(វ៉ាស៊ីនតោន)៖ លោក Elon Musk បាន​រិះគន់​សារព័ត៌មាន New York Times និង​អំពាវនាវ​ឱ្យ​កាត់ទោស​មន្ត្រី​មន្ទីរ​ប៉ង់តាហ្គោន​ ដែល​បាន​ទម្លាយ​ព័ត៌មាន​យោធា​សំខាន់ៗ ទៅ​ឱ្យ​កាសែត​នេះ។ ការ​រិះគន់​នេះ​ធ្វើ​ឡើង​បន្ទាប់ពី New York Times បាន​រាយការណ៍​ថា លោក Musk នឹង​ទទួល​បាន​ការ​សង្ខេប​ អំពី​ផែនការ​យោធា​របស់​សហរដ្ឋអាមេរិក ក្នុង​ករណី​មាន​ជម្លោះ​ជាមួយ​ប្រទេស​ចិន។ យោង​តាម​ការ​ចុះ​ផ្សាយ​របស់ New York Times ការ​សង្ខេប​នេះ ​នឹង​ផ្ដល់​ឱ្យ​លោក Musk នូវ​ការ​យល់​ដឹង​អំពី​ផែនការ​យោធា​សំខាន់ៗ ក្នុងនាមជា​ទីប្រឹក្សា​របស់​លោក​ប្រធានាធិបតី ដូណាល់ ត្រាំ។ លោក Musk បាន​ចោទ​ប្រកាន់ New York Times ថា​ជា «ការ​ឃោសនា​សុទ្ធសាធ» និង​បាន​ទាមទារ​ឱ្យ​មាន​ការ​ស៊ើបអង្កេត និង​កាត់ទោស​មន្ត្រី​ប៉ង់តាហ្គោន​ដែល​បាន​លេចធ្លាយ​ព័ត៌មាន​នេះ។ ការអត្ថាធិប្បាយនេះធ្វើឡើងបន្ទាប់ពីប្រធានាធិបតី ដូណាល់ ត្រាំ ក៏បានបដិសេធរបាយការណ៍នេះផងដែរ ដោយបញ្ជាក់ថាមិនមានការពិភាក្សាណាមួយអំពីប្រទេសចិននៅក្នុងជំនួបដែលបានរៀបរាប់នោះទេ។ ទោះ​ជា​យ៉ាងណា ប្រភព​មិន​បញ្ចេញ​ឈ្មោះ​មួយ​បាន​ប្រាប់ Reuters ថា លោក Elon Musk នឹង​ត្រូវ​បាន​គេ​ផ្ដល់​ព័ត៌មាន​សម្ងាត់​កម្រិត​ខ្ពស់​ ដោយ​មន្ត្រី​យោធា​ជាន់ខ្ពស់​របស់​សហរដ្ឋអាមេរិក​នៅ​ក្នុង​ក្រសួង​ការពារជាតិ។ […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃព្រហស្បតិ៍ ទី២០ ខែមីនា បានចុះហត្ថលេខាលើបទបញ្ជាប្រតិបត្តិមួយ ដែលមានបំណងបិទក្រសួងអប់រំអាមេរិក ដែលនេះជាការបំពេញតាម ពាក្យសន្យាជាយូរណាស់មកហើយរបស់លោកទៅចំពោះក្រុមអ្នកនយោបាយអភិរក្សនិយម។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ លោក ត្រាំ បាននិយាយថារដ្ឋាភិបាលអាមេរិក បានចំណាយទៅលើសិស្ស ច្រើនជាងប្រទេសណាៗទាំងអស់ ប៉ុន្តែគុណភាពអប់រំស្ថិតនៅចំណាត់ថ្នាក់មិនល្អជាខ្លាំង ហើយលោកផ្ទាល់ចង់កាត់បន្ថយការចំណាយ។ តាមបទប្រតិបត្តិខាងលើ គោលនយោបាយអប់រំទាំងមូល និងសាលារៀននៅអាមេរិកនឹងត្រូវប្រគល់ទៅឱ្យរដ្ឋនីមួយៗជាគ្រប់គ្រងវិញ។ នៅឯពិធីចុះហត្ថលេខាមួយក្នុងបន្ទប់ East Room នៃសេតវិមាន លោក ត្រាំ បានបញ្ជាក់ថាបទបញ្ជាប្រតិបត្តិដែលលោកបានចុះហត្ថលេខា គឺជាជំហានដំបូងមួយឆ្ពោះទៅការរំលាយក្រសួងអប់រំ។ ក៏ប៉ុន្តែការបិទក្រសួងណាមួយនៅអាមេរិក មិនមែនសម្រេចដោយប្រធានាធិបតីតែម្នាក់​ឯង នោះទេ ដោយត្រូវឆ្លងកាត់ ឬទទួលបានការយល់ព្រមពីសភាទាំង២របស់សហរដ្ឋអាមេរិកជាមុនសិន។ ឧបសគ្គចម្បងរបស់លោក ត្រាំ គឺនៅ​ព្រឹទ្ធសភាអាមេរិក ជាទីដែលបក្សសាធារណរដ្ឋ គ្រប់គ្រង៥៣អាសនៈ។ ប៉ុន្តែសេចក្តីព្រាងច្បាប់ធំៗ ដូចជាច្បាប់ដើម្បីបិទក្រសួង​ ជាដើម ត្រូវការសំឡេងគាំទ្រសរុប៦០អាសនៈ ក្នុងចំណោមអាសនៈសរុប១០០ ពោលគឺត្រូវការការគាំទ្រពីសមាជិកបក្សប្រជាធិបតេយ្យ យ៉ាងហោច៦នាក់។ ពុំទាន់មានសញ្ញាបង្ហាញថា សមាជិកបក្សប្រជាធិបតេយ្យ នៅព្រឹទ្ធសភាអាមេរិក នឹងគាំទ្រការរំលាយក្រសួងអប់រំ នៅឡើយទេ៕ ផ្ដល់សិទ្ធិដោយ៖ Fresh […]

(ញូវដេលី)៖ ប៉ូលិសក្នុងរដ្ឋ Punjab ភាគខាងជើងប្រទេសឥណ្ឌា បានឃុំខ្លួនកសិកររាប់រយនាក់ និងប្រើប្រាស់គ្រឿងចក្រឈូសឆាយ កម្ទេចជំរំបណ្តោះអាសន្ននៅតំបន់ព្រំដែន ដែលពួកគេយកធ្វើជាកន្លែងតវ៉ា អស់រយៈពេលជាងមួយឆ្នាំមកនេះ ដើម្បីទាមទារឱ្យតម្លៃដំណាំមានលក្ខណៈប្រសើរជាងមុន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២០ ខែមីនា ឆ្នាំ ២០២៥។ កសិករបានបោះជំរំ នៅតាមព្រំដែនជាប់នឹងរដ្ឋ Haryana ចាប់តាំងពីខែកុម្ភៈ ឆ្នាំមុន នៅពេលដែលកងកម្លាំងសន្តិសុខ បញ្ឈប់ការហែក្បួនរបស់ពួកគេឆ្ពោះទៅកាន់រដ្ឋធានី New Delhi ដើម្បីទាមទារឱ្យមានការធានាស្របច្បាប់ សម្រាប់ផលដំណាំរបស់ពួកគេ នៅតាមរដ្ឋមួយចំនួនទៀត។ មន្រ្តីប៉ូលិសជាន់ខ្ពស់ លោក Nanak Singh បាននិយាយថា កសិករ​សហការ​គ្នា​បាន​ល្អ ហើយ​ព្រមចូលអង្គុយ​ក្នុង​ឡានក្រុង​ដោយ​ខ្លួន​ឯង។ យើង​មិន​ចាំ​បាច់​ប្រើ​កម្លាំង​ណា​មួយ​ទេ»។ រូបភាពពីទូរទស្សន៍ក្នុងស្រុក បង្ហាញឱ្យឃើញប៉ូលិសប្រើប្រាស់គ្រឿងចក្រ ដើម្បីឈូសឆាយវាយកម្ទេចតង់ និងឆាក ខណៈដែលនាំខ្លួនកសិកចូលក្នុងរថយន្ត។ គួរបញ្ជាក់ថា រដ្ឋាភិបាលលោកនាយករដ្ឋមន្ត្រី Narendra Modi ត្រូវបានបង្ខំឱ្យលុបចោលច្បាប់កសិកម្មឆ្នាំ ២០២១មួយចំនួន បន្ទាប់ពីមានការតវ៉ាដោយកសិករនាំគ្នាបោះជំរំ នៅខាងក្រៅទីក្រុង Delhi។ គណបក្ស AAP ដែលកំពុងគ្រប់គ្រងរដ្ឋ Punjab និងអនុញ្ញាតឱ្យមានការធ្វើបាតុកម្មនោះ […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បានប្រាប់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ក្នុងកិច្ចសន្ទនាតាមទូរស័ព្ទកាលពីថ្ងៃពុធ ទី១៩ ខែមីនាថា សហរដ្ឋអាមេរិកអាចគ្រប់គ្រងរោងចក្រថាមពលនុយក្លេអ៊ែររបស់អ៊ុយក្រែន ជាផ្នែកមួយនៃការប៉ុនប៉ងចុងក្រោយបំផុតរបស់លោកដើម្បីសម្រេចឱ្យបាននូវបទឈប់បាញ់សម្រាប់ សង្រ្គាមនៅអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ លោក ហ្សេលេនស្គី បាននិយាយនៅក្រោយបញ្ចប់កិច្ចសន្ទនាជាមួយលោក ត្រាំថាទីក្រុងកៀវបានត្រៀមខ្លួនជាស្រេចដើម្បីបញ្ឈប់ការវាយប្រហារលើបណ្ដាញ និងហេដ្ឋារចនាសម្ព័ន្ធថាមពល របស់រុស្ស៉ី មួយថ្ងៃបន្ទាប់ពីលោក ពូទីន យល់ព្រមបញ្ឈប់ការវាយប្រហារដូចគ្នានេះដែរលើអ៊ុយក្រែន។ លោក ហ្សេលេនស្គីក៏បានឱ្យដឹងដែរថារូបលោកបានពិភាក្សាពីផែនការចង់គ្រប់គ្រងលើ រោងចក្រថាមពលនុយក្លេអ៊ែរអ៊ុយក្រែនរបស់លោក ត្រាំផងដែរ។ «យើងបានពិភាក្សាគ្នាលើរោងចក្រថាមពលតែមួយប៉ុណ្ណោះ ដែលកំពុងស្ថិតក្រោមការគ្រប់គ្រងរបស់រុស្ស៉ី»។ នេះជាការបញ្ជាក់ របស់លោក ហ្សេលេនស្គីដោយចង់សំដៅលើរោងចក្រថាមពលនុយក្លេអ៊ែរ Zaporizhzhia ជាមួយការបន្ថែមថាលោកមិនមានអារម្មណ៍ថារងសម្ពាធពីលោក ត្រាំ ឱ្យធ្វើសម្បទានដល់រុស្ស៉ី នោះទេ។ គួរបញ្ជាក់ថា ទីប្រឹក្សាសន្តិសុខជាតិអាមេរិក លោក Mike Waltz និងរដ្ឋមន្ត្រីការបរទេសអាមេរិក លោក Marco Rubio បាននិយាយក្នុងសេចក្ដីថ្លែងការណ៍រួមមួយរវាងលោក ត្រាំ បានសន្យាថា នឹងជួយឱ្យអ៊ុយក្រែនទទួលបានប្រព័ន្ធការពារដែនអាកាសបន្ថែមពីអឺរ៉ុប និងជួយស្វែងរកកុមារអ៊ុយក្រែនដែលទីក្រុងកៀវចោទថាត្រូវបានចាប់ពង្រត់ដោយរុស្ស៉ី។ តាមសេចក្ដីថ្លែងការណ៍នេះ ដដែល ការធ្វើជាម្ចាស់កម្មសិទ្ធិរបស់សហរដ្ឋអាមេរិកលើរោងចក្រថាមពលនុយក្លេអ៊ែរអ៊ុយក្រេន […]

(វ៉ាស៊ីនតោន)៖ សេតវិមាន កាលពីថ្ងៃពុធ ទី១៩ ខែមីនា បានឱ្យដឹងថាលោកប្រធានាធិបតីអាមេរិក ដូណាល់ ត្រាំ នឹងចុះហត្ថលេខាលើបទបញ្ជាប្រតិបត្តិមួយនៅថ្ងៃព្រហស្បតិ៍សប្ដាហ៍នេះ (ម៉ោងនៅវ៉ាស៊ីនតោន) ដើម្បី បិទក្រសួងអប់រំអាមេរិកចោល ជាការបំពេញតាមពាក្យសន្យាដ៏សំខាន់មួយរបស់លោក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ការប៉ុនប៉ងបិទក្រសួងអប់រំកំពុងរងការជំទាស់ពីសំណាក់អ្នកប្រជាធិបតេយ្យមួយក្រុមដែលបានដាក់ពាក្យបណ្ដឹងតវ៉ាកាលពីសប្ដាហ៍មុន ក្នុងគោលបំណងរារាំងកុំឱ្យរដ្ឋបាលលោក ត្រាំបិទក្រសួងនេះចោល និងបញ្ឈប់ ការបណ្ដេញបុគ្គលិកជិតពាក់កណ្ដាលនៃក្រសួងអប់រំចេញពីការងារ។ តាមបទបញ្ជារបស់លោក ត្រាំ រដ្ឋមន្ត្រីក្រសួងអប់រំ លោកស្រី Linda McMahon នឹងត្រូវចាត់វិធានការចាំបាច់នានាដើម្បីសម្រួលដល់ការបិទក្រសួងអប់រំ ហើយប្រគល់ភារកិច្ចផ្នែកអប់រំទៅឱ្យរដ្ឋនីមួយៗរបស់សហរដ្ឋអាមេរិក។ លើសពីនេះទៅទៀត បទបញ្ជានេះក៏បានកំណត់ដែរថារាល់កម្មវិធី ឬសកម្មភាពនៅសេសស់ដែលកំពុងទទួលបានមូលនិធិពីក្រសួងអប់រំមិនត្រូវជំរុញ ឬលើកកម្ពស់គោលការណ៍ពិពិធកម្ម សមធម៌ និងបរិយាប្ន័ន ឬហៅកាត់ថា DEI ឬក៏មនោគមវិជ្ជាយេនឌ័រអ្វីនោះទេ។ គួរបញ្ជាក់ថា លោក ដូណាល់ ត្រាំ កាលពីខែកុម្ភៈបានព្រមានថាលោកចង់បិទក្រសួងអប់រំជាបន្ទាន់ ប៉ុន្តែបានទទួលស្គាល់ថាលោកត្រូវការការគាំទ្រពីសភាអាមេរិកជាមុនសិន ដែលជាអ្នកចាត់ចែងកញ្ចប់ថវិកា និងសហជីពរបស់គ្រូបង្រៀន៕ ផ្ដល់សិទ្ធិដោយ៖ Fresh News

(វ៉ាស៉ីនតោន)៖ ក្រសួងសុខាភិបាលអាមេរិក បានឱ្យដឹងថា ខ្លួនកំពុងពិនិត្យលើអង្គភាពបង្ការមេរោគអេដស៍ របស់មជ្ឈមណ្ឌលគ្រប់គ្រង និងបង្ការជំងឺ (CDC) ដែលអាចបំពេញការងារជាន់គ្នា ជាមួយទីភ្នាក់ងារដទៃទៀត ប៉ុន្តែការសម្រេចចិត្តចុងក្រោយមិនទាន់ធ្វើឡើងនៅឡើយទេ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី១៩ ខែមីនា ឆ្នាំ ២០២៥។ ការបញ្ជាក់របស់ក្រសួងនាពេលនេះ ធ្វើឡើងបន្ទាប់ពីប្រព័ន្ធផ្សព្វផ្សាយធំៗនៅអាមេរិក ដូចជា WSJ និង NBC បានរាយការណ៍ដោយដាក់ប្រភពមិនបញ្ចេញឈ្មោះថា អង្គភាពខាងលើរបស់ CDC អាចត្រូវបានបិទ។ អង្គភាពប្រយុទ្ធប្រឆាំងមេរោគអេដស៍របស់ទីភ្នាក់ងារ CDC ដែលចំណាយថវិកា ១.