(មូស្គូ)៖ នាថ្ងៃព្រហស្បតិ៍ ទី៦ ខែមីនា មន្រ្តីនិងសមាជិកសភានៃប្រទេសរុស្ស៉ី បាននាំគ្នារិះគន់ប្រធានាធិបតីបារាំង លោក Emmanuel Macron សម្រាប់ការនិយាយថា រុស្ស៉ីគំរាមកំហែងអឺរ៉ុប ហើយពួកគេបានព្រមានថា ពាក្យសម្តីបែបនេះ អាចនាំឱ្យ​លោកខាងលិចឆ្ពោះទៅរក មាត់ជ្រោះនៃសង្រ្គាមលោកថ្មីមួយ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ សង្រ្គាមឈ្លានពានរបស់រុស្ស៉ីនៅអ៊ុយក្រែន បានបង្កការប្រឈមមុខដាក់គ្នាធំបំផុតមិនធ្លាប់មាន រវាងលោកខាងលិចនិងរុស្ស៉ី គិតចាប់តាំងពីវិបត្តិមីស៉ីលគុយបាឆ្នាំ១៩៦២មក ហើយទាំងវិមានក្រឹមឡាំងនិងទាំងសេតវិមាន សុទ្ធតែបានព្រមានប្រឆាំង ការបោះជំហានខុស ដែលអាចបង្កឱ្យផ្ទុះជាសង្រ្គាមលោកលើកទី៣។ ប៉ុន្តែភាពរីកចម្រើនរបស់កងទ័ពរុស្ស៉ី លើសមរភូមិនៅអ៊ុយក្រែន កាលពីក្នុងឆ្នាំ២០២៤ បូករួមជាមួយការផ្លាស់ប្តូរមួយទំហឹង នៃគោលនយោបាយរបស់ទីក្រុងវ៉ាស៉ីនតោន ចំពោះអ៊ុយក្រែននិងរុស្ស៉ី និងការទាមទារឱ្យមានកិច្ចព្រមព្រៀងសន្តិភាពឆាប់ៗ ក្រោមអាណត្តិប្រធានាធិបតីអាមេរិក លោក

(ប៉ារីស)៖ កាលពីថ្ងៃពុធ ទី៥ ខែមីនា រដ្ឋាភិបាលបារាំង បានឱ្យដឹងថា ប្រធានាធិបតីបារាំង លោក Emmanuel Macron កំពុងតែពិចារណាលើដំណើរបំពេញទស្សនកិច្ចរួមគ្នា ទៅកាន់សហរដ្ឋអាមេរិក ជាមួយប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី និងនាយករដ្ឋមន្រ្តីអង់គ្លេស លោក Keir Starmer។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ អ្នកនាំពាក្យរដ្ឋាភិបាលបារាំង បានប្រាប់ក្រុមអ្នកសារព័ត៌មាន ក្រោយកិច្ចប្រជុំមួយនៃគណៈរដ្ឋមន្រ្តីបារាំង យ៉ាងដូច្នេះថា «ពេលនេះ កំពុងតែមានការពិចារណា អំពីលទ្ធភាពលោកប្រធានាធិបតី Macron ធ្វើដំណើរទៅកាន់ទីក្រុងវ៉ាស៉ីនតោនម្តងទៀត ជាមួយនិង​លោកប្រធានាធិបតី ហ្សេលេនស្គី ព្រមទាំងសមភាគីអង់គ្លេស គឺលោកនាយករដ្ឋមន្រ្តី

(ប៉ារីស)៖ រដ្ឋមន្រ្តីការពារជាតិនៃប្រទេសបារាំង លោក Sebastien Lecornu បាននិយាយនៅថ្ងៃព្រហស្បតិ៍ ទី៦ ខែមីនា ថា បារាំងកំពុងជួយផ្តល់ព័ត៌មានសម្ងាត់ឱ្យទៅអ៊ុយក្រែន ក្រោយការផ្អាករបស់ទីក្រុងវ៉ាស៉ីនតោន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ កាលពីថ្ងៃពុធសប្តាហ៍នេះ សហរដ្ឋអាមេរិក បានប្រកាសផ្អាកការចែករំលែកព័ត៌មានសម្ងាត់ ជាមួយអ៊ុយក្រែន ខណៈការប្រកាសបែបនេះធ្វើឡើង ត្រឹមតែ​២ថ្ងៃប៉ុណ្ណោះ ក្រោយប្រធានាធិបតីអាមេរិក លោក ដូណាល់ ត្រាំ​ សម្រេចចិត្តផ្អាកការផ្តល់ជំនួយយោធាទាំងអស់ឱ្យទីក្រុងកៀវ។ សកម្មភាពទាំងនេះ ត្រូវគេមើលឃើញថា គឺជាការដាក់សម្ពាធរបស់អាមេរិក ដើម្បីបង្ខំឱ្យប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី យល់ព្រមសហការជាមួយ កិច្ចប្រឹងប្រែងរបស់លោក ត្រាំ

