(សៀមរាប)៖ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងថា ព្រឹត្តិការណ៍ប្រកួតវាយកូនគោល ដើម្បីមនុស្សធម៌ឆ្នាំ២០២៥ នឹងជំរុញវិស័យទេសចរណ៍នៅក្នុងខេត្តសៀមរាប ឱ្យកាន់តែរីកចម្រើនថែមទៀត។ ដោយសារព្រឹត្តិការណ៍នេះ បានរៃអង្គាសថវិកាគាំទ្រម្រោងបណ្តុះបណ្តាលទៅលើសិក្ខាកាម ដែលជ្រើសរើសមកពីគ្រួសារក្រីក្រចំនួន២០០នាក់ ផងដែរ។ ការលើកឡើងយ៉ាងដូច្នេះរបស់នាយឧត្តមសេនីយ៍ ទៀ សីហា នៅក្នុងពិធីបិទព្រឹត្តិការណ៍ប្រកួតវាយកូនគោល ដើម្បីមនុស្សធម៌ឆ្នាំ២០២៥ ដែលរៀបចំឡើងដោយសមាគមក្លឹបទេសចរណ៍សៀមរាប (STC) សហការជាមួយសហព័ន្ធកីឡាវាយកូនគោលកម្ពុជា, រដ្ឋបាលខេត្តសៀមរាប, សហភាពសហព័ន្ធយុវជនកម្ពុជា ខេត្តសៀមរាប, Angkor golf resort និងPhokeethra Country Club នៅថ្ងៃទី១១ ខែមករា ឆ្នាំ២០២៥នេះ។ ដោយមានការចូលរួមពីសម្តេចពិជ័យសេនា ទៀ បាញ់ ឧត្តមក្រុមប្រឹក្សាផ្ទាល់ព្រះមហាក្សត្រ និងលោក លោកស្រី ជាថ្នាក់ដឹកនៃក្រសួងការពារជាតិ, ថ្នាក់ដឹកនាំខេត្តសៀមរាប និងតាកែវ, ថ្នាក់ដឹកនាំនៃអាជ្ញាធរជាតិអប្បរា និងភ្ញៀវជាតិ និងអន្តរជាតិ ចំនួន៦០ចូលរួមផងដែរ។ នាយឧត្តមសេនីយ៍ ទៀ សីហា បានបន្តថា គោលបំណងនៃការរៀបចំព្រឹត្តិការណ៍ប្រកួតវាយកូនគោលឡើង ដើម្បីអបអរកីឡានៅក្នុងសន្តិភាពក្នុងរយៈពេល៤៦ឆ្នាំមកនេះ ដោយមានការអភិវឌ្ឍជាច្រើននៅក្នុងប្រទេសកម្ពុជា។ ផ្សព្វផ្សាយ […]

(បរទេស)៖ គេហទំព័រព័ត៌មាន​ Semafor បានរាយការណ៍មកថា នាយកប្រតិបត្តិក្រុមហ៊ុនបច្ចេកវិទ្យាយក្ស Meta លោក Mark Zuckerberg បានចូលជួបជាមួយនឹងប្រធានាធិបតីជាប់ឆ្នោតលោក Donald Trump នៅឯភូមិគ្រឹះ​ Mar-a-Lago។​ យ៉ាងណា កិច្ចពិភាក្សានេះមិនត្រូវបានប្រភពបង្ហាញពីព័ត៌មានលម្អិតនោះទេ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី១១ ខែមករា ឆ្នាំ២០២៥។ កិច្ចពិភាក្សារនេះ កើតឡើងបន្ទាប់ពីការប្រកាសរបស់លោក Zuckerberg ថា Meta ដែលជាមេធំរបស់ Facebook កំពុងបញ្ឈប់កម្មវិធី Diversity, Equity និង Inclusion (DEI) programs​ ដែលជាកម្មវិធីបង្កើតឡើងដើម្បីបង្កើតបរិយាកាសកន្លែងធ្វើការដែលផ្តល់តម្លៃ និងគាំទ្រដល់បុគ្គលមកពីមជ្ឈដ្ឋានផ្សេងៗ។ មិនត្រឹមតែប៉ុណ្ណោះ Meta ក៏បញ្ឈប់កម្មវិធីសម្រាប់ជួលបុគ្គលិក, វគ្គបណ្តុះបណ្តាល និងការជ្រើសរើសអ្នកផ្គត់ផ្គង់ផងដែល ខណៈប្រកាសនេះត្រូវប្រកាសនៅក្នុង memo ទៅកាន់បុគ្គលិក។ គួរជម្រាបថា ក្រុមហ៊ុនយក្សប្រព័ន្ធផ្សព្វផ្សាយសង្គមនៅដើមសប្តាហ៍នេះ ក៏បានលុបចោលកម្មវិធីត្រួតពិនិត្យការពិតរបស់សហរដ្ឋអាមេរិក និងបន្ថូរបន្ថយការរឹតបន្តឹងប្រធានបទរសើបផងដែលដូចជា អន្តោប្រវេសន៍ និងអត្តសញ្ញាណយេនឌ័រ ស្របពេលដែលលោក Trump ត្រៀមខ្លួនចូលកាន់តំណែងជាលើកទីពីរ។ ដូច្នេះការជួបពិភាក្សារវាងលោក Trump […]

(វ៉ាស៉ីនតោន)៖ រដ្ឋបាលប្រធានាធិបតី ចូ បៃដិន បានពន្យារពេលនិរទេសជនចំណាកស្រុកចំនួន ៩០០ ០០០នាក់មកពីអ៊ុយក្រែន វ៉េណេស៊ុយអេឡា អែលសាល់វ៉ាឌ័រ និងស៊ូដង់ ដែលជាចំណាត់ការមួយ ខ្ទាស់នឹងបំណងរបស់អនាគតប្រធានាធិបតីអាមេរិក លោក ដូណាល់ ត្រាំ លើកិច្ចការបង្រ្កាបបញ្ហាអន្តោប្រវេសន៍។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១១ ខែមករា ឆ្នាំ ២០២៥។ ក្រសួងសន្តិសុខមាតុភូមិអាមេរិក បានពន្យារពេលចុះឈ្មោះក្នុងប្រព័ន្ធ TPS ដែលជាកម្មវិធីមួយផ្តល់សិទ្ធិឱ្យជនចំណាកស្រុក ស្ថិតនៅក្នុងសហរដ្ឋអាមេរិកជាបណ្តោះអាសន្ន។ មានន័យថា ជនចំណាកស្រុកដែលត្រូវនិរទេសខ្លួនខាងលើនេះ នឹងទទួលបានប័ណ្ណការងាររយៈពេល ១៨ខែបន្ថែម។ ចាប់តាំងពីដើមអាណត្តិប្រធានាធិបតីឆ្នាំ ២០២១ លោក បៃដិន បានបង្កើនចំនួនជនចំណាកស្រុកដែលមានសិទ្ធិទទួលបាន TPS ដូចជាប្រជាជនដែលប្រទេសកំណើតពួកគេ ជួបប្រទះគ្រោះមហន្តរាយធម្មជាតិ ជម្លោះប្រដាប់អាវុធ ឬព្រឹត្តិការណ៍អាក្រក់ៗផ្សេងទៀត ហើយឥឡូវនេះមានជាង ១លាននាក់មកពី ១៧ប្រទេស។ លោក ត្រាំ ដែលនឹងត្រលប់មកសេតវិមានវិញ នៅថ្ងៃទី២០ ខែមករាខាងមុខ ធ្លាប់ព្យាយាមបញ្ចប់ការចុះឈ្មោះ TPS អំឡុងអាណត្តិទី១ របស់លោក ប៉ុន្តែត្រូវបានរារាំងដោយតុលាការអាមេរិក។ នៅអាណត្តិថ្មីនេះ […]

