By: Khmerpress

ក្រសួងធនធានទឹក ជូនដំណឹងពីស្ថានភាពធាតុអាកាស ចាប់ពីថ្ងៃនេះដល់ថ្ងៃទី២៥ ខែមករា ឆ្នាំ២០២២, អាចមានភ្លៀងក្នុងកម្រិតខ្សោយ

ព័ត៌មានជាតិ January 19, 2022 19/01/2022

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹងពីស្ថានភាពធាតុអាកាស ពីថ្ងៃទី១៩-២៥ ខែមករា ឆ្នាំ២០២២។ ក្រសួងបានឲ្យដឹងថា នៅថ្ងៃទី១៩ ខែមករា ឥទ្ធិពលពីទ្រនុងសម្ពាធខ្ពស់ (ចិន) ក្នុងកម្រិតខ្សោយ និងនៅថ្ងៃទី២០-២៥ ខែមករា ឥទ្ធិពលជម្រាបនៃសម្ពាធទាប (ឥណ្ឌូនេស៊ី) ក្នុងកម្រិតខ្សោយ។ ស្ថានភាពបែបនេះនឹងធ្វើឲ្យ៖ ១៖ បណ្តាខេត្តនៅតំបន់វាលទំនាបកណ្ដាល * សីតុណ្ហភាពអប្បបរមា មានពី ២២-២៥ °C * សីតុណ្ហភាពអតិបរមា មានពី ៣០-៣៣ °C * ក្នុងអំឡុងថ្ងៃទី២១-២៥ ខែមករា អាចមានភ្លៀងក្នុងកម្រិតខ្សោយដោយអន្លើរ។ ២៖ បណ្តាខេត្តជាប់ជួរភ្នំដងរែក និងខ្ពង់រាបឦសាន * សីតុណ្ហភាពអប្បបរមា មានពី ២១-២៤ °C * សីតុណ្ហភាពអតិបរមា មានពី ២៩-៣២ °C * នៅថ្ងៃទី២២-២៥ ខែមករា អាចមានភ្លៀងក្នុងកម្រិតខ្សោយដោយអន្លើរ នៅតំបន់ខ្ពង់រាបឦសាន និងភាគខាងកើត។ ៣៖ […]

សេវាប្រៃសណីយ៍របស់ប្រទេសចិន បញ្ជាឱ្យបុគ្គលិកធ្វើការសម្អាតមេរោគលើសំបកវេចខ្ចប់ មុនពេលផ្ញើសំបុត្រទៅឱ្យអតិថិជន

