(បរទេស)៖ ទីបំផុត Apple នឹងបើកដំណើរការហាងលក់រាយដំបូងបង្អស់របស់ខ្លួនជាផ្លូវការនៅក្នុងប្រទេសឥណ្ឌានៅចុងខែនេះហើយ បន្ទាប់ពីរង់ចាំអស់ជាច្រើនឆ្នាំ។ នេះបើយោងតាមការចេញផ្សាយរបស់សារព័ត៌មាន GSMArena នៅថ្ងៃទី០៦ ខែមេសា ឆ្នាំ២០២៣។ ប្រភពខាងលើបានឱ្យដឹងថា នៅថ្ងៃពុធសប្តាហ៍នេះ Apple បានលើកវាំងននបង្ហាញពីផ្នែកខាងមុខនៃហាងថ្មីរបស់ខ្លួនដែលមានទីតាំងនៅទីក្រុង Mumbai ក្នុងផ្សារទំនើប Jio World Drive Mall។ នេះជាលើកទី១ ហើយដែល Apple ត្រៀមនឹងបើកសម្ពោធហាងលក់រាយថ្មីរបស់ខ្លួនក្នុងប្រទេសឥណ្ឌា ដែលមានឈ្មោះថា Apple BKC តំណាងឱ្យឈ្មោះក្រុមហ៊ុន Apple និងឈ្មោះសង្កាត់របស់ប្រទេសឥណ្ឌា Bandra Kurla Complex។ គួរជម្រាបដែរថា ការទៅដល់នៃហាងដំបូងនៅក្នុងប្រទេសឥណ្ឌាត្រូវបានសម្គាល់ដោយក្រុមហ៊ុន Apple ជាមួយនឹងការបញ្ចេញផ្ទាំងរូបភាពថ្មីមួយចំនួនសម្រាប់ iPhone, iPad និង Mac នៅលើគេហទំព័ររបស់ក្រុមហ៊ុនផ្ទាល់។ តែបើតាមការបង្ហាញទម្រង់ Logo របស់ Apple នៅទីក្រុង Mumbai ហាក់ប្លែកនឹងត្រូវបានឌីហ្សាញឡើងជាពិសេសជាមួយពណ៌ចម្រុះ ខុសពី Logo របស់ Apple នៅតាមបណ្តាហាងលក់រាយផ្សេងទៀត៕ ផ្តល់សិទ្ធិដោយ៖ […]

(ភ្នំពេញ)៖ នៅព្រឹកថ្ងៃទី០៦ ខែមេសា ឆ្នាំ២០២៣ ខេត្តកំពត ត្រូវបានប្រកាសជាខេត្តអស់មីនទី១២ ក្រោមអធិបតីភាព កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ដែលគាំទ្រពីគម្រោងសម្តេចតេជោសម្រាប់សកម្មភាពមីន ក្រោមមូលបទ «ផ្តល់ដីសុវត្ថិភាព បង្កើតស្នាមញញឹម»។ ទេសរដ្ឋមន្រ្តី​ លី​ ធុជ​ អនុប្រធានទី១​ អាជ្ញាធរមីន​ បានគូសបញ្ជាក់ថា​ ការងារបោសសម្អាតមីននៅខេត្តកំពត បានចាប់ផ្តើមពីឆ្នាំ១៩៩៤ ដោយប្រតិបត្តិករចំនួន ៣រួមមាន៖ មជ្ឈមណ្ឌលសកម្មភាពកំចាត់មីនកម្ពុជា មជ្ឈមណ្ឌលជាតិ NPMEC និងអង្គការ HALO Trust បោសសម្អាតក្នុងទំហំផ្ទៃដីសរុបចំនួន ២៥ ៦៦៦ ១៤១ ម៉ែត្រក្រឡា ស្មើនឹង ២៥២ ចម្ការមីន/គ្រាប់ ដោយរកឃើញ និងបានកំទេចចោលមីនប្រឆាំងមនុស្សចំនួន ៤៥៥៣គ្រាប់ មីនប្រឆាំងរថក្រោះចំនួន ១១គ្រាប់ និងសំណល់ជាតិផ្ទុះផ្សេងទៀតចំនួន ២៨៨៧២ […]

