(កំពង់ស្ពឺ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា ក្នុងឆ្នាំ២០២២ មានករណីឆ្លងថ្មីនៃមេរោគអេដស៍នៅកម្ពុជាចំនួន១,៤០០ករណី ដែលកើនលើសឆ្នាំ២០២១ដល់ទៅ៣០០ករណី ដូច្នេះសម្ដេចតេជោក៏បានអំពាវនាវសាជាថ្មីដល់ប្រជាពលរដ្ឋ អាជ្ញាធរពាក់ព័ន្ធ និងបុគ្គលិកសុខាភិបាលទូទាំងប្រទេសចូលរួមទប់ស្កាត់ការឆ្លងមេរោគ/ជំងឺអេដស៍នេះឡើងវិញ។ ការអំពាវនាវយ៉ាងដូច្នេះរបស់សម្ដេចតេជោ ធ្វើឡើងក្នុងឱកាសជួបសំណេះសំណាលជាមួយកម្មករ/កម្មការិនីប្រមាណជិត២ម៉ឺននាក់ នៅក្រុងច្បារមន និងស្រុកសំរោងទង នៃខេត្តកំពង់ស្ពឺ នាព្រឹកថ្ងៃទី២៧ ខែមិថុនា ឆ្នាំ២០២៣។ នាឱកាសនោះ សម្ដេចតេជោ ហ៊ុន សែន បានបង្ហាញរបាយការណ៍របស់អាជ្ញាធរជាតិប្រយុទ្ធប្រឆាំងជំងឺអេដស៍ថា នៅឆ្នាំ២០២២ មានករណីឆ្លងថ្មីនៃមេរោគអេដស៍នៅកម្ពុជាចំនួន១,៤០០ករណី ដែលកើនលើសឆ្នាំ២០២១ដល់ទៅ៣០០ករណី ហើយភាគច្រើនកើតលើអ្នកស្រឡាញ់ភេទដូចគ្នា ពិសេសប្រុសនិងប្រុស។ សម្ដេចតេជោបានបន្តថា តាមរយៈការដាក់ចេញគោលនយោបាយទប់ស្កាត់របស់រាជរដ្ឋាភិបាល ជំងឺអេដស៍នេះបានថមថយនៅក្នុងប្រទេសកម្ពុជាយ៉ាងប្រសើរទៅហើយ ប៉ុន្តែបែរជាមកកើនឡើងក្នុងដំណាក់កាលចុងក្រោយនេះវិញ ដែលទាមទារឱ្យគ្រប់គ្នានៅទូទាំងប្រទេសមានការប្រុងប្រយ័ត្ន និងបង្កើនវិធានការទប់ស្កាត់។ សម្ដេចតេជោបានថ្លែងយ៉ាងដូច្នេះថា «អ្វីដែលជាកង្វល់ គឺការឆ្លងមេរោគអេដស៍ ដែលមានការកើនឡើងដល់ទៅ៣០០ករណី, នៅឆ្នាំ២០២២ មានករណីឆ្លង១៤០០ករណី គឺកើនលើសឆ្នាំ២០២១ដល់ទៅ៣០០ករណី ភាគច្រើនកើតលើអ្នកយកភេទដូចគ្នា ពិសេសប្រុសនិងប្រុស….ជំងឺអេដស៍មិនទាន់អស់ពីកម្ពុជានោះទេ ដូច្នេះត្រូវតែមានការប្រុងប្រយ័ត្ន»។ សម្ដេចតេជោនាយករដ្ឋមន្ត្រីបានបន្តទៀតថា នៅប្រទេសកម្ពុជាគ្មានការរើសអើងចំពោះអ្នកស្រឡាញ់ភេទដូចគ្នានោះទេ ហើយច្បាប់នៅកម្ពុជាក៏គ្មានការហាមឃាត់មិនឱ្យស្រឡាញ់ភេទដូចគ្នាដែរ គ្រាន់តែច្បាប់មិនអនុញ្ញាតឱ្យប្រជាជនដែលមានភេទដូចគ្នារៀបការនឹងគ្នានោះឡើយ។ សម្ដេចតេជោក៏បានអំពាវនាវដល់សាធារណជនទូទៅ សូមកុំមានការរើសអើងចំពោះអ្នកស្រឡាញ់ភេទដូចគ្នាឱ្យសោះ និងគួរផ្ដល់ឱកាសការងារសម្រាប់ពួកគេ រាប់អានគ្នាធម្មតាក្នុងភាពជាប្រជាជាតិតែមួយ។ សម្ដេចតេជោបានក្រើនរំឭកថា […]

