(ហាណូយ)៖ ប្រព័ន្ធផ្សព្វផ្សាយរដ្ឋវៀតណាម នៅថ្ងៃពុធនេះ បានរាយការណ៍ឱ្យដឹងថា ការឆ្លងរាតត្បាតនៃវីរុស COVID-19 បំប្លែងថ្មី Omicron ក្នុងសហគមន៍ ត្រូវបានរកឃើញនៅជាលើកដំបូង នៅប្រទេសវៀតណាម ខណៈអាជ្ញាធរសុខាភិបាលប្រទេសអាស៊ានមួយនេះ បាននិងកំពុងប្រឹងប្រែងដាស់តឿនឱ្យប្រជាជន បង្កើនការប្រុងប្រយ័ត្នខ្ពស់។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃពុធ ទី១៩ ខែមករា ឆ្នាំ២០២២។ សារព័ត៌មានរដ្ឋវៀតណាម ទៀង ហ្វុង (Tien Phong) ដែលយោងតាមប្រភពពីអាជ្ញាធរសុខាភិបាលវៀតណាម បានចុះផ្សាយថា ករណីឆ្លងក្នុងសហគមន៍ចំនួន៣ ដែលត្រូវពិនិត្យឃើញថាជាករណី Omicron កាលពីយប់ថ្ងៃអង្គារសប្តាហ៍នេះ គឺត្រូវបានរកឃើញនៅទីក្រុងហូជីមិញ កាលពីចុងសប្តាហ៍មុន។ កន្លងមកវៀតណាម ក៏បានរកឃើញករណីឆ្លង Omicron ជាង៧០នាក់ផងដែរ ប៉ុន្តែក្នុងចំណោមអ្នកមកពីបរទេស ដែលត្រូវធ្វើចត្តាឡីស័ក។ គួរបញ្ជាក់ថា មកទល់ពេលនេះ វៀតណាមបានកត់ត្រាករណីឆ្លង COVID-19 សរុបជាង២លាននាក់ និងស្លាប់ជិត៣៦,០០០នាក់។ ចំណែកឯ ការចាក់វ៉ាក់សាំងវិញ មនុស្សជាង៧០ភាគរយ ក្នុងចំណោមប្រជាជនសរុបប្រមាណ៩៨លាននាក់ របស់វៀតណាម បានទទួលការចាក់គ្រប់ពីរដូស៕ ផ្តល់សិទ្ធិដោយ៖ freshnews

តាមការចុះផ្សាយរបស់សារព័ត៌មាន The Nation Thailand បានរាយការណ៍ថា អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា បានឱ្យដឹងថា លោកបានឆ្លងជំងឺ COVID-19 វ៉ារ្យ៉ង់ អូមីក្រុង ប៉ុន្តែពេលនេះលោកបានជាសះស្បើយវិញហើយ។ ថ្លែងក្នុងអំឡុងពេល Care Talk នៅលើបណ្ដាញ ClubHouse នៅម៉ោង ៨ យប់ថ្ងៃអង្គារ លោកថាក់ស៊ីនបាននិយាយថា ពលរដ្ឋថៃមិនចាំបាច់ភ័យស្លន់ស្លោចំពោះអូមីក្រុងឡើយ ដោយសារជំងឺនេះមានរោគសញ្ញាស្រាលៗប៉ុណ្ណោះ។ លោកបានឆ្លងជំងឺ COVID-19 សារជាថ្មីម្ដងទៀតជាមួយនឹងវ៉ារ្យ៉ង់ អូមីក្រុង នាពេលថ្មីៗនេះ ដោយមានរោគសញ្ញាដូចជា៖ ឈឺបំពង់ក និងគ្រុនក្ដៅ ហើយវាដូចជារោគសញ្ញាគ្រុនផ្ដាសាយដែរ។ រំលឹកដែរថា នៅពេលមានការផ្ទុះឡើងនៃជំងឺរាតត្បាត