រាជធានីភ្នំពេញ៖ យោងតាមការចុះផ្សាយរបស់ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឱ្យដឹងថា ឃាត់ខ្លួនក្មេងទំនើងចំនួន០៦នាក់ ពាក់ព័ន្ធករណីបង្ហោះម៉ូតូតាមផ្លូវសាធារណៈ។ ស្នងការដ្ឋាននគរបាលរាជធានីភ្នំពេញ បានបញ្ជាក់ទៀតថា នៅថ្ងៃទី​០៤ ខែឧសភា ឆ្នាំ២០២៥ វេលាម៉ោង០៤:០០នាទីទៀបភ្លឺ នៅចំណុចផ្លូវព្រៈមុនីវង្ស កែងផ្លូវ ២០០ សង្កាត់បឹងរាំង ខណ្ឌដូនពេញ មានក្មេងទំនើង២ក្រុម ឈ្មោះ WK (ហៅវត្តក្នុង) និងក្រុម KSK (ខ្មែរស្រឡាញ់ខ្មែរ) មានគ្នាចំនួន០៦នាក់ បានជិះម៉ូតូចំនួន០៣គឿង បង្ហោះម៉ូតូតាមផ្លូវសាធារណៈ។ ខណៈនោះកម្លាំងល្បាតបានធ្វើការបង្ក្រាបឃាត់ខ្លួនបានភ្លាម។ បច្ចុប្បន្នក្មេងទំនើងខាងលើ សមត្ថកិច្ចកំពុងសួរនាំនៅប៉ុស្តិ៍នគរបាលរដ្ឋបាលបឹងរាំង៕ ផ្ដល់សិទ្ធិដោយ៖ ខ្មែរណូត

(ភ្នំពេញ)៖ ក្រសួងបរិស្ថាន ជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៣ ខែឧសភា ឆ្នាំ២០២៥ ចាប់ពីម៉ោង៧ព្រឹក ដល់ម៉ោង ៧ព្រឹកថ្ងៃទី៤ ខែឧសភា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង១១.៥៧ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អណាស់»។ ពណ៌ខៀវៈ គុណភាពខ្យល់ល្អណាស់មាន ខេត្តបន្ទាយមានជ័យ ខេត្តកំពង់ធំ ខេត្តព្រះវិហារ ខេត្តសៀមរាប ខេត្តឧត្តរមានជ័យ រាជធានីភ្នំពេញ ខេត្តស្ទឹងត្រែង ខេត្តរតនគិរី ខេត្តព្រះសីហនុ ខេត្តកោះកុង ខេត្តពោធិ៍សាត់ ខេត្តកំពង់ចាម ខេត្តកំពង់ស្ពឺ ខេត្តកណ្តាល ខេត្តមណ្ឌលគីរី ខេត្តកំពង់ឆ្នាំងខេត្តតាកែវ ខេត្តបាត់ដំបង ខេត្តកំពត ខេត្តក្រចេះ ខេត្តស្វាយរៀង ខេត្តកែប ខេត្តត្បូងឃ្មុំ ខេត្តព្រៃវែង និងខេត្តប៉ៃលិន៕ ផ្ដល់សិទ្ធិដោយ៖ Freshnews

(បាត់ដំបង)៖ សាលាដំបូងខេត្តបាត់ដំបង បានចេញសេចក្តីជូនដំណឹង ពីការដាក់ឲ្យដំណើរការអង្គភាពអាជ្ញាសាលា នៅសាលាដំបូងខេត្តបាត់ដំបង ចាប់ពីថ្ងៃទី២ ខែឧសភា ឆ្នាំ២០២៥នេះតទៅ។ ការដាក់ឲ្យដំណើរការអង្គភាពអាជ្ញាសាលានេះ ដើម្បីធានាប្រសិទ្ធភាព នៃការអនុវត្តសេចក្តីសម្រេចរបស់តុលាការ សំដៅពង្រឹង និងលើកកម្ពស់ប្រសិទ្ធភាពច្បាប់ និងសេវាយុត្តិធម៌។ សូមបញ្ជាក់ថា កាលពីពេលថ្មីៗនេះ ក្រសួងយុត្តិធម៌ បានសម្រេចឲ្យរៀបចំ និងដាក់ដំណើរការអង្គភាពអាជ្ញាតាមសាលាដំបូងរាជធានីខេត្ត៕ ផ្ដល់សិទ្ធិដោយ៖ Freshnews

