(ភ្នំពេញ)៖ កីឡាករអ៊ុយក្រែន Luca ដែលទើបនឹងចាញ់ការប្រកួតជាមួយកីឡាករ ម៉ឺន មេឃា មិនទាន់ចាកចេញពីកម្ពុជាទេ ហើយនៅរសៀលថ្ងៃទី២៨ ខែមីនា ឆ្នាំ២០២៣នេះ ឧកញ៉ា ស្រី ចាន់ថន ក៏បានទទួលជួបជាមួយកីឡាករអ៊ុយក្រែនរូបនេះជាការលើកទឹកចិត្ត។ ឧកញ៉ា ស្រី ចាន់ថន បានឱ្យដឹងថា កីឡាករសញ្ជាតិអ៊ុយក្រែនរូបនេះ ចង់ហាត់ គុនខ្មែរ ហើយក៏ចង់ទៅសិក្សារៀនសូត្រអំពីគុនខ្មែរនៅសៀមរាបផងដែរ។ ដូច្នេះលោករៀបចំដំណើរទស្សនកិច្ចសិក្សាមួយនេះជូន និងបានឧត្ថម្ភជាថវិកាមួយចំនួនផងដែរ។ លោកបានសរសេររៀបរាប់នៅលើបណ្តាញសង្គមថា៖ «ថ្ងៃនេះខ្ញុំបានជួបជាមួយកីឡាករសញ្ជាតិអ៊ុយក្រែននៅការិយាល័យរបស់ខ្ញុំ។ កីឡាករសញ្ជាតិអ៊ុយក្រែនមានទឹកមុខសុភាពរាបសារខ្លាំងណាស់។ បងប្អូនខ្មែរយើងមានការគោរពនិងស្រលាញ់គាត់យ៉ាងខ្លាំង ហើយគាត់បាននិយាយថាគាត់ក៏ស្រលាញ់បងប្អូនខ្មែរ និងប្រទេសកម្ពុជាជាខ្លាំង។ គាត់បាននិយាយថាគាត់ចង់ហាត់គុនខ្មែរ ហើយគាត់ក៏ចង់ទៅសិក្សារៀនសូត្រអំពីគុនខ្មែរនៅសៀមរាបផងដែរ។ ក្រោយពេលខ្ញុំបានឮបែបនេះ ខ្ញុំបានប្រាប់គាត់ថា ខ្ញុំនឹងរៀបចំដំណើរទស្សនកិច្ចសិក្សាមួយនេះជូនគាត់ និងបានឧត្ថម្ភជាថវិកាមួយចំនួន និងអាវយឺតគុនខ្មែរមួយ ដើម្បីជាការលើកទឹកចិត្ត ។ ខ្ញុំសង្ឃឹមថាអ្វីដែលខ្ញុំខិតខំធ្វើនេះនឹងអាចលើកតម្កើងគុនខ្មែរទៅដល់កម្រិតមួយទៀតនៅពេលអនាគត។ អរគុណបងប្អូនសម្រាប់គាំទ្រគុនខ្មែរ ក៏ដូចជាគាំទ្រខ្ញុំផងដែរ។ ដោយក្តីគោរព និងស្រលាញ់បំផុត ពីខ្ញុំបាទ ស្រី ចាន់ថន»៕

(ភ្នំពេញ)៖ លោក អ៊ុំ រាត្រី អភិបាលខេត្តបន្ទាយមានជ័យ បានឲ្យដឹងថា ជាមធ្យមក្នុងមួយថ្ងៃ ខេត្តបន្ទាយមានជ័យ រកចំណូលគយជូនជាតិ បានប្រមាណ១លានដុល្លារ ទៅ១លានកន្លះ ពីទំនិញដែលចេញ-ចូល តាមច្រកទ្វារព្រំដែនផ្លូវការ។ ការឲ្យដឹងរបស់លោកអភិបាលខេត្ត ធ្វើឡើងតាមរយៈសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល នៅព្រឹកថ្ងៃទី២៨ ខែមីនា ឆ្នាំ២០២៣នេះ ស្ដីពី «ភាពជោគជ័យរយៈពេល៥ឆ្នាំ របស់រដ្ឋបាលខេត្តបន្ទាយមានជ័យ»។ លោក អ៊ុំ រាត្រី បានថ្លែងយ៉ាងដូច្នេះថា «ខេត្តបន្ទាយមានជ័យ ខែខ្លះចាញ់តែខេត្តព្រះសីហនុនោះ គឺលេខ១តែម្ដងក្នុងការរកចំណូលជូនជាតិ យើងខិតខំកៀរគរដើម្បីទប់ស្កាត់ច្រករបៀងចូលមកច្រកផ្លូវការ រួមគ្នាបង់ពន្ធជូនរដ្ឋ ដែលយើងគិតជាមធ្យម១លានដុល្លារ ទៅ១លានកន្លះ ក្នុងមួយថ្ងៃ»។ តាមរយៈអ្វីដែលខេត្តបន្ទាយមានជ័យសម្រេចបាននេះ លោកអភិបាលខេត្តក៏បានបង្ហាញនូវមោទនភាពផងដែរ ជាពិសេសការរកចំណូលជូនជាតិ ជាមួយសមត្ថកិច្ចគយ និងទប់ស្កាត់ការនាំទំនិញតាមច្រករបៀបដោយខុសច្បាប់ ដែលនាំឲ្យបាត់ចំណូលជូនជាតិ។ បន្ថែមពីការរកចំណូលគយនេះ លោក អ៊ុំ រាត្រី ក៏បានបញ្ជាក់អំពីការប្រមូលចំណូលពន្ធដារផងដែរ ដោយក្នុងមួយឆ្នាំៗ ចំណូលមិនដែលថយនោះទេ។ ជាក់ស្ដែង ក្នុងឆ្នាំ២០២២កន្លងទៅនេះ ចំណូលពន្ធដារក្នុងខេត្ត មានចំនួន២៥ពាន់លានរៀល។ ជាមួយគ្នានេះ លោកក៏បានថ្លែងអំណរគុណដល់អាជីវករ វិនិយោគិន ដែលចូលរួមគោរពច្បាប់ និងបង់ពន្ធ […]

(ភ្នំពេញ)៖ ខេត្តបន្ទាយមានជ័យ គឺជាខេត្តដែលមានភាពល្បីល្បាញលើវិស័យកសិកម្ម និងជាប់ឈ្មោះជាខេត្តជង្រុកស្រូវរបស់កម្ពុជា ហើយក្នុងមូលដ្ឋានខេត្ត មានផ្ទៃដីដាំដុះស្រូវសរុបចំនួន៣០៥,០៣៥ហិកតា។ ក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល នៅព្រឹកថ្ងៃទី២៨ ខែមីនា ឆ្នាំ២០២៣នេះ ស្ដីពី «ភាពជោគជ័យរយៈពេល៥ឆ្នាំ របស់រដ្ឋបាលខេត្តបន្ទាយមានជ័យ» លោក អ៊ុំ រាត្រី អភិបាលខេត្តបន្ទាយមានជ័យ បានឲ្យដឹងថា ក្នុងមួយឆ្នាំខេត្តទទួលបានទិន្នផលស្រូវចន្លោះពី៩សែនតោន ទៅ១លានតោន ក្នុងនោះ ស្រូវវស្សា៧៦៨,៧៩៥តោនក្នុង១ឆ្នាំ ស្រូវប្រាំង២៥១,៣៦៨តោនក្នុង១ឆ្នាំ។ លោក អ៊ុំ រាត្រី បានអះអាងទៀតថា ក្នុងរយៈពេល៥ឆ្នាំនេះ បរិមាណស្រូវសរុបចំនួន ៤,៨១៥,៤៦៣តោន, ពោតក្រហម ចំនួន៣៩១,៦៣០តោន, ដំឡូងមី ១០,២៨២,២១៨តោន អំពៅ៧៤,៨៨១តោន។ ដោយឡែក សម្រាប់ប្រព័ន្ធធារាសាស្រ្តវិញ ដែលបានចុះបញ្ជីសារពើភ័ណ្ឌ (CISIS) សរុបចំនួន៨៧ប្រព័ន្ធ (ខ្នាតតូច ៦ប្រព័ន្ធ ខ្នាតមធ្យម ៧៥ប្រព័ន្ធ និងខ្នាតធំ៦ប្រព័ន្ធ) ស្ថិតនៅរាយប៉ាយតាមបណ្តា ក្រុង ស្រុកទូទាំងខេត្ត ដែលអាចធ្វើការស្រោចស្រពបានលើផ្ទៃដីចំនួន៦៣,២០២ហិកតា ផ្ទៃដីស្រូវវស្សាដែលទទួលបានពីប្រព័ន្ធស្រោចស្រពចំនួន២៧,៩៨៤ហិកតា ផ្ទៃដីស្រូវប្រាំងចំនួន៣៥,២១៨ហិកតា។ លោកអភិបាលខេត្តបានបន្ដថា សម្រាប់ផ្ទៃដីដំណាំឧស្សាហកម្មសរុបមានចំនួន១២២,៧៩២ហិកតា ក្នុងនោះដំឡូងមី១០២,៩៥៥ហិកតា ស្វាយចន្ទី៣,៥៨៩ហិកតា […]

(ភ្នំពេញ)៖ ក្នុងរយៈពេលបច្ចុប្បន្ននេះ និងរហូតដល់ដើមខែឧសភា ឆ្នាំ២០២៣ ប្រជាពលរដ្ឋនៅតាមសង្កាត់មួយចំនួន ជាពិសេសនៅជាយរាជធានីភ្នំពេញ នឹងប្រឈមការខ្វះខាតទឹកប្រើប្រាស់ដោយសារស្ថានីយផលិតទឹក ស្អាតផ្គត់ផ្គង់មិនទាន់តម្រូវការទាំងស្រុងទាំងនៅភ្នំពេញ និងក្រុងតាខ្មៅ ខេត្តកណ្តាល។ ប្រឈមនឹងបញ្ហាជាក់ស្តែងនេះ និងដើម្បីដោះស្រាយបញ្ហានេះជូនប្រជាពលរដ្ឋ, អាជ្ញាធរនៅតាមខណ្ឌ ចាប់ផ្តើមបើកយុទ្ធនាការដឹកទឹកចែកជូនប្រជាពលរដ្ឋ។ រយៈពេលប៉ុន្មានថ្ងៃមកនេះ នៅតាមមូលដ្ឋានមួយចំនួនក្នុងខណ្ឌព្រែកព្នៅ, លោក ធឹម សំអាន អភិបាលខណ្ឌ និងមន្ត្រីក្រោមឱវាទ បានដឹកទឹកស្អាតចែកជូនប្រជាពលរដ្ឋដែលកំពុងខ្វះទឹកប្រើប្រាស់ ស្ថិតនៅក្នុងសង្កាត់គោករកា។ បើតាមលោកអភិបាលខណ្ឌ, មូលហេតុដែលប្រជាពលរដ្ឋខ្វះខាតទឹកស្អាតប្រើប្រាស់នោះ គឺដោយសារតែអង្គភាពរដ្ឋាករស្វយ័តក្រុងភ្នំពេញ កំពុងតបណ្តាញថ្មី សម្រាប់ចែកចាយជូនបងប្អូនពលរដ្ឋ ខណៈកំណើនប្រជាពលរដ្ឋ មករស់នៅច្រើន ស្របរដូវប្រាំងផងដែរ ជាហេតុអាចខ្វះខាតទឹកស្អាតប្រើប្រាស់។ នៅក្នុងឱកាសនោះ លោកអភិបាលខណ្ឌ ក៏បានណែនាំឱ្យមានការដឹកជញ្ជូនទឹកស្អាត ចែកជូនប្រជាពលរដ្ឋ គឺធ្វើឡើងចាប់ពីព្រឹកព្រលឹម