(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញមកសូម​ការ​យោគ​យល់ និងអធ្យាស្រ័យពីសំណាក់ប្រជាពលរដ្ឋ ពាក់ព័ន្ធនឹងសំបុត្រចូលរួមទស្ស​នា​​ការប្រកួតបាល់ទាត់ ក៏ដូចជាសំបុត្រចូលរួមពិធីបើក និងបិទព្រឹត្តិការណ៍ស៊ីហ្គេម។ ក្នុងសារពិសេសផ្ញើជូនជនរួមជាតិនៅព្រលប់ថ្ងៃទី០៣ ខែឧសភា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា ស្តាតអូឡាំពិក ដែលបម្រើការប្រកួត​បាល់​ទាត់ ក៏ដូចជាវិមានកីឡដ្ឋាន (ស្តាតមរតកតេជោ) បម្រើការរៀបចំពិធីបិទ និង​បើក​ព្រឹត្តិការណ៍ប្រកួតស៊ីហ្គេម ចំនួនកៅអីមានកំណត់ ហើយអ្នកចង់​ចូលរួម​មាន​ចំនួនច្រើន។ សម្តេចតេជោ ហ៊ុន សែន បានមានប្រសាសន៍ថា «ខ្ញុំព្រះករុណា ខ្ញុំ សូមបញ្ជាក់ថា យើងគ្មានជម្រើសឱ្យល្អជាងនេះទៀតទេ។ ទីធ្លាយើង មានត្រឹមប៉ុណ្ណឹង កន្លែងយើង​តូច ប៉ុន្តែមនុស្សចូលមើលច្រើន។ កន្លែងយើងតូច តែមនុស្សចង់ចូលរួមមានច្រើន។ ដូច្នេះយើងមិនអាចបំពេញចិត្តមនុស្សគ្រប់គ្នាបានទេ»។ សម្តេចតេជោ បន្ថែមថា «ខ្ញុំព្រះករុណា ខ្ញុំ សូមចិត្តបងប្អូនយោគយល់​ចំពោះការ​លំបាក​មួយនេះ ដែលរាជរដ្ឋាភិបាលគ្មានលទ្ធភាពនឹងដោះស្រាយនោះទេ។ អ្នកដែលទទួលបាន គឺសប្បាយចិត្ត អ្នកមិនបានទទួល មិនសប្បាយចិត្ត»។ សម្តេចតេជោ ហ៊ុន សែន សូមឱ្យប្រជាពលរដ្ឋខ្មែរបញ្ឈប់ការវាយប្រហារលើអ្នក​រៀប​ចំ ពាក់ព័ន្ធនឹងបញ្ហាសំបុត្រនេះ […]

(ភ្នំពេញ)៖ នៅត្រីមាសទី១ ពោលចាប់ពីខែមករា ដល់ខែមីនា ឆ្នាំ២០២៣នេះ កម្ពុជាទទួលបានចំណូលជាង ១៧០លានដុល្លារ ពីការនាំចេញកង់ ថយចុះ ២៨.៧៩% បើធៀបនឹងរយៈពេលដូចគ្នា នៅឆ្នាំ២០២២ ចំនួនជាង ២៣៨លានដុល្លារ។ នេះបើតាមរបាយការណ៍ របស់ក្រសួងពាណិជ្ជកម្ម ដែលបណ្ដាញព័ត៌មាន Fresh News ទទួលបាននៅថ្ងៃទី០៣ ខែឧសភា ឆ្នាំ២០២៣។ ថ្លែងប្រាប់បណ្ដាញព័ត៌មាន Fresh News នៅថ្ងៃទី០៣ ខែឧសភានេះ លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានបញ្ជាក់ថា ទីផ្សារសំខាន់ៗ ដែលកម្ពុជាបាននាំចេញកង់រួមមាន៖ អាមេរិក អាល្លឺម៉ង់ បែលហ្ស៊ិក អង់គ្លេស និងហូឡង់ ខណៈកម្ពុជានាំចូលកង់មកវិញ ពីជប៉ុន ចិន វៀតណាម ថៃ និងអាមេរិក។ លោក ប៉ែន សុវិជាតិ បានឲ្យដឹងផងដែរថា មន្ត្រីជាន់ខ្ពស់ក្រសួងពាណិជ្ជកម្ម កាលពីពាក់កណ្តាលឆ្នាំ២០២២ បានជួបពិភាក្សាជាមួយភាគីវៀតណាម ដើម្បីឲ្យវៀតណាមបន្ដផ្គត់ផ្គង់វត្ថុធាតុដើម សម្រាប់ការផលិតកង់នាំចេញ […]

