(ភ្នំពេញ)៖ ភាពស្រពាប់ស្រពោន ក្តីព្រួយបារម្ភរបស់ឪពុកម្តាយ និងគ្រួសាររបស់កុមារា លីម រ៉ានុត បានប្រែមកជាស្រស់ថ្លា និងរីករាយវិញហើយ បន្ទាប់ពីដុំសាច់ដ៏ធំក្នុងខួរ​ក្បាលរបស់កុមារារូបនេះ ត្រូវបានវះកាត់យកចេញដោយជោគជ័យពីសំណាក់ក្រុមគ្រូ​ពេទ្យគន្ធបុប្ផាទីតាំងវត្តភ្នំ ដោយប្រើពេលវេលា៨ម៉ោង។ កុមារា លីម រ៉ានុត អាយុ ១៣ឆ្នាំ មកពីភូមិកាំពី ឃុំសំបុក ស្រុកចិត្របុរី ខេត្តក្រចេះ ត្រូវ​បានឪពុកម្តាយនាំមករកសេវាព្យាបាលពីមន្ទីរពេទ្យគន្ធបុប្ផាសាខាវត្តភ្នំ កាលពីសប្តាហ៍​កន្លងទៅនេះ។ កុមារា លីម រ៉ានុត បានកើតអាការៈឈឺក្បាលរយៈពេលប្រមាណ​ជាពីរ​ឆ្នាំ​​មក​ហើយ។ ពេលឈឺក្បាលម្តងៗម្តាយចេះតែយកថ្នាំបំបាត់ការឈឺចាប់ឱ្យកូនលេប ដោយ​មិនបានដឹងពីប្រភពនៃជំងឺនោះឡើយ។ ពីរឆ្នាំក្រោយនៅពេលសាច់ដុះកាន់តែធំ ថ្នាំលេបបំបាត់ការឈឺចាប់លែងមានប្រសិទ្ធ​ភាព ទើបសម្រេចនាំកូនមករកសេវាព្យាបាលនៅមន្ទីរពេទ្យគន្ធបុប្ផា ដែលជា​ពេទ្យ​ទេវ​តា ពេទ្យសប្បុរសដ៏ធំនៅកម្ពុជា។ ក្រុមគ្រូពេទ្យបានរកឃើញថា កុមារា រ៉ានុត មានជំងឺដុះដុំសាច់ក្នុងខួរក្បាល ហើយដុំ​សាច់​នោះ មានទំហំធំស្ទើរពេញខួរក្បាលទៅហើយ។ អាការៈជំងឺ តម្រូវឱ្យក្រុមគ្រូពេទ្យ​វះ​កាត់ជាបន្ទាន់ ដើម្បីសង្គ្រោះកុមារារូបនេះ។ ទាំងឪពុកម្តាយ និងកុមារា រ៉ានុត ដែលជាក្មេងដ៏ស្លូតបូតមួយរូប ពេលបានទទួលព័ត៌​មាននេះហើយ បានកើតក្តីតក់ស្លុត និងរន្ធត់ចិត្តឥតឧបមា។ ជាពិសេសកុមារា រ៉ានុត ក្មេងដែលកតញ្ញូចំពោះឪពុកម្តាយ គេហាក់បានយល់ដឹងអំពីភាពគំរាមកំហែងដល់​អាយុ​ជីវិតរបស់ពីស្ថានភាពជំងឺមួយនេះ។ គេបារម្ភលែងបានឃើញឪពុកម្តាយ លែង​បានសិក្សា […]

(ភ្នំពេញ)៖ អគ្គនាយកដ្ឋានពន្ធដារ នៅថ្ងៃទី១៣ ខែមិថុនា ឆ្នាំ២០២៣ បានចេញសេចក្តីបំភ្លឺ ក្រោយសាលាឯកជនមួយ តម្រូវឱ្យអាណាព្យាបាលសិស្សបង់ពន្ធលើថ្លៃការសិក្សា ដោយលើកឡើងថា តាមលក្ខខណ្ឌរបស់រាជរដ្ឋាភិបាល និងក្រសួងអប់រំ សិស្សានុសិស្សទាំងអស់ត្រូវបង់ពន្ធលើថ្លៃការសិក្សា ២០% ជូនរាជរដ្ឋាភិបាលក្នុងមួយឆ្នាំៗ ហើយសាលាបានបង់ពន្ធលើថ្លៃការសិក្សា ជំនួសមាតាបិតា ឬអាណាព្យាបាលសិស្សានុសិស្សអស់រយៈពេល ៣ ឆ្នាំ។ ចាប់ពីឆ្នាំនេះទៅ សាលាជួយបង់ពន្ធលើថ្លៃការសិក្សា ជូនរដ្ឋតែ ១០%។ រីឯនៅសល់ថ្លៃលើការសិក្សា ១០% ទៀត តម្រូវឱ្យអាណាព្យាបាលសិស្សត្រូវទទួលខុសត្រូវ។ ក្នុងសេចក្តីបំភ្លឺ អគ្គនាយកដ្ឋានពន្ធដារ បានឱ្យដឹងថា « អនុលោមតាមច្បាប់ស្តីពីសារពើពន្ធ ដែលប្រកាសឱ្យប្រើដោយ ព្រះរាជក្រមលេខ នស/រកម/០៥២៣/០០៤ ចុះថ្ងៃទី១៦ ខែឧសភា ឆ្នាំ២០២៣ គឺមិនមាន ប្រភេទពន្ធលើថ្លៃការសិក្សា នោះ ទេ។ ដោយឡែក ពន្ធលើប្រាក់ចំណូល តាមអត្រា២០% គឺជាបន្ទុករបស់គ្រឹះស្ថានសិក្សាផ្ទាល់ មិនមែនជាបន្ទុករបស់អាណា ព្យាបាលសិស្សានុសិស្សឡើយ។ ដូច្នេះមិនមានការតម្រូវឱ្យអាណាព្យាបាលសិស្សានុសិស្សបង់ពន្ធលើថ្លៃការសិក្សា ២០% ជូន រាជរដ្ឋាភិបាលក្នុងមួយឆ្នាំ តាមការលើកឡើងរបស់ សាលាខ្មែរ-ចិនអរសប្បាយសិក្សា នោះទេ។ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឱ្យក្រសួងប្រៃសណីយ៍ ជជែកជាមួយក្រុមហ៊ុនទូរស័ព្ទ រៀបចំទាញសេវាតាមទីតាំងសម្តេចរៀបចំកម្មវិធីផ្សេងៗ។ សម្តេចតេជោ ហ៊ុន សែន បានរំលឹកថា រាល់ពេលសម្តេចទៅក្រៅប្រទេសម្តងៗ សម្តេចកម្រនឹងប្រើប្រាស់ internet ប្រទេសរបស់គេណាស់ សម្តេចតែងតែប្រើប្រាស់សេវាអ៉ីនធើណិតរបស់ក្រុមហ៊ុននៅក្នុងប្រទេសសម្រាប់នៅក្រៅប្រទេស។ ប៉ុន្តែពេលនេះ ក្នុងពេលជួបសំណេះសំណាលជាមួយកម្មករ កម្មការិនី សរុបជិត២ម៉ឺននាក់ មកពីរោងចក្រ សហគ្រាសចំនួន១១ នៅក្នុងខណ្ឌពោធិ៍សែនជ័យ បែរជាអ៉ីនធើណិតពិបាកដំណើរការទៅវិញ។ សម្តេចបានបញ្ជាក់ដូច្នេះថា៖ «ថ្ងៃក្រោយ យើងអាចធ្វើអញ្ចេះ ដូចកាលដែលយើងធ្វើពិធីនានា គឺកាលណាខ្ញុំចុះទៅខាងណា ស្នើឱ្យក្រសួងប្រៃសណីយ៍ គេដំឡើងទៅ ព្រោះទំនាក់ទំនងវាសំខាន់ណាស់សម្រាប់ខ្ញុំ កន្លងទៅនៅពេលដែលយើងជួបគ្នាកន្លែងណាៗ គឺក្រសួងប្រៃសណីយ៍ គេដំឡើងឱ្យ»។ សម្តេចតេជោ ហ៊ុន សែន បានបញ្ជាក់ថា សម្តេចពេលអត់អ៉ីនធើណិតប្រើប្រាស់ ប្រៀបដូចជាអត់បាយដូច្នោះដែរ៕ ផ្តល់សិទ្ធិដោយ៖ Fresh News

