(វ៉ាស៉ីនតោន)៖ ភ្លើងឆេះព្រៃយ៉ាងឆាប់រហ័ស បានបង្កឱ្យឆាបឆេះពេញមួយផ្នែកធំ នៃទីក្រុង Los Angeles របស់សហរដ្ឋអាមេរិក កាលពីថ្ងៃអង្គារសប្តាហ៍នេះ ដោយបំផ្លាញផ្ទះសម្បែង និងនាំឱ្យកកស្ទះចរាចរណ៍ ខណៈមនុស្ស ៣០ ០០០នាក់ត្រូវជម្លៀសខ្លួន ចំពេលមានផ្សែងក្រាស់គ្របដណ្តប់ទីប្រជុំជនជាច្រើន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី៨ ខែមករា ឆ្នាំ ២០២៥។ យ៉ាងហោចណាស់ផ្ទៃដី ១ ១៨២ហិកតានៃសង្កាត់ Pacific Palisades ស្ថិតនៅចន្លោះបណ្តោយឆ្នេរនៃទីក្រុង Santa Monica និងទីក្រុង Malibu ត្រូវបានឆាបឆេះ។ ស្របពេលដែលភ្លើងឆេះរីករាលដាល ក្រុមមន្ត្រីនិយាយថា ស្ថានភាពខ្យល់បក់ខ្លាំងអាចនឹងកើតឡើងពេញមួយយប់ ដែលនាំឱ្យមានការព្រួយបារម្ភថា អ្នករស់នៅតាមសង្កាត់ច្រើនទៀត អាចនឹងត្រូវបង្ខំឱ្យជម្លៀសខ្លួន។ ក្រោយមក ទីក្រុង Santa Monica បានបញ្ជាឱ្យមានការជម្លៀស នៅតំបន់ភាគខាងជើង។ លោក Kristin Crowley ប្រធានផ្នែកពន្លត់អគ្គីភ័យនៅទីក្រុង Los Angeles បានប្រាប់សន្និសីទសារព័ត៌មានដោយបន្ថែមថា មនុស្សជាង ២៥ ០០០នាក់រស់នៅផ្ទះ ១០ ០០០ខ្នង […]

(វ៉ាស៉ីនតោន)៖ ករណីមនុស្សស្លាប់លើកដំបូង ដោយសារជំងឺផ្តាសាយបក្សី នៅសហរដ្ឋអាមេរិក បានជំរុញឱ្យមានការអំពាវនាវថែមទៀត ឱ្យរដ្ឋាភិបាលបង្កើនកិច្ចប្រឹងប្រែង ដើម្បីទប់ស្កាត់កុំឱ្យជំងឺនេះ មានការរីករាលដាលខ្លាំង។ នេះបើតាមការចេញផ្សាយ ដោយទីភ្នាក់ងារព័ត៌មាន Reuters នាថ្ងៃពុធ ទី៨ ខែមករា ឆ្នាំ២០២៥។ ក្រុមអ្នកជំនាញផ្នែកសុខាភិបាល នៅជុំវិញពិភពលោក បាននិងកំពុងទទូចឱ្យអាជ្ញាធរនៅសហរដ្ឋអាមេរិក បង្កើនការតាមដានឃ្លាំមើល និង​ចែករំលែកព័ត៌មានបន្ថែមទៀត អំពីការរាលដាលនៃជំងឺផ្តាសាយបក្សីនៅទីនោះ។ កាលពីថ្ងៃចន្ទ ទី៦ ខែមករា អាជ្ញាធរសុខាភិបាល នៅរដ្ឋ Louisiana បានរាយការណ៍ថា អ្នកជំងឺម្នាក់អាយុជាង៦០ឆ្នាំ គឺជាបុគ្គលដំបូងគេនៅសហរដ្ឋអាមេរិក ដែលបានស្លាប់ដោយសារ​ជំងឺផ្តាសាយបក្សី ក្រោយប៉ះពាល់ជាមួយបក្សីដែលកើតជំងឺ។ គួរបញ្ជាក់ថា ជំងឺផ្តាសាយបក្សី H5N1 ត្រូវបានរកឃើញដំបូង កាលពីឆ្នាំ១៩៩៦។ គិតតាំងពីដើមឆ្នាំ២០២៤ ករណីផ្តាសាយបក្សី ដែលឆ្លងមកកាន់មនុស្សសរុបចំនួន៦៦ករណី ត្រូវបានកត់ត្រានៅសហរដ្ឋអាមេរិក ហើយភាគច្រើន ជាអ្នកធ្វើការនៅតាមកសិដ្ឋាន។ បើយោងតាមអង្គការសុខភាពពិភពលោក WHO ជិតពាក់កណ្តាល នៃករណី H5N1 លើមនុស្សសរុប៩៥៤ករណី ដែលត្រូវបានកត់ត្រា ចាប់តាំងពីឆ្នាំ២០០៣មក គឺបានបណ្តាលឱ្យអ្នកជំងឺបាត់បង់ជីវិត។ យ៉ាងណាមិញ WHO បានអះអាងថា ហានិភ័យនៃជំងឺនេះ […]

(ប៉េកាំង)៖ ក្រុមមន្ត្រីចិន បានឱ្យដឹងថា មនុស្សជាង ៤០០នាក់ ដែលជាប់ដោយការរញ្ជួយដីដ៏ខ្លាំងក្លា នៅតំបន់ជើងភ្នំហិម៉ាឡៃ ត្រូវបានជួយសង្គ្រោះ ហើយអ្នកស្រុកជាង ៣០.០០០នាក់ត្រូវផ្លាស់ទីលំនៅ ខណៈដែលការស្វែងរកអ្នករស់រានមានជីវិត បានឈានចូលដល់ថ្ងៃទីពីរ នាថ្ងៃពុធ ទី៨ ខែមករានេះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ ចំណុចកណ្តាលនៃការរញ្ជួយដីកម្រិត ៦.៨រ៉ិចទ័រ កាលពីថ្ងៃអង្គារ ដែលជាការរញ្ជួយដ៏ខ្លាំងបំផុតមួយ មិនធ្លាប់មានក្នុងតំបន់រយៈពេលប៉ុន្មានឆ្នាំថ្មីៗនេះ មានទីតាំងនៅស្រុក Tingri នៃតំបន់ទីបេរបស់ប្រទេសចិន ចម្ងាយប្រហែល ៨០គីឡូម៉ែត្រ ភាគខាងជើងនៃភ្នំ Everest។ វាក៏បានអង្រួនអគារនៅប្រទេសជិតខាងដូចជា នេប៉ាល់ ប៊ូតង់ និងឥណ្ឌាផងដែរ។ ២៤ម៉ោងក្រោយការរញ្ជួយដី អ្នករស់រានមានជីវិតដែលជាប់ក្រោមគំនរបាក់បែក ត្រូវស៊ូទ្រាំមួយយប់ ក្នុងសីតុណ្ហភាពក្រោមសូន្យ។ តាមទូរទស្សន៍រដ្ឋចិន CCTV កាលពីយប់ថ្ងៃអង្គារសប្តាហ៍នេះ ព័ត៌មានបឋម ផ្ទះចំនួន ៣.៦០៩ខ្នងត្រូវបានបំផ្លាញនៅក្នុងតំបន់ Shigatse នៃតំបន់ទីបេ ដែលជាជម្រករបស់មនុស្សចំនួន ៨០០.០០០នាក់។ យ៉ាងហោចណាស់មនុស្ស ១២៦នាក់បានស្លាប់និង ១៨៨នាក់រងរបួសនៅប៉ែកខាងទីបេ។ គ្មានសេចក្តីរាយការណ៍អំពីករណីស្លាប់ ឬរបួសនៅ​ក្នុង​ប្រទេស​នេប៉ាល់ ឬ​កន្លែង​ផ្សេង​ទៀត​នោះទេ។ តង់ អាហារបំប៉ន ម៉ាស៉ីនភ្លើង […]