(មូស្គូ)៖ លោក ឡេអូនីត ស្លាត់ស្គី (Leonid Slutsky) ដែលជាសមាជិកសភាជាន់ខ្ពស់មួយរូបរបស់រុស្ស៉ី នៅថ្ងៃចន្ទសប្តាហ៍នេះបានអំពាវនាវឲ្យមាន ការបង្កើនកងទ័ពជំនាញដល់ចំនួន ៧លាននាក់ ដើម្បីធានាថាក្រុមទាហានស៉ីឈ្នួលគ្មានភាពចាំបាច់ក្នុងភារកិច្ចការពារសន្តិសុខរបស់ប្រទេស។ នេះបើ យោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។   ប្រទេសរុស្ស៉ី ត្រូវបានរង្គោះរង្គើដោយការបះបោរដែលបរាជ័យរបស់លោក យេវហ្គីនី ព្រីហ្គោហ្ស៉ីន (Yevgeny Prigozhin) ថៅកែក្រុមហ៊ុនទាហានស៉ីឈ្នួល Wagner កាលចុងសប្តាហ៍មុន។ លោក ស្លាត់ស្គី ដែលធ្លាប់ចូលរួមក្នុងការចរចាជាច្រើនទាក់ទងនឹងយុទ្ធនាការរបស់ទីក្រុងមូស្គូក្នុងប្រទេសអ៊ុយក្រែន បាននិយាយថា រុស្ស៉ីត្រូវការកងទ័ពជំនាញយ៉ាងហោចណាស់ ៧លាននាក់ និងបុគ្គលិកស៉ីវិលបម្រើការក្នុងជួរទាហានបច្ចុប្បន្ន។ លោក ស្លាត់ស្គី បានគូសបញ្ជាក់ថា «រុស្ស៉ីមិនត្រូវការក្រុមហ៊ុនយោធាឯកជន និងការចូលចិត្តពីពួកគេនោះទេ។ មានបញ្ហាខ្លះនៅក្នុងជួរកងទ័ព ប៉ុន្តែក្រុមហ៊ុនយោធាឯកជន មិនអាចដោះស្រាយវាបានទេ។   គួរបញ្ជាក់ថា នៅចុងឆ្នាំ២០២២ លោក ពូទីន បានគាំទ្រការបង្កើនកងទ័ពប្រយុទ្ធឲ្យដល់ចំនួន ១.៥លាននាក់ ដោយក្នុងនោះរួមទាំងទាហានជាប់កិច្ចសន្យា ពីចំនួន ៦៩៥,០០០នាក់រហូតដល់ចំនួន ១.១៥លាននាក់។ ការបង្កើតកងទ័ពកិច្ចសន្យាចំនួន ៧លាននឹងត្រូវការប្រាក់ឧបត្ថម្ភថវិកាយ៉ាងច្រើន […]

(ភ្នំពេញ)៖ រាជរដ្ឋាភិបាលកម្ពុជា នៅព្រឹកថ្ងៃទី២៧ ខែមិថុនានេះ បានប្រគល់ប្រាក់រង្វាន់លើកទឹកចិត្តដល់គ្រូបង្វឹក គ្រូជំនួយ និងកីឡាករ-កីឡាការិនីជ័យលាភីកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលមានទឹកប្រាក់សរុបចំនួន ២៧,៣០៣,៦០០,០០០រៀល ស្មើនឹងប្រមាណ ៦,៦៥៩,៤១៤ដុល្លារអាមេរិក។ ការប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាលកម្ពុជា ធ្វើឡើងក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC/CAMAPGOC តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅក្នុងកិច្ចប្រជុំបូកសរុបលទ្ធផលការងាររៀបចំការប្រកួត