(សៀមរាប​)៖ អាជ្ញាធរជាតិអប្សរាសហការជាមួយមូលនិធិបរិស្ថានអ៊ីអន (AEON Environmental Foundation) កាលពីថ្ងៃសៅរ៍ ទី០៥ ខែកក្កដា ឆ្នាំ២០២៥ បានរួមគ្នាដាំដើមឈើលើកទី១ ចំនួន១ម៉ឺនដើម ក្នុងផ្ទៃដីទំហំ៥ហិកតា លើផ្ទៃដីសរុបទំហំ១៨ហិកតា សម្រាប់រយៈពេល៥ឆ្នាំ នៃគម្រោងឧទ្យានធម្មជាតិអង្គរ-អ៊ីអន (ANGKOR – AEON NATURE PARK) ស្ថិតនៅខាងជើងបារាយណ៍ជ័យតដាក និងប្រាសាទនាគព័ន្ធ ក្នុងការរួមចំណែកថែរក្សាការពារបេតិកភណ្ឌ និងបរិស្ថាន និងផ្តល់ផលប្រយោជន៍ដល់សហគមន៍មូលដ្ឋាន ព្រមទាំងលើកកម្ពស់វិស័យទេសចរណ៍នៅក្នុងរមណីយដ្ឋានអង្គរបេតិកភណ្ឌពិភពលោក។ ក្នុងឱកាសនោះ ក៏មានការអញ្ជើញចូលរួមពី លោកស្រី ឡងឌី សាន់ណារ៉ា រដ្ឋលេខាធិការនៃក្រសួងវប្បធម៌ និងវិចិត្រសិល្បៈ និងជាតំណាងលោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា លោក អាត់ស៊ីស៊ិ អ៊ីណូ (Atsushi Ueno) ឯកអគ្គរាជទូតជប៉ុនប្រចាំកម្ពុជា លោក ណាអូយ៉ា អូកាដា (Naoya  Okada) សមាជិកក្រុមប្រឹក្សាភិបាលមូលនិធិបរិស្ថានអ៊ីអន តំណាងរដ្ឋបាលខេត្តសៀមរាប ថ្នាក់ដឹកនាំ មន្រ្តី បុគ្គលិក ភ្នាក់ងារពលកររបស់អាជ្ញាធរជាតិអប្សរា អាជ្ញាធរមូលដ្ឋាន […]

(បរទេស)៖ ប្រធានាធិបតីសហរដ្ឋអាមេរិកលោក Donald Trump បាននិយាយនៅថ្ងៃសុក្រ​ថា លោកនឹងចាប់ផ្តើមការពិភាក្សាជាមួយចិន នៅថ្ងៃចន្ទ ឬថ្ងៃអង្គារខាងមុខ ​អំពីកិច្ចព្រមព្រៀងដែលអាចធ្វើទៅបានស្ដីពីកម្មវិធី TikTok។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី០៥ ខែកក្កដា ឆ្នាំ២០២៥។ លោកបាននិយាយថា សហរដ្ឋអាមេរិកជិតសម្រេចបានកិច្ចព្រមព្រៀងសម្រាប់ការលក់កម្មវិធីវីដេអូខ្លី TikTok ហើយ។ លោកថា «ខ្ញុំគិតថា យើងនឹងចាប់ផ្តើមថ្ងៃចន្ទ ឬថ្ងៃអង្គារ… ដើម្បីពិភាក្សាជាមួយចិន ប្រហែលជានឹងជាមួយប្រធានាធិបតី Xi ឬអ្នកតំណាងរបស់គាត់… យើងជិតមានកិច្ចព្រមព្រៀងហើយ»។ លោក Trump បានប្រាប់អ្នកសារព័ត៌មានក្នុងយន្តហោះ Air