(ប៉េកាំង)៖ យប់ថ្ងៃទី១៧ ខែមករា លោក Xi Jinping ប្រធានរដ្ឋចិនបានជួបសន្ទនាតាមទូរស័ព្ទជាមួយលោក Trump ប្រធានាធិតបីជាប់ឆ្នោតអាមេរិកតាមការណាត់។ លោក Xi Jinping បានសម្តែងការអបអរសាទរចំពោះលោក Trump ដែលបានជាប់ឆ្នោតជាថ្មីម្តងទៀត ធ្វើជាប្រធានាធិបតីសហរដ្ឋអាមេរិក ដោយបានចង្អុលបង្ហាញថា យើងទាំងពីរយកចិត្តទុកដាក់ខ្ពស់ចំពោះការប្រាស្រ័យទាក់ទងគ្នា ហើយក៏សង្ឃឹមថាទំនាក់ទំនងចិន-អាមេរិក នឹងមានការចាប់ផ្តើមដ៏ល្អ នៅក្នុងអាណត្តិថ្មីរបស់ប្រធានាធិបតីអាមេរិក និងមានឆន្ទៈជំរុញទំនាក់ទំនងចិន-អាមេរិក ឱ្យសម្រេចបាននូវការវិវឌ្ឍរីកចម្រើនកាន់តែខ្លាំងពីចំណុចចាប់ផ្តើមថ្មី។ លោក Xi Jinping បានសង្កត់ធ្ងន់ថា ប្រទេសចិន និងសហរដ្ឋអាមេរិកមានផលប្រយោជន៍រួមយ៉ាងទូលំទូលាយ និងលំហនៃកិច្ចសហប្រតិបត្តិការយ៉ាងធំទូលាយ។ ភាគីទាំងពីរអាចក្លាយជាដៃគូ និងមិត្តភក្ដិ សម្រេចបាននូវភាពឈ្នះ-ឈ្នះនិងវិបុលភាពរួមគ្នា ដើម្បីផ្តល់ផលប្រយោជន៍ដល់ប្រទេសទាំងពីរនិងពិភពលោកទាំងមូល។ លោក Trump បានថ្លែងអំណរគុណចំពោះលោកXi Jinping ដោយបានសម្តែងថា លោកយកចិត្តទុកដាក់ចំពោះ ទំនាក់ទំនងដ៏អស្ចារ្យជាមួយលោកប្រធានរដ្ឋចិនXi Jinping សង្ឃឹមថានឹងបន្តរក្សាការសន្ទនា និងការប្រាស្រ័យទាក់ទងគ្នា ហើយរំពឹងទុកថាអាចជួបសន្ទនាជាមួយលោក Xi Jinping ក្នុងពេលឆាប់ៗ។ សហរដ្ឋអាមេរិក និងចិន គឺជាប្រទេសសំខាន់បំផុត ក្នុងពិភពលោកនាពេលបច្ចុប្បន្ន គួរតែរក្សាទំនាក់ទំនងមិត្តភាពជាយូរអង្វែង និងរួមគ្នាគាំពារសន្តិភាពពិភពលោក។ ប្រមុខរដ្ឋនៃប្រទេសទាំងពីរបានផ្លាស់ប្តូរមតិយោបល់ស្តីពីវិបត្តិអ៊ុយក្រែន ការប៉ះទង្គិចរវាងប៉ាឡេស្ទីន-អ៊ីស្រាអែល […]

