(កំពង់ធំ)៖ វិស័យកសិកម្ម គឺជាវិស័យអាទិភាពមួយដែលចូលរួមចំណែកធ្វើឲ្យកសិករខ្មែរមានជីវភាពប្រសើរឡើង ក្នុងនោះដំណាំស្វាយចន្ទី ក៏ជាដំណាំមួយដែលធ្វើឲ្យខឿនសេដ្ឋកិច្ចជាតិមានការរីកចម្រើនផងដែរ។ លោក គង់ វិមាន ជាប្រជាពលរដ្ឋនៅឃុំពពក ស្រុកស្ទោង ខេត្តកំពង់ធំ បានលើកឡើងថាលោកជាមន្ត្រីរាជការផងជាកសិករផង។ លោកបានបញ្ជាក់ថា នៅម្តុំចំការស្វាយចន្ទីរបស់លោកមានច្រើនជាប្រភេទចន្ទីពូជ M 09 និងចន្ទីពូជ M 23 ពូជនេះផ្លែរបស់វាគឺមានពណ៌លឿង គ្រាប់់ពណ៌ស ហើយស្អាត ល្អជាង M 23។ នៅក្នុងឃុំនេះបើយើងគិតជាត្រួសៗតាមអ្វីដែលអាជ្ញាធរបានផ្ដល់ព័ត៌មាននោះ គឺប្រហែលមិនក្រោម ពីរ ទៅបីពាន់ហិចតាទេ សម្រាប់ដំណាំស្វាយចន្ទី M 09 នេះ មានតិចតួចទេ ហើយពណ៌នេះ ដោយសារតែកសិករយើងស្គាល់ច្រើនជាងគេ គឺពូជ M 23 ព្រោះវាមានលក្ខណៈអំណោយផលដល់ការដាំ។ លោកបានបន្តថា ទន្ទឹមនឹងនោះក៏យើងមិនចេះតែធ្វើបានជោគជ័យទេ វាទាមទារដូចជា ទី១ ពាក់ព័ន្ធទៅនឹងដី ព្រោះស្វាយចន្ទីវាអត់ត្រូវការជាំទឹកទេ ប្រភេទដីជាំទឹកខ្លាំងស្វាយចន្ទីដាំអត់កើតគឺត្រូវការដីរាងទួល ខ្ពង់រាប បើបានដីក្រហមទៀត គឺមានជាតិ។ ប៉ុន្តែមិនមែនល្អតែជើងអាក្រោមទេ វាបូកផ្សំទៅនឹងកត្តាអាកាសធាតុ បើអាកាសធាតុអំណោយផល ពេលចេញផ្កាមក គឺយើងត្រូវប្រើប្រាស់ថ្នាំដើម្បីបង្ការសត្វល្អិតកុំឱ្យសត្វល្អិតវាបំផ្លាញ […]

(ភ្នំពេញ)៖ លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃអាទិត្យ ទី១២ ខែមីនា ឆ្នាំ២០២៣នេះ បានអំពាវនាវដល់ប្រជាពលរដ្ឋខ្មែរនៅប្រទេសកូរ៉េខាងត្បូង ថៃ និងជប៉ុន ឱ្យមានការប្រុងប្រយ័ត្នចំពោះការឆបោកពីបុគ្គលមួយចំនួន ដែលតាំងខ្លួនជាសមាគម ឬស្និទ្ធនឹងមន្ត្រីរាជរដ្ឋាភិបាលជាដើម។ តាមរយៈបណ្តាញសង្គម អ្នកនាំពាក្យក្រសួងការងារ បានចែករំលែកនូវព័ត៌មានមួយចំនួន សម្រាប់ប្រជាពលរដ្ឋខ្មែរនៅកូរ៉េ ថៃ និងជប៉ុន ឱ្យបង្កើនការប្រុងប្រយ័ត្នក្នុងជីវិត