(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅព្រឹកថ្ងៃទី២៤ ខែមេសា ឆ្នាំ២០២៣នេះ បានឲ្យដឹងថា បច្ចុប្បន្នមាននិស្សិតខ្មែរ-ឥស្លាម ចំនួន៦នាក់ កំពុងស្នាក់នៅក្នុងប្រទេសស៊ូដង់ខាងត្បូង ដែលកំពុងតែជួបវិបត្តិនយោបាយ និងសង្គ្រាម។ ក្នុងឱកាសអញ្ជើញជាអធិបតីពិធីកាត់ប្ញសសីមា ព្រះវិហារ ព្រះពុទ្ធ បដិមា និងសមិទ្ធផលនានា​ក្នុងវត្តព្រះបារមីវង្កតបុរី ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ, សម្ដេចតេជោ ហ៊ុន សែន បានអះអាងថា សម្ដេចកំពុងតែតាមដានយ៉ាងយកចិត្តទុកដាក់លើបញ្ហានេះ និងពិចារណាជម្លៀសប្រជាពលរដ្ឋខ្មែរទាំង៦នាក់នោះ ចេញពីប្រទេសស៊ូដង់ខាងត្បូងផងដែរ។ សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «បច្ចុប្បន្នកំពុងនៅប្រទេសស៊ូដង់ ខ្ញុំទើបទទួលបានព័ត៌មានពីម្សិលម្ង៉ៃថា នៅរដ្ឋធានីកាទុប មាននិស្សិតខ្មែរឥស្លាម៦នាក់ ដែលកំពុងរស់នៅទីនោះ […] នៅពេលប្រទេសម៉ាឡេស៉ីអាចនឹងជម្លៀសប្រជាជនតាមយន្ដហោះក្ដី តាមនាវាក្ដី គឺសុំឲ្យបានចេញដំណើរមកជាមួយគ្នា»។ ជាមួយគ្នានេះ សម្ដេចតេជោនាយករដ្ឋមន្ដ្រី បានណែនាំដល់លោក អូស្មាន ហាស្សាន់ ទេសរដ្ឋមន្ដ្រីទទួលបន្ទុកបេសកកម្មពិសេស ត្រូវតាមដានករណីឲ្យបានជាប់ជាប្រចាំ ដើម្បីមានវិធានការទាន់ពេលវេលា។ បើតាមប្រសាសន៍របស់សម្ដេចតេជោ ហ៊ុន សែន គ្រាដែលប្រទេសស៊ូដង់កំពុងមានសង្គ្រាម កម្ពុជាឯណោះវិញ […]

(ភ្នំពេញ)៖ ស្របពេលសល់តែ១១ថ្ងៃទៀតទេ ព្រឹត្តិការណ៍ស៊ីហ្គេម បានឈានចូលមកដល់ កម្ពុជា នឹងចំណាយបន្ថែមប្រមាណ ៧លានដុល្លារបន្ថែម សម្រាប់ការស្នាក់នៅ និងហូបចុករបស់គណៈប្រតិភូកីឡាស៊ីហ្គេម។ នេះបើយោងតាមប្រសាសន៍ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញជាអធិបតីពិធីកាត់ប្ញសសីមា ព្រះវិហារ ព្រះពុទ្ធ បដិមា និងសមិទ្ធផលនានា​ក្នុងវត្តព្រះបារមីវង្កតបុរី នៅព្រឹកថ្ងៃចន្ទ ទី២៤ ខែមេសា ឆ្នាំ២០២៣នេះ។ សម្តេចតេជោ បានមានប្រសាសន៍ថា «យើងធ្វើម្ចាស់ផ្ទះឆ្នាំនេះ ឥតគិតថ្លៃទាំងអស់ ការដែលធ្វើបែបនេះធ្វើឱ្យគេស្គាល់បេះដូងខ្មែរពិតប្រាកដ យើងចំណាយប្រមាណជា៧លានដុល្លារថែមទៀត ដើម្បីចិញ្ចឹមកីឡាករ កីឡាការិនី ដែលមកប្រកួត តាមធម្មតា​គឺត្រូវបង់ឱ្យម្ចាស់ផ្ទះមួយថ្ងៃ៥០ដុល្លារ។ ឯយើងមិនឱ្យបង់ទេ យើងទទួលបន្ទុកចិញ្ចឹមគេ ប៉ុន្តែអ្នកដែលមកគាំទ្ររកសណ្ឋាគារខ្លួនឯង យើងទទួលបន្ទុកតែកីឡាករ កីឡាការិនី គ្រូបង្វឹក»។ គួរបញ្ជាក់ថា ដើម្បីផ្តល់ភាពកក់ក្តៅបន្ថែមដល់ប្រតិភូកីឡាស៊ីហ្គេម និងអាស៊ានប៉ារ៉ាហ្គេម ជាប្រវត្តិសាស្ត្រដំបូងរបស់កម្ពុជាឲ្យទទួលបានជោគជ័យ ជាកំណត់ត្រាថ្មីមួយ ម្ចាស់ផ្ទះកម្ពុជានឹងមិនតម្រូវឲ្យប្រតិភូកីឡាអាស៊ីអាគ្នេយ៍ទាំងអស់ បង់ថ្លៃហូបចុក-ស្នាក់នៅ ដែលក្នុងម្នាក់ៗ មានតម្លៃ ៥០ដុល្លារអាមេរិក ក្នុង១ថ្ងៃៗនោះឡើយ។ ប្រតិភូកីឡា អត្តពលិកអាស៊ានទាំងអស់ នឹងទទួលបានការហូបចុក-ស្នាក់នៅ ដោយឥតគិតថ្លៃ ដែលជាហេតុការណ៍មួយ […]

(កំពត)៖ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានប្រាប់មកបណ្ដាញព័ត៌មាន Fresh News ឲ្យដឹងនៅថ្ងៃទី២៣ ខែមេសា ឆ្នាំ២០២៣នេះថា ម្ចាស់ក្រុមហ៊ុនអភិវឌ្ឍន៍ដីឡូតិ៍ លោកឧកញ៉ា ជា សារ៉ន និងបក្ខពួកសរុបចំនួន៩នាក់ ត្រូវបានឃាត់ខ្លួន ក្រោយពីទទួលបានពាក្យបណ្ដឹងរបស់ប្រជាពលរដ្ឋ ពាក់ព័ន្ធទៅនឹងបទឆបោក ដែលធ្វើឲ្យប្រជាពលរដ្ឋលង់ខ្លួន ទៅខ្ចីលុយពីស្ថាប័នធនាគារ និងមីក្រូហិរញ្ញវត្ថុ រួមទាំងលុយផ្ទាល់ខ្លួន ទៅទិញដីឡូតិ៍របស់ឧកញ៉ា ជា សារ៉ន។ លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានគូសបញ្ជាក់ថា នៅក្នុងខេត្តកំពត មានប្រជាពលរដ្ឋចំនួន ២,៤៦១នាក់ ស្រី ៦៨២នាក់ បានទៅខ្ចីប្រាក់ពីធនាគារ-មីក្រូហិរញ្ញវត្ថុ និងថវិកាផ្ទាល់ខ្លួនទៅដាក់វិនិយោគជាមួយក្រុម ជា សារ៉ន រៀលធី ឯ.ក ដើម្បីទទួលបានការប្រាក់ប្រចាំខែទៅតាមចំនួនប្រាក់ ដែលប្រជាពលរដ្ឋបានវិនិយោគ​ ជាមួយក្រុមហ៊ុនមានដូចខាងក្រោម៖ * ចំនួនទឹកប្រាក់កម្ចីសរុប៤០,៥៨២,២២៥ដុល្លារ និង ៨៨,០០០,០០០រៀល * ចំនួនទឹកប្រាក់ផ្ទាល់ខ្លួនសរុប១,១២០,២៣៧ដុល្លារ * ចំនួនទឹកប្រាក់វិនិយោគជាមួយក្រុមហ៊ុន៣៨,៧៩៤,២៥៩ដុល្លារ និង១០២,៤០០,០០០រៀល។ សូមបញ្ជាក់ថា កាលពីថ្ងៃទី២២ […]

