(ភ្នំពេញ)៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់តែងតាំងលោកស្រី ជា សិរី ជាអគ្គទេសាភិបាលធនាគារជាតិនៃកម្ពុជា មានឋានៈស្មើទេសរដ្ឋមន្ត្រី ជំនួសលោក ជា ចាន់តូ។ សូមជម្រាបថា មុនទទួលបានការតែងតាំងនេះលោកស្រី ជា សិរី ជាអគ្គទេសាភិបាលរងធនាគារជាតិនៃកម្ពុជា។ លោកស្រីជាកូនស្រីរបស់លោក ជា ចាន់តូ ផងដែរ៕ ផ្ដល់សិទ្ធិដោយ៖ Freshnews

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣០ ខែកក្កដា ឆ្នាំ២០២៣នេះ បានចេញសារសំឡេងពិសេស ទាក់ទងដល់ឧត្តមក្រុមក្រុមប្រឹក្សាពិគ្រោះ និងផ្តល់យោបល់។ សម្តេចតេជោ ហ៊ុន សែន បានថ្លែងថា «យើងពិតជាមានតម្រូវការ ដើម្បីប្រមូលនូវធាតុចូលទាំងអស់ នៃបណ្តាបក្សនយោបាយ បើទោះបីបក្សនយោបាយមានសន្លឹកឆ្នោត មានអាសនៈក្នុងសភា ឬគណបក្សនយោបាយគ្មានអាសនៈនៅក្នុងសភា ដើម្បីចូលរួមក្នុងការកសាងប្រទេសជាតិ ក្នុងន័យនេះឧត្តមក្រុមប្រឹក្សាពិគ្រោះ និងផ្តល់យោបល់ ក៏នឹងត្រូវរៀបចំឱ្យមាន នៅក្នុងនីតិកាលទី៧ ជាបន្តទៀត»។ សម្តេចបន្តថា​ បើយោងតាមព្រះរាជក្រឹត្យអាណត្តិ របស់ឧត្តមក្រុមប្រឹក្សាពិគ្រោះ និងផ្តល់យោបល់ ក៏នឹងចប់នៅពេលដែលរាជរដ្ឋាភិបាលត្រូវបានបញ្ចប់អាណត្តិ ហើយរាជរដ្ឋាភិបាលថ្មី ក៏នឹងត្រូវធ្វើព្រះរាជក្រឹត្យ ដើម្បីដាក់ឱ្យដំណើរការ នៅក្រុមប្រឹក្សាប្រឹក្សាពិគ្រោះ និងផ្តល់យោបល់ ដែលលក្ខខណ្ឌផ្សេងៗក៏នឹងត្រូវលើកឡើងផងដែរ។ សម្តេចបន្តថា ការរៀបចំឧត្តមក្រុមប្រឹក្សាពិគ្រោះ និងផ្តល់យោបល់សម្រាប់នីតិកាលទី៧នេះ ក៏ដូចនីតិកាលទី៦ដែរ ដោយផ្តល់ឱ្យមានប្រធានប្រតិភូ អនុប្រធានប្រតិភូ និងមានលេខាធិការ ដែលគណបក្សនយោបាយមួយ ត្រូវមានឥស្សរជន៣រូបចូលរួម។ សម្តេចបន្តទៀតថា «សូមគណបក្សនយោបាយដែលធ្លាប់បានចូលរួម ក្នុងប្រឹក្សាពិគ្រោះ និងផ្តល់យោបល់ នីតិកាលទី៦ មានការនឹងន អំពីការរៀបចំបន្ត។ ឯចំពោះគណបក្សនយោបាយមិនបានចូលរួមការបោះឆ្នោត […]