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងឲ្យដឹងថា នៅព្រឹកថ្ងៃទី១៣ ខែមិថុនា ឆ្នាំ២០២៣នេះ បន្ទាប់ពីបញ្ចប់ការជួបសំណេះសំណាលជាមួយនឹងកម្មករកម្មការិនី ក្នុងខណ្ឌពោធិ៍សែនជ័យ រាជធានីភ្នំពេញហើយនោះ សម្តេចត្រូវជួបជាមួយនឹងអន្ទិត សាន សុជា ដែលទើបនឹងលាចាកសិក្ខាបទ (សឹក) ហើយបានត្រឡប់ពីប្រទេសអូស្ត្រាលីមកកម្ពុជាវិញ។ សម្តេចតេជោ ហ៊ុន សែន បានបញ្ជាក់ឲ្យដឹងថាទៀត លោកគ្រូ សាន សុជា បានត្រឡប់ពីប្រទេសអូស្ត្រាលី មកដល់ខេត្តសៀមរាប កាលពីថ្ងៃ១១ ខែមិថុនា ឆ្នាំ២០២៣ ហើយក៏បានទាក់ទងគ្នាជាមួយសម្តេច និងសម្រេចរើសយកម៉ោង ១០ព្រឹកថ្ងៃទី១៣ ខែមិថុនានេះ ដើម្បីជួបគ្នានៅភូមិគ្រឹះរបស់សម្តេច នាក្រុងតាខ្មៅ។ សម្តេតេជោ ហ៊ុន សែន បានថ្លែងទៀតថា «អន្ទិត សាន សុជា ជាអ្នកចេះធម៌ច្រើនគួរសម»។ សូមជម្រាបថា ភិក្ខុវជិរប្បញ្ញោ សាន សុជា បានលាចាកសិក្ខាបទ កាលពីថ្ងៃទី២១ ខែឧសភា ឆ្នាំ២០២៣ នៅប្រទេសអូស្ត្រាលី បន្ទាប់ពីសាងផ្នួសអស់រយៈពេល ៣១ […]

(ភ្នំពេញ)៖ លោក Keisuke Honda អតីតអ្នកចាត់ការទូទៅក្រុមជម្រើសជាតិកម្ពុជា នៅព្រឹកថ្ងៃអង្គារនេះ បានបង្ហោះសារជូនពរក្រុមគោព្រៃកម្ពុជាជួបតែសំណាងល្អ ក្នុងការប្រកួតមិត្តភាពអន្ដរជាតិទល់នឹងក្រុមជម្រើសជាតិបង់ក្លាដែស នាថ្ងៃទី១៥ ខែមិថុនា នៅពហុកីឡដ្ឋានជាតិមរតកតេជោ។ ទោះចប់ភារកិច្ចជាមួយក្រុមជម្រើសជាតិកម្ពុជាក៏ពិតមែន តែលោក Honda នៅតែតាមដាន និងគាំទ្រក្រុមជម្រើសជាតិកម្ពុជា ជាក់ស្ដែងព្រឹកនេះលោកបានបង្ហោះសារមួយថា «សូមអរគុណចំពោះសាររបស់អ្នក ហើយសូមជូនពរសំណាងល្អសម្រាប់ការប្រកួតនៅថ្ងៃទី១៥»។ គួរដឹងថា នៅថ្ងៃព្រហស្បតិ៍ ទី១៥ ខែមិថុនា ឆ្នាំ២០២៣ ក្រុមជម្រើសជាតិកម្ពុជា នឹងត្រូវបើកទ្វារផ្ទះស្វាគមន៍ក្រុមបង់ក្លាដែស ក្នុងជំនួបមិត្តភាពអន្ដរជាតិ ក្រោមការដឹកនាំដំបូងរបស់លោក Felix Dalmas ដែលទើបត្រឡប់មកកាន់តំណែងខ្លួនវិញ ជំនួសលោក Honda ដែលបានផុតកិច្ចសន្យាជាមួយក្រុមគោព្រៃកម្ពុជា ក្រោយចប់ស៊ីហ្គេម ឆ្នាំ២០២៣៕ ផ្តល់សិទ្ធុិដោយ៖ Fresh News

