(ភ្នំពេញ)៖ អ្នកបើកបររថយន្តបញ្ច្រាសទិសចរាចរណ៍ លើផ្លូវល្បឿនលឿនភ្នំពេញ-ក្រុងព្រះសីហនុ ត្រូវបានឃាត់ ដើម្បីអប់រំ និងផាកពិន័យតាមច្បាប់។ នេះបើយោងតាមការផ្សាយរបស់ក្រសួងសាធារណការ និងដឹកជញ្ជូន នៅរសៀលថ្ងៃទី២១ ខែមីនា ឆ្នាំ២០២៣។ កាលពីថ្ងៃទី១៩ និង២០ ខែមីនា ឆ្នាំ២០២៣ មានរថយន្តពីរគ្រឿង បានបើកបរបញ្ច្រាសទិសចរាចរណ៍ លើផ្លូវល្បឿនលឿនភ្នំពេញ-ក្រុងព្រះសីហនុ។ បន្ទាប់មក ក្រុមការងារផ្លូវល្បឿនលឿន ដោយសហការជាមួយនគរបាលចរាចរណ៍ផ្លូវគោក បានធ្វើការឃាត់រថយន្ត និងអ្នកបើកបរ ដើម្បីអប់រំ និងផាកពិន័យតាមនីតិវិធីច្បាប់។ ក្រសួងបានឱ្យដឹងថា ការបើកបរបញ្ច្រាសទិសចរាចរណ៍ មិនថានៅលើផ្លូវល្បឿនលឿន ឬផ្លូវប្រភេទណានោះទេ វាជាការបំពានច្បាប់ចរាចរណ៍យ៉ាងធ្ងន់ធ្ងរ និងប្រមាថអាយុជីវិតខ្លួនឯង និងអ្នកដទៃ។ ជាថ្មីម្តងទៀត ក្រសួងបានសូមអំពាវនាវសារជាថ្មី ដល់បងប្អូនប្រជាពលរដ្ឋគ្រប់រូប ត្រូវចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន កុំបើកបរបញ្ច្រាសទិសចរាចរណ៍ ប្រើប្រាស់គន្លងចរាចរណ៍ឱ្យបានត្រឹមត្រូវ និងជៀសវាងការប្រព្រឹត្តល្មើសនានា ដើម្បីចូលរួមរក្សាសុខសុវត្ថិភាពពេលធ្វើដំណើររបស់យើងទាំងអស់គ្នា៕

(តាកែវ)៖ ក្នុងនាមសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅថ្ងៃទី២១ ខែមីនា ឆ្នាំ២០២៣ នៅសាលាខេត្តតាកែវ, ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញជាអធិបតីក្នុងពិធីប្រកាសខេត្តតាកែវ ជាខេត្តអស់មីនទី១១ ដែលគាំទ្រពីគម្រោងសម្តេចតេជោសម្រាប់សកម្មភាពមីន ក្រោមមូលបទ «ផ្តល់ដីសុវត្ថិភាព បង្កើតស្នាមញញឹម»។ ក្នុងឱកាសនោះ ទេសរដ្ឋមន្រ្តី លី ធុជ បានពាំនាំនូវសេចក្តីសាកសួរសុខទុក្ខ និងសេចក្តីនឹករលឹកពីសំណាក់ សម្តេចតេជោ នាយករដ្ឋមន្រ្តី និងសម្តេចកិត្តិព្រឹទ្ធិបណ្ឌិត ប្រធានកាកបាទក្រហមកម្ពុជា ជូនចំពោះរដ្ឋបាលខេត្តតាកែវ មន្រ្តីរាជការ កងកម្លាំងប្រដាប់អាវុធ ប្រជាពលរដ្ឋខេត្តតាកែវ និងអង្គពិធីទាំងមូល។ ទេសរដ្ឋមន្រ្តី បានចាត់ទុកថ្ងៃប្រកាសខេត្តតាកែវអស់មីន គឺជាថ្ងៃប្រវត្តិសាស្រ្តសម្រាប់សកម្មភាពមីននៅកម្ពុជា ដែលប្រជាជនខេត្តតាកែវទាំងមូល បានទទួលនូវសេរីភាពរួចចាកផុតពីគម្រាមកំហែងដោយសារមីនដែលយើងបានដឹង ក្រោមម្លប់សន្តិភាពកើតចេញពី នយោបាយ ឈ្នះ ឈ្នះ របស់ សម្តេចតេជោ នាយករដ្ឋមន្រ្តី។ ចាប់ពីឆ្នាំ ១៩៩៩ រហូតទទួលបានការគាំទ្រពី គម្រោងសម្តេចតេជោសម្រាប់សកម្មភាពមីននៅឆ្នាំ២០២២ អង្គភាពស៊ីម៉ាក់ បានធ្វើការបោសសម្អាតមីនក្នុងទំហំផ្ទៃដីចំនួន ៤.៦៧៥.៧៩៧ […]