COVID-19 នាពេលដំបូងៗ លោកថាក់ស៊ីនក៏ធ្លាប់កើតជំងឺ COVID-19 ម្ដងរួចហើយដែរ ដោយកាលនោះរោគសញ្ញាធ្ងន់ធ្ងរ ដែលធ្វើឱ្យគាត់ត្រូវសម្រាកបន្ទប់ ICU រហូតដល់ទៅ ៩ថ្ងៃ ប៉ុន្តែសម្រាប់ អូមីក្រុង គឺលោកថាក់ស៊ីនអាចមើលថែខ្លួនឯងបាន។ លោកបាននិយាយថា៖«ថ្មីៗនេះខ្ញុំបានឆ្លង COVID-19 ម្តងទៀត។ វាជាវ៉ារ្យ៉ង់អូមីក្រុង។ ខ្ញុំបានឆ្លងវា ទោះបីជាខ្ញុំបានទទួលថ្នាំបង្ការចំនួន […]

ថ្មីៗនេះវត្តមួយនៅឃុំ Bang Phai ស្រុក Muang ខេត្ត Nonthaburi កំពុងទទួលបានចំណាប់អារម្មណ៍យ៉ាងច្រើនពីអ្នកលេងបណ្ដាញអ៉ីនធើណេត ជាមួយនឹងអ្វីដែលគេហៅថា «បិទសន្លឹកមាសលើករាសី» ដើម្បីសុំសេចក្ដីសុខ សិរីសួស្តី មានលាភសំណាង និងរកស៊ីមានបាន។ ការបិទសន្លឹកមាសលើករាសីនេះ គឺត្រូវបានធ្វើឡើងដោយព្រះចៅអធិការវត្តសាលារីដោយផ្ទាល់ ព្រះនាមព្រះគ្រូសាមុត​ប៉ាដន ដោយព្រះអង្គនឹងធ្វើការសរសេរគាថា នៅលើបាតដៃ និងការបិទមាសលើថ្ងាស់ ដល់ញាតិញោមដែលត្រូវការ។ ដើមឡើយវត្តគ្រាន់តែធ្វើការចារយ័ន្តលើបាតដៃ និងលើថ្ងាស់ជាធម្មតាប៉ុណ្ណោះ ប៉ុន្តែក្រោយមកក៏មានទាំងការបិទសន្លឹកមាសថែមទៀត ដោយសារញាតិញោមមានជំនឿថាវាស័ក្ដិសិទ្ធិពិតមែន។ ជាមួយគ្នានេះដែរ ព្រះចៅអធិការនឹងទទួលញាតិញោមតែមួយថ្ងៃ ២ នាក់ប៉ុណ្ណោះ សម្រាប់ការបិទសន្លឹកមាសលើករាសីនេះ ដូច្នេះអ្នកផ្សេងទៀតត្រូវធ្វើការកក់ជាមុន ដោយសារវត្តក៏ត្រូវការទទួលញាតិញោមដែលត្រូវការចារយ័ន្តផ្សេងៗទៀតដែរ។ ក្រៅពីការបិទសន្លឹកមាស ឬធ្វើយ័ន្តគាថារួចហើយនោះ ព្រះគ្រូសាមុត​ប៉ាដន ក៏បានដាស់តឿនឱ្យញាតិញោមត្រូវរស់នៅដោយមានមនសិការ តាំងចិត្តរក្សាសីល គោរពសីល៥ និងចេះយកអាសាគ្នា ទើបជីវិតរបស់ពួកគេមានរស់នៅមានសេចក្ដីសុខ។ យ៉ាងណាក៏ដោយ ការបិទសន្លឹកមាសពេលនេះកំពុងធ្វើឱ្យមានទស្សនៈផ្សេងៗគ្នា ហើយចំណែកវត្តសាលារីផ្ទាល់ ក៏ទំនងជានឹងបិទមិនឱ្យមានពិធីបិទសន្លឹកមាសនេះទៀតហើយ ដោយសារតែមនុស្សផ្អើលខ្លាំងពេក ហើយព្រះចៅអធិការមិនមានបំណងឱ្យវាក្លាយជារឿងបំផុសបំផុលនោះទេ៕ ដោយ៖ ខ្មែរណូត