(ភ្នំពេញ)៖ អ្នកទទួលបន្ទុកដឹកនាំក្រុមអត្តពលិក នៃប្រទេសសិង្ហបុរី និងជាសមាជិកក្រុមប្រឹក្សាកីឡាអូឡាំពិកសិង្ហបុរី(SNOC) សម្រាប់ការប្រកួតស៊ីហ្គេម លើកទី៣២ នៅកម្ពុជា លោក Hing Siong Chen បានសម្ដែងការពេញចិត្តជាខ្លាំង ចំពោះការស្វាគមន៍ និងការរៀបចំរបស់កម្ពុជា បន្ទាប់ពីលោកបានដឹកនាំក្រុមជម្រើសជាតិរបស់ខ្លួនមកដល់កម្ពុជាប៉ុន្មានថ្ងៃប៉ុណ្ណោះ ។ នេះបើតាមយោងតាមការចុះផ្សាយរបស់សារព័ត៌មាន CNA ។ ថ្លែងប្រាប់ CNA នៅថ្ងៃពុធ ទី០៣ ខែឧសភា បន្ទាប់ពីពិធីស្វាគមន៍ក្រុមកីឡា នៅពហុកីឡដ្ឋានជាតិមរតកតេជោ ក្នុងរាជធានីភ្នំពេញ លោក Hing Siong Chen បាននិយាយថា ប្រទេសម្ចាស់ផ្ទះធ្វើបានល្អហើយ។ លោកថា «យើងបានទៅពីរបីកន្លែងនៅភ្នំពេញ យើងបានទៅប្រកួតកីឡាគ្រីឃីត យើងបានទៅកន្លែងប្រកួតកីឡាវាយកូនគោល ពួកយើងក៏បានដើរមើលកម្សាន្តជុំវិញអាងហែលទឹក។ ពួកគេមានកន្លែងហាត់ប្រាណថ្មីមួយ ដែលពួកគេបានសាងសង់ ដែលជាកន្លែងហាត់ប្រាណដ៏ធំសម្រាប់អត្តពលិក ។ ដូច្នេះពួកគេអាចធ្វើការហ្វឹកហាត់របស់ពួកគេផងដែរ» ។ ប្រធានសហព័ន្ធកីឡាទោចក្រយានសិង្ហបុរីដដែលបន្ដថា «ពួកគេ(ប្រទេសកម្ពុជា) បានដឹងពីអ្វីដែលអត្តពលិកត្រូវការ។ ពួកគេក៏ជាអត្តពលិកដែលឥឡូវនេះ បានក្លាយជាអ្នករៀបចំ។ ពួកគេបានគ្រោងទុកវាយ៉ាងល្អ ហើយវានឹងមានច្រើនជាងនេះទៅទៀតសម្រាប់ការប្រកួត។ ពួកគេបានធ្វើការងារបានល្អ»។ នេះជាលើកដំបូងរបស់កម្ពុជាដែលធ្វើជាម្ចាស់ផ្ទះព្រឹត្តិការណ៍ថ្នាក់តំបន់។ ស៊ីហ្គេមលើកទី៣២ ដោយមាន […]

(ភ្នំពេញ)៖ បុរសម្នាក់ដែលបានស្រែកជេរឡូឡា និងយកកាំភ្លើងគំរាមជាងកាត់សក់ ក្នុងហាងកាត់សក់យីហោ RHM ស្ថិតនៅតាមបណ្ដោយផ្លូវលេខ៤៣២ សង្កាត់បឹងត្របែក ខណ្ឌចំការមាន រាជធានីភ្នំពេញ ត្រូវបានកម្លាំងសមត្ថកិច្ចចាប់ខ្លួន។ របាយការណ៍របស់សមត្ថកិច្ចខណ្ឌចំការមន ដែលបណ្ដាញព័ត៌មាន Fresh News ទទួលបាននៅថ្ងៃទី០៣ ខែឧសភា ឆ្នាំ២០២៣នេះ បានបញ្ជាក់ថា