(ភ្នំពេញ)៖ យោងតាមលទ្ធផល នៃកិច្ចប្រជុំពិគ្រោះយោបល់ គោលនយោបាយលើកទី៦ (The 6th Policy Dialogue) ដែលបានប្រព្រឹត្តទៅ នៅថ្ងៃទី២៩ ខែមីនា ឆ្នាំ២០២៣ នៅទីក្រុងប៉ារីស ប្រទេសបារាំង ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា ភាគីបារាំង តាមរយៈទីភ្នាក់ងារអភិវឌ្ឍន៍បារាំង (AFD) នឹងបង្កើនទំហំហិរញ្ញប្បទាន សហប្រតិបត្តិការទេ្វដងដល់កម្ពុជា ពី១០០ លានអឺរ៉ូ ទៅ២០០លានអឺរ៉ូ ក្នុងមួយឆ្នាំ។ គួរបញ្ជាក់ដែរថា កិច្ចប្រជុំពិគ្រោះយោបល់ គោលនយោបាយលើកទី៦នេះ, ខាងភាគីកម្ពុជាដឹកនាំដោយលោក វង្សី វិស្សុត រដ្ឋមន្រ្តីប្រតិភូ អមនាយករដ្ឋមន្រ្តី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ តំណាងលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួង សេដ្ឋកិច្ច និង ហិរញ្ញវត្ថុ ជាមួយនឹង សមភាគីបារាំង ដឹកនាំដោយលោកស្រី Marie-Helene LOISON អនុប្រធានប្រតិបត្តិរបស់ AFD ព្រមទាំងតំណាង ក្រសួង/ស្ថាប័ន និងមន្ត្រីពាក់ព័ន្ធ […]

ក្រសួងវប្បធម៌និងវិចិត្រសិល្បៈ នៅថ្ងៃទី២៩ ខែមីនា ជូនដំណឹងស្តីពីការប្រគល់សិទ្ធិជូនលោកស្រី គាត គឹមលន ដើម្បីគ្រប់គ្រងលើស្នាដៃតូរ្យតន្ត្រីចំនួន៤បទ ដែលជាស្នាដៃនិពន្ធបទភ្លេងនិងទំនុកច្រៀងដោយលោក គង្គ ប៊ុនឈឿន។ ក្រសួងបានឱ្យដឹងថា ក្នុងពេលកន្លងមកនេះ ក្រសួងបានទទួលសំណើពីលោកស្រី គាត គឹមលន សុំសិទ្ធិគ្រប់គ្រងលើស្នាដៃតូរ្យតន្ត្រីគ្មានអ្នកទទួល មរតកឬគ្មានមរតកសាសន៍ នូវបទចម្រៀងដែលជាស្នាដៃនិពន្ធរបស់ លោក គង្គ ប៊ុនឈឿន ជាស្វាមី។ ឆ្លងតាមការសិក្សាស្រាវជ្រាវក្រសួងបានពិនិត្យឃើញថាបទចម្រៀងចំនួន០៤(បួន)បទ (ដូចមានភា្ជប់ជូននូវបញ្ជី ចំណងជើងបទចម្រៀងក្នុងឧបសម្ព័ន្ធ) ដែលមានចំណងជើងដូចជា៖ ១.ស្ពានកំពង់លួង ២.ម្លប់ស្នេហ៍ដើមសឡៅ ៣.សែនឈឺចិត្ត ៤.ប្រពន្ធខាំញេច ជាស្នាដៃនិពន្ធបទភ្លេងនិងទំនុកច្រៀងដោយលោក គង្គ ប៊ុនឈឿន នឹងប្រគល់ សិទ្ធិជូនលោកស្រី គាត គឹមលន ដើម្បីគ្រប់គ្រងលើស្នាដៃតូរ្យតន្ត្រីទាំងនេះតាមសំណើ។ អាស្រ័យដូចបានជម្រាបជូនខាងលើ ក្រសួងសូមប្រកាសជូនដំណឹងថា រាល់ភាគីពាក់ព័ន្ធទាំងអស់ ដែលមានបំណងចង់ប្តឹងជំទាស់នឹងការស្នើសុំសិទ្ធិគ្រប់គ្រងនូវបទចម្រៀងខាងលើ អាចដាក់ពាក្យបណ្តឹងមក នាយកដ្ឋានសិទ្ធិអ្នកនិពន្ធនិងសិទ្ធិប្រហាក់ប្រហែលនៃក្រសួងវប្បធម៌និងវិចិត្រសិល្បៈ ដែលមានអាសយដ្ឋាន អាគារលេខ២២៧ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ និងទំនាក់ទំនង តាមលេខទូរសព្ទ ០២៣ ២១៨ ១៤៨ […]

(ភ្នំពេញ)៖ ក្រុមហ៊ុនផ្សារមូលបត្រកម្ពុជា (CSX) នៅថ្ងៃទី២៩ ខែមីនា ឆ្នាំ២០២៣ បានចេញសេចក្តីជូនដំណឹង ស្តីពីការ លើពាក្យស្នើសុំពិនិត្យលទ្ធភាព អាចចុះបញ្ជីលក់មូលបត្រកម្មសិទ្ធិ (ភាគហ៊ុន) របស់ក្រុមហ៊ុន CamGSM PLC ដែលគេស្គាល់ថា ជាក្រុមហ៊ុនទូរគមនាគមន៍ Cellcard របស់អ្នកឧកញ៉ា គិត ម៉េង ដែលជាក្រុមហ៊ុនរបស់ខ្មែរ។ ផ្សារមូលបត្រកម្ពុជាបញ្ជាក់ថា ខ្លួនបានសម្រេច ឯកភាពជាគោលការណ៍លើពាក្យស្នើសុំពិនិត្យលទ្ធភាព អាចចុះបញ្ជីលក់មូលបត្រកម្មសិទ្ធិ នៅទីផ្សារគោលរបស់ក្រុមហ៊ុន ខេម ជ្ជីអេសអេម ម.ក នៅថ្ងៃទី២៩ ខែមីនា ឆ្នាំ២០២៣។ ដើម្បីអាចចុះបញ្ជី និងជួញដូរជាផ្លូវការនៅ ផ្សារមូលបត្រកម្ពុជាបាន ក្រុមហ៊ុន Cellcard ត្រូវតែទទួលបានការអនុញ្ញាតឲ្យបោះផ្សាយលក់មូលបត្រកម្មសិទ្ធិ ជាសាធារណៈនិយ័តករមូលបត្រកម្ពុជា និងត្រូវបំពេញនូវលក្ខខណ្ឌផ្សេងៗមួយចំនួនទៀត ពាក់ព័ន្ធនឹងការចុះបញ្ជីនៅ ផ្សារមូលបត្រកម្ពុជា។ សូមបញ្ជាក់ថា ក្រុមហ៊ុន Cellcard ជាក្រុមហ៊ុនទីពីរ ដែលទទួលបានការឯកភាពជាគោលការណ៍លើពាក្យស្នើសុំពិនិត្យលទ្ធភាព អាចចុះបញ្ជីលក់មូលបត្រកម្មសិទ្ធិនៅផ្សារមូលបត្រកម្ពុជា ក្នុងឆ្នាំ២០២៣នេះ ហើយក៏ជាក្រុមហ៊ុនទីប្រាំបួន ដែលគ្រោងនឹងចុះបញ្ជីនៅទីផ្សារគោលរបស់ ផ្សារមូលបត្រកម្ពុជាផងដែរ។ គួរកត់សម្គាល់ផងដែរថា ក្រុមហ៊ុន Cellcard […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា យុវជនសម័យនេះមានឱកាសច្រើន បើធៀបនឹងយុវជនសម័យមុន ដោយយុវជនសម័យមុនបាត់បង់ឱកាស ហើយត្រូវស្លាប់ របួស និងពិការថែមទៀតផង ដោយសារសង្គ្រាម។ ថ្លែងពេលអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ នាព្រឹកថ្ងៃទី៣០ ខែមីនា ឆ្នាំ២០២៣ សម្តេចតេជោ ហ៊ុន សែន បានបន្តថា នៅសម័យសង្គ្រាម ជំនាញដែលត្រូវបានបណ្តុះបណ្តាលនាពេលនោះ គឺការប្រយុទ្ធគ្នា។ សង្គ្រាមនេះ ធ្វើឲ្យយុវជនមិនចង់ចូលធ្វើទាហាន ដូចសម័យសន្តិភាពនោះទេ។ សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ទាក់ទងការបណ្តុះបណ្តាលនៅទីនេះ យើងសង្កេតឃើញថា ឱកាសយុវជនយើងគឺពិតជាមានច្រើនខ្លាំងណាស់ ម្ខាងគឺឱកាសនៃបរិយាកាសរួម សម្រាប់ប្រទេសដែលប្រៀបធៀបគ្នារវាងយុវជនសម័យសង្គ្រាម និងយុវជនសម័យសន្តិភាព។ យុវជនសម័យសង្គ្រាម ពួកគេបាត់បង់ឱកាស មិនត្រឹមតែបាត់បង់ឱកាសទេ ពួកគេបាត់បង់ជីវិត ហើយត្រូវរបួសពិការទៀតផង។ គេមិនអាចទទួលបានការបណ្តុះបណ្តាលក្រៅពីជំនាញវាយគ្នាទេ […] ។ ក្រោយមកយើងអត់មានបណ្តុះបណ្តាលវិធីសាស្ត្រសម្រាប់កម្ទេចគ្នាទេ»។ បើតាមការថ្លែងរបស់សម្តេចតេជោ ហ៊ុន សែន នៅសម័យសង្គ្រាម ការហ្វឹកហាត់ដើម្បីប្រយុទ្ធ និងកម្ទេចគ្នា ប៉ុន្តែការហ្វឹកហាត់នាពេលបច្ចុប្បន្ន […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣០ ខែមីនា ឆ្នាំ២០២៣នេះ បានថ្លែងលើកឡើងពីការព្រមាននៃការធ្លាក់ចុះ សេដ្ឋកិច្ចសកល ដោយស្ថាប័នហិរញ្ញវត្ថុអន្តរជាតិធំៗ ដូចជា មូលនិធិរូបិយវត្ថុពិភពលោក និងធនាគារពិភពលោក ជាដើម។ ទោះបីមានការព្រមាន ពីហានិភ័យនៃការធ្លាក់ចុះសេដ្ឋកិច្ចសកលក្តី សម្តេចតេជោ ហ៊ុន សែន បានបន្តអំពាវនាវដល់បងប្អូនប្រជាពលរដ្ឋ មិនគួរឡើងភ័យស្លន់ស្លោជ្រុល ហើយនាំគ្នាទៅដកលុយចេញពីធនាគារនោះទេ។ សម្តេចតេជោ ហ៊ុន សែន រំពឹងថាប្រទេសមានសេដ្ឋកិច្ចធំៗ នៅក្នុងពិភពលោកនឹងរកបានវិធីសាស្ត្រគ្រប់គ្រងសេដ្ឋកិច្ច ដើម្បីកុំឲ្យធ្លាក់បន្ថែមទៀត។ សម្តេចបន្ថែមទៀតថា ការធ្លាក់ចុះនៃសេដ្ឋកិច្ចដោយសារវិបត្តិនៃជំងកូវីដ១៩ គឺជារឿងមួយ ប៉ុន្តែការដាក់ទណ្ឌកម្មជាឯកតោភាគី បូកជាមួយបញ្ហាសង្គ្រាម ដែលចាប់ផ្តើមរវាងរុស្ស៉ី និងអ៊ុយក្រែន បានបង្កើតនូវស្ថានភាពដ៏អាក្រក់សម្រាប់សេដ្ឋកិច្ចសកល។ ការលើកឡើងរបស់សម្តេចតេជោ ហ៊ុន សែន ធ្វើឡើងក្នុងឱកាសរអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នាព្រឹកថ្ងៃទី៣០ ខែមីនា ឆ្នាំ២០២៣។ សម្តេចតេជោនាយករដ្ឋមន្ត្រីបានថ្លែងយ៉ាងដូច្នេះថា «ឥឡូវនេះ បញ្ហាសេដ្ឋកិច្ចកំពុងតែប្រកាសអាសន្ន យើងខ្ញុំគិតថាការប្រកាសអាសន្ននេះ យើងក៏មិនគួរភ័យជ្រុល រហូតដល់នាំគ្នាទៅដកលុយចេញពីធនាគារទេ។ IMF [មូលនិធិរូបិយវត្ថុពិភពលោក] […]

