(ហ្កាហ្សា)៖ នាយកប្រចាំតំបន់មេឌីទែរ៉ាណេខាងកើត នៃអង្គការសុខភាពពិភពលោក (WHO) លោកស្រី Hanan Balkhy បាននិយាយនៅថ្ងៃអង្គារសប្តាហ៍នេះថា ប្រជាជនខ្លះ នៅក្នុងតំបន់ហ្កាហ្សា ឥឡូវនេះត្រូវបង្ខំចិត្តផឹកទឹកសម្អុយ និងបរិភោគចំណីសត្វ ខណៈសង្គ្រាម​រវាងអ៉ីស្រាអែល និង​ក្រុម​ហាម៉ាស​ ​បង្កផលប៉ះពាល់ដល់ការថែទាំ​សុខភាព​ទូទាំង​តំបន់​។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី៥ ខែមិថុនា ឆ្នាំ២០២៤។ ក្នុងបទសម្ភាសន៍មួយនៅឯទីស្នាក់ការកណ្តាល WHO ក្នុងទីក្រុងហ្សឺណែវ លោកស្រី Hanan Balkhy ដែលជាអ្នកជំនាញសុខភាពកុមារមួយរូបផងនោះ បានប្រាប់ AFP ថា ផលប៉ះពាល់ចំពោះកុមារ នឹងមានលក្ខណៈយូរអង្វែង ហើយធ្ងន់ធ្ងរ។ លោកស្រីបញ្ជាក់ថា នៅក្នុងតំបន់ហ្កាហ្សា «មានមនុស្សកំពុងបរិភោគចំណីសត្វ ស្មៅ ហើយផឹកទឹកសម្អុយ។ ក្មេងៗស្ទើរតែ​មិន​អាចរកអាហារ​បរិភោគ​បាន ខណៈ​រថយន្ត​ដឹកជំនួយកំពុង​ជាប់គាំងនៅ​ខាង​ក្រៅទីក្រុង Rafah»។ គួរបញ្ជាក់ថា បើតាមអាជ្ញាធរសុខាភិបាលគ្រប់គ្រងដោយក្រុមហាម៉ាស ការទម្លាក់គ្រាប់បែក និងការវាយលុកជើងគោករបស់អ៉ីស្រាអែល ជាការសងសឹកទៅនឹងការវាយប្រហារ ថ្ងៃទី៧ តុលារបស់ក្រុមហាម៉ាស បាននាំឱ្យមនុស្សស្លាប់កើនឡើងដល់ ៣៦,៥៥០នាក់ ហើយភាគច្រើនជាជនស៉ីវិល។ UN ធ្លាប់ព្រមានជាយូរមកហើយ អំពីគ្រោះទុរ្ភិក្សធ្ងន់ធ្ងរ ក្នុងតំបន់ហ្កាហ្សាដោយមនុស្ស […]

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី៥ ខែមិថុនា ឆ្នាំ២០២៤នេះ បានឱ្យដឹងថា ក្រុមហ៊ុនធំៗក្នុងស្រុកចំនួន៥ នឹងផ្តល់ឱកាសការងាររហូតជាង ៣០០កន្លែង សម្រាប់យុវជន សិស្ស/និស្សិត និងអ្នកស្វែងរកការងារ នៅថ្ងៃទី០៦ ខែមិថុនា ឆ្នាំ២០២៤ ស្អែកនេះ នៅទីភ្នាក់ងារជាតិមុខរបរ និងការងារ(NEA) ដែលមានទីតាំងក្នុងបរិវេណទីស្តីការក្រសួង។ ក្រុមហ៊ុនធំៗទាំង៥ នោះរួមមាន ធនាគារឯកទេសអ៉ីអន, ធនាគារជីបម៉ុង, ក្រុមហ៊ុនធានារ៉ាប់រង Manulife, ណាហ្គាវើល៍ និងក្រុមហ៊ុន សូគីមិច ដែលនឹងធ្វើការជ្រើសរើសបុគ្គលិកភ្លាមៗ នៅថ្ងៃស្អែកនេះតែម្តង។ ចំពោះសិស្ស/និស្សិត និងអ្នកកំពុងស្វែងរកការងារធ្វើ ឬចង់ផ្លាស់ប្តូរការងារអាចយកប្រវត្តិរូបសង្ខេប(CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះបាន ចាប់ពីម៉ោង ៨ព្រឹក ដល់ម៉ោង៥ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៦ ខែមិថុនា ឆ្នាំ២០២៤។ នេះបើតាមការជូនដំណឹងរបស់ក្រសួង។ បន្ថែមពីនេះ យុវជន សិស្ស/និស្សិត និងអ្នកស្វែងរកការងារ អាចទាក់ទងមជ្ឈមណ្ឌលការងាររាជធានីភ្នំពេញ នៃទីភ្នាក់ងារជាតិមុខរបរ និងការងារ តាមរយៈលេខទូរស័ព្ទ៖ ០១៦ ៧៨៦ […]

(បរទេស)៖ របាយការណ៍ថ្មីពី TrendForce បានបង្ហាញថា Apple ទំនងជាមិនបញ្ចេញ iPhone អេក្រង់បត់ ឬ iPhone Fold មុនឆ្នាំ២០២៧ នោះទេ ដោយលើកហេតុផលទាក់ទងនឹង «តម្រូវការដ៏តឹងរឹង» សម្រាប់លក្ខណៈបច្ចេកទេស ដំណើរការ និងភាពជឿជាក់ ដែលជាកត្តាសំខាន់សម្រាប់បទពិសោធន៍នៃការបង្ហាញដោយគ្មានថ្នេរ និងភាពធន់នៃយន្តការបត់។ នេះបើយោងតាមការចេញផ្សាយដោយ GSMArena។ អ្នកវិភាគ TrendForce បានិយាយថា Apple នៅតែបន្ត «វាយតម្លៃលក្ខណៈពិសេស និងដំណើរការនៃសមាសភាគ» សម្រាប់ iPhone Fold ដំបូង ហើយនេះប្រហែលជានៅតែចំណាយពេលរង់ចាំបន្ថែមទៀត។ ត្រង់ចំណុចនេះ ប្រភពដដែលគូសបញ្ជាក់ថា Apple ចង់ឱ្យត្រកូលអេក្រង់បត់របស់ខ្លួនមានលក្ខណៈឥតខ្ចោះជាង និងប្រើធន់បានយូរជាង បើធៀបទៅនឹងស្មាតហ្វូនអេក្រង់បត់ពីក្រុមហ៊ុន Samsung។ តាមរយៈការរកឃើញខ្សែសង្វាក់ផ្គត់ផ្គង់បង្ហាញថា LG នឹងក្លាយជាក្រុមហ៊ុនផ្គត់ផ្គង់តែមួយគត់នៃបន្ទះអេក្រង់ដែលអាចបត់បាន ហើយត្រូវបានគេរំពឹងថា នឹងមិនមានស្នាមផ្នត់អេក្រង់ដូចទៅនឹងស្មាតហ្វូនអេក្រង់បត់ពីក្រុមផ្សេងៗនោះទេ។ ចំពោះតម្លៃអេក្រង់រំពឹងទុកវិញ សម្រាប់ iPhone អេក្រង់បត់នឹងមានតម្លៃថ្លៃខ្លាំងចន្លោះពី ៦០០ ទៅ ៦៥០ដុល្លារ ចំពោះកន្លាក់បត់ដែល Apple គ្រោងនឹងប្រើអាចមានតម្លៃចន្លោះពី […]