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី០៣ ខែឧសភា ឆ្នាំ២០២៥នេះ បានលើកឡើងថា បច្ចេកវិទ្យា AI ដ៏ឆ្លាតវៃ ឬទំនើបយ៉ាងណា ក៏នៅតែអាស្រ័យលើមនុស្ស ដែលជាអ្នកប្រើប្រាស់ និងកំណត់ថា បច្ចេកវិទ្យានេះ គ្រោះថា្នក់ ឬក៏មិនគ្រោះថា្នក់។ បន្ថែមពីនោះទៀត សម្តេចមហាបវរធិបតី ហ៊ុន ម៉ាណែត បានគូសបញ្ជាក់ថា អ្នកសារព័ត៌មាន នៅតែមានតួនាទីសំខាន់ ក្នុងការប្រយុទ្ធប្រឆាំង នឹងព័ត៌មានក្លែងក្លាយទាំងឡាយ។ ការលើកឡើងបែបនេះ ធ្វើឡើងក្នុងឱកាសដែល សម្តេចបវរធិបតី ហ៊ុន ម៉ាណែត អញ្ជើញផ្តល់កិត្តិយសជួបសំណេះសំណាល និងពិសាអាហារសាមគ្គី ជាមួយអ្នកសារព័ត៌មាន នៅទូទាំងប្រទេស លើកទី៧ នារសៀលថ្ងៃទី០៣ ខែឧសភា ឆ្នាំ២០២៥នេះ។ សម្តេចមហាបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «បច្ចេកវិទ្យា AI បច្ចេកទេសផ្សេងៗ វាជាឧបករណ៍ ខ្លួនវាមិនអាចទៅធ្វើអាក្រក់បានទេ វាអាស្រ័យទៅលើមនុស្ស អ្នកប្រើវា ចឹងចាំបាច់វានៅតែជាកត្ដាមនុស្ស ជាអ្នកកំណត់»។ សម្តេចបវរធិបតី ហ៊ុន […]

(ភ្នំពេញ)៖ មន្ទីរបរិស្ថានខេត្តក្រចេះ សូមបំភ្លឺជូនសាធារណៈជន និងបណ្តាញសារព័ត៌មានទាំងអស់ឱ្យ បានជ្រាបថា នាពេលថ្មីៗនេះ មានការចុះផ្សាយរបស់បណ្តាញសារព័ត៌មានមួយតាមប្រព័ន្ធ TikTok អំពីករណីគោយន្តកន្ត្រៃដឹកជញ្ជូនឈើហ៊ុបជ្រុង តាមបណ្តោយផ្លូវជាតិលេខ៧ ភូមិសាស្ត្រស្រុកអូរគ្រៀងសែនជ័យ ឆ្ពោះមកស្រុកចិត្របុរី ខេត្តក្រចេះ កាលពីយប់ថ្ងៃទី២៨ ខែមេសា ឆ្នាំ២០២៥ វេលាម៉ោងជាង៨យប់។ ការផ្សព្វផ្សាយខាងលើជំរុញឱ្យមានភាពយល់ច្រឡំ និងធ្វើឱ្យប៉ះពាល់ដល់កិត្តិយសមន្ត្រីនៃ មន្ទីរបរិស្ថានខេត្ត ពីព្រោះករណីដឹកជញ្ជូនខាងលើនេះ មន្ត្រីជំនាញបានឆ្លៀតផ្ទាត់ និងយកនិយាមកា (UTM) ដែលមានក្នុងរូបភាព មកទំលាក់ចូលក្នុងផែនទីតំបន់ការពារធម្មជាតិ ទើបបញ្ជាក់ឱ្យឃើញថាទីតាំងដែលមានការដឹកជញ្ជូននោះស្ថិតនៅលើកដងផ្លូវជាតិលេខ៧ នៅចំណុចព្រំប្រទល់ស្រុកអូរគ្រៀងសែនជ័យ និងស្រុកចិត្របុរី ដែលមានចម្ងាយផ្លូវជាង ៤២Km ពីដែនជម្រកសត្វព្រៃសំបូរ។ បើទោះបីជានៅក្រៅតំបន់ការពារក៏ដោយ ក៏មន្ទីរបរិស្ថានខេត្តក្រចេះ នឹងបន្តខិតខំប្រឹងប្រែងសហការជាមួយគណៈបញ្ជាការឯកភាព រដ្ឋបាលស្រុកពាក់ព័ន្ធ ដើម្បីស្វែងរកតម្រុយនៃមុខសញ្ញាជនប្រព្រឹត្តបទល្មើស និងប្រភពឈើដែលជនសង្ស័យប្រមូលយកមក។ មន្ទីរបរិស្ថានខេត្តក្រចេះ សូមធ្វើការច្រានចោលទាំងស្រុង ចំពោះការ ចុះផ្សាយរបស់បណ្តាញសង្គមសារព័ត៌មានមិនពិត ធ្វើឱ្យប៉ះពាល់ដល់កិត្តិយសមន្ត្រី នៃមន្ទីរបរិស្ថានខេត្តក្រចេះទាំងស្រុង។ ក្នុងនោះ មន្ទីរបរិស្ថានខេត្តក្រចេះសូមស្វាគមន៍គ្រប់បណ្តាញសង្គមទាំងអស់ជួយផ្តល់ព័ត៌មានត្រឹមត្រូវ ច្បាស់លាស់ ទាន់ពេលវេលា មកមន្ត្រីជំនាញដើម្បីចូលរួមការពារ និងអភិរក្សធនធានធម្មជាតិ ដើម្បីជាឧត្តមប្រយោជន៍ជាតិ៕ ផ្ដល់សិទ្ធិដោយ៖ Fresh News

(ភ្នំពេញ)៖ រដ្ឋាភិបាលកម្ពុជា និងអាមេរិក កំពុងត្រៀមសម្រាប់ការចរចាលើកិច្ចព្រមព្រៀងពាណិជ្ជកម្មបដិការរវាងកម្ពុជានិងសហរដ្ឋអាម៉េរិក ដែលនឹងប្រព្រឹត្តទៅដោយផ្ទាល់នៅថ្ងៃទី១៤-១៥ ខែឧសភា ឆ្នាំ២០២៥ ខាងមុខនេះ នារដ្ឋធានីវ៉ាស៊ីនតោន។ នេះបើតាមសេចក្តីប្រកាសរបស់អ្នកនាំពាក្យរាជរដ្ឋាភិបាល ដែលបណ្តាញព័ត៌មាន Fresh News ទទួលបាន។ ការត្រៀមចរចាពាណិជ្ជកម្មដោយផ្ទាល់នេះ បានធ្វើឡើងបន្ទាប់ពី លក ស៊ុន ចាន់ថុល ឧបនាយក រដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និង លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានដឹកនាំក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា-អាម៉េរិក ជួបប្រជុំទ្វេភាគីតាមប្រព័ន្ធវីដេអូជាមួយ តំណាងពាណិជ្ជកម្មសហរដ្ឋអាម៉េរិក ដឹកនាំដោយ លោកស្រី Sarah Ellerman អនុប្រធានតំណាងពាណិជ្ជកម្មសហរដ្ឋអាម៉េរិក ទទួលបន្ទុកតំបន់អាស៊ីអាគ្នេយ៍ និងប៉ាស៊ីហ្វិក នាព្រឹកថ្ងៃទី០២ ខែឧសភា