(រតនគិរី)៖ ប្រជាកសិករអ្នកដាំស្វាយចន្ទីនៅខេត្តរតនគិរីកំពុងមមាញឹកនឹងការប្រមូលផលពាក់កណ្តាលរដូវ និងរីករាយជាមួយតម្លៃសមរម្យជាងមុន ព្រោះគ្មានក្រុមឈ្មួញដើរក្រឡុកតម្លៃដូចឆ្នាំមុន។ លោក ប៊ុន រ័ត្ន អ្នកមកពីខេត្តបាត់ដំបង រៀបរាប់ឲ្យដឹងនាព្រឹកថ្ងៃទី១៩ ខែមីនា ឆ្នាំ២០២៣នេះថា គ្រួសារគាត់មកដាក់កន្លែងទិញគ្រាប់ចន្ទីនៅភូមិអភិវឌ្ឍន៍ សង្កាត់ជ័យជំនះ ក្រុងបានលុង រយៈពេលប្រមាណ១ខែមកហើយ គឺអាចទិញបានក្នុង១ថ្ងៃ ជាង១០តោន ដោយតម្លៃគ្រាប់ស្វាយចន្ទីធម្មតា ក្នុង១គីឡូក្រាម តម្លៃ៤,១០០ដល់៤,២០០រៀល និងតម្លៃគ្រាប់ស្វាយចន្ទីពូជ ក្នុង១គីឡូក្រាម តម្លៃ៤,៨០០ដល់៥,០០០រៀល (តាមប្រភេទគ្រាប់ចន្ទីដាំលើដីសថ្លៃជាងលើដីក្រហម)។ ឈ្មួញរូបនេះបានបន្តថា ឆ្នាំនេះការប្រមូលផលពាក់កណ្តាលរដូវ តម្លៃគ្រាប់ស្វាយចន្ទីគឺថេរ ព្រោះគ្មានក្រុមឈ្មួញដើរក្រឡុកតម្លៃ ដែលនាំឲ្យពួកគាត់រកទទួលទានបានចំណេញក្បាលកាក់គ្រាន់ដោះស្រាយជីវភាពប្រសើរជាងធ្វើសំណាកស្រុក។ ប្រភពព័ត៌មានផ្សេងទៀតប្រាប់ឲ្យដឹងថា តម្លៃគ្រាប់ស្វាយចន្ទីមានតម្លៃថេរ (គ្រាប់ចន្ទីធម្មតា ៤,១០០ដល់៤,២០០រៀល និងគ្រាប់ស្វាយចន្ទីពូជ ៤,៨០០ដល់៥,០០០រៀល) គឺមានក្រុមឈ្មួញជនជាតិឥណ្ឌាមួយក្រុមចុះទិញដល់ចម្ការនៅស្រុកវ៉ើនសៃ និងស្រុកតាវែងផងដែរ។ ទាក់ទិនទៅនឹងគ្រាប់ស្វាយចន្ទីមានតម្លៃថេរក្នុងទីផ្សារ គ្មានក្រុមឈ្មួញដើរក្រឡុកនេះដែរ លោក សយ សូណា ប្រធានមន្ទីរកសិកម្មខេត្តរតនគិរី បានប្រាប់ភ្នាក់ងារ Fresh News ដែរថា ថ្នាក់ដឹកនាំក្រសួងកសិកម្មយកចិត្តទុកដាក់ខ្ពស់ចំពោះប្រជាកសិករអ្នកដាំចន្ទី ព្រមទាំងជំរុញឲ្យមន្ត្រីមន្ទីរកសិកម្មខេត្តចុះដល់ចម្ការចន្ទីផ្ទាល់ និងស្រង់តម្លៃលើទីផ្សារ ខ្លាចក្រែងមានក្រុមឈ្មួញរកស៊ីទុច្ចរិតប្រកួតប្រជែងគ្មានភាពស្មោះត្រង់ បន្លំគុណភាព ទិញតម្លៃថោ ដែលបណ្តាលឲ្យប៉ះពាល់ដល់អ្នកដាំចន្ទី និងខូចកិត្តិយសខេត្តដែលមានសក្តានុពលខាងវិស័យកសិកម្ម។ […]