Force One។ កាលពីខែមុន លោក Trump បានពន្យាពេលសម្រាប់ការបិទ TikTok ទៅដល់ថ្ងៃទី១៧ ខែកញ្ញា ដើម្បីឱ្យក្រុមហ៊ុន ByteDance ដែលមានមូលដ្ឋាននៅចិន សម្រេចលក់ TikTok នៅសហរដ្ឋអាមេរិក ទៅឲ្យក្រុមហ៊ុនណាមួយរបស់អាមេរិក។ រហូតមកទល់នឹងពេលនេះ មានកិច្ចព្រមព្រៀងកំពុងត្រូវរៀបចំ ដើម្បីបែងចែកប្រតិបត្តិការរបស់ TikTok នៅសហរដ្ឋអាមេរិកទៅឲ្យក្រុមហ៊ុនថ្មីដែលមានមូលដ្ឋាននៅសហរដ្ឋអាមេរិក ហើយមានម្ចាស់ជាជនជាតិអាមេរិក។ ប៉ុន្តែកិច្ចព្រមព្រៀងនេះត្រូវបានផ្អាកបណ្តោះអាសន្ន បន្ទាប់ពីចិនបានបង្ហាញថា […]

(ភ្នំពេញ)៖ ព្រះករុណា ព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា បានសព្វព្រះរាជហឫទ័យ ព្រះរាជទានព្រះរាជសារក្នុងឱកាសអបអរសាទរខួបជាប្រវត្តិសាស្រ្ត ១៧ឆ្នាំ នៃការចុះប្រាសាទព្រះវិហារក្នុងបញ្ជីបេតិកភណ្ឌពិភពលោក របស់អង្គការយូណេស្កូ (៧ កក្កដា ២០០៨ – ៧ កក្កដា២០២៥)។ ព្រះរាជសាររបស់ព្រះមហាក្សត្រមានខ្លឹមសារទាំងស្រុងថា៖ «ក្នុងឱកាសខួបជាប្រវត្តិសាស្ត្រ ១៧ឆ្នាំ នៃការចុះប្រាសាទព្រះវិហារក្នុងបញ្ជីបេតិកភណ្ឌពិភពលោក កាលពីថ្ងៃទី៧ ខែកក្កដា ឆ្នាំ២០០៨ កន្លងទៅ ដោយអង្គការយូណេស្កូ (UNESCO) ទូលព្រះបង្គំខ្ញុំ ព្រះករុណាខ្ញុំ សូមសម្តែងនូវហឫទ័យសោមនស្សរីករាយឥតឧបមា សូមចូលរួមអបអរសាទរជាមួយសម្តេចព្រះមហាសង្ឃរាជទាំងពីរគណៈ ព្រះថេរានុត្ថេរៈគ្រប់ព្រះអង្គ និងជនរួមជាតិទាំងអស់ ជាទីនឹករលឹក និងស្រឡាញ់ដ៏ជ្រាលជ្រៅបំផុត» ។ ទូលព្រះបង្គំខ្ញុំ ព្រះករុណាខ្ញុំ សូមកោតសរសើរដ៏ស្មោះចំពោះការចុះប្រាសាទព្រះវិហារក្នុងបញ្ជីបេតិកភណ្ឌពិភពលោក។ ជាសម្បត្តិវប្បធម៌ជាតិផង និងជាបេតិកភណ្ឌពិភលោកផង។ ការចុះបញ្ជីនេះជួយថែរក្សា និងអភិរក្សប្រាសាទព្រះវិហារ ឱ្យបានស្ថិតស្ថេរគង់វង្ស និងប្រកបដោយចីរភាពនៅលើទឹកដីនៃព្រះរាជាណាចក្រកម្ពុជា។ ទូលព្រះបង្គំខ្ញុំ ព្រះករុណាខ្ញុំ សូមសម្តែងនូវកតញ្ញូតាធម៌ដ៏ខ្ពង់ខ្ពស់បំផុត