ដោយមួយរយៈនេះអាចមានបុគ្គលមួយចំនួនអាចប៉ុនប៉ងឆបោកថវិកា ប្រសិនជាពួកគេមិនប្រយ័ត្ន ទៅតាមទម្រង់ផ្សេងៗ។ លោកអះអាងថា អ្នកខ្លះគាត់តាំងខ្លួនថាជាសមាគមនេះ សមាគមនោះ នៅជាមួយអ្នកនេះអ្នកនោះ ហើយភាគច្រើនគឺជាបុគ្គលស៊ីវិល័យហ៉ឺហា ហើយប្រាប់ពលរដ្ឋខ្មែរនៅប្រទេសកូរ៉េ ថៃ និងជប៉ុនថា៖ ១៖ ក្រុមគេកំពុងរៀបចំពុះដីឡូតិ៍នៅកន្លែងត្រូវប៉ាន់មួយកន្លែង។ ប៉ុន្តែពេលបងប្អូនសួររកឯកសារ និងច្បាប់គឺអត់មានអ្វីទាំងអស់។ គេឆ្លើយដោះសារថា គេកំពុងរត់ការ។ ប្រសិនជាបងប្អូនរងចាំដល់ពេលឯកសារចេញជាផ្លូវការ គឺបែកព័ត៌មានជាសាធារណៈគឺលែងចំនេញហើយ។ ដូច្នេះត្រូវតែចូលហ៊ុន ឬប្រមូលលុយជាសំងាត់សិន។ តាមពិតប្រសិនជាបងប្អូនទិញគម្រោងគេ គឺដូចបងប្អូនឲ្យគេយកលុយទៅរកស៊ីខ្យល់អញ្ចឹង។ វាមានហានិភ័យខ្ពស់ណាស់ សូមបងប្អូនប្រយ័ត្ន។ ២៖ ក្រុមគេកំពុងបង្កើតមុខរបរថ្មីមួយ ដែលមានអ្នកនេះ អ្នកនោះនៅពីក្រោយ បង្កើតហើយដឹងតែចំនេញច្រើនហ្មង។ ពេលយើងសួររកឯកសារ […]

(កំពត)៖ រដ្ឋបាលខេត្តកំពត បានប្រារព្ធពិធីប្រកាសជាផ្លូវការ ទីក្រុងកំពត ជាទីក្រុងទេសចរណ៍គ្មានផ្សែងបារី និងភ្ជាប់នូវកម្មវិធីហែរពានជ័យលាភី ទីក្រុងស្អាតរំដួល៣ទង លើកទី៣ សម្រាប់ខេត្តកំពត។ ពិធីខាងលើនេះបានប្រព្រឹត្តធ្វើឡើងនាថ្ងៃថ្ងៃទី១០ ខែមីនា ឆ្នាំ២០២៣ ម្សិលមិញ នៅសាលប្រជុំសាលាខេត្តកំពត។ ពិធីនេះបានធ្វើឡើងក្រោមអធិបតីភាព លោក ហោ សារុន រដ្ឋលេខាធិការក្រសួងទេសចរណ៍, លោក ម៉ៅ ធនិន អភិបាលខេត្តកំពត ព្រមទាំងប្រតិភូអមដំណើរ តំណាងក្រសួងសុខាភិបាល អង្គការសុខភាពពិភពលោក សហព័ន្ធត្រួតពិនិត្យថ្នាំជក់អាស៊ីអាគ្នេយ៍ ជួរថ្នាក់ដឹកនាំ មន្ត្រីរាជការកងកម្លាំងប្រដាប់វុធ អាជ្ញាធរ តំណាងប្រជាពលរដ្ឋនិងសិស្សានុសិស្ស និស្សិត។ នីឱកាសនោះ លោក ម៉ៅ ធនិន បានបញ្ជាក់ថា ការប្រកាសជាផ្លូវការ ទីក្រុងកំពត ជាទីក្រុងទេសចរណ៍គ្មានផ្សេងបារី