(ព្រះវិហារ)៖ លោក គីម រិទ្ធី អភិបាលខេត្តព្រះវិហារ បានថ្លែងអំពាវនាវដល់ប្រជាពលរដ្ឋទូទាំងខេត្ត បន្តថែរក្សាសុខភាព ខណៈនៅក្នុងសប្តាហ៍នេះ ខេត្តព្រះវិហារកំពុងជួបប្រទះនឹងអាកាសធាតុត្រជាក់ខ្លាំង សីតុណ្ហភាពអាចធ្លាក់ចុះដល់ ១២ អង្សា។ លោក គីម រិទ្ធី ក៏បានថ្លែងអំពាវនាវដល់បងប្អូនប្រជាពលរដ្ឋប្រុងប្រយ័ត្នចំពោះសុខភាព ជាពិសេសមនុស្សចាស់ជរា កុមារ និងអ្នកមានជំងឺប្រចាំកាយផ្សេងៗ។ ជាមួយគ្នានេះ ត្រូមានការប្រុងប្រយ័ត្ន ដោយត្រូវពាក់សម្លៀកបំពាក់ក្រាស់ៗ ការពារខ្លួនពីខ្យល់ត្រជាក់ ជាពិសេសនៅពេលព្រឹកព្រលឹម និងយប់ ត្រូវផឹកទឹកក្តៅឲ្យបានច្រើន ប្រុងប្រយ័ត្នការប្រើប្រាស់ភ្លើង ដើម្បីការពារការពីគ្រោះអគ្គីភ័យ ប្រសិនបើមានអាការៈឈឺ សូមប្រញាប់ទៅជួបគ្រូពេទ្យភ្លាម៕ ផ្ដល់សិទ្ធិដោយ៖ Freshnews

(Reuters)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃសៅរ៍ ទី១១ ខែមករា បានអះអាងថាអ៊ុយក្រែនបានចាប់ខ្លួនទាហានកូរ៉េខាងជើង២នាក់ នៅក្នុងតំបន់ Kursk របស់រុស្ស៉ី ហើយដែលនេះគឺជាលើកដំបូងបំផុតដែលអ៊ុយក្រែនប្រកាសពីការចាប់ខ្លួនទាហានកូរ៉េខាងជើងទាំងរស់ ចាប់តាំងពីពួកគេបានប្រឡូកក្នុងសង្រ្គាមកាលពីពេលថ្មីៗនេះ»។ នេះបើ តាមការចេញផ្សាយដោយទីភ្នាក់ងារសារព័ត៌មាន Reuters។ ទាហានកូរ៉េខាងជើងត្រូវបានដាក់ពង្រាយឱ្យទៅជួយកងកម្លាំងរុស្ស៉ី កាលពីខែតុលា ឆ្នាំ២០២៤ ខណៈបើតាមទីក្រុងកៀវ និងសម្ព័ន្ធមិត្តលោកខាងលិចបានវាយតម្លៃថាទាហានកូរ៉េខាងជើង ជាង ១០ ០០០នាក់ ឬច្រើនជាងនេះកំពុងប្រយុទ្ធនៅលើសមរភូមិ។ នៅក្នុងការបង្ហោះមួយលើបណ្ដាញទំនាក់ទំនងសង្គម X លោក ហ្សេលេនស្គី បាននិយាយថាទាហានកូរ៉េខាងជើងដែល ត្រូវបានចាប់ខ្លួនទាំង២នាក់ ត្រូវបានបញ្ជូនទៅកាន់ទីក្រុងកៀវ។ «ដូចគ្នាទៅនឹងឈ្លើយសឹកទាំងអស់ ទាហានកូរ៉េខាងជើងទាំង២នាក់នេះកំពុងទទួលបានការព្យាបាល»។ នេះជាការបញ្ជាក់ របស់លោក ហ្សេលេនស្គី ជាមួយការបន្ថែមថាអ្នកសារព័ត៌មាននឹងត្រូវបានអនុញ្ញាតឱ្យជួបនិយាយជាមួយទាហានកូរ៉េខាងជើងទាំង២រូប។ គួរបញ្ជាក់ថា អ៊ុយក្រែនបានឱ្យដឹងថាទាហានកូរ៉េខាងជើងកំពុងជួយកងកម្លាំងរុស្ស៉ី