ព័ត៌មានជាតិ January 18, 2022 18/01/2022

សេវាប្រៃសណីយ៍របស់ប្រទេសចិន បានបញ្ជាឱ្យបុគ្គលិកធ្វើការសម្អាតនិងសម្លាប់មេរោគ លើការដឹកជញ្ជូនអន្តរជាតិរបស់ខ្លួន និងបានជំរុញឱ្យសាធារណជនកាត់បន្ថយការបញ្ជាទិញពីក្រៅប្រទេស បន្ទាប់ពីអាជ្ញាធរបានអះអាងថា សំបុត្រផ្ញើពីបរទេសអាចជាប្រភពនៃការផ្ទុះឡើងនៃជំងឺ COVID-19 វ៉ារ្យ៉ង់ អូមីក្រុង នាពេលថ្មីៗនេះ។ រំលឹកផងដែរថា ប្រទេសចិនធ្លាប់ជាទីតាំងនៃការផ្ទុះឡើងដំបូងនៃជំងឺ​ COVID-19 កាលពីចុងឆ្នាំ២០១៩ ប៉ុន្តែឥឡូវនេះ ប្រទេសចិនកំពុងអនុវត្តគោលនយោបាយ Zero-COVID-19 ហើយជាលទ្ធផល ប្រទេសនេះមិនសូវជាមានករណីច្រើន រាប់ពាន់ ឬរាប់ម៉ឺនករណី ដូចជាប្រទេសដទៃទៀតឡើយ។ យ៉ាងណាក៏ដោយ ការព្រួយបារម្ភនៅតែមានសម្រាប់ប្រទេសចិន ដោយសារប្រទេសនេះបានមើលឃើញពីការឆ្លងថ្មីៗ និងករណីដំបូងនៃវ៉ារ្យ៉ង់ អូមីក្រុង ខណៈប្រទេសនេះកំពុងត្រៀមធ្វើជាម្ចាស់ផ្ទះនៃព្រឹត្តិការណ៍កីឡាអូឡាំពិករដូវរងារនៅខែក្រោយ។ សេវា​ប្រៃសណីយ៍ China Post កាលពីថ្ងៃចន្ទបានចេញផ្សាយសេចក្តីថ្លែងការណ៍មួយ ដោយបញ្ជាឱ្យបុគ្គលិករបស់ខ្លួន ត្រូវសម្លាប់មេរោគលើសំបកវេចខ្ចប់ខាងក្រៅទាំងអស់ ហើយសម្រាប់អ្នកកាន់ខាងសំបុត្រ និងកញ្ចប់បញ្ញើបរទេស ត្រូវតែចាក់វ៉ាក់សាំងការពារឱ្យបានត្រឹមត្រូវ។ សេវាប្រៃសណីយ៍ក៏បានស្នើឱ្យសាធារណជនកាត់បន្ថយការទិញ និងការដឹកជញ្ជូនពីប្រទេស និងតំបន់ដែលមានហានិភ័យខ្ពស់ ហើយបាននិយាយថា សំបុត្រក្នុងស្រុកគួរតែត្រូវបានដោះស្រាយទៅតាមតំបន់ផ្សេងៗគ្នា ដើម្បីការពារការចម្លងមេរោគឆ្លង។ ជម្រាបដែរថា ប្រទេសចិនបានរាយការណ៍ពីករណីជំងឺ COVID-19 ថ្មីចំនួន ១២៧ ករណី នៅថ្ងៃអង្គារនេះ៕ ដោយ៖ ខ្មែរណូត

អ្នកតវ៉ារឿងដីធ្លី និងផ្ទះនៅសង្កាត់បឹងកក់១ និងបឹងកក់២ ខណ្ឌទួលគោក ឯកភាពតាមអាជ្ញាធររាជធានីភ្នំពេញ ក្រោយមានការណែនាំរបស់លោក ឃួង ស្រេង

ព័ត៌មានជាតិ January 18, 2022 18/01/2022

(ភ្នំពេញ)៖ អ្នកតវ៉ារឿងដីធ្លី និងផ្ទះនៅសង្កាត់បឹងកក់១ និងបឹងកក់២ ខណ្ឌទួលគោក ប្រមាណ៣០នាក់ បានឯកភាពយល់ព្រមតាមអាជ្ញាធររាជធានីភ្នំពេញ ក្រោយមានការពន្យល់ណែនាំនៅព្រឹកថ្ងៃទី១៨ ខែមករា ឆ្នាំ២០២២នេះ។ ការយល់ព្រមបានធ្វើឡើងក្នុងឱកាសលោក កើត ឆែ និងលោក មាន ចាន់យ៉ាដា អភិបាលរងតំណាងលោក ឃួង ស្រេង អភិបាលរាជធានីភ្នំពេញ បានជួបសំណេះសំណាលជាមួយប្រជាពលរដ្ឋ អ្នកតវ៉ាមកពីសង្កាត់បឹងកក់ទី១ និងបឹងកក់ទី២ ដែលពាក់ព័ន្ធរឿងដីធ្លី និងផ្ទះសម្បែងទាំងនោះ។ នាឱកាសនោះ អាជ្ញាធរបានពន្យល់ ពីគោលការណ៍ និងចំណុចមួយចំនួន ដោយស្នើឲ្យពួកគាត់ រក្សាស្ថានភាពដើមដដែល កុំមានការជ្រួលច្របល់ ព្រោះអាជ្ងាធរមិនមានគោលការណ៍ ឬសេចក្តីណែនាំណាមួយ ឲ្យមានការចាកចេញ ពីទីតាំងដែលពួកគាត់កំពុងរស់នៅនេះទេ។ លោក កើត ឆែ និងលោក មាន ចាន់យ៉ាដា បានលើកឡើងថា «ក្នុងរយៈពេលជាងពីរឆ្នាំកន្លងមកនេះ អាជ្ញាធររាជធានីភ្នំពេញ ក៏ដូចខណ្ឌ និងសង្កាត់ សុទ្ធតែជាប់ដៃមមាញឹកក្នុងការទប់ស្កាត់ការរីករាលដាលនៃជំងឺកូវីដ១៩ ដូច្នេះយើងពុំទាន់មានគោលការណ៍ណាមួយ ដើម្បីអភិវឌ្ឍន៍នៅចំណុច ដែលបងប្អូនកំពុងរស់នៅនេះទេ»។ លោកបន្តថា លោក ឃួង ស្រេង […]