(ភ្នំពេញ)៖ ក្រសួងបរិស្ថាន នៅថ្ងៃទី១១ ខែ មករា ឆ្នាំ២០២៥នេះ បានឱ្យដឹងថា បច្ចុប្បន្នមានសត្វស្មោញ ដែលឈ្មោះភាសាអង់គ្លេស៖ Oriental Darter និងឈ្មោះវិទ្យាសាស្ត្រោស៖ Anhinga melanogaster ចំនួន ៦,០០០គូ កំពុងបន្តពូជពងកូន និងរស់យ៉ាងសុខសាន្តនៅតំបន់រ៉ាមសារព្រែកទាល់ (បឹងទន្លេសាប)។ យោងតាមក្រសួងបរស្ថាន បានបន្ថែមថា តំបន់រ៉ាមសារព្រែកទាល់ (បឹងទន្លេសាប) គឺជាតំបន់ការពារធម្មជាតិ និងជាជម្រកជីវៈចម្រុះរស់នៅយ៉ាងសុខដុមរមនា។ ដោយបច្ចុប្បន្ននេះ ត្រូវបានក្រុមអ្នកជំនាញសង្កេតឃើញមានសត្វស្មោញ ចំនួន៦,០០០គូ កំពុងបន្តពូជពងកូន នៅតំបន់រ៉ាមសារព្រែកទាល់ (បឹងទន្លេសាប)។ គួរបញ្ជាក់ថា សត្វស្មោញ ( Oriental Darter) ជាប្រភេទបក្សីដែលមានកវែងដូចជាសត្វពស់ ចំពុះរបស់វាស្រួចដូចដាវ សំបុរពណ៌ខ្មៅ កន្ទុយវែង ឆូតសវែងៗនៅផ្នែកខ្នង។ វារស់នៅតាមតំបន់ បឹង វាលភក់ និងទន្លេធំៗ។ សត្វនេះគេសង្កេតឃើញថា មានវត្តមានពេញមួយឆ្នាំ និងមានបន្ទាយពងកូនដ៏ធំនៅតំបន់ព្រែកទាល់ បឹងទន្លេសាប និងនៅតាមតំបន់មួយចំនួននៅភាគខាងជើងនៃប្រទេសកម្ពុជា។ ស្មោញជាប្រភេទសត្វបក្សីធំ មានកម្ពស់ពី៨៥ ទៅ ៩៧សង់ទីម៉ែត្រ។ បក្សីប្រភេទនេះមានលក្ខណះពិសេស ដោយវាអាចហែល និងមុជទឹក […]

(ភ្នំពេញ)៖ ក្រុមហ៊ុនអាកាសចរណ៍ជាតិកម្ពុជា នឹងបើកជើងហោះហើរទៅកាន់ប្រទេសជប៉ុន, កូរ៉េខាងត្បូង និងកន្លែងផ្សេងទៀត ឱ្យបានឆាប់តាមដែលអាចធ្វើទៅបាន ហើយគ្រោងនឹងបើកជើងហោះហើរឆ្ពោះ ទៅទ្វីបអឺរ៉ុបនៅឆ្នាំ ២០២៦ខាងមុខនេះ។ នេះបើតាមសេចក្ដីប្រកាសព័ត៌មាន របស់ក្រុមហ៊ុនអាកាសចរណ៍ជាតិកម្ពុជា។ បើតាមសេចក្ដីប្រកាសព័ត៌មាន, ក្រុមហ៊ុនអាកាសចរណ៍ជាតិកម្ពុជា ក៏បានប្រកាសថា នឹងដាក់ដំណើរនូវការកញ្ចប់កាដូឆ្នាំថ្មី «Happy Cambodian Traveler 2025» ដើម្បីជួយឱ្យប្រជាជនកម្ពុជា ទទួលបាននូវជីវិតដ៏សប្បាយរីករាយ ក្នុងការធ្វើដំណើរ តាមអាកាស។ កញ្ចប់កាដូខាងលើ គឺដើម្បីផ្តល់ដល់ប្រជាពលរដ្ឋកម្ពុជា និងមានខ្លឹមសារសំខាន់ចំនួន៣រួមមាន៖ ទី១៖ តាមរយៈប្រព័ន្ធផ្សព្វផ្សាយបណ្តាញសង្គម សំបុត្រយន្តហោះឥតគិតថ្លៃចំនួន ២០២៥សន្លឹក នឹងត្រូវផ្តល់ជូននិស្សិតសាកលវិទ្យាល័យ ដើម្បីលើកទឹកចិត្តយុវជនកម្ពុជា ជំនាន់ក្រោយឱ្យក្លាហាន ក្នុងការធ្វើដំណើរ និងសិក្សាស្វែងយល់ពីពិភពខាងក្រៅ និងពង្រីកចំណេះដឹងបន្ថែម។ ទី២៖ អ្នកដំណើរជនជាតិខ្មែរទាំងអស់ អាចទទួលបានឯកសិទ្ធិផ្តាច់មុខ ដែលអាច Check- in