និងការហែរពានជ័យលាភី ទីក្រុងស្អាតផ្ការំដួល៣ទង លើកទី៣ សម្រាប់ទីក្រុងកំពត ពេលនេះ គឺជាកិត្តិយស និងដើម្បីពង្រឹងកិត្តិនាមក្នុងការលើកកម្ពស់មុខមាត់ខេត្តកំពតឱ្យកាន់តែមានភាពទាក់ទាញ សម្រាប់ភ្ញៀវទេសចរណ៍ជាតិនិងអន្តរជាតិបន្ថែមទៀត។ លោកអភិបាលខេត្ត បានបន្តថា ការទទួលបានជ័យលាភី ពាក់ព័ន្ធ ការអភិវឌ្ឍវិស័យទេសចរណ៍ សម្រាប់ទីក្រុងកំពត នាពេលនេះ […]

(ព្រះសីហនុ)៖ នាវាទេសចរណ៍ខ្នាតធំ ១គ្រឿងទៀតមានឈ្មោះ SEABOURN ENCORE សញ្ជាតិ BAHAMAS បានចូលចតនៅកំពង់ផែស្វយ័តក្រុងព្រះសីហនុ នៅថ្ងៃទី១១ ខែមីនា ឆ្នាំ២០២៣នេះ ដើម្បីដាក់ភ្ញៀវទេសចរចុះទស្សនកិច្ចពីតំបន់មានសក្តានុពលធំៗមួយចំនួន រយៈពេល១ថ្ងៃ ក្នុងខេត្តព្រះសីហនុ។ របាយការណ៍របស់នាយប៉ុស្តិ៍នគរបាលច្រកទ្វារកំពង់ផែស្វយ័តអន្តរជាតិខេត្តព្រះសីហនុ បានឱ្យដឹងថា នាវាទេសចរណ៍ខ្នាតធំ SEABOURN ENCORE មាននាវិកចំនួន ៤៤១នាក់ ស្រី១០៦នាក់ មាន ៤៦សញ្ជាតិ មានភ្ញៀវទេសចរចំនួន ៤១៦នាក់ ស្រី ២១៤នាក់ មាន២៣សញ្ជាតិ។ នាវាទេសចរណ៍ខ្នាតធំ SEABOURN ENCORE មានជាតិសាសន៍ចម្រុះ សរុប៦៩សញ្ជាតិ (ចំនួនសញ្ជាតិភ្ញៀវច្រើនជាងគេ គឺអាមេរិក) នាវានេះមានប្រវែងបណ្តោយជាង ២០០ម៉ែត្រ ប្រវែងទទឹងជិត ៣០ម៉ែ្រត ជម្រៅជាង ៦ម៉ែត្រ ហើយនឹងចាកចេញទៅវិញនៅយប់ថ្ងៃ ខែ ឆ្នាំដដែល ឆ្ពោះទៅប្រទេសវៀតណាម។ គួរជម្រាបដែរថា នេះគឺជាការចូលចតលើកទី៤ បន្ទាប់ពីការអាក់ខានដោយសារវិបត្តិនៃជំងឺកូវីដ១៩ អស់រយៈពេលជាង០២ឆ្នាំកន្លងមកនេះ ដែលនេះជាសញ្ញាវិជ្ជមានបញ្ជាក់ថាវិស័យទេសចរណ៍កម្ពុជា ធានាបានភាពធន់ និងការត្រៀមខ្លួនរួចជាស្រេចសម្រាប់ស្វាគមន៍ភ្ញៀវទេសចរមកពីគ្រប់ទិសទីទាំងផ្លូវអាកាស ផ្លូវគោក និងផ្លូវទឹក៕ […]

(ភ្នំពេញ)៖ រយៈពេល ២១ឆ្នាំនេះ ពោលគិតចាប់ពីឆ្នា២០០១ មកដល់ដំណាច់ឆ្នាំ២០២២ កូរ៉េខាងត្បូងបានសន្យាផ្តល់ឥណទានសម្បទានដល់កម្ពុជា មានទឹកប្រាក់សរុបប្រមាណជា ១៨០០លានដុល្លារអាមេរិក។ នេះបើតាមលោកស្រី គីម ឃ្យុងហ៉ី អគ្គនាយកនៃអគ្គនាយកដ្ឋានអភិវឌ្ឍន៍ហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុកូរ៉េ នៅថ្ងៃសុក្រ ទី១០ ខែមីនា ឆ្នាំ២០២៣។ ថ្លែងក្នុងសិក្ខាសាលាស្តីអំពីការវាយតម្លៃប្រចាំប្រទេសលើកទី១ របស់មូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) ដែលបានធ្វើឡើងរួមគ្នារវាងក្រសួងសេដ្ឋកិច្ច និងហិរញ្ញវត្ថុ និងធនាគារនីហរ័ណ-អាហរ័ណនៃប្រទេសកូរ៉េ លោកស្រី គីម ឃ្យុងហ៉ី បានកត់សម្គាល់ថា កម្ពុជា គឺជាប្រទេសដៃគូធំទី២ របស់ EDCF។ លោកស្រីបន្ថែមថា ជាមួយនឹងក្របខ័ណ្ឌហិរញ្ញប្បទាន (Framework arrangement) មានតម្លៃ ១៥០០លានដុល្លាអាមេរិក សម្រាប់ឆ្នាំ២០២២-២០២៦ ដែលបានចុះហត្ថលេខាដោយរដ្ឋាភិបាល នៃប្រទេសទាំងពីរ កាលពីឆ្នាំមុន ពេលនេះគឺជាឱកាសដ៏ល្អសម្រាប់ការពិភាក្សា និងកំណត់អាទិភាពនៃកិច្ចអន្តរាគមន៍របស់ EDCF ដែលនឹងចូលរួមចំណែកដល់ការអភិវឌ្ឍន៍ប្រកបដោយចីរភាព និងបរិយាប័ន្ននៅប្រទេសកម្ពុជា។ «ហិរញ្ញប្បទាន ក្រោមមូលនិធិសហប្រតិបត្តិអភិវឌ្ឍន៍សេដ្ឋកិច្ច ហៅកាត់ថា EDCF នៅកម្ពុជាបានកើនឡើងយ៉ាងខ្លាំងនាប៉ុន្មានឆ្នាំនេះ កើនរហូតដល់ ១៨០០លានដុល្លាអាមេរិក នៃកម្រិតនៃការផ្តល់កម្ចីប្រចាំឆ្នាំ២០២២។ គម្រោងថ្មីបំផុតនោះ […]

(ភ្នំពេញ)៖ ក្នុងរយៈពេល ២ខែដើមឆ្នាំ២០២៣ កម្ពុជាបាននាំចេញអង្ករចំនួនជិត ១០ម៉ឺនតោន ទៅកាន់ទីផ្សារចំនួន ៣៨ប្រទេស ដោយទទួលបានទឹកប្រាក់ចំនួន ៧២.៦៧លានដុល្លារសហរដ្ឋអាមេរិក ។ នេះបើយោងតាមសេចក្តីប្រកាសព័ត៌មាន របស់សហព័ន្ធស្រូវអង្ករ ដែលបណ្តាញព័ត៌មាន Fresh News ទទួលបាននៅថ្ងៃទី១០ ខែមីនា ឆ្នាំ២០២៣នេះ។ ការនាំអង្ករបានធ្វើឡើងតាមរយៈក្រុមហ៊ុននាំចេញចំនួន ៤០ក្រុមហ៊ុន ដោយបាននាំចេញទៅប្រទេសចិន និងតំបន់ស្វយ័តហុងកុងចំនួន ៤៩ ០៥៦ តោន ឬស្មើនឹង ៥០.៣៣% គីតជាទឹកប្រាក់ចំនួន ៣៣.