(ភ្នំពេញ)៖ ក្រសួងធនធានទឹក និងឧតុនិយម នៅព្រឹកថ្ងៃទី៣០ ខែកក្កដា ឆ្នាំ២០២៣នេះ បានចេញព្រឹត្តបត្រព័ត៌មាន និងព្យាករណ៍កម្ពស់ទឹក នៅតាមបណ្តាស្ថានីយជលសាស្ត្រទាំង៨។ ស្ថានីយទាំង៨រួមមាន៖ ទី១៖ ទន្លេមេគង្គ-ស្ទឹងត្រែង ទី២៖ ទន្លេមេគង្គ-ក្រចេះ ទី៣៖ ទន្លេមេគង្គ-កំពង់ចាម ទី៤៖ ទន្លេបាសាក់-ចតុមុខ ទី៥៖ ទន្លេមេគង្គ-អ្នកលឿង ទី៦៖ ទន្លេបាសាក់-កោះខែល ទី៧៖ ទន្លេសាប-ព្រែកក្តាម និងទី៨៖ ទន្លេសាប-កំពង់ហ្លួង សូមអានព្រឹត្តបត្រព័ត៌មាន និងព្យាករណ៍កម្ពស់ទឹកជំនន់ របស់ក្រសួងធនធានទឹក ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រ ដូចខាងក្រោម៖ ផ្ដល់សិទ្ធិដោយ៖ Freshnews

(ភ្នំពេញ)៖ លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានបង្ហាញក្តីរំពឹងថា ក្នុងការបើកដំណើរការ អាកាសយានដ្ឋានអន្ដរជាតិសៀមរាបអង្គរថ្មី នៅខែតុលាខាងមុខនេះ នឹងអាចស្រូបទាញភ្ញៀវទេសចរពីប្រទេសឆ្ងាយដែលមិនធ្លាប់ស្គាល់កម្ពុជា ឱ្យមកស្គាល់កម្ពុជា ពិសេសប្រាង្គប្រាសាទអង្គរវត្ត ដែលគ្មានពីរលើលោក។ លោស្រីបានបញ្ជាក់ថា តាមរយៈវិសាលភាពដ៏ធំរបស់អាកាសយានដ្ឋានអន្តរជាតិសៀមរាបអង្គរថ្មី តាមរយៈការទទួលការចុះចតប្រភេទយន្ដហោះធុនធំនោះនឹងទាញបាននូវភ្ញៀវទេសចរអន្ដរជាតិជាច្រើន មកពីបណ្ដាប្រទេសផ្សេងៗមកស្គាល់កម្ពុជា​។ ការចូលរមករបស់ទេសចរអន្ដរជាតិនេះ ជាការនាំចូលនូវចំណូលមកចាក់ចូលសេដ្ឋកិច្ចជាតិ ព្រមទាំងផ្ដល់ឱកាសការងារ និងចំណូលដល់ប្រជាពលរដ្ឋកម្ពុជាផងដែរ។ ថ្លែងប្រាប់អង្គភាពព័ត៌មាន Fresh News លោកស្រី ឆាយ ស៊ីវលីន បានបញ្ជាក់ថា ការចាប់ផ្តើមបើកដំណើរការ អាកាសយានដ្ឋានអន្តរជាតិសៀមរាបអង្គរ នឹងរួមចំណែកនឹងទាក់ទាញភ្ញៀវទេសចរមកលេងតំបន់សៀមរាបអង្គរ ក៏ដូចជាចូលមកលេងប្រទេសកម្ពុជាទាំងមូល ព្រោះថាអាកាសយានដ្ឋានអន្តរជាតិសៀមរាបអង្គរ មានវិសាលភាពធំអាចចុះចតប្រភេទយន្ដហោះធុនធំ ដូច្នេះនេះជាឱកាសក្នុងការទទួលបានការភ្ញៀវទេសចរ ហើយក៏ជាឱកាសថ្មីមួយទៀត ក្នុងការនាំយកអ្នកដំណើរថ្មីៗដទៃទៀតឲ្យស្គាល់ និងមកទស្សនាកម្ពុជា។ លោកស្រីបញ្ជាក់ថា «កម្ពុជានឹងទទួលបានអត្ថប្រយោជន៍ជាច្រើន ដូចជាការទទួលបានការហោះហើរចូលកើនឡើង ដែលការហោះចូលមកកម្ពុជានេះ ជាការហោះចូលនាំយកនូវភ្ញៀវទេសចរជាច្រើន មកដំណើរកំសាន្ដ និងស្គាល់កម្ពុជា ព្រមទាំងនាំចំណូលចាក់ចូលសេដ្ឋកិច្ចជាតិ។ ក្រៅពីនោះក៏បានផ្ដល់ជាអត្ថប្រយោជន៍ជូនដល់ប្រជាពលរដ្ឋ តាមរយៈឱកាសការងារ ការលក់ដូរទំនិញទាំងក្នុងស្រុក និងក្រៅស្រុក ព្រមទាំងការដឹកជញ្ជូនមានការកើនឡើង ទាំងនេះជាការចាក់បញ្ចូលធនធានយ៉ាងច្រើន ដល់ជាតិ និងប្រជាពលរដ្ឋ»។ ក្នុងនាមជាភ្នាក់ងារប្រតិបត្តិករទេសចរណ៍ […]

កាលពីថ្ងៃទី ២៧ ខែកក្កដា ឆ្នាំ២០២៣ កន្លងទៅមានករណីឆេះភោជនីយដ្ឋានពន្លឺថ្មី ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ឆេះអស់ខូចខាត ទ្រព្យសម្បត្តិប្រមាណជា៥០ម៉ឺនដុល្លារ(អាមេរិក) នៅពេលនេះបានរកឃើញជនបង្កហើយ គឺជាចៅបង្កើតរបស់ខ្លួន នេះបើយោងតាមការបង្ហោះព័ត៌មានឲ្យដឹងនៅលើផេករបស់ ឯកឧត្ដម ខៀវ កញ្ញារិទ្ធិ ខ្លឹមសារទាំងស្រុង៖”សូមគោរពរាយការណ៍ជូនឯកឧត្តមរដ្ឋមន្រ្តីមេត្តាជ្រាប៖ ករណីឆេះហាងភោជនីយដ្ឋានពន្លឺថ្មី ( តាទ្រី ) សមត្ថកិច្ចចាប់បានជនបង្កហើយ ខេត្តរតនគិរី៖ សមត្ថកិច្ចនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត បានចាប់ចៅប្រុសបង្កើតរបស់ថៅកែហាងភោជនីយដ្ឋានពន្លឺថ្មី នៅក្រុងបានលុង បន្ទាប់ពីចៅប្រុសរូបនេះជាអ្នកដុតហាងបណ្ដាលឲ្យឆាបឆេះយ៉ាងសន្ធោ សន្ធៅ ខូចខាតស្ទើរអស់តែទាំងស្រុងដោយគិតជាទឹកប្រាក់ជាង៥០ម៉ឺនដុល្លារ(អាមេរិក)។ លោក តេង សាវុធ នាយការិយាល័យព្រហ្ម ទណ្ឌកម្រិតស្រាលបានឲ្យដឹងថា ករណីអគ្គិភ័យឆាបឆេះភោជនីយដ្ឋានពន្លឺថ្មី មានទីតាំងស្ថិតនៅក្នុងភូមិជ័យជំនះ សង្កាត់ ឡាបានសៀក ក្រុងបានលុង កម្លាំងសមត្ថកិច្ចចាប់ខ្លួនជនសង្ស័យម្នាក់ ដែលជាចៅប្រុសម្ចាស់ទីតាំង ពាក់ព័ន្ធករណីលួចដុតហាងរបស់ជីតាខ្លួន ដោយសារតែខឹងនិងជីតាកាត់កាលចោល។ លោកបានបញ្ជាក់ថា ការចាប់ខ្លួននេះបានធ្វើឡើងនៅព្រលប់ថ្ងៃទី២៨ ខែកក្កដា ឆ្នាំ២០២៣ បន្ទាប់ពីសមត្ថកិច្ចបានសាកសួរទៅកាន់ម្ចាស់ទីតាំងឈ្មោះ ងួន ចាន់ទ្រី អាយុ៦៥ឆ្នាំ ជនជាតិខ្មែរ ដែលម្ចាស់ហាងរូបនេះសង្ស័យថា មិនមែនជាករណីឆ្លងចរន្ដអគ្គិសនីនោះទេ។ […]