យោងតាមការចុះផ្សាយរបស់ ស្នងការដ្ឋាននគរបាលខេត្តកំពត នាមុននេះបន្តិច បានឱ្យដឹងថា អធិការក្រុងកំពតនិងសហការី បានស្រាវជ្រាវរកស្ត្រីជនជាតិបរទេសដែលបាញ់ថ្នាំពណ៌នៅលើបង្កាន់ដៃស្ពានព្រែកកំពង់បាយបានហើយ។ ជាមួយគ្នានេះដែរ ស្នងការដ្ឋាននគរបាលខេត្តកំពត បានគូសបញ្ជាក់ថា ចំពោះករណីស្ត្រីខាងលើនេះ និងអនុវត្តនិតិវិធីដោយគ្មានការយោគយល់នោះឡើយ ដើម្បីជាគំរូសំរាប់ជនបរទេសដ៏ទៃទៀតកុំអោយធ្វើតម្រាប់តាម។ គួរបញ្ជាក់ផងដែរថា ស្នងការដ្ឋាននគរបាលខេត្តកំពត នារសៀលថ្ងៃទី០៦ ខែមីនា ឆ្នាំ២០២៥ នេះ បានបង្ហោះរូបភាព រួមជាមួយវីដេអូ សកម្មភាព ស្រ្តីជនជាតិបរទេសបាញ់ថ្នាំនៅលើបង្កាន់ដៃស្ពាន ដោយភ្ជាប់ជាមួយខ្លឹមសារដូច្នេះថា៖ «ប្រទេសខ្ញុំខេត្តខ្ញុំមានច្បាប់ទំលាប់ត្រឹមត្រូវ មិនមែនអ្នកឯងចង់ធ្វើអ្វីស្រេចតែអំពើចិត្តនោះទេ អ្នកត្រូវត្រលប់មកសម្អាតស្ពានអោយបានដូចដើមឡើងវិញ សមត្ថកិច្ចកំពុងចុះទៅយកស្ត្រីជនជាតិបរទេសដែលបានបាញ់ថ្នាំលើបង្កាន់ដៃស្ពានព្រែកកំពង់បាយដើម្បីធ្វើការតាមនិតិវិធីច្បាប់និងត្រូវសម្អាតអោយបានស្អាតដូចដើមឡើងវិញ ។ »

(កណ្ដាល)៖ កាលពីថ្ងៃទី៥​ ខែមីនា​ ឆ្នាំ២០២៥​ ក្រុមការងារមន្ទីររ៉ែ​ និងថាមពល​ខេត្តកណ្តាល បានចុះទៅពិនិត្យទីតាំង​រណ្តៅដីមួយកន្លែងរបស់ស្រ្តីឈ្មោះ អីវ​ ស្រីនាង​ ក្នុងភូមិស្រែអំបិល​ ឃុំឈ្វាំង ស្រុពញាឮ​ ខេត្តកណ្តាល​ ដោយសារតែធ្វើខុសលក្ខខណ្ឌអាជ្ញាបណ្ណ ពោលការសុំច្បាប់ជីករណ្តៅដី ការសុំច្បាប់ត្រឹមរដ្ឋបាលស្រុក គឺអនុញ្ញាតត្រឹមតែទំហំកន្លះហិកតាប៉ុណ្ណោះ។ សេចក្តីរាយការណ៍ភ្នាក់ងារព័ត៌មាន Fresh News បានឲ្យដឹងថា ក្រោយចុះពិនិត្យជាក់ស្តែងនៅទីតាំងរណ្តៅដីខាងលើនេះរួចមក ក្រុមការងាររបស់មន្ទីររ៉ែ និងថាមពលខេត្តកណ្តាល បានសម្រេចបិទដំណើរការជាបណ្តោះអាសន្ន ដោយរង់ចាំការសុំច្បាប់ត្រឹមត្រូវឡើងវិញ។ បើតាមសេចក្តីរាយការណ៍ រណ្តៅដីមានអាជ្ញាបណ្ណត្រឹមស្រុក ទំហំ​ ១០០ម គុណ ៥០ម ជម្រៅមធ្យម៦មែត្រ ស្មើ៣០០០០ម៉ែត្រត្រីគុណ​ តែម្ចាស់អាជីវកម្ម