(សហរដ្ឋអាមេរិក)៖ កម្មវិធី TikTok ត្រូវបានដកចេញពី App Store & Google Play នៅរាត្រីថ្ងៃសៅរ៍មុននេះ ខណៈដែលច្បាប់សហព័ន្ធដែលហាមឃាត់ ប្រព័ន្ធផ្សព្វផ្សាយសង្គមដ៏ពេញនិយមចូលជាធរមាន។ នេះបើយោងតាមសារព័ត៌មានធំៗ Reuter & AP ចេញផ្សាយមុននេះបន្តិច។ គិតត្រឹមម៉ោង ១០៖៥០នាទីយប់ម៉ោងនៅសហរដ្ឋអាមេរិក កម្មវិធី TikTok មិនត្រូវបានរកឃើញនៅលើកម្មវិធី Apple និង Google ដែលត្រូវបានហាមឃាត់ ក្រោមច្បាប់ដែលតម្រូវឱ្យក្រុមហ៊ុនមេរបស់ TikTok ដែលមានមូលដ្ឋាននៅប្រទេសចិនគឺ ByteDance លក់វេទិការ ឬប្រឈមនឹងការហាមឃាត់របស់សហរដ្ឋអាមេរិក។ នៅពេលដែលអ្នកប្រើប្រាស់បើកកម្មវិធី TikTok នៅល្ងាចថ្ងៃសៅរ៍ ពួកគេបានជួបប្រទះសារលេចចេញពីក្រុមហ៊ុន សារនោះបាននិយាយថា «ច្បាប់ហាមឃាត់ TikTok ត្រូវបានអនុម័តនៅក្នុងសហរដ្ឋអាមេរិក។ អ្នកមិនអាចប្រើ TikTok បានទេនៅពេលនេះ»៕ ផ្ដល់សិទ្ធិដោយ៖ Freshnews

(សេអ៊ូល)៖ នៅថ្ងៃអាទិត្យនេះ តុលាការនៅប្រទេសកូរ៉េខាងត្បូង បានសម្រេចពន្យារបន្ថែមទៀត នូវរយៈពេលឃុំខ្លួនប្រធានាធិបតី លោក Yoon Suk Yeol រហូតដល់២០ថ្ងៃ ជាហេតុបង្កឱ្យមានការតវ៉ាដោយហិង្សា ពីសំណាក់ក្រុមអ្នកគាំទ្ររបស់លោកចំនួន​រាប់រយនាក់ ដែលបាននាំគ្នាសម្រុកចូលអគារតុលាការ និងបង្កការបំផ្លិចបំផ្លាញទ្រព្យសម្បត្តិក្នុងនោះ មុនប៉ូលិសអាចស្តារសណ្តាប់ធ្នាប់ បានឡើងវិញ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអាទិត្យ ទី១៩ ខែមករា ឆ្នាំ២០២៥។ កាលពីសប្តាហ៍មុន លោក Yoon បានក្លាយជាប្រធានាធិបតីកូរ៉េខាងត្បូងដំបូងគេ ដែលត្រូវបានចាប់ខ្លួន ខណៈប្រឈមមុខនឹង​ការចោទប្រកាន់ពីបទបះបោរ ពាក់ព័ន្ធការប្រកាសច្បាប់អាជ្ញាសឹកដ៏ចម្រូងចម្រាសរបស់លោក កាលពីថ្ងៃទី៣ ខែធ្នូ ឆ្នាំ២០២៤ ដែលបានរុញច្រានប្រទេសឱ្យធ្លាក់ក្នុងវិបត្តិនយោបាយ។ កាលពីថ្ងៃសុក្រសប្តាហ៍នេះ ក្រុមអ្នកស៉ើបអង្កេតបានស្នើសុំតុលាការ ពន្យាររយៈពេលនៃការឃុំខ្លួន លោក Yoon បន្ទាប់រូបលោក មិនព្រមឱ្យគេសួរចម្លើយ។ តុលាការបានសម្រេចយល់ព្រមតាមសំណើរបស់ក្រុមអ្នកស៉ើបអង្កេត ក្រោមហេតុផលថា លោក Yoon អាចនឹងបំផ្លាញភស្តុតាងផ្សេងៗ។ យ៉ាងណាមិញ មិនយូរប៉ុន្មាន ក្រោយសេចក្តីសម្រេចរបស់តុលាការ ត្រូវបានប្រកាសនៅម៉ោងប្រមាណជា ៣ទាបភ្លឺថ្ងៃអាទិត្យនេះ ក្រុមអ្នកគាំទ្រលោក Yoon រាប់រយនាក់ ក៏បាននាំគ្នា សម្រុកចូលអគារតុលាការ។ […]