ចំពោះព្រះរាជតម្រិះ «ព្រះករុណា ព្រះបរមរតនកោដ្ឋ» ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គបានយកព្រះទ័យ ទុកដាក់ជានិច្ចក្នុងការថែរក្សាសម្បត្តិវប្បធម៌ជាតិក្នុងមួយព្រះជន្មព្រះអង្គ។ ទូលព្រះបង្គំខ្ញុំ ព្រះករុណាខ្ញុំ សូមកោតសរសើរ និងអរគុណដ៏ជ្រាលជ្រៅចំពោះប្រជាជាតិកម្ពុជាទាំងអស់ ក្រោមការដឹកនាំប្រកបដោយគតិបណ្ឌិតដ៏ឆ្នើម ឈ្លាសវៃ […]

(ភ្នំពេញ)៖ នាយកដ្ឋានប្រឆាំងបទល្មើសបច្ចេកវិទ្យា នៅព្រឹកថ្ងៃទី០១ ខែកក្កដា ឆ្នាំ២០២៥ បានធ្វើការស្រាវជ្រាវ និងឃាត់ខ្លួន ជនសង្ស័យចំនួន០២នាក់ ជាបុគ្គលិកផ្នែកលក់ និងចែកចាយស៊ីមកាត ដែលបានក្លែងអត្តសញ្ញាណលើស៊ីមកាតទូរសព្ទជាច្រើនលេខ។ ការបង្ក្រាបនេះ ធ្វើឡើងតាមបញ្ជាដឹកនាំរបស់នាយឧត្ដមសេនីយ៍ ស ថេត អគ្គស្នងការនគរបាលជាតិ និងតាមការចង្អុលណែនាំពីឧត្ដមសេនីយ៍ឯក អគ្គស្នងការរងនគរបាលជាតិ ក្រោមការសម្របសម្រួលពីអយ្យការអមសាលាដំបូងរាជធានីភ្នំពេញ។ ជនសង្ស័យទាំង០២បានសារភាពថា ពួកគេពិតជាលក់ និងចែកចាយស៊ីមកាតទូរសព្ទ ដោយធ្វើការក្លែងបន្លំកាត់តរូបភាព និងអត្តសញ្ញាណ ដើម្បីបញ្ចូលទៅក្នុងទិន្នន័យព័ត៌មានស៊ីមកាតទូរសព្ទ ដែលសរុបកន្លងមកពួកគេបានក្លែងអត្តសញ្ញាណលើស៊ីមកាតបានជាង ៦០០លេខ ដែលផ្ទុយទៅនឹងគោលការណ៍របស់ក្រុមហ៊ុនទូរសព្ទចល័ត ក៏ដូចជាផ្ដល់លក្ខណៈងាយស្រួលដល់ជនល្មើសក្នុងការយកលេខទូរសព្ទទៅប្រើប្រាស់ក្នុងគោលបំណងទុច្ចរិត ឬប្រព្រឹត្តបទល្មើស។ បច្ចុប្បន្ន ជនសង្ស័យទាំង០២នាក់ខាងលើ នាយកដ្ឋានបានកសាងសំណុំរឿងបញ្ជូន ទៅអយ្យការអមសាលាដំបូងរាជធានីភ្នំពេញ ដើម្បីចាត់វិធានការតាមផ្លូវច្បាប់។ នាយកដ្ឋានសូមជម្រាបជូនសាធារណជនថា ការបញ្ចូលទិន្នន័យដោយទុច្ចរិត ទៅក្នុងប្រព័ន្ធប្រព្រឹត្តិកម្មស្វ័យប្រវត្តិ ត្រូវផ្ដន្ទាទោសពី០១ឆ្នាំទៅ ០២ឆ្នាំ នេះបើយោងតាមជំពូកទីពីរមាត្រា៤២៩ នៃក្រមព្រហ្មទណ្ឌ និងមាត្រា១០១ នៃច្បាប់ទូរគមនាគម៍ បានចែងថា ការយកអត្តសញ្ញាណតតិយជន