កាណាដាអនុម័តឱ្យប្រើ ថ្នាំគ្រាប់របស់ក្រុមហ៊ុន Pfizer ដើម្បីព្យាបាលកូវីដ១៩

ព័ត៌មានអន្តរជាតិ January 18, 2022 18/01/2022

(អូតាវ៉ា)៖ កាណាដាកាលពីថ្ងៃចន្ទសប្តាហ៍នេះ បានអនុម័តឱ្យប្រើប្រាស់ថ្នាំគ្រាប់របស់ក្រុមហ៊ុនអាមេរិក Pfizer សម្រាប់ការព្យាបាលអ្នកជំងឺ COVID-19 មានអាយុចាប់ពី១៨ឆ្នាំឡើងទៅ ដែលស្ថិតក្នុងករណីស្រាលនិងមធ្យម។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអង្គារ ទី១៨ ខែមករា ឆ្នាំ២០២២។ អត្រានៃការឆ្លងនិងការព្យាបាលនៅតាមមន្ទីរពេទ្យ ដោយសារវីរុសបំប្លែងថ្មី Omicron បាននិងកំពុងតែកើនឡើង នៅក្នុងប្រទេសកាណាដា ដែលជាហេតុបង្ខំឱ្យបណ្តាខេត្ត របស់ប្រទេសអាមេរិកខាងជើងមួយនេះ ត្រូវដាក់ចេញនូវវិធានការរឹតត្បិតមួយចំនួន ហើយរដ្ឋាភិបាលវិញ ត្រូវផ្តល់ជំនួយដើម្បីគាំទ្រអាជីវកម្មដែលរងការប៉ះពាល់។ កាលពីចុងឆ្នាំមុន រដ្ឋាភិបាលទីក្រុងអូតាវ៉ា បាននិយាយថា ខ្លួនបានចុះកិច្ចព្រមព្រៀងជាមួយក្រុមហ៊ុន Pfizer សម្រាប់ថ្នាំ COVID-19 ហៅថា ផាក់ឡូវីដ (Paxlovid) ចំនួន១លានឈុត។ ប៉ុន្តែឥឡូវកាណាដាបានឱ្យដឹងថា បច្ចុប្បន្នលទ្ធភាពនៃការផ្គត់ផ្គង់នៅលើពិភពលោក របស់ថ្នាំ Paxlovid ហាក់នៅមានកំណត់នៅឡើយ។ សហរដ្ឋអាមេរិកក៏បានអនុម័តឱ្យប្រើថ្នាំ COVID-19 នេះ សម្រាប់មនុស្សមានវ័យចាប់ពី១២ឆ្នាំឡើងទៅ កាលពីខែមុនផងដែរ។ គួរបញ្ជាក់ថា យោងតាមទិន្នន័យនៃការធ្វើតេស្តរបស់ក្រុមហ៊ុន Pfizer ថ្នាំ Paxlovid មានសមត្ថភាពដល់ទៅជិត ៩០ភាគរយ ក្នុងការទប់ស្កាត់ កុំឱ្យធ្លាក់ខ្លួនឈឺខ្លាំងនិងស្លាប់ […]