(វ៉ាស៊ីនតោន)៖ សេតវិមាន នៅថ្ងៃពុធសប្ដាហ៍នេះ (ម៉ោងនៅវ៉ាស៊ីនតោន) បានជំរុញឱ្យចិនកុំបញ្ចេញប្រតិកម្មជ្រុលហួសហេតុ ឬប្រើប្រាស់ការឈប់សំចតជាធម្មតារបស់មេដឹកនាំតៃវ៉ាន់ នៅលើទឹកដីអាមេរិក ជាលេសបង្កើនការដាក់សម្ពាធលើតៃវ៉ាន់។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៣០ ខែមីនា ឆ្នាំ២០២៣។ ថ្លែងប្រាប់អ្នកសារព័ត៌មាន អ្នកនាំពាក្យសន្តិសុខជាតិសេតវិមាន លោក John Kirby បានលើកឡើងថាដំណើរទស្សនកិច្ចឈប់សំចតរបស់មេដឹកនាំតៃវ៉ាន់ លោកស្រី សៃ អ៉ីងវិន គ្រាន់តែជា ដំណើរឆ្លងកាត់ធម្មតាមួយតែប៉ុណ្ណោះ។ អ្នកនាំពាក្យរូបនេះបានគូសបញ្ជាក់ដូច្នេះថា «សាធារណរដ្ឋប្រជាមានិតចិន មិនគួរប្រើប្រាស់ការឈប់សំចតនេះជាលេសដើម្បីបង្កើនសកម្មភាព ណាមួយនៅជុំវិញតំបន់ច្រកសមុទ្រតៃវ៉ាន់នោះទេ…យើងដឹងច្បាស់ថាទំនាក់ទំនងរវាងចិន និងសហរដ្ឋអាមេរិកកំពុងតានតឹង ប៉ុន្តែយើងនៅតែជំរុញឱ្យទីក្រុងប៉េកាំងបន្តបើកចំហបណ្ដាញ ទំនាក់ទំនង»។ គួរបញ្ជាក់ថា ក្នុងដំណើរផ្លូវឆ្ពោះទៅកាន់ប្រទេសក្វាតេម៉ាឡា និងបេលី ក្នុងតំបន់អាមេរិកកណ្ដាល ដោយចាប់ផ្ដើមកាលពីថ្ងៃពុធសប្ដាហ៍នេះ លោកស្រី សៃ អ៉ីងវិន មានគម្រោងឈប់សំចត នៅក្នុងទីក្រុងញូវយ៉ក និងទីក្រុង ឡូស អាន់ជែលឡែស ហើយគ្រោងត្រឡប់ទៅកាន់ទីក្រុងតៃប៉ិ វិញនៅថ្ងៃទី៧ ខែមេសា។ នៅឯទីក្រុង ឡូស អាន់ជែលឡែស លោកស្រី សៃ ត្រូវបានគេរំពឹង ថានឹងជួបជាមួយប្រធានសភាតំណាងរាស្ត្រអាមេរិក […]

(ភ្នំពេញ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានប្រកាសថា ដើម្បីជំរុញលើជំនាញបច្ចេកវិទ្យាឌីជីថល ឲ្យកាន់តែទូលំទូលាយដល់សិស្សានុសិស្ស, ក្រសួងនឹងដាក់បញ្ជូលថវិកា ២០លានដុល្លារ បូកបន្ថែម ៣លានដុល្លារក្នុងមួយឆ្នាំ ដើម្បីជំរុញការសិក្សាបច្ចេកវិទ្យាឌីជីថល។ ការលើកឡើងរបស់លោក ជា វ៉ាន់ដេត ធ្វើឡើងក្នុងកម្មវិធីក្នុងពិធីបិទទិវាជាតិ «វិទ្យាសាស្ត្រ បច្ចេកវិទ្យា និងនវានុវត្តន៍» នាល្ងាចថ្ងៃ២៩ ខែមីនា ឆ្នាំ២០២៣ នៅសណ្ឋាគារភ្នំពេញ។ លោក ជា វ៉ាន់ដេត បានថ្លែងថា វិស័យបច្ចេកវិទ្យាឌីជីថលពិតជាសំខាន់ ហើយឆាប់ៗនេះសាកលវិទ្យាល័យទាំងអស់ នឹងមានប្រព័ន្ធគ្រប់គ្រងតាមបែបឌីជីថល ដែលមានទិន្នន័យមួយផ្ដល់ជូនដល់ក្រសួងអប់រំ ងាយដឹង និងគ្រប់គ្រងព័ត៌មានបានល្អ។ លោកបានបន្ដថា វិស័យបច្ចេកវិទ្យាឌីជីថល នៅក្នុងប្រទេសវៀតណាម មានអ្នកបញ្ចប់ការសិក្សារហូតដល់ ១៥ម៉ឺននាក់ក្នុងមួយឆ្នាំ ប៉ុន្ដែកម្ពុជាយើងវិញមានអ្នកបញ្ចប់ការសិក្សាត្រឹមតែជាង ១ពាន់នាក់ នេះជាតួលេខមិនជាក់លាក់ ដែលអាចក្រោមនេះ ឬ លើសនេះតិចតួចតែប៉ុណ្ណោះ។ លោកបានបញ្ជាក់ថា «កត្តាទាំងនេះហើយទើប ធ្វើឲ្យក្រសួងខិតខំផ្ដល់អាហាររូបករណ៍ ផ្នែកបច្ចេកវិទ្យាឌីជីថល រហូតជាង១ពាន់នាក់ដល់និស្សិត ហើយបន្ថែមពីនេះ ក្រសួងបានរៀបចំកម្មវិធីមួយ ដែលតម្រូវឲ្យសិស្សអាចមកទទួលថវិកាយកទៅសិក្សាសាលា ឬសាកលវិទ្យាល័យណាក៏ដោយ […]

(ភ្នំពេញ)៖ កម្ពុជានិងអូស្ត្រាលីបានប្ដេជ្ញាជំរុញកិច្ចសហប្រតិបត្តិការលើវិស័យទេសចរណ៍ឱ្យបានល្អប្រសើរឡើងវិញ ព្រមទាំងជំរុញឱ្យមានការហោះហើរត្រង់ជាមួយគ្នា ខណៈស្ថានភាពភ្ញៀវទេសចរអូស្ត្រាលីមកកាន់កម្ពុជាក៏បង្ហាញនូវសញ្ញាល្អប្រសើរឡើងវិញផងដែរ បន្ទាប់ពីវិបត្តិជំងឺកូវីដ១៩។ ការឯកភាពនេះត្រូវបានធ្វើឡើងក្នុងជំនួបពិភាក្សាការងាររវាងលោក ថោង ខុន រដ្ឋមន្ត្រីក្រសួងទេសចរណ៍ និងលោក Justin Kevin Whyatt ឯកអគ្គរដ្ឋទូតអូស្ត្រាលីថ្មីប្រចាំកម្ពុជា នៅទីស្ដីក្រសួងទេសចរណ៍ នារសៀលថ្ងៃទី២៩ ខែមីនា ឆ្នាំ២០២៣។ លោករដ្ឋមន្ត្រី ថោង ខុន បានរំលឹកដល់ភាគីអូស្ត្រាលីពីគម្រោងកាត់បន្ថយភាពក្រីក្រតាមរយៈការអភិវឌ្ឍសហគមន៍ ក្នុងនោះសាកលវិទ្យាល័យ Sunshine Coast បានជួយឱ្យកម្ពុជាជាប្រទេសមួយនាំមុខក្នុងការអភិវឌ្ឍគម្រោងរៀបចំស្ដង់ដាសហគមន៍ទេសចរណ៍អាស៊ាន ដោយបានផ្ដល់ជាជំនួយបច្ចេកទេស។ លោករដ្ឋមន្ត្រីក៏បានជម្រាបជូនភាគីអូស្ត្រាលីថា កាលពីឆ្នាំ២០០៧-២០១១ អង្គការទេសចរណ៍ពិភពលោកធ្លាប់បានជួយដល់គម្រោងអភិរក្ស