(ភ្នំពេញ)៖ រាជរដ្ឋាភិបាលដឹកនាំដោយគណបក្សប្រជាជនកម្ពុជាតាំងពីជំនាន់សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នដឹកនាំដោយ សម្តេចធិបតី ហ៊ុន ម៉ាណែត បានផ្តល់ការអនុគ្រោះបំផុតចំពោះការយកពន្ធពីប្រជាពលរដ្ឋ ជាពិសេសពលរដ្ឋក្រីក្រ និងអ្នកមានចំណូលទាប ត្រូវបានរាជរដ្ឋាភិបាលគិតគូរជាអាទិភាព និងព្យាយាមបញ្ចៀសពួកគេមិនឱ្យជាប់ពន្ធឡើយ។ ជាក់ស្តែង រដ្ឋមិនយកពន្ធដីកសិកម្មជាលក្ខណៈគ្រួសារ មិនយកពន្ធលើសម្ភារកសិកម្ម ផលិតផលកសិកម្ម និងអចលនទ្រព្យដែលមានតម្លៃក្រោម ១០០ លានរៀល ឬ ២៥ ០០០ ដុល្លារអាម៉េរិក។ លើកលែងពន្ធប្រថាប់ត្រាលើការផ្ទេរកម្មសិទ្ធិអចលទ្រព្យក្រោមឬស្មើ ៧ម៉ឺនដុល្លារអាម៉េរិក។ រដ្ឋមិនយកពន្ធប្រថាប់ត្រាផ្ទេរមរតកជាអំណោយមួយលើក មិនយកពន្ធផ្លូវម៉ូតូឬកង់បី។ ប្រាក់បៀវត្សទាបជាង ១,៥ លានរៀល មិនជាប់ពន្ធ។ អ្នកប្រកបរបរតូចតាចដែលមានផលរបរក្រោម ២៥០ លានរៀល មិនតម្រូវឱ្យមានកាតព្វកិច្ចបង់ពន្ធទេ។ ទន្ទឹមគ្នានេះ គោលនយោបាយអនុគ្រោះដល់អាជីវកម្មនានា ដែលជួបការលំបាក ក៏ត្រូវបានដាក់ចេញជាបន្តបន្ទាប់ និងនៅតែអនុវត្តជាប្រចាំ។ នៅមានការអនុគ្រោះ ព្រមទាំងការលើកលែងជាច្រើនផ្សេងទៀតដែលរដ្ឋបានផ្តល់ជូន។ ក្រៅពីមិនជាប់ពន្ធ ពលរដ្ឋក្រីក្រនិងងាយរងហានិភ័យត្រូវបានរាជរដ្ឋាភិបាលចាត់ទុកជាអាទិភាពក្នុងការទទួលបានការឧបត្ថម្ភ គាំពារពីរដ្ឋ។ ជាក់ស្តែង ក្នុងអំឡុងការរីករាលដាលនៃជំងឺកូវីដ-១៩ រដ្ឋបានចំណាយថវិកាជាង ១ ២០០ លានដុល្លារអាម៉េរិក ដើម្បីជួយពលរដ្ឋក្រីក្រដែលរងគ្រោះ។ បច្ចុប្បន្ន កម្មវិធីគោលនយោបាយអាទិភាព៦ចំណុចដែលដាក់ចេញដោយសម្តេចធិបតី […]

