(បរទេស)៖ ក្រុមហ៊ុន Microsoft បានបញ្ចេញកុំព្យូទ័រជំនាន់ថ្មីរបស់ខ្លួន ដំណើរការជាមួយនឹងបន្ទះឈីបកម្រិតខ្ពស់ ដែលត្រូវបានរចនាឡើង ដើម្បីដំណើរការមុខងារបញ្ញាសិប្បនិមិត្ត AI ខណៈបន្ទះឈីបនៃកុំព្យូទ័រស៊េរីថ្មីនេះទៀតសោត គឺរបស់ក្រុមហ៊ុន Qualcomm។ នេះបើតាមការចេញផ្សាយដោយសារព័ត៌មាន CNBC នៅថ្ងៃទី២១ ខែឧសភា ឆ្នាំ២០២៤។ ក្រុមហ៊ុន Microsoft បានប្រកាសកុំព្យូទ័រថ្មីនេះ នៅថ្ងៃចន្ទដើមសប្តាហ៍នេះ ដោយបង្ហាញ កុំព្យូទ័រ Surface និងកុំព្យូទ័រ Surface Pro ជាមួយនឹងបន្ទះឈីប AI ពីក្រុមហ៊ុន Qualcomm ដែលមានសមត្ថភាពដំណើរការការងារ AI មួយចំនួន ដោយមិនចាំបាច់ភ្ជាប់អ៊ីនធឺណិត។ គេបានដឹងថា ក្រៅពី Microsoft គឺមានក្រុមហ៊ុនផលិតកុំព្យូទ័រផ្សេងទៀតដូចជា Lenovo, Dell, HP, Asus, Acer និង Samsung ក៏កំពុងដាក់ដំណើរការកុំព្យូទ័រ ដំណើរការជាមួយ AI ផងដែរ ដោយប្រើប្រព័ន្ធដំណើរការរបស់ Snapdragon X Elite និង X […]

(ភ្នំពេញ)៖ លោក កែវ រតនៈ រដ្ឋមន្ដ្រីក្រសួងរ៉ែ និងថាមពល បានបញ្ជាក់ឲ្យដឹងថា នាពេលខ្លីខាងមុខនេះ កម្ពុជានឹងដំឡើងថាមពលអគ្គិសនីដើរដោយកម្លាំងខ្យល់ នៅក្នុងខេត្តមណ្ឌលគិរី និងតំបន់ភ្នំបូកគោ ក្នុងខេត្តកំពត ដើម្បីបង្កើនការផ្តត់ផ្គង់ថាមពលស្អាត ជូនដល់បងប្អូនប្រជាពលរដ្ឋបន្ថែមទៀត។ តាមរយៈវីដេអូខ្លី ដែលលោកឈរនិយាយអំពីថាមពលអគ្គិសនីដើរដោយកម្លាំងខ្យល់ ក្នុងឧទ្យានមួយក្នុងប្រទេសចិន លោក កែវ រតនៈ បានបញ្ជាក់យ៉ាងដូច្នេះថា «ប្រទេសកម្ពុជា នឹងឈានទៅធ្វើថាមពលដើរដោយខ្យល់ នៅក្នុងពេលខាងមុខដ៏ខ្លី គឺនៅក្នុងខេត្ដមណ្ឌលគិរី និងក្នុងតំបន់ភ្នំបូកគោ»។ បើតាមការបញ្ជាក់របស់លោក កែវ រតនៈ, ថាមពលដើរដោយខ្យល់នេះ គឺសំខាន់ខ្លាំងណាស់ ជាចំណែកមួយនៃការដាក់ថាមពលស្អាត នៅក្នុងពិភពលោក ហើយការដំឡើងថាមពលដើរដោយខ្យល់នេះ ដើម្បីជួយរុញថាមពលស្អាត និងថាមពលកកើតឡើងវិញ សម្រាប់ប្រព័ន្ធអគ្គិសនី នៅក្នុងប្រទេសកម្ពុជា។ ថ្លែងប្រាប់បណ្ដាញព័ត៌មាន Fresh News នៅថ្ងៃទី២០ ខែឧសភា ឆ្នាំ២០២៤ លោក ហេង គុណលាង អគ្គនាយកនៃអគ្គនាយកដ្ឋានថាមពល បានឲ្យដឹងថា បច្ចុប្បន្នក្រសួងរ៉ែ និងថាមពល បានអនុញ្ញាតឲ្យក្រុមហ៊ុនស្រុក ដែលសហការជាមួយក្រុមហ៊ុនអន្ដរជាតិ កំពុងធ្វើការសិក្សា ក្នុងការអនុវត្ដគម្រោងនេះ។ […]