(ប៉ារីស)៖ ទីភ្នាក់ងារវប្បធម៌ និងវិទ្យាសាស្ត្ររបស់អង្គការសហប្រជាជាតិហៅកាត់ថា UNESCO បានប្រកាសនៅថ្ងៃចន្ទនេះថា សហរដ្ឋអាមេរិកគ្រោងនឹងចូលរួមជាមួយអង្គការអន្តរជាតិនេះឡើងវិញ និងព្រមបង់ប្រាក់សំណងជាង ៦០០លានដុល្លារ បន្ទាប់ពីមានជម្លោះអស់មួយទសវត្សរ៍ លើសំណុំរឿងបញ្ចូលប៉ាឡេស្ទីនទៅក្នុងសមាជិកភាពរបស់ខ្លួន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី១២ ខែមិថុនា ឆ្នាំ២០២៣។ មន្ត្រីអាមេរិកនិយាយថា ការសម្រេចចិត្តវិលត្រឡប់មកវិញនេះ ត្រូវបានជំរុញដោយការព្រួយបារម្ភថា ប្រទេសចិនកំពុងបំពេញចន្លោះប្រហោង ដែលសហរដ្ឋអាមេរិកបន្សល់ទុក ក្នុងការបង្កើតគោលនយោបាយរបស់អង្គការយូណេស្កូ ជាពិសេសក្នុងការកំណត់ស្តង់ដារសម្រាប់បញ្ញាសិប្បនិម្មិត និងការអប់រំបច្ចេកវិទ្យានៅជុំវិញពិភពលោក។ អនុរដ្ឋមន្ត្រីការបរទេសអាមេរិកទទួលបន្ទុកការគ្រប់គ្រង និងធនធាន លោក Richard Verma បានដាក់លិខិតមួយច្បាប់កាលពីសប្តាហ៍មុន ទៅកាន់អគ្គនាយកអង្គការយូណេស្កូ លោក Audrey Azoulay អំពីផែនការវិលត្រឡប់ចូលជាសមាជិកអង្គការនេះវិញ។ ការវិលត្រឡប់របស់សហរដ្ឋអាមេរិក ដែលជាអ្នកផ្តល់មូលនិធិដ៏ធំបំផុតរបស់អង្គការអន្តរជាតិនេះ ត្រូវបានគេរំពឹងថានឹងប្រឈមមុខនឹងការបោះឆ្នោត ដោយរដ្ឋសមាជិកចំនួន ១៩៣របស់ខ្លួននៅខែក្រោយ។ ការសម្រេចចិត្តនេះ គឺជាការជំរុញផ្នែកហិរញ្ញវត្ថុដ៏ធំមួយដល់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ ដែលត្រូវបានគេស្គាល់ថា ជាកម្មវិធីបេតិកភណ្ឌពិភពលោក ក៏ដូចជាគម្រោងដើម្បីប្រយុទ្ធប្រឆាំងនឹងការប្រែប្រួលអាកាសធាតុ និងបង្រៀនក្មេងស្រីឱ្យចេះអាន។ គួរបញ្ជាក់ថា សហរដ្ឋអាមេរិក និងអ៊ីស្រាអែលបានឈប់ផ្តល់មូលនិធិដល់អង្គការយូណេស្កូ បន្ទាប់ពីអង្គការមួយនេះបានបោះឆ្នោតបញ្ចូលប៉ាឡេស្ទីនជារដ្ឋសមាជិកក្នុងឆ្នាំ ២០១១ ហើយប្រទេសទាំងពីរបានបាត់បង់សិទ្ធិបោះឆ្នោតរបស់ពួកគេ […]