(បាត់ដំបង)៖ ក្រសួងពាណិជ្ជកម្មគ្រោងចុះបញ្ជី «ដូងខ្ទិះបាត់ដំបង» ជាម៉ាកសមូហភាព គឺដើម្បីកំណត់ស្ដង់ដាបច្ចេកទេសរួមមួយសម្រាប់ការដាំដុះដូង កំណត់គុណភាព និងកំណត់លក្ខខណ្ឌក្នុងប្រើប្រាស់ម៉ាក សមូហភាពដូងខ្ទះបាត់ដំបងនេះ ពិសេសគឺជួយពង្រីកការដាំដុះនិងទីផ្សារលក់ដូរ ផ្ដល់ប្រយោជន៍ច្រើនសម្រាប់អ្នកផលិតនិងអាជីវករ។ គួរជម្រាបថា ក្រសួងពាណិជ្ជកម្មគ្រោងនឹងដាក់សម្ពោធឱ្យប្រើប្រាស់ជាផ្លូវការនូវម៉ាកសមូហភាព «ដូងខ្ទិះបាត់ដំបង» រួមជាមួយផលិតផលមួយចំនួនទៀតនាពេលឆាប់ៗខាងមុខ។ ក្នុងសន្និបាតកំណើតដំបូងរបស់ក្រុមអ្នកផលិតនិងអាជីវករដូងខ្ទិះបាត់ដំបង (ក.ផ.អ.ប) នាព្រឹកថ្ងៃទី៧ ខែមេសា ឆ្នាំ២០២៣ នៅមន្ទីរពាណិជ្ជកម្មខេត្តបាត់ដំបង លោក អ៊ុក ប្រជា រដ្ឋលេខាធិការក្រសួងពាណិជ្ជកម្ម បានឱ្យដឹងថា ក្រសួងពាណិជ្ជកម្មគ្រោងសម្ពោធដាក់ឱ្យប្រើប្រាស់ជាផ្លូវការនូវម៉ាកសម្គាល់ភូមិសាស្ត្រទំនិញ រួមមាន៖ អំបិលកំពតកែប បង្កងតាកែវ និងទឹកត្រីកំពត-កែប និងម៉ាកសមូហភាព រួមមាន៖ អំបុកកំពង់ធំ ដូងខ្ទះបាត់ដំបង នំបញ្ចុកសៀមរាប និងក្រូចថ្លុងកោះពីរ នៅថ្ងៃទី២៦ ខែមេសា ឆ្នាំ២០២៣ ដែលជាថ្ងៃប្រារព្ធពិធីទិវាកម្មសិទ្ធិបញ្ញាពិភពលោក នៅសណ្ឋាគារភ្នំពេញ។ លោក អ៊ុក ប្រជា បានបន្តថា ម៉ាកសមូហភាពដូងខ្ទះបាត់ដំបងនឹងដើរតួនាទីបញ្ជាក់អំពីអត្តសញ្ញាណនៃប្រភពដើមផលិតកម្ម បិតលើផលិតផលដែលដាក់លក់នៅលើទីផ្សារ។ នេះមិនត្រឹមតែផ្តល់ទំនុកចិត្តដល់អ្នកប្រើប្រាស់ និងពង្រីកទីផ្សារនៅក្រៅប្រទេសនោះទេ ប៉ុន្តែម៉ាកនេះនឹងក្លាយជាកម្លាំងស្រូបទាញទេសចរជាតិនិងបរទេសឱ្យមកធ្វើទស្សនកិច្ចក្នុងតំបន់ផលិតកម្ម ដែលជាឱកាសសម្រាប់សហគមន៍កសិកម្ម ឬយុវជនជូនដល់ភ្ញៀវដែលមកកម្សាន្តនៅក្នុងតំបន់របស់សហគមន៍ អាចបង្កើតប្រភពចំណូលបន្ថែមផង និងផ្សព្វផ្សាយពីវប្បធម៌ប្រពៃណីរបស់កម្ពុជាបន្ថែមទៀត។ លោកបានបន្តទៀតថា […]

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យតែងតាំងលោក ព្រាប កុយវឌ្ឍនៈ ជាអភិបាលក្រុងឧដុង្គម៉ែជ័យ និងលោក មួង ធី ជាអភិបាលស្រុកសាមគ្គីមុនីជ័យ នៃខេត្តកំពង់ស្ពឺ។ ខាងក្រោមនេះជាអនុក្រឹត្យរបស់ប្រមុខរាជរដ្ឋាភិបាល៖ ផ្តល់សិទ្ធិដោយ៖ Fresh News

(បាងកក)៖ គណបក្សភឿថៃ ដែលជាគណបក្សប្រឆាំងធំបំផុតមួយក្នុងប្រទេសថៃ បានប្រកាសទទួលស្គាល់ជាផ្លូវការហើយថាកូនស្រីពៅរបស់អតីតនាយករដ្ឋមន្ត្រីថៃ លោក ថាក់ស៊ីន គឺអ្នកនាង ផែថងថាន ស៊ីណាវ៉ាត់ (Paetongtarn Shinawatra) ជាបេក្ខជននាយករដ្ឋមន្ត្រីម្នាក់នៅក្នុងចំណោមបេក្ខជន៣រូបតំណាងឱ្យគណបក្ស។ នេះបើតាម ការដកស្រង់ចេញផ្សាយពីសារព័ត៌មាន​ Bloomberg នៅថ្ងៃព្រហស្បតិ៍ ទី៦ ខែមេសា ឆ្នាំ២០២៣។ អ្នកនាង ផែថងថាន ស៊ីណាវ៉ាត់ ត្រូវបានគណបក្សភឿថៃ ប្រកាសទទួលស្គាល់ជាបេក្ខជននាយករដ្ឋមន្ត្រី រួមជាមួយបេក្ខជន ២នាក់ផ្សេងទៀត គឺសេដ្ឋីអចលនទ្រព្យ លោក Srettha Thavisin និងអតីតរដ្ឋមន្ត្រីយុត្តិធម៌ លោក Chaikasem Nitisiri នៅឯព្រឹត្តិការណ៍រៀបចំឡើងក្នុងទីក្រុងបាងកក កាលពីថ្ងៃពុធសប្ដាហ៍នេះ។ មានអាយុ ៣៦ឆ្នាំ អ្នកនាង ផែថងថាន បានក្លាយជាបេក្ខជននាយករដ្ឋមន្ត្រីនាំមុខគេ នៅក្នុងការស្ទង់មតិជាច្រើនកន្លងមក តាមពីក្រោយដោយនាយករដ្ឋមន្ត្រីថៃសព្វថ្ងៃ លោក ប្រាយុទ្ធ ចាន់អូចា និងឧបនាយករដ្ឋមន្ត្រី លោក ប្រាវីត វ៉ុងសូវ៉ាន់ (Prawit Wongsuwan)។ ប៉ុន្តែ អ្នកវិភាគខ្លះយល់ថាវាជារឿងពិបាកណាស់ដែលអ្នកនាង អាចនឹងក្លាយជានាយករដ្ឋមន្ត្រីថៃ […]

(ភ្នំពេញ)៖ នៅព្រឹកថ្ងៃព្រហស្បតិ៍ ទី០៦ ខែមេសា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានកិត្តិយសនៃសមាគមឧកញ៉ាកម្ពុជា បានអនុញ្ញាតឱ្យឧកញ៉ា ដែលជាក្រុមប្រឹក្សាភិបាល និងជាសមាជិក សមាជិកា ចូលជួបសម្តែងការគួរសម។ អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានឱ្យដឹងថា ការអញ្ជើញជួប​សម្តែង​ការគួរសមនាព្រឹកថ្ងៃនេះ ដើម្បីជម្រាបជូនសម្តេច អំពីការបង្កើតឡើង​នូវសមាគម​ឧកញ៉ាកម្ពុជា ព្រមទាំងទស្សនវិស័យ និងបេសកកម្មរបស់សមាគម។ ក្នុងជំនួបនោះ សម្តេចតេជោនាយករដ្ឋមន្ត្រី បានស្វាគមន៍យ៉ាងកក់ក្តៅចំពោះការផ្តួចផ្តើមបង្កើតឡើងនូវសមាគមឧកញ៉ាកម្ពុជា។ សម្តេចតេជោនាយករដ្ឋមន្ត្រី