(សៀមរាប)៖ ព្រះករុណា ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតស្ដេចយាងជាព្រះរាជាធិបតី ក្នុងព្រះរាជពិធីប្រោសព្រះរាជទានព្រះអគ្គិជ័យកីឡានៅមុខប្រាសាទអង្គរវត្ត សម្រាប់ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣។ ក្នុងព្រះរាជពិធីនេះ កីឡាករ​តេក្វាន់ដូ​ វ៉ា មិថុនា ​និង​កីឡាការិនី​លោត​ចម្ងាយ​ វិត ចន្ថា អមដោយអត្ដពលិកគុនល្បុកត្តោ ៧នាក់ រត់តិចៗពីទិសខាងកើត នៃប្រាសាទអង្គរវត្ត មកទទួលព្រះរាជទាន ព្រះអគ្គិជ័យកីឡា ពីព្រះមហាក្សត្រ។ បន្ទាប់មកទៀត អត្តពលិកទាំងនោះ កាន់ជាមួយភ្លើងគប់ ដែលបានទទួលពីព្រះមហាក្សត្រ រត់ជុំវង់តូចអង្គរ។ ជាមួយគ្នានេះផងដែរ កីឡាករ​តេក្វាន់ដូ​ វ៉ា មិថុនា ទទួលបានការចាប់អារម្មណ៍ជាខ្លាំងពីមហាជន អ្វីដែលគួរតែដឹងនោះ វ៉ា មិថុនា ជា កីឡាករតេក្វាន់ដូផ្នែកបុរសដំបូងបំផុត ដែលឈ្នះមេដាយមាសពីព្រឹត្តិការណ៍កីឡាស៊ីហ្គេម ជូនកម្ពុជា បន្ទាប់ពីបានយកឈ្នះកីឡាករហ្វីលីពីន នៅវគ្គផ្តាច់ព្រ័ត្រ ដោយពិន្ទុ ៣៥-១៤​ កាលពីថ្ងៃទី១៨ ខែឧសភា ឆ្នាំ២០២២ នៃព្រឹត្តិការណ៍ស៊ីហ្គេម លើក​ទី​៣១ លើកទី៣១ នៅទីក្រុងហាណូយ ប្រទេសវៀតណាម។ វ៉ា មិថុនា កើតនៅថ្ងៃទី០១ ខែមិថុនា […]

ថ្មីៗនេះមានការចែករំលែកនៅលើបណ្តាញសង្គមនូវករណីដែលមានយុវជនមួយក្រុមបាននាំគ្នាបង្ហោះម៉ូតូ បណ្តាលឱ្យរេចង្កូតបុករថយន្តមួយគ្រឿងដែលចតនៅមុខផ្ទះ។ ហេតុការណ៍នេះបានកើតឡើងនាថ្ងៃទី២១ ខែមីនា ឆ្នាំ២០២៣ វេលាម៉ោង៩និង៣២នាទីព្រឹក នៅក្នុងបុរីស្ថិតនៅផ្សាររតនាផ្លាហ្សា ជិតស្ពានអាកាសផ្សារដីហ៊ុយ ដែលមានទីតាំងនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ យោងតាមការបង្ហោះរបស់ម្ចាស់រថយន្តឈ្មោះ Eum Sophanaly បានបង្ហោះរូបភាព និងវិដេអូ ព្រមទាំងសរសេររៀបរាប់ថា៖ «កុំឱ្យចាប់បានឱ្យសោះអាក្អូន ឡានចតមុខផ្ទះចូលក្នុង ហើយផ្លូវបុរីឡើងទូលាយល្វឹងវានៅជិះមកបុកបានទៀត(បង្ហោះម៉ូតូមកបុក) មានវីដេអូតាមរកអាក្អូនឯងទាល់តែឃើញ»៕