(ភ្នំពេញ)៖ ទំហំពាណិជ្ជកម្មកម្ពុជាជាមួយអន្ដរជាតិ នៅរយៈពេល ៥ខែដើម ឆ្នាំ២០២៣នេះ សម្រេចបានចំនួន ១៩ ២៩២លានដុល្លារ ធ្លាក់ចុះ១៤ភាគរយ បើធៀបនឹងរយៈពេលដូចគ្នាក្នុងឆ្នាំ២០២២ ដែលមានទឹកប្រាក់ ២២ ៤៨៩លានដុល្លារ។ នេះបើយោងតាមរបាយការណ៍ របស់អគ្គនាយកដ្ឋានគយ និងរដ្ឋាករកម្ពុជា។ យោងតាមរបាយការណ៍បានបញ្ជាក់ថា «ចាប់ពីខែមករា ដល់ខែឧសភា ឆ្នាំ២០២៣ ការនាំចេញ-នាំចូលទំនិញរបស់កម្ពុជា មានទឹកប្រាក់ ​១៩ ២៩២លានដុល្លារ ក្នុងនោះកម្ពុជាបាននាំចេញទំនិញមានចំនួន ៩ ១៨៣លានដុល្លារ ធ្លាក់ចុះ២.៤ភាគរយ ចំណែកការនាំចូលវិញមានចំនួន ១០ ១០៩លានដុល្លារ ធ្លាក់ចុះ ២២.៦ភាគរយ បើធៀបនឹងរយៈពេលដូចគ្នាឆ្នាំ២០២២»។ លោក ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម នាដើមសប្តាយ៍មុនបានថ្លែងឲ្យដឹងថា កម្ពុជាបាន និងកំពុងខិតខំប្រឹងប្រែងជាខ្លាំង ក្នុងការជំរុញការនាំចេញទំនិញ។ លោកបន្តថា ការនាំចេញរបស់កម្ពុជា ធ្លាក់ចុះក្នុងអំឡុងពេលដើមឆ្នាំនេះ ដោយសារសេដ្ឋកិច្ចពិភពលោករងផលប៉ះពាល់ ដែលបង្កមកពីបញ្ហាភូមិសាស្រ្តនយោបាយ ក៏ដូចជាជំងឺកូវីដ១៩។ យ៉ាងណាលោករដ្ឋមន្ត្រីសង្ឃឹមថា នៅចុងឆ្នាំ២០២៣នេះ ការនាំចេញអាចមានការប្រែប្រួល ឬមានការកើនឡើងវិញ៕ ផ្តល់សិទ្ធិដោយ៖ Fresh News

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី១៣ ខែមិថុនា ឆ្នាំ២០២៣នេះ បានចេញសេចក្តីជូនដំណឹង ស្ដីពី ស្ថានភាពធាតុអាកាស ចាប់ពីថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០២៣។ ក្រសួងបញ្ជាក់ថា ព្រះរាជាណាចក្រកម្ពុជា ទទួលរងឥទ្ធិពលពីជ្រលងសម្ពាធទាប (ITCZ) ដែលអូសបន្លាយលើភាគ ខាងជើងនៃប្រទេសមីយ៉ាន់ម៉ា ឡាវ និងវៀតណាម គួបផ្សំនិងខ្យល់មូសុងនិរតីក្នុងកម្រិតពីមធ្យមទៅបង្គួរ។ លក្ខណៈបែបនេះនឹងធ្វើឲ្យ៖ ១៖ តំបន់ទំនាបកណ្តាល * សីតុណ្ហភាពអប្បបរមា មានពី ២៥-២៧ °C * សីតុណ្ហភាពអតិបរមា មានពី ៣៤-៣៦ °C * អាចមានភ្លៀងធ្លាក់ក្នុងកម្រិតពីខ្សោយទៅមធ្យម និងបង្ហូរដោយផ្នែកខ្លះ លាយឡំដោយផ្គរ រន្ទះ និង ខ្យល់កន្ត្រាក់ ។ ២៖ តំបន់ខ្ពង់រាប * សីតុណ្ហភាពអប្បបរមា មានពី ២៤-២៦ °C * សីតុណ្ហភាពអតិបរមា មានពី ៣៣-៣៥ °C […]