ប្រសើរណាស់! កម្ពុជាទទួលបានគម្រោងវិនិយោគ ១០បន្ថែមទៀត សរុបទុនជិត ២០០០លានដុល្លារលើទឹកដីខេត្តទាំងនេះ

ព័ត៌មានជាតិ January 18, 2022 18/01/2022

ទោះបីស្ថិតក្នុងស្ថានភាពដ៏លំបាក ដែល​បង្កឡើងដោយវីរុស Covid-19 ក៏ដោយក្ដី ក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC បានអនុម័តគម្រោងវិនិយោគថ្មីចំនួន ១០ ដែលមានដើមទុនវិនិយោគសរុបជិត ២០០០លានដុល្លារអាមេរិក និងបង្កើតការងារសម្រាប់ប្រជាពលរដ្ឋក្នុងតំបន់រាប់ពាន់កន្លែង។ តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖ ១- INDEPENDENCE CLOTHING (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិព្រៃព្រីងខាងត្បូង ១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន៧១៤កន្លែង។ ២- CAMBODIAN GUOXING YI QUN LANG PLYWOOD CO., LTD: គម្រោងវិនិយោគបង្កើតរោងចក្រកែច្នៃក្តារបន្ទះ (ពីឈើនាំចូល និងឈើដាំដុះក្នុងស្រុក) ដែលមានទីតាំងវិនិយោគស្ថិតនៅភូមិស្រឡៅតូង ឃុំបល្ល័ង្ក ស្រុកបារាយណ៍ ខេត្តកំពង់ធំ មានទុនវិនិយោគប្រមាណ ៣,៤លានដុល្លារអាមេរិក និងអាចបង្កើតការងារបានចំនួន ១៩២កន្លែង។ ៣- MUTITA TEXTILE SOCIAL ENTERPRISE […]

ប្រទេសចិនបានសង្ស័យថា ករណីជំងឺកូវីដ១៩ វ៉ារ្យ៉ង់អូមីក្រុងដំបូងរបស់ខ្លួន គឺឆ្លងតាមរយៈសំបុត្រដែលផ្ញើមកពីប្រទេសកាណាដា

ព័ត៌មានអន្តរជាតិ January 18, 2022 18/01/2022

ថ្មីៗនេះប្រទេសចិនបានរកឃើញករណីដំបូងនៃជំងឺ COVID-19 វ៉ារ្យ៉ង់ អូមីក្រុង នៅក្នុងទីក្រុងប៉េកាំង ដែលធ្វើឱ្យមានការព្រួយបារម្ភកាន់តែខ្លាំងឡើង ខណៈដែលខេត្តក្រុងមួយចំនួនកំពុងមើលឃើញពីការឆ្លងថ្មីៗ។ ឥឡូវនេះ អាជ្ញាធរចិនកំពុងចោទប្រកាន់ការឆ្លងដំបូងនៃករណី អូមីក្រុង ទៅលើសារសំបុត្រដែលផ្ញើមកពីបរទេស ហើយមន្ត្រីសុខាភិបាលក៏បានណែនាំឱ្យពលរដ្ឋ ត្រូវមានការពាក់ម៉ាស់ និងស្រោមដៃឱ្យបានត្រឹមត្រូវ នៅរាល់ពេលដែលពួកគេចាប់កាន់សំបុត្រដែលផ្ញើមកពីបរទេសទាំងនោះ នេះបើយោងតាមការចុះផ្សាយរបស់សារព័ត៌មាន The Straits Times ។ ប្រភពបាននិយាយថា អ្នកជំងឺ COVID-19 វ៉ារ្យ៉ង់ អូមីក្រុង ម្នាក់នោះ មិនមានប្រវត្តិចេញទៅក្រៅទីក្រុងប៉េកាំងនោះទេ ក្នុងរយៈពេល ១៤ ថ្ងៃចុងក្រោយ នៅមុនពេលគាត់តេស្ដវិជ្ជមានជាមួយជំងឺ COVID-19 ហើយគាត់ក៏មិនមានទំនាក់ទំនងអ្វីជាមួយអ្នកជំងឺសង្ស័យដទៃនោះដែរ ខណៈបុគ្គលិករួមការងារជាមួយគាត់សុទ្ធតែអវិជ្ជមានជាមួយជំងឺ។ ប៉ុន្តែអ្វីដែលគេអាចកំណត់បាន គឺអ្នកជំងឺ COVID-19 វ៉ារ្យ៉ង់អូមីក្រុង ដំបូងម្នាក់នោះ បានធ្វើការទទួលសារសំបុត្រពីបរទេសជាញឹកញាប់។ សំបុត្រនោះត្រូវបានគេដឹងថា ផ្ញើមកពីប្រទេសកាណាដា កាត់តាមសហរដ្ឋអាមេរិក និងហុងកុង មុនពេលមកដល់ដៃអ្នកជំងឺម្នាក់នោះ។ គួរឱ្យដឹងដែរថា ប្រទេសចិនតែងតែតាមដានរាល់សកម្មភាពដែលគួរឱ្យសង្ស័យ ដើម្បីបញ្ឈប់ការរីករាលដាលនៃជំងឺ COVID-19 ក្នុងចំនួនច្រើនសារជាថ្មី។ ជាក់ស្ដែងកាលពីខែវិច្ឆិកាឆ្នាំមុន ប្រទេសចិនបានព្រមានថា ជំងឺ COVID-19 អាចឆ្លងតាមកញ្ចប់ប្រៃសណីយ […]