(បាងកក)៖ នាយករដ្ឋមន្រ្តីថៃ លោក ប្រាយុទ្ធ ចាន់អូចា នៅថ្ងៃចន្ទនេះបានរំលាយសភា ដើម្បីឆ្ពោះទៅរៀបចំការបោះឆ្នោតសកលអាណត្តិថ្មី នៅខែឧសភាខាងមុខ ដែលជាការបោះឆ្នោតសកលលើកទី២ ក្នុងប្រទេសថៃ គិតចាប់តាំងពីរូបលោកបានឡើងកាន់អំណាចដំបូង តាមរយៈការធ្វើរដ្ឋប្រហារយោធា កាលពីឆ្នាំ២០១៤។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី២០ ខែមីនា ឆ្នាំ២០២៣។ ការបោះឆ្នោតក្នុងពេលប៉ុន្មានខែខាងមុខនេះ នឹងមើលឃើញលោក ប្រាយុទ្ធ ត្រូវប្រកួតប្រជែងជាចម្បង ជាមួយកូនស្រីពៅរបស់អតីតនាយករដ្ឋមន្រ្តីថៃ លោក ថាក់ស៉ីន ស៉ីណាវ៉ាត់ គឺអ្នកនាង ផែថោងថាន ស៉ីណាវ៉ាត់ ដែលត្រូវគេរំពឹងជាបេក្ខភាពនាយករដ្ឋមន្រ្តី របស់គណបក្សប្រឆាំងធំបំផុតនៅក្នុងប្រទេសថៃ គឺគណបក្ស​ភឿថៃ។ ការស្ទង់មតិថ្មីចុងក្រោយបង្អស់ ដែលទើបចេញផ្សាយកាលពីថ្ងៃអាទិត្យកន្លងទៅនេះ បានបង្ហាញថា អ្នកនាង ផែថោងថាន កំពុងមានសំឡេងគាំទ្រនាំមុខលោក ប្រាយុទ្ធ ដាច់កាន់តែឆ្ងាយ។ យ៉ាងណាមិញ រដ្ឋធម្មនុញ្ញដែលត្រូវបានធ្វើវិសោធនកម្មកាលពីឆ្នាំ២០១៧ ក្រោមអតីតរបបដឹកនាំយោធា នឹងបង្កភាពលំបាក បើទោះបីជាបក្សភឿថៃ ទទួលសំឡេងគាំទ្របានច្រើន ក្នុងការបោះឆ្នោតក៏ដោយ។ គួរបញ្ជាក់ថា ក្រោយការប្រកាសរំលាយសភាខាងលើ គណៈកម្មការរៀបចំការបោះឆ្នោតថៃ នឹងប្រកាសពីកាលបរិច្ឆេទជាក់លាក់នៃការបោះឆ្នោត ខណៈកន្លង​មកនេះ ធ្លាប់មានការបង្ហើបឱ្យដឹងថា […]

(ភ្នំពេញ)៖ ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគថ្មីៗចំនួន ៤ទៀត សរុបទុនវិនិយោគជាង១៨លានដុល្លារ និងអាចបង្កើតការងារ បានជាច្រើនកន្លែង។ តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រ ចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖ ១៖ DAZHENGXUAN (CAMBODIA) INDUSTRIAL CO., LTD គម្រោងបង្កើតរោងចក្រផលិតឆត្រ អាវភ្លៀង វាំងនន កន្សែងតុបាយ និងផ្សេងៗទៀត ដែលមានទីតាំងវិនិយោគស្ថិតនៅផ្លូវជាតិលេខ២ ភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ក្នុងទុនវិនិយោគប្រមាណ៦លានដុល្លារអាម៉េរិក និងអាចបង្កើតការងារបានចំនួន១,៧៤១កន្លែង។ ២៖ XIN YUAN CHENG FACTORY CO., LTD គម្រោងបង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅផ្លូវលំ ភូមិព្រៃខ្លា ឃុំក្រាំងម្កាក់ ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ៥.១លានដុល្លារអាម៉េរិក និងអាចបង្កើតការងារបានចំនួន ៣១៨កន្លែង។ ៣៖ XU WEI GARMENT (CAMBODIA) CO., LTD […]

