(បាងកក)៖ មន្ត្រីថៃ បានបញ្ជាក់ជាថ្មីកាលពីម្សិលមិញថានឹងមិនបញ្ជូនអត្តពលិកទៅប្រកួតគុនខ្មែរនៅស៊ីហ្គេមឆ្នាំនេះនៅកម្ពុជាទេ។ នេះបើយោងតាមការចុះផ្សាយរបស់សារព័ត៌មាន BANGKOK POST នៅថ្ងៃទី០៩ ខែកុម្ភៈ ឆ្នាំ២០២៣។ លោក Sakchye Tapsuwan ប្រធានសហព័ន្ធអន្តរជាតិនៃសមាគម«Muay Thai»(IFMA) បានប្រាប់សន្និសីទសារព័ត៌មានថា ប្រទេសថៃមិនអាចចូលរួមប្រកួតក្នុងប្រដាល់«គុនខ្មែរ»បានទេ ព្រោះវាផ្ទុយនឹងច្បាប់របស់គេ។ លោក Sakchye បាននិយាយថា៖ «យើងមានការគោរពចំពោះគុនខ្មែរ។ ប៉ុន្តែយើងមិនអាចបញ្ជូនអត្តពលិកទៅប្រកួតបានទេ ព្រោះវាខុសនឹងច្បាប់របស់ IFMA ហើយថៃមិនមានសមាជិកនៅក្នុងសមាគមគុនខ្មែរ។ យើងបានពិភាក្សាជាមួយមន្ត្រីនៅគណៈកម្មាធិការជាតិអូឡាំពិកថៃ ហើយពួកគេបានយល់ព្រមជាមួយយើងជាគោលការណ៍»។ ប្រធាន IFMA បានព្រមានថែមទៀតថា ប្រទេសដែលចូលរួមប្រកួតកីឡាគុនខ្មែរនៅស៊ីហ្គេមលើកទី៣២ នៅកម្ពុជា ចាប់ពីថ្ងៃទី៥ ដល់ថ្ងៃទី១៧ ខែឧសភា នឹងមិនត្រូវបានអនុញ្ញាតឱ្យចូលរួមក្នុងការប្រកួត Asian Indoor and Martial Arts Games នៅប្រទេសថៃនៅចុងឆ្នាំនេះទេ។ លោក Stephan Fox អគ្គលេខាធិការរបស់ IFMA បានប្រាប់សន្និសីទសារព័ត៌មានកាលពីម្សិលមិញថា សមាគមគុនខ្មែរមានសមាជិកតិចជាង ៤០ប្រទេស ហើយមិនបានរៀបចំព្រឹត្តិការណ៍អន្តរជាតិយ៉ាងហោចណាស់បីទេ។ លោក Fox បានបន្តថា៖ […]

(តាកែវ)៖ ឯកឧត្តម អ៊ូច ភា អភិបាលខេត្តតាកែវ ណែនាំដល់សមត្ថកិច្ច និងអាជ្ញាធរពាក់ព័ន្ធទាំងអស់ ត្រូវពង្រឹងការអនុត្តន៍គោលនយោបាយភូមិឃុំមានសុវត្ថិភាព ដើម្បីក្ដីសុខសាន្តរបស់ប្រជាពលរដ្ឋនៅមូលដ្ឋាន។ ឯកឧត្តមបានថ្លែងបែបនេះ នៅសាលប្រជុំរដ្ឋបាលខេត្តតាកែវ កាលពីថ្ងៃព្រហស្បតិ៍ ទី០៩ ខែកុម្ភៈ ឆ្នាំ២០២៣ ក្នុងឱកាសឯកឧត្តមបានអញ្ជើញបើកកិច្ចប្រជុំគណៈបញ្ជាការឯកភាពរដ្ឋបាលខេត្ត ជាមួយ លោក លោកស្រី អភិបាលរងខេត្ត លោកឧត្តមសេនីយ៍ទោ ស្នងការនគរបាលខេត្ត លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត លោក លោកស្រី ប្រធានមន្ទីរអង្គភាពពាក់ព័ន្ធ លោក អភិបាលក្រុងស្រុក និងអធិការនគរបាលក្រុងស្រុក និងមេបញ្ជាការមូលដ្ឋានកងរាជអាវុធហត្ថក្រុងស្រុក ព្រមទាំងមន្រ្តីពាក់ព័ន្ធជាច្រើនរូបផងដែរ។ ថ្លែងក្នុងកិច្ចប្រជុំគណៈបញ្ជាការឯកភាពរដ្ឋបាលខេត្ត ឯកឧត្តម អ៊ូច ភា អភិបាលខេត្តតាកែវ បានធ្វើថ្លែងការកោតសរសើរ និងវាយតម្លៃខ្ពស់ចំពោះចំពោះអាជ្ញាធរពាក់ព័ន្ធទាំងអស់ ដែលបានខិតខំបំពេញតួរនាទីភារកិច្ចរបស់ខ្លួន បានយ៉ាងល្អប្រសើរទទួលបានការគាំទ្រ ពីសំណាក់បងប្អូនប្រជាពលរដ្ឋ។ បន្ថែមពីនេះដែរ ឯកឧត្តមអភិបាលខេត្ត ក៏បានធ្វើការជម្រុញបន្ថែមទៀត ដល់ សមត្ថកិច្ចគ្រប់លំដាប់ថ្នាក់ និងអាជ្ញាធរក្រុង/ស្រុកទាំង១០ ត្រូវបន្តយកចិត្តទុកដាក់ដោះស្រាយរាល់បញ្ហា ដែលកើតមានឡើងក្នុងដែនសមត្ថកិច្ចរបស់ខ្លួន ឱ្យបានស្របទៅនឹងគោលនយោបាយភូមិឃុំមានសុវត្ថិភាព របស់រាជរដ្ឋាភិបាល ដែលបាន […]

(ភ្នំពេញ)៖ សោកនាដកម្មនៃការបាត់បង់ជីវិតប្រជាជនរាប់ពាន់នាក់ និងអ្នករងរបួសរាប់ម៉ឺននាក់ ព្រមទាំងការខូចខាតយ៉ាងដំណំ បង្កឡើងដោយគ្រោះរញ្ជួយដីកម្រិត ៧,៨ រុិចទ័រ ដែលបានកើតឡើងនៅខេត្តភាគអាគ្នេយ៍នៃសាធារណរដ្ឋតួកគី កាលពីថ្ងៃទី ០៦ ខែកុម្ភៈ ឆ្នាំ ២០២៣ បានធ្វើឱ្យពិភពលោកមានការតក់ស្លុតជាខ្លាំង។ ខណៈដែលបុរស ស្ត្រី និងកុមារ នៅប្រទេសតួកគី ជាច្រើនកំពុងស្ថិតនៅក្នុងភាពលំបាកខ្វះខាត កម្ពុជា ក៏ប្រកាសផ្តល់ជំនួយមនុស្សធម៌ ចំនួន១០០,០០០ដុល្លារអាមេរិក ដល់តួកគី។ ជាមួយគ្នានេះ សម្រាប់បងប្អូនកម្ពុជា ដែលចង់បរិច្ចាគសម្លៀកបំពាក់ សម្ភារនិងរបស់ប្រេីប្រាស់ កាលពីពេលថ្មីៗនេះស្ថានទូតតួកគីនៅភ្នំពេញ ក៏បានធ្វើការប្រកាសនៅលើទំព័រហ្វេសប៊ុកផេកយ៉ាងដូច្នេះថា៖ «ប្រជាពលរដ្ឋតួកគី និងមិត្តភ័ក្តិកម្ពុជា ក៏ដូចជាមិត្ដផ្សេងទៀតដែលមានបំណងចង់បរិច្ចាគកញ្ចប់ជំនួយដល់ជនរងគ្រោះដោយគ្រោះមហន្តរាយរញ្ជួយដីដ៏ខ្លាំងក្លានៅតួកគី