(ភ្នំពេញ)៖ លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានប្រកាសមិនស្វាគមន៍កីឡាករ Dave Leduc ឡើងសង្វៀននៅកម្ពុជាឡើយ ហើយក៏គ្មានថ្ងៃធ្វើការជាមួយកីឡាករ Lethwei របស់មីយ៉ាន់ម៉ានេះដែរ បន្ទាប់ពីលោកបានមើលឃើញពីទង្វើមិនគប្បីម្ដងជាពីរដង ស្ទើរតែនាំឲ្យខូច និងប៉ះពាល់ដល់កម្មវិធីគុនខ្មែរថែមទៀត ជាក់ស្ដែងដូចជាការប្រកួតជាមួយ ព្រំ សំណាង កាលពីចុងឆ្នាំ២០២៣ និងកម្មវិធីគុនខ្មែរ ដែលមានវត្តមានស្ដេចប្រដាល់ពិភពលោក ម៉ានី ប៉ាគីអាវ អញ្ជើញចូលរួមជាភ្ញៀវកិត្តិយសកាលពីថ្មីៗ ។ ប្រធានសហព័ន្ធខាងលើ បានបញ្ជាក់ថា «ចំពោះខ្ញុំ យើងគាំទ្រដែលមានកីឡាករបរទេសមកជួយផ្សព្វផ្សាយគុនខ្មែរ ប៉ុន្ដែចំពោះបុគ្គល Dave Leduc មួយ អ្វីដែលខ្ញុំបានឃើញសំណេររបស់គាត់ គឺខ្ញុំមិនគាំទ្រទេ ដោយសារគាត់សរសេរ ទី១-គាត់ទាមទារលក្ខខណ្ឌទឹកប្រាក់ ១លានដុល្លារ ។ នេះមិនមែនជាការផ្សព្វផ្សាយគុនខ្មែរទេ គឺជាការទាមទារលក្ខខណ្ឌសម្រាប់ប្រយោជន៍របស់គាត់ ។ ទី២-គាត់និយាយពីបញ្ហាគុនខ្មែរ និង Mauy Thai ខ្ញុំគិតថា ក្នុងនាមសហព័ន្ធ យើងអត់ចង់មានការបែងចែក យើងអត់ចង់មានអុជអាល នាំឲ្យមានការរើសអើងពូជសាសន៍ទេ ព្រោះទង្វើនេះ នាំឲ្យមានការឈ្លោះគ្នា ហើយយើងអត់ត្រូវការទេសង្គ្រាម ក្នុងនាមប្រទេសមួយដែលមានសន្ដិភាព យើងអត់ត្រូវការការឈ្លោះគ្នាឈានទៅរកការស្អប់គ្នា ឬសង្គ្រាមទេ» ។ […]

(តាកែវ)៖ ក្មេងទំនើងចំនួន៧នាក់ ដែលបានធ្វើសកម្មភាពជិះម៉ូតូកាន់កាំបិតប៉័ងតោ នៅតាមដងជាតិលេខ២ ត្រូវបានតំណាងអយ្យការអមសាលាដំបូងខេត្តតាកែវ ចោទប្រកាន់ពាក់ព័ន្ធទៅនឹងករណីកាន់កាប់ ឬដឹកជញ្ជូនអាវុធដោយគ្មានការអនុញ្ញាតប្រព្រឹត្តនៅក្នុងភូមិស្វាយរំដេង ឃុំព្រៃស្លឹក ស្រុកទ្រាំង ខេត្តតាកែវ។ បើយោងតាមអ្នកនាំពាក្យនៃអយ្យការអមសាលាដំបូងខេត្តតាកែវ បានលើកឡើងថា កាលពីថ្ងៃទី៨ ខែមិថុនា ឆ្នាំ២០២៤ កម្លាំងសមត្ថកិច្ចនៃអធិការដ្ឋាននគរនគរបាលស្រុកទ្រាំង