៩៣ លានដុល្លារ, ប្រទេសនៅក្នុងទ្វីបអឺរ៉ុបចំនួន ២១ បានចំនួន ៣៨ ៤៥៦តោនដែលគិតជាទឹកប្រាក់មានចំនួន២៧.២៦ លានដុល្លារសហរដ្ឋអាមេរិក, ប្រទេសម៉ាឡេស៊ី និងសិង្ហបូរីចំនួន ៤ ៤០៩ តោន ដែលគិតជាទឹកប្រាក់មានចំនួន ៣.០២លាន ដុល្លារសហរដ្ឋអាមេរិក និងប្រទេសផ្សេងៗ នៅអាហ្វ្រិក អូស្ត្រាលី មជ្ឈឹមបូព៌ា តួគី រុស្សី សហរដ្ឋអាមេរិក និងបណ្តាប្រទេសផ្សេងៗ បានចំនួន ៥ ៥៤៦ […]

(ភ្នំពេញ)៖ ក្រសួងមហាផ្ទៃ បានសម្រេចបើកឲ្យមានការប្រឡងជ្រើសរើសសិស្ស-និស្សិត បញ្ចូលក្នុងក្របខ័ណ្ឌមន្រ្តីរាជការស៉ីវិល និងក្របខ័ណ្ឌមន្រ្តីពន្ធនាគារ ក្រសួងមហាផៃ្ទ សម្រាប់ឆ្នំា២០២៣ ដើម្បីទៅបម្រើការងារនៅអង្គភាពនានា ចំណុះទីស្តីការក្រសួងមហាផ្ទៃ មណ្ឌលអប់រំកែប្រែទី៤ នៃអគ្គនាយកដ្ឋានពន្ធនាគារ និងរដ្ឋបាលក្រុងស្រុកថ្មី ចំនួន៥ ដែលទើបត្រូវបានបង្កើតថ្មី។ នេះបើតាម សេចក្តីជូនដំណឹងដែលបណ្តាញ Fresh News ទទួលបាននៅថ្ងៃទី១០ ខែមីនា ឆ្នាំ២០២៣៕ ខាងក្រោមនេះជាសេចក្តីជូនដំណឹង៖ ផ្តល់សិទ្ធិដោយ៖ FRESH NEWS

(កំពង់ឆ្នាំង)៖ បន្ទាប់ពីទន្ទឹងរង់ចាំអស់រយៈពេលយូរឆ្នាំ ទីបំផុតទៅពន្លឺក្តីសង្ឃឹមនៃការសាងសង់ស្ពាន និងផ្លូវឆ្លងកាត់ទន្លេសាបតភ្ជាប់ក្រុងកំពង់ឆ្នាំង ទៅកាន់ស្រុកកំពង់លែង ឆ្ពោះទៅ ខេត្តកំពង់ធំ ត្រូវបានប្រកាសបង្ហាញកាលបរិច្ឆេទសាងសង់ច្បាស់លាស់ហើយ គឺនៅឆ្នាំ​២០ ២៤។ ដំណឹងនេះបានប្រជាពលរដ្ឋអ្នកខេត្តកំពង់ធំ កំពង់ឆ្នាំង ជាពិសេសអ្នកស្រុកកំពង់លែង មានសេចក្តីត្រេកអរ។ ស្រុកកំពង់លែង មានប្រជាពលរដ្ឋរស់នៅប្រមាណជា ១ម៉ឺនគ្រួសារ។ ស្រុកនេះស្ថិតមិនឆ្ងាយប៉ុន្មានឡើយពីក្រុងកំពង់ឆ្នាំង តែដងទន្លេសាបដ៏វែងអន្លាយបានខណ្ឌ ចែកស្រុកនេះហាក់នៅសែនឆ្ងាយ។ លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានឱ្យដឹងថា ស្រុកកំពង់លែងហាក់ជា តំបន់ឯកោមួយ ដោយសារតែមធ្យោបាយនៃការធ្វើដំណើរមានសភាពលំបាក ព្រោះត្រូវឆ្លង