(ស៉ីប)៖ ភាគីកម្ពុជាកំពុងឈរឈ្មោះជាបេក្ខភាពក្នុងការបោះឆ្នោតជ្រើសរើសប្រទេសធ្វើជាម្ចាស់ផ្ទះរៀបចំសន្និបាតសមាគមកាយឫទ្ធិពិភពលោកលើកទី៣៩ នាឆ្នាំ២០២៦ខាងមុខ ដូច្នេះសូមប្រជាពលរដ្ឋចូលរួម Comment បោះឆ្នោតគាំទ្រកម្ពុជាយើងទាំងអស់គ្នា។ គួរជម្រាបថា លោកស្រីបណ្ឌិត ពេជ ចន្ទមុន្នី ហ៊ុនម៉ាណែត នាសប្ដាហ៍នេះ បានដឹកនាំគណៈប្រតិភូចូលរួមសន្និបាតលើកទី៣៨ របស់សមាគមកាយឫទ្ធិនារីពិភពលោក នៅប្រទេសស៉ីប (Cyprus)។ នៅក្នុងសន្និបាតនោះក៏មានការបោះឆ្នោតជ្រើសរើសប្រទេសដើម្បីធ្វើជាម្ចាស់ផ្ទះក្នុងការរៀបចំសន្និបាតសមាគមកាយឫទ្ធិពិភពលោកលើកទី៣៩ ឆ្នាំ២០២៦ ក្នុងនោះមានប្រទេសចំនួន៣ដែលជាឈរជាបេក្ខភាពក្នុងការបោះឆ្នោត​នេះ រួមមាន​៖ កម្ពុជា ហ្កាណា និងទុយណេស៊ី។ ដូច្នេះហើយសូមសមាជិក សមាជិកាកាយឫទ្ធិកម្ពុជា ព្រមទាំងប្រជាពលរដ្ឋខ្មែរជួយចូលរួមគាំទ្រប្រទេសកម្ពុជា ដើម្បីក្លាយជាម្ចាស់ផ្ទះរៀបចំព្រឹត្តិការណ៍នេះ តាមរយ:ការចូលទៅ Comments ក្នុងទំព័រហ្វេសប៊ុក World Association of Girl Guides and Girl Scouts៕ ផ្ដល់សិទ្ធិដោយ៖ Freshnews

(កែប)៖ លោក សោម ពិសិដ្ឋ អភិបាលខេត្តកែប នាថ្ងៃទី២៩ ខែកក្កដា ឆ្នាំ២០២៣ បានចុះពិនិត្យស្ថានភាពទឹកជំនន់ និងនាំយកគ្រឿងចក្រកាយប្រឡាយរំដោះទឹកជូនប្រជាពលរដ្ឋនៅតាមតំបន់មួយចំនួនក្នុងភូមិសាស្ត្រខេត្តកែប ដែលទទួលរងគ្រោះដោយសារជំនន់ទឹកភ្លៀង​។ បញ្ហានេះមួយផ្នែកធំ​គឺកត្តាអាកាសធាតុ​ និងមួយផ្នែកតូចទៀតបណ្ដាលមកពីការជួសជុលសាងសង់​ លេីកកម្ពស់គុណភាពផ្លូវជាតិលេខ៣៣ ដែលក្នុងអន្តរកាលនេះធ្វើឲ្យប្រព័ន្ធបង្ហូរទឹកមួយចំនួនធំមានការរាំងស្ទះ។ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បានធ្វើឲ្យអាកាសធាតុ​នៅកម្ពុជា​មានភ្លៀងធ្លាក់គ្រប់ទីកន្លែង​ ពិសេសតំបន់សមុទ្រមាន​ភ្លៀងធ្លាក់ច្រេីន​ ខ្យល់កន្ត្រាក់​ ផ្គររន្ទះ​ និង​រលកសមុទ្របោកបក់ខ្លាំងមានកម្ពស់ខ្ពស់ៗ។ លោកអភិបាខេត្តបានអំពាវនាវសូមប្រជាពលរដ្ឋ កុមារ​តូច​ៗ​ និងប្រជានេសាទទាំងអស់មានការប្រុងប្រយ័ត្នខ្ពស់ ដើម្បីជៀសវាងគ្រោះថ្នាក់ ដែលអាចកើតមានឡើងជាយថាហេតុណាមួយ៕ ផ្ដល់សិទ្ធិដោយ៖ Freshnews​

