(តេហេរ៉ង់)៖ កាលពីថ្ងៃសៅរ៍ ទី១៧ ខែឧសភា មេដឹកនាំកំពូលនៃប្រទេសអ៉ីរ៉ង់ លោក Ayatollah Ali Khamenei បានចោទប្រកាន់លោក ដូណាល់ ត្រាំ ថាភូតកុហកនៅពេលលោកប្រធានាធិបតីអាមេរិក និយាយកាលពីអំឡុងដំណើរទស្សនកិច្ច នៅតំបន់ឈូងសមុទ្រពែរ្សក្នុងសប្តាហ៍នេះថា រូបលោកចង់បានសន្តិភាពនៅក្នុងតំបន់។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ លោក Khamenei បានបន្តថា ផ្ទុយមកវិញ ជាក់ស្តែងគឺសហរដ្ឋអាមេរិក ប្រើប្រាស់អំណាចរបស់ខ្លួន ដើម្បីផ្តល់គ្រាប់បែកធុនធ្ងន់​ឱ្យទៅអ៉ីស្រាអែលយកទម្លាក់លើកុមារនៅឯតំបន់ហ្កាហ្សា។ លោក Khamenei បានបន្តថា សម្តីចង់បានសន្តិភាពរបស់លោក ត្រាំ គឺជាសម្តីគួរឱ្យអាម៉ាស់មួយ ទាំងសម្រាប់ម្ចាស់សម្តីផ្ទាល់ និងសម្រាប់ប្រជាជនអាមេរិកទាំងមូល។ លោក Khamenei សង្កត់ធ្ងន់ថា ប្រភពពីសង្រ្គាមនិងជម្លោះនៅក្នុងតំបន់ គឺអ៉ីស្រាអែលដែលប្រៀបដូចជាដុំសាច់មហារីកដ៏គ្រោះថ្នាក់បំផុតមួយ។ កាលពីថ្ងៃដដែល ប្រធានាធិបតីអ៉ីរ៉ង់ លោក Masoud Pezeshkian ក៏បានលើកឡើងដែរថា នៅពេលនិយាយអំពីសន្តិភាព ទន្ទឹមគ្នាលោក ត្រាំ បានប្រើពាក្យសម្តីគំរាមកំហែង ជាហេតុធ្វើឱ្យពិបាកនឹងជឿជាក់។ លោក Pezeshkian បាននិយាយថា ទីក្រុងតេហេរ៉ង់នឹងបន្តកិច្ចចរចានុយក្លេអ៊ែរជាមួយអាមេរិក ប៉ុន្តែមិនខ្លាចការគំរាមកំហែងឡើយ ហើយក៏មិនចង់ឱ្យមានសង្រ្គាមដែរ។ […]

(មណ្ឌលគិរី)៖ លោក ហួត ហាក់ រដ្ឋមន្ត្រីក្រសួងទេសចរណ៍ ស្នើដល់រដ្ឋបាលខេត្ត និងមន្ទីរទេសចរណ៍ខេត្តមណ្ឌលគិរី ចូលរួមអនុវត្តយុទ្ធនាការ «រដូវកាលបៃតង (Green Season)» និងជួយជំរុញការលើកផ្លាករមណីយដ្ឋានទេសចរណ៍ នៅតាមផ្លូវជាតិ ព្រំប្រទល់ចូលខេត្ត និងនៅតាមតំបន់រមណីយដ្ឋាននានា ដើម្បីទាក់ទាញភ្ញៀវទេសចរជាតិ និងអន្តរជាតិ។ ការលើកឡើងរបស់ លោក ហួត ហាក់ ធ្វើឡើង ក្នុងឱកាសអញ្ជើញជាអធិបតីភាពក្នុងពិធីប្រកាសចូលកាន់មុខតំណែង លោក ស៊ាង សឿន ជាប្រធានមន្ទីរទេសចរណ៍ខេត្តមណ្ឌលគិរី ដែលប្រព្រឹត្តទៅនៅសាលប្រជុំសាលាខេត្តមណ្ឌលគិរី កាលពីថ្ងៃទី១៦ ខែឧសភា ឆ្នាំ២០២៥។ ថ្លែងក្នុងពិធីនេះ រដ្ឋមន្ត្រីក្រសួងទេសចរណ៍ បានផ្តល់អនុសាសន៍ណែនាំ ដល់ប្រធានមន្ទីរទេសចរណ៍ខេត្តមណ្ឌលគិរី ត្រូវខិតខំប្រឹងប្រែងរួមគ្នាជាធ្លុងមួយជាមួយថ្នាក់ដឹកនាំ មន្ត្រីរាជការ និងមន្ត្រីកិច្ចសន្យានៃមន្ទីរទេសចរណ៍ខេត្តមណ្ឌលគិរីទាំងអស់ ដោយឈរលើស្មារតីទទួលខុសត្រូវខ្ពស់ សាមគ្គីភាព និងឯកភាពផ្ទៃក្នុងជាមួយមន្ទីរ-អង្គភាពជុំវិញខេត្ត ក្រោមការដឹកនាំរបស់រដ្ឋបាលខេត្ត និងមានកិច្ចសហប្រតិបត្តិការល្អជាមួយ វិស័យឯកជន បណ្តាញសារព័ត៌មាន និងអ្នកផលិតមាតិកាផ្សព្វផ្សាយទេសចរណ៍ ដើម្បីចូលរួមអភិវឌ្ឍន៍ និងលើកកម្ពស់វិស័យទេសចរណ៍នៅខេត្តមណ្ឌលគិរី។ ជាពិសេស ពង្រឹងការផ្ដល់សេវាសាធារណៈគាំទ្រដល់វិស័យទេសចរណ៍ និងការវិនិយោគក្នុងឧស្សាហកម្មទេសចរណ៍ ពង្រឹងការផ្សព្វផ្សាយឲ្យបានកាន់តែទូលំទូលាយ នូវសក្តានុពលទេសចរណ៍ខេត្តមណ្ឌលគិរី ព្រមទាំងការបង្កើតផលិតផលទេសចរណ៍ និងព្រឹត្តិការណ៍ថ្មីៗប្រកបដោយភាពច្នៃប្រឌិតខ្ពស់ និងដោយរក្សាអត្តសញ្ញាណខេត្ត និងតំបន់៕ ផ្ដល់សិទ្ធិដោយ៖ […]

(ភ្នំពេញ)៖ ក្រសួងសុខាភិបាល នៅថ្ងៃទី១៨ ខែឧសភាឆ្នាំ២០២៥នេះ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងកូវីដ១៩ចំនួន ៦នាក់ ខណៈអ្នកជាសះស្បើយគ្មាន។ សូមជម្រាបថា គិតត្រឹមការប្រកាសរបស់ក្រសួងសុខាភិបាល ថ្ងៃទី១៨ ខែឧសភា ឆ្នាំ២០២៥ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន១៣៩,៣៥៣នាក់, អ្នកជាសះស្បើយសរុបចំនួន ១៣៦,២៨៥នាក់, ស្លាប់សរុបចំនួន ៣,០៥៦នាក់៕ ផ្ដល់សិទ្ធិដោយ៖ Freshnews

(វ៉ាស៉ីនតោន)៖ អភិបាលរដ្ឋ Kentucky លោក Andy Beshear បានឱ្យដឹងនៅថ្ងៃសៅរ៍ ទី១៧នេះថា មនុស្សយ៉ាងហោចណាស់ ១៤នាក់បានបាត់បង់ជីវិត ក្នុងរយៈពេលមួយយប់បន្ទាប់ពីមានព្យុះខ្លាំងបោកបក់នៅក្នុងរដ្ឋ ហើយចំនួនអាចនឹងកើនឡើងទៀត។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។ លោក Beshear ក៏បានប្រកាសដាក់រដ្ឋក្នុងភាពអាសន្នផងដែរ ដោយសារតែខ្យល់ព្យុះដែលបានគួចយកផ្ទះចល័តនៅក្នុងទីក្រុង Morganfield។ ក្រៅពី Kentucky ក្រុមមន្ត្រីបាននិយាយថា ខ្យល់ព្យុះបានបោកបក់កាត់ទីក្រុង St. Louis នៃរដ្ឋ Missouri ធ្វើឱ្យខូចខាតសំណង់ចំនួន ៥ ០០០ ដោយរបេីកដំបូល កាត់ផ្តាច់ខ្សែបណ្តាញអគ្គិសនី និងនាំទឹកភ្លៀងបានហូរកាត់ផ្លូវថ្នល់ដ៏សំខាន់មួយ អំឡុងម៉ោងធ្វេីចរាចរណ៍ដ៏មាមាញឹក កាលពីថ្ងៃសុក្រ។ តាមទីភ្នាក់ងារអាកាសធាតុជាតិ ខ្យល់ព្យុះបានបោកបក់មកលើរដ្ឋ Missouri និងរដ្ឋ Illinois ដែលនៅជាប់គ្នា ហេីយលាតសន្ធឹងឆ្ពោះទៅកាន់ Atlantic Coast រួមទាំងព្យុះមួយទៀតនៅរដ្ឋ New Jersey៕ ផ្ដល់សិទ្ធិដោយ៖ Freshnews