(ភ្នំពេញ)៖ កីឡាករប្រដាល់គុនខ្មែរ​ ធឿន​ ធារ៉ា​ កាលពីយប់ថ្ងៃទី២៣ ខែមេសា ឆ្នាំ២០២៣ ត្រូវ​​បោះបង់​ការ​ប្រកួត​នៅ​ក្នុង​ទឹក​ទី​បួន​ បញ្ហា​ខូច​ដៃ​មិន​អាច​បន្ត​ការប្រកួត​ទៀត​បាន​ជាមួយ​កីឡាករ​ថៃ​ ក្រុង​ ចក្រ​។ ក្នុងនោះផងដែល ឧកញ៉ា ស្រី ចាន់ថន ក្រោយពីបានដឹងដំណឹងរបួសរបស់ ធឿន​ ធារ៉ា​ លោកក៏បានប្រកាសនឹងចេញថវិកាទាំងស្រុងក្នុងការព្យាបាល។ ដោយ ឧកញ៉ា ស្រី ចាន់ថន បានសរសេររៀបរាប់យ៉ាងដូច្នេះថា៖ «ដូចបងប្អូនបានដឹងហើយថា កីឡាករ ធឿន ធារ៉ា ទើបតែប្រកួតចប់នៅថ្ងៃនេះ ហើយឥឡូវគាត់បានរងរបួសដៃស្តាំ ដូច្នេះខ្ញុំសូមប្រកាសជាសាធារណៈថា ខ្ញុំនឹងចេញថវិកាទាំងស្រុងក្នុងការព្យាបាលដៃរបស់ ធារ៉ា។ ខ្ញុំសូមចូលរួមសោកស្តាយចំពោះការប្រកួតរបស់ធារ៉ានៅថ្ងៃមិញនេះ ប៉ុន្តែកីឡាតែងតែមានចាញ់មានឈ្នះ ដូច្នេះមិនជាបញ្ហានោះទេបើប្អូនទទួលបានលទ្ធផលមិនល្អនៅថ្ងៃនេះ ស៊ូៗចូលប្អូនខិតខំប្រឹងប្រែងបន្តទៀត។ ខ្ញុំសង្ឃឹមថាប្អូន ធារ៉ានឹងជាសះស្បើយ ក្នុងរយៈពលដ៏ខ្លីខាងមុខនេះ ។ ដោយក្តីគោរព និងស្រលាញ់បំផុតពីខ្ញុំបាទ ស្រី ចាន់ថន»។ សូមបញ្ជាក់ថា តាមការបញ្ជាក់របស់លោកគ្រូពេទ្យកែងដៃរបស់ ធឿន ធារ៉ា ក្រោយពិនិត្យនិងថតរួចមក គឺមិនប៉ះពាល់ដល់ឆ្អឹងទេ ដោយគ្រាន់តែត្រូវសម្រាកព្យាបាលនៅផ្ទះមួយរយៈខ្លីទើបអាចប្រកួតវិញបានធម្មតា។ ជាមួយគ្នានេះ ក្រោយពីចាញ់ការប្រកួត ធឿន […]

(ភ្នំពេញ)៖ ឧកញ៉ា ស្រី ចាន់ថន ដែលជាម្ចាស់ក្លិបគុនខ្មែរជើងឯកពិភពលោក នៅរសៀលថ្ងៃទី២២ ខែមេសា​ ឆ្នាំ២០២៣ បានឱ្យដឹងថា អ្នករៀបចំកម្មវិធីប្រកួតក្បាច់គុនកម្រិតពិភពលោក ចំនួន២រូប លោក Shimada Yuji និង លោក Shinoda Sotaro បានមកដល់កម្ពុជា ដើម្បីសិក្សាពីស្ថានភាពគុនខ្មែរ។ លោកបានឱ្យដឹងថា ជនជាតិជប៉ុន២រូបនេះនឹងស្នាក់នៅប្រទេសកម្ពុជារយៈពេលមួយយប់ពីរថ្ងៃ ដើម្បីធ្វើទស្សនកិច្ចសិក្សានៅខេត្តសៀមរាប ដោយធ្វើការសិក្សាស្វែងយល់ពីគុនខ្មែរ និងប្រវត្តិសាស្ត្រកម្ពុជា។ ឧកញ៉ា ស្រី ចាន់ថន បានឱ្យដឹងតាមរយៈហ្វេសប៊ុកផេកផ្លូវការរបស់ខ្លួនយ៉ាងដូច្នេះថា៖ «សូមជម្រាបជូនបងប្អូនថា មកដល់ម៉ោងនេះលោក Shinoda ដែលជាអ្នករៀបចំកម្មវិធីប្រកួតក្បាច់គុនកម្រិតពិភពលោកបានមកដល់ប្រទេសកម្ពុជាហើយ។ គាត់នឹងស្នាក់នៅប្រទេសកម្ពុជារយៈពេលមួយយប់២ថ្ងៃ។ ថ្ងៃនេះខាងក្រុមការងាររបស់ខ្ញុំនឹងនាំគាត់ទៅមើលការងារផ្សេងៗជាច្រើនដើម្បីឱ្យគាត់ចាប់ផ្តើមយល់អំពីស្ថានភាពគុនខ្មែរនៅប្រទេសកម្ពុជារបស់យើង។ ស្របពេលជាមួយគ្នាខ្ញុំបានកក់សំបុត្រយន្តហោះរួចហើយដើម្បីឲ្យជនជាតិជប៉ុនទាំង២រូបនេះទៅធ្វើទស្សនកិច្ចសិក្សានៅខេត្តសៀមរាប ដើម្បីឱ្យពួកគាត់ស្វែងយល់អំពីគុនខ្មែរ និងប្រវត្តិសាស្រ្តកម្ពុជាតាំងពីរាប់ពាន់ឆ្នាំមុន។ ដូច្នេះខ្ញុំសង្ឃឹមថាកិច្ចខិតខំប្រឹងប្រែងរបស់ខ្ញុំនឹងអាចជម្រុញគុនខ្មែរឱ្យពិភពលោកស្គាល់ និងចាប់អារម្មណ៍មួយកម្រិតបន្ថែមទៀត។ អរគុណបងប្អូនសម្រាប់ការគាំទ្រគុនខ្មែរ និងគាំទ្រខ្ញុំតាំងពីដើមមកដល់ម៉ោងនេះ។ ដោយក្តីគោរព និងស្រលាញ់បំផុតពីខ្ញុំបាទ ស្រី ចាន់ថន »៕

(ភ្នំពេញ)៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានកត់សម្គាល់ឃើញ​ថា ទំហំពាណិជ្ជកម្មរវាងកម្ពុជា ​និងតំបន់ស្វយ័តក្វាងស៊ី របស់ចិន កំពុងមាន​កំណើនខ្ពស់​ ដែលជាឱកាសដ៏ល្អសម្រាប់អ្នកវិនិយោគ។ លោក ប៉ាន សូរស័ក្តិ បានកត់សម្គាល់បែបនេះ ក្នុងឱកាសទទួលជួបពិភាក្សា​ការងារ​ជាមួយលោក ឡាន ធានលី អភិបាលតំបន់ស្វយ័តក្វាងស៊ី នារសៀលថ្ងៃទី២១ ខែមេសា ឆ្នាំ២០២៣ នៅសណ្ឋាគារសូហ្វីតែលភោគីត្រា។ ជំនួបនេះធ្វើឡើងក្នុងបំណងបន្តពង្រឹងកិច្ចសហប្រតិបត្តការលើវិស័យសេដ្ឋកិច្ច ពាណិជ្ជកម្ម វិនិយោគ ទេសចរណ៍ ប្រជាជន និងប្រជាជន រវាងកម្ពុជា និងខេត្តក្វាងស៊ី។ ក្នុងឱកាសនៃជំនួបពិភាក្សានោះ លោករដ្ឋមន្ត្រី ប៉ាន សូរស័ក្តិ បានសម្តែងការស្វា​គមន៍​យ៉ាងកក់ក្តៅចំពោះវត្តមាន