(ភ្នំពេញ)៖ រដ្ឋបាលខណ្ឌដូនពេញ នៅថ្ងៃទី២១ ខែមីនា ឆ្នាំ២០២៣ បានឆ្លើយតបទៅនឹងករណីអ្នកលក់នំបញ្ចុកនៅមុខព្រះបរមរាជវាំង ដែលសារព័ត៌មានមួយចំនួន និងអ្នកលេងតាមបណ្តាញសង្គមTik Tok បានធ្វើការផ្សព្វផ្សាយបណ្តាលឱ្យមានការភាន់ច្រលំថាកម្លាំងសណ្តាប់ធ្នាប់ខណ្ឌ ដេញគាត់ចេញមិនឱ្យលក់ និងចាក់ទឹកសម្លខ្មែរចោលនៅលើចិញ្ចើមផ្លូវសាធារណៈ។ រដ្ឋបាលខណ្ឌដូនពេញ បានស្រាយបំភ្លឺដូចដែលមានដូចតទៅនេះ៖ ១-កម្លាំងសណ្តាប់ខណ្ឌ បានធ្វើការណែនាំដល់អ្នកលក់ឱ្យរកទីតាំងសមរម្យសម្រាប់លក់ ដោយមិនអនុញ្ញាតិឱ្យលក់ដូរនៅទីតាំងនេះឡើយ។ ២-ការលក់ដូរគ្មានអនាម័យ មិនមានការវេចខ្ចប់កាកសំណល់ព្រមទាំងចោលថង់ប្លាស្ទិក ចានស្នោនៅនឹងកន្លែងលក់ ដោយមិនយកទៅទុកដាក់ក្នុងធុងសំរាមដែលនៅក្បែរនោះឡើយ។ ៣-ការធ្វើឱ្យខ្ចាយទឹកសម្លនំបញ្ចុកនៅលើចិញ្ចើមផ្លូវសាធារណៈគឺគាត់ (អ្នកលក់) ជាអ្នកប្រព្រឹត្តទៅដោយខ្លួនឯង ដោយការខឹងសម្បារ ស្រែកនិងជេរប្រមាថមកលើកម្លាំងសណ្តាប់ធ្នាប់ខណ្ឌថែមទៀតផង។ រដ្ឋបាលខណ្ឌដូនពេញ ក៏បានសំណូមពរដល់បងប្អូនប្រជាពលរដ្ឋអ្នកលក់ដូរទាំងអស់មានការយោគយល់អធ្យាស្រ័យដល់កងកម្លាំងរបស់ខណ្ឌដែលតែងតែខិតខំរៀបចំសណ្តាប់ធ្នាប់ របៀបរៀបរយសាធារណៈនេះជារៀងរាល់ថ្ងៃ ដើម្បីសោភ័ណភាព និងអនាម័យ បរិស្ថាន អោយបានល្អប្រសើរ៕

(ក្រុងឡុងដ៏)៖ ធនាគារធំបំផុតរបស់ប្រទេសស៊្វីស UBS បានយល់ព្រមទិញធនាគារក្ស័យធន Credit Suisse ដែលជាគូប្រជែងរបស់ខ្លួននៅក្នុងកិច្ចព្រមព្រៀងសង្គ្រោះបន្ទាន់មួយក្នុងគោលបំណងលុបបំបាត់ការភ័យស្លន់ស្លោក្នុងទីផ្សារហិរញ្ញវត្ថុដោយសារការក្ស័យធនរបស់ធនាគារអាមេរិកចំនួនពីរកាលពីដើមខែនេះ។ នេះបើយោងតាមទីភ្នាក់ងារព័ត៌មានអាមេរិក CNN។ CNN បានរាយការណ៍ដោយដកស្រង់សេចក្តីថ្លែងការណ៍មួយដែលចេញផ្សាយកាលពីថ្ងៃអាទិត្យដោយធនាគារកណ្តាលស៊្វីស Swiss National Bank ថា៖ «ធនាគារ UBS ថ្ងៃនេះបានប្រកាសពីការចូលកាន់កាប់ធនាគារ Credit Suisse»។ ធនាគារកណ្តាលស៊្វីសបានបន្តថា ការសង្គ្រោះនឹង «ធានាស្ថិរភាពហិរញ្ញវត្ថុនិងការពារសេដ្ឋកិច្ចស៊្វីស»។ យោងតាម CNN ធនាគារ UBS ត្រូវចំណាយប្រាក់ ៣ពាន់លានហ្វ្រង់ស៊្វីស (៣,២៥ពាន់លានដុល្លារ) សម្រាប់ការទិញយកធនាគារ Credit Suisse ពោលគឺទាបជាងតម្លៃនៅពេលទីផ្សារបិទការជួញដូរភាគហ៊ុនកាលពីថ្ងៃសុក្រប្រហែល ៦០%។ ម្ចាស់ភាគហ៊ុនរបស់ធនាគារ Credit Suisse នឹងត្រូវខាងបង់ច្រើន ដោយទទួលបានតម្លៃត្រឹមតែ ០,៧៦ហ្វ្រង់ស៊្វីសក្នុងមួយភាគហ៊ុនធៀបនឹងតម្លៃ ១,៨៦ហ្វ្រង់ស៊្វីសក្នុងមួយភាគហ៊ុនកាលពីថ្ងៃសុក្រ។ និយ័តករស្វ៊ីសបានឱ្យដឹងថា ម្ចាស់មូលបត្របំណុលបន្ថែមកម្រិតទីមួយ (additional tier one) ដែលជាប្រភេទមូលបត្រមានហានិភ័យនៃមូលបត្របំណុលធនាគារសរុបតម្លៃ ១៧ពាន់លានដុល្លារ នឹងត្រូវខាតបង់ប្រាក់នេះទាំងអស់។ លើសពីនេះទៀត កិច្ចព្រមព្រៀងនេះនឹងមិនត្រូវការការយល់ព្រមពីម្ចាស់ភាគហ៊ុនឡើយ បន្ទាប់ពីរដ្ឋាភិបាលស៊្វីសបានយល់ព្រមផ្លាស់ប្តូរច្បាប់ដើម្បីដកចេញនូវភាពមិនច្បាស់លាស់ណាមួយអំពីកិច្ចព្រមព្រៀងនេះ។ ធនាគារ Credit […]