ក៏បានផ្តល់អនុសាសន៍ និងការណែនាំមួយ​ចំនួន​​ផងដែរ។ សម្តេចតេជោ បានលើកទឹកចិត្តឱ្យឧកញ៉ាទាំងអស់​ត្រូវពង្រឹងសាមគ្គីភាព រួមគ្នាជួយ​ដល់កិច្ចការសង្គម អភិវឌ្ឍប្រទេសជាតិ ធ្វើសកម្មភាពមនុស្សធម៌ និងចេះជួយដល់ការលំបាករបស់​ប្រជាពលរដ្ឋ។ តំណាងឱ្យក្រុមប្រឹក្សាភិបាល និងសមាជិក សមាជិកាទាំងអស់ អ្នកឧកញ៉ា លី យ៉ុងផាត់ បានគោរពថ្លែងអំណរគុណយ៉ាងជ្រាលជ្រៅជូនចំពោះសម្តេចតេជោនាយករដ្ឋមន្ត្រី ដែលបានយល់ព្រមធ្វើជាប្រធានកិត្តិយសនៃសមាគមឧកញ៉ាកម្ពុជា។ អ្នកឧកញ៉ា លី យ៉ុងផាត់ បានចាត់ទុកវត្តមានសម្តេចតេជោជាប្រធានកិត្តិយសរបស់សមាគម គឺជាការបង្ហាញនូវកាយវិការដ៏ថ្លៃថ្លារបស់សម្តេចតេជោ ក្នុងការយកចិត្តទុកដាក់ និងលើកស្ទួយដល់សមាគម ដើម្បីចូលរួមចំណែកជាមួយរាជរដ្ឋាភិបាលធ្វើការអភិវឌ្ឍន៍សេដ្ឋកិច្ចជាតិ និងកសាងជាតិមាតុភូមិកម្ពុជាឱ្យកាន់តែរីកចម្រើន។ អ្នកឧកញ៉ា […]

(ភ្នំពេញ)៖ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងអំពាវនាវដល់មន្ដ្រីរាជការទាំងអស់ ពង្រឹងនូវបច្ចេកទេស ផ្លាស់ប្តូរ ឥរិយាបថពីទម្លាប់មិនល្អទៅជាអ្នកផ្តល់សេវាជូនប្រជាជនប្រកបដោយសីលធម៌ថ្លៃថ្នូរ មិនរើសអើងអ្នកជំងឺ ដែលស្របនឹងសុភាសិតលើកឡើងថា «គ្រូពេទ្យជាមាតាមានព្រហ្មវិហារធម៌ដ៏ល្អ របស់អ្នកជំងឺ»។ ការថ្លែងដូច្នេះរបស់លោករដ្ឋមន្ដ្រី ក្នុងឱកាសបើកទិវាវេជ្ជសាស្ត្រ-សល្យសាស្ត្រ លើកទី២៥ និងថែទាំវេជ្ជសាស្ត្រលើកទី១២ ដែលប្រព្រឹត្ដទៅនៅមន្ទីរពេទ្យ មិត្ដភាពខ្មែរ-សូវៀត នៅថ្ងៃទី៥​ ខែមេសា ឆ្នាំ២០២៣។ លោករដ្ឋមន្ដ្រី ម៉ម ប៊ុនហេង បានថ្លែងថា ការរៀបចំទិវាវេជ្ជសាស្ត្រ-សល្យសាស្ត្រ និងទិវាថែទាំវេជ្ជសាស្ត្រ បានពង្រឹងការធ្វើរោគវិនិច្ឆ័យទាន់ពេល និងការព្យាបាលប្រកបដោយបច្ចេកទេស និងគុណធម៌នាំមកនូវការកាត់បន្ថយអត្រាមរណភាពដែលបណ្តាលមកពីជំងឺបេះដូង ជំងឺប្រព្ទ័រំរលាយអាហារ និងប្រពន្ធ័ផ្លូវដង្ហើមនៅក្នុងមន្ទីរពេទ្យផ្ទាល់។ ក្នុងរយៈពេល២ថ្ងៃនេះ ទាំងគ្រូពេទ្យ គិលានុបដ្ឋាក-យិកាទាំងអស់នៅទីនេះ នឹងបានពិភាក្សាផ្លាស់ប្ដូរយោបល់គ្នាក្នុងការពិគ្រោះ ព្យាបាលជំងឺ ការស្រាវជ្រាវ ការរករោគវិនិច្ឆ័យជំងឺឲ្យកាន់តែមានគុណភាព និងប្រសិទ្ធភាពខ្ពស់ថែមទៀត ដែលជាកាតព្វកិច្ចចាំបាច់របស់យើងទាំងអស់គ្នា ជាអ្នកពិនិត្យព្យាបាល និងថែទាំជំងឺ ព្រមទាំងពង្រឹងការអនុវត្តក្រមសីលធម៌វិជ្ជាជីវៈរបស់ខ្លួនឲ្យកាន់តែប្រសើរឡើង ក្នុងគោលដៅកាត់បន្ថយអត្រាស្លាប់ដោយជំងឺបេះដូង ជំងឺប្រពន្ធ័រំលាយ អាហារ និងជំងផ្លូវដង្ហើម។ «គ្រោះថ្នាក់ស្ទះសរសៃបេះដូង ជំងឺវិបត្តិចង្វាក់បេះដូង ជំងឺមហារីកប្រពន្ធ័រំលាយអាហារ មហារីកសួត ជាមូលហេតុ ឈានមុខគេក្នុងចំណោមមូលហេតុដទៃទៀត […]

(ភ្នំពេញ)៖ ដើម្បីចូលរួមអបអរសាទរក្នុងឱកាសពិធីបុណ្យចូលឆ្នាំថ្មីប្រពៃណីជាតិ រដ្ឋបាលរាជធានីភ្នំពេញបានអំពាវនាវដល់ប្រជាពលរដ្ឋ និងភ្ញៀវទេសចរពីគ្រប់មជ្ឈដ្ឋានអាចមកចូលរួមទស្សនាកម្សាន្តសប្បាយ «សង្ក្រាន្ដវត្តភ្នំ» នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ រយៈពេល៣ថ្ងៃ ចាប់ពីថ្ងៃទី១៤-១៦ ខែមេសា ឆ្នាំ២០២៣ វេលាម៉ោង៨៖០០នាទីព្រឹក ដល់ម៉ោង៨៖០០នាទីយប់ តាមថ្ងៃនីមួយៗ។ នាឱកាសរៀបចំសង្ក្រាន្ដវត្តភ្នំនោះ គឺមានកម្មវិធីបែបប្រពៃណីសាសនា និងកម្មវិធីកម្សាន្ដសប្បាយ ដូចជាពិធីទទួលទេវតាឆ្នាំថ្មី ពិធីគោរព ទីទួលដូនពេញ ពិធីដង្ហែព្រះពុទ្ធរូប ពិធីពូនភ្នំខ្សាច់ ពិធីបុណ្យស្រង់ព្រះ ការសម្ដែងសិល្បៈរបាំត្រុដិ របាំបុរាណផ្សេងៗ ការលេងល្បែងប្រជាប្រិយជាតិ (ទាញព្រ័ត្រ បោះអង្គញ់ វាយក្អម ចោលឈូង លាក់កន្សែង ចាប់កូនខ្លែង ដណ្តើមស្លឹកឈើ និងល្បែងប្រជាប្រិយជាតិផ្សេងទៀត) ការប្រគំតន្ត្រីបុរាណ-សម័យ ការរាំលេងកម្សាន្ត និងការដាក់តាំងបង្ហាញគំនូរបុរាណ និងវត្ថុសិល្បៈវប្បធម៌៕ ខាងក្រោមនេះគឺជាលិខិតរបស់រដ្ឋបាលរាជធានីភ្នំពេញ៖

(ភ្នំពេញ)៖ លោក ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវចំពោះគ្រប់ម្ចាស់សហគ្រាស ក្រុមហ៊ុន រោងចក្រ សណ្ឋាគារ ភោជនីយដ្ឋាន និងគ្រឹះស្ថានទាំងអស់ ជួយសម្រួលដល់និយោជិត កម្មករ-កម្មការិនី បានធ្វើដំណើរទៅបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ដែលនឹងប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ។ ការអំពាវនាវបែបនេះរបស់ប្រធាន គ.