(កំពត)៖ ករណីដែលបុរសជនជាតិជប៉ុនម្នាក់ ត្រូវប៉ូលិសដកហូតម៉ូតូដោយសារសំលេងឮខ្លាំង នៅថ្ងៃទី១៤ ខែមករា ឆ្នាំ២០២៣នេះ ស្នងការដ្ឋាននគរបាលខេត្តកំពត បានឱ្យដឹងថាឯកឧត្តមអភិបាល ខេត្តកំពត បានឯកភាព ឱ្យសមត្ថកិច្ចនៃស្នងការដ្ឋាននគរបាលខេត្តកំពត ប្រគល់ម៉ូតូ របស់ជនជាតិជប៉ុន ដែលបើកបង្ករសំលេងរំខាន ក្នុងក្រុងកំពតឱ្យទៅម្ចាស់វិញហើយ។ បើយោងតាមទំព័រហ្វេសប៊ុកផេក ស្នងការដ្ឋាននគរបាលខេត្តកំពត បានសរសេររៀបរាប់ថា៖ «ឯកឧត្តម អភិបាលខេត្ត បានឯកភាពប្រគល់ម៉ូតូរបស់ជនជាតិជប៉ុនដែលបើកបង្កសំលេងរំខានក្នុងក្រុងកំពតវិញហើយ គាត់នឹងមកយកម៉ូតូនៅថ្ងៃទី 17.01.23»។ សូមរំលឹកថា យោងតាមប្រភពព័ត៌មាន កាលពីថ្ងៃទី២៩ ខែធ្នូ ឆ្នាំ២០២២ ជនជាតិជប៉ុនមួយរូបត្រូវបានស្នងការខេត្តកំពត ដកហូតម៉ូតូយកទៅរក្សាទុក នៅកន្លែងនគរបាល ក៏ព្រោះតែម៉ូតូរបស់គាត់មានសំឡេងឮ ប៉ុន្តែមិនមែនកែច្នៃឲ្យឮបំពងដូចម៉ូតូផ្សេងៗនោះទេ៕

កញ្ញា Anna Sueangam-iam បវកញ្ញាចក្រវាលថៃ ឆ្នាំ២០២២ បានបង្ហាញខ្លួនក្នុងកម្មវិធីប្រកួតបវរកញ្ញាចក្រវាលឆ្នាំ២០២២ នៅក្នុងវគ្គប្រកួតបឋម នៅថ្ងៃទី១២ ខែមករា ឆ្នាំ២០២២ បានធ្វើឱ្យមហាជនភ្ញាក់ផ្អើល ក្រោយស្លៀកឈុតរាត្រីសមោសដែលកែច្នៃចេញពីក្រវិលកំប៉ុង។ រ៉ូបនេះមានអត្ថន័យពិសេស ដោយសារឪពុករបស់បវកញ្ញាថៃរូបនេះជាអ្នកប្រមូលសំរាម។ ម្តាយរបស់នាងជាអ្នកបោសសម្អាតផ្លូវ ឈុតនេះត្រូវបានគេហៅថា “Hidden Precious Diamond Dress”។ ឈុតនេះទទួលបានបានការសរសើរពីអ្នកប្រើប្រាស់បណ្តាញសង្គម។ សូមរំលឹកថា រាត្រីគ្រងមកុដបវរកញ្ញាចក្រវាលលើកទី៧១ នឹងធ្វើឡើងនៅព្រឹកថ្ងៃទី១៥ ខែមករា ឆ្នាំ២០២៣ (ម៉ោងនៅកម្ពុជា) នៅមជ្ឈមណ្ឌលសន្និបាត New Orleans Morial ក្នុងរដ្ឋ Louisiana ដោយកម្ពុជា ក៏បានបញ្ជូន កញ្ញា ហង្ស ម៉ានីតា ចូលរួមប្រកួតផងដែរ៕

(កណ្តាល)៖ ដោយមានការចង្អុលបង្ហាញពី លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ នៅថ្ងៃទី១២ ខែមករា ឆ្នាំ២០២២ បានណែនាំកម្លាំងផ្នែកសណ្តាប់ធ្នាប់ ចុះធ្វើការអប់រំណែនាំដល់បងប្អូនប្រជាពលរដ្ឋដែលប្រកបអាជីវកម្មលក់សាច់ពិសេស ( សាច់ឆ្កែ ) គឺមិនអនុញ្ញាត្តិឱ្យដាក់តាំងរូបឆ្កែបង្វិល ឬ ដាក់តាំងលក់ដែលមានរូបភាពមិនសមរម្យ និង មិនអនុញ្ញាត្តិឱ្យដាក់ស្លាកយីហោលក់សាច់ពិសេសទៀតនោះទេ ចាប់ពីថ្ងៃនេះតទៅ។ អធិការដ្ឋាននគរបាលក្រុងតាខ្មៅ​ អំពាវនាវ​ដល់ប្រជាពលរដ្ឋក្នុងក្រុងតាខ្មៅ សហការផ្តល់ព័ត៌មាន ប្រសិនបើដឹងថាទីតាំងណាដែរដាក់យីហោ លក់សាច់ពិសេស និង ដាក់អាំងបង្វិលទាំងមូល ក៏ដូចជាដាក់តាំងក្បាលសុនខ(ក្បាលឆ្កែ) ក្នុងទូរកញ្ចក់ ដែរមើលទៅមិនសមរម្យ សូមរាយការណ៍មក លេខទូរស័ព្ទរបស់លោកអធិការផ្ទាល់ ០១៦ ៦០៧ ៨៨៨ / ០១២ ៧៦៣ ៩៦៣ ឬក៏អាចរាយការចូលផេកផ្លូវការណ៍ និង តេឡេក្រាម​ផ្លូវការរបស់អធិការដ្ឋាននគរបាលក្រុងតាខ្មៅផ្ទាល់ https://t.me/takhmaupolice៕

(ភ្នំពេញ)៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅដើមឆ្នាំនេះ បានត្រាស់បង្គាប់ផ្តល់គោរមងារ «អ្នកឧកញ៉ា» ដល់ឧកញ៉ាចំនួន៥រូប ដែលមានស្នាដៃ និងគុណបំណាច់ ក្នុងការចូលរួមកសាង និងអភិវឌ្ឍជាតិ-មាតុភូមិ។ ចង់ដឹងថាឧកញ៉ារូបណាខ្លះ ទទួលបាន គោរមងារជា «អ្នកឧកញ៉ា» នៅឆ្នាំ២០២៣នេះ? – លោកឧកញ៉ា ជា រតនា និងលោកស្រី លី លីហៀក អគ្គនាយកក្រុមហ៊ុន សាន់ & មូន គ្រុប ទទួលបានការផ្ដល់គោរមងារថ្មីជា «អ្នកឧកញ៉ា» ដោយព្រះរាជក្រឹត្យលេខ នស/រកត/០១២៣/០០៩ ចុះថ្ងៃទី០២ ខែមករា ឆ្នាំ២០២៣។ – ឧកញ៉ា លី សេងឃាង ប្រធានក្រុមប្រឹក្សាភិបាល នៃក្រុមហ៊ុន BS Land & Home Co., Ltd. និងក្រុមហ៊ុន East Land and […]