(វ៉ាស៊ីនតោន)៖ រដ្ឋបាលលោកប្រធានាធិបតីអាមេរិក ដូណាល់ ត្រាំ កំពុងរៀបចំផែនការមួយដើម្បីបញ្ជូនប្រជាជនប៉ាឡេស្ទីន ជាង១លាននាក់ចេញពីតំបន់ហ្កាហ្សាឱ្យទៅរស់នៅអចិន្ត្រៃយ៍ នៅក្នុង ប្រទេសលីប៊ី។ នេះបើតាមការចេញផ្សាយដោយសារព័ត៌មាន NBC News។ នៅក្នុងអត្ថបទផ្ដាច់មុខមួយរបស់ខ្លួន NBC News ដោយផ្អែកលើប្រភពចំនួន៥ដែលដឹងពីផែនការខាងលើ បានឱ្យដឹងទៀតថាផែនការជម្លៀសប្រជាជនប៉ាឡេស្ទីន កំពុងស្ថិតនៅក្រោមការពិចារណា យ៉ាងហ្មត់ចត់ ហើយរដ្ឋបាលលោក ត្រាំ បានពិភាក្សាពីផែនការនេះជាមួយថ្នាក់ដឹកនាំលីប៊ី។ តាមប្រភពដែល NBC News ទទួលបាន ជាថ្នូរទៅនឹងការទទួលយកប្រជាជនប៉ាឡេស្ទីន រដ្ឋបាលលោក ត្រាំ នឹងផ្ដល់ឱ្យលីប៊ីវិញនូវមូលនិធិរាប់ពាន់លានដុល្លារដែលសហរដ្ឋអាមេរិកបានបង្កកទុកកាលពីជាង១០ឆ្នាំមុន។ មិនទាន់មានការឈានដល់ការសម្រេចចិត្តចុងក្រោយណាមួយនៅឡើយទេ។ ចំណែក ខាងក្រសួងការបរទេសអាមេរិក និងក្រុមប្រឹក្សាសន្តិសុខជាតិសេតវិមានក៏មិនបានធ្វើអត្ថាធិប្បាយអ្វីដែរ នៅពេល ត្រូវបានស្នើសុំឱ្យបំភ្លឺជុំវិញការចុះផ្សាយរបស់ NBC News។ ប៉ុន្តែក្រោយការចុះផ្សាយព័ត៌មាននេះដែរ អ្នកនាំពាក្យម្នាក់រដ្ឋាភិបាលអាមេរិកបានប្រាប់ NBC News ព័ត៌មានជម្លៀសប្រជាជនប៉ាឡេស្ទីន ចេញពីហ្កាហ្សា ទៅកាន់លីប៊ី គឺជាព័ត៌មានមិនពិតនោះទេ។ «ស្ថានភាពជាក់ស្ដែងមិនអំណោយផលចំពោះផែនការបែបនេះទេ ហើយផែនការបែបនេះទៀតសោតមិនត្រូវបានពិភាក្សា និងគ្មានន័យអ្វីទេ»។ នេះជាការបញ្ជាក់របស់អ្នកនាំពាក្យរបស់រដ្ឋាភិបាលអាមេរិកក្នុងលក្ខខណ្ឌមិនបញ្ចេញឈ្មោះ។ ម្យ៉ាង ការបញ្ជូនប្រជាជនប៉ាឡេស្ទីនជាង ១លាននាក់ទៅកាន់លីប៊ីដែលកំពុងក្រីក្រស្រាប់ អាចនឹង កាន់តែធ្វើឱ្យប្រទេសមួយនេះធ្លាក់ចូលក្នុងវិបត្តិរឹតតែធ្ងន់ធ្ងរ។ គួរបញ្ជាក់ថា កាលពីប៉ុន្មានសប្ដាហ៍ថ្មីៗនេះ […]

(ភ្នំពេញ)៖ លោក ឆែ វិវឌ្ឍនៈ ចៅក្រមស៉ើបសួរនៃសាលាដំបូងរាជធានីភ្នំពេញ បានចេញដីកាបង្គាប់ឲ្យឃុំខ្លួនមន្ដ្រីនគរបាលពាក់ស័ក្ដិ៥ ដែលបម្រើការនៅស្នងការដ្ឋាននគរបាលរាជធានីភ្នំពេញ ដាក់ពន្ធនាគារបណ្ដោះអាសន្ន ដែលបង្កគ្រោះថ្នាក់ចរាចរណ៍បុករះបណ្ដាលឲ្យអ្នកដទៃបាត់បង់ជីវិត និងរបួស ព្រមទាំងខូចខាតទ្រព្យសម្បត្តិ។ ការចេញដីកាបង្គាប់ឲ្យឃុំខ្លួន នៅថ្ងៃទី១៧ ខែឧសភា ឆ្នាំ២០២៥ នេះ ធ្វើឡើងក្រោយតំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់នគរបាលឈ្មោះ ហ៊ុន ហែង ពីបទ «បើកបរបង្កគ្រោះថ្នាក់ចរាចរណ៍បណ្តាលឱ្យបាត់បង់ជីវិត, របួសអ្នកដទៃ និងបើកបរស្ថិតក្នុងស្ថានភាពស្រវឹង» ប្រព្រឹត្តនៅចំណុចមុខក្រសួងវប្បធម៌ និងវិចិត្រសិល្បៈ លើមហាវិថីព្រះនរោត្តម ភូមិ១០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៥ ខែឧសភា ឆ្នាំ២០២៥ បទល្មើសព្រហ្មទណ្ឌដែលមានចែង និងផ្តន្ទាទោសតាមមាត្រា ៨៣ កថាខណ្ឌទី ២ ចំណុច ខ ចំណុច គ និងមាត្រា ៨៥ កថាខណ្ឌទី២ ចំណុច ខ ចំណុច គ នៃច្បាប់ស្តីពីចរាចរណ៍ផ្លូវគោក។ សូមជម្រាបថា កាលពីថ្ងៃទី១៥ ខែឧសភា ឆ្នាំ២០២៥ វេលាម៉ោង […]

(ភ្នំពេញ)៖ តាមរយៈបណ្តាញទំនាក់ទំនងសង្គមផ្លូវការរបស់ខ្លួន លោកស្រី ឱ​ វណ្ណឌីន រដ្ឋលេខាធិការក្រសួងសុខាភិបាល បានអំពាវនាវដល់បងប្អូនប្រជាពលរដ្ឋទាំងអស់​ បង្កើនការយកចិត្តទុកដាក់​ និងប្រុងប្រយ័ត្នខ្ពស់​ ការពារខ្លួនពីការឆ្លងវីរុសកូវីដ-១៩​ ដែលអាចមានផលប៉ះពាល់សុខភាព ដោយសារជំងឺកូវីដ-១៩​ ជាពិសេសជនដែលងាយរងគ្រោះ​ មានដូចជាជនវ័យចាស់​ ចាស់ជរា​ អ្នកដែលមានជំងឺរ៊ាំរ៊ៃ និងអ្នកដែលមានកងការពារខ្សោយនៅក្នុងខ្លួនជាដើម។ លោកស្រីបានជំរុញបងប្អូនដែលជាក្រុមងាយរងគ្រោះខាងលើនេះ នាំគ្នាទៅចាក់វ៉ាក់សាំងកូវីដ-១៩​ ភីហ្វាយហ្សឺ​ (Pfizer) ដែលមាននៅតាមបណ្តារាជធានី-ខេត្តទាំង២៥ (នៅតាមមណ្ឌលសុខភាព​ ឬមន្ទីរពេទ្យរដ្ឋ)​ ចាប់ពីពេលនេះតទៅ​។ លោកស្រី ឱ​ វណ្ណឌីន បានលើកឡើងថា ដោយសារស្ថានភាពកើតមានការឆ្លងឡើងវិញនូវវីរុសកូវីដ-១៩​ បំប្លែងថ្មី​ ពិសេសពួក​ ជេអ៉ិន.