(បរទេស)៖ ប្រភពទិន្នន័យថ្មីពីក្រុមហ៊ុនវិភាគ Similarweb បានឱ្យដឹងថា កម្មវិធីប្រព័ន្ធផ្សព្វផ្សាយសង្គមចិន RedNote ដែលស្គាល់នៅក្នុងប្រទេសចិនថា Xiaohongshu ឥឡូវនេះទទួលបានអ្នកប្រើប្រាស់ថ្មីជិត ៣លាននាក់នៅសហរដ្ឋអាមេរិកក្នុងរយៈពេលត្រឹមតែមួយថ្ងៃប៉ុណ្ណោះ។ ការកើនឡើងនេះ គឺដោយសារតែអ្នកប្រើប្រាស់សម្រុកចាកចេញពី TikTok ចំពេលមានការភ័យខ្លាចនៃការហាមឃាត់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី១៧ ខែមករា ឆ្នាំ២០២៥។ យោងតាមក្រុមហ៊ុនវិភាគ Similarweb អ្នកប្រើប្រាស់សកម្មប្រចាំថ្ងៃរបស់កម្មវិធីភាសាចិន RedNote នៅសហរដ្ឋអាមេរិកបានកើនឡើងដល់ចំនួនខ្ពស់បំផុត ៣.៤លាននាក់នៅទូទាំងឧបករណ៍ iOS និង​ Android និងកើនឡើងពីចំនួន ៧០ម៉ឺននាក់នៅថ្ងៃចន្ទ និង ៣០ម៉ឺននាក់កាលពីសប្តាហ៍មុន។ ការហូរចូល នៃអ្នកប្រើប្រាស់ត្រូវបានជំរុញដោយការហាមប្រាមរបស់សហរដ្ឋអាមេរិកនៅលើ TikTok ដែលប្រើប្រាស់ដោយជនជាតិអាមេរិកចំនួន ១៧០លាននាក់ លើបញ្ហាសន្តិសុខជាតិ។ ទិន្នន័យនេះ បង្ហាញពីការកើនឡើងកាន់តែច្រើនទៅៗ ខណៈចំនួនទាញយកដ៏ច្រើនសន្ធឹកនៃកម្មវិធី RedNote បានឈរលើលំដាប់កំពូល នៃតារាងកម្មវិធី APP ឥតគិតថ្លៃនៃ App Store របស់ក្រុមហ៊ុន Apple ក្នុងតំបន់សហរដ្ឋអាមេរិក។ គួរជម្រាបថា អ្នកប្រើប្រាស់សកម្មប្រចាំថ្ងៃនៅលើកម្មវិធី Lemon8 របស់ TikTok […]

(បរទេស)៖ កាសែត The New York Times បានរាយការណ៍នៅថ្ងៃពុធនេះថា នាយកប្រតិបត្តិ (CEO) កម្មវិធីចិន TikTok លោក Shou Zi Chew គ្រោងនឹងចូលរួមពីធីឡើងកាន់តំណែងប្រធានាធិបតីជាប់ឆ្នោតរបស់សហរដ្ឋអាមេរិកលោក ដូណាល់ ត្រាំ (Donald Trump) នៅថ្ងៃចន្ទសប្តាហ៍ក្រោយ។ ព្រឹត្តិកាណ៍នេះ នឹងប្រារព្ធក្រោយមួយថ្ងៃ បន្ទាប់ពីថ្ងៃប្រកាសជោគវាសនារបស់ TikTok នៅសហរដ្ឋអាមេរិកនាថ្ងៃទី១៩ ខែមករា ឆ្នាំ២០២៥។ នេះបើយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃទី១៦ ខែមករា ឆ្នាំ២០២៥។ គួរជម្រាបថា លោក Shou Zi Chew ត្រូវបានអញ្ញើញឱ្យអង្គុយក្នុងតំណែងកៅអីជាភ្ញៀវកិត្តិយស ឬឥស្សរៈជនជាន់ខ្ពស់ ដែលធម្មតាទីតាំងនេះត្រូវបានត្រៀមសម្រាប់​អតីត​ប្រធានាធិបតី សមាជិក​គ្រួសារ និង​ភ្ញៀវ​សំខាន់ៗ​ផ្សេង​ទៀត​។ យ៉ាងណាមិញ ជុំវិញព័ត៌មានលម្អិតប្រភពមិនបានបង្ហាញនោះទេ។ តែយ៉ាងណា ការចូលរួមរបស់លោក Chew ត្រូវបានគេមើលឃើញថា បង្ហាញពីទំនាក់ទំនងដែលកំពុងបន្តរវាង TikTok និងរដ្ឋាភិបាលសហរដ្ឋអាមេរិក នៅពេលដែល Trump រៀបចំឡើងកាន់តំណែងម្តងទៀត៕ ផ្ដល់សិទ្ធិដោយ៖ […]

(ប៉េកាំង)៖ នៅថ្ងៃទី ១៣ ខែមករា ចំនួនទាញយកកម្មវិធី APP របស់ចិនឈ្មោះ “កូនសៀវភៅក្រហម” (ឈ្មោះជាភាសាអង់គ្លេស RedNote) បានកើនឡើងយ៉ាងខ្លាំងដល់កំពូលតារាងកម្មវិធី APP ឥតគិតថ្លៃនៃ App Store របស់ក្រុមហ៊ុន Appleក្នុងតំបន់អាមេរិក។ នៅពេលដែលប្រឈមមុខនឹងលទ្ធភាពដែលកម្មវិធី TikTok អាចនឹងត្រូវហាមមិនឱ្យប្រើប្រាស់ក្នុងសប្តាហ៍នេះ អ្នកនិយមលេងអ៊ីនធឺណិតអាមេរិកមួយចំនួន មិនបានជ្រើសរើស បណ្តាញទំនាក់ទំនងសង្គមរបស់អាមេរិក ដូចជា Facebook និង Instagram នោះទេ ប៉ុន្តែបែរជាងាកទៅរកបណ្តាញទំនាក់ទំនងសង្គមចិនឈ្មោះ “កូនសៀវភៅក្រហម” វិញ។ លំហូរ “ជនភៀសខ្លួន TikTok” ដ៏ច្រើនសន្ធឹកធំបានធ្វើឱ្យកម្មវិធី APP “កូនសៀវភៅក្រហម” ឈរលើលំដាប់កំពូល នៃតារាងកម្មវិធី APP ឥតគិតថ្លៃនៃ App Store របស់ក្រុមហ៊ុន Apple ក្នុងតំបន់សហរដ្ឋអាមេរិក។ ប្រព័ន្ធផ្សព្វផ្សាយអាមេរិកក៏បានចាប់អារម្មណ៍ពីបាតុភាព ដែលអ្នកប្រើប្រាស់ជនជាតិអាមេរិកជាច្រើន ជ្រើសរើសការប្រើប្រាស់កម្មវិធីAPP “កូនសៀវភៅក្រហម” ផងដែរ។ នៅថ្ងៃទី ១៣ ខែមករា កាសែតញូវយ៉កប៉ុស្តិ៍ បានអធិប្បាយនិងវិភាគអំពីមូលហេតុដែលកម្មវិធី […]