អ្នកអាចនាំយកកញ្ចប់របស់ពួកអ្នកទៅកាន់ស្ថានទូត (អាសយដ្ឋាន៖ផ្ទះលេខ​ ១-៣​ ផ្លូវ២៥៤​ សង្កាត់ចតុមុខ​ ខណ្ឌដូនពេញ​ រាជធានី​ភ្នំពេញ) ក្នុងអំឡុងពេលម៉ោងធ្វើការ។ សម្រាប់កញ្ចប់ដែលត្រូវដឹកជញ្ជូននៅម៉ោងមិនធ្វើការ សូមទាក់ទងមកជាមុនតាមរយៈ +855 12 464 051។ សម្រាប់ការសាកសួរបន្ថែមទាក់ទងនឹងស្ថានភាពនៅតួកគី​ អ្នកអាចទូរស័ព្ទទៅមជ្ឈមណ្ឌលទំនាក់ទំនងកុងស៊ុល (+903122922929)។» ជាមួយគ្នានេះស្ថានទូតតួកគី ក៏បានបើកសៀវភៅរំលែកទុក្ខ សម្រាប់អ្នក​ដែល​ចង់​សរសេរសារ​រំលែក​ទុក្ខ​ អាច​មក​កាន់​ស្ថានទូត​នៅ​ថ្ងៃ​សុក្រ (១០ កុម្ភៈ […]

រាជធានីភ្នំពេញ៖ យោងតាមការចុះផ្សាយរបស់ ក្រសួងវប្បធម៌ និងវិចិត្រសិល្បៈ នៅថ្ងៃទី១០ ខែកុម្ភៈ ឆ្នាំ២០២៣ បានឱ្យដឹងថា ព្រឹទ្ធាចារ្យចំនួន ៩រូប ទទួលបានការប្រោសប្រទានគោរមងារ មត៌កមនុស្សរស់ ដោយព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ ព្រះមហាក្សត្របានផ្តល់គោរមងារថ្នាក់ជាតិជូនព្រឹទ្ធាចារ្យ ៩រូបរួមមានដូចខាងក្រោម៖ ១- ព្រឹទ្ធាចារ្យសិល្បៈ គិន យិន ជា គរុនាដកា គិន យិន ២- ព្រឹទ្ធាចារ្យ ជា យុទ្ធា ជា ទេពហត្ថកោសល្យ ជា យុទ្ធា ៣- ព្រឹទ្ធាចារ្យសិល្បៈ ជៀន សុផាន ជា ចម្មការភិរក្ស ជៀន សុផាន ៤- ព្រឹទ្ធាចារ្យសិល្បៈ ញុច ហឿន ជា ពិភត្តិតន្តី ញុច ហឿន ៥- ព្រឹទ្ធាចារ្យសិល្បៈ ណាន សាម័យ ជា […]

(ភ្នំពេញ)៖ អភិបាលខេត្តកំពង់ស្ពឺ លោក វ៉ី សំណាង នៅព្រឹកថ្ងៃទី០៩ ខែកុម្ភៈ ឆ្នាំ២០២៣នេះ បានអះអាងថា មិនមានការឈូសឆាយដើម្បីធ្វើផ្លូវ សម្រាប់ឡើងទៅកំពូលភ្នំខ្នងផ្សារនោះទេ ហើយការដ្ឋានដែលត្រូវបានគេចែកចាយរូបភាពនៅតាមបណ្ដាញសង្គមនោះ ឃើញមានការឈូសឆាយផ្លូវនោះ គ្រាន់តែជាការរៀបចំសម្រាប់តម្លើងបង្គោលភ្លើងឆ្លងកាត់ផ្នែកខ្លះ នៃផ្លូវឡើងទៅកំពូលភ្នំប៉ុណ្ណោះ។ ការចេញមកបញ្ជាក់របស់លោក វ៉ី សំណាង ធ្វើឡើងក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល និងដើម្បីបញ្ចប់មន្ទិលសង្ស័យរបស់ប្រជាពលរដ្ឋ ពិសេសអ្នកដែលចូលចិត្តធ្វើដំណើរផ្សងព្រេងឡើងភ្នំ ក្រោយមានការចែកចាយរូបភាពការដ្ឋានឈូសឆាយផ្នែកខ្លះ នៃតម្រាយផ្លូវឡើងទៅរម្មណីយដ្ឋានភ្នំខ្នងផ្សារ ស្ថិតក្នុងតំបន់រលាក់កងជើង ស្រុកឱរ៉ាល់។ លោកអភិបាលខេត្តកំពង់ស្ពឺ បានថ្លែងយ៉ាងដូច្នេះថា «ខ្ញុំចង់បញ្ជាក់ជូនថា បងប្អូនប្រហែលជាយល់ច្រឡំថា នេះជាគម្រោងរបស់រដ្ឋ ឬគម្រោងអ្វីមួយហើយ ប៉ុន្ដែមិនមែនទេដោយសារយើងរីកចម្រើនផ្នែកសេដ្ឋកិច្ច ជាពិសេសវិស័យរោងចក្រសហគ្រាស ដែលគេត្រូវការភ្លើងប្រើប្រាស់យ៉ាងច្រើន។ អញ្ចឹងយើងត្រូវរៀបចំអូសបង្គោលភ្លើង ដូច្នេះគាត់ត្រូវដឹកជញ្ជូនសម្ភារៈ ឧបករណ៍រៀបចំបង្គោល ដូច្នេះត្រូវឈូសផ្លូវនេះឡើងទៅ»។ លោក វ៉ី សំណាង នៅតែបន្ដអះអាងថា រដ្ឋមិនមានគម្រោងណាមួយ ដើម្បីធ្វើផ្លូវឡើងទៅកាន់កំពូលភ្នំខ្នងផ្សារ ដែលជាទីតាំងតំបន់ទេសចរណ៍ធម្មជាតិដ៏ទាក់ទាញនោះទេ។ លោកបានលើកនូវពាក្យស្លោកដែលអ្នកធ្លាប់ ទៅភ្នំខ្នងផ្សារនិយាយថា «ដើម្បីឃើញទេសភាពដ៏ស្រស់ស្អាត ត្រូវតែឆ្លងកាត់ផ្លូវដ៏លំបាក» ហើយការឡើងទៅតំបន់នេះ គឺមិនអាចវិលល្ងាចវិញបានឡើយ ពោលត្រូវតែឲ្យអ្នកដែលចូលចិត្តផ្សងព្រេង បានសម្រាកនៅលើកំពូលភ្នំតែម្ដង។ សូមជម្រាបថា ភ្នំខ្នងផ្សារ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា តាមរយៈឯកអគ្គរាជទូតជប៉ុន ប្រចាំនៅកម្ពុជា បានស្នើទៅរដ្ឋាភិបាលជប៉ុន ជួយជម្រុញ និងលើកទឹកចិត្តពលរដ្ឋជប៉ុន ឱ្យមកទស្សនាការប្រកួតស៊ីហ្គេ នៅកម្ពុជា ដែលនឹងចាប់ផ្តើមនៅខែឧសភា ខាងមុខនេះ។ សំណើរបស់សម្តេចតេជោ បានធ្វើឡើងក្នុងជំនួបសម្តែងការគួរសម និងពិភាក្សាការងារជាមួយឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតថ្មីរបស់ជប៉ុន ប្រចាំនៅកម្ពុជា កាលពីថ្ងៃទី០៨ ខែកុម្ភៈ ឆ្នាំ២០២៣។ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានឱ្យដឹងថា នៅក្នុងជំនួបខាងលើនេះ ឯកឧត្តមឯកអគ្គរាជទូត បានបង្ហាញការតាំងចិត្តខ្ពស់ ក្នុងការលើកកម្ពស់ទំនាក់ទំនងរវាងកម្ពុជា និងជប៉ុន ក្នុងបេសកកម្មការងារជាឯកអគ្គរាជទូតជប៉ុននៅកម្ពុជា។ ឯកឧត្តមបន្តថា រដ្ឋាភិបាលជប៉ុន ក៏នឹងជួយកម្ពុជារៀបចំដំណើរការប្រកួតកីឡាស៊ីហ្គេម ដំណើរការបោះឆ្នោត ការងារដោះមីន និងកិច្ចសហប្រតិបត្តិការលើវិស័យសេដ្ឋកិច្ច និងការងារដទៃទៀត។ សម្តេចតេជោ ហ៊ុន សែន បានស្វាគមន៍រាល់របៀបវារៈការងារទាំងឡាយរបស់ឯកឧត្តម ឯកអគ្គរាជទូតនៅកម្ពុជា។ ពាក់ព័ន្ធការងារប្រកួតស៊ីហ្គេម សម្តេចតេជោ ហ៊ុន សែន […]

(ព្រះសីហនុ)៖ របងថ្មដែលត្រូវបានសាងសង់នៅតាមតាមឆ្នេរអូឈើទាល ក្រុងព្រះសីហនុ ហើយទទួលការរិះគន់យ៉ាងខ្លាំងតាមបណ្តាញសង្គមនារយៈពេលប៉ុន្មានថ្ងៃមកនេះ ត្រូវបានម្ចាស់ទីតាំងវាយកម្ចេចចោលវិញហើយ ក្រោយមានការណែនាំពីអាជ្ញាធរខេត្ត។ ការវាយកម្ចេចចោលនេះ បានធ្វើឡើងនាយប់ថ្ងៃទី០៨ ខែកុម្ភៈ ឆ្នាំ២០២៣។ លោក ឃាង ភារម្យ អ្នកនាំពាក្យរដ្ឋបាលខេត្ដព្រះសីហនុ បានប្រាប់បណ្តាញព័ត៌មាន Fresh News នៅព្រឹកថ្ងៃទី៩ ខែកុម្ភៈ ឆ្នាំ២០២៣ថា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានណែនាំឲ្យរដ្ឋបាលខេត្ត ធ្វើការសម្របសម្រួលជាមួយម្ចាស់ទីតាំង។ ក្រោយមានការសម្របសម្រួលពីអាជ្ញាធរខេត្តរួចមក ម្ចាស់ទីតាំងបានសម្រេចវាយរបងចេញនៅផ្នែកខាងក្រោយ គឺនៅតាមឆ្នេរសមុទ្រ។ លោក ឃាង ភារម្យ បន្ដទៀតថា «ក្រោយពីការសម្របសម្រួលគ្នាពីអាជ្ញាធរខេត្ដរួចហើយ ម្ចាស់របងក៏បានវាយរបងចេញនៅខាងឆ្នេរសមុទ្រនេះ កាលពីយប់ថ្ងៃទី០៨ ខែកុម្ភៈ ឆ្នាំ២០២៣»។ សូមបញ្ជាក់ថា រយៈពេលប៉ុន្មានថ្ងៃមកនេះមានការរិះគន់យ៉ាងខ្លាំងពីមហាជន រឿងសង់របងលើឆ្នេរអូឈើទាល ក្រុងព្រះសីហនុ ដែលធ្វើឲ្យបាត់បងសោភ័ណ្ឌភាពឆ្នេរ។ តែនៅពេលនេះស្ថានភាពឆ្នេរវិលទៅសភាពដើមវិញ ក្រោយមានការចំណាត់ការភ្លាមៗពីថ្នាក់ដឹកនាំ និងក្រោមការសម្របសម្រួលពីអាជ្ញាធរខេត្តព្រះសីហនុ៕ ផ្តល់សិទ្ធិដោយ៖ FRESH NEWS ប្រភពរូបភាព៖ Sor ស៊រ