លោក ឡាន ធានលី និងគណៈប្រតិភូអមដំណើរ​ទាំងអស់ ដែលបានមកបំពេញទស្សនកិច្ចផ្លូវការនៅកម្ពុជា។ លោករដ្ឋមន្ត្រី បាន​រំ​ឭក​​អំពីខួបអនុស្សាវរីយ៍លើកទី៦៥ឆ្នាំ នៃការបង្កើតទំនាក់ទំនង​ការទូតរវាង​កម្ពុជា​-ចិន និងបានជម្រាបជូនភ្ញៀវពីចំណងមិត្តភាពកាន់តែរឹងមាំ និងស៊ីជម្រៅឈាន​ឡើង​មួយកម្រិតពីមិត្តភាពដែកថែប ទៅជាមិត្តភាពក្នុងក្របខ័ណ្ឌកិច្ចសហប្រតិប​ត្តិ​ការត្បូងពេជ្រ និងយល់ចិត្តថ្លើមគ្នា ដោយរដ្ឋាភិបាលនៃប្រទេសទាំងពីរកម្ពុជា-ចិន បានប្តេជ្ញាខិតខំរួមគ្នាជំរុញការកសាងសហគមន៍ជោគវាសនាតែមួយ និងជំរុញ​ការ​បង្កើនទំហំពាណិជ្ជកម្មទ្វេភាគីឱ្យកើនឡើងថែមទៀតក្នុងបណ្តាឆ្នាំខាងមុខ។ លោករដ្ឋមន្ត្រីបន្តថា តាមរយៈចំណងមិត្តភាពនេះ កម្ពុជា-ចិន បានក្លាយជាដៃ​គូ​យុទ្ធ​សាស្រ្ត […]

អ្នកនាង គង់ ស្រីនីន ហៅ ទីនីន កាលពីថ្ងៃទី ២០ ខែមេសា ឆ្នាំ២០២៣ កន្លងទៅនេះ បានចូលរួមនៅក្នុងកម្មវិធី ផេះខន Podcast ។ នៅក្នុងការចូលរួមជាភ្ញៀវកិត្តិយសស្រីស្អាត ទីនីន បានផ្តល់នូវបទពិសោធន៍ការងារ និងជីវិតផ្ទាល់ខ្លួនជាច្រើន ក្នុងនោះអ្នកនាងក៏បាននិយាយពីរឿងស្នេហាផ្ទាល់ខ្លួន ដើម្បីលើកទឹកចិត្តដល់ស្ត្រីដទៃ។ សំដីរបស់អ្នកម្តាយវ័យក្មេងរូបនេះ ទទួលបានការគាំទ្រយ៉ាងខ្លាំងពីសភាពស្ត្រី។ ទន្ទឹមនឹងមានមតិគាំទ្រនោះ ក៏មានមតិមួយចំនួនបានរិះគន់ជុំវិញរឿងរ៉ាវនេះដែរ។ ទីនីន ត្រូវបានអ្នកលេងបណ្តាញសង្គមមួយចំនួនតូចបានលើកឡើងថា «មនុស្សស្រីចាប់ផ្តើមមានលុយ ចង់មើលងាយមនុស្សប្រុស» និងមតិខ្លះទៀតថា «មកពីចរិតបែបនឹងទើបមនុស្សប្រុសទៅចោល»។ ជាមួយគ្នានោះអ្នកនាងក៏បានបង្ហោះសារប្រតិកម្មមួយភ្លាមៗថា « After release my podcast. I saw someone comments «មនុស្សស្រីចាប់ផ្តើមមានលុយ ចង់មើលងាយមនុស្សប្រុស» ឮរហូតចេញពីមាត់មនុស្សប្រុសដែលអសមត្ថភាព ព្រោះមនុស្សប្រុស ដែលគេហៅថាមនុស្សប្រុសពិតគេមិននិយាយពាក្យបែបនឹងដាក់មនុស្សស្រីទេ and now I’m sick of hearing this. ហើយក៏ចង់ចេញ video តបទៅពាក្យមួយឃ្លានេះ […]