១​ (JN.1) ដែលកំពុងតែចរាចរនៅតាមបណ្តាប្រទេសជិតខាងកម្ពុជា​ និងនៅតាមតំបន់នៅលើពិភពលោក​ ក្រសួងសុខាភិបាលបានចេញសេចក្តីប្រកាសព័ត៌មានរួចហើយ​ ស្តីពី «ការបង្កើនការការពារខ្លួន​ ពីការឆ្លងវីរុសកូវីដ-១៩» ចុះថ្ងៃទី១២​ ខែឧសភា​ ឆ្នាំ២០២៥​ (ជូនភ្ជាប់មកជាមួយខាងក្រោមនេះស្រាប់)។ ដូច្នេះ​សូមបងប្អូនប្រជាពលរដ្ឋទាំងអស់​ បង្កើនការយកចិត្តទុកដាក់​ និងប្រុងប្រយ័ត្នខ្ពស់​ ការពារខ្លួនពីការឆ្លងវីរុសកូវីដ-១៩​ ដែលអាចមានផលប៉ះពាល់សុខភាពដោយសារជំងឺកូវីដ-១៩​ ជាពិសេសជនដែលងាយរងគ្រោះ​ មានដូចជាជនវ័យចាស់​ ចាស់ជរា​ អ្នកដែលមានជំងឺរ៊ាំរ៊ៃ និងអ្នកដែលមានកងការពារខ្សោយនៅក្នុងខ្លួនជាដើម។ លោកស្រីបានបញ្ជាក់ទៀតថា «ដើម្បីអាចការពារខ្លួនពីការវាយលុកក្នុងសរីរាង្គរាងកាយបុគ្គល​ ជាពិសេសក្រុមងាយទទួលរងគ្រោះពីជំងឺកូវីដ-១៩នេះ​ ដែលអាចឈានដល់ភាពធ្ងន់ធ្ងរ​ និងអាចស្លាប់បាត់បង់ជីវិតបានដែរនោះ​ […]

(ស្វាយរៀង)៖ លោក សរ សុដានី អភិបាលរងខេត្តស្វាយរៀង កាលពីថ្ងៃទី១០ ខែឧសភា ឆ្នាំ២០២៥ បានថ្លែងថា កងកម្លាំងប្រដាប់អាវុធទាំងអស់ ត្រូវធ្វើជាគំរូល្អទៅដល់ប្រជាពលរដ្ឋ ក្នុងការគោរពអនុវត្តច្បាប់ចរាចរណ៍ផ្លូវគោក ព្រោះកងកម្លាំងជាតួអង្គក្នុងការអនុវត្តច្បាប់។ ការថ្លែងលើកឡើងបែបនេះ ក្នុងឱកាសដែលលោក តំណាងឱ្យលោក ប៉េង ពោធិ៍សាអភិបាល នៃគណៈអភិបាលខេត្តស្វាយរៀង អញ្ជើញចូលរួមក្នុងពិធីអប់រំផ្សព្វផ្សាយស្តីពីច្បាប់ចរាចរណ៍ផ្លូវគោក សុវត្ថិភាពក្នុងការធ្វើដំណើរ និងសុវត្ថិភាពក្នុងការដឹកជញ្ជូនជូន ដល់អ្នកបើកបរយានយន្តដឹកកម្មករ និងកម្មករ និយោជិត ដែលកម្មវិធីនេះ រៀបចំដោយបេឡាជាតិសន្តិសុខសង្គម នៅសាលប្រជុំតំបន់សេដ្ឋកិច្ចពិសេស (មេនហាតធេន)។ ថ្លែងទៅកាន់អង្គពិធី លោកអភិបាលរងខេត្ត បានអំពាវនាវដល់កម្មករ កម្មការិនីនិងអ្នកពាក់ព័ន្ធទាំងអស់ ត្រូវយកទុកដាក់ក្នុងការថែរក្សាការពារអាយុជីវិត ជាពិសេសដល់ក្រុមគ្រួសារខ្លួននិងអ្នកដទៃដែលជាអ្នកប្រើប្រាស់ផ្លូវគ្រប់ៗគ្នា តាមរយៈការចូលរួមលើកកម្ពស់សុវត្ថិភាពចរាចរណ៍ ដោយអនុវត្តច្បាប់សំដៅការបង្ការនិងទប់ស្កាត់គ្រោះថ្នាក់ចរាចរណ៍ឲ្យបានជាអតិបរមា។ លោក ក៏បានក្រើនរំលឹកទៅដល់កងកម្លាំងប្រដាប់អាវុធទាំងអស់ ត្រូវធ្វើជាគំរូល្អទៅដល់ប្រជាពលរដ្ឋ ក្នុងការគោរពអនុវត្តច្បាប់ចរាចរណ៍ផ្លូវគោក ព្រោះកងកម្លាំងជាតួអង្គក្នុងការអនុវត្តច្បាប់ ជាអ្នកចាប់ផាកពិន័យផងដែរ៕ ផ្ដល់សិទ្ធិដោយ៖ Freshnews

