ខេត្តព្រះសីហនុ៖ នៅថ្ងៃទី២៨ ខែធ្នូ ឆ្នាំ២០២៣ យោងតាមការចុះផ្សាយរបស់ នាយកដ្ឋានព័ត៌មាន បានឱ្យដឹងថា រដ្ឋបាលខេត្តព្រះសីហនុ បានរៀបចំនំខ្មែរដាក់ជូនភ្ញៀវទេសចរ ស្គាល់ពីរស់ជាតិ និង ទទួលបានការពេញចិត្ត និង គាំទ្រយ៉ាងខ្លាំង។ លោកស្រី William Daniel ជនជាតិកាណាដា វ័យ៥៥ឆ្នាំ គាត់បានលើកឡើងថា ប្រទេសកម្ពុជាពិតជាកក់ក្តៅណាស់ មានប្រជាជនរួសរាយរាក់ទាក់ និង មានការទទួលស្វាគមន៍យ៉ាងល្អឥតខ្ចោះ ដែលខ្ញុំនឹកស្មានមិនដល់។ សូមបញ្ជាក់ថា នាវាទេសចរណ៍ Westerdam បានវិលត្រឡប់មកចូលចតនៅឯកំពង់ផែខេត្តព្រះសីហនុជាថ្មីម្តងទៀត នៅថ្ងៃទី ២៨ ខែធ្នូ ឆ្នាំ ២០២៣

រាជធានីភ្នំពេញ៖ នៅថ្ងៃទី២៧ ខែធ្នូ ឆ្នាំ២០២៣ យោងតាមការចុះផ្សាយរបស់ ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីសម្រេច ស្តីពីការបិទបណ្តោះអាសន្នមន្ទីរសម្រាកព្យាបាល មេសុងមេឌីកាល់។ ក្រសួងសុខាភិបាល សម្រេចបិទជាបណ្តោះអាសន្នមន្ទីរសម្រាកព្យាបាលឯកជនឈ្មោះ មេសុងមេឌីកាល់ ដែលមានទីតាំងនៅផ្ទះលេខ០៨ ផ្លូវលេខ១២២ សង្កាត់មិត្តភាព ខណ្ឌ៧មករា រាជធានីភ្នំពេញ ដោយមូលហេតុ អវត្តមានអ្នកទទួលខុសត្រូវ និងផ្លាស់ប្តូរ បុគ្គលិកមិនបានជូនដំណឹងទៅក្រសួងសុខាភិបាល ៕ ប្រភព៖ ក្រសួងសុខាភិបាលនៃព្រះរាជាណាចក្រកម្ពុជា

(ភ្នំពេញ)៖ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចេញប្រកាសផ្ទេរភារកិច្ចមន្ដ្រីនគរបាលជាតិ ចំនួន៥០នាក់ ពីលេខាធិការដ្ឋាន នៃគណៈកម្មាធិការជាតិប្រយុទ្ធប្រឆាំងផលិតផលក្លែងក្លាយ ទៅបណ្ដានាយកដ្ឋាន អង្គភាព ចំណុះអគ្គស្នងការដ្ឋាននគរបាលជាតិវិញ។ នេះបើតាមប្រកាសដែលបណ្ដាញព័ត៌មាន Fresh News ទទួលបាននៅថ្ងៃទី២៨ ខែធ្នូ ឆ្នាំ២០២៣។ គួរជម្រាបថា ប្រធានលេខាធិការដ្ឋាន នៃគណៈកម្មាធិការជាតិប្រយុទ្ធប្រឆាំងផលិតផលក្លែងក្លាយនេះ ក៏ត្រូវបានដកហូតមុខតំណែងដូចគ្នាផងដែរ។ ខណៈកន្លងទៅថ្មីៗនេះ លោក កឹម ជាតិ អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការជាតិនេះ ក៏ត្រូវបានដកតំណែងដែរ ក្រោយរងបណ្ដឹងគាបស៉ីលុយក្រុមហ៊ុនលក់ស្រា ចំនួន១០ម៉ឺនដុល្លារ ហើយលោកក៏ត្រូវបាននាយកដ្ឋាននគរបាលព្រហ្មទណ្ឌ កោះហៅឲ្យចូលទៅបំភ្លឺផងដែរ។