ហេតុការណ៍នេះបានបង្កឲ្យមានការភ្ញាក់នៅថ្ងៃទី០២ ខែឧសភា ឆ្នាំ២០២៣ ប៉ុន្ដែក្រោយកើតហេតុភ្លាមៗ កម្លាំងសមត្ថកិច្ចបានចុះទៅអន្ដរាគមន៍ និងឃាត់ខ្លួនជនសង្ស័យតែម្ដង។ សមត្ថកិច្ចបានបញ្ជាក់ថា បុរសដែលស្រែកជេរគេឯងឡូឡា និងយកកាំភ្លើងគំរាមអ្នកដទៃនោះ ឈ្មោះ លឹម សុងឆ័យ អាយុ៣៣ឆ្នាំ មុខរបរអាជីវករ ស្នាក់នៅសង្កាត់ទួលទំពូង១ ខណ្ឌចំការមន រាជធានីភ្នំពេញ។ ក្នុងនោះ សមត្ថកិច្ចដកហូតបាន អាវុធខ្លីមួយដើម ម៉ាក Glock19 ពណ៌ខ្មៅ (ប្រើហ្គាស) និងគ្រាប់កាំភ្លើងមួយចំនួន។ ដោយឡែក សម្រាប់ដើមចមដែលនាំឲ្យបុរសខាងលើខឹងស្រែកឡូឡា និងគំរាមប្រើប្រាស់អាវុធនេះ គឺដោយសារតែបុគ្គលិកនៅក្នុងហាងកាត់សក់ ហាមឃាត់កុំឲ្យសើចលឺពេកព្រោះរំខានភ្ញៀវដទៃដែលនៅក្បែរនោះ។ បុរសម្នាក់បើករថយន្ដស៊េរីទំនើបមួយគ្រឿង បានស្រែកជេរឡូឡា និងគំរាំមប្រើប្រាស់អាវុធលើជាងកាត់សក់ ក្នុងហាងកាត់សក់មួយកន្លែង នៅសង្កាត់បឹងត្របែក ខណ្ឌចំការមន រាជធានីភ្នំពេញ […]

(កោះកុង)៖ កំពង់ផែអន្តរជាតិតារាសាគរ ដែលស្ថិតនៅស្រុកគិរីសាគរ ខេត្តកោះកុង គ្រោងនឹងបើកដំណើរនាពេលឆាប់ខាងមុខនេះ ជាមួយការធានាថាទំនិញរាប់ម៉ឺនតោននឹងអាចចេញចូលកម្ពុជាដោយគ្មានឧបសគ្គជម្រៅទឹក តាមរយៈកំពង់ផែខ្នាតធំថ្មីនេះ។ តាមរយៈកិច្ចប្រជុំស្តីពីការដាក់ឱ្យដំណើរការកំពង់ផែខាងលើ ដែលរៀបចំឡើងនាថ្ងៃទី២ ខែឧសភា ឆ្នាំ២០២៣ លោកស្រី អ៉ី នារីនេត អភិបាលរងខេត្តកោះកុង បានគាំទ្រដល់កិច្ចដំណើរការរបស់កំពង់ផែតារាសាគរកម្ពុជា។ ជាមួយគ្នានេះ រដ្ឋបាលខេត្តនឹងស្នើសូមគោលការណ៍ពីលោកស្រី មិថុនា ភូថង អភិបាលខេត្តកោះកុង និងស្ថាប័នពាក់ព័ន្ធចូលរួមពិនិត្យ និងវាយតម្លៃទីតាំងកំពង់ផែខាងលើនេះ។ ចំពោះរដ្ឋបាលខេត្តនឹងបន្តសហការជាមួយក្រុមហ៊ុន ដើម្បីពិនិត្យនីតិវិធីក្នុងការដាក់ដំណើរការកំពង់ផែឱ្យស្របតាមច្បាប់វិនិយោគរបស់ប្រទេសកម្ពុជា និងបន្តសហការជាមួយក្រុមហ៊ុន ដើម្បីរៀបចំសំណើទៅក្រសួងពាក់ព័ន្ធ និងទីស្តីការគណៈរដ្ឋមន្រ្តី។ ដើម្បីមានមូលដ្ឋានច្បាស់លាស់ក្នុងការរាយការណ៍ជូនដល់លោកស្រីអភិបាលខេត្ត រដ្ឋបាលខេត្តនឹងរៀបចំកំណត់ហេតុលម្អិតនៃកិច្ចប្រជុំពិភាក្សាក្នុងថ្ងៃនេះ។ ក្រោយពិភាក្សាស្រាវជ្រាវស្របតាមផ្លូវច្បាប់ និងបទដ្ឋានបច្ចេកទេសស្របតាមគោលការណ៍របស់រាជរដ្ឋាភិបាល រដ្ឋបាលខេត្តនឹងរៀបចំលិខិតគាំទ្រដើម្បីបើកដំណើរការជាផ្លូវការរបស់កំពង់ផែអន្តរជាតិ៕ ផ្តល់សិទ្ធិដោយ៖ Fresh News