(សេអ៊ូល)៖ តុលាការកូរ៉េខាងត្បូង នៅថ្ងៃអង្គារនេះបានចេញដីកាចាប់ខ្លួនជាថ្មី ប្រឆាំងនឹងប្រធានាធិបតីដែលត្រូវបានចោទប្រកាន់ លោក Yoon Suk Yeol ពីបទបះបោរ នេះបើយោងតាមការប្រកាសរបស់ទីភ្នាក់ងារស៊ើបអង្កេតអំពើពុករលួយ ដែលត្រូវបានចេញផ្សាយដោយ ទីភ្នាក់ងារសារព័ត៌មាន Reuters។ ចំណាត់ការនេះ បង្កើនភាពតានតឹងនយោបាយ នៅក្នុងប្រទេសកូរ៉េខាងត្បូង ស្របពេលដែលក្រុមអ្នកស៊ើបអង្កេតនៅតែប្តេជ្ញានាំខ្លួនលោក Yoon មកសាកសួរ ជុំវិញការដាក់ចេញច្បាប់អាជ្ញាសឹករយៈពេលខ្លីដ៏ចម្រូងចម្រាស កាលពីដើមខែធ្នូកន្លងទៅ។ ការប៉ុនប៉ងលើកដំបូង ដើម្បីអនុវត្តដីកាចាប់ខ្លួន កាលពីសប្តាហ៍មុន បានទទួលបរាជ័យ ដោយសារតែប្រធានអង្គភាពស៊ើបអង្កេត ត្រូវបានរារាំងដោយខ្សែសង្វាក់មនុស្ស នៃសេវាសន្តិសុខប្រធានាធិបតី និងឆ្មាំយោធារាប់រយនាក់ ដែលឈរយាមនៅខាងក្រៅលំនៅដ្ឋានរបស់លោក Yoon។ ទោះបីជាមានការរារាំងនេះក្តី ប្រធានអង្គភាពស៊ើបអង្កេត បានបញ្ជាក់យ៉ាងម៉ឺងម៉ាត់កាលពីថ្ងៃអង្គារថា ពួកគេនៅតែប្តេជ្ញាក្នុងការនាំខ្លួនលោក Yoon ចូលមកកាន់តុលាការ។ មន្ត្រីតុលាការបានគូសបញ្ជាក់ឱ្យដឹងថា មេធាវីរបស់លោក Yoon បានព្យាយាមស្វែងរកមធ្យោបាយផ្លូវច្បាប់ ដើម្បីរារាំងការចាប់ខ្លួន ដោយបានដាក់សំណើសុំទៅតុលាការក្រុងសេអ៊ូល ដើម្បីទុកជាមោឃៈនូវដីកាចាប់ខ្លួន។ ទោះយ៉ាងណា តុលាការបានបដិសេធសំណើនេះ កាលពីថ្ងៃអាទិត្យ ដោយផ្តល់ភ្លើងខៀវដល់ក្រុមអ្នកស៊ើបអង្កេត ក្នុងការបន្តការប៉ុនប៉ងចាប់ខ្លួន។ គួរបញ្ជាក់ថា លោក Yoon ត្រូវបានសភាចោទប្រកាន់ កាលពីថ្ងៃទី ១៤ ខែធ្នូ […]

(បរទេស)៖ ក្រុមហ៊ុនបច្ចេកវិទ្យាយក្ស Meta Platforms ដែលជាមេធំរបស់ Facebook ថ្មីៗនេះបានពង្រីកក្រុមប្រឹក្សាភិបាលរបស់ខ្លួនដោយជ្រើសរើសសមាជិកថ្មីចំនួន ៣នាក់បន្ថែមទៀត រួមទាំងវត្តមានលោក Dana White នាយកប្រតិបត្តិនៃ Ultimate Fighting Championship (UFC) ជាស្ថាប័នប្រដាល់ចម្រុះដ៏លេចធ្លោរបស់អាមេរិក​ (MMA) ព្រមទាំងជាមិត្តជិតស្និទ្ធរបស់ប្រធានាធិបតីជាប់ឆ្នោតលោក Donald Trump ថែមទៀតផង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃទី០៧ ខែមករា ឆ្នាំ២០២៥។ យោងតាមរបាយការណ៍ចុះផ្សាយបានឱ្យដឹងថា សមាជិកថ្មីចំនួន ២នាក់ផ្សេងទៀតរួមមាន លោក Charlie Songhurts ដែលជាវិនិយោគិន និងជាអតីតនាយកជាន់ខ្ពស់របស់ Microsoft, និង លោក​ John Elkann ដែលជានាយកប្រតិបត្តិ (CEO) នៃក្រុមហ៊ុន Exor ដែលកាន់កាប់ដោយគ្រួសារ Agelli របស់អ៊ីតាលី នឹងត្រូវបានគេស្គាល់ថាជាក្រុមហ៊ុនដ៏លេចធ្លោរបំផុតមួយនៅក្នុងវិស័យរថយន្តអឺរ៉ុបដូចជា Ferrari, Stellentis និង Christian Louboutin ព្រមទាំងគ្រប់គ្រងលើវិស័យជាច្រើនទៀត។ ស្របពេលនឹងការចាត់តាំងសមាជិកក្រុមប្រឹក្សាភិបាលថ្មី CEO […]

(បាងកក)៖ នាថ្ងៃអង្គារនេះ អាជ្ញាធរថៃបានបញ្ជាក់ថា តារាសម្តែងចិនម្នាក់ ឈ្មោះ Wang Xing ហៅ Xingxing ដែលបានបាត់ខ្លួន ប៉ុន្មានថ្ងៃមកហើយនោះ នៅក្នុងប្រទេសថៃ ក្បែរតំបន់ព្រំដែនជាប់មីយ៉ាន់ម៉ា កំពុងតែស្ថិតនៅប្រទេសមីយ៉ាន់ម៉ា ហើយខាងអាជ្ញាធរមីយ៉ាន់ កំពុងជួយតាមស្វែងរករូបគេ។ នេះបើតាមការផ្សាយ ដោយសារព័ត៌មាន Bangkok Post នាថ្ងៃអង្គារ ទី៧ ខែមករា ឆ្នាំ២០២៥។ យ៉ាងណាមិញ អ្នកនាំពាក្យប៉ូលិសថៃ បាននិយាយថា គិតត្រឹមពេលនេះ មិនទាន់មានភស្តុតាងដែលឱ្យតំរុយថា តារាសម្តែងចិនរូបនោះ ត្រូវបានចាប់បង្ខំឱ្យទៅមីយ៉ាន់ម៉ា ឬជាជនរងគ្រោះ នៃការជួញដូរមនុស្សឡើយ ពោលគឺរូបគេហាក់បានធ្វើដំណើរចូលទៅមីយ៉ាន់ម៉ា ដោយស្ម័គ្រចិត្ត។ ខាងអាជ្ញាធរថៃ បានស្នើទៅកាន់​អាជ្ញាធរពាក់ព័ន្ធ នៅមីយ៉ាន់ម៉ា ជួយតាមស្វែងរកលោក Wang Xing ដែលបើយោងតាមកាមេរ៉ាសុវត្ថិភាព គឺទំនងជាបានឆ្លងព្រំដែនចូលទៅមីយ៉ាន់ម៉ា ពីចំណុចមួយនៅក្នុងស្រុក Mae Sot នៃខេត្ត Tak។ ស្ថានទូតចិននៅទីក្រុងបាងកក បាននិយាយថា ស្ថានទូតនិងស្ថានកុងស៊ុលចិន នៅខេត្ត Chiang Mai ទទួលបានសេចក្តីរាយការណ៍ ពីសំណាក់គ្រួសាររបស់តារាសម្តែងខាងលើ […]

(ប៉េកាំង)៖ នាព្រឹកថ្ងៃអង្គារ ទី៧ ខែមករានេះ គ្រោះរញ្ជួយដីកម្រិតធ្ងន់មួយ បានកើតមានឡើង នៅឯតំបន់ទីបេ (Tibet) នៃប្រទេសចិន និងបានផ្តាច់ជីវិតមនុស្សកើនដល់យ៉ាងហោច ៥៣នាក់។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ មជ្ឈមណ្ឌលតាមដានគ្រោះរញ្ជួយដីនៃប្រទេសចិន CENC បានរាយការណ៍ថា គ្រោះរញ្ជួយដីមួយមានកម្រិត ៦.៨រ៉ិចទ័រ បានអង្រួន​ស្រុក Dingri នៃតំបន់ Tibet កៀកនឹងព្រំប្រទល់ ជាមួយប្រទេសនេប៉ាល់ កាលពីវេលាម៉ោង៩៖០៥នាទីព្រឹក (ម៉ោងនៅក្នុងតំបន់) និងមានជម្រៅ១០គីឡូម៉ែត្រ ខណៈទីភ្នាក់ងារអាមេរិក USGA បានរាយការណ៍ថា គ្រោះរញ្ជួយដីនោះ មានកម្រិត៧.