និងអភិវឌ្ឍន៍សត្វផ្សោតទន្លេមេគង្គ តាមរយៈការបង្កើតសហគមន៍ទេសចរណ៍នៅតំបន់នោះ ក្នុងគោលដៅផ្លាស់ប្តូរមុខរបរអ្នកនេសាទឱ្យងាកមករកការផ្តល់សេវាទេសចរណ៍ ជំនួសមុខរបរនេសាទនៅតំបន់សត្វផ្សោត។ ដូច្នេះលោករដ្ឋមន្ត្រីបានស្នើភាគីអូស្ត្រាលីជួយពិចារណាផ្តល់គម្រោងដូចនេះនៅតំបន់សត្វផ្សោតទន្លេមេគង្គផងដែរ ព្រោះសត្វផ្សោតគឺជាផលិតផលទេសចរណ៍ដ៏ទាក់ទាញមួយយ៉ាងសំខាន់នៅតំបន់នោះ «គ្មានសត្វផ្សោត គឺគ្មានទេសចរ»។ ព្រមជាមួយនោះ លោករដ្ឋមន្ត្រីក៏បានស្នើភាគីអូស្ត្រាលីអូស្ត្រាលីជួយសិក្សាក្នុងការផ្ដល់នូវជំនួយនានាសម្រាប់អភិវឌ្ឍន៍សហគមន៍ទេសចរណ៍ និងតំបន់អេកូទេសចរណ៍ដែលមានសក្តានុពលនៅកម្ពុជា ព្រោះរាជរដ្ឋភិបាលកម្ពុជាក៏បានបង្កើតឱ្យមានគណៈកម្មាធិការជាតិមួយដើម្បីអភិវឌ្ឍន៍សហគមន៍ទេសចរណ៍ និងអេកូទេសចរណ៍ផងដែរ។ លើការងារផ្សព្វផ្សាយ លោករដ្ឋមន្ត្រីបានបន្តស្នើអូស្ត្រាលីជួយផ្សព្វផ្សាយពីព្រឹត្តិការណ៍អង្គរសង្ក្រាន និងស៉ីហ្គេម អាស៊ានប៉ារ៉ាហ្គេម ដែលនឹងធ្វើឡើងនៅកម្ពុជានាពេលខាងមុខក្នុងឆ្នាំនេះ ដែលជាឆ្នាំទស្សនាកម្ពុជា ពិសេសគឺនៅក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខ នឹងមានការប្រកួតកីឡាប្រពៃណី រួមចំណែកដល់ការផ្សព្វផ្សាយស៉ីហ្គេមផងដែរ។ លោកក៏បានស្នើភាគីអូស្ត្រាលីបន្តពង្រឹងធនធានមនុស្សក្នុងវិស័យទេសចរណ៍ ដើម្បីពង្រឹងការគ្រប់គ្រង ដឹកនាំ […]

(ភ្នំពេញ)៖ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានតម្រង់ទិសឲ្យក្រុមគ្រូពេទ្យប្រកាន់ភ្ជាប់ក្រមសីលធម៌ វិជ្ជាជីវៈ ដើម្បីធ្វើយ៉ាងណាឲ្យប្រជាពលរដ្ឋពេញចិត្ត ពេញថ្លើម និងសេវាកម្មរបស់វិស័យសុខាភិបាលរបស់យើង។ ការណែនាំឲ្យមានការតម្រង់ទិសបែបនេះ បានធ្វើឡើងនៅព្រឹកថ្ងៃទី២៩ ខែមីនា ឆ្នាំ២០២៣ ក្នុងពិធីបិទសន្និបាតបូកសរុបលទ្ធផលការងារសុខាភិបាលឆ្នាំ២០២២ និងលើកទិសដៅការងារឆ្នាំ២០២៣ របស់មន្ទីរសុខាភិបាល នៃរដ្ឋបាលរាជធានីភ្នំពេញ ក្រោមវត្តមានលោកសាស្ត្រាចារ្យ ម៉ម ប៊ុនហេង និងលោក ឃួង ស្រេង អភិបាលរាជធានីភ្នំពេញ នៅសាលារាជធានីភ្នំពេញ។ លោកសាស្ត្រាចារ្យ ម៉ម ប៊ុនហេង បានលើកឡើងថា