រហូតគ្រប់លំនៅឋានប្រជាពលរដ្ឋដែលខ្វះទឹកប្រើប្រាស់។ ដោយឡែកអាជ្ញាធរខណ្ឌពោធិ៍សែនជ័យ, អាជ្ញាធរសង្កាត់ចោមចៅទី៣, សង្កាត់សង្កាត់សំរោងក្រោម និងសង្កាត់ត្រពាំងក្រសាំង ក៏បានសហការជាមួយសាលារាជធានីភ្នំពេញ កំពុងយកចិត្តទុកដាក់ផ្គតផ្គង់ទឹកជូនប្រជាពលរដ្ឋ នៅក្នុងភូមិ និងសហគមន៍មួយចំនួន ដែលកំពុងជួបបញ្ហាដាច់ទឹកនារដូវប្រាំងនេះផងដែរ។ មន្រ្តីសាលាខណ្ឌពោធិ៍សែនជ័យ បានប្រាប់អង្គភាពព័ត៌មាន Fresh News ឲ្យដឹងថា ពេលនេះមានភូមិ និងសហគមន៍មួយចំនួនកំពុងប្រឈមការខ្វះខាតទឹកស្អាតប្រើប្រាស់ប្រចាំថ្ងៃ ដោយបើកអត់ចេញទាំងយប់ […]

(ភ្នំពេញ)៖ ក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា ក្រុមហ៊ុនសាជីវកម្ម ស្ពាន និងថ្នល់ចិន (CRBC) នឹងចាប់ផ្ដើមដំណើរការសិក្សាលើផ្លូវល្បឿនលឿនរាជធានីភ្នំពេញ-ខេត្តសៀមរាប នាពេលឆាប់ៗនេះ និងបានស្នើឱ្យអភិបាលរាជធានីខេត្ត តាមបណ្តាផ្លូវនេះជួយសម្រួលការសិក្សានេះ។ នៅក្នុងសេចក្តីជូនដំណឹងរបស់ក្រសួងសាធារណការ និងដឹកជញ្ជូន ផ្ញើជូនតាមបណ្តារាជធានីខេត្ត ដែលបណ្តាញព័ត៍មាន Fresh News ទទួលបាននៅព្រឹកថ្ងៃទី២៨ ខែមីនា ឆ្នាំ២០២៣នេះ បានឱ្យដឹងទៀតថា ក្រសួងសាធារណការ និងដឹកជញ្ជូន ស្នើសុំលោកអភិបាលរាជធានី ខេត្ត មេត្តាជួយអន្តរាគមន៍សម្របសម្រួលដល់អង្គភាពពាក់ព័ន្ធ និងអាជ្ញាធរមូលដ្ឋានក្នុងដែនសមត្ថកិច្ច ដើម្បីចូលរួមសហការជាមួយក្រុមហ៊ុនសាជីវកម្មស្ពាន និងថ្នល់ចិន ដំណើរការសិក្សាលើគម្រោងផ្លូវល្បឿនលឿនរាជធានីភ្នំពេញ-ខេត្តសៀមរាប បានរលូន៕ ខាងក្រោមនេះជាលិខិតរបស់ក្រសួងសាធារណការ និងដឹកជញ្ជូន៖

(ភ្នំពេញ)៖ លោក សាយ សំអាល់ រដ្ឋមន្រ្តីក្រសួងបរិស្ថាន ទទួលជួបលោក Ueno Atsushi អគ្គរាជទូតជប៉ុនប្រចាំប្រទេសកម្ពុជា និងពិធីចុះហត្ថលេខាផ្តល់ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ (Kusanone) នៅទីស្តីការក្រសួងបរិស្ថាន នៅថ្ងៃចន្ទ ទី២៧ ខែមីនា ឆ្នាំ២០២៣។ តាមរយៈគម្រោង នេះភាគីជប៉ុននឹងផ្តល់ជារថយន្តដឹកសំរាមខ្នាតតូចចំនួន ១០គ្រឿង ដល់ក្រសួងបរិស្ថានដើម្បីចែកជូនរដ្ឋបាលថ្នាក់ក្រោមជាតិក្នុងការគ្រប់គ្រងសំរាម សំណល់រឹងទីប្រជុំជន។ ការចូលរួមរបស់ប្រទេសជប៉ុនលើវិស័យបរិស្ថាន និងចូលរួមអនុវត្ត្តគោលនយោបាយរបស់រាជរដ្ឋាភិបាលលើការគ្រប់គ្រងសំរាម សំណល់រឹង នេះឆ្លុះបញ្ចាំងពីភាពជាដៃគូរក្នុងការអភិវឌ្ឍប្រទេស ដើម្បីធ្វើឱ្យទីក្រុងស្អាត កាត់បន្ថយសំរាម និងសំណល់នានា៕ ផ្តល់សិទិ្ធដោយ៖ Fresh News

(ភ្នំពេញ)៖ រាជរដ្ឋាភិបាលកម្ពុជា បានព្យាករណ៍ថា តម្រូវការថាមពលអគ្គិសនីនៅកម្ពុជា នឹងកើនឡើងដល់២៤ពាន់លានគីឡូវ៉ាត់ម៉ោង នៅឆ្នាំ២០២៥, ដល់ ៣៦ពាន់លានគីឡូវ៉ាត់ម៉ោងនៅឆ្នាំ២០៣០, ដល់៥០ពាន់លានគីឡូវ៉ាត់ម៉ោង នៅឆ្នាំ២០៣៥ និង៦៦ពាន់លាន​គីឡូវ៉ាត់ម៉ោងនៅឆ្នាំ២០៤០។ នេះបើយោងតាមផែនការ សម្រាប់អភិវឌ្ឍវិស័យថាមពលអគ្គិសនី ​របស់រាជរដ្ឋាភិបាល ដែលរៀបចំដោយក្រសួងរ៉ែ និងថាមពល។ សមត្ថភាពប្រភពអគ្គិសនីបច្ចុប្បន្ន អានុភាពសរុបនៃប្រភពអគ្គិសនី ដែលបានអភិវឌ្ឍកើនឡើងពី ៣,៩៩០មេហ្គាវ៉ាត់ នៅចុងឆ្នាំ២០២១ ដល់ ៤,៤៩៥មេហ្គាវ៉ាត់ នៅចុងឆ្នាំ២០២២ ឯបរិមាណថាមពល ដែលបានប្រើប្រាស់ចេញពីប្រភពអគ្គិសនី បានកើនឡើងពី ១៣,០៩៧លានគីឡូវ៉ាត់ម៉ោង នៅឆ្នាំ២០២១ មក ១៥,៤៥៥លានគីឡូវ៉ាត់ម៉ោង នៅឆ្នាំ២០២២។ ក្រសួងរ៉ែ និងថាមពលបានឱ្យដឹងថា ផែនការមេនេះបានធ្វើការសិក្សា​ និងព្យាករណ៍កំណើននៃតម្រូវការអគ្គិសនីរបស់កម្ពុជាពីឆ្នាំ២០២១ រហូតដល់ឆ្នាំ២០៤០ ដោយយកលំនាំកំណើនតម្រូវការអគ្គិសនី ទៅតាមការអភិវឌ្ឍន៍នៃប្រទេសជិតខាង រួមមានប្រទេសថៃ និងវៀតណាម បន្ទាប់មកធ្វើការគណនា និងវិភាគអំពីសង្គតិភាពនៃការព្យាករណ៍​ជាមួយនឹងកំណើនផលិតផលសរុប ក្នុងស្រុករបស់កម្ពុជាតាមវិស័យ។ តាមរយៈផែនការមេសម្រាប់អភិវឌ្ឍវិស័យថាមពលអគ្គិសនីនេះ ក្រសួងរ៉ែ និងថាមពល បានបញ្ជាក់ថា ក្នុងរយៈពេលមួយទស្សវត្សរ៍កន្លងមក តម្រូវការអគ្គិសនីបានកើនឡើង ក្នុងអត្រាដ៏ខ្ពស់គួរឱ្យកត់សម្គាល់ ដោយបានកើនឡើងពី ៥០៨មេហ្កាវ៉ាត់នៅឆ្នាំ២០១២ ដល់ ២០២៦មេហ្កាវ៉ាត់នៅឆ្នាំ២០២១ […]