និងពិធីប្រគល់ប្រាក់រង្វាន់លើកទឹកចិត្ដដល់អត្តពលិកជ័យលាភី និងគ្រូបង្វឹក-គ្រូជំនួយ ។ លោកបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រយ៍ CAMSOC/CAMAPGOC បានបញ្ជាក់ថា ដោយទទួលបានការយកចិត្ដទុកដាក់ខ្ពស់ពីរាជរដ្ឋាភិបាល គឺបានចេញអនុក្រឹត្យផ្ដល់ប្រាក់រង្វាន់ជូនអត្តពលិកជាតិ និងគ្រូបង្វឹក-គ្រូជំនួយ ដោយមេដាយមាស ទទួលបាន ៤០លានរៀល មេដាយប្រាក់ ៣០លានរៀល និងមេដាយសំរឹទ្ធ ១៦លានរៀល ខណៈគ្រូបង្វឹក ទទួលបានដូចកីឡាករមេដាយខ្ពស់បំផុតរបស់ខ្លួន និងគ្រូជំនួយក៏ទទួលបាន ៧០% នៃគ្រូបង្វឹកផងដែរ ។ គួរដឹងថា […]

(កំពង់ស្ពឺ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី២៧ ខែមិថុនា ឆ្នាំ២០២៣នេះ បានប្រកាសឲ្យដឹងថា ក្រោយការបោះឆ្នោត ជ្រើសតាំងតំណាងរាស្ដ្រ នីតិកាលទី៧ ឆ្នាំ២០២៣ ចាប់ពីថ្ងៃទី២៧ ខែកក្កដា ឆ្នាំ២០២៣ សម្ដេចនឹងបន្ដចុះជួបជាមួយនឹងកម្មករ-និយោជិត ចំនួន១០លើកបន្ថែមទៀត។ ការប្រកាសបែបនេះ ធ្វើឡើងក្នុងឱកាសដែល សម្ដេចតេជោ ហ៊ុន សែន បន្តចុះជួបសំណេះសំណាលជាមួយកម្មករ និយោជិតសរុប ១៩,០៨៥នាក់ មកពីរោងចក្រ សហគ្រាសចំនួន៩ ដែលកំពុងដំណើរការអាជីវកម្ម ក្នុងក្រុងច្បារមន និងស្រុកសំរោងទង ខេត្តកំពង់ស្ពឺ នាព្រឹកថ្ងៃទី២៧ ខែមិថុនា ឆ្នាំ២០២៣នេះ។ សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «បន្ទាប់ពីការបោះឆ្នោតរួចហើយ យើងបោះឆ្នោតថ្ងៃទី២៣ ខែកក្កដា ចឹងថ្ងៃទី២៧ ខែកក្កដា ពូនឹងដើរជួប១០ទីកន្លែងគោលដៅទៀត»។ សម្តេចតេជោ ហ៊ុន សែន បានថ្លែងថា ការចុះជួបជាមួយកម្មករ-និយោជិត មិនមែនដើម្បីតែសន្លឹកឆ្នោតប៉ុណ្ណោះទេ តែជាការចុះជួប ដើម្បីសិក្សាដាក់ចេញនូវគោលនយោបាយនានា ដែលរាជរដ្ឋាភិបាល ត្រូវផ្ដល់ជូនប្រជាពលរដ្ឋ។ […]

(ភ្នំពេញ)៖ យុវជន កែវ តុងសុីង អាយុ១៦ឆ្នាំ ជាសិស្សថ្នាក់ទី៨ នៃសាលាសុវណ្ណាភូមិសាខាពោធិ៍ចិនតុង បានបាត់ចេញពីផ្ទះម៉ោងជាង១២ថ្ងៃត្រង់ ថ្ងៃទី២៦ ខែមិថុនា ឆ្នាំ២០២៣ម្សិលមិញ នៅសង្កាត់កាកាប ខណ្ឌពោធិ៍សែនជ័យ ហើយមិនឃើញត្រឡប់មកវិញ។ ពេលចេញផ្ទះយុវជន កែវ តុងស៉ីង ពាក់អាវយឺតខ្មៅ ខោប្រផេះ ស្ពាយកាតាបពណ៌ទឹកដោះគោ និងជិះកង់ពណ៌ក្រហម (ដូចក្នុងរូប)។ ពេលនេះគ្រួសារកំពុងព្រួយបារម្ភជាខ្លាំង ព្រោះរាល់ដង់ពេលទៅរៀនគាត់តែងត្រឡប់មកផ្ទះវិញនៅម៉ោង៥ តែឥលូវអត់ឃើញមកវិញទេ។ ប្រសិនបើបងប្អូនណាប្រទះឃើញ សូមទំនាក់ទំនងលេខក្រុមគ្រួសាររបស់គាត់ 087851449 និង093 755 554៕​ ផ្តល់សិទ្ធិដោយ៖ Fresh News

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន នៅថ្ងៃចន្ទសប្ដាហ៍នេះបាននិយាយថាការបះបោររបស់ក្រុមទាហានស៊ីឈ្នួល Wagner ប្រឆាំង នឹងវិមានក្រឹមឡាំង គឺជាជម្លោះផ្ទៃក្នុងរបស់រុស្ស៉ី ហើយសហរដ្ឋអាមេរិក និងសម្ព័ន្ធមិត្តមិនមានជាប់ពាក់ព័ន្ធ ឬចូលរួមក្នុងអំពើបះបោរនេះនោះទេ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២៧ ខែមិថុនា ឆ្នាំ២០២៣។ លោក បៃដិន ធ្វើការកត់សម្គាល់ខាងលើ នៅក្នុងការអត្ថាធិប្បាយមួយពាក់ព័ន្ធនឹងការបះបោររបស់ក្រុមទាហានស៊ីឈ្នួល Wagner កាលពីថ្ងៃសៅរ៍ ចុងសប្ដាហ៍កន្លងទៅ។ លោក បៃដិន បានគូសបញ្ជាក់ដូច្នេះថា «យើងបានបញ្ជាក់យ៉ាងច្បាស់ថាយើងមិនមានជាប់ពាក់ព័ន្ធនោះទេ ហើយក៏មិនបានធ្វើ អ្វីទាំងអស់ពាក់ព័ន្ធនឹងរឿងនេះ (ការបះបោរ)»។ លោកបន្ថែមទៀតថាលោកផ្ទាល់បានបញ្ជាឱ្យក្រុមមន្ត្រីទីប្រឹក្សាសន្តិសុខជាតិរបស់លោកធ្វើបច្ចុប្បន្នភាព ពីស្ថានការណ៍ជាប្រចាំ និងបានត្រៀមលក្ខណៈជាស្រេចចំពោះសេណារីយ៉ូអាក្រក់ តែមិនបានលម្អិតអ្វីបន្ថែមលើសពីនេះទេ។ គួរបញ្ជាក់ថា ការលើកឡើងរបស់លោក ចូ បៃដិន កើតមានឡើងបន្ទាប់ពីប្រព័ន្ធផ្សព្វផ្សាយរុស្ស៉ី បានរាយការណ៍ថាទីភ្នាក់ងារស៊ើបការណ៍សម្ងាត់រុស្ស៉ី កំពុងបើកការស៊ើបអង្កេតថាតើទីភ្នាក់ងារស៊ើបការណ៍សម្ងាត់លោកខាងលិច មានជាប់ពាក់ព័ន្ធនឹងការបះបោរមិនបានសម្រេចរបស់ទាហានស៊ីឈ្នួល Wagner ដែរឬក៏យ៉ាងណា៕ ផ្តល់សិទ្ធិដោយ៖ Fresh News