(ភ្នំពេញ)៖ ក្រុមហ៊ុន Otis McAllister​ ដែលជាក្រុមហ៊ុនផ្គត់ផ្គង់អាហារដ៏ធំមួយ របស់សហរដ្ឋអាមេរិក បានបង្ហាញការពេញចិត្ត ចំពោះគុណភាពអង្ករកម្ពុជា ដែលនាពេលខាងមុខក្រុមហ៊ុន នឹងពិនិត្យលទ្ធភាពក្នុងការបញ្ជាទិញអង្ករកម្ពុជា សម្រាប់ចែកចាយក្នុងទីផ្សារអាមេរិក។ តំណាងក្រុមហ៊ុន Otis McAllister​​ ​បង្ហាញការពេញចិត្ត ចំពោះគុណភាពអង្ករកម្ពុជានេះធ្វើឡើងក្នុងជំនួបរវាង លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ​ជាមួយលោក Patrick Murphy អនុប្រធានប្រតិបត្តិទទួលបន្ទុកផ្នែកបញ្ជាទិញអង្ករ និងគ្រាប់ធញ្ញជាតិ នៃក្រុមហ៊ុន Otis McAllister, Inc និងគណៈប្រតិភូសហព័ន្ធស្រូវអង្ករកម្ពុជា ​ដើម្បីពិភាក្សាការងារ ស្ដីពីការពិនិត្យលទ្ធភាពក្នុងការបញ្ជាទិញអង្ករកម្ពុជា សម្រាប់ចែកចាយក្នុងទីផ្សារអាមេរិក​ នាល្ងាចថ្ងៃទី៣ ខែមិថុនា ឆ្នាំ២០២៤។ ក្នុងជំនួបនោះលោកអនុប្រធានប្រតិបត្តិក្រុមហ៊ុន បានសម្តែងនូវមោទនភាព និងការពេញចិត្តនូវភាពរីកចម្រើនជារួមរបស់កម្ពុជា ដែលខុសប្លែកពីអ្វីដែលលោកធ្លាប់បានទទួលព័ត៌មាន នៅខាងក្រៅ។ លើសពីនេះលោកបាន​កត់សម្គាល់ និងកោតសរសើរទៅលើកសិកម្មកម្ពុជា ជាពិសេសផលិតផលអង្ករ ដែលធានាបាននូវគុណភាព និងបរិមាណដែលទទួលយកបាន។ លោកស្រី ចម និម្មល បានលើកទឹកចិត្តឱ្យក្រុមហ៊ុននាំចេញអង្ករធំៗទាំង​១៦ ដែលជាសមាជិករបស់សហព័ន្ធ ធ្វើការដោយផ្ទាល់ជាមួយក្រុមហ៊ុន Otis McAllister ដើម្បីឈានដល់ការចុះកិច្ចព្រមព្រៀងបញ្ជាទិញអង្ករកម្ពុជា ចូលទៅផ្សារសហរដ្ឋអាមេរិកក្នុងពេលឆាប់ៗខាងមុខ។​ […]

(ភ្នំពេញ)៖ លោក Marco Bianchi នាយកគ្រប់គ្រងការរៀបចំកម្មវិធីប្រគំតន្ត្រីរបស់លោក Andrea Bocelli បានថ្លែងជម្រាបលោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ថា លោកចង់ជ្រើសរើសតំបន់អង្គរវត្ត ខេត្តសៀមរាប រៀបចំការប្រគំតន្ត្រីកម្រិតពិភពលោក លើកដំបូង នៅប្រទេសកម្ពុជា នៅឆ្នាំ២០២៥ ឆ្នាំក្រោយនេះ របស់លោក Andrea Bocelli អ្នកចម្រៀងដ៏ល្បីលំដាប់ពិភពលោក សញ្ជាតិអ៉ីតាលី។ លោកថ្លែងបែបនេះ ក្នុងឱកាសត្រូវបានអនុញ្ញាតឱ្យចូលជួបសម្តែងការគួរសម និងពិភាក្សាពីដំណើរការចរចារៀបចំកម្មវិធីកំពូលខាងលើ នៅព្រឹកថ្ងៃទី៤ ខែមិថុនា ឆ្នាំ២០២៤ នាទីស្តីការក្រសួងវប្បធម៌។ លោក Marco Bianchi បានធ្វើបទបង្ហាញពីដំណើរការរៀបចំកម្មវិធីប្រគំតន្ត្រី នៅប្រទេសកម្ពុជា ដែលជួយជំរុញកំណើនទេសចរណ៍, កំណើនសេដ្ឋកិច្ច, អភិរក្ស និងអភិវឌ្ឍវិស័យវប្បធម៌ ព្រមទាំងទទួលស្គាល់ពីអន្តរជាតិនិងជាអំណាចទន់ ផងដែរ។ លោកក៏បានអះអាងថា បើសិនរៀបចំបាន ការប្រគំតន្ត្រីនៅកម្ពុជាមួយនេះ នឹងត្រូវបានផ្សព្វផ្សាយដោយក្រុមហ៊ុនធំៗ ដែលមានអ្នកទស្សនាដល់ទៅរាប់ពាន់លាននាក់។ ក្នុងឱកាសនោះ លោកស្រីរដ្ឋមន្ត្រី បានសម្តែងក្តីរីករាយចំពោះគម្រោងនេះ ខណៈលោកស្រី ក៏ស្គាល់លោកភាពល្បីល្បាញរបស់ Andrea Bocelli តាមរយៈ Internet […]

(ភ្នំពេញ)៖ លោក ជិន ប៊ុនធឿន អភិបាលខណ្ឌឫស្សីកែវ បានលើកឡើងថា នៅតាមបណ្ដោយចំណីមាត់ព្រែកបាក់ទូក នឹងមានដាំទៅដោយដើមឈើ និងដើមផ្កា ដើម្បីកែលម្អ និងលើកកម្ពស់សោភ័ណ្ឌភាពឡើងវិញ និងអាចបញ្ជៀសបានមួយចំនួននូវការកកស្ទះចរាចរ ក្រោយពីការកសាងស្ថាបនាផ្លូវប្រវែងជិត៣០០០ម៉ែត្ររួចរាល់ជាស្ថាពរ និងចេញជារូបរាងនាពេលខាងមុខ ជូនបងប្អូនប្រជាពលរដ្ឋ។ ការលើកឡើងរបស់លោក ជិន ប៊ុនធឿន ធ្វើឡើងក្នុងពេលលោកដឹកនាំមន្ត្រីសង្កាត់ពាក់ព័ន្ធ ចុះត្រួតពិនិត្យតាមបណ្ដោយចំណីព្រែកបាក់ទូក ដើម្បីត្រៀមដាក់គ្រឿងចក្រឈូសឆាយធ្វើផ្លូវប្រមាណជិត៣០០០ម៉ែត្រ ដែលតភ្ជាប់ពីសង្កាត់ទួលសង្កែទី១ ទៅរហូតដល់សង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ នាថ្ងៃទី៤ ខែមិថុនា ឆ្នាំ២០២៤។ លោកអភិបាលខណ្ឌឫស្សីកែវ បានបញ្ជាក់ថា បន្ទាប់ពីដាក់គ្រឿងចក្រ និងឈានដល់ការឈូសឆាយធ្វើផ្លូវប្រវែងជិត ៣០០០ម៉ែត្ររួចរាល់ហើយនោះ នឹងមានការដាំទៅដោយដើមឈើ និងដើមផ្កា នៅតាមបណ្ដោយចំណីព្រែកបាក់ទូក ដើម្បីកែលម្អរ និងលើកកម្ពស់សោភ័ណ្ឌភាពឡើងវិញ និងអាចបញ្ជៀសបានមួយចំនួននូវការកកស្ទះចរាចរ ដែលតភ្ជាប់ពីសង្កាត់ទួលសង្កែទី១ រហូតដល់សង្កាត់គីឡូម៉ែតលេខ៦ ជូនបងប្អូនប្រជាពលរដ្ឋ៕ ផ្តល់សិទ្ធិដោយ៖ Fresh News