(ហុងកុង)៖ ផលិតករខ្សែភាពយន្ដហុងកុង និងជាគ្រូក្បាច់គុនកុងហ្វូ លោក Sin Kwok Lam នៅថ្ងៃពុធនេះបាននិយាយថាលោកមានចេតនាចូលរួម ឈរឈ្មោះប្រកួតប្រជែងយកតំណែងជាមេដឹកនាំទីក្រុងហុងកុង ហើយការប្រកាសដ៏គួរឱ្យភ្ញាក់ផ្អើលនេះធ្វើឡើង ខណៈលោកស្រី Carrie Lam មិនទាន់សម្រេចចិត្តថាតើលោកស្រីនឹងឈរឈ្មោះសម្រាប់អាណត្តិទី២របស់លោកស្រី ឬក៏យ៉ាងណានោះទេ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃពុធ ទី១៩ ខែមករា ឆ្នាំ២០២២។ លោក Sin Kwok Lam មានអាយុ ៦៥ឆ្នាំ និងមានឈ្មោះបោះសំឡេងតាមរយៈការផលិតខ្សែភាពយន្ដចិនមានចំណងជើងថា « Ip Man » គឺជាមនុស្ស ម្នាក់ដំបូងគេបំផុត ដែលបានប្រកាសពីបំណងឈរឈ្មោះប្រកួតប្រជែងយកតំណែងជានាយកប្រតិបត្តិទីក្រុងហុងកុង នៅមុនការបោះឆ្នោតដែល នឹងចូលមកដល់នៅថ្ងៃទី២៧ ខែមីនាខាងមុខនេះ។ គួរបញ្ជាក់ថា នាយកប្រតិបត្តិទីក្រុងហុងកុងសព្វថ្ងៃ គឺលោកស្រី Carrie Lam មិនទាន់សម្រេចចិត្តថាតើលោកស្រីនឹងឈរឈ្មោះសម្រាប់អាណត្តិទី២ របស់លោកស្រី ឬក៏យ៉ាងណានោះទេ ហើយអាណត្តិរបស់លោកស្រីនឹងត្រូវបញ្ចប់នៅខែមិថុនាខាងមុខនេះ។ បើតាមប្រព័ន្ធបោះឆ្នោតហុងកុង រយៈពេលនៃការជ្រើសរើសបេក្ខជននាយកប្រតិបត្តិទីក្រុងហុងកុង គឺប្រព្រឹត្តទៅចាប់ពីថ្ងៃទី១៥ ខែកុម្ភៈ រហូតដល់ថ្ងៃទី២ ខែមីនា ហើយបេក្ខជនម្នាក់ៗ […]

ហុងកុង៖ កាលពីថ្ងៃអង្គារ ទី១៨ ខែមករា ម្សិលមិញនេះ អាជ្ញាធរក្រុងហុងកុងបានបញ្ជាឲ្យសម្លាប់សត្វកណ្តុរចិញ្ចឹម (Hamster) ប្រហែលជា ២,០០០ក្បាល ដើម្បីទប់ស្កាត់ការចម្លងជំងឺកូវីដ-១៩នៅក្នុងសហគមន៍ នេះបើយោងតាមការចុះផ្សាយរបស់បណ្តាញសារព័ត៌មាន Straits Times។ ក្រៅតែពីបានសម្លាប់សត្វកណ្តុរដែលជាប្រភេទសត្វចិញ្ចឹមលម្អនៅក្នុងផ្ទះរាប់ពាន់ក្បាល អាជ្ញាធរក្រុងហុងកុងក៏បានបញ្ជាឲ្យបិទហាងលក់សត្វចិញ្ចឹមចំនួន ៣៤កន្លែងជាបណ្តោះអាសន្នផងដែរ ខណៈបុគ្គលិកនៅក្នុងហាងទាំងអស់នោះរួមជាមួយនិងសត្វចិញ្ចឹមមួយចំនួនផងត្រូវកំណត់ឲ្យធ្វើតេស្តរកជំងឺកូវីដ-១៩ទាំងអស់។ ប្រភពខាងលើបានបញ្ជាក់ថា វិធានការដាច់ខាតនេះត្រូវបានដាក់ចេញជាបន្ទាន់ក្រោយអាជ្ញាធរហុងកុងបានរកឃើញថា មានបុគ្គលិកម្នាក់បម្រើការងារនៅក្នុងហាងលក់សត្វចិញ្ចឹមឈ្មោះ Little Boss បានតេស្តវិជ្ជមានជំងឺកូវីដ-១៩ ប្រភេទដែលតា កាលពីថ្ងៃចន្ទកន្លងទៅ ហើយករណីនេះបានបន្តចម្លងទៅកាន់មនុស្សចំនួន ៣នាក់បន្ថែមទៀតគិតត្រឹមនេះនិងសម្រាប់ទីតាំងមួយកន្លែងនេះ ខណៈអាជ្ញាធរហុងកុងក៏កំពុងតាមរកពលរដ្ឋចំនួន ១៥០នាក់ផ្សេងទៀតឲ្យមកធ្វើតេស្តរកជំងឺកូវីដ-១៩ ផងដែរ ព្រោះពួកគេធ្លាប់បានមកហាងមួយនេះនៅចន្លោះថ្ងៃទី ៧-១៥ ខែមករានេះ។ អាជ្ញាធរហុងកុងបានបន្តថា ហាង Little Boss មាន ១៥ សាខានៅទូទាំងក្រុងហុងកុង ហើយអ្នកដែលធ្លាប់ចូលមកហាងមួយនេះមួយចំនួនក៏បានបន្តទៅរកទិញសត្វចិញ្ចឹមនៅតាមហាងផ្សេងៗជាច្រើនកន្លែងទៀត។ គិតជាសរុបរួមមកទល់នឹងពេលនេះ អាជ្ញាធរហុងកុងបានរកឃើញអ្នកឆ្លងជំងឺកូវីដ-១៩ ដែលពាក់ព័ន្ធជាមួយហាងលក់សត្វចិញ្ចឹមនៅទូទាំងក្រុងហុងកុងចំនួន ១១នាក់ ខណៈគេកំពុងរង់ចាំមើលលទ្ធផលពិនិត្យសំណាករបស់ពលរដ្ឋចំនួន ៥១១នាក់ផ្សេងទៀតផងដែរ។ បើតាមអាជ្ញាធរហុងកុងបានបញ្ជាក់ថា ចំពោះសត្វចិញ្ចឹមគ្រប់ប្រភេទដែលរកឃើញថា វិជ្ជមានជំងឺកូវីដ-១៩នឹងត្រូវយកទៅសម្លាប់ចោលភ្លាម ហើយអ្នកពាក់ព័ន្ធជាមួយសត្វទាំងនោះត្រូវធ្វើចត្តាឡីស័កនិងតេស្តរកជំងឺកូវីដ-១៩ជាដាច់ខាត៕ ដោយ៖ ខ្មែរណូត​

(វ៉ាស៊ីនតោន)៖ មជ្ឈមណ្ឌលបង្ការ និងទប់ស្កាត់ជំងឺ (CDC) នៃសហរដ្ឋអាមេរិក បានចេញសារព្រមានចំពោះការធ្វើដំណើរ ទៅកាន់បណ្តាប្រទេស និងដែនដីសរុបចំនួន ២២ ដោយសារតែរាតត្បាតជំងឺ COVID-19 ក្នុងកម្រិតធ្ងន់ ក្នុងនោះក៏រួមមានប្រទេស អ៊ីស្រាអែល, អូស្ត្រាលី, អេហ្ស៊ីប, អាល់បានី, អាហ្សង់ទីន និងអ៊ុយរ៉ាហ្កាយផងដែរ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃពុធ ទី១៩ ខែមករា ឆ្នាំ២០២២។ CDC បានបង្កើនការប្រកាសអាសន្នដល់កម្រិតទី ៤ ដែលជាកម្រិតខ្ពស់បំផុត ដោយបានណែនាំប្រជាជនអាមេរិកទាំងឡាយ គួរតែចៀសវាងការធ្វើដំណើរទៅកាន់ គោលដៅមួយចំនួនដូចជា ប៉ាណាម៉ា, កាតា, បាហាម៉ាស់ (Bahamas), បារ៉ែន, ប៊ឺមូដា(Bermuda), កោះវើជីនរបស់អង់គ្លេស (British Virgin Islands), កោះ ធើក និងខាកូស (Turks and Caicos Islands), សាន លូសៀ (Saint Lucia) និង […]