(ភ្នំពេញ)៖ បន្ទាប់ពីស្រាវជ្រាវលើករណីញុះញង់បំផ្លាញការបោះឆ្នោត ដែលរៀបចំដោយទណ្ឌិត សម រង្ស៊ី នៅពេលនេះ សមត្ថកិច្ចជំនាញ បានរកឃើញមុខសញ្ញា ដែលធ្វើសកម្មភាពញុះញង់បំផ្លាញការបោះឆ្នោតជាមួយទណ្ឌិត សម រង្ស៉ី តាមរយៈក្រុមតេលេក្រាម «Sabai សប្បាយ» កើនដល់៣៤នាក់ហើយ ដែលអ្នកទាំងនោះប្រឈមនឹងការផ្តន្ទាទោសតាមច្បាប់ និងការផាកពិន័យជាប្រាក់។ ខាងក្រោមនេះជាបញ្ជីឈ្មោះ សកម្មជនក្រុមប្រឆាំងទាំង៣៤នាក់ ដែលធ្វើសកម្មភាពញុះញង់បំផ្លាញការបោះឆ្នោតជាមួយទណ្ឌិត សម រង្ស៉ី តាមរយៈក្រុមតេលេក្រាម «Sabai សប្បាយ»៖ ផ្ដល់សិទ្ធិដោយ៖ Freshnews

(ភ្នំពេញ)៖ គិតត្រឹមម៉ោង១៖០២នាទីរសៀលថ្ងៃទី២៣ ខែកក្កដា ឆ្នាំ២០២៣នេះ មានប្រជាពលរដ្ឋខ្មែរចំនួន ៧ ១៨៧ ៧០៥នាក់ ស្មើនឹង ៧៤,០២ភាគរយហើយ បានអញ្ជើញទៅបោះឆ្នោតជាតិជ្រើសតាំងតំណាងរាស្រ្ត អាណត្តិទី៧ ដើម្បីបំពេញសិទ្ធិជាពលរដ្ឋ ក្នុងការជ្រើសរើសមេដឹកនាំប្រទេស។ នេះបើតាម លោក ឌឹម សុវណ្ណារុំ សមាជិកគ.ជ.ប និងជាប្រធានក្រុមប្រតិកម្មព័ត៌មានគ.ជ.ប បញ្ជាក់ប្រាប់បណ្តាញព័ត៌មាន​​ Fresh News។ សូមបញ្ជាក់ថា ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៧នេះ មានប្រជាពលរដ្ឋដែលមានសិទ្ធិទៅបោះឆ្នោតមានចំនួន ៩,៧១០,៦៥៥នាក់ មានមានគណបក្សនយោបាយចូលរួមប្រកួតប្រជែងចំនួន១៨ និងមានការិយាល័យ ២៣,៧៨៩ការិយាល័យ៕ ផ្ដល់សិទ្ធិដោយ៖ Freshnews

(ត្បូងឃ្មុំ)៖ បុរសម្នាក់ដែលបានចូលទៅបោះឆ្នោត រួចមកជ្រលក់ដៃក្នុងទឹកខ្មៅ ហើយអុកឡុកក្នុងការិយាល័យបោះឆ្នោតលេខ០៣០៣ បឋមសិក្សាក្បាលស្នែង ឃុំជាំក្រវៀន ស្រុកមេមត់ ខេត្តត្បូងឃ្មុំ ត្រូវបានកម្លាំងនគរបាលចាប់ខ្លួន នៅព្រឹកថ្ងៃទី២៣ ខែកក្កដា ឆ្នាំ២០២៣នេះ។ មន្ដ្រីនគរបាលខេត្តត្បូងឃ្មុំ បានអះអាងថា ដើមឡើយបុរសឈ្មោះ ឃ្លី ភ័ក្រ បានមកបោះឆ្នោតដូចប្រជាពលរដ្ឋធម្មតា ប៉ុន្ដែពេលបោះឆ្នោតរួចបុគ្គលរូបនេះ មិនព្រមជ្រលក់ដៃក្នុងកំប៉ុងទឹកខ្មៅនោះទេ ហើយថែមទាំងដើរអុកឡុកក្នុងការិយាល័យបោះឆ្នោតថែមទៀតផង។ ភ្លាមៗ ក្រោយឃើញបាតុភាពនេះ មន្ដ្រីគ.ជ.ប សហការជាមួយកម្លាំងសមត្ថកិច្ចការពារការិយាល័យបោះឆ្នោត បានធ្វើការឃាត់ខ្លួនតែម្ដង។ ប្រភពព័ត៌មានបានបន្ថែមទៀតថា ក្រោយឃាត់ខ្លួនបញ្ជូនទៅអធិការដ្ឋាននគរបាលស្រុកមេមត់ សមត្ថកិច្ចបានពិនិត្យទឹកនោមជនសង្ស័យ និងរកឃើញមានសារធាតុញៀន៕ ផ្ដល់សិទ្ធិដោយ៖ Freshnews