(ភ្នំពេញ)៖ ក្រុមកីឡាការិនីវាយកូនបាល់កម្ពុជា បានទទួលត្រឹមមេដាយសំរឹទ្ធ លើវិញ្ញាសាក្រុមនារី នៃព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ក្រោយបរាជ័យក្រោមថ្វីដៃក្រុមកីឡាការិនីឥណ្ឌូនេស៊ី ត្រឹមវគ្គពាក់កណ្ដាលផ្ដាច់ព្រ័ត្រ ២-០ នៅថ្ងៃទី០៨ ខែឧសភានេះ នៅពហុកីឡដ្ឋានជាតិមរតកតេជោ។ ក្រុមឥណ្ឌូនេស៊ី នឹងត្រូវឡើងទៅជួបក្រុមថៃ ឬវៀតណាម ដែលត្រូវប្រកួតកាត់សេចក្ដីវគ្គពាក់កណ្ដាលផ្ដាច់ព្រ័ត្រនៅរសៀលនេះ ខណៈក្រុមចាញ់ នឹងទទួលបានមេដាយសំរឹទ្ធស្ទួន ដូចកម្ពុជាដែរ៕ ផ្តល់សិទ្ធិដោយ៖ Fresh News

(សៀមរាប)៖ កីឡាករកង់ភ្នំកម្ពុជា ឃីម ម៉េងឡុង បានឈ្នះមេដាយប្រាក់ លើវិញ្ញាសា ប្រណាំងកង់ភ្នំ Cross Country Elimination ( XCE ) ផ្នែកបុរស ចម្ងាយ៥០០ម៉ែត្រ នៃព្រឹត្តិការណ៍កីឡាស៊ីហ្គេម២០២៣ ការប្រកួតធ្វើឡើងនៅតំបន់ឧទ្យានជាតិភ្នំគូលែន នៅថ្ងៃទី០៨ ខែឧសភា ឆ្នាំ២០២៣។ ជាលទ្ធផល លេខ១ បានទៅលើកីឡាករថៃ និងលេខ៣ បានទៅលើកីឡាករឥណ្ឌូនេស៊ី៕

(ភ្នំពេញ)៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅថ្ងៃទី០៨ ខែឧសភា ឆ្នាំ២០២៣នេះ បានចេញមកអំពាវនាវដល់ប្រជាពលរដ្ឋកម្ពុជា ពិសេសអ្នកដែលគាំទ្រវិស័យកីឡា ពេលកម្ពុជាកំពុងធ្វើជាម្ចាស់ផ្ទះ នៃការប្រកួតកីឡាស៉ីហ្គេម លើកទី៣២ ចៀសវាងទង្វើមិនគួរគប្បី ក៏ដូចជាការបញ្ចេញមតិយោបល់លើបណ្ដាញសង្គម ដែលធ្វើឲ្យប៉ះពាល់ដល់ប្រតិភូកីឡាបរទេស គ្រូបង្វឹក ឬអ្នកគាំទ្ររបស់ប្រទេសណាមួយ។ តាមរយៈ Facebook លោក ហ៊ុន ម៉ានី បានគូសបញ្ជាក់ថា ក្នុងនាមម្ចាស់ផ្ទះ យើងគប្បីធ្វើបដិសណ្ឋារកិច្ច និងយកចិត្តទុកដាក់ទទួលមិត្តភក្តិបរទេសដែលអញ្ញើញមកកម្ពុជាមិនថាជាកីឡាករ គ្រូបង្វឹក ឬអ្នកគាំទ្រណានោះទេ ធ្វើយ៉ាងណាផ្តល់នូវភាពការស្វាគមន៍ប្រកបដោយភាពកក់ក្តៅ ភាតរភាព និងទទួលបានអនុស្សាវរីយ៍ល្អៗ។ ការចេញមកអំពាវនាវរបស់លោក ហ៊ុន ម៉ានី បានធ្វើឡើងបន្ទាប់ពីមានបាតុភាពមួយកើតឡើង រវាងអ្នកគាំទ្រកីឡាករបាល់ទះកម្ពុជា ទៅកាន់ប្រតិភូកីឡាករបាល់ទះរបស់ប្រទេសថៃ ក្រោយប្រកួតចាញ់កម្ពុជា នៅយប់ថ្ងៃទី០៧ ខែឧសភា ឆ្នាំ២០២៣ នាពហុកីឡដ្ឋានជាតិអូឡាំពិក។ លោក ហ៊ុន ម៉ានី បានថ្លែងយ៉ាងដូច្នេះថា «ទង្វើដែលមិនគួរឲ្យកើតមាន!!! ឈ្នះ ឬ ចាញ់ក្នុងស្មារតីកីឡាជារឿងធម្មតា តែក្នុងនាមយើងជាម្ចាស់ផ្ទះ យើងគប្បីធ្វើបដិសណ្ឋារកិច្ច និងយកចិត្តទុកដាក់ទទួលមិត្តភក្តិបរទេសដែលអញ្ញើញមកកម្ពុជាមិនថាជាកីឡាករ គ្រូបង្វឹក […]

(ភ្នំពេញ)៖ អបអរសាទរ កីឡាការិនីកម្ពុជា ស៊ិន សៀវសៀន ឈ្នះមេដាយមាស លើប្រភេទកីឡាគុនល្បុក្កតោ វិញ្ញាសាសម្ដែងកាំបិតផ្គាក់ឯកត្តជន ការប្រកួតធ្វើឡើងមជ្ឈមណ្ឌលពិព័រណ៍អន្តរជាតិជ្រោយចង្វារ (OCIC), ថ្ងៃទី០៨ ខែឧសភា ឆ្នាំ២០២៣។

(ភ្នំពេញ)៖ នាយឧត្តមសេនីយ៍ សៅ សុខា ប្រធានសហព័ន្ធកីឡាបាក់ទាត់កម្ពុជា តាមរយៈ Facebook ផ្ទាល់ខ្លួនរបស់លោកនាយប់ថ្ងៃទី០៧ ខែឧសភា ឆ្នាំ២០២៣នេះ បានប្រកាសលាលែងចេញពីតំណែងជាប្រធានសហព័ន្ធកីឡាបាក់ទាត់កម្ពុជា ចាប់ពីយប់នេះ ក្រោយក្រុម U22 កម្ពុជា ចាញ់មីយ៉ាន់ម៉ាដោយលទ្ធផល ២-០ ក្នុងវគ្គចែកពូលសន្សំពិន្ទុ ពូល A។ យោងតាមរយៈការបង្ហោះលើ Facebook នៅយប់ថ្ងៃទី៧ ខែឧសភា ឆ្នាំ២០២៣នេះ នាយឧត្តមសេនីយ៍ សៅ សុខា បានសរសេរយ៉ាងដូច្នេះថា «បន្ទាប់ពីបរាជ័យក្នុងការប្រកួតចម្រុះក្នុងពូលA ក្នុងព្រិត្តិការណ៍ sea games ខ្ញុំគោរពនូវការសន្យា ដើម្បីបង្ហាញ នូវស្មារតីទទួលខុសត្រូវ ខ្ញុំសូមប្រកាសលាលែងពីដំណែងប្រធានសហពន្ធ័កីឡាបាល់ទាត់កម្ពុជាចាប់ពីរាត្រីថ្ងៃ សុក្រ ទី ០៧ ខែ ឧសភា ឆ្នាំ ២០២៣ ខ្ញុំសូមប្រគល់ជូនលោកអនុប្រធានឯកឧត្តម ខៀវ សាម៉េត អនុប្រធានសបក ជាប្រធានស្តីទីចាប់ពីពេលនេះតទៅ ។ ខ្ញុំសូមអរគុណឯកឧត្តមរដ្ឋមន្ត្រីក្រសួងអប់រំយុវជន និងកីឡា និងបងប្អូនដែលបានបញ្ចេញមតិគាំទ្រខ្ញុំអោយបន្តដំណែងជាប្រធានសហពន្ធ័កីឡាបាល់ទាត់កម្ពុជាព្រមទាំងសូមអភ័យទោស ដែលរូបខ្ញុំបាទពុំអាចនាំកិត្តិយសជូនជាតិបានតាមរយៈការប្រកួតបាល់ទាត់ក្នុងព្រិត្តិការណ៍ដែលកម្ពុជាធ្វើជាម្ចាស់ផ្ទះ ។ […]

(ភ្នំពេញ)៖ បណ្ដាញសារព័ត៌មានធំៗ នៅលើពិភពលោកបានផ្សព្វផ្សាយជាបន្តបន្ទាប់ អំពីការបើកព្រឹត្តិការណ៍ស៊ីហ្គេម លើកទី៣២ នៅក្នុងប្រទេសកម្ពុជា។ ពិធីបើកព្រឹត្តិការណ៍ជាប្រវត្តិសាស្ត្រនេះ ត្រូវបានធ្វើឡើងនៅពហុកីឡាដ្ឋានជាតិមរតកតេជោ កាលពីថ្ងៃទី០៥ ខែឧសភា ឆ្នាំ២០២៣ ក្រោមអធិបតីភាពរបស់ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដោយមានការចូលរួមពីប្រធានរដ្ឋឡាវ បណ្ដាប្រទេសជាមិត្ត ប្រតិភូមកពីប្រទេសសមាជិក កីឡាករកីឡាការនី ព្រមទាំងអ្នកគាំទ្រជាតិ និងអន្តរជាតិផងដែរ។ ខាងក្រោមនេះជាការផ្សព្វផ្សាយ អំពីការបើកព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ របស់សារព័ត៌មានធំៗនៅលើពិភពលោក៖ https://www.straitstimes.com/sport/sea-games-2023-it-s-time-to-party-cambodia https://www.channelnewsasia.com/sport/sea-games-2023-opening-ceremony-cambodia-phnom-penh-3467631 https://amp.scmp.com/news/asia/southeast-asia/article/3219592/spectacular-opening-sea-games-host-cambodias-brand-new-stadium https://www.arabnews.com/node/2298546/amp https://abcnews.go.com/amp/Sports/wireStory/cambodias-brand-new-stadium-hosts-opening-sea-games-99105575 ផ្តល់សិទ្ធដោយ៖ Fresh News

(ភ្នំពេញ)៖ ក្រុមបាល់ទះជម្រើសជាតិកម្ពុជា បានកក់កៅអីវគ្គពាក់កណ្ដាលផ្ដាច់ព្រ័ត្រ លើវិញ្ញាសាបាល់ទះបុរសក្នុងសាល នៃព្រឹត្តិការណ៍កីឡាស៊ីហ្គេម លើកទី៣២ នៅកម្ពុជាហើយ ក្រោយយកឈ្នះដាច់ ៣ប្រកួតជាប់ៗគ្នា ក្នុងពូលA កាលពីថ្មីៗ។ សម្រាប់ប្រកួតទី១ ក្រុមបាល់ទះកម្ពុជា បានយកឈ្នះក្រុមជម្រើសជាតិសិង្ហបុរី ៣-០សិត ជាមួយពិន្ទុ ២៥-១៤, ២៥-១៩ និង ២៥-២០ពិន្ទុ ។ រីឯប្រកួតទី២ កាលពីម្សិលមិញ ក្រុមម្ចាស់ផ្ទះកម្ពុជា បានយកឈ្នះក្រុមជម្រើសជាតិហ្វីលីពីន ៣-០សិត ជាមួយពិន្ទុ ២៥-១៨, ២៥-១៨ និង ២៥-១៧ពិន្ទុ ។ តាមរយៈជ័យជម្នះនេះ នាំឲ្យក្រុមម្ចាស់ផ្ទះកម្ពុជា ឈរកំពូលតារាងពូល A បណ្ដោះអាសន្ន និងមាន ៦ពិន្ទុពេញ ស្មើក្រុមជម្រើសជាតិឥណ្ឌូនេស៊ី ដែលយកឈ្នះគូប្រកួត ២ប្រកួតដូចគ្នា មុនក្រុមទាំងពីរ ត្រូវជួបគ្នាដណ្ដើមលេខ១ ក្នុងពូល នាល្ងាចថ្ងៃទី០៦ ខែឧសភាស្អែក ។ ចំណែកក្រុមសិង្ហបុរី និងហ្វីលីពីន បានធ្លាក់ទៅហើយ ។ ក្រឡេកទៅចាប់អារម្មណ៍ពូល B វិញ […]