(ស្វាយរៀង)៖ ឈ្មួញជនជាតិវៀតណាម កំពុងដើរប្រមូលទិញដើមឫស្សីពីងពង់ និងដើមអាកាស្យា ពីប្រជាពលរដ្ឋក្នុងស្រុករមាសហែក ខេត្តស្វាយរៀង ដឹកឆ្លងដែនទៅប្រទេសវៀតណាម តាមច្រកព្រំដែនប៉ុស្តិ៍ខ្សែដែក។ ប្រជាពលរដ្ឋនៅភូមិគគីរ ឃុំត្រស់ ស្រុករមាសហែក បានឲ្យដឹងថា ឈ្មួញជនជាតិវៀតណាម មួយក្រុមបានដើរប្រមូលទិញដើមឫស្សីពីងពង់ និងដើមអាកាស្យា ពីប្រជាពលរដ្ឋដឹកឆ្លងដែនទៅប្រទេសវៀតណាមរាល់ថ្ងៃ ដោយព្រឹកឡើងឈ្មួញ យករថយន្តយីឌុប និងត្រាក់ទ័រសណ្តោងរ៉ឺម៉ក ឆ្លងដែនពីប្រទេសវៀតណាមចូលមក ក្នុងរដ្ឋបាលស្រុករមាសហែក តាមប៉ុស្តិ៍ច្រករបៀងខ្សែដែក។ ប្រជាពលរដ្ឋបានលើកឡើងថា ដើមឫស្សីពីងពង់ក្នុង១ដើមខ្នាតតូច លេខ៣ លក់បានតម្លៃ២,០០០រៀល ខ្នាតមធ្យមលេខ២ ក្នុង១ដើមតម្លៃ៣,៥០០រៀល, ខ្នាតលេខ១ ក្នុង១ដើមតម្លៃ៤,៦០០រៀល។ ពលរដ្ឋថា ក្នុងមួយគ្រួសារកាប់ម្តង១០០ដើម ទៅ២០០ដើម ហើយពលរដ្ឋដែលដាំឫស្សីពីងពង់ច្រើន គឺនៅស្រុករមាសហែក និងស្រុកស្វាយជ្រំ។ ឈ្មួញវៀតណាម បានបញ្ជាក់ថា ដើមឫស្សីពីងពង់ គេប្រមូលទិញយកទៅផ្គត់ផ្គង់ឲ្យសិប្បកម្មធ្វើគ្រឿងសង្ហារឹមនៅក្នុងខេត្តតៃនិញ ប្រទេសវៀតណាម។ ចំណែកដើមអាកាសស្យាវិញ មានមេការខ្មែរ ជាអ្នកដើរម៉ៅ ចំការ ពីប្រជាពលរដ្ឋ និងមន្ត្រីជំនាញ ថ្នាក់លើលក់បន្តឲ្យឈ្មួញវៀតណាម ដើរប្រមូលទិញ និងកាប់ផ្ទាល់តាមចំការ (តម្លៃម៉ៅគិតតាមចំការតូចធំ)។ ដើមអាកាស្យាទាំងនេះ ក៏យកទៅលក់ឲ្យរោងសិប្បកម្មកែឆ្នៃធ្វើគ្រឿងសង្ហារឹមដែរ៕ ផ្តល់សិទ្ធិដោយ៖ Fresh […]

(ភ្នំពេញ)៖ ក្រោយពីទទួលបានដំណឹងនិងការរាយការណ៍ពីប្រជាពលរដ្ឋតាមប្រព័ន្ធ facebook ដោយបានដឹកនាំបញ្ជាពី ឯកឧត្តម ជា ពិសី អភិបាល នៃគណៈអភិបាលខណ្ឌទួលគោក, លោក ចាន់ បណ្ឌិតអភិបាលរងខណ្ឌ បានដឹកនាំកម្លាំងគណៈបញ្ជាការឯកភាពខណ្ឌ នៅវេលាម៉ោង ១១:៥៨នាទី ថ្ងៃទី១៧ ខែមីនា ឆ្នាំ២០២៣ ចុះពិនិត្យ និងណែនាំម្ចាស់ហាង បេប៊ីអោតឡេត (Baby outlet) ដែលបំពានលើចិញ្ចើមផ្លូវ ចាក់បេតុងហ៊ុំដើមឈើសាធារណៈចំនួន៤ដើម នៅផ្លូវ ២៨៩ ក្នុងសង្កាត់បឹងកក់២។ គណៈបញ្ជាការឯកភាពខណ្ឌបានឲ្យរុះរើបេតុងនោះចេញវិញ និងរៀបចំឲ្យមានសោភ័ណ្ឌភាពល្អដូចដើម ចំពោះដើមឈើដែលងាប់ត្រូវដាំឡើងវិញមានទំហំប៉ុនដូចគ្នា ព្រមទាំងធ្វើកំណត់ហេតុណែនាំ មិនអនុញ្ញាតឲ្យមានការធ្វើបែបនេះម្តងទៀតឡើយ។ ជាមួយគ្នានេះក្នុងករណីម្ចាស់ហាងមិនសហការណ៍ ហើយធ្វើឲ្យប៉ះពាល់សណ្ដាប់ធ្នាប់សាធារណៈ ឬងាប់ដើមឈើខាងលើនេះ នឹងត្រូវទទួលខុសត្រូវចំពោះមុខច្បាប់ជាធរមាន។ រដ្ឋបាលខណ្ឌទួលគោក បានថ្លែងអំណរគុណយ៉ាងជ្រាលជ្រៅ ចំពោះបណ្ដាញសារព័ត៌មាន សាធារណជនទាំងអស់ដែលបានផ្ដល់ព័ត៌មានទាន់ហេតុការណ៍ដល់អាជ្ញាធរមានសមត្ថកិច្ចដើម្បីមានវិធានការទប់ស្កាត់ជាបន្ទាន់ និងទាន់ពេលវេលា៕

(ភ្នំពេញ)៖ ក្រសួងបរិស្ថាន អង្គការអភិរក្សអន្តរជាតិ (CI) និងក្រុមហ៊ុនមីតស៊ូអ៉ិ (Mitsui & Co., Ltd) កំពុងសហការគ្នាអនុវត្តគម្រោងឥណទានកាបូនរួមគ្នា JCM-REDD+ នៅក្នុងដែនជម្រកសត្វព្រៃ ព្រៃឡង់ ដើម្បីការពារនិងអភិរក្សធនធានព្រៃឈើ ពង្រឹងការអនុវត្តច្បាប់ កាត់បន្ថយភាពរិចរិលព្រៃឈើ កាត់បន្ថយការបំភាយឧស្ម័នផ្ទះកញ្ចក់ ពិសេសក៏រំពឹងលក់ឥណទានកាបូនលើកដំបូងនៅតំបន់នោះ ដើម្បីយកមកលើកកម្ពស់ជីវភាពសហគមន៍មូលដ្ឋាន។ ការណ៍នេះត្រូវបានបញ្ជាក់ក្នុងសិក្ខាសាលាបូកសរុបលទ្ធផលការងារឆ្នាំ២០២២ និងលើកទិសដៅអនុវត្តបន្តឆ្នាំ២០២៣ នៃគម្រោងអភិរក្សដែនជម្រកសត្វព្រៃ ព្រៃឡង់ ដែលត្រូវបានធ្វើឡើងនៅសណ្ឋគារសាន់វ៉េ នាព្រឹកថ្ងៃទី២០ ខែមីនា ឆ្នាំ២០២៣ ក្រោមអធិបតីភាពលោក សៅ សុភាព រដ្ឋលេខាធិការក្រសួងបរិស្ថាន។ នាឱកាសនោះ លោក គឹម ណុង អគ្គនាយកនៃអគ្គនាយកដ្ឋានតំបន់ការពារធម្មជាតិ នៃក្រសួងបរិស្ថាន បានរំឭកពីសាវតាឱ្យដឹងថា កាលពីថ្ងៃទី៥ ខែមីនា ឆ្នាំ២០១៨ ក្រសួងបរិស្ថាន អង្គការអភិរក្សអន្តរជាតិ (CI) និងក្រុមហ៊ុនជប៉ុន មីតស៊ូអ៉ិ (Mitsui & Co., Ltd) បានឯកភាពចុះហត្ថលេខាលើកិច្ចព្រមព្រៀងនៃគម្រោងអភិរក្សព្រៃឈើនៅតំបន់ព្រៃឡង់ (Prey Lang Forest Conservation […]