ដោយប្រើប្រាស់ប្រព័ន្ធទូរគមនាគម៍ ក្នុងកាលៈទេសៈដែលនាំឲ្យមាន ការចោទប្រកាន់ខាងព្រហ្មទណ្ឌ ចំពោះតតិយជននោះ ត្រូវផ្ដន្ទាទោសដាក់ពន្ធនាគារពី ០១ឆ្នាំទៅ០៣ឆ្នាំ និងពិន័យជាប្រាក់ដល់ទៅ ៦លានរៀល។នាយកដ្ឋាន សូមអំពាវនាវ ដល់បណ្ដាអ្នកលក់ […]

(Reuters)៖ ប្រធានាធិបតីអាមេរិក លោក ដូណាល់ ត្រាំ បាននិយាយថារូបលោកបានចុះហត្ថលេខាលើលិខិតជូនដំណឹងទៅកាន់ប្រទេសចំនួន១២ ពីអត្រាពន្ធគយដែលពួកគេនឹងត្រូវបង់លើ មុខទំនិញដែលពួកគេនាំចេញទៅកាន់សហរដ្ឋអាមេរិក នៅថ្ងៃចន្ទដើមសប្ដាហ៍ក្រោយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ថ្លែងទៅកាន់ក្រុមអ្នកសារព័ត៌មាននៅលើយន្ដហោះ Air Force One ក្នុងដំណើរផ្លូវឆ្ពោះទៅកាន់រដ្ឋ New Jersey កាលពីថ្ងៃសុក្រ ទី៤ ខែកក្កដា លោក ត្រាំ មិនបានបង្ហើបឱ្យដឹងពីឈ្មោះប្រទេស ទាំង១២ ដែលនឹងត្រូវទទួលបានលិខិតជូនដំណឹងលើអត្រាពន្ធគយពីសហរដ្ឋអាមេរិកនោះទេ។ លោក ត្រាំ កាលពីថ្ងៃព្រហស្បតិ៍កន្លងទៅ បានប្រាប់ក្រុមអ្នកសារព័ត៌មានថាលោករំពឹងថាលិខិត ក្នុងកញ្ចប់ទី១នឹងត្រូវផ្ញើនៅថ្ងៃសុក្រសប្ដាហ៍នេះ ចំថ្ងៃបុណ្យឯករាជ្យជាតិរបស់សហរដ្ឋអាមេរិក។ តែកាលបរិច្ឆេទនៃការផ្ញើលិខិតត្រូវបានផ្លាស់ប្ដូរ។ គួរបញ្ជាក់ថា ការផ្អាកការយកពន្ធគយកម្រិតខ្ពស់រយ​ៈពេល ៩០ថ្ងៃ របស់រដ្ឋបាលលោក ត្រាំ នឹងត្រូវបិទបញ្ចប់នៅថ្ងៃទី៩ ខែកក្កដា ហើយកាលពីថ្ងៃសុក្រ លោកប្រធានាធិបតីអាមេរិកក៏បានព្រមាន ដែរថាអត្រាយកពន្ធអាចនឹងខ្ពស់ជាងការប្រកាសនាពេលកន្លងមក ឬអាចដល់ ៧០ភាគរយលើបណ្ដាប្រទេសមួយចំនួនដែលគ្រោងនឹងចូលជាធរមាននៅថ្ងៃទី១ ខែសីហា៕ ផ្ដល់សិទ្ធិដោយ៖ Freshnews

(អាមេរិក)៖ អាជ្ញាធរនៅសហរដ្ឋអាមេរិក បានឱ្យដឹងថា តួលេខចុងក្រោយបង្អស់នៃចំនួនមនុស្សបាត់បង់ជីវិត ក្រោយការវាយប្រហារ​នៃគ្រោះទឹកជំនន់កើតឡើងភ្លាមៗ នៅភាគកណ្តាលរដ្ឋ Texas បានកើនដល់យ៉ាងហោច៥០នាក់ហើយ ខណៈក្រុមសង្រ្គោះកំពុងបន្តស្វែងរក​អ្នកដែលបាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអាទិត្យ ទី៦ ខែកក្កដា ឆ្នាំ២០២៥។​ តំបន់ដែលមានអ្នកបាត់បង់ជីវិតច្រើនជាងគេ គឺ Kerr County ចំនួន៤៣នាក់ ហើយមានអ្នកបាត់ខ្លួនយ៉ាងហោច២៧នាក់។ ចំណែកនៅ Burnet County មនុស្ស៣នាក់ ត្រូវរាយការណ៍ថាស្លាប់ និង២នាក់បាត់ខ្លួន ខណៈនៅ Travis County វិញ មនុស្សយ៉ាងតិច​៤នាក់ក៏បានបាត់បង់ជីវិតផងដែរ ហើយ១៣នាក់បាត់ខ្លួន។ អាជ្ញាធររដ្ឋ Texas បាននិយាយថា មកទល់ពេលនេះ មនុស្សជាង៨៥០នាក់ ត្រូវបានជួយសង្រ្គោះ ដោយមានអ្នកខ្លះនៅតោងនឹងដើមឈើ ហើយតួលេខអ្នកស្លាប់ អាចនឹងបន្តកើនខ្ពស់ថែមទៀត។ គួរបញ្ជាក់ថា គ្រោះទឹកជំនន់ខាងលើបានកើតឡើងភ្លាមៗ នៅពេលដែលភ្លៀងបានធ្លាក់យ៉ាងខ្លាំងលើសការព្យាករ បណ្តាលឱ្យទឹកនៅទន្លេ Guadalupe ហក់ឡើងកម្ពស់ប្រមាណ៨ម៉ែត្រ ក្នុងរយៈពេលត្រឹមជាង៤០នាទី កាលពីថ្ងៃសុក្រសប្តាហ៍នេះ ជាហេតុធ្វើឱ្យ​អាជ្ញាធរក៏ដូចជាប្រជាជននៅក្នុងតំបន់ មិនបានត្រៀមខ្លួនប្រុងប្រយ័ត្នទុកជាមុន។ វាត្រូវបានចាត់ទុកជា គ្រោះទឹកជំនន់ដ៏អាក្រក់បំផុតមួយ សម្រាប់រដ្ឋ […]

(ភ្នំពេញ)៖ ក្រសួងទេសចរណ៍ ចេញសេចក្ដីជូនដំណឹងស្តីពី ការចូលរួមពិព័រណ៍ទេសចរណ៍អន្តរជាតិ International Travel Expo Ho Chi Minh City (ITE-HCMC) លើកទី១៩ រយៈពេល៥ថ្ងៃ ចាប់ពីថ្ងៃទី២ ដល់ថ្ងៃទី៧ ខែកញ្ញា ឆ្នាំ២០២៥ នៅទីក្រុងហូជីមិញ សាធារណរដ្ឋសង្គមនិយមវៀតណាម។ បើតាមសេចក្ដីជូនដំណឹងនៅថ្ងៃទី៥ ខែកក្កដា ឆ្នាំ២០២៥នេះ បានឲ្យដឹងថា ពិព័រណ៍អន្តរជាតិ ITE-HCMC រៀបចំឡើងក្នុងគោលបំណងដើម្បីផ្សព្វផ្សាយបដិសណ្ឋារកិច្ច ជំរុញខ្សែ ទស្សនកិច្ច Caravan Tour, Self-Drive Tour និង Mekong Cruise Tour ឆ្លងកាត់តាមច្រកព្រំដែនអន្តរជាតិ កម្ពុជា-វៀតណាម និងការលក់កញ្ចប់ទស្សនកិច្ច «គោលដៅទេសចរណ៍ពីរ កញ្ចប់ទស្សនកិច្ចតែមួយ» ក្រោមប្រធានបទ “Sustainable Tourism, Vibrant Experiences” នៅមជ្ឈមណ្ឌលសន្និសីទ និងពិព័រណ៍ Saigon Exhibition & Convention Center ទីក្រុងហូជីមិញ ដែលមានការចូលរួមពីបណ្តាក្រុមហ៊ុននានាចំនួនជាង […]