នៅក្នុងតំបន់ Kursk ជាទីដែលកងទ័ពអ៊ុយក្រែនបានបើកប្រតិបត្តិការវាយលុកថ្មើរជើង កាលពីខែសីហា ឆ្នាំមុន និងកំពុងកាន់កាប់ទឹកដីមួយចំនួន។ ទីក្រុងព្យុងយ៉ាងក៏រងការចោទប្រកាន់ដែរថាបានបញ្ជូនអាវុធទៅឱ្យរុស្ស៉ី តែទាំងរុស្ស៉ី និងកូរ៉េខាងជើងមិនបានទទួលស្គាល់នោះទេ ហើយក៏ មិនទាន់ធ្វើអត្ថាធិប្បាយអ្វីឆ្លើយតបទៅនឹងការអះអាងរបស់លោក ហ្សេលេនស្គី អំពីទាហានកូរ៉េខាងជើងដែលត្រូវបានចាប់ខ្លួនជាឈ្លើយសឹកនោះដែរ៕ ផ្ដល់សិទ្ធិដោយ៖ Freshnews

(សៀមរាប)៖ អំឡុងថ្ងៃទី៧ ដល់ថ្ងៃទី១០ ខែមករា ឆ្នាំ២០២៥ ក្រុមការងារនៃរដ្ឋបាលជលផល និងអគ្គនាយកដ្ឋានសុខភាពសត្វនិងផលិតកម្មសត្វ ព្រមទាំងមន្ទីរកសិកម្ម រុក្ខាប្រមាញ់ និងនេសាទ ខេត្តសៀមរាប នៃក្រសួងកសិកម្ម រុក្ខាប្រមាញ់ និងនេសាទ បានចុះយកសំណាកក្រពើចិញ្ចឹមរបស់សហគមន៍អ្នកចិញ្ចឹមក្រពើ នៅខេត្តសៀមរាប ដើម្បីវិភាគរកវត្តមានមេរោគមួយចំនួន តាមលក្ខខណ្ឌតម្រូវ របស់សាធារណៈរដ្ឋប្រជាមានិតចិន។ ការចុះយកសំណាកដើម្បីវិភាគរកមេរោគនេះ ធ្វើឡើងក្នុងគោលបំណងសម្រួលដល់ការនាំចេញក្រពើចិញ្ចឹមពីកម្ពុជាទៅកាន់ទីផ្សារប្រទេសចិន។ សូមជម្រាបថា នេះជាលើកទី១ហើយ ដែលកម្ពុជាទទួលបានការអនុញ្ញាតនាំក្រពើរស់ចេញពីកម្ពុជាទៅកាន់ប្រទេសចិន ប៉ុន្តែកម្ពុជាត្រូវបំពេញបែបបទឲ្យស្របតាមស្តង់ដារនិងអនុសញ្ញាសាយតេសជាមុនសិន។ នៅពេលដែលនាំចេញលើកទី១ទទួលបានជោគជ័យ នោះកម្ពុជានឹងមានទីផ្សារសត្វក្រពើរស់នៅប្រទេសចិន ដែលមានវិសាលភាពធំ និងអាចផ្តល់ផលប្រយោជន៍សេដ្ឋកិច្ចដល់អ្នកចិញ្ចឹមសត្វក្រពើក្នុងប្រទេសកម្ពុជា៕ ផ្ដល់សិទ្ធិដោយ៖ Freshnews

(ភ្នំពេញ)៖ ថ្លែងបិទវគ្គបណ្តុះបណ្តាល ស្ដីពី “ការពង្រឹងការងារព័ត៌មាននិងសាធារណមតិ” នៅខេត្តកណ្ដាល នារសៀលថ្ងៃទី១១ ខែមករា ឆ្នាំ២០២៥នេះ លោក ស្វាយ ស៊ីថា ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការជាតិសម្របសម្រួលកិច្ចការព័ត៌មាននិងសាធារណមតិ (គ.ស.ព.