ស្ថាប័នជំនាញថៃរកឃើញថា ការចាក់វ៉ាក់សាំង ២ប្រភេទនេះចម្រុះគ្នាគឺមានប្រសិទ្ធភាពខ្ពស់សម្រាប់ប្រឆាំងនឹងមេរោគអូមីក្រុង

ព័ត៌មានអន្តរជាតិ January 18, 2022 18/01/2022

ថៃ៖ នាយកដ្ឋានវិទ្យាសាស្រ្តវេជ្ជសាស្ត្រនៃប្រទេសថៃបានសិក្សារកឃើញថា ការចាក់វ៉ាក់សាំងបង្ការជំងឺកូវីដ-១៩ ចម្រុះគ្នារវាងវ៉ាក់សាំងប្រភេទ Inactivated Vaccine ជាមួយនឹងវ៉ាក់សាំងប្រភេទ mRNA-based គឺមានប្រសិទ្ធភាពខ្ពស់សម្រាប់ប្រឆាំងនឹងជំងឺកូវីដ-១៩ ទាំងប្រភេទដែលតានិងប្រភេទអូមីក្រុង នេះបើយោងតាមការចុះផ្សាយរបស់កាសែត បាងកកប៉ុស្តិ៍ នៅព្រឹកថៃអង្គារ ទី១៨ ខែមករានេះ។ ក្នុងការសិក្សាដដែលនេះក៏បានបង្ហាញដែរថា ​ប្រសិទ្ធភាពរបស់វ៉ាក់សាំងគ្រប់ប្រភេទទាំងអស់ (គិតតែវ៉ាក់សាំងមួយប្រភេទ) នឹងថយចុះយ៉ាងខ្លាំង ពេលបានជួយជាមួយមេរោគអូមីក្រុង ពោលគឺធ្លាក់ចុះទាបជាងពេលបានជួបជាមួយមេរោគប្រភេទដែលតាទៅទៀត។ បើតាមលោកវេជ្ជបណ្ឌិត Supakit Sirilak ដែលជាប្រធាននាយកដ្ឋានវិទ្យាសាស្រ្តវេជ្ជសាស្ត្រ​និង​​ជាអ្នកដឹកនាំការស្រាវជ្រាវខាងលើបានពន្យល់អំពីលទ្ធផលនៃការសិក្សាថា ប្រសិទ្ធបើគេចាក់វ៉ាក់សាំង Sinovac (ប្រភេទ Inactivated Vaccine) ចំនួន ២ដូស ហើយចាក់វ៉ាក់សាំង Pfizer (ប្រភេទ mRNA-based ) ជាដូសជម្រុញ នោះប្រព័ន្ធការពាររាងកាយនឹងមានកម្រិត ២៨២,៥ បម្រាប់ប្រឆាំងទល់នឹងមេរោគអូមីក្រុង និងកម្រិត ៧២៩,៣ ទល់នឹងមេរោគដែលតា។ លោកវេជ្ជបណ្ឌិតរូបនេះបានបន្តថា ក្នុងករណីដែលគេចាក់វ៉ាក់សាំង AstraZeneca ចំនួន ២ដូសដំបូងហើយចាក់វ៉ាក់សាំង Pfizerជាដូសជម្រុញគឺប្រព័ន្ធការពាររាងកាយនឹងមានកម្រិតត្រឹម ២២២,៩ សម្រាប់ប្រឆាំងទល់នឹងមេរោគអូមីក្រុងនិងកម្រិត ៦៩១,១ សម្រាប់ប្រឆាំងទល់នឹងមេរោគដែលតា៕​ ដោយ​៖ […]

ក្រសួងរកឃើញអ្នកឆ្លងថ្មី 22នាក់ (ករណីនាំចូល17នាក់ និងឆ្លងសហគមន៍ 5នាក់) ប្រភេទអូមីក្រុងទាំងអស់ ខណៈអ្នកជាសះស្បើយ 11នាក់

ព័ត៌មានជាតិ January 18, 2022 18/01/2022

នៅថ្ងៃទី18 ខែមករា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 22នាក់ (លទ្ធផលបញ្ជាក់ដោយ PCR នឹងជាប្រភេទអូមីក្រុងទាំងអស់) ក្នុងនោះករណីឆ្លងសហគមន៍ 5នាក់ និងអ្នកដំណើរពីបរទេស 17 នាក់ ខណៈអ្នកបានជាសះស្បើយថ្មីមានចំនួន 11នាក់ និងមិនមានអ្នកបាត់បង់ជីវិតថ្មីនោះទេគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 120,847នាក់, ករណីជាសះស្បើយសរុប 117,129នាក់ និងស្លាប់សរុប 3,015នាក់៕​

រាជរដ្ឋាភិបាលកម្ពុជា កំណត់យកទិវានយោបាយ ឈ្នះ ឈ្នះ ថ្ងៃទី២៩ ខែធ្នូ នៅក្នុងប្រតិទិនប្រចាំឆ្នាំ ដោយមិនឈប់សម្រាក

ព័ត៌មានជាតិ January 18, 2022 18/01/2022

រាជធានីភ្នំពេញ៖ យោងតាមការចុះផ្សាយរបស់ រាជរដ្ឋាភិបាលកម្ពុជា នៅថ្ងៃទី១៨ ខែមករា ឆ្នាំ២០២២ បានចេញសារាចរណែនាំ ស្ដីពីការកំណត់យកទិវានយោបាយ ឈ្នះ ឈ្នះ ថ្ងៃទី២៩ ខែធ្នូ នៅក្នុងប្រតិទិនប្រចាំឆ្នាំ ដោយមិនឈប់សម្រាក។ អស់រយៈ ២៣ឆ្នាំកន្លងមកនេះ ព្រះរាជាណាចក្រកម្ពុជា បានកំណត់យកថ្ងៃទី២៩ ខែធ្នូ ឆ្នាំ១៩៩៨ ជាការបញ្ចប់សង្គ្រាមស៊ីវិលទាំងស្រុងដោយមិនការបង្ហូរឈាម និងទទួលបានសន្តិភាពពេញលេញ តាមរយៈនយោបាយ ឈ្នះ ឈ្នះ ជាគោលនយោបាយដ៏ធំមួយក្នុងការដឹកនាំប្រទេសកម្ពុជា បន្ទាប់ពីឆ្លងកាត់នូវដំណាក់កាលសង្គ្រាម ដំណាក់កាលនៃរបបប្រល័យពូជសាសន៍ ប៉ុល ពត ដំណាក់កាលសង្គ្រាមផង ចរចាផង រហូតដល់ការលេចឡើងនៃវត្តមានរបស់នយោបាយ ឈ្នះ ឈ្នះ។ ដើម្បីដឹងគុណ កត្តញ្ញូ និងចងចាំគុណូបការៈដ៏ថ្លៃថ្លានេះ រាជរដ្ឋាភិបាល សូមធ្វើការណែនាំដូចតទៅ៖ ១.គ្រប់ក្រសួង ស្ថាប័ន រាជធានី ខេត្ត និងគ្រឹះស្ថានសាធារណៈ ឯកជន ត្រូវកំណត់យកទិវានយោបាយ ឈ្នះ ឈ្នះ ថ្ងៃទី២៩ ខែធ្នូ ទៅក្នុងប្រតិទិនប្រចាំឆ្នាំ ដោយមិនឈប់សម្រាក ចាប់ពីឆ្នាំ២០២២តទៅ។ ២.គ្រប់ក្រសួង […]