(ភ្នំពេញ)៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹកកម្ពុជា នារសៀលថ្ងៃទី០៤ ខែឧសភា ឆ្នាំ២០២៣នេះ បានអញ្ជើញជួបសំណេះសំណាលជាមួយគ្រូបង្វឹក កីឡាករ កីឡាការិនី ចំនួន ៤៩រូប ដើម្បីផ្តល់កម្លាំងចិត្តជូនដល់កីឡាករ កីឡាការិនី និងគ្រូបង្វឹកនៃសហព័ន្ធខ្មែរកីឡាហែលទឹក ដែលនឹងចូលរួមក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣។ លើកឡើងនាឱកាសនោះលោកទេសរដ្ឋមន្ត្រី ស៊ុន ចាន់ថុល ក្នុងនាមប្រធានសហព័ន្ធខ្មែរកីឡាហែលទឹកកម្ពុជា បានថ្លែងកោតសរសើរ និងអំណរគុណដល់កីឡាករ កីឡាការិនី និងគ្រូបង្វឹកគ្រប់រូប ដែលបានចំណាយទាំងកម្លាំងកាយចិត្ត និងពេលវេលាក្នុងការហ្វឹកហាត់តាំងពីដើមរហូតមកដល់ការប្រកួតនាពេលនេះ និងបានប្រកាសលើកទឹកចិត្តបន្ថែមចំនួន ១ម៉ឺនដុល្លារដល់កីឡាករ កីឡាការិនីហែលទឹកកម្ពុជា ដែលដណ្តើមបានមេដាយមាសក្នុងព្រឹត្តិការណ៍ប្រកួតកីឡាស៊ីហ្គេមនេះ។ បន្ថែមពីនេះលោកទេសរដ្ឋមន្ត្រី ស៊ុន ចាន់ថុល ក៏បានបង្ហាញមោទនភាពចំពោះកីឡាករ កីឡាការិនី និងក្រុមគ្រួសារ ដែលជាកូនខ្មែរនៅបរទេស បានខិតខំបញ្ជូនកូន និងសាច់ញាតិឱ្យមកចូលរួមប្រកួតតំណាងឱ្យកម្ពុជា ក្នុងឱកាសព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនេះ ដែលនេះហើយគឺជាការរួបរួមសាច់ឈាមខ្មែរ បេះដូងជាខ្មែរ ដែលតែងតែមកជួយដល់ជាតិខ្មែរ បើទោះជាមិនបានរស់នៅក្នុងប្រទេសក៏ដោយ។ ជាមួយគ្នាដែរលោកទេសរដ្ឋមន្ត្រី ស៊ុន ចាន់ថុល ក៏បានបញ្ជាក់ដែរថា ដោយសារតែប្រទេសជាតិមានសុខសន្តិភាពពេញលេញ […]

(ភំ្នពេញ)៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានបង្ហាញក្តីរំពឹងថា ឯកអគ្គរដ្ឋទូតថ្មីរបស់កូរ៉េខាងត្បូង នឹងជំរុញឱ្យទំហំពាណិជ្ជកម្មរវាងកម្ពុជា និង កូរ៉េខាងត្បូង កើនឡើងកាន់តែខ្ពស់ថែមទៀត។ ក្នុងជំនួបសម្តែងការគួរសម និងពិភាក្សាការងាររវាងលោក ប៉ាន សូរស័ក្តិ និងលោក PARK JUNG-WOOK ឯកអគ្គរដ្ឋទូតកូរ៉េខាងត្បូង ប្រចាំនៅកម្ពុជា ដែលទើបតែង​តាំងថ្មី នាថ្ងៃទី០៣ ខែឧសភា ឆ្នាំ២០២៣នេះ បានជជែក និងផ្លាស់ប្តូរ​យោបល់​ជា​ច្រើន​​លើការពង្រឹងទំនាក់ទំនង និងកិច្ចសហប្រតិបត្តិការទ្វេភាគី​លើវិស័យពាណិជ្ជកម្ម និងសេដ្ឋកិច្ច។ លោករដ្ឋមន្ត្រី បានសម្តែងការអបអរសាទរ និងស្វាគមន៍យ៉ាងកក់ក្តៅចំពោះ លោកឯកអគ្គរដ្ឋទូត ដែលទទួលបានការទុកចិត្តពីរដ្ឋាភិបាលកូរ៉េខាងត្បូង តែងតាំងជាឯកអគ្គរដ្ឋទូតប្រចាំនៅកម្ពុជា និងបានថ្លែងអំណរគុណដល់ភាគីកូរ៉េ ដែលតែងតែជួយកម្ពុជាក្នុងការអភិវឌ្ឍវិស័យពាណិជ្ជកម្ម សេដ្ឋកិច្ច និងសង្គម។ លោក ប៉ាន សូរស័ក្តិ បានបង្ហាញក្តីសង្ឃឹមថា ក្នុងអាណត្តិរបស់ លោកឯកអគ្គ​រដ្ឋ​ទូត ទំនាក់ទំនងទ្វេភាគីកម្ពុជា-កូរ៉េ នឹងកាន់តែរីកចម្រើនបន្ថែមទៀត ជាពិសេសការ​ជំរុញ​ទំហំពាណិជ្ជកម្មទ្វេភាគីរវាងប្រទេសទាំងពីរ។ ក្នុងជំនួបនោះ លោករដ្ឋមន្ត្រី បានសម្តែងការពេញចិត្តចំពោះកំណើនពាណិជ្ជ​កម្ម​ទ្វេ​ភា​គី។ សមិទ្ធផលនេះមានការរួមចំណែកយ៉ាងសំខាន់​ពីកិច្ចព្រមព្រៀង​ពាណិជ្ជ​កម្ម​សេរី​កម្ពុជា-កូរ៉េ ដែលបានចូលជាធរមានកាលពីថ្ងៃទី១ ខែធ្នូ ឆ្នាំ២០២២ កន្លងទៅនេះ។ […]