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅរសៀលថ្ងៃទី២០ ខែមីនា ឆ្នាំ២០២៣ នេះបានលើកឡើងថា មិនគួរឱ្យការបញ្ចេញទស្សនៈរឿងសម្លៀកបំពាក់ ក្លាយជាទំនាស់ ឬការបែកបាក់ណាមួយក្នុងសង្គម ក្រោយពីមានការផ្ទុះជជែកវែកញែក ផ្លាស់ប្តូរទស្សនៈ​ទៅលើការបង្ហាញខ្លួនរបស់លោក ឯម រៀម ក្នុងរូបភាពសម្លៀកបំពាក់ (ដោយច្នៃចេញពីហូលខ្មែរ) បែបពាក់កណ្តាលខ្លួនក្នុងកម្មវិធីពានរង្វាន់ Pleng Music Award ឆ្នាំ២០២៣។ ឯកឧត្តម បានមានប្រសាសន៍ថា៖ «ខ្ញុំបានតាមដានយ៉ាងយកចិត្តទុកដាក់នូវការផ្លាស់ប្តូរយោបល់គ្នាក្នុងចំណោមសាធារណជន ស្តីពីការបង្ហាញខ្លួនរបស់លោក ឯម រៀម ក្នុងរូបភាពសម្លៀកបំពាក់ (ដោយច្នៃចេញពីហូលខ្មែរ) បែបពាក់កណ្តាលខ្លួនក្នុងកម្មវិធីពានរង្វាន់ Pleng Music Award ឆ្នាំ២០២៣។ ខ្ញុំផ្ទាល់យល់ថា ការបញ្ចេញទស្សនៈទាំងនោះ ពិតជាមានតម្លៃ ប៉ុន្តែយើងមិនគួរឱ្យការបញ្ចេញយោបល់ទាំងនោះ ក្លាយជាទំនាស់ ការរិតត្បិត ឬការបែកបាក់ណាមួយក្នុងសង្គមយើងឡើយ។ ក្នុងន័យនេះ ខ្ញុំសូមស្នើឲ្យសាធារណជន មេត្តាចៀសវាងនូវការខ្វែងយោបល់គ្នានេះ ដោយគួរត្រឡប់មកស្វែងយល់បន្ថែមពីជំហរ និងភាពផ្សេងគ្នានៃគំនិត។ ជាមួយគ្នានេះ ខ្ញុំក៏សង្ឃឹមដែរថា អាជ្ញាធរមានសមត្ថកិច្ច និងអ្នកពាក់ព័ន្ធទាំងអស់ ជាពិសេសក្រសួងសេនាធិការ អ្នករៀបចំកម្មវិធី រួមទាំងបុគ្គល ដែលជាកម្មវត្ថុផ្ទាល់ […]

(ភ្នំពេញ)៖ សម្តេចតេជោ ហ៊ុន សែន នាយយករដ្ឋមន្ត្រីនៃកម្ពុជា បានឱ្យដឹងថា បច្ចុប្បន្នការខ្ចីថវិកាពីក្រៅប្រទេសប្រចាំឆ្នាំរបស់កម្ពុជា មានទំហំមិនស្មើនឹង២០ភាគរយនៃថវិកាជាតិសរុបនោះឡើយ ដែលនេះជាលទ្ធផលនៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ កាត់បន្ថយការពឹងពាក់លើការខ្ចីពីក្រៅប្រទេស។ សម្តេចតេជោ ហ៊ុន សែន ថ្លែងយ៉ាងដូច្នេះក្នុងឱកាសប្រកាសដាក់ឱ្យអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈដំណាក់កាលទី៤ ឆ្នាំ២០២៣-២០២៧ នាព្រឹកថ្ងៃទី២០ ខែមីនា ឆ្នាំ២០២៣ នៅសណ្ឋាគាររ៉េស៉ីដង់សុខាភ្នំពេញ។ នាឱកាសនោះ សម្តេចតេជោ ហ៊ុន សែន បានលើកឡើងថា បុព្វហេតុឯករាជ្យ និងអធិបតេយ្យជាតិ សមិទ្ធកម្មដ៏ល្អនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ បានពង្រឹងឱ្យកាន់តែមាំមួនឡើងនូវភាពជាម្ចាស់ និងតួនាទីរបស់រាជរដ្ឋាភិបាលកម្ពុជាក្នុងការទទួលខុសត្រូវលើជោគវាសនារបស់ប្រទេសជាតិ ដោយបានកាត់បន្ថយការពឹងពាក់លើការខ្ចីពីក្រៅប្រទេស។ សម្ដេចតេជោបានថ្លែងយ៉ាងដូច្នេះថា «បច្ចុប្បន្នការខ្ចីពីក្រៅប្រទេសប្រចាំឆ្នាំ មានទំហំមិនស្មើនឹង២០ភាគរយនៃថវិកាជាតិសរុបនោះទេ»។ សម្តេចតេជោបានរំឭកថា នៅក្នុងអតីតកាល៣០ឆ្នាំមុន ចំណូលក្នុងស្រុករបស់កម្ពុជាដែលរកបានដោយខ្លួនឯង មានត្រឹមប្រមាណ១ភាគ៣នៃថវិកាជាតិសរុបតែប៉ុណ្ណោះ បានន័យថា តមូ្រវការប្រមាណ២ភាគ៣នៃថវិកាជាតិត្រូវបានដោះស្រាយដោយប្រភពធនធានជាជំនួយហិរញ្ញវត្ថុពីក្រៅប្រទេស។ នេះគឺជាលទ្ធផលជាក់ស្ដែងដែលកម្ពុជាសម្រេចបានស្របតាមគោលជំហរដឹកនាំ ដែលសម្តេចធ្លាប់បានប្រកាសជាសាធារណៈនាពេលកន្លងទៅ គឺ «កែទម្រង់-រស់ មិនកែទម្រង់-ស្លាប់»។ ទស្សនដឹកនាំនេះ រួមជាមួយសមិទ្ធផលជាក់ស្ដែងនៃកិច្ចការកែទម្រង់បានធ្វើឱ្យក្ដីរំពឹងទុកលើការកសាងប្រជាជាតិរបស់កម្ពុជា ត្រូវបានចារឹកទុកក្នុងបុព្វកថាក្នុងរដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ១៩៩៣ ក្លាយទៅជាការពិតនោះ គឺទទួលខុសត្រូវខ្ពស់ចំពោះវាសនាអនាគតជាតិឱ្យបានឈានឡើង រីកចម្រើនលូតលាស់ សម្បូររុងរឿងជានិច្ចនិរន្តរ៍ និងប្រែក្លាយកម្ពុជាឱ្យទៅជាកោះសន្ដិភាពយ៉ាងពិតប្រាកដ។ សម្ដេចតេជោបានបន្ថែមទៀតថា សន្តិភាព […]

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅព្រឹកថ្ងៃទី២០ ខែមីនា ឆ្នាំ២០២៣នេះ បានអះអាងថា កម្ពុជាបានធ្វើកំណែទម្រង់ជាបន្ដបន្ទាប់ ក្នុងនោះរួមទាំងកំណែទម្រង់រដ្ឋបាលសាធារណៈ និងការធ្វើកំណែទម្រង់ការគ្រប់គ្រងហិរញ្ញវត្ថុជាដើម ដោយមិនរង់ចាំជំនួយណាមួយពីបរទេសនោះឡើយ។ ក្នុងឱកាសអញ្ជើញជាអធិបតីប្រកាសដាក់ឲ្យអនុវត្តកម្មវិធីកែទម្រង់ ការគ្រប់គ្រង​ហិរញ្ញវត្ថុសាធារណៈដំណាក់កាលទី៤ ឆ្នាំ២០២៣ ដល់ឆ្នាំ២០២៧, សម្ដេចតេជោ ហ៊ុន សែន បានគូសបញ្ជាក់ថា ក្រៅពីការធ្វើកំណែទម្រង់ដោយមិនរង់ចាំជំនួយបរទេសហើយនោះ កម្ពុជាបានធ្វើកំណែទម្រង់ជាបន្ដបន្ទាប់ ពីតាំងតែពីនៅជាប់ទណ្ឌកម្មមកម្ល៉េះ។ អ្នកដែលដាក់ទណ្ឌកម្មកម្ពុជា កាលពីអតីតកាលនោះ ត្រូវបានសម្ដេចតេជោ ហ៊ុន សែន ឲ្យដឹងថា គឺជាអ្នកដែលគាំទ្រការធ្វើរដ្ឋប្រហារយោធា និងគាំទ្ររបបប្រល័យពូជសាសន៍ ប៉ុល ពត នៅអង្គការសហប្រជាជាតិ។ សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «ការធ្វើកំណែទម្រង់កម្ពុជា