(ភ្នំពេញ)៖ ដោយមានការអនុញ្ញាតពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នារសៀលថ្ងៃទី២០ ខែឧសភា ឆ្នាំ២០២៤ លោកឧត្តមសេនីយ៍ត្រី ប៊ុន សត្យា ស្នងការរងនគរបាលរាជធានីភ្នំពេញ ទទួលដឹកនាំពង្រឹងការងារអធិការដ្ឋាននគរបាលខណ្ឌដូនពេញ បានដឹកនាំកម្លាំងអធិការដ្ឋាននគរបាលខណ្ឌដូនពេញ បើកកិច្ចប្រជុំពង្រឹងត្រួតពិនិត្យការងារទប់ស្កាត់ និងបង្រ្កាបបទល្មើសក្មេងទំនើង និងបទល្មើសលួច ឆក់ ប្លន់ ក្នុងមូលដ្ឋានខណ្ឌ។ ពិធីនេះមានការចូលរួមពីសំណាក់លោកនាយការិយាល័យព្រហ្មទណ្ឌកម្រិតស្រាល លោកអធិការ លោកអធិការរង លោកនាយផ្នែក និងលោកនាយប៉ុស្តិ៍ទាំង ១១ ដើម្បីប្រជុំបូកសរុបសភាពការបទល្មើស ព្រហ្មទណ្ឌ ក្នុងមូលដ្ឋានខណ្ឌដូនពេញ ក្នុងខែមេសា និងលើកទិសដៅការងារបន្តសម្រាប់អនុវត្តក្នុងខែឧសភា ឆ្នាំ២០២៤។ កិច្ចប្រជុំលោកវរសេនីយ៍ឯក ទៀង ចាន់សា អធិការនគរបាលខណ្ឌដូនពេញ ក៏បានលើកឡើងអំពីសភាពការណ៍ បទល្មើសព្រហ្មទណ្ឌ និងវិធានការបង្ការបង្រ្កាប បទល្មើស លួច ឆក់ ប្លន់ ដោយដាក់ចេញនូវវិធានការជំនាញព្រហ្មទណ្ឌ ហើយឱ្យផ្នែកជំនាញសហការជាមួយប៉ុស្តិ៍នគរបាលរដ្ឋបាលទាំង១១ ធ្វើការល្បាត ប្រចាំបញ្ជា ២៤ម៉ោង លើ ២៤ម៉ោង ធ្វើការគ្រប់គ្រងក្មេងទំនើង ធ្វើការក្តាប់សភាពការបទល្មើសនៅតាមមូលដ្ឋានរបស់ខ្លួន ងាយស្រួលធ្វើការបង្ក្រាប ឱ្យបានទាន់ពេលវេលា។ […]

(ភ្នំពេញ)៖ ក្រសួងពាណិជ្ជកម្ម នៅថ្ងៃទី២១ ខែឧសភា ឆ្នាំ២០២៤នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃនេះ ដល់ថ្ងៃទី៣១ ខែឧសភា ឆ្នាំ២០២៤ ត្រូវលក់សាំងធម្មតាតម្លៃ ៤,២០០រៀល និងម៉ាស៊ូតត្រូវលក់ ៤,០៥០រៀល ក្នុង១លីត្រ៕ ផ្តល់សិទ្ធិដោយ៖ Fresh News

(វ៉ាស៊ីនតោន)៖ ឧត្តមសេនីយ៍កំពូលរបស់សហរដ្ឋអាមេរិក នៅថ្ងៃចន្ទ ទី២០ ខែឧសភា បាននិយាយថាទីក្រុងវ៉ាស៊ីនតោនមិនមានផែនការបញ្ជូនអ្នកជំនាញការយោធា ទៅកាន់អ៊ុយក្រែនឡើយ តែអាចនឹងធ្វើដូច្នេះនៅពេលដែលសង្រ្គាមបិទបញ្ចប់តែប៉ុណ្ណោះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ការកត់សម្គាល់របស់នាយសេនាធិការចម្រុះកងទ័ពអាមេរិក លោកនាយឧត្តមសេនីយ៍ Charles Q. Brown ធ្វើឡើង បន្ទាប់ពីប្រទេសបារាំងបានបើកភ្លើងបៃតងបញ្ជូន អ្នកជំនាញការយោធាទៅជួយបណ្ដុះបណ្ដាលកងទ័ពអ៊ុយក្រែន។ លោក Brown បានគូសបញ្ជាក់ប្រាប់អ្នកសារព័ត៌មានដូច្នេះថា «ក្នុងពេលបច្ចុប្បន្ន មិនមានឡើយ ផែនការបញ្ជូនអ្នកជំនាញការយោធាអាមេរិកទៅកាន់អ៊ុយក្រែន»។ លោកបន្តថានៅពេលសង្រ្គាមបញ្ចប់ ហើយស្ថានការណ៍អំណោយផល នោះសហរដ្ឋអាមេរិកអាចនឹង បញ្ជូនអ្នកជំនាញការយោធាត្រឡប់ទៅកាន់អ៊ុយក្រែនសាជាថ្មី។ សហរដ្ឋអាមេរិកធ្លាប់មានអ្នកជំនាញការយោធា ១៥០នាក់នៅក្នុងប្រទេសអ៊ុយក្រែន។ តែពួកគេបានចាកចេញពីអ៊ុយក្រែន ក្រោយរុស្ស៉ីបញ្ជូនកងទ័ពវាយលុកចូលអ៊ុយក្រែន កាលពីខែកុម្ភៈ ឆ្នាំ២០២២។ គួរបញ្ជាក់ថា លោកប្រធានាធិបតីបារាំង Emmanuel Macron កាលពីខែកុម្ភៈកន្លងទៅ បានប្រកាសជាសាធារណៈពីលទ្ធភាពបញ្ជូនកងទ័ពអឺរ៉ុបទៅកាន់ប្រទេសអ៊ុយក្រែន។ ប៉ុន្តែ នៅពេលនោះដែរ មេដឹកនាំអឺរ៉ុបផ្សេងទៀតបានជំទាស់នឹងគំនិតនេះ ហើយរដ្ឋមន្ត្រីការបរទេសរបស់លោក ម៉ាក្រុង ក៏បានព្យាយាមពន្យល់បន្ថែមផងដែរដោយបញ្ជាក់ថា ទីក្រុងប៉ារីសអាចនឹងបញ្ជូនកងទ័ពទៅកាន់អ៊ុយក្រែន សម្រាប់តម្រូវជាក់លាក់មួយចំនួន តែមិនមែនដើម្បីប្រយុទ្ធក្នុងសង្រ្គាមប្រឆាំងរុស្ស៉ីនោះទេ៕ ផ្តល់សិទ្ធិដោយ៖ Fresh News

(ភ្នំពេញ)៖ សមាគមអ្នកអភិវឌ្ឍន៍លំនៅឋានកម្ពុជា នៅរសៀលថ្ងៃទី២០ ខែឧសភា ឆ្នាំ២០២៤នេះ បានរៀបចំកិច្ចប្រជុំពិភាក្សាអំពីការអនុវត្តច្បាប់ពន្ធដារ និងបញ្ហាប្រឈមលើវិស័យសំណង់នៅកម្ពុជា ដឹកនាំដោយលោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា។ កិច្ចប្រជុំនេះបានប្រព្រឹត្ដទៅនៅសណ្ឋាគារភ្នំពេញ ដែលមានការចូលរួមពីថ្នាក់ដឹកនាំ ទីប្រឹក្សា និងសមាជិក សមាជិកា សមាគមអ្នកអភិវឌ្ឍន៍លំនៅឋានកម្ពុជា។ លោកអ្នកឧកញ៉ា លី ហួរ បានថ្លែងឱ្យដឹងថា កិច្ចប្រជុំថ្ងៃនេះដើម្បីបានដឹងពីការវិវឌ្ឍន៍របស់ក្រុមហ៊ុននីមួយៗ ហើយសមាជិកនីមួយៗបានធ្វើការងារដល់កម្រិតណា ដើម្បីបានដឹងពីបញ្ហាប្រឈមនានា ដែលសមាជិកបានជួប និងធ្វើការដោះស្រាយ។ លោកអ្នកឧញ៉ា បានឱ្យដឹងថាទៀតថា «យើងដឹងហើយថា បច្ចុប្បន្ននេះទាំងនៅក្នុងតំបន់ ទាំងអាស៊ីទាំងមូល ដូចជានៅប្រទេសចិន វៀតណាម និងបណ្ដាប្រទេសដទៃទៀត តែងតែជួបបញ្ហា ប្រឈមនានាលើវិស័យដូចខាងលើនេះ នៅស្រុកយើងវិញក៏មានជួបតិតតួចដែរ ហើយបើសម្រាប់នៅសមាគមអភិវឌ្ឍន៍លំនៅឋានកម្ពុជាយើង មិនសូវមានបញ្ហាអ្វីនោះទេ»។ សូមជម្រាបថា កិច្ចប្រជុំនៅថ្ងៃនេះដែលដឹកនាំដោយលោកអ្នកឧកញ៉ា លី ហួរ គឺបានពិភាក្សាអំពីការបង់ពន្ធជាកញ្ចប់, ពិភាក្សាអំពីបញ្ហាប្រឈមនានាក្នុងវិស័យសំណង់នៅកម្ពុជា ដែលកិច្ចប្រជុំនេះធ្វើឡើងក្នុងគោលបំណងពិភាក្សាស្វែងរកដំណោះស្រាយរួម៕ ផ្តល់សិទ្ធិដោយ៖ Fresh News

(សៀមរាប)៖ អស់រយៈពេល២៥ឆ្នាំ (១៩៩៩ – ២០២៤) មន្ទីរពេទ្យកុមារអង្គរ ខេត្តសៀមរាប បានរួមចំណែកយ៉ាងសំខាន់ នៅក្នុងការពិនិត្យ ព្យាបាល និងថែទាំកុមារកម្ពុជា ជាច្រើនលាននាក់ ឱ្យទទួលបាននូវសុខភាពល្អ។ ក្នុងពេលថ្មីៗនេះ មន្ទីរពេទ្យកុមារអង្គរ បានបោះពុម្ភផ្សាយនូវរបាយការណ៍លទ្ធផលរយៈពេល៦ខែ របស់ខ្លួន គិតចាប់ពី ខែតុលា ឆ្នាំ២០២៣ ដល់ ខែមីនា ឆ្នាំ២០២៤។ នៅក្នុងរបាយការណ៍លទ្ធផលរយៈពេល៦ខែ (ខែតុលា ឆ្នាំ២០២៣ ដល់ ខែមីនា ឆ្នាំ២០២៤) មន្ទីរពេទ្យកុមារអង្គរបានពិនិត្យ ព្យាបាល និងថែទាំកុមារ ចំនួន ប្រមាណ ៥៤,០០០ ករណី នៅផ្នែកពិគ្រោះជំងឺក្រៅ និង ជាង ២,០០០ ករណីទៀត នៅផ្នែកសម្រាកព្យាបាល។ បន្ថែមពីលើនេះមានកុមារ ប្រមាណ ១,០០០ ករណី បានទទួលការជួយសង្គ្រោះអាយុជីវិត នៅក្នុងផ្នែកសង្គ្រោះបន្ទាន់ ជំងឺធ្ងន់ធ្ងរ និងផ្នែកព្យាបាលថែទាំទារក ខណៈកុមារ ប្រមាណ ៧,៦០០ ករណី បានទទួលការវះកាត់តូចនិងធំ។ […]

(បរទេស)៖ រដ្ឋមន្ត្រីសម្របសម្រួលកិច្ចការវិនិយោគរបស់ប្រទេសឥណ្ឌូនេស៊ីលោក Luhut Pandjaitan បាននិយាយថា កំពូលមហាសេដ្ឋីលោក Elon Musk កំពុងពិចារណាលើការផ្តល់ជូនដើម្បីសាងសង់រោងចក្រផលិតអាគុយរថយន្តអគ្គិសនី (EV) នៅក្នុងប្រទេសឥណ្ឌូនេស៊ី។ ការប្រកាសនេះបានធ្វើឡើង បន្ទាប់ពីជំនួបរវាងប្រធានាធិបតីលោក Joko Widodo និង Musk នៅថ្ងៃចន្ទនៅកោះបាលី ចូលរួមវេទិកាទឹកពិភពលោក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី២០ ខែឧសភា ឆ្នាំ២០២៤។ យ៉ាងណាមិញ ជុំវិញព័ត៌មានលម្អិតអំពីគម្រោងសាងសង់រោងចក្រផលិតរថយន្តអគ្គិសនីនៅលើទឹកដីប្រទេសឥណ្ឌូនេស៊ីនេះ លោក Musk នៅមិនទាន់មានការឆ្លើយតបនៅឡើយនោះទេ។ ខណៈដំណឹងនេះទទួលបានបន្ទាប់ពីលោក Luhut Panjaitan បា្រប់ទៅកាន់អ្នកសារព័ត៌មានថា «យើងបានលើកជាសំណើរ និងការផ្តល់ជូនទៅកាន់ Musk វានៅមិនទាន់ច្បាស់ទេក្នុងការសាងសង់រោងចក្រផលិតអាគុយរថយន្តអគ្គិសនីនៅទីនេះ។ Musk កំពុងតែពិចារណា»។ លោក Luhut បាននិយាយថា លោក Widodo ក៏បានស្នើឱ្យ Musk ពិចារណាលើការវិនិយោគនៅក្នុងមជ្ឈមណ្ឌល AI នៅក្នុងប្រទេសអាស៊ីអាគ្នេយ៍ និងសម្រាប់ក្រុមហ៊ុន SpaceX ដើម្បីសាងសង់កន្លែងបាញ់បង្ហោះ Starlink នៅកោះ Biak […]

(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានអរគុណ លោក Martin Vavra ឯកអគ្គរដ្ឋទូតសាធារណរដ្ឋឆែកប្រចាំកម្ពុជា ដែលនឹងជួយរៀបចំឱ្យមានទស្សនកិច្ចសភាឆែកមកកម្ពុជានាពេលខាងមុខនេះ ពិសេសថ្លែងអំណរគុណដល់សាធារណរដ្ឋឆែក ដែលបានលុបបំណុល និងប្រែក្លាយបំណុលសេសសល់ទៅជាជំនួយអភិវឌ្ឍន៍។ បើតាមប្រសាសន៍សម្តេចតេជោ, ប្រទេសឆែកក៏នៅបន្តផ្ដល់ជំនួយជាបន្តទៀតលើវិស័យសុខាភិបាល អប់រំ និងអភិវឌ្ឍន៍ធនធានមនុស្ស ជាពិសេសលើវិស័យអប់រំ គឺការផ្ដល់អាហារូបករណ៍ដល់និស្សិតកម្ពុជាទៅសិក្សានៅសាធារណរដ្ឋឆែកជាបន្តបន្ទាប់។ សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃចន្ទ ទី២០ ខែឧសភា ឆ្នាំ២០២៤ ក្នុងឱកាសអនុញ្ញាតឱ្យ លោក Martin Vavra ចូលជួបសម្ដែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ។ សម្ដេចតេជោ បានស្វាគមន៍និងសម្ដែងសេចក្ដីរីករាយដែលបានជួប ឯកអគ្គរដ្ឋទូតនៃសាធារណរដ្ឋឆែកប្រចាំកម្ពុជា ក្នុងតួនាទីថ្មីរបស់សម្ដេចជាប្រធានព្រឹទ្ធសភានៅពេលនេះ។ សម្ដេចតេជោ សង្ឃឹមថា លោក ឯកអគ្គរដ្ឋទូតនឹងបន្តខិតខំដើម្បីឱ្យទំនាក់ទំនងរវាងប្រទេសទាំងពីរឲ្យកាន់តែរឹងមាំបន្ថែមទៀត។ ជាកិច្ចឆ្លើយតប លោក ឯកអគ្គរដ្ឋទូត បានសំដែងនូវការត្រេកអរដែលបានចូលជួបសម្ដេចនៅពេលនេះ ហើយក៏សូមអបអរសាទរសម្ដេចតេជោ ដែលទទួលបានតួនាទីថ្មីជាប្រធានព្រឹទ្ធសភានៃព្រះរាជាណាចក្រកម្ពុជាដែលជាតួនាទីខ្ពស់ជាងមុន។ លោក ក៏បានលើកឡើងថានៅក្នុងអំឡុងឆ្នាំ២០១៩ ក្នុងពេលដែលសម្ដេចតេជោ ជានាយករដ្ឋមន្ត្រី បានបំពេញទស្សនកិច្ចនៅសាធារណរដ្ឋឆែក […]