ស.) បានលើកទឹកចិត្តដល់ក្រុមការងារទទួលបន្ទុកព័ត៌មានគ្រប់កម្រិតពីថ្នាក់ខេត្ត ដល់ឃុំសង្កាត់ត្រូវរួបរួមគ្នាបំពេញភារកិច្ចរបស់ខ្លួន ដោយការទទួលខុសត្រូវខ្ពស់ និងប្តេជ្ញាការពារនិងថែរក្សាសុខសន្តិភាពឱ្យបានស្ថិតស្ថេរគង់វង្ស។ លោក បានបន្ថែមថា ការថែរក្សាបាននូវសុខ សន្តិភាព ស្ថិរភាពនយោបាយ គឺចាំបាច់ទាមទារនូវឆន្ទៈនិងសកម្មភាពរួមគ្នាជាធ្លុងមួយ និងត្រូវបន្តអនុវត្តនូវ «គោលការណ៍កម្លាំងសរុប និងមធ្យោបាយសរុប» ដែលជាគ្រឹះនៃការពង្រឹងសាមគ្គីភាព និងឯកភាពផ្ទៃក្នុង ក្នុងការបំពេញភារកិច្ច លើការងារគ្រប់គ្រងព័ត៌មាននិងសតិអារម្មណ៍របស់សាធារណជន ដើម្បីធានាឱ្យបាននូវប្រក្រតីភាព ប្រសិទ្ធភាព និងនិរន្តរភាពនៃការងារ និងជាកត្តាកំណត់ជោគជ័យ និងជំនឿទុកចិត្តរបស់ប្រជាពលរដ្ឋក្នុងការផ្សព្វផ្សាយនូវព័ត៌មានពិត បានលឿនរហ័ស និងទាន់ពេលវេលា បន្សាបទៅលើព័ត៌មានក្លែងក្លាយ ដែលបាននិងកំពុងជះឥទ្ធិពលដល់នយោបាយ សេដ្ឋកិច្ច និងសង្គម។ ក្នុងវគ្គបណ្តុះបណ្តាលរយៈពេលមួយថ្ងៃពេញ ដើម្បីពង្រឹងប្រសិទ្ធភាពលើការងារផ្សព្វផ្សាយ និងការចងបណ្តាញក្រុមការងារព័ត៌មាននិងសាធារណមតិក្នុងកម្រិតខេត្ត ដល់ឃុំ សង្កាត់នាឱកាសនេះ មានការចូលរួមពីសំណាក់ លោក គួច ចំរើន អភិបាលនៃគណៈអភិបាលខេត្តកណ្ដាល លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល លោក […]

(ភ្នំពេញ)៖ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានឱ្យដឹងថា នៅក្នុងពេលឆាប់ៗខាងមុខនេះក្រសួងព័ត៌មាននឹងបើក «យុទ្ធនាការប្រឆាំងព័ត៌មានក្លែងក្លាយ» ដើម្បីរួមគ្នាទប់ស្កាត់ និងលុបបំបាត់ព័ត៌មានក្លែងក្លាយ ហើយផ្តល់នូវចំណេះដឹង និងការចេះបញ្ជាក់ពីប្រភេទព័ត៌មានពិត និងព័ត៌មានក្លែងក្លាយជូនដល់សាធារណជន។ ការឱ្យដឹងរបស់លោក នេត្រ ភក្ត្រា បានធ្វើឡើងក្នុងឱកាសអញ្ជើញជាអធិបតីភាពក្នុងពិធីបិទសិក្ខាសាលាផ្សព្វផ្សាយស្វែងយល់អំពីធម្មនុញ្ញវិជ្ជាជីវៈសារព័ត៌មាន និងក្រមសីលធម៌វិជ្ជាជីវៈអ្នកសារព័ត៌មាននៅកម្ពុជា សហការរៀបចំដោយក្រសួងព័ត៌មាន និងសមាគមសារព័ត៌មានអេឡិចត្រូនិច អឹម អេស ជេ នៅរសៀលថ្ងៃទី១១ ខែមករា ឆ្នាំ២០២៥ នាសាលចតុម្មុខមង្គលទីស្តីការក្រសួងព័ត៌មាន ដោយមានការចូលរួមសិក្សាស្វែងយល់ពីអ្នកសារព័ត៌មានប្រមាណជាង ៤០០នាក់។ ជាមួយគ្នានេះដែរ លោករដ្ឋមន្ត្រី នេត្រ ភក្ត្រា បានស្នើដល់អ្នកសារព័ត៌មានទាំងអស់ចូលរួមក្នុង «យុទ្ធនាការប្រឆាំងព័ត៌មានក្លែងក្លាយ» ដែលជាគំនិតមួយក្នុងការផ្តល់នូវសុវត្ថិភាពជូនទៅដល់អ្នកសារព័ត៌មាន និងផ្តល់សុវត្ថិភាពដល់ប្រជាពលរដ្ឋដែលជាអ្នកទទួលព័ត៌មាន។ លោករដ្ឋមន្ត្រី នេត្រ ភក្រ្តា បានគូសបញ្ជាក់ថា យុទ្ធនាការប្រឆាំងព័ត៌មានក្លែងក្លាយ គ្រោងធ្វើឡើងដើម្បីជំរុញការផ្សព្វផ្សាយព័ត៌មានពិត និងបង្កើនការយល់ដឹងដល់ពលរដ្ឋទាក់ទងនឹងផលប៉ះពាល់នៃព័ត៌មានក្លែងក្លាយ។ យុទ្ធនាការនេះក៏ជាការឃោសនា និងផ្សព្វផ្សាយជាសាធារណៈ ពីវិធានការទប់ស្កាត់ការសាយភាយព័ត៌មានក្លែងក្លាយ ការប្រើប្រាស់បណ្ដាញសង្គមប្រកបដោយប្រសិទ្ធភាព និងការចែករំលែកព័ត៌មានជាដើម។ លោករដ្ឋមន្ត្រីក៏បានបង្ហាញភាពសុទិដ្ឋិនិយមនៅក្នុងការប្រឆាំងព័ត៌មានក្លែងក្លាយ ដែលជាជំហ៊ានមួយយ៉ាងសំខាន់នៅក្នុងការបង្កើនការយល់ដឹងអំពីផលប៉ះពាល់នៃព័ត៌មានក្លែងក្លាយដល់សាធារណជនទូទាំងប្រទេស ហើយគំនិតផ្តួចផ្តើមនេះកំពុងទទួលបានការគាំទ្រពីបណ្តាប្រទេសជាច្រើននៅក្នុងតំបន់អាស៊ាន និងតំបន់ដទៃទៀត៕ ផ្ដល់សិទ្ធិដោយ៖ Freshnews

(សៀមរាប)៖ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងថា ព្រឹត្តិការណ៍ប្រកួតវាយកូនគោល ដើម្បីមនុស្សធម៌ឆ្នាំ២០២៥ នឹងជំរុញវិស័យទេសចរណ៍នៅក្នុងខេត្តសៀមរាប ឱ្យកាន់តែរីកចម្រើនថែមទៀត។ ដោយសារព្រឹត្តិការណ៍នេះ បានរៃអង្គាសថវិកាគាំទ្រម្រោងបណ្តុះបណ្តាលទៅលើសិក្ខាកាម ដែលជ្រើសរើសមកពីគ្រួសារក្រីក្រចំនួន២០០នាក់ ផងដែរ។ ការលើកឡើងយ៉ាងដូច្នេះរបស់នាយឧត្តមសេនីយ៍ ទៀ សីហា នៅក្នុងពិធីបិទព្រឹត្តិការណ៍ប្រកួតវាយកូនគោល ដើម្បីមនុស្សធម៌ឆ្នាំ២០២៥ ដែលរៀបចំឡើងដោយសមាគមក្លឹបទេសចរណ៍សៀមរាប (STC) សហការជាមួយសហព័ន្ធកីឡាវាយកូនគោលកម្ពុជា, រដ្ឋបាលខេត្តសៀមរាប, សហភាពសហព័ន្ធយុវជនកម្ពុជា ខេត្តសៀមរាប, Angkor golf resort និងPhokeethra Country Club នៅថ្ងៃទី១១ ខែមករា ឆ្នាំ២០២៥នេះ។ ដោយមានការចូលរួមពីសម្តេចពិជ័យសេនា ទៀ បាញ់ ឧត្តមក្រុមប្រឹក្សាផ្ទាល់ព្រះមហាក្សត្រ និងលោក លោកស្រី