(ភ្នំពេញ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានឲ្យបញ្ជាក់ថា គម្រោងតបណ្ដាញខ្សែកាបអុបកទិកក្រោមបាតសមុទ្រហុងកុង-រាជធានីភ្នំពេញ មានតម្លៃ ១៦៥លានដុល្លារ នឹងឆ្លើយតបបានគ្រប់គ្រាន់ ចំពោះតម្រូវការប្រើប្រាស់អ៊ីនធឺណេតនៅកម្ពុជា។ ការលើកឡើងរបស់លោករដ្ឋមន្ត្រី ជា វ៉ាន់ដេត ធ្វើឡើងក្នុងពិធីចុះហេត្ថលេខាលើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឲ្យប្រើថ្នាលផ្ទៀងផ្ទាត់ឯកសារ verfy.gov.kh ការរៀបចំប្រព័ន្ធបច្ចេកវិទ្យាឌីជីថល និងការរៀបចំហេដ្ឋារចនាសម្ព័ន្ធ និងការតភ្ជាប់អ៊ីនធឺណេត រវាងក្រសួងក្រសួងប្រៃសណីយ៍ និងទូរគមនាគមន៍ និងក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី២ ខែឧសភា ឆ្នាំ២០២៣នេះ។ លោក ជា វ៉ាន់ដេត បានថ្លែងថា «ចំពោះគម្រោងតបណ្ដាញខ្សែកាបអុបទិក ក្រោមបាតសមុទ្រហុងកុង-រាជធានីភ្នំពេញ មានតម្លៃប្រមាណ ១៦៥លានដុល្លារ ក្រសួងបានកំពុងបន្ដកិច្ចការងារលើគម្រោងនេះ ដោយបាន និងកំពុងសាងសង់ហើយ។ ដូច្នេះក្នុងឆ្នាំ២០២៤ យើងជឿជាក់ថា នឹងមានខ្សែបណ្ដាញក្រោមបាតសមុទ្រ ចូលមកដល់ប្រទេសកម្ពុជាជាមួយសមត្ថភាពធំ ល្បឿនលឿន ដែលនឹងឆ្លើយតបគ្រប់គ្រាន់ នឹងតម្រូវការបច្ចុប្បន្នរបស់កម្ពុជា»។ លោកបន្ថែមថា​ កម្ពុជាបានតភ្ជាប់ខ្សែកាបតាំងពី ១៥ឆ្នាំមុន ដែលឆ្លើយតបនឹងតម្រូវការតាំងពីពេលតភ្ជាប់រហូតដល់បច្ចុប្បន្ន ដូច្នេះចាប់ពីពេលនេះទៅថ្ងៃអនាគត កម្ពុជាត្រូវការប្រើប្រាស់ទិន្នន័យច្រើន ដូច្នេះកម្ពុជាត្រូវការខ្សែកាប […]

(បរទេស)៖ បិតា AI ឬ Godfather of AI ក្រុមហ៊ុន Google លោក Geoffrey Hinton ប្រកាសលាលែងពីតំណែងបន្ទាប់ពីកិច្ចខិតខំបង្កើត AI រយៈពេល ១០ ឆ្នាំរបស់លោក ជាមួយនឹងខ្លឹមសារព្រមានអំពីគ្រោះថ្នាក់នៃបច្ចេកវិទ្យាមួយនេះថា AI នឹងលុបបំបាត់ការងារជាច្រើន និងបង្កើតពិភពលោកមួយដែលមនុស្សជាច្រើននឹង «មិនអាចញែកដឹងថាអ្វីជាការពិត»។ នេះបើយោងតាមការចេញផ្សាយរបស់សារព័ត៌មាន CNBC នៅថ្ងៃទី០២ ខែឧសភា ឆ្នាំ២០២៣។ Geoffrey Hinton គឺជាជនជាតិអង់គ្លេស-កាណាដា មានវ័យ ៧៥ឆ្នាំ និងជាអ្នកចិត្តសាស្រ្ត និងវិទ្យសាស្រ្តកុំព្យូរទ័រ។ លោកបានចូលរួមជាមួយ Google ក្នុងឆ្នាំ២០១៣ បន្ទាប់ពី Google បានទិញយកក្រុមហ៊ុន DNNresearch របស់លោក។ Hinton ត្រូវបានគេទទួលស្គាល់ថាជាបិតា AI ខណៈលោកបានសិក្សាទៅលើផ្នែកបញ្ញាសិប្បនិមិត្ត AI នេះចាប់តាំងពីឆ្នាំ១៩៨៧ ម្លេះ ហើយលោកទទួលបានពានរង្វាន់ជាបន្តបន្ទាប់ទៅលើផ្នែកស្រាវជ្រាវ ខណៈឆ្នាំ២០១៨ លោកបានឈ្នះពានរង្វាន់ Turing Award ដែលអ្នកខ្លះហៅថា«រង្វាន់ណូបែលកុំព្យូទ័រ»។ […]

(ភ្នំពេញ)៖ គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) នៅពហុកីឡដ្ឋានជាតិមរតកតេជោ និងពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។ នេះបើតាមការបញ្ជាក់ឲ្យដឹងពីលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។ ការបញ្ជាក់ឲ្យដឹងបែបនេះ របស់លោក ជា វ៉ាន់ដេត ធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឲ្យប្រើថ្នាលផ្ទៀងផ្ទាត់ ឯកសារ verfy.gov.kh ការរៀបចំប្រព័ន្ធបច្ចេកវិទ្យាឌីជីថល និងការរៀបចំហេដ្ឋារចនាសម្ព័ន្ធ និងការតភ្ជាប់អ៊ីនធឺណេត រវាងក្រសួងប្រៃសណីយ៍ និងក្រសួងកសិកម្ម នៅរសៀលថ្ងៃទី២ ខែឧសភា ឆ្នាំ២០២៣នេះ។ លោក ជា វ៉ាន់ដេត បានបញ្ជាក់យ៉ាងដូច្នេះថា «ព្រឹត្តិការណ៍ស៊ីហ្គេមនេះ យើងមាន២កន្លែងធំៗ សំខាន់ៗ ទី១៖ ពហុកីឡដ្ឋានជាតិមរតកតេជោ និងទី២៖ ពហុកីឡដ្ឋានជាតិអូឡាំពិក, ក្រសួងបានបំពាក់ Public WiFi ដែលប្រើប្រាស់ថវិកា ប្រហែល៥០ម៉ឺនដុល្លារ សម្រាប់អ្នកប្រើប្រាស់»។ លោក […]

(ភ្នំពេញ)៖ សហព័ន្ធកីឡាអុកចត្រង្គកម្ពុជា (COF) បានទទួលថវិកាឧបត្ថម្ភពីលោកស្រី សាល រីណា ចំនួន ១០០ដុល្លារ ជូនលោកតា ហាក់ ស៊ាងឡាយ នៅស្រុកស្នួល ខេត្តក្រចេះ។ នេះបើតាមការបញ្ជក់របស់សហព័ន្ធកីឡាអុកចត្រង្គ។ លោកតា ហាក់ ស៊ាងឡាយ ជន្មាយុ ៨៦ឆ្នាំ បានជិះម៉ូតូពីស្រុកស្នួល ខេត្តក្រចេះ ដើម្បីមកមើលការប្រកួតស៉ីហ្គេម កីឡាអុកចត្រង្គ។ លោកតា ហាក់ ស៊ាងឡាយ បានសម្តែងភាពសប្បាយចិត្ត ដែលបានមកភ្នំពេញម្តងទៀត ដើម្បីមកមើលកីឡានេះផ្ទាល់។ គាត់នឹងត្រឡប់ទៅវិញដោយជិះម៉ូតូដដែល។ លោកតាបានប្រាប់ដល់លោក ឃាង ពីវ អនុប្រធានសហព័ន្ធកីឡាអុកចត្រង្គថា ទោះជាជិះម៉ូតូមកដល់ជាដង្ហើមចុងក្រោយ ក៏គាត់ត្រូវមើលការប្រកួតអុកខ្មែរនៅក្នុងស៊ីហ្គេម ដែលខ្មែរធ្វើជាម្ចាស់ផ្ទះឲ្យបានដែរ។ និមិត្តរូបរបស់លោកតា គឺកីឡាករ ឈាវ បូរ៉ា។ សូមជម្រាបថា កីឡាអុកចត្រង្គ បាននិងកំពុងដំណើរការនៅសាកលវិទ្យាល័យភូមិន្ទភ្នំពេញ តាំងពីព្រឹកថ្ងៃទី២៩ ខែមេសា ឆ្នាំ២០២៣។ ប្រទេសដែលចូលរួមស៉ីហ្គេម លើប្រភេទកីឡាអុកចត្រង្គ មាន៧ គឺឡាវ ហ្វីលីពីន ថៃ ម៉ាឡេស៉ី វៀតណាម […]

(ភ្នំពេញ)៖ លោក សៅ សុខា ប្រកាសនឹងចុះចេញពីតំណែងជាប្រធានសហព័ន្ធកីឡាបាល់ទាត់ បើ U22 កម្ពុជាឆ្លងមិនផុតវគ្គចែកពូល ឯកឧត្តមបានប្រកាសបែបនេះក្រោយពីការប្រកួតក្រុមបាល់ទាត់បុរស U22 កម្ពុជា ជាមួយនឹង ហ្វីលីពីន បានបញ្ចប់ជាមួយនឹងលទ្ធផល ១-១។ លោក បានសរសេរនៅលើបណ្ដាញសង្គម FaceBook ផ្ទាល់ខ្លួនមានខ្លឹមសារទាំងស្រុងថា៖ «កិត្តិយសត្រូវផ្សារភ្ជាប់ និងការទទួលខុសត្រូវ។ បន្ទាប់ពីប្រទេសកម្ពុជាសម្រេចចិត្តរៀបចំធ្វើម្ចាស់ផ្ទះការប្រកួតកីឡា sea games លើកទី៣២ ខ្ញុំបាទបានប្រឹងប្រែង លះបង់គ្រប់បែបយ៉ាងប្រើពេលជាង ១០ឆ្នាំដើម្បីលើកកិត្តិយសជាតិខ្មែរតាមរយៈវិស័យកីឡាបាល់ទាត់។ បើការប្រកួតក្នុងgroup ចែកពូលវិញ្ញាសារកីឡាបាល់ទាត់បុរសអាយុ ២២ ឆ្នាំមិនអាចឆ្លងផុត ដើម្បីឈានទៅបន្តប្រកួតវគ្គកណ្តាលផ្តាច់ព្រាត់នោះទេ ខ្ញុំបាទក្នុងស្មារតីទទួលខុសត្រូវដែលកំពុងកាន់តំណែងជាប្រធានសហពន្ធ័កីឡាបាល់ទាត់កម្ពុជា ( FFC ) សូមលាឈប់ពីប្រធានកីឡាបាល់ទាត់ភ្លាម។ ក្នុងករណីនេះកើតឡើងខ្ញុំស្នើសុំគណៈកម្មាធិការប្រតិបត្តិសហពន្ធ័កីឡាបាល់ទាត់កម្ពុជា និងអគ្គ លេខាធិការដ្ឋានរៀបចំបើកធ្វើមហាសន្និបាតដើម្បីបោះឆ្នោតជ្រើសរើសប្រធានសហពន្ធ័កីឡាបាល់ទាត់ថ្មី ដើម្បីបន្តដឹកនាំសហពន្ធ័កីឡាបាល់ទាត់កម្ពុជា។ ខ្ញុំសូមទោសប្រិយមិត្តអ្នកស្រឡាញ់កីឡាបាល់ទាត់មេត្តាអភ័យទោស ដែលរូបខ្ញុំអសមត្ថភាពមិនអាចដឹកនាំវិស័យកីឡាមួយនេះទទួលបានជោគជ័យជូនជាតិ៕