(ភ្នំពេញ)៖ ប្រមុខរដ្ឋឡាវ លោក ថងលុន ស៊ីសុលីត បានថ្លែងកោតសរសើរការរៀប​ចំ​​ព្រឹត្តិការណ៍ប្រកួតស៊ីហ្គេមលើកទី៣២ នៅកម្ពុជា និងរំពឹងថា កម្ពុជាទទួលបាន​មេដាយច្រើនក្នុងការប្រកួតនេះ។ លោក ថងលុន ស៊ីសុលីត ថ្លែងកោតសរសើរបែបនេះនៅក្នុងជំនួបពិភាក្សាការងារ​ជាមួយសម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី០៤ ខែឧសភា ឆ្នាំ២០២៣នេះ។ លោក អ៊ាង សុផល្លែត ជំនួយការផ្ទាល់របស់សម្តេចតេជោ បានឱ្យដឹងថា នៅក្នុង​ជំនួបនេះ លោក ថងលុន បានថ្លែងអំណរគុណសម្ដេចតេជោ ដែល​បាន​អញ្ជើញ​លោកចូលរួមក្នុងពិធីបើកកីឡាស៊ីហ្គេមនៅកម្ពុជា។ លោកបន្តថា លោកពិតជា​មានកិត្តិយស ហើយរីករាយជាមួយការរៀបចំដ៏ល្អរបស់កម្ពុជា។ លោកមានជំនឿ ជឿជាក់ថា កម្ពុជា នឹងទទួលបានជោគជ័យ និងទទួលបានមេដៃមាសច្រើន។ នៅក្នុងជំនួបនេះ លោក ថងលុន បានគោរពថ្លែងអំណរគុណ​សម្ដេចតេជោ ដែល​បានចូលរួមជួយការលំបាករបស់ឡាវ ទាំងវិស័យសុខាភិបាល និងវិស័យសេដ្ឋកិច្ច។ ប្រមុខរដ្ឋឡាវ បានគូសរំលេចដែរថា ទំនាក់ទំនងរវាងកម្ពុជា និងឡាវ កំពុងតែស្ថិត​ដល់ចំណុចកំពូល ហើយអ្វីដែលត្រូវធ្វើបន្ត គឺរួមគ្នាធ្វើឱ្យទំនាក់​ទំនងនេះ ឈានឆ្ពោះ​ឡើងមួយកម្រិតទៀត តាមរយៈការរួមគ្នាអនុវត្តតាមកិច្ចព្រមព្រៀងដែលមានស្រាប់ និងស្វែងរកិច្ចសហប្រតិបត្តិការផ្សេងបន្ថែមទៀត ដូចជា៖ […]