ជាថ្នាក់ដឹកនៃក្រសួងការពារជាតិ, ថ្នាក់ដឹកនាំខេត្តសៀមរាប និងតាកែវ, ថ្នាក់ដឹកនាំនៃអាជ្ញាធរជាតិអប្បរា និងភ្ញៀវជាតិ និងអន្តរជាតិ ចំនួន៦០ចូលរួមផងដែរ។ នាយឧត្តមសេនីយ៍ ទៀ សីហា បានបន្តថា គោលបំណងនៃការរៀបចំព្រឹត្តិការណ៍ប្រកួតវាយកូនគោលឡើង ដើម្បីអបអរកីឡានៅក្នុងសន្តិភាពក្នុងរយៈពេល៤៦ឆ្នាំមកនេះ ដោយមានការអភិវឌ្ឍជាច្រើននៅក្នុងប្រទេសកម្ពុជា។ ផ្សព្វផ្សាយ […]

(សេអ៊ូល)៖ មនុស្សរាប់ពាន់នាក់ បានជម្នះនឹងព្រិលធ្លាក់នៅថ្ងៃអាទិត្យ ទី៥ ខែមករានេះ ដើម្បីប្រមូលផ្ដុំគ្នាក្នុងទីក្រុងសេអ៊ូល បង្ហាញទាំងការគាំទ្រ និងការប្រឆាំងនឹងការចាប់ខ្លួនប្រធានាធិបតីដែល ត្រូវបានព្យួរដំណែង លោក Yoon Suk Yeol ខណៈវិបត្តិនយោបាយកូរ៉េខាងត្បូងបានធ្លាក់ចូលក្នុងហានិភ័យនៃការប្រឈមមុខដាក់គ្នា។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ខណៈដីកាចាប់ខ្លួនលោក Yoon ក្រោមបទចោទប្រកាន់បះបោរជុំវិញការប្រកាសប្រើច្បាប់អាជ្ញាសឹកកាលពីថ្ងៃទី៣ ខែធ្នូកន្លងទៅ នឹងត្រូវអស់សុពលភាពនៅពាក់កណ្ដាលយប់ថ្ងៃអាទិត្យ ឈានចូល ថ្ងៃចន្ទស្អែកនេះ មនុស្សជាច្រើនក្រុមបានប្រមូលផ្ដុំគ្នានៅក្បែរនិវេសនដ្ឋានរបស់លោក Yoon ក្នុងនោះមានក្រុមខ្លះជំរុញឱ្យមានការចាប់ខ្លួន និងខ្លះទៀតបានប្រឆាំងនឹងការចាប់ខ្លួនប្រធានាធិបតី ត្រូវបានព្យួរតំណែងរូបនេះ។ នៅថ្ងៃអាទិត្យនេះ ក្រុមបាតុករមានទាំងប្រឆាំង និងគាំទ្រលោក Yoon បានប្រមូលផ្ដុំគ្នា នៅក្បែរនិវេសនដ្ឋានរបស់លោកក្នុងទីក្រុងសេអ៊ូល ក្រោមព្រិលធ្លាក់ខ្លាំង និងមានអាកាសធាតុ -៥អង្សាសេ។ «យើងត្រូវតែសា្ដរមូលដ្ឋាននៃសង្គមរបស់យើងឡើងវិញ តាមរយៈការដាក់ទោសលើប្រធានាធិបតីដែលបានបំពានលើរដ្ឋធម្មនុញ្ញ»។ នេះជាការលើកឡើងរបស់មេដឹកនាំសហជីព Korean Confederation of Trade Unions (KCTU) ឈ្មោះ Yang Kyung-soo ដោយបន្ថែមថា «យើងត្រូវតែទម្លាក់ឧក្រិដ្ឋជន Yoon Suk Yeol ពីតំណែង និងចាប់ខ្លួន ព្រមទាំងឃុំខ្លួនរូបលោកឱ្យបាន ឆាប់តាមដែលអាចធ្វើទៅបាន»។ […]