នៃស្នងការដ្ឋាននគរបាលខេត្តតាកែវ បានបញ្ជូនសំណុំរឿងពាក់ព័ន្ធករណីក្រុមក្មេងទំនើងមួយក្រុម ដែលបានធ្វើសកម្មភាពជិះម៉ូតូជំនួន ៣ គ្រឿង ប្រដាប់ដោយកាំបិតប៉័ងតោ និងកាំបិតក្រង៉ុក នៅតាមបណ្ដោយផ្លូវជាតិលេខ២ ស្ថិតនៅក្នុងភូមិស្វាយរំដេងឃុំព្រៃស្លឹក ស្រុកទ្រាំង ខេត្តតាកែវ កាលពីថ្ងៃទី៦ ខែមិថុនា ឆ្នាំ២០២៤ វេលាម៉ោង២៣ និង ៤០នាទី។ ក្នុងករណីនេះសមត្ថកិច្ចបានត្រួតពិនិត្យឆែកឆេររកឃើញកាំបិតប៉័ងតោចំនួនមួយដើម និងកាំបិតក្រងង៉ុកចំនួនមួយដើម ដែលក្មេងទំនើងនេះបានយកតាមខ្លួននិងបានឃាត់ខ្លួនក្រុមក្មេងទំនើងទាំងនេះចំនួន៧នាក់។ ក្មេងទំនើងទាំង៧នាក់ រួមមាន៖ ទី១៖ ឈ្មោះ ផាត ភារម្យ ហៅឆាង ភេទប្រុសអាយុ ១៨ឆ្នាំទី២៖ ឈ្មោះកែវ រតនៈ ហៅក្លឹប អាយុ១៧ឆ្នាំទី៣៖ ឈ្មោះ ផុន បុល ភេទប្រុស អាយុ១៩ឆ្នាំទី៤៖ ឈ្មោះ ឈួនហូលាន ភេទប្រុស អាយុ១៦ឆ្នាំទី៥៖ ឈ្មោះ យ៉ាន់ ថាយុទ្ធ […]

(បាងកក)៖ អតីតនាយករដ្ឋមន្ត្រីថៃ លោក Thaksin Shinawatra កាលពីថ្ងៃសៅរ៍ ទី៨ ខែមិថុនា បាននិយាយថារូបលោកបានត្រៀមខ្លួនរួចជាស្រេច ដើម្បីប្រឈមមុខនឹងការចោទប្រកាន់ពីបទ ប្រមាថព្រះមហាក្សត្រ ដែលអាចនឹងក្លាយជាបរាជ័យមួយសម្រាប់អ្នកនយោបាយថៃគីឡូធ្ងន់រូបនេះដែលមានសម្ព័ន្ធមិត្តរបស់ខ្លួនកំពុងដឹកនាំរដ្ឋាភិបាលថៃសព្វថ្ងៃ។ នេះបើតាមការចេញផ្សាយ ដោយទីភ្នាក់ងារសារព័ត៌មាន​ Reuters។ ពាក្យបណ្ដឹងប្រឆាំងនឹងលោក Thaksin ពីបទប្រមាថព្រះមហាក្សត្រត្រូវធ្វើឡើងដោយអ្នកមានភក្ដីភាពចំពោះយោធាថៃ ដែលបានធ្វើរដ្ឋប្រហារបណ្ដេញរដ្ឋាភិបាលប្អូនស្រីបង្កើតរបស់លោក គឺលោកស្រី Yingluck Shinawatra ដោយសំអាងលើបទសម្ភាសន៍មួយរបស់លោក Thaksin ជាមួយប្រព័ន្ធផ្សព្វផ្សាយបរទេសកាលពីឆ្នាំ២០១៥។ លោក Thaksin ក៏កំពុងរងការចោទប្រកាន់ ពីបទល្មើសមួយចំនួនទៀតផងដែរ ក្នុងនោះរួមមានទាំងការបំពានលើច្បាប់ស្ដីពីឧក្រិដ្ឋកម្មកុំព្យូទ័រ។ យ៉ាងណាក៏ដោយ ថ្លែងប្រាប់អ្នកសារព័ត៌មានកាលពីថ្ងៃសៅរ៍ លោក Thaksin