(ភ្នំពេញ)៖ អគ្គនាយកដ្ឋានគយ និងរដ្ឋាករកម្ពុជា បានបញ្ជាក់ឱ្យដឹងនៅរសៀលថ្ងៃទី៤​ ខែមិថុនា ឆ្នាំ២០២៤នេះថា ករណីដែលកម្លាំងគយចល័ត ចុះពិនិត្យអនុលោមភាពហាងលក់ទូរសព្ទ នៅក្នុងភូមិសាស្រ្តស្រុកមេមត់ ខេត្តត្បូងឃ្មុំ ហើយឃាត់បានទូរសព្ទទាំងថ្មី និងប្រើរួចជាង១ពាន់គ្រឿងនោះ ពេលនេះត្រូវបានដោះស្រាយរួចរាល់ តាមសំណើរបស់ម្ចាស់ហាងលក់ទូរសព្ទ។ តាមការណែនាំរបស់លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកគយ និងរដ្ឋាករកម្ពុជា, លោកប្រធាននាយកដ្ឋានបង្ការ និងបង្ក្រាបបទល្មើស បានប្រជុំមន្ត្រីគយ និងរដ្ឋាករពាក់ព័ន្ធ ដើម្បីពិភាក្សា និងពិនិត្យរកដំណោះស្រាយ ករណីចាប់ឃាត់ទូរសព្ទគ្មានពន្ធទាំងថ្មី និងប្រើរួចសរុបចំនួន ១៣១៤ គ្រឿង ដែលកំពុងរក្សាទុកបណ្តោះអាសន្ន នៅការិយាល័យស្រាវជ្រាវ និងបង្ក្រាបអំពើរត់ពន្ធតំបន់៦ ។ បន្ទាប់ពីប្រជុំផ្ទែក្នុងរួច លោកប្រធាននាយកដ្ឋាន ក៏បានចុះជួបប្រជុំផ្ទាល់ជាមួយម្ចាស់ហាងលក់ទូរស័ព្ទទាំង ៣ទីតាំង ដើម្បីស្ដាប់សំណូមពរ និងពិនិត្យរកដំណោះស្រាយសមស្រប។ ម្ចាស់ហាងលក់ទូរស័ព្ទទាំង៣ បានយល់ច្បាស់ ពីកាតព្វកិច្ចពន្ធនិងអាករ និងបានយល់ព្រមបង់ពន្ធ និងអាករ តែសំណូមពរបន្ធូរបន្ថយពិន័យ។ បន្ទាប់ពីឆ្លងមតិថ្នាក់ដឹកនាំ, លោកប្រធាននាយកដ្ឋាន បានទទួលយកតាមសំណើរបស់ម្ចាស់ហាងលក់ទូរស័ព្ទទាំង ៣ទីតាំង ហើយករណីនេះត្រូវបានបិទបញ្ចប់ជាស្ថាពរ នារសៀលថ្ងៃទី៤ ខែមិថុនា ឆ្នាំ២០២៤ នេះហើយ៕ ផ្តល់សិទ្ធិដោយ៖ […]

(រតនគិរី)៖ យុទ្ធនាការដូរក្រដាសប្រាក់ដែលចាស់ ទក់ និងរហែក បានប្រារព្ធធ្វើឡើងនៅព្រឹកថ្ងៃទី៤ ខែមិថុនា ឆ្នាំ២០២៤ ក្រោមវត្តមានលោក ធូ ឃឿ អភិបាលក្រុងបានលុង និងលោក ញ៉ែត នុត នាយកសាខាធនាគារជាតិ នៃកម្ពុជាខេត្តរតនគិរី ព្រមទាំងលោកចៅសង្កាត់ទាំង៤ នៃក្រុងបានលុង និងលោកមេភូមិក្នុងសង្កាត់ទាំង៤ផងដែរ។ លោក ញ៉ែត នុត បានលើកឡើងថា