ទន្លេ។ បន្ទាប់ពីបានទទួលដំណឹងច្បាស់លាស់នៃការសាងសង់ស្ពាន និងផ្លូវមួយខ្សែនេះ លោកអភិ បាលខេត្តកំពង់ឆ្នាំង បានសម្តែងការរីករាយជាខ្លាំង។ ជួសមុខឱ្យប្រជាពលរដ្ឋទូទាំងខេត្ត បានគោរពថ្លែងអំណរគុណសម្តេចតេជោ ហ៊ុន សែន យ៉ាងជ្រាលជ្រៅជាទីបំផុត។ លោកអភិបាលខេត្ត បានលើកឡើងថា បន្ទាប់ពីមានស្ពាន និងផ្លូវមួយខ្សែនេះ ខេត្តកំពង់ ឆ្នាំង នឹងក្លាយជាកន្លែងធ្វើដំណើរឆ្លងកាត់មមាញឹក ជាពិេសសអ្នកត្រូវធ្វើដំណើររវាងផ្លូវជាតិ​លេខ៥ និងផ្លូវជាតិលេខ៦ ដោយមិនតម្រូវឱ្យវាងឆ្ងាយទៀតនោះឡើយ។ អ្វីដែលលោក ស៊ុន សុវណ្ណារិទ្ធ រំពឹងខ្ពស់ថែមទៀតនោះ ស្ពាន […]

កាលពីថ្ងៃពុធ ប៉ូលីសនៅក្នុងខេត្ត Aichi របស់ជប៉ុន បានប្រកាសថា ពួកគេ បានចាប់ខ្លួនបុរស២នាក់ ដែលមានអាយុ២១ និង ១៩ឆ្នាំ និងក្មេងស្រីអាយុ១៥ឆ្នាំ ដែលពាក់ព័ន្ធនឹងការថតវីដេអូលេងសើចគួរឱ្យខ្ពើមរអើម។ ដោយកាលពីខែមុនជនសង្ស័យអាយុ២១ឆ្នាំ បានស្តោះទឹកមាត់ ដាក់លើ sushi និង ប្រដាប់ប្រដានៅក្នុងហាង ហើយលិឍមាត់ដបទឹកស៊ីអ៊ីវ ខណៈដែលយុវជនអាយុ ១៩ ឆ្នាំម្នាក់ទៀត បានថតពីសកម្មភាពនេះ នៅភោជនីយដ្ឋាន Kura Sushi នៅក្នុងទីក្រុង Nagoya ហើយបន្ទាប់ពីវីដេអូបានចែកចាយ ខាងភោជនីយដ្ឋានបានដាក់ពាក្យបណ្តឹង និងរាយការណ៍ពីការខូចខាតដល់ប៉ូលីស។ សកម្មភាពនេះត្រូវបានគេដាក់ឈ្មោះថា #sushitero និង #sushiterrorism ដែលផ្ទុះពេញអ៊ីនធើណែត ហើយគេឃើញយុវជនជាច្រើននាក់ដាក់មាត់របស់ពួកគេលើដបទឹកស៊ីអ៊ីវ លិឍចានអាហារជាដើម។ សកម្មភាពរបស់ពួកគេបានបង្កឱ្យមានការព្រួយបារម្ភជាសាធារណៈ។ ប្រជាជនជប៉ុនមួយចំនួនបានសម្តែងថាពួកគេមានការខ្លាចរអារនឹងការទៅទទួលទានអាហារនៅខាងក្រៅទៀត។ ក្រុមស៊ើបអង្កេតមិនទាន់បង្ហើបឱ្យដឹងថាតើជនត្រូវចាប់ខ្លួនបានសារភាពចំពោះការចោទប្រកាន់ឬយ៉ាងណានៅឡើយទេ៕ ប្រភព៖ nextshark