១រ៉ិចទ័រ។ ទីភ្នាក់ងារព័ត៌មានចិន Xinhua ដោយផ្អែកលើប្រភពពីអាជ្ញាធរគ្រប់គ្រងគ្រោះមហន្តរាយក្នុងតំបន់ បានរាយការណ៍ថា មកទល់ពេលនេះ មនុស្សចំនួនយ៉ាងហោច៥៣នាក់ហើយ ត្រូវបញ្ជាក់ថា បានបាត់បង់ជីវិត ខណៈអ្នករងរបួសកើនដល់៦២នាក់ អំឡុងការវាយប្រហារនៃគ្រោះរញ្ជួយដី ដែលបានកើតឡើងនៅទីក្រុង Xigaze ក្នុងស្រុក Dingri នៃតំបន់ស្វយ័ត Xizang ឬហៅថា Tibet។ គួរបញ្ជាក់ថា ស្រុក Dingri មានមនុស្សរស់នៅប្រមាណ៦២ ០០០នាក់។ […]

(ប៉េកាំង)៖ នាព្រឹកថ្ងៃអង្គារ ទី៧ ខែមករានេះ គ្រោះរញ្ជួយដីកម្រិតធ្ងន់មួយ បានកើតមានឡើង នៅឯតំបន់ទីបេ (Tibet) នៃប្រទេសចិន និងបានផ្តាច់ជីវិតមនុស្សកើនដល់យ៉ាងហោច ៣២នាក់។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ មជ្ឈមណ្ឌលតាមដានគ្រោះរញ្ជួយដីនៃប្រទេសចិន CENC បានរាយការណ៍ថា គ្រោះរញ្ជួយដីមួយមានកម្រិត ៦.៨រ៉ិចទ័រ បានអង្រួន​ស្រុក Dingri នៃតំបន់ Tibet កៀកនឹងព្រំប្រទល់ ជាមួយប្រទេសនេប៉ាល់ កាលពីវេលាម៉ោង៩៖០៥នាទីព្រឹក (ម៉ោងនៅក្នុងតំបន់) និងមានជម្រៅ១០គីឡូម៉ែត្រ ខណៈទីភ្នាក់ងារអាមេរិក USGA បានរាយការណ៍ថា គ្រោះរញ្ជួយដីនោះ មានកម្រិត៧.១រ៉ិចទ័រ។ ទីភ្នាក់ងារព័ត៌មានចិន Xinhua ដោយផ្អែកលើប្រភពពីអាជ្ញាធរគ្រប់គ្រងគ្រោះមហន្តរាយក្នុងតំបន់ បានរាយការណ៍ថា មកទល់ពេលនេះ មនុស្សចំនួន៣២នាក់ហើយ ត្រូវបញ្ជាក់ថា បានបាត់បង់ជីវិត ខណៈ៣៨នាក់ផ្សេងទៀត បានរងរបួស អំឡុងការវាយប្រហារនៃគ្រោះរញ្ជួយដី ដែលបានកើតឡើងនៅទីក្រុង Xigaze ក្នុងស្រុក Dingri នៃតំបន់ស្វយ័ត Xizang ឬហៅថា Tibet។ គួរបញ្ជាក់ថា ស្រុក Dingri មានមនុស្សរស់នៅប្រមាណ៦២ […]

(ប៉េកាំង)៖ ប្រព័ន្ធផ្សព្វផ្សាយរដ្ឋចិន បានរាយការណ៍ថា នាថ្ងៃអង្គារ ទី៧ ខែមករានេះ គ្រោះរញ្ជួយដីកម្រិតធ្ងន់មួយ បានកើតមានឡើង នៅឯតំបន់ទីបេ (Tibet) ប្រទេសចិន និងបានផ្តាច់ជីវិតមនុស្សយ៉ាងហោច ៩នាក់ ហើយធ្វើឱ្យអគារជាច្រើនខ្នង ដួលរលំថែមទៀត។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ មជ្ឈមណ្ឌលតាមដានគ្រោះរញ្ជួយដីនៃប្រទេសចិន CENC បានរាយការណ៍ថា គ្រោះរញ្ជួយដីមួយមានកម្រិត ៦.