យុទ្ធនាការប្តូរក្រដាសប្រាក់រៀល ចាស់ ទក់ រហែក ត្រូវបានធ្វើឡើងតាមបណ្តារាជធានីខេត្តចំនួន១៩ នៅថ្ងៃទី៤ ខែមិថុនា ឆ្នាំ២០២៤ ចាប់ពីម៉ោង ៨៖០០នាទីព្រឹក រហូតដល់ម៉ោង ៣៖០០នាទីរសៀល។ ដោយឡែកថ្ងៃនេះ សាខាធនាគារជាតិនៃកម្ពុជាខេត្តរតនគិរី បានសហការជាមួយគ្រឹះស្ថានធនាគារ និងហិរញ្ញវត្ថុ ចំនួន១៦គ្រឹះស្ថាន បានរៀបចំយុទ្ធនាការ កម្មវិធីប្តូរក្រដាសប្រាក់រៀលចាស់ ទក់ រហែក ជូនសាធារណជន ដោយ មិនគិតកម្រៃសេវា និងត្រូវផ្ទេរចូលតាមរយៈគណនីធនាគារ និងគណនីបាគងរបស់សារធារណជនភ្លាមៗនៅនឹងកន្លែង។ លោក ញ៉ែត នុត បន្តថា កម្មវិធីយុទ្ធនាការនេះមានគោលបំណងចំនួនពីរ រួមមាន៖ *ទី១៖ ជំរុញការប្រើប្រាស់ […]

(ភ្នំពេញ)៖ លោក កែវ រតនៈ រដ្ឋមន្ដ្រីក្រសួងរ៉ែ និងថាមពល បានបំភ្លឺបកស្រាយពាក់ព័ន្ធនឹងចម្ងល់ របស់បងប្អូនប្រជាពលរដ្ឋខ្មែរយើងខ្លះ ឆ្ងល់ថា «តើកម្ពុជាយើងសម្បូរភ្លើង (ថាមពលអគ្គិសនី) រហូតទៅដល់លែងខ្វះខាតហើយឬអី បានជាអាចចង់លក់នៅប្រទេសក្រៅថែមទៀត? ការបំភ្លឺបកស្រាយនេះរបស់លោក កែវ រតនៈ ធ្វើឡើងតាមរយៈវីដេអូខ្លី ក្រោយលោកបានបញ្ចប់កិច្ចប្រជុំ ជាមួយនឹងខាងប្រទេសសិង្ហបុរី ពាក់ព័ន្ធជាមួយនឹងការចង់បង្កើត បណ្ដាញអគ្គិសនីអាស៊ាន ដែលភាសាអង់គ្លេសហៅថា Asean Power Gird ឬក៏អក្សរកាត់ហៅថា APG។ លោក កែវ រតនៈ បានលើកឡើងថា «ខ្ញុំបាទសូមបំភ្លឺថា ស្រដៀងគ្នា ជាមួយនឹងបញ្ហាស្បៀងអាហារ ដូចជាស្រូវអង្ករ មិនមែនមានន័យថា កម្ពុជាយើង ក្នុងគ្រួសារម្នាក់ៗ គឺមានស្រូវពេញហៀរហូរជម្រុក ហូបអត់អស់សល់គ្រប់គ្រួសារ ហើយបានយើងនាំអង្ករចេញទៅក្រៅប្រទេសជាង ១០០ប្រទេស ដូចយើងធ្វើបច្ចុប្បន្ននោះទេ។ ថាមពលក៏ស្រដៀងគ្នាដែរ គឺចំពោះមុខឆ្នាំ២០២៥ ឆ្នាំ២០២៦ ឆ្នាំ២០២៧ គឺអាចមានការប្រឈម ដែលយើងហៅថា អន្តរកាលថាមពល។ ក្នុងអន្តរកាលនេះ យើងត្រូវដោះស្រាយបញ្ហា៣៖ បញ្ហាទី១៖ បញ្ហារក្សាថ្លៃកុំឲ្យឡើង ហើយបើអាចចុះបានល្អ បើអាច, បញ្ហាទី២៖ ចង់ដោះស្រាយបញ្ហាផ្គត់ផ្គង់ […]