ឆ្នាំ២០២៥។ កិច្ចប្រជុំពិភាក្សានេះ ផ្តោតសំខាន់លើវឌ្ឍនភាពការងារ និងការត្រៀមសម្រាប់ការចរចាលើកិច្ចព្រមព្រៀងពាណិជ្ជកម្មបដិការរវាងកម្ពុជានិងសហរដ្ឋអាម៉េរិក ដែលនឹងប្រព្រឹត្តទៅដោយផ្ទាល់ នៅថ្ងៃទី១៤-១៥ ខែឧសភា ឆ្នាំ២០២៥ នារដ្ឋធានីវ៉ាស៊ីនតោន។ អ្នកនាំពាក្យរាជរដ្ឋាភិបាល បានបញ្ជាក់បន្ថែមថា រាជរដ្ឋាភិបាលដែលមាន សម្តេចមហាបវរធិបតី ហ៊ុន […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិមួយ ដែលមានគោលបំណងកាត់បន្ថយថវិកាសហព័ន្ធសម្រាប់បណ្ដាញសារព័ត៌មានសាធារណៈ NPR និង PBS ដោយចោទប្រកាន់ស្ថាប័នទាំងពីរថាមានភាពលម្អៀង និងបក្ខពួកនិយម។ នេះបើយោងតាមសេចក្តីប្រកាសរបស់សេតវិមានកាលពីល្ងាចថ្ងៃព្រហស្បតិ៍ និងរាយការណ៍បន្តដោយ ទីភ្នាក់ងារសារព័ត៌មាន Reuters នៅថ្ងៃសុក្រ ទី២ ខែឧសភា ឆ្នាំ២០២៥។ បទបញ្ជា​នេះ​បាន​ណែនាំ​ដល់​សាជីវកម្ម​សម្រាប់​ការ​ផ្សព្វផ្សាយ​ជា​សាធារណៈ (CPB) ដែល​ជា​អ្នក​ចែកចាយ​ថវិកា​សហព័ន្ធ ឲ្យ «បញ្ឈប់​ការ​ផ្ដល់​មូលនិធិ​ដោយ​ផ្ទាល់» ដល់ NPR និង PBS ក្នុង​កម្រិត​អតិបរមា​តាម​ដែល​ច្បាប់​អនុញ្ញាត និង​បដិសេធ​ការ​ផ្ដល់​មូលនិធិ​នា​ពេល​អនាគត។ បទបញ្ជា​នេះ​ក៏​មាន​គោលបំណង​បញ្ឈប់​ការ​ផ្ដល់​មូលនិធិ​ដោយ​ប្រយោល​ផង​ដែរ ដោយ​តម្រូវ​ឲ្យ CPB ធានា​ថា អ្នក​ទទួល​ជំនួយ​របស់​ខ្លួន ដូចជា​ស្ថានីយ​ក្នុង​ស្រុក មិន​ប្រើប្រាស់​ថវិកា​សហព័ន្ធ​សម្រាប់ NPR និង PBS ឡើយ។ កន្លងមក ទាំង NPR និង PBS បានបញ្ជាក់ថា កិច្ចខិតខំប្រឹងប្រែងរបស់លោក ត្រាំ ក្នុងការកាត់បន្ថយថវិការបស់ពួកគេ នឹងរំខានដល់សេវាសារព័ត៌មានដ៏សំខាន់ និងមាន «ផលប៉ះពាល់យ៉ាងធ្ងន់ធ្ងរ» ដល់ប្រជាជនអាមេរិកដែលពឹងផ្អែកលើពួកគេសម្រាប់ព័ត៌មានដែលអាចទុកចិត្តបាន ជាពិសេសក្នុងពេលមានគ្រាអាសន្ន។ […]