ដោយឥតគិតថ្លៃចំនួនពីរវ៉ាលី (មួយវ៉ាលឺមិនលើសពី២៣គីឡូក្រាម) គ្រប់ជើងហោះហើររបស់ ក្រុមហ៊ុនអាកាសចរណ៍ជាតិកម្ពុជាទាំងអស់។ ទី៣៖ អ្នកដំណើរជនជាតិខ្មែរទាំងអស់ អាចរីករាយជាមួយឯកសិទ្ធិ នៃការផ្លាស់ប្តូរកាលបរិច្ឆេទដំបូងដោយឥតគិតថ្លៃ សម្រាប់សំបុត្រដែលបានកក់រួច ដែលបង្កើនភាពបត់បែន សម្រាប់ការធ្វើដំណើរ និងជៀសវាង បន្ទុកបន្ថែមដោយសារតែការកែសម្រួលផែនការធ្វើដំណើរ។ ជាមួយនឹងការសម្ពោធជើងហោះហើរថ្មី របស់ក្រុមហ៊ុនអាកាសចរណ៍ជាតិកម្ពុជា រវាងទីក្រុងភ្នំពេញ និងទីក្រុង បាងកក នៅថ្ងៃទី១៧ […]

(ភ្នំពេញ)៖ ក្រសួងពាណិជ្ជកម្ម នៅថ្ងៃទី១១ ខែមករា ឆ្នាំ២០២៥នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃនេះ ដល់ថ្ងៃទី២០ ខែមករា ឆ្នាំ២០២៥ ត្រូវលក់សាំងធម្មតាតម្លៃ ៤,០០០រៀល និងម៉ាស៊ូតត្រូវលក់ ៣,៩០០រៀល ក្នុង១លីត្រ៕ ផ្ដល់សិទ្ធិដោយ៖ Fresh News

(ភ្នំពេញ)៖ ផលិតកម្ម Daubai Production មកពីប្រទេសកាហ្សាក់ស្ថាន និងតារាល្បីៗប្រចាំកាហ្សាក់ស្ថាន បានធ្វើដំណើរមកថតខ្សែភាពយន្តនៅប្រទេសកម្ពុជា ដែលនេះជាលើកដំបូងហើយដែលកាហ្សាក់ស្ថាន ជ្រើសរើសកម្ពុជាសម្រាប់ថតខ្សែភាពយន្តរបស់ខ្លួន។ ក្រុមការងារផលិតកម្ម Daubai Production និងតារាល្បីៗទាំងនោះបានមកដល់អាកាសយានដ្ឋានអន្តរជាតិភ្នំពេញ នាព្រឹកថ្ងៃទី១០ ខែមករា ឆ្នាំ២០២៥ ដោយមានការទទួលស្វាគមន៍ពីសំណាក់លោក ហួត ហាក់ រដ្ឋមន្ត្រីក្រសួងទេសចរណ៍ និងលោកស្រី Laurence ERBS នាយិកាគ្រប់គ្រងក្រុមហ៊ុនព្រលានយន្តហោះ។ ការថតខ្សែភាពយន្តនេះមានការចូលរួមពីក្រសួងទេសចរណ៍ និងកិច្ចសហការយ៉ាងជិតស្និទ្ធជាមួយស្ថានទូតសាធារណរដ្ឋកាហ្សាក់ស្ថានប្រចាំកម្ពុជា ដែលមាននិវេសនដ្ឋាននៅទីក្រុងហាណូយ និងក្រុមការងារផលិតកម្ម Daubai Production ចំនួន៣៧រូប រួមមាន៖ តារាល្បីៗប្រចាំប្រទេសកាហ្សាក់ស្ថានចំនួន១០រូប ដែលម្នាក់ៗមានអ្នកគាំទ្រផ្ទាល់ខ្លួនជាងមួយលាននាក់ គ្រោងនឹងផលិតវីដេអូភាពយន្តនៅកម្ពុជាស្តីពីដំណើរកម្សាន្តរបស់គូស្នេហ៍ចំនួន៥គូ ពីប្រទេសកាហ្សាក់ស្ថានមកទស្សនាប្រទេសកម្ពុជា។ ការថតភាពយន្តនេះ នឹងចាប់ពីថ្ងៃទី១០ ខែមករា ដល់ថ្ងៃទី១ ខែកុម្ភៈ ឆ្នាំ២០២៥ នៅរាជធានីភ្នំពេញ ខេត្តព្រះសីហនុ និងតំបន់គោលដៅទេសចរណ៍ផ្សេងៗទៀត ជាពិសេសនៅតំបន់រមណីយដ្ឋានអង្គរ ខេត្តសៀមរាប និងនេះជាលើកទី១ ដែលប្រទេសកាហ្សាក់ស្ថានជ្រើសរើសកម្ពុជាសម្រាប់ថតខ្សែភាពយន្ត ដែលជាគោលដៅទេសចរណ៍ប្រកបដោយសុខសន្តិភាពល្អក្រោមដំបូលសន្តិភាព ស្ថិរភាពនយោបាយ សណ្តាប់ធ្នាប់សាធារណៈសង្គម ស្អាត បៃតង និងបដិសណ្ឋារកិច្ចដ៏កក់ក្ដៅ ពិសេសសន្តិសុខសុវត្ថិភាព […]

(ភ្នំពេញ)៖ បុរសជនជាតិថៃ ដែលធ្វើឃាតលោក លិម គិមយ៉ា អតីតតំណាងរាស្ត្រ នៃអតីតគណបក្សសង្គ្រោះជាតិ នៅទីក្រុងបាងកក ប្រទេសថៃ ត្រូវបានសមត្ថកិច្ចកម្ពុជា ប្រគល់ឱ្យសមត្ថកិច្ចថៃ នៅព្រឹកថ្ងៃទី១១ ខែមករាឆ្នាំ២០២៥នេះ។ នេះបើតាមអ្នកនាំពាក្យអគ្គស្នងការដ្ឋាននគរបាលជាតិ បញ្ជាក់ប្រាប់បណ្តាញព័ត៌មាន Fresh News។ ជនសង្ស័យរូបនេះមានឈ្មោះ អេកាឡាក់ ភាណយ (Ekkalak Pheanou) ដែលត្រូវបានចាប់ខ្លួន នៅខេត្តបាត់ដំបង ប្រទេសកម្ពុជា នៅរសៀលថ្ងៃទី០៨ ខែមករា ក្រោយរត់គេចចេញពីប្រទេសថៃចូលមកកម្ពុជា។ អ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងបន្ថែមថា ការចាត់បញ្ជូនជនសង្ស័យនេះ ធ្វើឡើងទៅតាមការស្នើសុំរបស់ភាគីថៃ និងកិច្ចសហប្រតិបត្តិការរវាងប្រទេសទាំងពីរ ខណៈបទល្មើសនេះបានកើតឡើងនៅក្នុងប្រទេសថៃ។ ករណីឃាតកម្មបាញ់សម្លាប់ជនរងគ្រោះឈ្មោះ លិម គិមយ៉ា ភេទប្រុស កើតឆ្នាំ១៩៥១ ជនជាតិខ្មែរ សញ្ជាតិបារាំង បង្កឡើងខ្មាន់កាំភ្លើង កាលពីវេលាម៉ោង ១៧:៤៥នាទី ថ្ងៃទី០៧ ខែមករា ឆ្នាំ ២០២៥ នៅចំណុចផ្លូវ ១៣ហាង សង្កាត់ប៊ូរិន និវេទវិហារ ខណ្ឌព្រះនគរ ទីក្រុងបាងកក ប្រទេសថៃ។ អ្នកនាំពាក្យនៃអគ្គស្នងការដ្ឋាននគរបាលជាតិ […]

(ភ្នំពេញ)៖ នាយកដ្ឋានដឹកជញ្ជូនផ្លូវគោកនៃក្រសួងសាធារណការ និងដឹកជញ្ជូន បានសហការជាមួយសមត្ថកិច្ចក្នុងការចាត់វិធានការលើហ្វេសប៊ុក ហ្វេសប៊ុកផេក តិកតុក តេលេក្រាម និងប្រព័ន្ធបណ្តាញសង្គមនានា ដែលបានផ្សព្វផ្សាយខ្លឹមសារ ក្នុងន័យជាអ្នកបម្រើសេវាសាធារណៈរបស់ក្រសួងដូចជា ការផ្តល់សេវាសាធារណៈចុះបញ្ជីយានយន្ត ត្រួតពិនិត្យលក្ខណៈបច្ចេកទេសយានជំនិះ លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូនផ្លូវគោកក្នុងប្រទេស