(ភ្នំពេញ)៖ ស្នងការដ្ឋាននគរបាលរាជធានីភ្នំពេញ បានចេញមកបំភ្លឺករណីបុរសម្នាក់ កាន់ធូបមួយបាច់ បបួលនគរបាលស្បថ ពាក់ព័ន្ធការផាកពិន័យបទល្មើសចរាចរណ៍ ស្ថិតនៅគោលដៅតាមផ្លូវ២១៧ សង្កាត់ព្រែកកំពឹស ខណ្ឌដង្កោ នៅថ្ងៃទី១២ ខែមិថុនា ឆ្នាំ២០២៣។ បើតាមសេចក្តីបកស្រាយបំភ្លឺ​ និងបដិសេធរបស់ក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទៅនឹងការផុសវីដេអូរបស់គណនីហ្វេសបុកមួយឈ្មោះ យី សៀវគង និងផេកហ្វេសបុកឈ្មោះ Bong Vy Online Shop ដែលបានបើកបរល្មើសច្បាប់ចរាចរណ៍ហើយ បែរចោទប្រកាន់មកលើសមត្ថកិច្ចថាបបួលគាត់វាយគ្នាមួយស្មើ និងបបួលសមត្ថកិច្ចស្បថស្បែ ជាការចុះផ្សាយព័ត៌មានមិនពិត។ ប្រភពព័ត៌មាន បានឲ្យដឹងថា កាលពីវេលាម៉ោង ៨:០០នាទីព្រឹក ថ្ងៃទី១២ ខែមិថុនា ឆ្នាំ២០២៣ មន្ត្រីនគរបាលចរាចរណ៍នៃអធិការដ្ឋាននគរបាលខណ្ឌដង្កោ បានអនុវត្តច្បាប់ចរាចរណ៍ជើងគោកនៅលើផ្លូវ២១៧ ស្ថិតនៅភូមិព្រែកកំពឹស សង្កាត់ព្រែកកំពឹស រហូតដល់វេលាម៉ោង ៨:៣៥នាទី មានម៉ូតូមួយគ្រឿងម៉ាក សេ១២៥ ពណ៌ខ្មៅ ផ្លាកលេខ ភ្នំពេញ 1KC-6305 ជិះឌុបគ្នា០២នាក់ ដោយមិនមានពាក់មួកសុវត្ថិភាពឡេីយ ពេលឃើញដូចនោះសមត្ថកិច្ចក៏បានហៅម៉ូតូឲ្យឈប់ដើម្បីធ្វើការណែនាំអប់រំ ដោយមិនបានធ្វើការផាក់ពិន័យនោះទេ ប៉ុន្ដែពេលសមត្ថកិច្ចធ្វើការណែនាំនោះ ស្រាប់តែបុរសដែលអង្គុយខាងក្រោយមានការខឹងជាមួយសមត្ថកិច្ច ក៏បានយកទូរស័ព្ទដៃថតសមត្ថកិច្ច រួចទៅយកធូបដុត ដោយហៅសមត្ថកិច្ចឲ្យស្បថថាឲ្យងាប់ទាំងក្រុមដោយចោទថា […]

(ភ្នំពេញ)៖ សម្តេចតេជោ ហ៊ុន សែន បានចេញអនុក្រឹត្យស្តីពីការកែសម្រួលអត្រាពន្ធគយ អត្រាអាករពិសេស និងអត្រានាំចេញ លើមុខទំនិញមួយចំនួន។ នេះបើតាមអនុក្រឹត្យដែលបណ្តាញព័ត៌មាន Fresh News ទទួលបាននៅថ្ងៃទី១៣ ខែមិថុនា​នេះ។ ខាងក្រោមនេះ ជាអនុក្រឹត្យស្តីពីការកែសម្រួលអត្រាពន្ធគយ៖