(ភ្នំពេញ)៖ សហព័ន្ធកីឡាបាល់ទាត់អាស៊ី (AFC) បានធ្វើការចាប់ឆ្នោតបែងចែកកម្មវិធីប្រកួតវគ្គ Knockout Stage នៃពានរង្វាន់ AFC Cup 2023/24 ជាផ្លូវការហើយ នៅរសៀលថ្ងៃទី២៨ ខែធ្នូនេះ ខណៈក្រុមភ្នំពេញក្រោន របស់កម្ពុជា នឹងត្រូវជួបក្រុម 𝗖𝗲𝗻𝘁𝗿𝗮𝗹 𝗖𝗼𝗮𝘀𝘁 𝗠𝗮𝗿𝗶𝗻𝗲𝗿𝘀 របស់អូស្ដ្រាលី នាថ្ងៃទី១៣ ខែមករា ឆ្នាំ២០២៤ ខាងមុខ ក្នុងនាមបេក្ខភាពវគ្គពាក់កណ្ដាលផ្ដាច់ព្រ័ត្រ (១/២) ប្រចាំតំបន់អាស៊ាន (ASEAN Zone) ។ ជំនួបរវាងភ្នំពេញក្រោន និងក្រុម 𝗖𝗲𝗻𝘁𝗿𝗮𝗹 𝗖𝗼𝗮𝘀𝘁

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចេញអនុក្រឹត្យដកតំណែងលោកឧត្តមសេនីយ៍ឯក តាន់ សុខវិជ្ជា ពីប្រធានលេខាធិការដ្ឋាន នៃគណៈកម្មាធិការជាតិប្រយុទ្ធប្រឆាំងផលិតផលក្លែងក្លាយ ទៅជាទីប្រឹក្សាក្រសួងមហាផ្ទៃ ឋានៈស្មើប្រធាននាយកដ្ឋាន។ នេះបើតាមអនុក្រឹត្យដែលបណ្ដាញព័ត៌មាន Fresh News ទទួលបាននៅថ្ងៃទី២៨ ខែធ្នូ ឆ្នាំ២០២៣។ ខាងក្រោមនេះ ជាអនុក្រឹត្យរបស់សម្ដេចធិបតី ហ៊ុន ម៉ាណែត៖ ផ្តល់សិទ្ធិដោយ៖ freshnews

(តូក្យូ)៖ ទីភ្នាក់ងារអវកាសជប៉ុនបានប្រកាសនៅថ្ងៃព្រហស្បតិ៍នេះថា ខ្លួននឹងព្យាយាមបាញ់បង្ហោះរ៉ុក្កែតអវកាសជំនាន់ថ្មីម្តងទៀត នៅខែកុម្ភៈ ឆ្នាំ២០២៤ ក្រោយទទួលបរាជ័យ២លើក នៅក្នុងឆ្នាំនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃព្រហស្បតិ៍ ទី២៨ ខែធ្នូ ឆ្នាំ២០២៣។ ទីភ្នាក់ងារអវកាសជប៉ុន JAXA បានឱ្យដឹងក្នុងសេចក្តីប្រកាសព័ត៌មានថា រ៉ុក្កែត H-3 ត្រូវបានកំណត់ពេលវេលាថា នឹងត្រូវបាញ់បង្ហោះនៅខ្ទង់ចន្លោះម៉ោង៩៖២២នាទីព្រឹក និងម៉ោង១៖០៦នាទីរសៀល ថ្ងៃទី១៥ ខែកុម្ភៈ ឆ្នាំ២០២៤ ចេញពីកោះ Tanegashima ភាគខាងត្បូងប្រទេសជប៉ុន។ វានឹងក្លាយជាការព្យាយាមបាញ់បង្ហោះលើកទី៣ បន្ទាប់ពីរ៉ុក្កែតនេះត្រូវបានបង្ខំឱ្យកម្ទេចខ្លួនចោល កាលពី​ខែមីនា នៅពេលមជ្ឈមណ្ឌលគ្រប់គ្រងសន្មត់ថា បេសកកម្មវាមិនអាចទទួលជោគជ័យ។ រីឯការប៉ុនប៉ងលើកដំបូងបង្អស់