(បាងកក)៖ ដបប្លាស្ទិក និងកំប៉ុងស្រាបៀរ ត្រូវបានគេប្រទះឃើញក្នុងផ្ទៃសមុទ្រ ជុំវិញកោះរមណីយដ្ឋាន Phuket របស់ប្រទេសថៃ ខណៈដែលមានសំរាមកាន់តែច្រើននៅលើកោះ ដែលជាគោលដៅទេសចរណ៍មួយ ល្បីល្បាញខាងឆ្នេរស្អាត និងថ្ងៃលិចដ៏ស្រស់ស្អាត។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៦ ខែមករា ឆ្នាំ ២០២៥។ នៅជ្រុងម្ខាងនៃកោះ គេឃើញរថយន្តដឹកទំនិញ និងត្រាក់ទ័រនាំយកសំរាមទៅចាក់ចោល នៅទីលានចាក់សំរាមដ៏ធំមួយ ដែលជាកន្លែងចុងក្រោយសម្រាប់ផ្ទុកកាកសំណល់ច្រើនជាង ១ ០០០តោន ដែលប្រមូលបានជារៀងរាល់ថ្ងៃ។ ដោយពន្យល់ថា កំណើនទេសចរណ៍ និងសំណង់ជំរុញឱ្យមានសំរាមលើសកម្រិត មុនពេលមានជំងឺកូវីដ លោក Suppachoke Laongphet អភិបាលរងនៃទីក្រុងកោះមួយនេះ និយាយថា ការអភិវឌ្ឍទីក្រុង​ Phuket មាន​សន្ទុះ​លឿន​ជាង​ការរំពឹងទុក​។ លោកបានឱ្យដឹងទៀតថា នៅដំណាច់ឆ្នាំនេះ កោះ​ Phuket អាច​បង្កើត​សំរាម​​រហូត​ដល់ ១ ៤០០តោន​ក្នុង​មួយ​ថ្ងៃ ដោយនឹង​លើស​ចំណុះ​សម្រាប់ទីលាន​ចាក់​សំរាម ដែលមាន​តែ​មួយ​គត់។ អាជ្ញាធរកំពុងជំរុញផែនការកាត់បន្ថយ ការបង្កើតកាកសំណល់ ១៥ភាគរយក្នុងរយៈពេល ៦ខែ ពង្រីកកន្លែងចាក់សំរាម និងសាងសង់ឡដុតថ្មី។ យ៉ាងនេះក្តី ក្រុមជំនាញនិយាយថា ការ​បង្កើន​សមត្ថភាព […]

(ម៉ាឡេស៉ី)៖ កម្ពុជារំពឹងថានឹងទាក់ទាញភ្ញៀវទេសចរបានច្រើនបន្ថែមពីការផ្សព្វផ្សាយពីគោលដៅទេសចរណ៍ និងទំនាក់ទំនងរវាងអ្នកលក់-អ្នកទិញកញ្ចប់ទស្សនកិច្ចទេសចរណ៍ ក្នុងពិព័រណ៍ទេសចរណ៍អាស៊ានឆ្នាំ២០២៥ (ASEAN TRAVEX 2025) និងវេទិកាទេសចរណ៍អាស៊ានឆ្នាំ២០២៥ (ATF 2025) នៅប្រទេសម៉ាឡេស៉ី។ ពិព័រណ៍ទេសចរណ៍អាស៊ានឆ្នាំ២០២៥ (ASEAN TRAVEX 2025) បាននិងកំពុងប្រព្រឹត្តទៅនៅក្រុងចូហូរបារូ (Johor Bahru) រដ្ឋចូហូរ នៃសហព័ន្ធម៉ាឡេស៉ី រយៈពេល៣ថ្ងៃ ចាប់ពីថ្ងៃទី១៥-១៧ ខែមករា ឆ្នាំ២០២៥ ពោលគឺប្រារព្ធឡើងនាឱកាសវេទិកាទេសចរណ៍អាស៊ានឆ្នាំ២០២៥ (ATF 2025) ចាប់ពីថ្ងៃទី១៩-២១ ខែមករា ឆ្នាំ២០២៥ ក្រោមប្រធានបទ៖ រួបរួមជាចលនា-កំណត់ទិសដៅទេសចរណ៍អាស៊ាននៅថ្ងៃស្អែក (UNITY IN MOTION- Shaping ASEAN’s Tourism Tomorrow)។ គេសង្កេតឃើញថា ក្រសទេសចរណ៍កម្ពុជាក៏បានរៀបចំនូវពន្លាដ៏ធំមួយដែរ ដើម្បីសម្រួលដល់ការផ្សព្វផ្សាយ និងការធ្វើទំនាក់ទំនងធុរកិច្ចទេសចរណ៍។ លោក ឡុង សុខា អគ្គនាយករងនៃអគ្គនាយកដ្ឋានអភិវឌ្ឍន៍និងសហប្រតិបត្តិការអន្តរជាតិ ក្រសួងទេសចរណ៍ បានឱ្យដឹងថា ស្របតាមស្មារតីកិច្ចសហប្រតិបត្តិការអាស៊ាន ក្រសួងទេសចរណ៍បានសហការជាមួយក្រសួងវប្បធម៌និងវិចិត្រសិល្បៈ ដើម្បីនាំយកនូវអ្វីដែលជាសិល្បៈ របាំ ក្បាច់គុនល្បុក្កតោ និងវប្បធម៌ប្រពៃណីរបស់ខ្មែរមកបង្ហាញជូនភ្ញៀវអន្តរជាតិ ព្រមទាំងតំណាងទីភ្នាក់ងារទេសចរណ៍ […]

(ម៉ានីល)៖ ប្រធានាធិបតីហ្វីលីពីន លោក Ferdinand Marcos បានបង្ហាញក្ដីរំពឹងថាទីក្រុងម៉ានីល និងទីក្រុងវ៉ាស៊ីនតោននឹងបន្តរក្សាភាពរឹងមាំ និងថាមពលនៃទំនាកទំនងជាមួយរដ្ឋបាលអាមេរិកថ្មី​ របស់លោក ដូណាល់ ត្រាំ ខណៈសល់មិនដល់មួយសប្ដាហ៍ទៀតទេ លោក ត្រំានឹងស្បថចូលកាន់តំណែងជាប្រធានាធិបតីអាមេរិក។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ សហរដ្ឋអាមេរិកមានសន្ធិសញ្ញាសន្តិសុខដ៏ចំណាស់មួយជាមួយហ្វីលីពីនដែលក្នុងនោះរួមមានបញ្ចូលទាំងសន្ធិសញ្ញាការពារគ្នាទៅវិញទៅមក និងសន្ធិសញ្ញាមួយកាលពីឆ្នាំ២០១៤ដែលអនុញ្ញាតឱ្យ យោធាអាមេរិកស្ដុកទុកបរិក្ខារនៅតាមមូលដ្ឋានទ័ពចំនួន៩ របស់ហ្វីលីពីន។ តែខណៈប្រធានាធិបតីជាប់ឆ្នោត លោក ដូណាល់ ត្រាំ ត្រូវស្បថចូលកាន់តំណែងនៅថ្ងៃទី២០ ខែមករា មានមជ្ឈដ្ឋានមួយចំនួន ក្នុងប្រទេសហ្វីលីពីនកំពុងព្រួយបារម្ភពីអនាគតនៃទំនាក់ទំនងរវាងទីក្រុងម៉ានីល និងទីក្រុងវ៉ាស៊ីនតោន។ យ៉ាងណាក៏ដោយ លោក Marcos បានបង្ហាញគំនិតសុទិដ្ឋិនិយមនៅក្នុងការបន្តរក្សាភាពរឹងមាំ និងថាមពលក្នុងទំនាក់ទំនងរវាងប្រទេសទាំង២ ជាពិសេសលើវិស័យសេដ្ឋកិច្ច