(ភ្នំពេញ)៖ យុវជនកម្ពុជាត្រូវតែប្រញាប់មកទទួលការបណ្ដុះបណ្ដាលជំនាញបច្ចេកទេសវិជ្ជាជីវៈ ពីកម្មវិធីអប់រំបណ្ដុះបណ្ដាលដល់យុវជនមកពីគ្រួសារក្រីក្រនិងងាយរងហានិភ័យ១.៥លាននាក់ ដើម្បីទទួលបានជំនាញពិតប្រាកដ ពន្លឿនការលើកស្ទួយជីវភាពគ្រួសារ ខណៈសាលាបណ្ដុះបណ្ដាលជំនាញ TVET ទូទាំងប្រទេសកំពុងត្រៀមចាំបណ្ដុះបណ្ដាលជានិច្ច។ នេះបើតាមការលើកឡើងរបស់លោក ហ៊ីង ស៊ីដេត អគ្គនាយកនៃអគ្គនាយកដ្ឋានអប់រំបណ្ដុះបណ្ដាលបច្ចេកទេសនិងវិជ្ជាជីវៈ ក្នុងឱកាសក្រសួងការងារនិងបណ្ដុះបណ្ដាលវិជ្ជាជីវៈរៀបចំដំណើរទស្សនកិច្ចរបស់អ្នកសារព័ត៌មាន ទៅកាន់វិទ្យាស្ថានពហុបច្ចេកទេសកម្ពុជា ហៅកាត់ NPIC នាចុងខែឧសភា ឆ្នាំ២០២៤នេះ។ នាឱកាសនោះ លោកអគ្គនាយក ហ៊ីង ស៊ីដេត បានថ្លែងថា «គោលនយោបាយរបស់ TVET គឺផ្ដល់ជំនាញពិតប្រាកដដល់គ្រួសារក្រីក្រនិងគ្រួសារងាយរងហានិភ័យ ដើម្បីឱ្យប្រជាពលរដ្ឋម្នាក់មានជំនាញមួយយ៉ាងតិចប្រចាំជីវិត កាលណាមានជំនាញមួយច្បាស់លាស់ គឺមានប្រាក់ចំណូលទៀងទាត់ ជួយផ្គត់ផ្គង់ខ្លួនឯងនិងគ្រួសារ ក៏ដូចជាជួយសង្គមជាតិផងដែរ»។ លោកបន្តថា ពេលមកចុះឈ្មោះចូលរៀន សិស្សក៏ទទួលបានការប្រឹក្សាយោបល់ទៅលើមុខជំនាញចំនួន៣៨មុខ ខណៈរយៈពេលចុងក្រោយនេះមានការបន្ថែមមុខជំនាញ៧មុខទៀត សរុបមានដល់ទៅ៤៥មុខជំនាញ គ្រប់ដណ្ដប់លើ១០វិស័យ ដែលសុទ្ធសឹងជាមុខជំនាញមានតម្រូវការទីផ្សារការងារខ្ពស់។ ចំពោះការសិក្សាក្នុងកម្មវិធីអប់រំបណ្ដុះបណ្ដាលដល់យុវជនមកពីគ្រួសារក្រីក្រនិងងាយរងហានិភ័យ១.៥លាននាក់នេះដែរ ក៏មានការបត់បែនច្រើនសម្រាប់យុវជនដែលមានការងារជាប់ខ្លួនដែរ ក្នុងនោះការសិក្សាចែកជា៣វេន៖ វេនទី១សិក្សាចាប់ពីថ្ងៃចន្ទ-សុក្រពេលថ្ងៃ មានរយៈពេល៤ខែ វេនទី២ជាវេនសិក្សាពេលយប់ពីម៉ោង៥៖៣០ដល់៨៖៣០ មានរយៈពេល៨ខែ និងវេនទី៣សិក្សានៅថ្ងៃសៅរ៍-អាទិត្យ ដែលរៀនរយៈពេល១០ខែ។ លោកអគ្គនាយក ហ៊ីង ស៊ីដេត បានបន្តទៀតថា ការបណ្ដុះបណ្ដាលស្របតាមក្របខណ្ឌគុណវុឌ្ឍិជាតិ ស្របតាមទីផ្សារការងារបច្ចុប្បនិងអនាគត។ លោកថា បច្ចុប្បន្នការបណ្ដុះបណ្ដាលជំនាញ […]