(ភ្នំពេញ)៖ លោក ថេន សំវិសុទ្ធ អគ្គនាយកប្រៃសណីយ៍កម្ពុជា នាថ្ងៃទី២៨ ខែធ្នូ ឆ្នាំ២០២៣ បាននាំយកថវិកាចំនួន១៤,៧៥៥,៥០០រៀល ប្រគល់ជូនមន្ទីរពេទ្យគន្ធបុប្ផា ដោយថវិកាទាំងនេះបានមកពីការលក់ឡៃឡុងអន្តរវត្ថុបញ្ញើដែលគ្មានអ្នកមកទទួលយូរឆ្នាំមកហើយ ក្នុងនោះមានដូចជារូបិយបណ្ណបរទេស រូបិយបណ្ណជាតិ មាស និងទំនិញផ្សេងៗ។ លោក ថេន សំវិសុទ្ធ បានឱ្យដឹងថា ថវិកាសរុបដែលទទួលបាននេះបានមកពីការលក់ទំនិញដេញថ្លៃចំនួន២លើក៖ លើកទី១បាន៥,៧៨៧,០០០រៀល និងលើកទី២បាន៤,៧៩៩,៥០០រៀល បូករួមទាំងរូបិយបណ្ណបរទេស រូបិយបណ្ណជាតិ និងមាស គិតជាលុយរៀលចំនួន៤,១៦៩,០០០រៀល។ លោកអគ្គនាយកបានបញ្ជាក់ដែរថា ដោយមានការរីករាលនៃជំងឺកូរីដ-១៩ បញ្ញើប្រៃសណីយ៍មួយចំនួនបានកកស្ទះមិនអាចអនុញ្ញាតឱ្យនាំចេញបាន (បិទច្រកទ្វារអន្តរជាតិ) យន្តហោះដឹកបញ្ញើជាដៃគូក៏ពុំព្រមទទទួលដឹកឱ្យ ដូច្នេះប្រៃសណីយ៍កម្ពុជាបានព្យាយាមចែកជូនអតិថិជនតាមរយៈអាសយដ្ឋានផង និងទូរសព្ទផង។ បញ្ញើមួយចំនួនទៀតគ្មានអាសយដ្ឋានច្បាស់លាស់

(ភ្នំពេញ)៖ ក្រសួងយុត្តិធម៌ នៅថ្ងៃទី២៨ ខែធ្នូ ឆ្នាំ២០២៣នេះ បានចេញសេចក្ដីប្រកាសព័ត៌មាន ក្រោយថ្មីៗនេះមាន ឧក្រិដ្ឋជនឆបោកដែលបានប្រើប្រាស់រូបភាពអគារបណ្ឌិត្យសភាភូមិន្ទយុត្តិធម៌កម្ពុជា ដោយបានកឈ្មោះទៅជា «EMPIREGAIN-TRADE.COM» ដើម្បីបង្កើតក្រុមតេឡេក្រាម (Telegram Group) ដែលក្រុមនោះមានឈ្មោះថា «CAMBODIA EMPIRE-TRADING _ Khmer INVESTMENT GROUP CHAT» ហើយមានសមាជិកក្នុងក្រុម សរុបចំនួន៩,៣៩១នាក់។ តាមរយៈសេចក្ដីប្រកាសព័ត៌មាន ដែលបណ្ដាញព័ត៌មាន Fresh News ទទួលបាន ក្រសួងយុត្តិធម៌ ពិនិត្យឃើញថា ក្រុមតេឡេក្រាមនេះ ត្រូវបានបង្កើតឡើងដោយក្រុមឧក្រិដ្ឋជនឆបោក តាមប្រព័ន្ធបច្ចេកវិទ្យាដែលធ្វើឡើងក្នុងចេតនាទុច្ចរិត ដើម្បីបំភាន់