(កំពង់ឆ្នាំង)៖ កម្លាំងសមត្ថកិច្ចខណ្ឌរដ្ឋបាលជលផលកំពង់ឆ្នាំង នាថ្ងៃទី៣ ខែមករា ឆ្នាំ២០២៥ បានបន្តសហការជាមួយសហគមន៍នេសាទ ចុះបង្ក្រាបសកម្មភាពបទល្មើសនេសាទជាច្រើនទីតាំងនៅតាមបណ្ដាភូមិសាស្ត្រមួយចំនួនក្នុងស្រុកជលគីរី និងស្រុករលាប្អៀរ ក្នុងខេត្តកំពង់ឆ្នាំង។ យោងតាមរបាយការណ៍របស់ខណ្ឌរដ្ឋបាលជលផលកំព ង់ឆ្នាំង ដែលបណ្ដាញព័ត៌មាន Fresh News ប្រចាំខេត្តកំ ពង់ឆ្នាំងទទួលបាន បានឲ្យដឹងថា ខណ្ឌរដ្ឋបាលជលផលកំពង់ឆ្នាំង បានបែងចែកកម្លាំងជា៣ក្រុមមានដូចជា៖ ដោយក្រុមទី១៖ កម្លាំងសមត្ថកិច្ចខណ្ឌរដ្ឋបាលជលផល សហការជាមួយសហគមន៍នេសាទអន្លង់មេត្រីសែនជ័យ និងសហគមន៍នេសាទភូមិថ្មី ដឹកនាំដោយលោក លី ឡា នាយខណ្ឌរដ្ឋ បាលជលផលកំពង់ឆ្នាំង ដែលមានកម្លាំងសរុប ១២នាក់ មធ្យោបាយបាឡាស្មាច់ចំនួន៣គ្រឿង បានចុះប្រតិបត្តិកា ររុះរើឧបករណ៍នេសាទខុសច្បាប់មានរបាំងលូសាច់អួន និ ងរបាំងលូស្បៃមុងនៅចំណុចកោះបរាជ និងចំណុចព្រែកក្បាលកន្លង់ ស្ថិតក្នុងភូមិក្បាលកន្លង់ ឃុំពាមឆ្កោក ស្រុកជល់គីរី ខេត្តកំពង់ឆ្នាំង ដែលគេធ្វើសកម្មភាពដោយប្រើឧបករណ៍នេសាទខុសទៅនឹងច្បាប់ស្ដីពីជលផល។ ក្រុមទី២៖ កម្លាំងសង្កាត់រដ្ឋបាលជលផល ជលគីរីកម្លាំង៣ នាក់ មធ្យោបាយបាឡាស្មាច់១គ្រឿងដឹកនាំដោយលោក រៀល សុ ខុម នាយសង្កាត់បានចុះប្រតិបត្តិការរុះរើសម្រា ស់នៅចំណុចមាត់ទន្លេ ស្ដីដកគងក្នុងភូមិអន្លង់មេត្រី ឃុំពាមឆ្កោក ស្រុកជលគីរី។ ក្រុមទី៣៖ ដឹកនាំដោយលោក នួន រិទ្ធី នាយផ្នែកជលផលកំពុងប្រាសាទ […]

(ភ្នំពេញ)៖ គិតត្រឹមដើមខែមករា ឆ្នាំ២០២៥នេះ គម្រោងលើកកម្រិតគុណភាពផ្លូវជាតិលេខ៤៨ ប្រវែងសរុប១៤៨គីឡូម៉ែត្រ ចាប់ពីចំណុចប្រសព្វផ្លូវជាតិលេខ៤ បំបែកស្រែអំបិល ដល់ក្រុងខេមរភូមិន្ទ ខេត្តកោះកុង សម្រេចវឌ្ឍនភាពបាន ៧៨%ហើយ។ ក្រុមការងារការដ្ឋានគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង) បានសម្រុកខ្លាំង ដើម្បីធានាវឌ្ឍនភាពកាន់តែប្រសើរនៅដើមខែមករា នៃដើមឆ្នាំ២០២៥នេះ។ នៅមិនយូរប៉ុន្មានទេការងារអ៊ុតAC នឹងបញ្ចប់ ខណៈដែលតាមគម្រោងការងារអ៊ុតAC គ្រោងបញ្ចប់នៅចុងរដូវប្រាំងឆ្នាំ២០២៥ខាងមុខនេះហើយ។ ទន្ទឹងនឹងនោះ កំណាត់ខ្លះនៃគម្រោងលើកកម្រិតគុណភាពផ្លូវជាតិលេខ៤៨ ក៏បានស្ថាបនារួចរាល់ហើយដែរ។ លោក សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងលើកកម្រិតគុណភាពផ្លូវជាតិលេខ៤៨ បានចុះជាប់ផ្ទាល់ប្រចាំ ដើម្បីពិនិត្យ ដានការងារបច្ចេកទេសសាងសង់ក្រុមហ៊ុន សំដៅឱ្យការសាងសង់ប្រព្រឹត្តទៅស្របតាមបទដ្ឋានបច្ចេកទេស និងតាមកិច្ចសន្យា ដោយធានាបានទាំងគុណភាព និងសោភ័ណភាព។ ផ្លូវជាតិលេខ៤៨ គឺជាខ្សែផ្លូវដ៏សំខាន់ និងយុទ្ធសាស្ត្រ ប្រកបដោយសក្តានុពលសេដ្ឋកិច្ច ពាណិជ្ជកម្ម ដឹកជញ្ជូន ភស្តុភារកម្ម ទេសចរណ៍។ ខណៈដែលការដ្ឋានកំពុងមមាញឹកខ្លាំង សូមអំពាវនាវដល់អ្នកប្រើប្រាស់ផ្លូវជាតិលេខ៤៨ ជាពិសេសរថយន្តដឹកទំនិញធុនធ្ងន់គ្រប់ប្រភេទ មេត្តាប្រុងប្រយ័ត្នខ្ពស់ កុំដឹកធ្ងន់ពេក ដែលបណ្តាលឱ្យមានការលំបាកក្នុងការធ្វើដំណើរ ជាពិសេសចំណុចឡើងទូល និងចុះចំណោតជាដើម។ ចំពោះរថយន្តឈ្នួល និងអ្នកធ្វើដំណើរផ្សេងទៀត ក៏ត្រូវបើកបរក្នុងល្បឿនមួយអាចគ្រប់គ្រងបាន ដើម្បីធានាសុវត្ថិភាពខ្លួនឯង និងអ្នកដទៃ […]

(ភ្នំពេញ)៖ កម្លាំងសមត្ថកិច្ចជំនាញ នៃអធិការនគរបាលខណ្ឌដង្កោ​ បានធ្វេីការឃាត់ខ្លួនបានជនសង្ស័យ២នាក់ ដែលបានធ្វេីសកម្មភាពប្រើអំពើហិង្សា (ប្រើមួកសុវត្តិភាព និងកាំបិតប៉័ងតោគំរាមប្លន់យកម៉ូតូ) និងរក្សាទុកដោយខុសច្បាប់នូវសារធាតុញៀន។ ប្រតិបត្តិការ នេះបានធ្វេីឡេីងនៅវេលាម៉ោង ១៦៖៣០នាទី ថ្ងៃទី០៤ ខែមករា ឆ្នាំ២០២៥ ដែលស្ថិតនៅត្រង់ចំណុចផ្លូវបេតុង ស្ថិតនៅភូមិអន្លង់គង សង្កាត់ព្រៃស ខណ្ឌដង្កោ រាជធានីភ្នំពេញ។ លោកវរសេនីយ៍ទោ ជាង ហុកសែ អធិការរងទទួលផែនការងារព្រហ្មទណ្ឌ នៃអធិការនគរបាលខណ្ឌដង្កោ បានប្រាប់ឲ្យបណ្តាញព័ត៌មាន Fresh News ដឹងថា ជនរងគ្រោះឈ្មោះ ផេង វុទ្ធី ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករសំណង់ ទីលំនៅភូមិអំពិលទឹក ឃុំសំបូរមាស ស្រុកកណ្ដាលស្ទឹង ខេត្តកណ្ដាល បានបាត់បង់សម្ភារៈមានដូចជាម៉ូតូ០១គ្រឿង ម៉ាកហុងដា សេ១២៥ ពណ៌ខ្មៅ ពាក់ផ្លាកលេខ ភ្នំពេញ1 KD-9094 មានលេខតួនិងលេខម៉ាស៊ីនមិនចាំ។ ចំណែកឯជនសង្ស័យចំនួន០២នាក់ ទី១-ឈ្មោះ អុល ប្រុសកា ហៅ ខ្មៅ ភេទប្រុស អាយុ២៥ឆ្នាំ ជនជាតិខ្មែរ […]