(តូក្យូ)៖ ក្រសួងការបរទេសជប៉ុន នៅថ្ងៃអង្គារនេះបានទទួលស្គាល់ថាលោកនាយករដ្ឋមន្ត្រី ហ្វូមីអុ គីស៉ីដា (Fumio Kishida) នឹងត្រូវជួបជាមួយលោកប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កំឡុងការបំពេញទស្សនកិច្ចដ៏ភ្ញាក់ផ្អើលមួយទៅកាន់ទីក្រុងកៀវ នៅថ្ងៃអង្គារនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២១ ខែមីនា ឆ្នាំ២០២៣។ នៅក្នុងសេចក្ដីថ្លែងការណ៍របស់ខ្លួន ក្រសួងការបរទេសជប៉ុនបានគូសបញ្ជាក់ឱ្យដឹងថា «លោក គីស៉ីដា នឹងផ្ដាំផ្ញើដោយផ្ទាល់ទៅកាន់លោក ហ្សេលេនស្គី ពីការគោរពដល់ ភាពក្លាហាន និងឆន្ទៈតស៊ូយ៉ាងមុះមុតរបស់ប្រជាជនអ៊ុយក្រែន ដែលបានក្រោកឈរឡើងដើម្បីការពារប្រទេសជាតិរបស់ខ្លួន នៅក្រោមការដឹកនាំរបស់លោក ហ្សេលេនស្គី»។ បើតាមសេចក្ដីថ្លែងការណ៍ដដែល លោក គីស៉ីដា ក៏នឹងបង្ហាញផងដែរពីសាមគ្គីភាព និងការគាំទ្រឥតងាករេរបស់ជប៉ុន និងក្រុមប្រទេស G7 ចំពោះអ៊ុយក្រែន។ គួរបញ្ជាក់ថា ការទទួលស្គាល់របស់ក្រសួងការបរទេសជប៉ុន ធ្វើឡើងក្រោយទីភ្នាក់ងារសារព័ត៌មាន​ជប៉ុន Kyodo នាយករដ្ឋមន្ត្រីជប៉ុន លោក ហ្វូមីអុ គីស៉ីដា (Fumio Kishida) នឹងបំពេញទស្សនកិច្ចទៅកាន់ប្រទេសអ៊ុយក្រែន នៅថ្ងៃអង្គារ ទី២១ ខែមីនានេះ មួយថ្ងៃបន្ទាប់ពីលោកបាន ជួបពិភាក្សាការងារជាមួយនាយករដ្ឋមន្ត្រីឥណ្ឌា […]

(ភ្នំពេញ)៖ លោក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវ-ចារកិច្ច នៃក្រសួងការពារជាតិ ត្រូវបានរាជរដ្ឋាភិបាលតែងតាំងជាមេបញ្ជាការរង បញ្ជាការដ្ឋានកងទ័ពជើងគោក បន្ថែមលើមុខងារបច្ចុប្បន្ន។ ការតែងតាំង លោក ហ៊ុន ម៉ានិត បន្ថែមលើមុខងារបច្ចុប្បន្ននេះ បានធ្វើឡើងកាលពីថ្ងៃទី១៧ ខែមីនា ឆ្នាំ២០២៣ ដោយអនុក្រឹត្យរបស់ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា តបតាមសំណើរបស់រដ្ឋមន្ត្រីការពារជាតិ។ ផ្តល់សិទ្ធិដោយ៖ Fresh News