ថៃរកឃើញអ្នកបាត់បង់ជីវិតដោយអូមីក្រុងករណីទី ២

ព័ត៌មានអន្តរជាតិ January 18, 2022 18/01/2022

ថៃ៖ នាយកដ្ឋានគ្រប់គ្រងជំងឺឆ្លងនៃប្រទេសថៃបានជូនដំណឹងពីការរកឃើញករណីមានអ្នកស្លាប់ដោយសាជំំងឺកូវីដ-១៩ ប្រភេទអូមីក្រុងបន្ថែមម្នាក់ទៀតហើយ នេះបើយោងតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃអង្គារ ទី១៨ ខែមករា។ អ្នកស្លាប់បាត់បង់ជីវិតដោយជំងឺកូវីដ-១៩ អូមីក្រុងដែលត្រូវជាករណីទី ២ សម្រាប់ប្រទេសនេះ គឺជាស្រ្តីវ័យ ៨៤ឆ្នាំម្នាក់ រស់នៅក្នុងខេត្ត Udon Thani ហើយរូបគាត់បានឆ្លងមេរោគដ៏កាចសាហាវនេះពីសមាជិកក្នុងគ្រួសាររបស់គាត់ផ្ទាល់តែម្តង ដ្បិតរូបគាត់ជាមនុស្សចាស់ជរាមិនដែលមានការជួបជុំនៅខាងក្រៅ ឬបានជួបមនុស្សថ្មីណាម្នាក់នោះទេក្រៅតែពីសមាជិករស់នៅក្រោមដំបូងផ្ទះតែមួយ។ រហូតមកទល់នឹងពេលនេះអាជ្ញាធរសុខាភិបាលថៃកំពុងបន្តតាមដានសុខភាពរបស់សមាជិកក្នុងគ្រួសាររបស់ស្រ្តីជនរងគ្រោះទាំងអស់ ព្រោះពួកគេសុទ្ធតែជាក្រុមមនុស្សដែលមានភាគរយខ្ពស់ណាស់ក្នុងការឆ្លងជំងឺកូវីដ ១៩ ប្រភេទអូមីក្រុង។ បើតាមអាជ្ញាធរសុខាភិបាលថៃបានបញ្ជាក់ថា ស្ត្រីវ័យចំណាស់រូបនេះបានស្លាប់តាំងពីថ្ងៃអាទិត្យ ទី១៦ ខែមករាម្លេះ តែលទ្ធផលពិនិត្យសំណាកដែលបញ្ជាក់ថាគាត់បានស្លាប់ដោយជំងឺកូវីដ-១៩ ប្រភេទអូមីក្រុងនោះទើបត្រូវបានរកឃើញកាលពីយប់ថ្ងៃចន្ទ ទី១៧ ខែមករាម្សិលមិញនេះ៕ ដោយ៖ ខ្មែរណូត