(សៀមរាប)៖ មន្ទីរពេទ្យបង្អែកខេត្តសៀមរាប ជាប់ជ័យលាភីអង្គភាពផ្តល់សេវាសាធារណៈគំរូ ចំណាត់ថ្នាក់លេខ២ សម្រាប់មន្ទីរពេទ្យបង្អែកផ្តល់សេវាសំណុំសកម្មភាពបង្រ្គប់កម្រិត៣គំរូ ឆ្នាំ២០២៤ ក្នុងចំណោមមន្ទីរពេទ្យបង្អែកកម្រិត៣ ចំនួន១០ ទូទាំងប្រទេស។ រាជរដ្ឋាភិបាល តាមរយៈក្រសួងមុខងារសាធារណៈ នៅថ្ងៃទី៦ ខែមីនា ឆ្នាំ២០២៥នេះ បានប្រកាសជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាលប្រចាំឆ្នាំ ២០២៤ ដោយក្នុងនោះ មន្ទីរពេទ្យបង្អែកខេត្តសៀមរាប ជាប់ជ័យលាភីអង្គភាពផ្តល់សេវាសាធារណៈគំរូ ចំណាត់ថ្នាក់លេខ២ សម្រាប់មន្ទីរពេទ្យបង្អែកផ្តល់សេវាសំណុំសកម្មភាពបង្រ្គប់កម្រិត៣គំរូ ខណៈដែលមន្ទីរពេទ្យបង្អែកខេត្តកំពង់ចាម ជាប់ជ័យលាភីលេខ១។ ជ័យលាភីលេខ៣ បានទៅមន្ទីរពេទ្យបង្អែកខេត្តពោធិ៍សាត់, លេខ៤ បានទៅមន្ទីរពេទ្យខេត្តកំពង់ឆ្នាំង, លេខ៥ បានទៅមន្ទីរពេទ្យបង្អែកខេត្តក្រចេះ, លេខ៦ មន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី, លេខ៧ មន្ទីរពេទ្យបង្អែកខេត្តព្រះសីហនុ,

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា រាជរដ្ឋាភិបាលកម្ពុជា កំពុងរៀបចំគិតគូរចុះ «សង្ក្រាន្ដ» ក្នុងបញ្ជីបេតិកភណ្ឌអរូបីយ៍អង្គការយូណេស្កូ ក្នុងពេលឆាប់ៗនេះ ហើយសង្ក្រាន្ត មិនមែនជារបស់ផ្តាច់មុខប្រទេសណាមួយនោះទេ។ ការថ្លែងបែបនេះរបស់សម្តេចបវរធិបតី ហ៊ុន ម៉ាណែត បានធ្វើឡើងក្នុងឱកាសអញ្ជើញជាអធិបតី អបអរសាទរទិវាវប្បធម៌ជាតិ ៣មីនា លើកទី២៧ និងសំណេះសំណាល ពិសាអាហារសាមគ្គីជាមួយសិល្បករ សិល្បការិនី នាថ្ងៃទី៥ ខែមីនា ឆ្នាំ២០២៥នេះ។ សម្តេចបវរធិបតី ហ៊ុន ម៉ាណែត បានថ្លែងថា ជោគជ័យនៃការចុះបញ្ជី ទាំងបេតិកភណ្ឌរូបី និងអរូបី បន្តក្លាយជាមោទនភាពជាតិ និងបន្តពង្រឹងរូបភាពកម្ពុជាលើឆាកអន្តរជាតិ

(សៀមរាប)៖ ករណីឃាតកម្មបង្កឡើងដោយជនសង្ស័យម្នាក់ បានធ្វើសកម្មភាពយកកាំភ្នើងកែឆ្នៃ (កាំភ្លើងឆ្នុក) បាញ់ទៅលើបុរសជាជនរងគ្រោះម្នាក់ ឈ្មោះ ឌុក ឌឿម អាយុ៥០ឆ្នាំ មុខរបរ ភ្នាក់ងារអភិរក្សប្រាសាទ (អាជ្ញាធរអប្សរា) ពីក្រោយខណៈពេលកំពុងអង្គុយជួបជុំនៅផ្ទះបងប្អូនបណ្ដាលឲ្យស្លាប់ពេលយកទៅដល់មណ្ឌលសុខភាពខ្នងភ្នំ។ ហេតុការណ៍នេះកើតឡើងកាលពីវេលាម៉ោង ២០និង៤៥នាទី ថ្ងៃទី០៤ ខែមីនា ឆ្នាំ២០២៥ នៅចំណុចភូមិថ្មជ្រួញ ឃុំខ្នងភ្នំ ស្រុកស្វាយលើ ខេត្តសៀមរាប។ យោងតាមរបាយការណ៍របស់អាវុធហត្ថខេត្តសៀមរាប បានឲ្យដឹងថា ដោយអនុវត្តតាមបទបញ្ជារបស់លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថ​ខេត្តសៀមរាប កម្លាំងជំនាញការិយាល័យព្រហ្មទណ្ឌ បានចុះ សហការជាមួយកម្លាំងជំនាញមូលដ្ឋានកងរាជអាវុធហត្ថស្រុកស្វាយលើ ធ្វើការស្រាវជ្រាវយ៉ាងយកចិត្តទុកដាក់រហូតឈានដល់ការឃាត់ខ្លួនបានជនសង្ស័យឈ្មោះ លឹម វ៉ាន់ អាយុ២០ឆ្នាំ