(វ៉ាស៊ីនតោន)៖ នាយកប្រតិបត្តិក្រុមហ៊ុន Amazon លោក Andy Jassy បានប្រកាសនៅក្នុងសេចក្តីថ្លែងការណ៍មួយកាលពីព្រឹកថ្ងៃចន្ទនេះថា ក្រុមហ៊ុន Amazon នឹងកាត់បន្ថយបុគ្គលិកចំនួន ៩,០០០នាក់នៅក្នុងសប្តាហ៍ខាងមុខនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែមីនា​ ឆ្នាំ២០២៣។ ការកាត់បន្ថយបុគ្គលិកលើកនេះ គឺជាជុំទី៣ របស់ក្រុមហ៊ុនហើយចាប់តាំងពីខែវិច្ឆិកា បន្ទាប់ពីក្រុមហ៊ុន Meta ដែលជាក្រុមហ៊ុនមេរបស់ Facebook និង Instagram បានកាត់បន្ថយបុគ្គលិកយ៉ាងច្រើនកាលពីសប្តាហ៍មុន៕ ផ្តល់សិទ្ធិដោយ៖ Fresh News

(មូស្គូ)៖ រដ្ឋបាលប្រធានាធិបតីរុស្ស៊ីនៅថ្ងៃចន្ទនេះ បានស្នើឱ្យមន្ត្រីឱ្យឈប់ប្រើប្រាស់ទូរសព្ទ iPhone របស់ក្រុមហ៊ុន Apple ដោយសារការព្រួយបារម្ភថាឧបករណ៍ទាំងនេះងាយរងគ្រោះដោយភ្នាក់ងារស៊ើបការណ៍លោកខាងលិច។ នេះបើយោងតាមកាសែត Kommersant ដកស្រង់ចេញផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី២០ ខែមីនា​ ឆ្នាំ២០២៣។ នៅក្នុងសិក្ខាសាលាមួយដែលរៀបចំឡើង ដោយវិមានក្រឹមឡាំងសម្រាប់មន្ត្រីពាក់ព័ន្ធនឹងគោលនយោបាយក្នុងស្រុក លោក Sergei Kiriyenko អនុប្រធានទីមួយនៃរដ្ឋបាលប្រធានាធិបតី បានសុំឱ្យមន្ត្រីផ្លាស់ប្តូរទូរសព្ទរបស់ពួកគេត្រឹមថ្ងៃទី០១ ខែមេសា។ កាសែត Kommersant បាន​ដក​ស្រង់​សម្តី​អ្នក​ចូល​រួម​ក្នុង​កិច្ច​ប្រជុំ​មួយ​រូប​ដែល​បាន​និយាយ​ថា​ «អ្វី​គ្រប់​យ៉ាង​គឺ​ចប់​ហើយ សម្រាប់ iPhone។ បោះ​វា​ចោល ឬ​ប្រគល់​វា​ទៅ​ឲ្យ​ក្មេងៗ។ អ្នក​រាល់​គ្នា​នឹង​ត្រូវ​ធ្វើ​វា​នៅ​ខែ​មីនានេះ»។ ប្រភពដដែលនេះបានគូសបញ្ជាក់ថា វិមានក្រឹមឡាំងអាចនឹងផ្តល់ឧបករណ៍ផ្សេងទៀត ជាមួយនឹងប្រព័ន្ធប្រតិបត្តិការផ្សេងគ្នាដើម្បីជំនួសទូរសព្ទ iPhone ។ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា លោកមិនអាចបញ្ជាក់របាយការណ៍នេះបានទេ ដោយគូសបញ្ជាក់ថាស្មាតហ្វូនមិនអាចប្រើប្រាស់សម្រាប់គោលបំណងផ្លូវការណាមួយឡើយ។ ទោះជាយ៉ាងណា ក្រុមហ៊ុន Apple មិន​បាន​ឆ្លើយ​តប​ភ្លាមៗ​ចំពោះ​សំណើ​សុំ​ការ​អត្ថាធិប្បាយ​ជុំវិញបញ្ហានេះទេ៕ ផ្តល់សិទ្ធិដោយ៖ Fresh News