ការពារជាតិ និងសន្តិសុខ អំឡុងកិច្ចសន្ទនាតាមទូរស័ព្ទជាមួយអនុប្រធានាធិបតីចាំផ្ទះ លោកស្រី Kamala Harris។ គួរបញ្ជាក់ថា កិច្ចសន្ទនាតាមទូរស័ព្ទជាមួយលោកស្រី Kamala Harris ធ្វើឡើងក្នុងសប្ដាហ៍តែមួយ ក្រោយលោក Marcos បើកកិច្ចពិភាក្សាតាមទូរស័ព្ទជាមួយលោកប្រធានាធិបតី ចូ បៃដិន និងនាយករដ្ឋមន្ត្រីជប៉ុន Shigeru Ishiba ដោយមេដឹកនាំនៃប្រទេសទាំង៣ បានអះអាងឡើងវិញពីការប្ដេជ្ញាចិត្តរបស់ខ្លួនចំពោះការជំរុញឥណ្ឌូប៉ាស៊ីហ្វិកសេរី […]

(ស៉ីដនី)៖ លោកនាយករដ្ឋមន្រ្តី Anthony Albanese បានឱ្យដឹងថា អូស្ត្រាលី​បានកោះហៅ​ឯកអគ្គរដ្ឋទូត​រុស្ស៉ី ជុំវិញ​សេចក្តីរាយការណ៍ដែលថា បុរស​ម្នាក់​មកពី​ទីក្រុង​ Melbourne ​ត្រូវបាន​សម្លាប់ក្រោយត្រូវ​រុស្ស៉ី​ចាប់​ខ្លួន ខណៈ​កំពុង​ប្រយុទ្ធ​ក្នុងសង្រ្គាម​អ៊ុយក្រែន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី១៥ ខែមករានេះ។ ប្រព័ន្ធផ្សព្វផ្សាយអូស្ត្រាលីរាយការណ៍ថា លោក Oscar Jenkins ជាគ្រូបង្រៀនមកពីទីក្រុង Melbourne ដែលបម្រើការជាមួយយោធាអ៊ុយក្រែន ត្រូវបានចាប់ខ្លួនដោយរុស្ស៉ីកាលពីឆ្នាំមុន ក្នុងនាមជាឈ្លើយសឹក។ វីដេអូដែលថតបាននៅពេលនោះ បង្ហាញឱ្យឃើញគាត់ស្លៀកពាក់ឯកសណ្ឋានប្រយុទ្ធ ហើយត្រូវបានគេសួរថា តើជាទាហានស៊ីឈ្នួលដែរឬអត់?។ ថ្លែងប្រាប់ប្រព័ន្ធផ្សព្វផ្សាយ លោក Albanese និយាយថា «រដ្ឋាភិបាលអូស្ត្រាលីស្នើឱ្យអាជ្ញាធររុស្ស៉ី បញ្ជាក់ពីស្ថានភាពរបស់ លោក Oscar Jenkins ជាបន្ទាន់ ហើយនៅតែព្រួយបារម្ភខ្លាំង ចំពោះរបាយការណ៍ដែលថា គាត់ត្រូវបានគេសម្លាប់។ យើងនឹងរង់ចាំការពិតចេញមក ប៉ុន្តែប្រសិនបើមានគ្រោះថ្នាក់ណាមួយចំពោះ Oscar Jenkins រដ្ឋាភិបាលអូស្ត្រាលី នឹងចាត់វិធានការខ្លាំងបំផុតតាមដែលអាចធ្វើទៅបាន»។ តាមលោកស្រី Penny Wong រដ្ឋមន្រ្តីការបរទេសអូស្រ្តាលី ការកោះហៅនោះ បានធ្វើឡើងកាលពីដើមសប្តាហ៍៕ ផ្តល់សិទ្ធិដោយ៖ Fresh News