SpringLeaf Cambodia – ម៉ាកសញ្ញាអាហារបំប៉នសុខភាពលេខ 1 នៅកម្ពុជា – នាំយកនូវអាហារបំប៉នសុខភាពធម្មជាតិដែលមានគុណភាពល្អបំផុត និងតម្លៃសមរម្យពីប្រទេសអូស្ត្រាលីជូនដល់អតិថិជនកម្ពុជា។ SpringLeaf Cambodia បានចូលរួមក្នុងព្រឹត្តិការណ៍ពិព័រណ៍មុខទំនិញឈានមុខគេមួយរបស់អតិថិជនក្នុងប្រទេសកម្ពុជាគឺ «ពិព័រណ៍សម្រស់ឆ្នាំ 2023»។ ពិព័រណ៍នេះមានគោលបំណងប្រមូលផ្តុំអាជីវកម្មសំខាន់ៗទាំង 4 រួមមាន៖ អចលនទ្រព្យ យានយន្ត ផលិតផល/សេវាកម្មអាពាហ៍ពិពាហ៍ ផលិតផលសម្រស់ និងរបៀបរស់នៅ ព្រមទាំងផលិតផលពាក់ព័ន្ធផ្សេងៗទៀត។ ពិព័រណ៍សម្រស់ឆ្នាំ 2023 ប្រព្រឹត្តទៅមានរយៈពេល 2ថ្ងៃ គឺចាប់ពីថ្ងៃទី 17 ដល់ថ្ងៃទី 18 ខែមិថុនា ឆ្នាំ 2023 នៅ Premier Sensok។ អ្នកចូលរួមប្រមាណ 20,000 នាក់រីករាយក្នុងការទិញទំនិញ ក៏ដូចជាចូលរួមលេងកម្សាន្តក្នុងសកម្មភាពច្នៃប្រតិដ្ឋ ប្រកបដោយស្នាមញញឹម និងភាពសប្បាយរីករាយជាមួយនឹងព្រឹត្តិការណ៍លក់បញ្ចុះតម្លៃតាមរដូវកាលជាច្រើន។ ខណៈពេលដែលតម្រូវការទិញទំនិញរបស់អតិថិជនកម្ពុជាកើនឡើង ហើយពួកគេកាន់តែយកចិត្តទុកដាក់ចំពោះសុខភាពនោះ តម្រូវការអាហារបំប៉នសុខភាពដែលមានតម្លៃសមរម្យ និងស្តង់ដាខ្ពស់នៅក្នុងប្រទេសក៏មានការកើនឡើងផងដែរ។ ដូច្នេះហើយ SpringLeaf ដែលជាម៉ាកសញ្ញាផលិតផលអាហារបំប៉នសុខភាពដ៏ល្បីល្បាញផលិតនៅប្រទេសអូស្ត្រាលីមួយនេះ តែងតែចាត់ទុកគុណភាពជាអាទិភាពខ្ពស់បំផុត ហើយបច្ចុប្បន្ន យើងមានបេសកកម្មដើម្បីភ្ជាប់អតិថិជនកម្ពុជាទៅនឹងតម្រូវការសុខភាពរបស់ពួកគេ ដោយធានាថាពួកគេនឹងទទួលបានអាហារបំប៉នសុខភាពធម្មជាតិលំដាប់ខ្ពស់បំផុតពីប្រទេសអូស្ត្រាលីជាមួយនឹងតម្លៃដ៏សមរម្យ។ លោក […]

(ប៉េកាំង)៖ លោក Bill Gates បានជួបជាមួយនឹង លោក Xi Jinping នៅថ្ងៃសុក្រសប្តាហ៍នេះ ដែលជាជំនួបមួយទល់នឹងមួយលើកដំបូងរបស់មេដឹកនាំចិន ជាមួយអ្នកជំនួញលោកខាងលិចក្នុងរយៈពេលប៉ុន្មានឆ្នាំមកនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន​ AFP នៅថ្ងៃសុក្រ ទី១៦ ខែមិថុនា ឆ្នាំ២០២៣។ លោក Gates ដែលជាសហស្ថាបនិកក្រុមហ៊ុន Microsoft (MSFT) និងជាមហាសេដ្ឋីលំដាប់ទីប្រាំរបស់ពិភពលោក កំពុងនៅទីក្រុងប៉េកាំងក្នុងសប្តាហ៍នេះ សម្រាប់ការធ្វើដំណើរលើកដំបូងរបស់លោក ទៅកាន់រដ្ឋធានីរបស់ប្រទេសចិន ចាប់តាំងពីឆ្នាំ ២០១៩ មុនពេលជំងឺរាតត្បាកូវីដ១៩។ ក្នុងជំនួបទ្វេរភាគី លោក Xi បានអំពាវនាវឱ្យ លោក Gates ឱ្យជួយលើកកម្ពស់ទំនាក់ទំនងរវាងសហរដ្ឋអាមេរិក