បាននិយាយថាការចោទប្រកាន់ប្រឆាំងនឹងរូបលោកគឺគ្មានមូលដ្ឋានអ្វីទាំងអស់ ហើយថារូបលោកផ្ទាល់នឹងជួបជាមួយ ក្រុមរាជអាជ្ញានៅថ្ងៃទី១៨ ខែមិថុនា ដោយមិនមានការភិតភ័យចំពោះករណីនេះឡើយ ហើយថាត្រៀមខ្លួនជាស្រេចដើម្បីតតាំងក្ដី។ គួរបញ្ជាក់ថា លោក Thaksin មានអាយុ ៧៤ឆ្នាំ បានបដិសេធថាលោកមិនបានប្រព្រឹត្តខុសដូចការចោទប្រកាន់នោះទេ ហើយបានលើកឡើងម្ដងហើយម្ដងទៀតពីភក្ដីភាពចំពោះព្រះមហាក្សត្រថៃ។ លោក Thaksin គឺជាមនុស្សម្នាក់ស្ថិតក្នុងចំណោមមនុស្សជាង ២៧០នាក់ផ្សេងទៀតក្នុងរយៈពេលប៉ុន្មានឆ្នាំចុងក្រោយនេះ ដែលរងការចោទប្រកាន់ក្រោមច្បាប់ប្រមាថព្រះមហាក្សត្រ និងដែលជា ច្បាប់ដាក់ទោសធ្ងន់ធ្ងរបំផុត ដោយអ្នកល្មើសអាចនឹងជាប់ពន្ធនាគារពី ៣ឆ្នាំ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី០៩ ខែមិថុនា ឆ្នាំ២០២៤នេះ បានអបអរសាទរចំពោះអត្តពលិកកម្ពុជា ២រូប ដែលយកបានឈ្នះតំណែងលេខ១ និងលេខ២ ក្នុងនោះមានកីឡាករ មីន អូស្មាន់ ឈ្នះបានលេខ១ លើវិញ្ញាសារ Novice Ski Stock ជាមួយនឹងកីឡាករ កៃវ៉ាន់ ស៊ីដែន ឈ្នះបានលេខ២ ក្នុងព្រឹត្តិការណ៍Asian Championship ឆ្នាំ២០២៤ លើវិញ្ញាសារ Novice Ski Stock ដែលការប្រកួតបានធ្វើឡើងនៅទីក្រុងអូសាកា ប្រទេសជប៉ុន៕ ផ្ដល់សិទ្ធិដោយ៖ Freshnews

(ចិន)៖ ប្រព័ន្ធផ្សព្វផ្សាយកម្ពុជា និងប្រព័ន្ធផ្សព្វផ្សាយនៃប្រទេសចិន បានតាំងចិត្តរួមគ្នាក្នុងការប្រយុទ្ធប្រឆាំងនឹងព័ត៌មានក្លែងក្លាយគ្រប់ទម្រង់ដែលបង្កើតឡើងដោយក្រុមអគតិ ដើម្បីចូលរួមថែរក្សាបាន​នូវសុខសន្តិភាព ការអភិវឌ្ឍ និងការពារចំណងមិត្តភាពដែកថែបនៃប្រទេសទាំងពីរ។ ការតាំងចិត្តនេះធ្វើឡើងនៅអំឡុងពេលនៃជំនួបជាមួយថ្នាក់ដឹកនាំរវាងរដ្ឋមន្ត្រីក្រសួងព័ត៌មាន ​និងប្រធានផ្នែកឃោសនាការនៃគណៈកម្មាធិការគណបក្សកុម្មុយនិស្តចិនខេត្តយូណាន ថ្នាក់ដឹកនាំនៃមជ្ឈមណ្ឌលប្រព័ន្ធផ្សព្វផ្សាយខេត្តយូណាន កាលពីថ្ងៃទី៧ ខែមិថុនា ឆ្នាំ២០២៤ កន្លងទៅ។ ព័ត៌មានក្លែងក្លាយដែលត្រូវបានរដ្ឋមន្ត្រី នេត្រ ភក្ត្រា គូសបញ្ជាក់ថា បាននិងកំពុងបង្កើតឡើងនិងចរាចរណ៍ក្នុងបណ្តាញទំនាក់ទំនងសង្គម និងបង្កផលប៉ះពាល់អវិជ្ជមានដល់សង្គមព្រោះងាយស្រួលបង្កើត និងងាយស្រួលផ្សព្វផ្សាយ។ ជាមួយគ្នានេះក្នុងវេទិកានៃការបើកសម្ពោធកម្មវិធីសំឡេងបេតិកភណ្ឌ «ដើរកម្សាន្តនៅយូណាន ទៅទស្សនានៅអង្គរ» រដ្ឋមន្ត្រី នេត្រ ភក្ត្រា ក៏បានស្នើដល់ប្រព័ន្ធផ្សព្វផ្សាយរដ្ឋ និងឯកជននៃប្រទេសទាំងពីរចូលរួមសហការគ្នាប្រឆាំងព័ត៌មានក្លែងក្លាយ ខណៈក្នុងសម័យឌីជីថលនេះ ព័ត៌មានក្លែងក្លាយជាច្រើនត្រូវបានបង្កើតឡើង និងផ្សព្វផ្សាយលើបណ្តាញទំនាក់ទំនងសង្គមបង្កបដោយរបៀបវារៈទុច្ចរិត បង្កើតឱ្យមានការយល់ច្រឡំ និងមានទិសដៅបំផ្លិចបំផ្លាញកិច្ចខិតខំប្រឹងប្រែងរបស់ភាគីទាំងពីរ លើការផ្សព្វផ្សាយពីសក្តានុពលទេសចរណ៍ ការវិនយោគ និងសកម្មភាពមនុស្សធម៌ផ្សេងៗ។ រដ្ឋមន្ត្រី នេត្រ ភក្ត្រា បានគូសបញ្ជាក់ថា ក្រសួងព័ត៌មានកម្ពុជា បានដាក់ចុះនូវយន្តការនិងវិធានការនៃការប្រយុទ្ធប្រឆាំងព័ត៌មានក្លែងក្លាយគ្រប់ទម្រង់ដោយប្រើប្រាស់យុទ្ធសាស្ត្រ ៣ប គឺ«បញ្ជ្រាប បន្សាប និងបង្ក្រាប» ហើយបច្ចុប្បន្ននេះ ក្រសួងព័ត៌មានបាននិងកំពុងអនុវត្តកិច្ចការនេះ យ៉ាងយកចិត្តទុកដាក់បំផុត។ ដើម្បីអនុវត្តការងារនេះ, ក្រសួងព័ត៌មានបានបង្កើតគណៈកម្មាធិការប្រឆាំងព័ត៌មានក្លែងក្លាយដោយមានការចូលរួមពីក្រសួងស្ថាប័នពាក់ព័ន្ធ។ ជាលទ្ធផល ក្នុងឆ្នាំ២០២៣ កន្លងទៅនេះ ព័ត៌មានក្លែងក្លាយជាង៣​​​ពាន់ត្រូវបានកត់ត្រា ហើយករណីខ្លះត្រូវបានចាត់វិធានការតាមនីតិវិធីច្បាប់។ ជាមួយគ្នានេះ […]

(ភ្នំពេញ)៖ មតិភាគច្រើនបានកត់ចំណាំឃើញថា ឈ្មោះសម្គាល់នៃយន្តហោះចម្បាំងរបស់សហរដ្ឋអាមេរិក គឺសុទ្ធតែជាអក្សរ F ដូចជា F-15, F-16, F-18, F-22 និង F-35 ជាដើម។ ដោយឡែកបើងាកទៅមើលចិនវិញ គឺយន្តហោះចម្បាំងមានឈ្មោះជាអក្សរ J រួមមាន J-10, J-11, J-16 និង J-20 ជាដើម។ ចំណែករុស្ស៉ី គឺយន្តហោះចម្បាំងភាគច្រើនមានឈ្មោះជាអក្សរអង់គ្លេសពីរតួ Su ដូចជា Su-27, Su-30, Su-34, Su-35 និង Su-57 ជាដើម។ តើប្រទេសមហាអំណាចយោធាទាំង៣នេះដាក់ឈ្មោះយន្តហោះចម្បាំងរបស់ខ្លួនតាមរបៀបណា? ១. សហរដ្ឋអាមេរិក ការប្រើអក្សរដើម្បីដាក់ឈ្មោះឱ្យយន្តហោះយោធាអាមេរិកនីមួយៗ គឺតំណាងឱ្យប្រភេទនិងតួនាទីនៃយន្តហោះទាំងនោះ។ ដូចក្នុងករណីយន្តហោះចម្បាំងអាមេរិក ដែលសុទ្ធតែមានឈ្មោះជាអក្សរ F យ៉ាងដូច្នេះ គឺដោយសារ F ស្មើនឹងពាក្យ Fighter ដែលមានន័យថា «យន្តហោះចម្បាំង»។ តួយ៉ាងយន្តហោះទម្លាក់គ្រាប់បែកអាមេរិក គឺមានឈ្មោះជាអក្សរ B ស្មើនឹងពាក្យ Bomber, យន្តហោះដឹកជញ្ជូនប្រើអក្សរ […]

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹងអំពីស្ថានភាពធាតុអាកាសនៅកម្ពុជា សម្រាប់ថ្ងៃទី៩ ខែមិថុនា ឆ្នាំ២០២៤។ សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាល នៃអាងទន្លេ មេគង្គ និងសមុទ្រចិនខាងត្បូង។ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៩ ដល់ថ្ងៃទី១១ ខែមិថុនា ឆ្នាំ២០២៤៖ ផ្ដល់សិទ្ធិដោយ៖ Freshnews

(ត្បូងឃ្មុំ)៖ ក្រុមអាជីវករលក់ទូរសព្ទនៅផ្សារមេមត់ ខេត្តត្បួងឃ្មុំ ដែលត្រូវបានកម្លាំងគយចុះបង្ក្រាបទូរសព្ទអត់ពន្ធ កាលពីពេលថ្មីៗនេះ បានអះអាងថា ក្នុងប្រតិបត្តិការចុះបង្ក្រាបរបស់កម្លាំងគយ មិនបានចាប់យកទូរសព្ទ ដែលបងប្អូនប្រជាពលរដ្ឋ យកមកជួសជុលនោះទេ ហើយចំពោះទូរសព្ទ Nokia N ចុចពិល ដែលល្បីថា ត្រូវបង់ពន្ធរហូតដល់ ៩៣ដុល្លារក្នុង ១គ្រឿងនោះ ក៏កម្លាំងគយមិនបានចាប់យកដែរ។ ក្រុមអាជីវករបានដាក់ការងឿងឆ្ងល់មិនដឹងថា ប្រភពព័ត៌មានទូរសព្ទ Nokia N ចុចពិល ត្រូវបង់ពន្ធរហូតដល់ ៩៣ដុល្លារក្នុង ១គ្រឿងនោះ ចេញមកពីណានោះទេ។ ពួកគាត់សុទ្ធតែអះអាងថា ករណីទូរសព្ទ Nokia N ចុចពិល ត្រូវបង់ពន្ធ ៩៣ដុល្លារ គឺមិនពិតទេ។ ក្រុមអាជីវករបញ្ជាក់ថា ទូរសព្ទដែលកម្លាំងគយចាប់នោះមានទូរសព្ទថ្មី និងទូរសព្ទមួយទឹកៗ ដែលទើបនាំចូល (ពុំមែនទូរស័ព្ទ១ទឹក ដែលបានដោះដូរក្នុងស្រុក ឬក្នុងភូមិទេ) បើទូរសព្ទថ្មី ក្រុមហ៊ុនដែលពួកគាត់បញ្ជាទិញមក គឺធានាបង់ពន្ធជូន ប៉ុន្តែអ្វីដែលបារម្ភនោះ គឺទូរស័ព្ទមួយទឹកដែលពិបាក។ ជាមួយគ្នានេះ ដើម្បីអាចឆាប់ដំណើរការរកស៉ីឡើងវិញ​ ក្រុមអាជីវករទាំងនោះ សំណូមពរដល់សមត្ថកិច្ចគយជួយពន្លឿនការដោះស្រាយ និងស្នើសុំការបន្ធូរបន្ថយតម្លៃគិតពន្ធ ចំពោះទូរស័ព្ទមួយទឹកទៅតាមស្ថានភាពជាក់ស្តែង នៃទូរស័ព្ទមួយទឹកៗទាំងនោះ។ លោក […]

(បាងកង)៖ សហគ្រាសកម្ពុជាមួយចំនួនដែលកំពុងកែច្នៃ និងនាំចេញគ្រាប់ស្វាយចន្ទី បានចូលរូមការតាំងពិព័រណ៍ខ្នាតធំលំដាប់អន្តរជាតិមួយនៅប្រទេសថៃ «THAIFEX ANUGA ASIA 2024» រយៈពេល៣ថ្ងៃ ពីថ្ងៃទី ២៨-៣០ ខែឧសភា ឆ្នាំ២០២៤ ដើម្បីស្វែងរកទីផ្សារបន្ថែមនៅអាស៊ី និងបណ្តាប្រទេសមួយចំនួនទៀតនៅលើពិភពលោក។ លោក អាន តារា ប្រធានសហព័ន្ធស្វាយចន្ទីកម្ពុជា បានប្រាប់បណ្តាញព័ត៌មាន Fresh News ថា «THAIFEX ANUGA ASIA 2024» គឺជាពិព័រណ៍ធំកម្រិតពិភពលោក ដែលមានការចូលរួមពីអ្នកធុរកិច្ច និងវិនិយោគិនអន្តរជាតិជាច្រើន ដូច្នេះហើយការយកផលិតផលស្វាយចន្ទីកម្ពុជានៅតាំងពិព័រណ៍នៅក្នុងកម្មវិធីនេះ នឹងជំរុញការផ្សព្វផ្សាយពីផលិតផលស្វាយចន្ទីកម្ពុជាទៅដល់ពិភពលោក ជាពិសេសប្រទេសក្នុងតំបន់អាស៊ីឱ្យស្គាល់ពីសក្តានុពលរបស់ស្វាយចន្ទីកម្ពុជា។ ការចូលរួមពិព័រណ៍នេះក៏ជាឱកាសមួយក្នុងការស្វែងរកអ្នកបញ្ជាទិញបន្ថែម ទាំងផលិតផលមិនទាន់សម្រេច និងផលិតផលសម្រេចផងដែរ។ លោកបន្តថា ក្រៅពីផ្សព្វផ្សាយ និងស្វែងរកអ្នកបញ្ជាទិញបន្ថែម ក្រុមហ៊ុនសហគ្រាសដែលបានចូលរួមពិព័រណ៍នេះ ថែមទាំងបានស្វែងយល់ពីបច្ចេកវិទ្យា ជាពិសេសម៉ាស៊ីនកែច្នៃស្វាយចន្ទីបែបទំនើប ក្នុងការកែច្នៃស្វាយចន្ទីខ្មែរឲ្យមានគុណភាពខ្ពស់ បរិមាណច្រើន ដើម្បីកាត់បន្ថយថ្លៃដើម ដែលម្ចាស់សហគ្រាសនៅកម្ពុជា គួរតែយកចិត្តទុកដាក់ក្នុងការពង្រឹងទៅលើបច្ចេកទេសនៃការកែច្នៃរបស់ខ្លួន ។ព្រមទាំងសិក្សាស្វែងយល់ពីការវេចខ្ចប់ និងការកសាង ម៉ាក(BRAND) សម្រាប់ចន្ទីខ្មែរឲ្យពិភពលោកទទួលស្គាល់ និងគាំទ្របានទូលំទូលាយ។ លោកបានឱ្យបានឱ្យដឹងផងដែរថា តាមរយៈការចូលរួមពិព័រណ៍អន្តរជាតិនេះ លោកបានជួបជាមួយក្រុមហ៊ុនកែច្នៃស្វាយចន្ទីជាច្រើន ដែលចាប់អារម្មណ៍ក្នុងការទិញស្វាយចន្ទីមិនទាន់សម្រេចពីកម្ពុជា ដើម្បីយកទៅកែច្នៃបន្ត។ នាពេលខាងមុខ លោកនឹងជំរុញការសហការជាមួយក្រុមហ៊ុនទាំងនេះដើម្បីជំរុញការកែច្នៃស្វាយចន្ទីឱ្យមានភាពប្រសើរជាងមុន និងទទួលបានការគាំទ្រពីទីផ្សារក្រៅប្រទេសបន្ថែមទៀត។ […]

(ភ្នំពេញ)៖ ក្រោយទទួលបានការផ្ដល់សិទ្ធិពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា, លោក គី តិច ទេសរដ្ឋមន្ដ្រីទទួលបន្ទុកបេសកកម្មពិសេស និងជាប្រធានមេធាវីរាជរដ្ឋាភិបាល នៅព្រឹកថ្ងៃទី០២ ខែមិថុនា ឆ្នាំ២០២៤នេះ បានបន្ដជួបជាមួយជនរងគ្រោះចំនួន២៦៧នាក់ ក្នុងសំណុំរឿងក្រុមហ៊ុនរបស់អតីតឧកញ៉ា ឡេង ចាន់ណា ដែលជាក្រុមជាទី២។ ថ្លែងក្នុងឱកាសនោះ លោក គី តិច បានអះអាងថា ក្រោយទទួលបានការប្រគល់សិទ្ធិពីសម្ដេចធិបតី ហ៊ុន ម៉ាណែត ក្រុមមេធាវីរាជរដ្ឋាភិបាល បានចាត់ចែងក្រុមការងារបន្ទាន់ភ្លាមៗ ដើម្បីផ្ដល់មធ្យោបាយជូនប្រជាពលរដ្ឋដែលជាជនរងគ្រោះ។ លោកបានបញ្ជាក់ថា ការជួបជាមួយប្រជាពលរដ្ឋលើកទីពីរជាង២០០នាក់នៅពេលនេះ គ្រាន់តែជាជំហានដំបូងតែប៉ុណ្ណោះ។ លោកថា តាមព័ត៌មានដែលលោកទទួលបាន មានប្រជាពលរដ្ឋជាង២,០០០នាក់ ដែលអះអាងថា ជនរងគ្រោះក្នុងករណីនេះ។ បើតាមលោកមេធាវី គី តិច, ការជួបប្រជាពលរដ្ឋរងគ្រោះនៅពេលនេះ ក៏មិនខុសពីលើកមុនដែរ ពោលធ្វើឡើងក្នុងគោលបំណងធំៗចំនួន២ រួមមាន ទី១៖ ការប្រគល់សិទ្ធិជាតំណាងដោយស្របច្បាប់ជូនមេធាវី តាមរយៈការផ្ដិតមេដៃដោយស្ម័គ្រចិត្ត និងទី២៖ ប្រមូលយកភស្ដុតាងដែលបញ្ជាក់ថា ពួកគាត់ជាជនរងគ្រោះយ៉ាងពិតប្រាកដ។ លោក គី តិច បានបន្ថែមទៀតថា […]