(ហ្សឺណែវ)៖ ប្រធានក្រុមអ្នកវិទ្យាសាស្ត្រអង្គការសុខភាពពិភពលោក (WHO) លោកស្រី Soumya Swaminathan បាននិយាយថាបច្ចុប្បន្ន មិនមានភស្ដុតាងណាមួយបង្ហាញថាកុមារ និងក្មេងជំទង់ដែលមានសុខភាពល្អ ចាំបាច់ត្រូវចាក់វ៉ាក់សាំងបង្ការ COVID-19 ដូសជំរុញនោះទេ។ នេះបើ តាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី១៩ ខែមករា ឆ្នាំ២០២២។ នៅក្នុងសន្និសីទសារព័ត៌មានខ្លីមួយ នៅថ្ងៃអង្គារសប្ដាហ៍នេះ លោកស្រី Soumya Swaminathan ក៏បានសង្កត់ធ្ងន់ដែរថាជាការពិតណាស់ ប្រព័ន្ធភាពសុំាបង្កើតឡើងដោយវ៉ាក់សាំង បានថយចុះប្រសិទ្ធភាពខ្លះ ក្នុងការប្រឆាំងជាមួយមេរោគបំប្លែងថ្មីអូមីក្រុង។ ប៉ុន្តែ ការសិក្សាស្រាវជា្រវ បន្ថែមត្រូវតែធ្វើឡើង ដើម្បីកំណត់ឱ្យច្បាស់ថាតើនរណាខ្លះ ចាំបាច់ចាក់វ៉ាក់សាំងបង្ការ COVID-19 ដូសជំរុញ។ គួរបញ្ជាក់ថា ការលើកឡើងរបស់ប្រធានក្រុមអ្នកវិទ្យាសាស្ត្រ អង្គការ WHO កើតមានឡើង ចំពេលបណ្ដាប្រទេសជាច្រើន ដូចជាអ៉ីស្រាអែល បានចាប់ផ្ដើមចាក់វ៉ាក់សាំងបង្ការ COVID-19 ដូសជំរុញដល់កុមារមានអាយុ ១២ឆ្នាំ ខណៈសហរដ្ឋអាមេរិកកាលពីដើមខែមករានេះបានអនុញ្ញាតលើ ការចាក់វ៉ាក់សាំងបង្ការសម្រាប់កុមារមានអាយុពី ១២ ដល់១៥ឆ្នាំ។ កាលពីសប្ដាហ៍មុន ប្រទេសអាល្លឺម៉ង់បានផ្ដល់អនុសាសន៍ឱ្យកុមារមានអាយុពី១២ ដល់១៧ឆ្នាំ គួរតែទទួលការចាក់វ៉ាក់សាំងបង្ការដូសជំរុញ ហើយហុងគ្រីក៏បានធ្វើដូចគ្នានេះដែរ៕ […]