និងចិន ដោយបានស្វាគមន៍មហាសេដ្ឋីបច្ចេកវិទ្យារូបនេះយ៉ាងកក់ក្តៅផងដែរ។ លោក Xi និយាយថា «ខ្ញុំរីករាយណាស់ដែលបានជួបអ្នក។ យើង​មិន​បាន​ជួប​គ្នា​ជាង​បី​ឆ្នាំ​មក​ហើយ… ហើយ​អ្នក​គឺ​ជា​មិត្ត​ចាស់​របស់​យើង»។ លោក Xi បានបន្តប្រាប់​លោក Gates ថា «ខ្ញុំជឿថា មូលដ្ឋានគ្រឹះនៃទំនាក់ទំនងចិន-អាមេរិក គឺស្ថិតនៅលើប្រជាជន។ ជាមួយនឹងស្ថានភាពពិភពលោកបច្ចុប្បន្ន យើងអាចអនុវត្តសកម្មភាពផ្សេងៗដែលផ្តល់ផលប្រយោជន៍ដល់ប្រទេសរបស់យើង […]

​ខេត្តកំពត៖ លោកឧត្តមសេនីយ៍ទោ ម៉ៅច័ន្ទ មធុរិទ្ធ ស្នងការនគរបាលខេត្តកំពត នៅថ្ងៃទី១៦ ខែមិថុនា​ ឆ្នាំ២០២៣ បានចេញលិខិត កោះហៅលោក ហ៊ី គឹមហុង និងលោក ចេង សង្ហាក់ ដែលជាអគ្គនាយក និងអគ្គនាយករងក្រុមហ៊ុនពិភពដីមាស ឱ្យចូលមកកាន់ស្នងការដ្ឋាននគរបាលខេត្តកំពត នៅថ្ងៃទី២៦ ខែមិថុនា ឆ្នាំ២០២៣ វេលាម៉ោង ៩ព្រឹក ដើម្បីសាកសួរតាមបណ្តឹងរបស់ប្រជាពលរដ្ឋនៅខេត្តកំពតពីបទ ឆបោកមានស្ថានទម្ងន់ទោស​។ លោកឧត្តមសេនីយ៍ទោ ម៉ៅច័ន្ទ មធុរិទ្ធ បានសរសេររៀបរាប់ថា៖ «លិខិតផ្លូវការនិងទៅដល់លោកអគ្គនាយកនិងអគ្គនាយករងក្រុមហ៊ុនពិភពដីមាសឆាប់ៗខាងមុខនេះ ដើម្បីមកពិភាក្សារលើបណ្តឹងរបស់ប្រជាពលរដ្ឋនៅខេត្តកំពតចំនួន 259 បណ្តឹង នៅថ្ងៃទី 26 ខែមិថុនា ឆ្នាំ 2023 វេលាម៉ោង 9 ព្រឹកនៅស្នងការដ្ឋាននគរបាលខេត្តកំពត»៕

(ភ្នំពេញ)៖ លោកវរសេនីយ៍ទោ ម៉ែន ម៉ារ៉ាឌី មានតួនាទីជានាយករងបៀវត្សរ៍នគរបាលជាតិ លោកវរសេនីយ៍ទោ ណុប បូ មានតួនាទីជានាយរងការិយាល័យគ្រប់គ្រងឯកសារ នៃនាយកដ្ឋានបុគ្គលិក ក្រសួងមហាផ្ទៃ ត្រូវបានដកចេញពីមុខតំណែង ហើយបណ្តេញចេញពីក្របខ័ណ្ឌមន្រ្តីនគរបាលជាតិ។ សេចក្តីសម្រេចនេះ ធ្វើឡើងតាមរយៈប្រកាសរបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃទី១៦ ខែមិថុនា ឆ្នាំ២០២៣។ មន្ត្រីនគរបាលទាំង២រូបនេះ បានខុសឆ្គងនឹងវិន័យរបស់កងកម្លាំងនគរបាលជាតិ។ ប្រកាសបានឱ្យដឹងថា ប្រាក់បៀវត្ស និងរបបឧបត្ថម្ភផ្សេងៗរបស់មន្ត្រីទាំង២រូប ត្រូវកាត់ផ្តាច់ និងលុបចេញមន្ត្រីនគរបាលជាតិចាប់ពីខែកញ្ញា ឆ្នាំ២០២៣ តទៅ៕ ខាងក្រោមនេះជាប្រកាសរបស់សម្តេចក្រឡាហោម ស ខេង៖