ក្រោមការដឹកនាំរបស់សម្ដេចតេជោ ហ៊ុន សែន បានយកចិត្តទុកដាក់ខ្លាំង លើវិស័យសុខាភិបាល ពិសេសសុខមាលភាពប្រជាពលរដ្ឋ។ នៅឆ្នាំ២០៣០ ខាងមុខ រាជរដ្ឋាភិបាលបានកំណត់គោលដៅ តម្រង់ទិស រយៈពេលមធ្យម និងរយៈពេលវែង ក្នុងគ្រប់គ្រងធនធានមនុស្ស ស្ថេរភាពនយោបាយ ដើម្បីអភិវឌ្ឍន៍ប្រទេសកម្ពុជា ឲ្យមានការអភិវឌ្ឍរីកចម្រើន។ លោកបន្តថា សម្ដេចតេជោ ហ៊ុន សែន បានសម្រេចចិត្តយ៉ាងត្រឹមត្រូវ ក្នុងការដាក់ចេញនូវវិធានការឆ្លើយតប ពិសេសយុទ្ធសាស្ត្រ បង្ការ ទប់ស្កាត់ជំងឺកូវីដ-១៩ […]

(កំពង់ស្ពឺ)៖ លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា នៅព្រឹកថ្ងៃទី២៩ ខែមីនា ឆ្នាំ២០២៣នេះ បានអញ្ជើញចូលរួមជាអធិបតី ក្នុងពិធីសម្ពោធជាផ្លូវការរោងចក្រដំឡើងរថយន្ត ISUZU របស់ក្រុមហ៊ុន ខេ (ខេមបូឌា) ដែលមានទីតាំងស្ថិតនៅតាមបណ្តោយផ្លូវជាតិលេខ៤ ភូមិសង្គ្រោះជាតិ ឃុំត្រពាំងគង ស្រុកគងពិសី ខេត្តកំពង់ស្ពឺ។ ថ្លែងក្នុងឱកាសនោះ លោករដ្ឋមន្ត្រីបានថ្លែងអំណរគុណដល់ក្រុមហ៊ុន ដែលបានសម្រេចចិត្តបណ្តាក់ទុនវិនិយោគលើរោងចក្រដំឡើងរថយន្តនេះឡើង ដែលបង្ហាញពី ជំនឿទុកចិត្តរបស់ក្រុមហ៊ុនលើរាជរដ្ឋាភិបាល ក្នុងការថែរក្សាសុខសន្តិភាព និងស្ថិរភាពនយោបាយ និងម៉ាក្រូសេដ្ឋកិច្ច។ លោកបានលើកឡើងថា រោងចក្រដំឡើងរថយន្តនេះ គឺជាឧទាហរណ៍មួយឆ្លុះបញ្ចាំងពីចក្ខុ វិស័យរបស់រាជរដ្ឋាភិបាល ដែលបានសម្រេចឱ្យមានការធ្វើការសិក្សាអំពីរបៀងកំណើនសេដ្ឋកិច្ច រាជធានីភ្នំពេញ-ខេត្តព្រះសីហនុ កាលពីប្រមាណ២០ឆ្នាំមុន ដោយក្រសួងពាណិជ្ជកម្ម និងអង្គការ JICA របស់ជប៉ុនបាន។ លោកបន្តទៀតថា វត្តមាននៃគម្រោងវិនិយោគនេះ នៅខេត្តកំពង់ស្ពឺ ក៏ជាជោគជ័យនៃគោលនយោបាយពង្រាយរោងចក្រ នៅតាមបណ្តាខេត្តរបស់ សម្តេចតេជោនាយករដ្ឋមន្ត្រីផងដែរ។ ជាក់ស្តែង ក្នុងអំឡុងរយៈពេលបីឆ្នាំចុងក្រោយនេះ ប្រមាណ៦០% នៃគម្រោងវិនិយោគ ដែលបានចុះបញ្ជីនៅក្រុមប្រឹក្សាអភិវឌ្ឍន៍កម្ពុជា មានទីតាំងនៅតាមបណ្តាខេត្តនានា ក្រៅពីខេត្តកណ្តាល និងរាជធានីភ្នំពេញ។ លោករដ្ឋមន្ត្រីបន្តថា បច្ចុប្បន្នកម្ពុជាមានរោងចក្រដំឡើងរថយន្តដែលជាម៉ាកល្បីៗជាច្រើន […]