(ភ្នំពេញ)៖ រដ្ឋាភិបាលចិន នៅថ្ងៃទី២៧ ខែមីនា ឆ្នាំ២០២៣នេះ បានផ្តល់ជំនួយរថយន្តសង្គ្រោះបន្ទាន់ ១៦គ្រឿង និងសម្ភារបរិក្ខារពេទ្យជូនប្រជាជន និងរាជរដ្ឋាភិបាលកម្ពុជា។ ពិធីប្រគល់ និងទទួលនេះ បានប្រព្រឹត្ដទៅនៅទីស្ដីការក្រសួងសុខាភិបាល ក្រោមអធិបតីភាព លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល រួមជាមួយ លោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា។ រដ្ឋមន្ត្រីក្រសួងសុខាភិបាល បានគូសបញ្ជាក់ថា ស្ថិតក្រោមការប្តេជ្ញាចិត្តដ៏មុតមាំរបស់មេដឹកនាំ កំពូលប្រទេសទាំងពីរ ជាពិសេសរវាង សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោក ស៊ី ជីនពីង ប្រធានាធិបតីនៃសាធារណរដ្ឋប្រជាមានិតចិន ចំណងមិត្តភាព និងកិច្ចសហប្រតិបត្តិការ រវាងប្រជាជន និងប្រទេសទាំងពីរ ត្រូវបានបង្កើនឡើងជាលំដាប់ និងឈានដល់កម្រិតកំពូល គឺ «កិច្ចសហប្រតិបត្តិការ ក្នុងភាពជាដៃគូយុទ្ធសាស្រ្តគ្រប់ជ្រុងជ្រោយ» និងកំពុងតែអនុវត្ត «ផែនការកសាងសហគមន៍វាសនារួម កម្ពុជា-ចិន» គម្រោងជំនួយឥតសំណងជាច្រើន មន្ទីរពេទ្យមិត្តភាពកម្ពុជា-ចិន ព្រះកុសុមៈ មន្ទីរពេទ្យមិត្តភាពកម្ពុជា-ចិន ខេត្តត្បូងឃ្មុំ ការផ្តល់រថយន្តសង្រ្គោះបន្ទាន់ចំនួន ២០០គ្រឿង ការផ្តល់គ្លីនិកចល័តចំនួន […]

(បរទេស)៖ ភាពយន្តបែបវាយប្រហារ «John Wick: Chapter 4» ត្រូវបានគេដឹងថា បានសម្ពោធចាក់បញ្ចាំងជាផ្លូវការ នៅថ្ងៃទី២៣ ខែមីនាថ្មីៗនេះ ហើយគិតត្រឹមថ្ងៃអាទិត្យកន្លងទៅនេះ រកចំណូលបានរហូតដល់ ១៣៧.