ការគាំទ្ររបស់បងប្អូនខ្មែរចំពោះកីឡាករគុនខ្មែរ ព្រំ​ សំណាង​ នៅតែមានជាបន្ដបន្ទាប់មិនដាច់។ ជាក់ស្ដែងនៅព្រឹកថ្ងៃព្រហស្បតិ៍នេះផ្ទាល់ លោក ផែង វណ្ណៈ បាននាំមកនូវថវិកាមួយចំនួនដែលសប្បុរសជនឧបត្ថម្ភជូនកីឡាករ ព្រំ សំណាង បន្ទាប់ពីគាត់បានត្រឡប់មកមាតុភូមិវិញ ក្រោយយកឈ្នះកីឡាករជនជាតិអង់គ្លេស Thomas Capenter នៅលើសង្វៀន Thai Fight ឱ្យសន្លប់ត្រឹមទឹកទី១ ក្នុងរយៈពេលមិនដល់ ២នាទី ផងនោះ។ បើតាមករណីហេ្វសប៊ុកលោក Pheng Vannak បានសរសេរថា៖«ព្រឹក​ថ្ងៃទី​០៩​ ខែ​កុម្ភៈ​ ឆ្នាំ​២០២៣​ ខ្ញុំ​បាននាំយកថវិកា​សប្បុរសជន​សរុប​ចំនួន​២២០០​ដុល្លារ​ ជូនដល់​កីឡាករ​ប្រដាល់​ក្បាច់​គុន​ខ្មែរ​ ព្រំ​ សំណាង​ ដែល​ទេីបប្រកួតឈ្នះ​ទទួលបាន​ខ្សែ​ក្រវ៉ាត់​ Thai Fight ។ សប្បុរសជន​ដែល​រួមចំណែក​ជួយ​ឧបត្ថម្ភ​រួមមាន​ ៖​ ១-​ លោកឧកញ៉ា​ ហេង​ ឡាលីន​ និង​ លោកជំទាវ​ ឧបត្ថម្ភ​ ១០០០​ ដុល្លារ​ ២-​ លោកឧកញ៉ា​ លឹម​ ប៊ុនសេង​ និង​ លោកជំទាវ​ ឧបត្ថម្ភ​ ៥០០​ […]

(ភ្នំពេញ)៖ មន្ត្រីក្រសួងទេសចរណ៍កម្ពុជាបានបង្ហាញការរំពឹងថា ភ្ញៀវទេសចរកូរ៉េនឹងមានការកើនឡើងឡើងវិញក្នុងដំណាក់កាលស្ដារវិស័យទេសចរណ៍នេះ ក្រោយការធ្វើទស្សនកិច្ច និងការជួយផ្សព្វផ្សាយរបស់ Influencer និង Blogger ដ៏មានឥទ្ធិពលមកពីកូរ៉េ។ គួរជម្រាបថា បុគ្គលដែលមានឥទ្ធិពលក្នុងបណ្ដាញសង្គម (Influencer, Blogger) មកពីប្រទេសកូរ៉េមួយក្រុមបាននិងកំពុងធ្វើទស្សនកិច្ចនៅប្រទេសកម្ពុជា ដើម្បីផ្សព្វផ្សាយពីគោលដៅទេសចរណ៍ពិសេសៗរបស់កម្ពុជាទៅកាន់ប្រជាជនកូរ៉េ និងពិភពលោក។ លោក ពា ភាព អនុប្រធាននាយកដ្ឋានក្រសួងទេសចរណ៍ បានឱ្យដឹងថា Influencer ,Blogger ទាំងនេះ គឺមានទាំង Tik Tok, Instagram, Facebook និង YouTube ដែលមានអ្នកទស្សនាដល់ទៅរាប់លានដង។ លោក ពា ភាព បានបន្តថា ដំណើរទស្សនកិច្ចនេះធ្វើឡើងរយៈពេល៩ថ្ងៃ ចាប់ពីថ្ងៃទី១-៩ ខែកុម្ភៈ ឆ្នាំ២០២៣ ក្នុងនោះនៅរាជធានីភ្នំពេញ (រមណីយដ្ឋានប្រវត្តិសាស្ត្រវត្តភ្នំ សារមន្ទីរជាតិ ផ្សារថ្មី និងឃុំកំពង់ហ្លួង) នៅខេត្តកែប (ផ្សារក្ដាម និងឆ្នេរកែប) នៅខេត្តកំពត (ចម្ការម្រេច La Plentatoin ឧទ្យានជាតិភ្នំបូកគោ វិហារកាតូលិក វត្តសំពៅប្រាំ វាលស្រែ១០០ […]

ថ្មីៗនេះ Zoom បានប្រកាសពីផែនការកាត់បន្ថយបុគ្គលិកប្រហែល ១,៣០០នាក់ ឬ ១៥% នៃកម្លាំងការងាររបស់ខ្លួន។ យោងតាម ​​CNBC បន្ទាប់ពីការប្រកាសពីការបញ្ឈប់បុគ្គលិក លោក Eric Yuan នាយកប្រតិបត្តិក្រុមហ៊ុន Zoom បានសរសេរនៅក្នុងប្រកាសថាពួកគេត្រូវកាត់បន្ថយដោយសារតែភាពមិនប្រាកដប្រជានៃសេដ្ឋកិច្ចសកល ក៏ដូចជាការចំណាយរបស់ក្រុមហ៊ុនគឺខ្ពស់ពេក។ Zoom មានភាពពេញនិយមខ្លាំង ក្រោយពីផ្ទុះឡើងនៃជំងឺកូវីដ ដោយសារមនុស្សត្រូវបានធ្វើការនៅផ្ទះហើយងាកទៅប្រើកម្មវិធីជជែកតាមអ៊ីនធឺណិត ដើម្បីរក្សាទំនាក់ទំនងជាមួយមិត្តរួមការងារ មិត្តភក្តិ ឬក្រុមគ្រួសារ។ ការកាត់បន្ថយបុគ្គលិកនេះនឹងប៉ះពាល់ដល់គ្រប់ផ្នែកនៃ Zoom ហើយនិយោជិតដែលត្រូវបានបញ្ឈប់ពីការងារនឹងទទួលបានប្រាក់ឈ្នួលប្រហែល១៦សប្តាហ៍ រួមជាមួយនឹងការធានារ៉ាប់រងសុខភាព។ នាយកប្រតិបត្តិក្រុមហ៊ុន Zoom ក៏បាននិយាយផងដែរថា គាត់គ្រោងនឹងកាត់បន្ថយប្រាក់ខែផ្ទាល់ខ្លួនរបស់គាត់ចំនួន ៩៨% និងមិនយកប្រាក់ Bonus ឡើយ។ លោក Yuan បានសរសេរនៅក្នុងសេចក្តីថ្លែងការណ៍មួយថា «ក្នុងនាមជាស្ថាបនិក និងជា CEO ខ្ញុំត្រូវទទួលខុសត្រូវចំពោះកំហុសឆ្គងក្នុងការងាររបស់ Zoom ហើយខ្ញុំចង់បង្ហាញការទទួលខុសត្រូវមិនត្រឹមតែជាមួយនឹងពាក្យសំដីរបស់ខ្ញុំប៉ុណ្ណោះទេ ប៉ុន្តែថែមទាំងជាមួយនឹងសកម្មភាពរបស់ខ្ញុំផងដែរ»។ ការប្រកាសបញ្ឈប់ការងាររបស់ក្រុមហ៊ុន Zoom គឺជាការកាត់បន្ថយការងារចុងក្រោយបំផុតនៅក្នុងឧស្សាហកម្មបច្ចេកវិទ្យា ខណៈដែល Dell ក៏បានប្រកាសពីផែនការកាត់បន្ថយការងារចំនួន ៦,៦៥០ ផងដែរ។ កាល​ពី​ខែ​មករា […]