(សេអ៊ូល)៖ មន្ត្រីកូរ៉េខាងត្បូងម្នាក់ បានឱ្យដឹងថាមនុស្សយ៉ាងហោច ៨នាក់បានរងរបួស នៅថ្ងៃព្រហស្បតិ៍ ទី៦ ខែមីនានេះ បន្ទាប់ពីគ្រាប់ផ្លោងមួយគ្រាប់បានធ្លាក់ចំតំបន់ទីប្រជុំជនមួយ ដោយបណ្ដាលឱ្យផ្ទះជាច្រើនខ្នង និងវិហារគ្រឹស្តមួយរងការខូចខាត អំឡុងការធ្វើសមយុទ្ធយោធាបាញ់គ្រាប់ពិត ក្នុងទីក្រុង Pocheon។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ មន្ត្រីម្នាក់មកពីអង្គភាពពន្លត់អគ្គិភ័យ Gyeonggi-do Bukbu Fire Services បានបញ្ជាក់ទៀតថាក្នុងចំណោមមនុស្សទាំង៨នាក់ដែលបានរងរបួស មាន៤នាក់រងរបួសធ្ងន់ធ្ងរ។ ទីក្រុង Pocheon ស្ថិតនៅចម្ងាយ ៤០គីឡូម៉ែត្រពីភាគឦសានទីក្រុងសេអ៊ូល និងស្ថិតនៅក្បែរតំបន់ព្រំដែនជាមួយកូរ៉េខាងជើង។ មន្ត្រីនេះដដែលបន្ថែមថាក្រុមភ្នាក់ងារពន្លត់អគ្គិភ័យសង្ស័យថាគ្រាប់ផ្លោងដែលបានធ្លាក់ក្នុងទីក្រុង Pocheon គឺមានប្រភព ចេញពីទីតាំងធ្វើសមយុទ្ធយោធារួមគ្នាបាញ់គ្រាប់ពិតមួយរវាងកូរ៉េខាងត្បូង និងសហរដ្ឋអាមេរិក ដោយមិនបានបញ្ជាក់ពីប្រភេទគ្រាប់ផ្លោងនេះនោះទេ។ ប៉ុន្តែមានការសង្ស័យថាគ្រាប់ផ្លោងនោះទំនងជាត្រូវបាញ់ចេញពី យន្ដហោះចម្បាំងមួយគ្រឿង

(វ៉ាស៊ីនតោន)៖ នាយកទីភ្នាក់ងារស៊ើបការណ៍សម្ងាត់អាមេរិក CIA លោក John Ratcliffe បានឱ្យដឹងកាលពីថ្ងៃពុធ ទី៥ ខែមីនា ថាសហរដ្ឋអាមេរិកបានផ្អាកការចែករំលែកការស៊ើបការណ៍សម្ងាត់ ជាមួយអ៊ុយក្រែន បន្ទាប់ពីមានសង្រ្គាមពាក្យសម្ដីរវាងលោក ដូណាល់ ត្រាំ និងលោក វ៉ូឡូឌីមៀ ហ្សេលេនស្គី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ លោក ត្រាំ និងលោក ហ្សេលេនស្គី បានប៉ះសម្ដីគ្នាខ្លាំងនៅឯសេតវិមានកាលពីសប្ដាហ៍មុន ហើយនៅដើមសប្ដាហ៍នេះលោក ត្រាំ បានបញ្ជាឱ្យផ្អាកការផ្ដល់ជំនួយយោធាសម្រាប់អ៊ុយក្រែន។ លោក Ratcliffe បានទទួលស្គាល់ថាការចែករំលែកការស៊ើបការណ៍សម្ងាត់ក៏ត្រូវបានផ្អាកផងដែរ។ «លោកប្រធានាធិបតី ត្រាំ មានបញ្ហាជាក់ស្ដែងមួយថាតើលោកប្រធានាធិបតី ហ្សេលេនស្គី ពិតជាមាន ការប្ដេជ្ញាចិត្តចំពោះដំណើរការស្វែងរកសន្តិភាពឬក៏យ៉ាងណា?»។