ជ.ប បានធ្វើឡើងកិច្ចប្រជុំដើម្បីពិនិត្យ និងសម្រេចលើឯកសារមួយចំនួនពាក់ព័ន្ធនឹងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ សេចក្តីព្រាងប្រតិទិន និងផែនការមេសម្រាប់ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៣ និងពិនិត្យសម្រេចលើរបាយការណ៍សង្ខេប ស្តីពីសកម្មភាព និងលទ្ធផលការងាររបស់ គ.ជ.ប ប្រចាំឆ្នាំ២០២២ នៅថ្ងៃទី០៥ ខែមេសា ឆ្នាំ២០២៣នេះ។ តាមរយៈកិច្ចប្រជុំដដែល គ.ជ.ប បានអំពាវនាវចំពោះប្រជាពលរដ្ឋខ្មែរដែលកំពុងបំពេញបេសកកម្ម ឬរស់នៅ និងធ្វើការនៅក្រៅប្រទេស និងប្រជាពលរដ្ឋឱ្យត្រៀមខ្លួន និងត្រៀមឯកសារ ដើម្បីចូលរួមបោះឆ្នោតនៅថ្ងៃអាទិត្យ ទី២៣ ខែកក្កដា ឆ្នាំ២០២៣ ឱ្យបានគ្រប់ៗគ្នា។ បន្ថែមពីនេះ គ.ជ.ប បានឯកភាពជាគោលការណ៍បញ្ចូលតួលេខចំនួនអ្នកបោះឆ្នោតដែលបានបោះឆ្នោត […]

(ភ្នំពេញ)៖ សម្តេចតេជោ ហ៊ុន សែន នៅថ្ងៃទី០៥ ខែមេសា ឆ្នាំ២០២៣នេះ បានផ្ញើសារជូនជនរួមជាតិ ក្រោយពេលទទួលបានសារសំឡេងមួយទៀតរបស់ លោកស្រី តាំង ហ្គេចលៀង ដែលថាពលរដ្ឋដែលបញ្ចេញមតិមានគីឡូធ្ងន់គីឡូស្រាល។ សម្តេចតេជោ ហ៊ុន សែន បានណែនាំ ឱ្យសមាជិកគណបក្សប្រជាជនបញ្ឈប់សកម្មភាព ចែកចាយវីដេអូ ឬទស្សនៈទាក់ទងនឹងអ្នកមានអ្នកក្រ។ សម្តេចតេជោ ហ៊ុន សែន បានណែនាំចំពោះ លោកស្រី តាំង ហ្គេចលៀង ថានាពេលនេះ មិនមានពូជអ្នកមានតទៅទៀតទេ ព្រោះពូជអ្នកមានបានរលាយបាត់តាំងពីជំនា​ន់ប៉ុលពតមកម្ល៉េះ។ សម្តេចបានបន្ទោស លោកស្រី ហ្គេចលៀង ចំពោះទស្សនៈដែលខុសឆ្គងបន្តបន្ទាប់មកទៀត ដែលកាន់តែធ្វើឱ្យពលរដ្ឋ មិនមានការពេញចិត្តជាពិសេស »ប្រជាជនធម្មតាមានគីឡូស្រាល»។ សម្តេចតេជោ ហ៊ុន សែន បានស្នើឲ្យលោកស្រី បញ្ឈប់ការបញ្ចេញយោបល់តទៅទៀត​ ទាក់ទងនឹងអ្នកមាននិងអ្នកក្រ អ្នកគីឡូធ្ងន់អ្នកគីឡូស្រាល និងឈប់បញ្ចេញយោបល់តទៅទៀត ដែលថា ប្រជាជនធម្មតាគ្មានទម្ងន់។ សម្តេចបញ្ជាក់ថា ស្រមោចធម្មតា ក៏ធ្វើឱ្យដំរីដេកមិនលក់ដែរ៕ សូមស្តាប់សារ៖  ផ្តល់សិទ្ធិដោយ៖ Fresh News