(បរទេស)៖ នៅសល់តែ ៤ថ្ងៃទៀតប៉ុណ្ណោះសម្រាប់ឆ្នាំ២០២៣ នឹងរសាត់ទៅបាត់ ដោយជំនួសមកវិញនៅឆ្នាំ២០២៤ ជាពេលដែលយុទ្ធនាការបាល់ទាត់សំខាន់ៗ ប្រកួតប្រជែងដណ្តើមពានយ៉ាងមមាញឹកផងដែរ ពោលគឺស្ទើរតែគ្រប់តំបន់តែម្តង។ ជាបន្តទៅទៀតនេះ Fresh News Plus សូមច្បិចយកព្រឹត្តិការណ៍បាល់ទាត់សំខាន់ៗប្រចាំឆ្នាំ២០២៤ ផ្នែកបុរស មកចែកជូនអ្នកគាំទ្រដែលស្នេហាវិស័យកីឡាដ៏មានប្រជាប្រិយភាពមួយនេះទុកជាការកម្សាន្ត ក៏ដូចជារឿងរ៉ាវផ្សេងៗទៀតទាក់ទងនឹងបាល់ទាត់នេះដែរ។ ជារួមសម្រាប់ឆ្នាំ២០២៤ ខាងមុខមានព្រឹត្តិការណ៍សំខាន់ៗទៅ ៧ដែលត្រូវរៀបចំរួមមាន ជើងឯកប្រចាំទ្វីបអាហ្រ្វិក អាស៊ី អឺរ៉ុប អាមេរិកឡាទីន អូសេអានី រួមទាំងកីឡាអូឡាំពិករដូវក្តៅ និងកិច្ចប្រជុំធំរបស់ FIFA នៅធ្វើទីក្រុងបាងកក ប្រទេសថៃ ស្តីពីកំណែទម្រង់ច្បាប់ប្រកួតមួយចំនួនផងដែរ។ ផ្តល់សិទ្ធិដោយ៖ freshnews ១៖ ជើងឯកប្រចាំទ្វីបអាស៊ី

ខេត្តពោធិ៍សាត់៖ នៅថ្ងៃទី២៨ ខែធ្នូ ឆ្នាំ២០២៣ សាលាអនុវិទ្យាល័យពោធិ៍សាត់ ក្រុងពោធិ៍សាត់ បានអនុវត្តការមិនប្រើប្រាស់ប្លាស្ទិកក្នុងសាលារៀន ដើម្បីបរិស្ថានសាលាស្អាត គ្មានសំរាម និងសុខភាពរបស់សិស្ស។ សាលារៀននេះបានប្រើប្រាស់ ប្រអប់អាហារដែលអាចប្រើឡើយវិញ និងប្រើប្រាស់ស្លឹករុក្ខជាតិវេចខ្ចប់ជំនួសឱ្យប្លាស្ទិក។ ក្នុងសាលារៀននេះ មានអាគារសិក្សាចំនួន ០៨ខ្នង ដោយមានសិស្សានុសិស្សសរុបចំនួន ១,៧៣៥ នាក់ និងលោកគ្រូអ្នកគ្រូ សរុបចំនួន ១០៦នាក់។ សូមបញ្ជាក់ថា នៅទូទាំងខេត្តពោធិ៍សាត់ គិតចាប់ពីថ្ងៃទី០១ ខែកញ្ញា រហូតដល់ ថ្ងៃទី២៦ ខែធ្នូ ឆ្នាំ២០២៣នេះ យុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ»