យោងតាមការចុះផ្សាយរបស់សារព័ត៌មាន vietnamplus បានឱ្យដឹងថា ប្រទេស​ថៃ​អាច​នឹង​ក្លាយ​ជា​ប្រទេស​នាំ​ចេញ​អង្ករ​ធំ​ទី​ពីរ​របស់​ពិភពលោក​នៅ​ឆ្នាំ​នេះ ខណៈការនាំចេញអង្កររបស់ប្រទេសថៃក្នុងរយៈពេល ៦ខែដំបូងនៃឆ្នាំនេះ បានកើនឡើង ៥៦.៦% ដល់ចំនួន ៣.៥ លានតោន ផ្ដល់ប្រាក់ចំណូលប្រហែល ១.៧ ពាន់លានដុល្លារ។ រដ្ឋមន្ត្រីក្រសួងកសិកម្ម និងសហករណ៍ លោក Chalermchai Sree-on មានប្រសាសន៍ថា នេះជាដំណឹងល្អសម្រាប់កសិករថៃ ហើយការកើនឡើងនៃការនាំចេញនេះនឹងជួយជំរុញតម្លៃស្រូវក្នុងប្រទេស។ ជាមួយគ្នានេះដែរ លោក​បាន​កត់​សម្គាល់​ថា បើឆ្នាំនេះ ថៃអាចនាំចេញអង្ករបាន ៧លានតោន នោះប្រទេស​ថៃ​គួរ​តែ​អាច​យក​ឈ្នះ​វៀតណាម និង​ក្លាយ​ជា​ប្រទេស​នាំ​ចេញ​អង្ករ​ធំ​ជាង​គេ​ទីពីរ​របស់​ពិភពលោក។ លើសពីនេះទៅទៀត លោក Chalermchai រំពឹងថា ការនាំចេញអង្កររបស់អូស្ត្រាលី មីយ៉ាន់ម៉ា កម្ពុជា អឺរ៉ុប ប៉ារ៉ាហ្គាយ អ៊ុយរូហ្គាយ និងថៃ នឹងកើនឡើង ហើយការនាំចេញអង្ករពីប្រទេសកូឡុំប៊ី អេក្វាឌ័រ ឥណ្ឌា អ៊ីរ៉ាក់ ម៉ាដាហ្គាស្ការ ហ្វីលីពីន ស្រីលង្កា សហរដ្ឋអាមេរិក និងវៀតណាមនឹងធ្លាក់ចុះ។ គួរបញ្ជាក់ផងដែរថា យោងតាមស្ថិតិរបស់សមាគមអ្នកនាំចេញអង្ករថៃ និងនាយកដ្ឋានគយ (TREA) ប្រទេសថៃបាននាំចេញអង្ករចំនួន […]

កាលពីថ្ងៃទី៩ ខែសីហា គេហទំព័រព័ត៌មានផ្លូវការរបស់ចិន Global Times បានរាយការណ៍ថា មហាវិទ្យាល័យវិទ្យាសាស្ត្រចិន នៃវិទ្យាស្ថានមីក្រូជីវវិទ្យា និងរោគរាតត្បាត នៅទីក្រុងប៉េកាំង ជាមួយអ្នកវិទ្យាសាស្ត្រនៅសិង្ហបុរី ផ្សព្វផ្សាយអត្ថបទវេជ្ជសាស្ត្រតាមរយៈ New England Journal of Medicine ពួកគេបាននិយាយថា ពួកគេបានរកឃើញមេរោគថ្មីមួយដែលមានឈ្មោះថា “Langya henipavirus” ឬ “LayV” ដែលស្ថិតនៅក្រុមមេរោគ Nipah ដោយរកឃើញអ្នកឆ្លងដំបូងនៅក្នុងខេត្ត Shandong នៅក្នុងអំឡុងពេលមុនខែមករា ឆ្នាំ ២០១៩ មុនពេលដែលក្រុមចំនួន ១៤ ត្រូវបានរកឃើញ ហើយការស្រាវជ្រាវត្រូវតែបញ្ឈប់ដោយសារតែការផ្ទុះឡើងនៃ COVID-19 ។ យោងតាមសេចក្តីរាយការណ៍​ព័ត៌មាន​បាន​បញ្ជាក់​ដូច្នេះថា៖​ មក​ទល់​ពេល​នេះ មនុស្ស​៣៥​នាក់​បាន​ឆ្លង​មេរោគ​នេះហើយដោយស្ថិតនៅខេត្ត Shandong ភាគ​ខាង​កើត និងខេត្តហឺណាន។ ទោះបីជាយ៉ាងណាក៏ដោយ គ្រូពេទ្យមិនអាចបញ្ជាក់ការឆ្លងពីមនុស្សទៅមនុស្សបានទេ ប៉ុន្តែបាននិយាយថា អ្នកជំងឺមានប្រវត្តិទាក់ទងជាមួយសត្វ ដោយមេរោគ​នេះ​ត្រូវ​បាន​គេ​គិត​ថា ​មាន​ប្រភព​ចេញ​ពី​សត្វ​កកេរតូចៗ(shrews) ដែលអ្នកជំងឺមានរោគសញ្ញាស្រាល ដូចជាគ្រុនក្តៅ អស់កម្លាំង បាត់បង់ចំណង់អាហារ ឈឺសាច់ដុំ ប៉ុន្តែ​មិន​មាន​ករណីស្លាប់​ដែលត្រូវ​បាន​រក​ឃើញនោះទេ។ យោងតាមអង្គការសុខភាពពិភពលោក […]

(សេអ៊ូល)៖ ប្អូនស្រីមេដឹកនាំកូរ៉េខាងជើង លោក គីម ជុងអ៊ុន គឺអ្នកនាង គីម យូចុង បានគំរាមកម្ទេចអាជ្ញាធរនៅក្នុងប្រទេសកូរ៉េខាងត្បូង ប្រសិនបើពួកគេបន្តបង្ករឿងតាមរយៈការបញ្ជូនវីរុសកូរ៉ូណាកូវីដ១៩ ចូលទឹកដីកូរ៉េខាងជើង។ នេះបើតាមការដកស្រង់ចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១១ ខែសីហា ឆ្នាំ២០២២។ ការគំរាមរបស់អ្នកនាង គីម យូចុង ត្រូវបានដកស្រង់ចេញផ្សាយដោយប្រព័ន្ធផ្សព្វផ្សាយរដ្ឋកូរ៉េខាងជើង KCNA និងជាការឆ្លើយតបទៅនឹងទង្វើដែលអ្នកនាងផ្ទាល់ ចោទថាអាជ្ញាធរកូរ៉េខាងត្បូងបានបញ្ជូនវីរុសកូរ៉ូណាកូវីដ១៩ តាមរយៈការបើកដៃឱ្យក្រុមសកម្មជនកូរ៉េខាងត្បូងបង្ហោះខិតប័ណ្ណរិះគន់របបដឹកនាំលោក គីម ជុងអ៊ុន ចូលក្នុងប្រទេសកូរ៉េខាងជើង។ ប្អូនស្រីមេដឹកនាំកូរ៉េខាងជើងរូបនេះបានគូសបញ្ជាក់ដូច្នេះថា «យើងមិនអាចនៅស្ងៀមដោយបណ្ដោយឱ្យសំរាមបន្តហូរ ពីកូរ៉េខាងត្បូងទៀតនោះទេ ហើយនឹងកម្ទេចអាជ្ញាធរសេអ៊ូល ប្រសិនបើពួកគេនៅតែបង្ករឿងបែបនេះ។ វិធានការឆ្លើយតបរបស់យើងគឺជាការសងសឹក ដ៏សាហាវបំផុត»។ ឆ្លើយតបទៅនឹងការអត្ថាធិប្បាយរបស់អ្នកនាង គីម យូចុង អាជ្ញាធរកូរ៉េខាងត្បូងបានបង្ហាញការសោកស្ដាយជាខ្លាំងចំពោះការចោទប្រកាន់របស់អ្នកនាង គីម យូចុងដែលបានទម្លាក់កំហុសលើខិតប័ណ្ណ ដែលក្រុមសកម្មជនកូរ៉េខាងត្បូងបង្ហោះតាមបាឡុងចូលកូរ៉េខាងជើងជាមូលហេតុនៃការឆ្លងរាលដាលកូវីដ១៩។ គួរបញ្ជាក់ថា មេដឹកនាំកូរ៉េខាងជើង លោក គីម ជុងអ៊ុន នៅថ្ងៃព្រហស្បតិ៍នេះដែរ បានប្រកាសពីជ័យជម្នះក្នុងការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ១៩ ហើយបានបញ្ជាឱ្យ លុបចោលវិធានការទប់ស្កាត់នានាដែលបានដាក់ចេញកាលពីខែឧសភាកន្លងទៅ ៕ ផ្តល់សិទ្ធិដោយ៖ freshnews

(សេអ៊ូល)៖ មេដឹកនាំកូរ៉េខាងជើង លោក គីម ជុងអ៊ុន បានប្រកាសពីជ័យជម្នះក្នុងការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ១៩ ហើយបានបញ្ជាឱ្យ លុបចោលវិធានការទប់ស្កាត់នានាដែលបានដាក់ចេញកាលពីខែឧសភាកន្លងទៅ។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើងដកស្រង់ចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១១ ខែសីហា ឆ្នាំ២០២២។ ប្រព័ន្ធផ្សព្វផ្សាយរដ្ឋកូរ៉េខាងជើង KCNA មិនបានបញ្ជាក់ថាតើកូរ៉េខាងជើងមានករណីឆ្លងកូវីដ១៩សរុបចំនួនប៉ុន្មានដែលត្រូវបានរកឃើញនោះទេ។ ក៏ប៉ុន្តែ ចាប់តាំងពីថ្ងៃទី២៩ ខែកក្កដាមក ប្រទេសមួយនេះមិនបានរាយការណ៍ពីករណីឆ្លងកូវីដថ្មីៗឡើយ ខណៈអង្គការអន្តរជាតិជាច្រើនអះអាងថាអាចមានជាប់ ពាក់ព័ន្ធនឹងសមត្ថភាពក្នុងការធ្វើតេស្ដរកជំងឺឆ្លងនេះ។ យ៉ាងណាក៏ដោយ បើតាម KCNA លោក គីម ជុងអ៊ុន បានបញ្ជាក់ថាចំនួនអ្នកស្លាប់ផ្លូវការមានចំនួន៧៤នាក់ ជាតួលេខដែលលោក គីមផ្ទាល់ចាត់ទុកថាជាកិច្ច ខិតខំប្រឹងប្រែងដ៏អស្ចារ្យមិនធ្លាប់មាន បើធៀបទៅនឹងបណ្ដាប្រទេសដទៃនៅជុំវិញពិភពលោក៕ ផ្តល់សិទ្ធិដោយ៖ freshnews

(សិង្ហបុរី)៖ ប្រធានាធិបតីស្រីលង្កា លោក ហ្កោតាបាយ៉ា រ៉ាចាប៉ាក់សា (Gotabaya Rajapaksa) ត្រូវគេរំពឹងថានឹងធ្វើដំណើរទៅដល់ ប្រទេសថៃនាថ្ងៃព្រហស្បតិ៍សប្តាហ៍នេះ ខណៈវានឹងក្លាយជាគោលដៅជ្រកកោនបណ្តោះអាសន្នទី២ របស់លោក នៅតំបន់អាស៊ាន គិតចាប់តាំងពីអតីតមេដឹកនាំរូបនេះ បានរត់ភៀសខ្លួនចេញពីប្រទេសស្រីលង្កា កាលពីខែកក្កដា ចំពោះមុខការធ្វើបាតុកម្មដ៏កក្រើក ពីសំណាក់ប្រជាជន។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃពុធ ទី១០ ខែសីហា ឆ្នាំ២០២២។ បន្ទាប់ពីភាពវឹកវរបានផ្ទុះឡើង នៅចំពោះមុខវិបត្តិសេដ្ឋកិច្ចអាក្រក់បំផុត ក្នុងប្រវត្តិសាស្រ្តស្រីលង្កា រួមមានទាំងការចូលលុកលុយរបស់ក្រុមបាតុកម្ម នៅវិមានប្រធានាធិបតី លោក រ៉ាចាប៉ាក់សា បានរត់គេចខ្លួនដំបូងទៅកាន់ ប្រទេសដីកោះម៉ាល់ឌីវ។ ក្រោយមក លោកក៏បានបន្តដំណើរទៅកាន់ ប្រទេសសិង្ហបុរី កាលពីថ្ងៃទី១៤ ខែកក្កដា។ រួចហើយ លោក រ៉ាចាប៉ាក់សា ក៏បានលាលែងពីតំណែងជាផ្លូវការ ដោយក្លាយជា ប្រធានាធិបតីស្រីលង្កាដំបូងបំផុត ដែលចុះចេញពីអំណាច នៅពាក់កណ្តាលអាណត្តិបែបនេះ។ គួរបញ្ជាក់ថា បើតាមប្រភពចំនួន២ ដែលទីភ្នាក់ងារសារព័ត៌មាន Reuters ទទួលបាន គឺលោក រ៉ាចាប៉ាក់សា ត្រូវគេរំពឹងថានឹងធ្វើដំណើរចេញពីសិង្ហបុរី ហើយឆ្ពោះទៅកាន់រាជធានីបាងកកនៃប្រទេសថៃ […]

(ញូយ៉ក)៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskyy) ដែលកំពុងតែបន្តប្រឹងប្រែងប្រយុទ្ធតស៊ូ ជាមួយការឈ្លានពានរបស់រុស្ស៉ី តាំងតែពីខែកុម្ភៈមកនោះ កំពុងត្រូវក្រុមហ៊ុនរចនាផលិតផលមួយ នៅទីក្រុងញូយ៉ក ត្រៀមផលិតចេញជារូបតុក្កតា។ នេះបើតាមការចេញផ្សាយដោយ ទីភ្នាក់ងារសារព័ត៌មាន Aljazeera នៅថ្ងៃពុធ ទី១០ ខែសីហា ឆ្នាំ២០២២។ ក្រុមហ៊ុន FCTRY បានបើកយុទ្ធនាការផ្តួចផ្តើមមួយ ដើម្បីប្រមែប្រមូលថវិកាសម្រាប់ការផលិតរូបតុក្កតា លោក ហ្សេលេនស្គី កាលពីជិត២សប្តាហ៍មុន និងសម្រេចបានថវិកាគោលដៅគឺ ៣០,០០០ដុល្លារ តែក្នុងរយៈពេលត្រឹម៣ម៉ោងប៉ុណ្ណោះ ហើយតាំងពេលនោះមក ថវិការៃអង្គាសបានកើនដល់ជាង ១២០,០០០ដុល្លារ។ បើតាមការអះអាងរបស់ក្រុមហ៊ុន FCTRY សម្រាប់រាល់តុក្កតានីមួយៗដែលលក់ដាច់ ប្រាក់១ដុល្លារ នឹងត្រូវបរិច្ចាគទៅអ៊ុយក្រែន។ រូបតុក្កតាលោក ហ្សេលេនស្គី នោះ មានកម្ពស់១៥សង់ទីម៉ែត្រ និងត្រូវបានសូនដោយវិចិត្រករអាមេរិកម្នាក់ ឈ្មោះ ម៉ៃ លាវីត (Mike Leavitt)។ វានឹងត្រូវផលិតទ្រង់ទ្រាយធំ ក្នុងទម្រង់ជាផ្លាស្ទិក នៅឯប្រទេសចិន ហើយត្រូវគេរំពឹងថា នឹងអាចចែកចាយទៅកាន់ទីផ្សារ នៅខែមីនា ឆ្នាំ២០២៣។ […]

យោងតាមការរាយការណ៍របស់ Bloomberg បានឱ្យដឹងថា ប្រទេសរុស្ស៊ី កំពុងប្រកួតប្រជែងជាមួយនឹងអារ៉ាប៊ីសាអូឌីត ដោយលក់ប្រេងបញ្ចុះតម្លៃ។ តាមសារព័ត៌មានដដែល ប្រទេសរុស្ស៊ីកំពុងដាក់ការបញ្ចុះតម្លៃយ៉ាងសន្ធឹកសន្ធាប់លើប្រេងឆៅរបស់ខ្លួន ដើម្បីប្រកួតប្រជែងនឹងតម្លៃប្រេងរបស់ប្រទេសអារ៉ាប៊ីសាអូឌីត។ បើតាមការគណនា របស់ Bloomberg និងទិន្នន័យរបស់រដ្ឋាភិបាលឥណ្ឌាបង្ហាញថា ប្រេងរបស់រុស្ស៊ីមានតម្លៃថោកជាងប្រេងរបស់អារ៉ាប៊ីសាអូឌីតចាប់ពីខែមេសាដល់ខែមិថុនា។ ការបញ្ចុះតម្លៃនេះបានពង្រីកដល់ជិត ១៩ដុល្លារ ក្នុងមួយបារ៉ែលក្នុងខែឧសភា ខណៈកាលពីមុនបញ្ចុះត្រឹម ១៣ដុល្លារក្នុងមួយបារ៉ែល។ គួរបញ្ជាក់ផងដែរថា កាល​ពី​ខែ​មិថុនា រុស្ស៊ី​បាន​យក​ឈ្នះ​អារ៉ាប៊ីសាអូឌីត​ក្នុង​នាម​ជា​អ្នក​ផ្គត់ផ្គង់​ប្រេងឆៅ​ធំ​ជាង​គេ​ទីពីរ​របស់​ឥណ្ឌា​ នៅពីក្រោយប្រទេសអ៉ីរាក់។ ជាមួយគ្នានេះ ឥណ្ឌា​ឈរ​ក្នុង​នាម​ជា​អតិថិជន​ប្រេង​ឆៅ​ធំ​បំផុត​មួយ​របស់​ពិភពលោក ដោយ​បាន​នាំ​ចូល​ប្រហែល ៨៥% នៃ​ការ​ផ្គត់ផ្គង់​របស់​ខ្លួន៕ ផ្តល់សិទ្ធិដោយ៖ ខ្មែរណូត

ក្រុមហ៊ុន Toyota បានចេញសេចក្តីព្រមានមួយទៅកាន់ក្រុមម្ចាស់រថយន្ត ដែលបានទិញរថយន្តដើរដោយថាមពលអគ្គិសនីប្រភេទ BZ4X SUV ពីក្រុមហ៊ុនខ្លួនឲ្យបញ្ឈប់ការប្រើប្រាស់ជាបន្ទាន់ ដ្បិតខាងក្រុមហ៊ុនទើបបានរកឃើញថា រថយន្តប្រភេទនេះមានបញ្ហាបច្ចេកមួយចំនួន ដែលអាចធ្វើឲ្យកង់រថយន្តត្រូវរបូតចេញពីរថយន្តទៀតផងបើទោះជាបើកបរក្នុងរយៈពេលខ្លីក៏ដោយ។ បើយោងតាមការចុះផ្សាយរបស់បណ្តញសារព័ត៌មាន CNN បានឲ្យដឹងថា គិតត្រឹមពេលនេះខាងក្រុមហ៊ុន Toyota នៅមិនទាន់រកឃើញឫសគល់នៃបញ្ហាដែលជំរុញឲ្យមានបញ្ហាបច្ចេកទេសខាងលើនេះនៅឡើយទេ ខណៈក្រុមវិស្វករផលិតរថយន្តកំពុងពិនិត្យអំពីបញ្ហានេះយ៉ាងយកចិត្តទុកដាក់ជាថ្មីម្តងទៀត។ ដើម្បីឆ្លើយតបនឹងបញ្ហាចម្រូងចម្រាសខាងលើនេះ ក្រុមហ៊ុន Toyota បានសម្រេចផ្តល់ដំណោះស្រាយជាច្រើនជម្រើសទៅកាន់អតិថិជនរបស់ខ្លួនមានដូចជា ប្រមូលទិញរថយន្តប្រភេទ BZ4X SUV ត្រលប់មកវិញ ផ្តល់ប្រាក់ចំនួន ៥,០០០ដុល្លារទៅកាន់អតិថិជនតែអតិថិជនត្រូវផ្អាកប្រើប្រាស់រថយន្តមួយរយៈសិនរហូតដល់ខាងក្រុមហ៊ុនរកឃើញប្រភពនៃបញ្ហានិងអាចជួសជុលរថយន្តនោះឲ្យប្រើប្រាស់បានជាធម្មតាវិញ និងជម្រើសមួយទៀតអតិថិជនអាចអាចយករថយន្តប្រភេទ BZ4X SUV មកប្តូរយករថយន្តប្រភេទថ្មីផ្សេងទៀតបាន។ សូមបញ្ជាក់ជូនថា គិតត្រឹមពេលនេះនិងសម្រាប់នៅក្នុងទឹកដីអាមេរិកគឺមានអតិថិជនចំនួន ២៦០នាក់ហើយដែលបានទិញរថយន្តប្រភេទ BZ4X SUV​យកទៅប្រើប្រាស់ ខណៈមានអតិថិជនជាច្រើននាក់ផ្សេងទៀតបានបញ្ជាទិញរួចហើយតែនៅមិនទាន់ទទួលបានរថយន្តយកទៅប្រើប្រាស់៕ ផ្តល់សិទ្ធិដោយ៖ ខ្មែរណូត

(វ៉ាស៉ីនតោន)៖ ប្រធានាធិបតីអាមេរិក លោក ចូ បៃដិន នៅថ្ងៃអង្គារសប្តាហ៍នេះ បានចុះហត្ថលេខាលើឯកសារផ្តល់សច្ចាប័នរបស់សហរដ្ឋអាមេរិក ដល់ប្រទេសហ្វាំងឡង់ និងស៊ុយអែត ក្នុងការចូលជាសមាជិករបស់អង្គការណាតូ (NATO) ដែលជាជំហានថ្មីមួយទៀតដើម្បីបញ្ជាក់គាំទ្រចំពោះ ការពង្រីកសម្ព័ន្ធភាពលោកខាងលិច ឆ្លើយតបទៅនឹងការឈ្លានពានរបស់រុស្ស៉ីលើអ៊ុយក្រែន។ នេះបើយោងតាមការចុះផ្សាយដោយ ទីភ្នាក់ងារសារព័ត៌មាន AFP នៅថ្ងៃពុធ ទី១០ ខែសីហា ឆ្នាំ២០២២។ កំលុងពេលចុះហត្ថលេខានោះ លោក បៃដិន បាននិយាយថា ប្រទេសនៅអឺរ៉ុបខាងជើងទាំងពីរនឹងក្លាយជា «សម្ព័ន្ធមិត្តថ្មីដ៏រឹងមាំ និងអាចទុកចិត្តបាន» ដោយបង្កើតឲ្យមាន «ការប្តេជ្ញាចិត្តយ៉ាងមុតមាំ» ចំពោះការការពារគ្នាទៅវិញទៅមកនៃសម្ព័ន្ធភាពអន្តរអាត្លង់ទិក ដែលដឹកនាំដោយសហរដ្ឋអាមេរិក។ លោក បៃដិន ក៏បានថ្លែងការកោតសរសើរចំពោះហ្វាំងឡង់ និងស៊ុយអែតផងដែរ ដោយដូច្នេះថា «ប្រទេសទាំងពីរមានស្ថាប័នប្រជាធិបតេយ្យរឹងមាំ យោធារឹងមាំ សេដ្ឋកិច្ចរឹងមាំ និងមានតម្លាភាព ដែលឥឡូវនេះនឹងត្រូវបានជំរុញអង្គការណាតូបន្ថែមទៀត»។ គួរបញ្ជាក់ថា កាលពីដើមខែសីហានេះ ព្រឹទ្ធសភាសហរដ្ឋអាមេរិកបានបោះឆ្នោតគាំទ្រក្នុងសំឡេង ៩៥ ទល់ ១សំឡេងជំទាស់ចំពោះការចូលជា សមាជិកអង្គការណាតូ ដែលធ្វើឱ្យសហរដ្ឋអាមេរិកក្លាយជាប្រទេសទី២៣ ក្នុងចំណោមប្រទេសទាំង៣០ ដែលផ្តល់ការយល់ព្រមជាផ្លូវការ ខណៈរាល់សមាជិកភាពថ្មីរបស់ NATO ត្រូវតែមានការគាំទ្រជាឯកច្ឆន្ទពីប្រទេសជាសមាជិករបស់ខ្លួនទាំងអស់៕ […]

ថៃ៖ ប្រទេសថៃបានសម្រេចដកជំងឺកូវីដ-១៩ចេញពីបញ្ជី “ជំងឺឆ្លងដែលមានគ្រោះថ្នាក់ខ្ពស់” ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Thaiger នៅថ្ងៃអង្គារ ទី៩ ខែសីហានេះ។ បើតាមគណៈកម្មាធិការជាតិគ្រប់គ្រងជំងឺឆ្លងរបស់ប្រទេសថៃបានបញ្ជាក់ថា ការសម្រេចខាងលើនេះមិនមែនមានន័យថា ថៃឈប់ព្រួយបារម្ភអំពីការរាតត្បាតនៃជំងឺកូវីដ-១៩ នោះទេ តែអាជ្ញាធរថៃគ្រាន់តែកែតម្រូវអំពីកម្រិតហានិភ័យរបស់ជំងឺកូវីដ-១៩ឲ្យត្រូវតាមស្ថានភាពជាក់ស្តែងប៉ុណ្ណោះ។ បើតាមលោក Anutin Charnvirakul​ ដែលជារដ្ឋមន្ត្រីក្រសួងសុខាភិបាលថៃបានបញ្ជាក់ថា ក្រោយជំងឺកូវីដ-១៩ត្រូវបានដកចេញពីបញ្ជី “ជំងឺឆ្លងដែលមានគ្រោះថ្នាក់ខ្ពស់” គឺនៅពេលនេះអាជ្ញាធរថៃបានសម្រេចដាក់បញ្ចូលជំងឺសលកមួយនេះក្នុងបញ្ជី “ជំងឺឆ្លងស្ថិតក្រោមការឃ្លាំមើល” វិញម្តង។ ដូចនេះវាមានន័យថា អាជ្ញាធរថៃនៅតែបន្តយកចិត្តទុកដាក់តាមដានស្ថានភាពរាតត្បាតនៃជំងឺកូវីដ-១៩ តែកម្រិតហានិភ័យរបស់ជំងឺមួយនេះមិនធ្ងន់ធ្ងរដូចកាលពីមុននោះទេ។ គួរបញ្ជាក់ថា នាពេលបច្ចុប្បន្ននេះថៃមានតួលេខអ្នកឆ្លងជំងឺកូវីដ-១៩ជាមធ្យមជាង ២ពាន់នាក់ក្នុងមួយថ្ងៃ និងស្លាប់ជាង ៣០នាក់ក្នុងមួយថ្ងៃ ខណៈថៃមានតួលេខអ្នកឆ្លងសរុបជាង ៤,៥លាននាក់ និងស្លាប់សរុបជាង ៣ម៉ឺននាក់៕ ផ្តល់សិទ្ធិដោយ៖ ខ្មែរណូត