ចំប៉ីខ្មៅ ដែលត្រូវបានគេស្គាល់ថាតារាហ្វេសប៊ុក តែងតែមានវត្តមានវែកញែករឿងរ៉ាវដែលកើតឡើងនៅលើបណ្តាញសង្គម។ ជាក់ស្តែងថ្មីៗនេះ ចំប៉ីខ្មៅ បានចេញវីដេអូរិះគន់ទៅលើលោក ជី ដេវីត ជុំវិញចំនុចខ្វះខាតចំនួន ២ ដែលតារារ៉េបរូបនេះត្រូវដុសខាត់ឡើងវិញ។ ទន្ទឹមគ្នានោះ ចំប៉ីខ្មៅបានដាក់ចំណងជើងលើវីដេអូរបស់ខ្លួនថា «២ចំនុចដែល David គួរតែដុសខាត់»។ នៅក្នុងវីដេអូប្រមាណជាង ៥នាទីនោះ ចំប៉ីខ្មៅបានលើកយកចំនុចខ្វះខាតរបស់លោក ជី ដេវីត ដែលរួមមានដូចជា៖ ចំនុចទី១ ចំប៉ីខ្មៅថា ចម្រៀងរបស់លោក ជី ដេវីត ទី១ អត់មេឡូឌី ឬក៏មេឡូឌីដែលជី ដេវីត មកនៅក្នុងចម្រៀងបាត់ធាតុមួយ។ ដោយចំប៉ីខ្មៅបានលើកឡើងបន្តទៀតថា បទចម្រៀងរបស់លោកជី ដេវីត អត់មានឧបករណ៍ភ្លេងដែលលេងផ្ទាល់ ដូចជាការលេងហ្គីតាផ្ទាល់, ការលេងព្យាណូផ្ទាល់ ឬក៏ឧបករណ៍តន្ត្រីផ្សេងៗដោយផ្ទាល់ គឺលោកជី ដេវីត ជំនួសភ្លេងនៅក្នុងចម្រៀងរបស់លោកដោយប្រើ AI ឬក៏ប្រើបច្ចេកវិទ្យាទំនើបវិញ។ ហេតុនេះទើបធ្វើឲ្យចម្រៀងរបស់លោក ជី ដេវីត ខ្វះរសជាតិនៃឧបករណ៍តន្ត្រី។ និងចំនុចទី ២ ការលេងពាក្យពេចន៍នៅក្នុងចម្រៀង អត់ជួន ផ្ទួន រណ្តំ ដោយបទចម្រៀងរបស់ ជី […]

(កូរ៉េ)៖ ប្រៀបដូចជាការបញ្ចប់នៃយុគសម័យមួយ សម្រាប់អ្នកប្រើប្រាប់ Twitter រួមទាំងអ្នកធ្លាប់ប្រើកម្មវិធីនេះជាយូរមកហើយ ដូចជា BTS ជាដើម ខណៈថ្មីៗនេះគណនី Twitter ល្បីៗមួយចំនួនកំពុងបាត់បង់សញ្ញាធីកពណ៌ខៀវ។ សូម្បីតែក្រុមចម្រៀងល្បី BTS ដែលមានអ្នកតាមដាន Twitter ចំនួន ៤៨.៣លាននាក់ ក៏បានបាត់សញ្ញាធីកនេះដែរ។ នេះបើតាមការចេញផ្សាយ របស់សារព័ត៌មាន Koreaboo នៅថ្ងៃទី២១ ខែមេសា ឆ្នាំ២០២៣។ នៅថ្ងៃទី១៩ ខែមេសា ឆ្នាំ២០២១ Twitter បានប្រកាសថាខ្លួននឹងដកចេញនូវសញ្ញាធីក នៅថ្ងៃទី២០ ខែមេសា។ ឥឡូវនេះ អ្នកប្រើប្រាស់នឹងត្រូវចុះឈ្មោះប្រើប្រាស់ Twitter Blue ដែលគិតថ្លៃ ពី៨ដុល្លារក្នុងមួយខែឡើងទៅ ទៅតាមប្រភេទគណនី។ បន្ថែមពីលើការទទួលបានសញ្ញាធីក