(សាន់ត្យាហ្គោ)៖ គ្រោះរញ្ជួយដីដ៏ខ្លាំងមួយកម្រិត ៧.៤ រ៉ិចទ័រ បានវាយប្រហារតំបន់ Drake Passage ដែលនៅចន្លោះចុងទ្វីបអាមេរិកខាងត្បូង និងទ្វីបអង់តាក់ទិក ក្នុងជម្រៅរាក់ត្រឹមតែ ១០គីឡូម៉ែត្រ កាលពីថ្ងៃសុក្រ ទី២ ខែឧសភា បានបង្កឲ្យមានការគំរាមកំហែងពីរលកយក្សស៊ូណាមិ និងការបញ្ជាឲ្យជម្លៀសប្រជាជនចេញពីតំបន់ឆ្នេរនៃតំបន់ Magallanes ភាគខាងត្បូងបំផុតរបស់ឈីលី។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។ ទីភ្នាក់ងារ​គ្រោះមហន្តរាយ SENAPRED របស់​ឈីលី បាន​ចេញ​បញ្ជា​ឲ្យ​មាន​ការ​ជម្លៀស​ប្រជាជនចេញ ខណៈ​ដែល​ប្រធានាធិបតី លោក Gabriel Boric បាន​សរសេរ​លើ​បណ្ដាញ​សង្គម X ថា «យើង​កំពុង​អំពាវនាវ​ឲ្យ​ជម្លៀស​ប្រជាជន​ចេញ​ពី​ឆ្នេរសមុទ្រ​ក្នុង​តំបន់ Magallanes ទាំងមូល»។ ទន្ទឹម​នឹង​នេះ វិទ្យាស្ថាន​អង់តាក់ទិក​ឈីលី (INAHC) បាន​ប្រាប់ Reuters ថា មូលដ្ឋាន​នៅ​តំបន់​អង់តាក់ទិក​ក៏​កំពុង​ត្រូវ​បាន​ជម្លៀស​ចេញ​ដែរ។ សេវាជលសាស្ត្រ និងមហាសមុទ្រឈីលី (SHOA) បាន​ព្រមាន​ថា រលកស៊ូណាមិអាចនឹងទៅដល់មូលដ្ឋាននៅអង់តាក់ទិក និងទីក្រុងនានានៅភាគខាងត្បូងបំផុតរបស់ឈីលី ក្នុងរយៈពេលប៉ុន្មានម៉ោងខាងមុខ។ រដ្ឋបាលមហាសមុទ្រ និងបរិយាកាសជាតិអាមេរិក (NOAA) បានព្យាករណ៍ថា រលកអាចមានកម្ពស់ពី ០.៣ ដល់ […]

(ហ្សាកាតា)៖ ហេតុការណ៍ដាច់ចរន្តអគ្គិសនីមួយ បានវាយប្រហារតំបន់ជាច្រើននៅលើកោះទេសចរណ៍ បាលី (Bali) របស់ប្រទេសឥណ្ឌូណេស៊ី នៅថ្ងៃសុក្រ ទី២ ខែឧសភា បង្កផលប៉ះពាល់ដល់សកម្មភាពមួយចំនួន រួមទាំងនៅព្រលានយន្តហោះផងដែរ ខណៈដែលអាជ្ញាធរអគ្គិសនីកំពុងប្រឹងប្រែងស្ដារសេវាឡើងវិញ។ នេះបើយោងតាមសេចក្តីរាយការណ៍របស់ក្រុមហ៊ុនអគ្គិសនីរដ្ឋ និងចុះផ្សាយបន្តដោយទីភ្នាក់ងារសារព័ត៌មាន Reuters។ ក្រុមហ៊ុនអគ្គិសនីរដ្ឋ (PLN) បានឲ្យដឹងថា ខ្លួនកំពុងស៊ើបអង្កេតរកមូលហេតុនៃការដាច់ចរន្តនេះ ហើយកំពុងធ្វើការជួសជុលតភ្ជាប់ថាមពលឡើងវិញ។ អ្នកនាំពាក្យប្រចាំកោះបាលី លោក I Wayan Eka Susana បានថ្លែងថា «ដំណើរការស្ដារឡើងវិញបច្ចុប្បន្នកំពុងត្រូវបានអនុវត្តជាបណ្ដើរៗ»។ ប្រតិបត្តិករព្រលានយន្តហោះអន្តរជាតិ Ngurah Rai នៅកោះបាលី បានឲ្យដឹងតាមរយៈ Instagram ថា ប្រតិបត្តិការរបស់ខ្លួនរងផលប៉ះពាល់ ខណៈរូបភាពដែលត្រូវបានចែករំលែកលើបណ្ដាញសង្គមបានបង្ហាញពីជួរអ្នកដំណើរយ៉ាងវែងនៅបញ្ជរចុះឈ្មោះ (check-in)។ រូបភាពផ្សេងទៀតក៏បានបង្ហាញពីការកកស្ទះចរាចរណ៍នៅតាមដងផ្លូវមួយចំនួននៅលើកោះនេះផងដែរ។ គួរបញ្ជាក់ថា កោះបាលីគឺជាគោលដៅទេសចរណ៍ដ៏សំខាន់បំផុតរបស់ប្រទេសឥណ្ឌូណេស៊ី ដោយបានទាក់ទាញភ្ញៀវទេសចរបរទេសចំនួន ៦.៣ លាននាក់កាលពីឆ្នាំមុន នេះបើយោងតាមការិយាល័យស្ថិតិប្រចាំកោះ។​ ការដាច់ចរន្តអគ្គិសនីទ្រង់ទ្រាយធំ អាចបង្កផលប៉ះពាល់យ៉ាងខ្លាំងដល់ឧស្សាហកម្មទេសចរណ៍ ដែលជាឆ្អឹងខ្នងនៃសេដ្ឋកិច្ចរបស់កោះបាលី៕ ផ្ដល់សិទ្ធិដោយ៖ Fresh News

(កណ្ដាល)៖ បើគ្មានអ្វីប្រែប្រួលនោះទេ! អាកាសយានដ្ឋានអន្ដរជាតិតេជោ លំដាប់ថ្នាក់ 4F ដំណាក់កាលទី១ នឹងបើកដំណើរការប្រតិបត្តិការ នៅថ្ងៃទី១០ ខែកក្កដា ឆ្នាំ២០២៥ខាងមុខនេះ ខណៈបច្ចុប្បន្នគម្រោងវឌ្ឍនភាពនៃការសាងសង់ស្ទើររួចរាល់ទាំងស្រុង។ នេះបើតាមការបញ្ជាក់ឲ្យដឹងពីលោក សយ សុខាន់ រដ្ឋលេខាធិការ និងជាប្រធានគណៈកម្មការដឹកនាំគ្រប់គ្រង និងសម្របសម្រួលដោះស្រាយការងាររៀបចំ ប្រតិបត្ដិការអាកាសយានដ្ឋានអន្ដរជាតិតេជោ លំដាប់ថ្នាក់ 4F ដំណាក់កាលទី១ បន្ទាប់​ពីបានបញ្ចប់កិច្ចប្រជុំ នៅថ្ងៃទី០២ ខែឧសភា ឆ្នាំ២០២៥នេះ។ កិច្ចប្រជុំគណៈកម្មការដឹកនាំគ្រប់គ្រង និងសម្របសម្រួលដោះស្រាយ ការងាររៀបចំប្រតិបត្តិការអាកាសយានដ្ឋានអន្តរជាតិតេជោ លំដាប់ 4F ដំណាក់កាលទី១ ខាងលើនេះ ដឹកនាំដោយលោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។ កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំ និងក្រុមការងារបច្ចេកទេស នៃរដ្ឋលេខាធិការដ្ឋានអាកាសចរណ៍ស៊ីវិល ក៏ដូចជាថ្នាក់ដឹកនាំ និងសមាជិកគណៈកម្មការដឹកនាំគ្រប់គ្រង និងសម្របសម្រួលដោះស្រាយការងាររៀបចំប្រតិបត្តិការ អាកាសយានដ្ឋានអន្តរជាតិតេជោ អភិបាលក្រុមហ៊ុន ខេមបូឌា អ៊ែរផត អ៊ិនវេសមិន ខូអិលធីឌី (CAIC)។ ក្នុងនោះ ក៏មានក្រុមការងារ នាយកក្រុមហ៊ុនប្រតិបត្តិក្រុមហ៊ុន SCA និងក្រុមការងារ នាយកគ្រប់គ្រងក្រុមហ៊ុន […]