បណ្ណបើកបរយានយន្ត និងបណ្ណអនុញ្ញាតបើកបរអន្តរជាតិ ដោយខុសច្បាប់។ ថ្លែងប្រាប់បណ្តាញព័ត៌មាន Fresh News នាថ្ងៃទី១០ ខែមករា ឆ្នាំ២០២៥នេះ លោក ផន រឹម អ្នកនាំពាក្យក្រសួងសាធារណការ និង ដឹកជញ្ជូន បានបញ្ជាក់ទៀតថា ព័ត៌មានដែលបានចុះផ្សាយលើទំព័រហ្វេសប៊ុក គណនីហ្វេសប៊ុក និងគណនីតេលេក្រាម ដែលមិនមានការអនុញ្ញាតពីក្រសួង គឺជាព័ត៌មានមិនពិត មានចរិតបង្កការភ័ន្តច្រឡំដល់សាធារណជន ធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់នាយកដ្ឋាន អគ្គនាយកដ្ឋាន ក៏ដូចជាក្រសួងសាធារណការ និងដឹកជញ្ជូនផងដែរ។ នាយកដ្ឋាននឹងសហការជាមួយសមត្ថកិច្ចបន្តទៀតក្នុងការចាត់វិធានការតាមផ្លូវច្បាប់។ ជាមួយគ្នានេះនាយកដ្ឋានដឹកជញ្ជូនផ្លូវគោក សូមជំរុញលើកទឹកចិត្ត និងអំពាវនាវដល់សាធារណជន បងប្អូនប្រជាពលរដ្ឋមេត្តាជៀសវាងការប្រើប្រាស់សេវាសាធារណៈក្រៅផ្លូវការ ដែលនាំឱ្យខាតបង់ពេលវេលា ព្រមទាំងថវិកា និងសូមមកទទួលសេវាសាធារណៈ នៅតាមមណ្ឌលផ្តល់សេវារបស់ក្រសួងសាធារណការ និងដឹកជញ្ជូន។ សម្រាប់លេខទំនាក់ទំនងសាកសួរព័ត៌មានអំពីការផ្តល់សេវាសាធារណៈ សូមទាក់ទងលេខ ១២៧៥ ឬមកកាន់ផេក៖– ក្រសួងសាធារណការ និងដឹកជញ្ជូនFacebook: […]

(ព្រះវិហារ)៖ មន្ទីរធនធានទឹក និងឧត្តុនិយម ខេត្តព្រះវិហារ នៅថ្ងៃទី១០ ខែមករា ឆ្នាំ២០២៥នេះ បានចេញសេចក្តីជូនដំណឹងបញ្ជាក់ថា ចាប់ពីថ្ងៃទី១១ រហូតដល់ថ្ងៃទី១៥ ខែមករា ឆ្នាំ២០២៥ ខាងមុខនេះ ទ្រនុងសម្ពាធខ្ពស់ចិន និងខ្យល់មូសុងឦសានខ្លាំង បាននិងកំពុងមានឥទ្ធិពលមកលើខេត្តព្រះវិហារ ស្ថានភាពបែបនេះនឹងធ្វើឲ្យអាកាសធាតុចុះត្រជាក់ សីតុណ្ហភាពមានពី១២ ទៅ២៦អង្សាសេ។ មន្ទីរធនធានទឹក និងឧត្តុនិយមខេត្តព្រះវិហារ ជូនដំណឹងដល់ប្រជាពលរដ្ឋមេត្តាចិត្តទុកដាក់ និងប្រុងប្រយ័ត្នខ្ពស់ អំពីស្ថានភាពអាកាសធាតុចុះត្រជាក់គួរឲ្យកត់សម្គាល់នេះ ដើម្បីជៀសវាងពីគ្រោះថ្នាក់ផ្សេងៗ ដែលអាចកើតមានជាយថាហេតុ ជាពិសេសលើសុខភាពមនុស្សចាស់ ស្ត្រី កុមារ សត្វពាហៈនៈ និងផលដំណាំផ្សេង៕ ខាងក្រោមនេះជាសេចក្តីជូនដំណឹង របស់មន្ទីរធនធានទឹក និងឧតុនិយមខេត្តព្រះវិហារ៖ ផ្ដល់សិទ្ធិដោយ៖ Fresh News