ជំងឺ COVID-19 វ៉ារ្យ៉ង់ អូមីក្រុង ឥឡូវនេះបានវ៉ាដាច់ប្រភេទ ដែលតា ហើយក្លាយជាវ៉ារ្យ៉ង់នាំមុខគេនៅក្នុងប្រទេសថៃ នេះបើតាមអ្នកជំនាញផ្នែកមេរោគ លោកវេជ្ជបណ្ឌិត Yong Poovorawan បានសរសេរនៅក្នុងការបង្ហោះ Facebook កាលពីថ្ងៃអង្គារ។ លោកបានចង្អុលបង្ហាញថា វាត្រូវចំណាយពេលពី ២ ទៅ ៣ខែ ដើម្បីឱ្យ ដែលតា ជំនួសកន្លែងរបស់ អាល់ហ្វា ដែលធ្លាប់ជាប្រភេទលេចធ្លោ ប៉ុន្តែវាចំណាយពេលត្រឹមតែ ១ខែ ប៉ុណ្ណោះសម្រាប់ អូមីក្រុង ដើម្បីនាំមុខប្រភេទ ដែលតា ។ លោកបានពន្យល់ថា ករណីរបស់ អូមីក្រុង ភាគច្រើនត្រូវបានរកឃើញក្នុងចំណោមជនបរទេសក្នុងខែធ្នូ មុនពេលវារីករាលដាលក្នុងចំណោមអ្នកស្រុកក្នុងខែមករា។ ការអះអាងរបស់គាត់ត្រូវបានដកស្រង់ចេញពីការសិក្សាមួយ ដែលធ្វើឡើងដោយមជ្ឈមណ្ឌលឧត្តមផ្នែករោគវិទ្យានៃសាកលវិទ្យាល័យ Chulalongkorn ។ លោក​បាន​បន្ត​ថា​៖« អូមីក្រុង នឹង​ក្លាយ​ជា​ជំងឺ​ដ៏​លេចធ្លោ​ក្នុង​ប្រទេស​ថៃ​ក្នុង​ខែ​នេះ​ ដោយ​ផ្អែក​លើ​គោលការណ៍​នៃ​ការ​វិវត្តន៍​»។ ជាមួយគ្នានេះដែរ លោកវេជ្ជបណ្ឌិត Chalermchai Boonyaleephan អនុប្រធានគណៈកម្មការសុខភាពសាធារណៈ បានយល់ស្របថា អូមីក្រុង កំពុងនាំមុខពិតមែន ព្រោះថាវាបានចម្លងអ្នកជំងឺ ៩៧.១% នៅក្នុងប្រទេសថៃ។ […]

(អូតាវ៉ា)៖ កាណាដាកាលពីថ្ងៃចន្ទសប្តាហ៍នេះ បានអនុម័តឱ្យប្រើប្រាស់ថ្នាំគ្រាប់របស់ក្រុមហ៊ុនអាមេរិក Pfizer សម្រាប់ការព្យាបាលអ្នកជំងឺ COVID-19 មានអាយុចាប់ពី១៨ឆ្នាំឡើងទៅ ដែលស្ថិតក្នុងករណីស្រាលនិងមធ្យម។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃអង្គារ ទី១៨ ខែមករា ឆ្នាំ២០២២។ អត្រានៃការឆ្លងនិងការព្យាបាលនៅតាមមន្ទីរពេទ្យ ដោយសារវីរុសបំប្លែងថ្មី Omicron បាននិងកំពុងតែកើនឡើង នៅក្នុងប្រទេសកាណាដា ដែលជាហេតុបង្ខំឱ្យបណ្តាខេត្ត របស់ប្រទេសអាមេរិកខាងជើងមួយនេះ ត្រូវដាក់ចេញនូវវិធានការរឹតត្បិតមួយចំនួន ហើយរដ្ឋាភិបាលវិញ ត្រូវផ្តល់ជំនួយដើម្បីគាំទ្រអាជីវកម្មដែលរងការប៉ះពាល់។ កាលពីចុងឆ្នាំមុន រដ្ឋាភិបាលទីក្រុងអូតាវ៉ា បាននិយាយថា ខ្លួនបានចុះកិច្ចព្រមព្រៀងជាមួយក្រុមហ៊ុន Pfizer សម្រាប់ថ្នាំ COVID-19 ហៅថា ផាក់ឡូវីដ (Paxlovid) ចំនួន១លានឈុត។ ប៉ុន្តែឥឡូវកាណាដាបានឱ្យដឹងថា បច្ចុប្បន្នលទ្ធភាពនៃការផ្គត់ផ្គង់នៅលើពិភពលោក របស់ថ្នាំ Paxlovid ហាក់នៅមានកំណត់នៅឡើយ។ សហរដ្ឋអាមេរិកក៏បានអនុម័តឱ្យប្រើថ្នាំ COVID-19 នេះ សម្រាប់មនុស្សមានវ័យចាប់ពី១២ឆ្នាំឡើងទៅ កាលពីខែមុនផងដែរ។ គួរបញ្ជាក់ថា យោងតាមទិន្នន័យនៃការធ្វើតេស្តរបស់ក្រុមហ៊ុន Pfizer ថ្នាំ Paxlovid មានសមត្ថភាពដល់ទៅជិត ៩០ភាគរយ ក្នុងការទប់ស្កាត់ កុំឱ្យធ្លាក់ខ្លួនឈឺខ្លាំងនិងស្លាប់ […]

ថ្មីៗនេះប្រទេសចិនបានរកឃើញករណីដំបូងនៃជំងឺ COVID-19 វ៉ារ្យ៉ង់ អូមីក្រុង នៅក្នុងទីក្រុងប៉េកាំង ដែលធ្វើឱ្យមានការព្រួយបារម្ភកាន់តែខ្លាំងឡើង ខណៈដែលខេត្តក្រុងមួយចំនួនកំពុងមើលឃើញពីការឆ្លងថ្មីៗ។ ឥឡូវនេះ អាជ្ញាធរចិនកំពុងចោទប្រកាន់ការឆ្លងដំបូងនៃករណី អូមីក្រុង ទៅលើសារសំបុត្រដែលផ្ញើមកពីបរទេស ហើយមន្ត្រីសុខាភិបាលក៏បានណែនាំឱ្យពលរដ្ឋ ត្រូវមានការពាក់ម៉ាស់ និងស្រោមដៃឱ្យបានត្រឹមត្រូវ នៅរាល់ពេលដែលពួកគេចាប់កាន់សំបុត្រដែលផ្ញើមកពីបរទេសទាំងនោះ នេះបើយោងតាមការចុះផ្សាយរបស់សារព័ត៌មាន The Straits Times ។ ប្រភពបាននិយាយថា អ្នកជំងឺ COVID-19 វ៉ារ្យ៉ង់ អូមីក្រុង ម្នាក់នោះ មិនមានប្រវត្តិចេញទៅក្រៅទីក្រុងប៉េកាំងនោះទេ ក្នុងរយៈពេល ១៤ ថ្ងៃចុងក្រោយ នៅមុនពេលគាត់តេស្ដវិជ្ជមានជាមួយជំងឺ COVID-19 ហើយគាត់ក៏មិនមានទំនាក់ទំនងអ្វីជាមួយអ្នកជំងឺសង្ស័យដទៃនោះដែរ ខណៈបុគ្គលិករួមការងារជាមួយគាត់សុទ្ធតែអវិជ្ជមានជាមួយជំងឺ។ ប៉ុន្តែអ្វីដែលគេអាចកំណត់បាន គឺអ្នកជំងឺ COVID-19 វ៉ារ្យ៉ង់អូមីក្រុង ដំបូងម្នាក់នោះ បានធ្វើការទទួលសារសំបុត្រពីបរទេសជាញឹកញាប់។ សំបុត្រនោះត្រូវបានគេដឹងថា ផ្ញើមកពីប្រទេសកាណាដា កាត់តាមសហរដ្ឋអាមេរិក និងហុងកុង មុនពេលមកដល់ដៃអ្នកជំងឺម្នាក់នោះ។ គួរឱ្យដឹងដែរថា ប្រទេសចិនតែងតែតាមដានរាល់សកម្មភាពដែលគួរឱ្យសង្ស័យ ដើម្បីបញ្ឈប់ការរីករាលដាលនៃជំងឺ COVID-19 ក្នុងចំនួនច្រើនសារជាថ្មី។ ជាក់ស្ដែងកាលពីខែវិច្ឆិកាឆ្នាំមុន ប្រទេសចិនបានព្រមានថា ជំងឺ COVID-19 អាចឆ្លងតាមកញ្ចប់ប្រៃសណីយ […]