៣ពាន់លានដុល្លារ មានភារកិច្ច តាមដានការឆ្លងមេរោគអេដស៍ នៅទូទាំងសហរដ្ឋអាមេរិក ដោយជំរុញការធ្វើតេស្ត និងការការពារ រួមទាំងការប្រើប្រាស់ថ្នាំ ដែលត្រូវបានគេស្គាល់ថា PrEP ផងដែរ។ លោក Carl Schmid នាយកប្រតិបត្តិនៃវិទ្យាស្ថានគោលនយោបាយមេរោគអេដស៍ និង ជំងឺរលាកថ្លើម នៅក្នុងទីក្រុងវ៉ាស៉ីនតោន បានប្រាប់ Reuters ថា លោកត្រូវបានប្រភពពីទីភ្នាក់ងាររដ្ឋាភិបាលមួយ ផ្តល់ដំណឹងមកថា អង្គភាពបង្ការមេរោគអេដស៍នេះ អាចត្រូវបានលុបចោល ហើយការសម្រេចចិត្តលើ ​ការផ្តល់មូលនិធិការពារមេរោគអេដស៍ […]

(កៀវ)៖ នៅថ្ងៃអង្គារ ទី១៨ ខែមីនា រដ្ឋមន្រ្តីការបរទេសអ៊ុយក្រែន លោក Andrii Sybiha បាននិយាយថា ទីក្រុងកៀវមិនមែនជាឧបសគ្គ ចំពោះកិច្ចព្រមព្រៀងសន្តិភាពជាមួយរុស្ស៉ីឡើយ ហើយជឿជាក់ថា ខ្លួននឹងអាចសម្រេចបាន សន្តិភាពដែលមានយុត្តិធម៌និងឋិតថេរ ក្រោមការដឹកនាំរបស់ប្រធានាធិបតីអាមេរិក លោក ដូណាល់ ត្រាំ។ នេះបើតាមការចេញផ្សាយ ដោយទីភ្នាក់ងារព័ត៌មាន Reuters។ លោក Sybiha បាននិយាយថា «យើងមិនមែនជាឧបសគ្គ នៃការឆ្ពោះទៅសម្រេចបានសន្តិភាពឡើយ ហើយយើងពិតជាជឿថា ក្រោមកិច្ចប្រឹងប្រែងដឹកនាំរបស់ប្រធានាធិបតី ត្រាំ ពួកយើងនឹងអាចសម្រេចបាននូវសន្តិភាពមួយ ដែលប្រកបដោយយុត្តិធម៌ និងឋិតថេរយូរអង្វែង»។ លោករដ្ឋមន្រ្តីការបរទេសអ៊ុយក្រែន បានបន្តថា នាពេលនេះ ទីក្រុងកៀវកំពុងរង់ចាំមើល ភាពច្បាស់លាស់លេចឡើង ក្នុងដំណើរការស្វែងរកសន្តិភាព ក្រោយកិច្ចសន្ទនាតាមទូរស័ព្ទ រវាងលោក ត្រាំ និងប្រធានាធិបតីរុស្ស៉ី លោក វ៉្លាឌីមៀ ពូទីន ដែលត្រូវបានរំពឹងថា នឹងប្រព្រឹត្តទៅ ក្នុងថ្ងៃអង្គារសប្តាហ៍នេះ។ គួរបញ្ជាក់ថា លោក ដូណាល់ ត្រាំ កំពុងព្យាយាមបញ្ចុះបញ្ចូលឱ្យ លោក ពូទីន យល់ព្រមទទួលយក សំណើបទឈប់បាញ់មួយ […]