(បរទេស)៖ អ្នកស្រាវជ្រាវនៅសាកលវិទ្យាល័យ Johns Hopkins បានបង្កើតបច្ចេកវិទ្យាដ៏អស្ចារ្យមួយ គឺការធ្វើតេស្តឈាមដែលអាចកំណត់អត្តសញ្ញាណជំងឺមហារីកបានរហូតដល់ទៅ ៣ឆ្នាំ មុនពេលរោគសញ្ញាលេចឡើង។ បច្ចេកវិទ្យាដ៏ទំនើបនេះដំណើរការដោយការរកឃើញការផ្លាស់ប្តូរ DNA (DNA mutations) ដែលកើតចេញពីដុំសាច់មហារីក ដែលចរាចរនៅក្នុងចរន្តឈាម។ ការរកឃើញនេះត្រូវបានចាត់ទុកថាជាឧបករណ៍ដ៏មានឥទ្ធិពលមួយសម្រាប់ការពិនិត្យរកជំងឺមហារីកជាមុន (proactive cancer screening) ដែលមានសក្តានុពលក្នុងការផ្លាស់ប្តូររបៀបដែលជំងឺមហារីកត្រូវបានធ្វើរោគវិនិច្ឆ័យ និងព្យាបាល។ ការសិក្សាស្រាវជ្រាវនេះត្រូវបានបោះពុម្ពផ្សាយនៅក្នុងទស្សនាវដ្តី Cancer Discovery ដោយបានវិភាគលើគំរូប្លាស្មា (plasma samples) ដែលបានប្រមូលផ្ដុំទុកប៉ុន្មានឆ្នាំមុន សម្រាប់ការសិក្សាផ្សេងៗ។ តាមរយៈការពិនិត្យបំណែក DNA ដែលអណ្ដែតដោយសេរី អ្នកវិទ្យាសាស្ត្រអាចរកឃើញ «សញ្ញាព្រមាន» នៃជំងឺមហារីក រហូតដល់ ៣.៥ឆ្នាំ មុនការធ្វើរោគវិនិច្ឆ័យព្យាបាល។ លទ្ធផលនៃការសិក្សានេះពិតជាមានសក្តានុពលខ្ពស់ ដោយសារការរកឃើញជំងឺមហារីកបានឆាប់រហ័សជាទូទៅនាំឱ្យលទ្ធផលព្យាបាលកាន់តែល្អប្រសើរសម្រាប់អ្នកជំងឺ។ ខណៈពេលដែលវិធីសាស្ត្រពិនិត្យរកជំងឺមហារីកបច្ចុប្បន្នមានសារៈសំខាន់ ជំងឺមហារីកជាច្រើនមិនត្រូវបានរកឃើញទេ រហូតដល់រោគសញ្ញាលេចឡើង ដែលនៅពេលនោះជំងឺអាចនឹងរីករាលដាលខ្លាំង ហើយពិបាកព្យាបាល។ ការធ្វើតេស្តឈាមថ្មីនេះ និងការធ្វើតេស្តរកជំងឺមហារីកច្រើនប្រភេទ (MCED) ស្រដៀងគ្នា មានគោលបំណងផ្លាស់ប្តូរគំរូនេះ ដោយកំណត់អត្តសញ្ញាណជំងឺមហារីកក្នុងទម្រង់ម៉ូលេគុលដំបូងបំផុតរបស់វា៕ ផ្ដល់សិទ្ធិដោយ៖ Freshnews

(តូក្យូ)៖ រដ្ឋាភិបាលជប៉ុន នៅថ្ងៃសៅរ៍ ទី៥ ខែកក្កដា បានព្រមានថាអាចនឹងមានគ្រោះរញ្ជួយដីកម្រិតធ្ងន់បន្ថែមទៀតនៅក្នុងដែនទឹកភាគនិរតីនៃទីប្រជុំកោះសំខាន់របស់ខ្លួន ប៉ុន្តែបានជំរុញឱ្យប្រជាជន របស់ខ្លួនកុំជឿលើពាក្យចចាមអារ៉ាម ឬការព្យាករគ្មានមូលដ្ឋានអំពីមហាគ្រោះមហន្តរាយនៃថ្ងៃអវសានរបស់ពិភពលោក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ អាជ្ញាធរជប៉ុន កាលពីថ្ងៃសុក្រ បានជម្លៀសប្រជាជនមួយចំនួនចេញពីកោះដាច់ស្រយាលនានាស្ថិតនៅជិតនឹងចំណុចកណ្ដាលនៃរញ្ជួយដីកម្រិត ៥.៥រ៉ិចទ័រនៅឯចុងភាគខាងត្បូងបំផុតនៃកោះ Kyushu។ គ្រោះរញ្ជួយដី ៥.៥រ៉ិចទ័នេះបានកើតឡើងកាលពីថ្ងៃព្រហស្បតិ៍ និងមានកម្រិតរំញ័រខ្លាំងបំផុតមួយក្នុងចំណោមរំញ័រច្រើនជាង ១០០០លើក នៅលើខេត្ត Kagoshima ក្នុងពេល២សប្ដាហ៍មកនេះ ជាហេតុនាំឱ្យមានពាក្យចចាមអារ៉ាម និងការព្យាករថាអាចនឹងមានមហាគ្រោះរញ្ជួយដីវាយប្រហារជប៉ុននៅក្នុងខែកក្កដានេះ។ យ៉ាងណាក៏ដោយ លោក Ayataka Ebita ជានាយកអង្គភាពតាមដានគ្រោះរញ្ជួយដី និងរលកស៊ូណាមិរបស់ទីភ្នាក់ងារឧតុនិយមជប៉ុន បានលើកឡើងថា «តាមការសិក្សាពីវិទ្យាសាស្ត្រក្នុងពេលបច្ចុប្បន្ន វាពិតជាពិបាកក្នុងការព្យាករពីពេលវេលាជាក់លាក់ ទីតាំង ឬទំហំនៃគ្រោះរញ្ជួយដី»។ លោកបន្តថា «យើងស្នើឱ្យប្រជាជនមានមូលដ្ឋានចំណេះដឹងផ្អែកលើភស្តុតាងវិទ្យាសាស្ត្រ»។ គួរបញ្ជាក់ថា ពាក្យចចាមអារ៉ាមអំពីគ្រោះមហន្តរាយធម្មជាតិបានជំរុញឱ្យភៀវទេសចរមួយចំនួនចៀសវាងការធ្វើដំណើរទៅកាន់ប្រទេសជប៉ុន។ ក្នុងនោះភ្ញៀវទេសចរមកពីហុងកុងជាទីដែល ពាក្យចចាមអារ៉ាម កំពុងរីកសុសសាយ បានធ្លាក់ចុះ១១ភាគរយ ក្នុងខែឧសភាកន្លងទៅនេះ៕ ផ្ដល់សិទ្ធិដោយ៖ Freshnews

(ភ្នំពេញ)៖ ក្រសួងការពារជាតិ នៅថ្ងៃទី០៥ ខែកក្កដា ឆ្នាំ២០២៥ កាលពីវេលាម៉ោង ១៦:៣០នាទី ពេលដែលភ្ញៀវទេសចរកម្ពុជា និងថៃបានចូលទៅទស្សនាប្រាសាទតាក្របី, នៅពេលកំពុងដើរទស្សនា និងថតរូបកម្សាន្ត ក៏ស្រាប់តែអ្នកទេសចរជនជាតិថៃ មកហាមឃាត់អ្នកទេសចរជនជាតិកម្ពុជាមិនឱ្យថតរូបអនុស្សាវរីយ៍ និងបានសម្តែងអាកប្បកិរិយាចង់ប្រើហិង្សាមកលើអ្នកទេសចរកម្ពុជាថែមទៀត ព្រោះថាអ្នកទេសចរកម្ពុជាមានបង់កក្រមាដែលមាន រចនាប៉ាក់រូបទង់ជាតិកម្ពុជានៅពីលើ។ អាកប្បកិរិយារបស់ជនជាតិថៃ និងទាហានថៃដែលមិនស្គាល់ច្បាប់ទម្លាប់ ធ្វើនេះគឺផ្ទុយស្រឡះទាំងស្រុងពីអ្វីដែលកងកម្លាំងកម្ពុជា និងទាហានថៃ ដែលឈរជើងនៅទីនោះបានដឹង និងព្រមព្រៀងគ្នាកន្លងមក។ អំឡុងពេលប្រជាពលរដ្ឋទាំងពីរភាគីកំពុងប្រកែកគ្នា ក៏ស្រាប់តែមានទាហានឈុតខ្មៅថៃ ៥នាក់ និងទាហានឯកសណ្ឋានប៉ារ៉ាថៃ ៥នាក់ បានឡើងមកប្រើពាក្យសម្តីខ្លាំងៗមកលើប្រជាពលរដ្ឋខ្មែរថែមទៀត ហើយក្នុងចំណោមទាហានថៃ ដែលប្រតិកម្មខ្លាំងមកលើប្រជាពលរដ្ឋខ្មែរនោះ គឺជាកម្លាំងដែលមិនមានភារកិច្ចឈរជើងប្រចាំការនៅលើប្រាសាទទេ គឺគ្រាន់តែជួយជូនភ្ញៀវទេសចរជនជាតិថៃឡើងមកប៉ុណ្ណោះ ដោយមិនបានក្តាប់ព័ត៌មានពេញលេញ ទើបបណ្តាលឱ្យស្ថានភាពកាន់តែតានតឹងឡើង។ ដោយឃើញស្ថានការណ៍នៃការប៉ះទង្គិចគ្នានេះ កងទ័ពកម្ពុជាចំនួន១០នាក់ ដែលមានភារកិច្ចឈរជើងការពារ និងសម្របសម្រួលនៅលើប្រាសាទតាក្របី បានធ្វើអន្តរាគមន៍ ដោះស្រាយសម្របសម្រួលភ្លាមៗ និងប្រាប់ទៅទាហានថៃទាំងនោះថា ការលើកឡើងនេះពុំមាននៅក្នុងចំណុចនៃការព្រមព្រៀងគ្នា ជាមុនថាមិនឱ្យពាក់ក្រមាមានរូបទង់ជាតិនោះទេ ដូច្នេះពួកគេមិនអាចហាមឃាត់ប្រជាជនខ្មែរបានឡើយ ព្រោះកន្លងមកក៏មានភ្ញៀវទេសចរជនជាតិថៃ មកលេងបានស្លៀកសម្លៀកបំពាក់មានរូបទង់ជាតិថៃយ៉ាងគគ្រឹកគគ្រេងផងដែរ។ បន្ទាប់ពីការសម្របសម្រួល សភាពការណ៍ក៏បានស្ងប់ស្ងាត់ទៅវិញនៅវេលាម៉ោង ១៦:៥០នាទី។ កម្ពុជាអំពាវនាវឱ្យកងទ័ពថៃ ដែលកំពុងឈរជើងនៅ ប្រាសាទតាក្របីអនុវត្តការងាររបស់ខ្លួនឱ្យបានត្រឹមត្រូវ និងការទទួសខុសត្រូវ ស្របតាមកិច្ចព្រមព្រៀងដែលភាគីទាំងពីរបានឯកភាពគ្នាហើយ។ កងទ័ពកម្ពុជាដែលកំពុងឈរជើងនៅទីនោះនឹងបន្តអនុវត្តការងារប្រកបដោយភាពអត់ធ្មត់ ការទទួលខុសត្រូវ […]