យើងអត់រង់ចាំទាល់តែពេលមានជំនួយពីសហភាពអឺរ៉ុប, ធនាគារពិភពលោក, IMS, ធនាគារអភិវឌ្ឍន៍អាស៉ីនោះទេ យើងធ្វើតាំងតែពីយើងនៅជាប់ទណ្ឌកម្មពីបណ្ដាប្រទេសនានាមួយចំនួន ដែលគាំទ្ររដ្ឋប្រហារយោធា និងគាំទ្ររបបប្រល័យពូជសាសន៍ ប៉ុល ពត នៅអង្គការសហប្រជាជាតិឯណោះ»។ ជាមួយគ្នានេះ សម្ដេចតេជោ ហ៊ុន សែន ក៏បានរំលឹកនូវរឿងរ៉ាវមួយចំនួនដែលជាប់ពាក់ព័ន្ធគ្នាជាមួយការធ្វើកំណែទម្រង់នេះផងដែរ។ […]

ថ្មីៗនេះ អ្នកច្នៃម៉ូដ ឯម រៀម រងការរិះគន់មិនសំចៃពីមហាជនអ្នកលេងបណ្តាញសង្គម ក្រោយបង្ហាញខ្លួននៅក្នុងកម្មវិធីប្រគល់ពានរង្វាន់ Pleng ជាមួយនឹងឈុតដែលលោកបានស្លៀក។ ក្នុងនោះ ឯកឧត្តម ជុំ កុសល រដ្ឋលេខាធិការក្រសួងព័ត៌មាន បានលើកឡើងថា ការស្លៀកពាក់របស់ អ្នកច្នៃម៉ូដបែបស្រមើស្រមៃ ឯម រៀម គឺជាការបង្ហាញជំនាញរបស់គាត់ ដែលនៅកម្ពុជាយើងគ្មាននរណាអាចធ្វើបានដូចគាត់ទេ។ ជាមួយគ្នានេះផងដែរ ឯកឧត្តម ជុំ កុសល រដ្ឋលេខាធិការក្រសួងព័ត៌មាន នៅថ្ងៃទី២០ ខែមីនានេះ បានបង្ហាញនូវមតិជុំវិញរឿងរ៉ាវមួយនេះដោយឯកឧត្តមបានសរសេររៀបរាប់ថា៖ «បើតាមខ្ញុំធ្លាប់ស្តាប់គាត់ផ្តល់កិច្ចសម្ភាសន៍កន្លងមក គាត់គឺជាអ្នករៀនជំនាញច្នៃម៉ូតបែបស្រមើស្រមៃមកពីប្រទេសបារាំង។ ការច្នៃនៃបែបស្រមើស្រមៃនេះគឺច្នៃតាមអារម្មណ៍ស្រមើស្រមៃរបស់ខ្លួនដោយមិនចម្លងពីគេ។ ឃើញគាត់ស្លៀកពាក់បែបនេះ ខ្ញុំឃើញបងប្អូនយើងមួយចំនួននាំគ្នាស្តីជេរគាត់ តែធាតុពិតគាត់ធ្វើបែបនេះគឺជាការបង្ហាញជំនាញរបស់គាត់ ដែលនៅកម្ពុជាយើងគ្មាននរណាអាចធ្វើបានដូចគាត់ទេ។ សូមស្វែងយល់ឲ្យច្បាស់អំពីសិល្បៈវប្បធម៌ និងការច្នៃម៉ូតបែបស្រមើស្រមៃ ។ នៅអឺរ៉ុបគេស្លៀកប្លែកជាងនេះខ្លាំងណាស់។ ខ្ញុំសូមអធ្យាស្រ័យ មិនការពារគាត់ទេ គ្រាន់តែសុំឲ្យបងប្អូនសិក្សាស្វែងយល់និងបែងចែកឲ្យច្បាស់មុននឹងប្រតិកម្ម ។ សូមអរគុណ»។ អ្នកច្នៃម៉ូដ ឯម រៀម ក៏បានប្រតិកម្មឆ្លើយតបនឹងការរិះគន់របស់មហាជនយ៉ាងដូច្នេះថា៖ «ផ្ញើជូនបងប្អូនខ្លះដែលមិនទាន់យល់ពីការច្នៃម៉ូតហេតុអី ឯម រៀម ចេញដើមទ្រូងមិនបាន បើម៉ូតដែលពាក់យប់មិញដកស្រង់តាមអ្វីដែរខ្មែរមានពីមុន ហើយបើចង់ពាក់ឱ្យដូច សូមពាក់ខ្លួនឯងទៅ […]