៨រ៉ិចទ័រ បានអង្រួន​ស្រុក Dingri នៃតំបន់ Tibet កៀកនឹងព្រំប្រទល់ជាមួយប្រទេសនេប៉ាល់ កាលពីវេលាម៉ោង៩៖០៥នាទីព្រឹក (ម៉ោងនៅក្នុងតំបន់) ខណៈទីភ្នាក់ងារអាមេរិក USGA បានរាយការណ៍ថា គ្រោះរញ្ជួយដីនោះ មានកម្រិត៧.១រ៉ិចទ័រ។ រីឯប្រព័ន្ធផ្សព្វផ្សាយរដ្ឋចិន បានរាយការណ៍ថា ស្រុក Dingri និងតំបន់ជុំវិញ បានទទួលរងការញ័ររញ្ជួយខ្លាំង ហើយអគារជាច្រើន ស្ថិតនៅក្បែរចំណុលកណ្តាលនៃគ្រោះរញ្ជួយដីនោះ បានដួលរលំ។ ជាមួយគ្នានេះ គិតត្រឹមម៉ោង១០ព្រឹក មនុស្សយ៉ាងតិច៩នាក់ ត្រូវបញ្ជាក់ថា បានបាត់បង់ជីវិត។ គួរបញ្ជាក់ថា ស្រុក Dingri មានមនុស្សរស់នៅប្រមាណ៦២ ០០០នាក់។ រីឯតំបន់មួយចំនួន នៅខាងនេប៉ាល់ឯណោះវិញ […]

(អូតាវ៉ា)៖ កាលពីថ្ងៃចន្ទសប្តាហ៍នេះ នាយករដ្ឋមន្រ្តីកាណាដា លោក Justin Trudeau បានប្រកាសថានឹងចុះចេញពីតំណែង នៅប៉ុន្មានខែខាងមុខនេះ បន្ទាប់ពីកាន់អំណាចអស់រយៈពេល ៩ឆ្នាំ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី៧ ខែមករា ឆ្នាំ ២០២៥។ លោក Trudeau បានប្រាប់​សន្និសីទ​សារព័ត៌មាន​ថា លោក​នឹង​បន្ត​នៅ​ជា​នាយក​រដ្ឋមន្ត្រី និង​ជាមេដឹកនាំ​ Liberal party ​រហូត​ដល់​គណបក្ស​ជ្រើសរើស​បានប្រធាន​ថ្មី ​ក្នុង​រយៈពេល​ប៉ុន្មាន​ខែទៀត។ លោកបញ្ជាក់ថា «កាណាដា សមនឹងទទួលបានជម្រើសពិតប្រាកដមួយ នៅក្នុងការបោះឆ្នោតអាណត្តិក្រោយ ហើយវាច្បាស់ណាស់សម្រាប់ខ្ញុំថា ប្រសិនបើខ្ញុំត្រូវប្រយុទ្ធជាមួយសមរភូមិផ្ទៃក្នុង នោះខ្ញុំមិនអាចជាជម្រើសដ៏ល្អបំផុត នៅក្នុងការបោះឆ្នោតនោះទេ»។ តាមលោក Trudeau សភា​នឹង​ត្រូវ​ផ្អាក​ដំណើរការ រហូត​ដល់​ថ្ងៃ​ទី​២៤ ខែ​មីនា។ មានន័យថា ការបោះឆ្នោតមួយទំនងជាមិនអាចធ្វើឡើងទេ មុនខែឧសភា ឆាប់បំផុត ដូច្នេះលោក Trudeau នឹងនៅតែទទួលបន្ទុក យ៉ាងហោចណាស់ ដើមទីនៃការដោះស្រាយទាក់ទងនឹងពន្ធគយ ដែលប្រធានាធិបតីជាប់ឆ្នោតអាមេរិក លោក ដូណាល់ ត្រាំ ធ្លាប់គំរាមដាក់ចេញ។ គួរបញ្ជាក់ថា កាណាដា ត្រូវរៀបចំការបោះឆ្នោតអាណត្តិក្រោយ នៅថ្ងៃទី២០ […]