អ្នកប្រើប្រាស់ Twitter Blue មានអាទិភាពក្នុងការសន្ទនា និងការស្វែងរកថែមទៀតផង។ អ្វីដែលពិសេសនឹងឃើញការផ្សាយពាណិជ្ជកម្មតិចជាងមុន អាចបង្ហោះវីដេអូដែលវែងជាងមុន និងគុណភាពខ្ពស់។ ងាកមកគណនី Twitter របស់ BTS ដែលបានបាត់សញ្ញាធីកពណ៌ខៀវ មានអ្នកគាំទ្រខ្លះភ្ញាក់ផ្អើល ហើយចង់ឲ្យ Twitter […]

(ភ្នំពេញ)៖ រដ្ឋាករទឹកស្វយ័តក្រុងភ្នំពេញ នឹងចាប់ផ្តើមដាក់ដំណើរការសាកល្បងរោងចក្រផលិតកម្មទឹកស្អាតបាក់ខែងជំហានទី១ នៅយប់ថ្ងៃទី២១ ខែមេសា ឆ្នាំ២០២៣នេះ។ នេះយើងយោងតាមសេចក្តី ជូនដំណឹងរបស់រដ្ឋាករទឹកស្វយ័តក្រុងភ្នំពេញ នៅថ្ងៃទី២១ ខែមេសា ឆ្នាំ២០២៣នេះ។ រដ្ឋាករទឹកស្វយ័តក្រុងភ្នំពេញ បានបញ្ជាក់ថា ក្នុងការដាក់ដំណើរការសាកល្បងនេះ រដ្ឋាករទឹក នឹងបញ្ជូនទឹកស្អាតទៅផ្គត់ផ្គង់ នៅតំបន់ខណ្ឌជ្រោយចង្វារ ហើយការណ៍នេះអាចនាំឱ្យគុណភាពទឹកមានភាពល្អក់កករ កើតឡើងមួយរយៈពេលខ្លី។ លោក សោម សុវណ្ណ ប្រធាននាយកដ្ឋានអាជីវកម្ម នៃរដ្ឋាករទឹកស្វយ័តក្រុងភ្នំពេញ ​បានឱ្យដឹងថា នេះគឺជាការធ្វើតេស្តសាកល្បង ដើម្បីបញ្ចូលទឹកទៅក្នុងបំពង់នៅតំបន់ជុំវិញព្រែកលាប ​ហើយនៅអំឡុងថ្ងៃទី២៨ ដល់ថ្ងៃទី២៩ ខែមេសា រដ្ឋាករទឹក នឹងចាប់ផ្តើមធ្វើតេស្តសាកល្បងបញ្ជូនទឹកឆ្លងទៅតំបន់ត្រើយខាងលិចនៃទន្លេ មុននឹងឈានដាក់ឱ្យដំណើរការជាផ្លូវការ នៅដើមខែឧសភា ឆ្នាំ២០២៣។ លោក ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញធ្លាប់បានឱ្យដឹងថា បន្ទាប់ពីការដាក់ដំណើរការ នូវរោងចក្រផលិតកម្មទឹកស្អាតបាក់ខែងជំហានទី១ នឹងអាច​ផ្គត់ផ្គង់ទឹកបានគ្រប់គ្រាន់ ចំពោះបណ្តាញដែលបានភ្ជាប់រួច។ លោកបានគូសបញ្ជាក់ថា «ជំហ៊ានដំបូងនេះ យើងខិតខំថា ធ្វើម៉េចឱ្យសមត្ថភាពផលិតដែលរុញពីបាក់ខែងជំហានទី១នេះ បានប្រមាណជាង៧០% នៅក្នុងខែឧសភា ឆ្នាំ២០២៣នេះ។ ប៉ុន្តែ​វានឹងទៅពេញសមត្ថភាពនៃការផលិត១០០% ដើម្បីបញ្ជូនទៅប៉ែកខាងលិចរាជធានីភ្នំពេញ ដែលយើងគ្រោងនៅអំឡុងខែកញ្ញា ឬតុលា គឺទឹកនឹងជំរុញទៅទុយោទាំងលើផង […]