(វ៉ាស៊ីនតោន)៖ មេដឹកនាំនយោបាយនៃប្រទេសអៀរឡង់ បានធ្វើការតិះទៀន ចំពោះកីឡាករប្រដាល់ក្នុងទ្រុង UFC គឺលោក Conor McGregor ដែលមិនបាននិយាយពីប្រទេសអៀរឡង់ ក្នុងជំនួបជាមួយប្រធានាធិបសហរដ្ឋអាមេរិក លោក Donald Trump នៅឯសេតវិមានកាលពីថ្ងៃចន្ទ ក្នុងទិវា St Patrick’s Day។ ប៉ុន្តែក្រោយមកភ្លាមៗនោះដែរ McGregor ក៏បានថ្លែងប្រាប់ក្រុមអ្នកសារព័ត៌មានថា រូបលោកក៏ប្រាប់ពីទុក្ខកង្វល់របស់អៀរឡង់ទៅកាន់លោក Trump ជុំវិញបញ្ហាអន្តោប្រវេសន៍ក្នុងជំនួបនោះដែរ។ ក្នុងជំនួបដែល McGregor បាននាំមិត្តស្រី រួមទាំងកូន ៤នាក់ទៅជួប Trump ដល់ការិយាល័យ Oval នោះ ភាគីទាំងពីរសុទ្ធតែបានសាទរ និងលើកសរសើរពីគ្នាទៅវិញទៅមក ដែលត្រូវបានធ្វើឡើង ក្រោយពេលនាយករដ្ឋមន្រ្តីអៀរឡង់ គឺលោក Micheal Martin ទើបតែជួបសំណេះសំណាលជាមួយលោក Donald Trump នៅសេតវិមាននេះដូចគ្នាកាលសប្តាហ៍មុន។ នៅចាំបានថា អ្នកប្រដាល់រូបនេះ ក៏បានបង្ហាញវត្តមាននៅក្នុងពិធីស្បថចូលកាន់តំណែងប្រធានាធិបតីអាមេរិក សម្រាប់អាណត្តិទី២ របស់លោក Donald Trump កាលពីខែមករាផងដែរ៕ ផ្ដល់សិទ្ធិដោយ៖ Fresh News

(វ៉ាស៊ីនតោន)៖ បេសកជនពិសេសអាមេរិក លោក Steve Witkoff បានឱ្យដឹងថាលោកប្រធានាធិបតីអាមេរិក ដូណាល់ ត្រាំ ត្រូវបានរំពឹងថានឹងបើកកិច្ចពិភាក្សាតាមទូរស័ព្ទជាមួយប្រធានាធិបតីរុស្ស៉ី លោក វ្ល៉ាឌីមៀ ពូទីន នៅក្នុងសប្ដាហ៍នេះ អំពីមធ្យោបាយដើម្បីបិទបញ្ចប់សង្រ្គាមអូសបន្លាយជាង៣ឆ្នាំមកនេះនៅអ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ លោក Steve Witkoff ធ្វើការកត់សម្គាល់បែបនេះក្នុងបទសម្ភាសន៍ជាមួយទូរទស្សន៍ CNN កាលពីថ្ងៃអាទិត្យ ទី១៦ ខែមីនា និងបន្ទាប់ពីរូបលោកត្រឡប់ទៅកាន់សហរដ្ឋអាមេរិកវិញ ក្រោយបញ្ចប់ទស្សនកិច្ច ក្នុងប្រទេសរុស្ស៉ី និងបានជួបលោក ពូទីន ក្នុងជំនួបមួយនៅទីក្រុងមូស្គូ ដែលលោកចាត់ទុកថាជាជំនួបដ៏វិជ្ជមាន។ លោក Witkoff បានលើកឡើងដូច្នេះថា «ខ្ញុំរំពឹងថាវានឹងមានកិច្ចពិភាក្សាតាមទូរស័ព្ទរវាង ប្រធានាធិបតីទាំង២ នៅក្នុងសប្ដាហ៍នេះ ហើយយើងក៏កំពុងបន្តទំនាក់ទំនង និងមានកិច្ចសន្ទនាជាមួយអ៊ុយក្រែនផងដែរ»។ លោក Witkoff ក៏បានបញ្ជាក់ដែរថារូបលោកផ្ទាល់រំពឹងថាកិច្ចពិភាក្សារវាងលោក ត្រាំ និងលោក ពូទីន នឹងប្រព្រឹត្តទៅដោយប្រកបដោយភាពល្អប្រសើរ និងវិជ្ជមាន។ គួរបញ្ជាក់ថា លោក ត្រាំ កំពុងព្យាយាមបញ្ចុះបញ្ចូលឱ្យលោក ពូទីន យល់ព្រមទទួលយកបទឈប់បាញ់បណ្ដោះអាសន្នមួយមានរយៈពេល៣០ថ្ងៃ ដែលអ៊ុយក្រែនបានយល់ព្រមទទួលយកកាលពីសប្ដាហ៍ មុន។ ប៉ុន្តែ មកទល់នឹងពេលនេះរុស្ស៉ីមិនបានបដិសេធ […]

(ម៉ានីល)៖ ប្រជាជនហ្វីលីពីនដែលជាអ្នកគាំទ្រលោក Rodrigo Duterte ប្រហែលជា ២០ ០០០នាក់ បានចូលរួមនៅក្នុងក្បួនដង្ហែរមួយនៅក្នុងទីក្រុង Davao នៃប្រទេសហ្វីលីពីន កាលពីថ្ងៃអាទិត្យ ទី១៦ ខែមីនា ដើម្បីបង្ហាញការគាំទ្រ និងទាមទារឱ្យមានការដោះលែង ព្រមទាំងធ្វើមាតុភូមិនិវត្តន៍អតីតប្រធានាធិបតីរូបនេះ ដែលកំពុងប្រឈមមុខនឹងសវនាការ នៅឯតុលាការព្រហ្មទណ្ឌអន្តរជាតិ ICC ក្រោមបទចោទឧក្រិដ្ឋកម្មប្រឆាំងមនុស្សជាតិ ពាក់ព័ន្ធនឹងសង្រ្គាមប្រឆាំងគ្រឿងញៀនរបស់លោក។ នេះបើតាមការចេញផ្សាយដោយសារព័ត៌មាន ហ្វីលីពីន Rappler។ ក្រុមអ្នកគាំទ្រលោក Duterte បានប្រែក្លាយការប្រារព្ធពិធីខួបលើកទី៨៨នៃការបង្កើតទីក្រុង Davao ដែលជាទីក្រុងកំណើតរបស់លោក Duterte ទៅជាការបង្ហាញការគាំទ្រ និងនាំគ្នាស្រែក ច្រៀង ក៏ដូចជាទាមទារឱ្យមានការធ្វើមាតុភូមិនិវត្តន៍អតីតមេដឹកនាំរូបនេះត្រឡប់មកកាន់ហ្វីលីពីនវិញ។ លោក Duterte ត្រូវបានបញ្ជូនទៅកាន់ទីក្រុងឡាអេ ដើម្បីប្រឈមនឹងសវនាការរបស់ ICC កាលពីថ្ងៃពុធ ទី១២ ខែមីនាកន្លងទៅ ពោលតែមួយថ្ងៃប៉ុណ្ណោះបន្ទាប់ពីរូបលោកត្រូវបានចាប់ខ្លួន នៅឯអាកាសយានដ្ឋានអន្តរជាតិទីក្រុងម៉ានីល ក្រោយត្រឡប់មកពីធ្វើទស្សនកិច្ចទៅកាន់ទីក្រុងហុងកុង។ លោកត្រូវបានគេចោទប្រកាន់ថាបានសម្លាប់មនុស្សរាប់ពាន់នាក់ក្រៅប្រព័ន្ធតុលាការ អំឡុងសង្រ្គាមប្រឆាំងគ្រឿងញៀនរបស់លោក។ អតីតប្រធានាធិបតីហ្វីលីពីនរូបនេះ បានបង្ហាញខ្លួនតាមប្រព័ន្ធវីដេអូ ចំពោះមុខសវនាការនៃអង្គជំនុំជម្រះតុលាការ ICC កាលពីថ្ងៃសុក្រ ទី១៤ ខែមីនា។ មនុស្សយ៉ាងហោច ៦២៥២នាក់ […]