និងសុវត្ថិភាព សម្រាប់បម្រើដល់តម្រូវការប្រជាពលរដ្ឋទូទៅ ពិសេសធានាបាននូវសុវត្ថិភាព និងសុខុមាលភាពអ្នកបរិភោគ។ ក្នុងបទសម្ភាសន៍ជាមួយបណ្តាញព័ត៌មាន Fresh News ទាំងមន្ត្រី កសិករ អ្នកផលិត និងកែច្នៃ ចង់ឱ្យពលរដ្ឋ និងយុវវ័យទិញបាច់បន្លែ និងផលិតផលកសិកម្មកែច្នែ ជំនួសឱ្យការទិញការផ្កា ជូនមនុស្សជាទីស្រលាញ់៕ ផ្តល់សិទ្ធិដោយ៖ freshnews