(វៀតណាម)៖ កម្ពុជា-វៀតណាមឯកភាព បានឯកភាពពិនិត្យលទ្ធភាពពន្លឿននីតិវិធីការធ្វើវិសោធនកម្មកិច្ចព្រមព្រៀងទំនិញឆ្លងកាត់រវាងកម្ពុជា-វៀតណាម ដើម្បីបញ្ចូលច្រកទ្វារព្រំដែនអន្តរជាតិម៉ឺនជ័យ​(ព្រៃវែង)-តឺនណាម(តៃនិញ) ​ដែលជាការសម្រួលដល់ការនាំចេញ និងនាំចូលទំនិញរវាងប្រទេសទាំងពីរ។ ​ក្នុងជំនួបពិភាក្សាការងារជាមួយ លោក Tran Quoc Khanh អនុរដ្ឋមន្រ្តីក្រសួងឧស្សហកម្ម និងពាណិជ្ជកម្មវៀតណាម លោក សុខ សុភ័ក្រ្ត រដ្ឋលេខាធិការក្រសួងពាណិជ្ជកម្ម ​បានលើកឡើងពីការពង្រីកកិច្ចសហប្រតិបត្តិការផ្នែកពាណិជ្ជកម្មរវាងកម្ពុជា និងវៀតណាម ដើម្បីជំរុញវិស័យសេដ្ឋកិច្ច-ពាណិជ្ជកម្មទ្វេភាគី ឱ្យកាន់តែរីកចម្រើនបន្ថែមទៀត។ លោកបានស្នើសុំភាគីវៀតណាម ពិនិត្យលទ្ធភាពពន្លឿននីតិវិធីការធ្វើវិសោធនកម្មកិច្ចព្រមព្រៀងទំនិញឆ្លងកាត់រវាងកម្ពុជា-វៀតណាម ដើម្បីបញ្ចូលច្រកទ្វារព្រំដែនអន្តរជាតិម៉ឺនជ័យ​(ព្រៃវែង)-តឺនណាម(តៃនិញ) ដោយនាពេលបច្ចុប្បន្ន គូភាគីនៅរង់ចាំតែ ពិធីសម្ភោធជាផ្លូវការនៃច្រកអន្តរជាតិនេះ ដោយប្រមុខរដ្ឋាភិបាលនៃប្រទេសទាំងពីរ ប៉ុណ្ណោះ។ ជុំវិញសំណើរនេះ លោក Tran Quoc Khanh អនុរដ្ឋមន្រ្តីក្រសួងឧស្សហកម្ម និងពាណិជ្ជកម្មវៀតណាម បានលើកឡើងថា ភាគីវៀតណាម ​កំពុងឆ្លងនីតិវិធីផ្ទៃក្នុង​ ដោយបានបញ្ជូនអត្ថបទកិច្ចព្រមព្រៀងជូនរដ្ឋាភិបាលវៀតណាមពិនិត្យរួចរាល់ហើយ និងបានរំពឹងថាភាគីទាំងពីរ នឹងអាចបញ្ចប់នីតិវិធីផ្ទៃក្នុងរៀងៗខ្លួន នាពេលដ៏ខ្លីខាងមុខ។ ទន្ទឹមនឹងនេះ ​លោកបានឯកភាពនឹងពន្លឿននីតិវិធីការធ្វើវិសោធនកម្មកិច្ចព្រមព្រៀងទំនិញឆ្លងកាត់រវាងកម្ពុជា-វៀតណាម ដើម្បីបញ្ចូលច្រកទ្វារព្រំដែនអន្តរជាតិ ម៉ឺនជ័យ(ព្រៃវែង)-តឺនណាម(តៃនិញ) តាមដែលអាចធ្វើបាន ស្របពេលដែលថ្នាក់ដឹកនាំកំពូលទាំងពីរគ្រោងនឹងសម្ភោធច្រកទ្វារអន្តរជាតិនេះ នាពេលដ៏ខ្លីខាងមុខ។ ក្នុងកិច្ចជំនួបពិភាក្សា​នេះដែរ ភាគីទាំងពីរ ថែមទាំងបានពិភាក្សា​ ​អំពីនីតិវិធី និងយន្តការនានា […]