៥លានដុលា្លរជុំវិញពិភពលោក ពោលគឺចំណូលនេះរកបាន ត្រឹមរយៈពេលប៉ុន្មានថ្ងៃប៉ុណ្ណោះ មិនទាន់គ្រប់មួយសប្តាហ៍ផង។ នេះបើតាមការចេញផ្សាយ របស់សារព័ត៌មាន CNA នៅថ្ងៃទី២៧ ខែមីនា ឆ្នាំ២០២៣។ ខ្សែភាពយន្ត «John Wick: Chapter 4» រកចំណូលបានចំនូន ៧៣.៥លានដុល្លារ នៅអាមេរិកខាងជើង និង៦៤លានដុល្លារ ពីបណ្តាប្រទេសនានា ដែលធ្វើឲ្យចំណូលសរុបទូទាំងពិភពលោករកបាន ១៣៧.៥លានដុល្លារ។ ភាពយន្តបែបបាញ់ប្រហារ «John Wick» វគ្គ៤ គឺមានរយៈពេល ២ម៉ោង ៤៩នាទី ហើយចំណាយប្រាក់ក្នុងការផលិត យ៉ាងតិច១០០លានដុល្លារ។ ក្នុងវគ្គទីបួននេះ តួអង្គ Wick បានរកឃើញវិធីក្នុងការកម្ចាត់បក្សដែលគ្រប់គ្រងបណ្ដាញឃាតករ និងឧក្រិដ្ឋជននៅជុំវិញពិភពលោក ដើម្បីអាចទទួលបានសេរីភាពមកវិញ។ យ៉ាងណាក្ដីតួអង្គ Wick (វីក) ត្រូវកម្ចាត់សត្រូវដ៏មានអំណាចម្នាក់ជាមុនសិន ដែលសត្រូវម្នាក់នេះធ្លាប់ជាមិត្តចាស់របស់ខ្លួន គឺសម្តែងដោយកំពូលតារាហុងកុងកុំកុំ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើសុំលោក ដាតុ ស៊េរី អាន់វ៉ា ប៊ីន អ៉ីប្រាហ៉ីម នាយករដ្ឋមន្រ្តីម៉ាឡេស៉ី ឱ្យបន្តអនុវត្តនូវយន្តការដែលមានស្រាប់ ដើម្បីលើកកម្ពស់ការការពារសិទ្ធិពលករខ្មែរ ដែលកំពុងធ្វើការនៅប្រទេសម៉ាឡេស៊ី។ ការស្នើបែបនេះ របស់សម្តេចតេជោ ហ៊ុន សែន បានធ្វើឡើក្នុងឱកាសសម្តេច និងលោកដាតុ ស៊េរី អាន់វ៉ា ប៊ីន អ៉ីប្រាហ៉ីម ធ្វើសន្និសីទសារព័ត៌មានរួម បង្ហាញលទ្ធផលជំនួបទ្វេភាគី នៅវិមានសន្តិភាព នៅថ្ងៃទី២៧ ខែមីនា ឆ្នាំ២០២៣នេះ នាវិមានសន្តិភាព។ សម្តេចតេជោ ហ៊ុន សែន បានស្នើសុំយ៉ាងដូច្នេះថា៖ «ការងារផ្ទះ ខ្ញុំក៏បានបន្តអនុវត្តនូវយន្តការដែលមានស្រាប់ ដើម្បីលើកកម្ពស់ការការពារសិទ្ធិពលករកម្ពុជា ដែលធ្វើការនៅប្រទេសម៉ាឡេស៉ី»។ ទន្ទឹមនឹងនេះដែរ មានឯកសារចំនួន២ ត្រូវបានចុះហត្ថលេខា ក្រោយជំនួបពិភាក្សាទ្វេភាគីរវាង សម្តេចតេជោ ហ៊ុន សែន និងលោក ដាតុ ស៊េរី អាន់វ៉ា ប៊ីន អ៉ីប្រាហ៉ីម ដែលមកបំពេញទស្សនកិច្ចនៅកម្ពុជា។ ឯកសារទាំងពីរនោះ […]