(ភ្នំពេញ)៖ ក្រុមកីឡាចំបាប់ជម្រើសជាតិកម្ពុជា បានចាប់ផ្ដើមយុទ្ធនាការប្រកួតរបស់ខ្លួន នៅក្នុងព្រឹត្តិការណ៍ចំបាប់អន្ដរជាតិ Southeast Asian & Invitation Championship 2025 នៅប្រទេសសិង្ហបុរីហើយ ខណៈថ្ងៃដំបូង កម្ពុជា ទទួលបានមេដាយសំរឹទ្ធ ១គ្រឿង ដែលដណ្ដើមបានដោយកីឡាករ បុន ប៊ុនណា លើវិញ្ញាសាចំបាប់សេរី Freestyle ទម្ងន់ ៧០គីឡូក្រាម។ គួរដឹងថា ព្រឹត្តិការណ៍អន្ដរជាតិនេះ មានរយៈពេល ៣ថ្ងៃ ចាប់ពីថ្ងៃទី១០-១២ ខែឧសភា ឆ្នាំ២០២៥ ដោយមានអត្តពលិកមកពីប្រទេសជាច្រើនចូលរួម ក្នុងនោះកម្ពុជា ក៏បានបញ្ជូនប្រតិភូ គ្រូបង្វឹក និងអត្តពលិកសរុប ១៧នាក់ចូលរួមផងដែរ ដោយមានកីឡាករ-កីឡាការិនី ១២រូប ដើម្បីប្រជែងមេដាយជូនជាតិ ក្រោមការឧបត្ថម្ភគាំទ្ររបស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា។ បេសកកម្មប្រកួតលក្ខណៈអន្ដរជាតិនេះដែរ ធ្វើឡើងក្នុងគោលបំណងសាកល្បង និងវាស់ស្ទង់ ក៏ដូចជាដុសខាត និងពង្រឹងសមត្ថភាពកីឡាករ-កីឡាការិនីចំបាប់កម្ពុជា ឲ្យបានកាន់តែល្អប្រសើរ ដើម្បីត្រៀមការប្រកួតកីឡាស៊ីហ្គេម លើកទី៣៣ នៅប្រទេសថៃ នាចុងឆ្នាំ២០២៥ នេះ៕ ផ្ដល់សិទ្ធិដោយ៖ Freshnews

(ភ្នំពេញ)៖ ក្រសួងការងារ និងបណ្តុះបណ្ដាលវិជ្ជាជីវៈ បានបញ្ជាក់ថា ករណី អំពីការជជែកវែកញែករវាងរដ្ឋបាលរោងចក្រ និងកម្មករនិយោជិតនៃក្រុមហ៊ុនស៊ីង កៃ សេន ហ្គាមិន ឯ.ក ដែលបានកើតឡើងកាលពីថ្ងៃទី៩ ខែឧសភា ឆ្នាំ២០២៥ ត្រូវបានដោះស្រាយរួចរាល់ប្រកបដោយការយោគយល់និងអធ្យាស្រ័យខ្ពស់។ ក្រោយមានករណីនេះភ្លាម ក្រសួង បានចាត់មន្ត្រីជំនាញ ចុះពិនិត្យនិងសម្របសម្រួលដោះស្រាយដោយលទ្ធផលមានការយោគយល់ និងអធ្យាស្រ័យខ្ពស់ព្រោះភាគីរដ្ឋបាលក្រុមហ៊ុនព្រមព្រៀងមិនធ្វើលិខិតព្រមាននោះទេខណៈភាគីកម្មករនឹងប្រគល់ជូនលិខិតពេទ្យបញ្ជាក់ពីគ្រោះថ្នាក់ចរាចរណ៍ទៅកាន់ក្រុមហ៊ុនផងដែរ។ សូមបញ្ជាក់ជូនសាធារណជនមេត្តាជ្រាបថា ក្រសួងការងារ និងបណ្តុះបណ្តាលវិជ្ជាជីវៈ តែងតែយកចិត្តទុកដាក់លើសុខដុមនីយកម្មនៃទំនាក់ទំនងវិជ្ជាជីវៈនៅក្នុងវិស័យដែលជាកិច្ចការងារអាទិភាពបំផុតមួយក្នុងចំណោមកិច្ចការអាទិភាពរបស់ក្រសួង៕ ផ្ដល់សិទ្ធិដោយ៖ Freshnews