(ភ្នំពេញ)៖ បន្ទាប់ពីរដ្ឋាភិបាលចិនអនុញ្ញាតឱ្យប្រជាជនចេញក្រៅប្រទេសបាន ចាប់ពីថ្ងៃទី៨ ខែមករា ឆ្នាំ២០២៣នោះមក នៅអាកាសយានដ្ឋានអន្តរជាតិភ្នំពេញ ប្រទេសកម្ពុជា ចាប់ផ្ដើមទទួលជើងហោះហើរពីចិនចាប់ពី៤-៥ជើងក្នុង១ថ្ងៃបណ្ដើរៗហើយ និងក្រសួងទេសចរណ៍ក៏គ្រោងរៀបចំពិធីស្វាគមន៍ភ្ញៀវទេសចរមកពីចិនដំបូងពិសេសមួយនាពេលឆាប់ៗខាងមុខ។ ថ្លែងប្រាប់អ្នកសារព័ត៌មាននៅថ្ងៃទី១១ ខែមករា លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា ក្រសួងកំពុងសហការជាមួយរដ្ឋលេខាដ្ឋានអាកាសចរណ៍ស៉ីវិល ដើម្បីរៀបចំពិធីស្វាគមន៍ភ្ញៀវទេសចរមកពីចិនដំបូងយ៉ាងពិសេសមួយនាពេលឆាប់ៗខាងមុខ។ លោកថ្លែងថា «យើងកំពុងតែធ្វើការជាមួយខាងអាកាសចរណ៍ស៉ីវិល ដើម្បីមើលកម្មវិធីហោះហើរ ថាតើក្រោយថ្ងៃ៨មករា មានជើងហោះហើរណាថ្មី»។ លោករដ្ឋមន្ត្រីបានបន្តថា ចាប់ពីថ្ងៃទី៨ ខែមករា មានការហោះហើរពីប្រទេសចិនមកអាកាសយានដ្ឋានអន្តរជាតិភ្នំពេញក្នុងចំនួនតិចនៅឡើយ គឺមានចាប់ពី៤-៥ជើងក្នុងមួយថ្ងៃប៉ុណ្ណោះ។ នៅខេត្តព្រះសីហនុនឹងចាប់ផ្ដើមការហោះហើរពីទីក្រុងគួនមីង ចាប់ពីថ្ងៃទី២០ ខែមករាតទៅ។ ដោយឡែកនៅឯខេត្តសៀមរាបមិនទាន់មានការហោះហើរមកពីប្រទេសចិននៅឡើយទេ។ លោក ថោង ខុន បានរំលឹកថា នៅមុនវិបត្តិជំងឺកូវីដ១៩ កម្ពុជាបានរៀបចំកិច្ចការច្រើនណាស់សម្រាប់ទទួលភ្ញៀវទេសចរចិន ក្នុងនោះនៅក្នុងប្រទេសគឺបានរៀបចំឱ្យមានសៀវភៅស China Ready ដើម្បីប្រើប្រាស់សម្រាប់ទទួលបដិសណ្ឋារកិច្ចចំពោះភ្ញៀវទេសចរចិន គ្រប់មូលដ្ឋានអាជីវកម្មសេវាកម្មទេសចរណ៍ត្រូវតែមានបុគ្គលិកចេះភាសាចិន សូម្បីតែនៅច្រកទ្វារអន្តរជាតិរបស់កម្ពុជាក៏មានមន្ត្រីនគរបាលអន្តោប្រវេសន៍ដែលចេះភាសាចិន ឬក៏មានជំនួយការដែលជួយបកប្រែភាសាចិនអមជាមួយ។ ម្យ៉ាងទៀតនៅក្នុងលិខិតទិដ្ឋការដែលបំពេញមុនចូលប្រទេសកម្ពុជា ក៏មានបន្ថែមនូវភាសាចិនផងដែរ។ ក្រៅពីនេះមានការបណ្ដុះបណ្ដាលមគ្គុទ្ទេសក៍ភាសាចិនរាប់ម៉ឺននាក់ នៅក្រៅប្រទេសក៏មានការឃោសនាផ្សព្វផ្សាយទៅដល់ទីផ្សារទេសចរណ៍ចិន ពិសេសរាជរដ្ឋាភិបាលក៏បានសម្រេចឱ្យគ្រប់សេវាកម្មទេសចរណ៍ទាំងអស់អាចទទួល និងទូទាត់ប្រាក់យ័នរបស់ចិនបានថែមទៀត។ លោកថា ចាប់ពីពេលនេះ គឺត្រូវបន្តអនុវត្តការងារទាំងអម្បាលម៉ាននៅក្នុងសៀវភៅស China […]

បើតាមសន្ទស្សន៍លិខិតឆ្លងដែនចុងក្រោយ របស់ក្រុមហ៊ុន Henley & Partners ដែលផ្ដល់ប្រឹក្សាផ្នែកអន្តោប្រវេសន៍។ ប្រទេសអាស៊ីចំនួនបីនេះ បច្ចុប្បន្នជាប្រទេសមានលិខិតឆ្លងដែនដ៏មានឥទ្ធិពលបំផុតនៅលើពិភពលោកក្នុងឆ្នាំ២០២៣ គឺប្រទេសជប៉ុន សិង្ហបុរី និងកូរ៉េខាងត្បូង។ យោងតាមរបាយការណ៍ប្រចាំត្រីមាសថ្មីដែលចេញផ្សាយដោយក្រុមហ៊ុន Henley & Partners ដែលមានមូលដ្ឋាននៅទីក្រុងឡុងដ៍ (ចក្រភពអង់គ្លេស) ប្រទេសជប៉ុន គឺជាមានលិខិតឆ្លងដែនដ៏មានឥទ្ធិពលបំផុតក្នុងពិភពលោក ដែលជួយពលរដ្ឋរបស់ខ្លួនអាចធ្វើដំណើរទៅកាន់ប្រទេស និងដែនដីចំនួន ១៩៣ផ្សេងគ្នាដោយមិនចាំបាច់មានទិដ្ឋាការ។តាមពីក្រោយដោយ ប្រទេសសិង្ហបុរី និង កូរ៉េខាងត្បូង ដោយប្រទេសគោលដៅចំនួន ១៩២ប្រទេសអាចធ្វើដំណើរទៅដោយគ្មានទិដ្ឋាការ៕ ប្រភព៖ zingnews

ធនាគារពិភពលោក (WB) បានកាត់បន្ថយការព្យាករណ៍កំណើនសេដ្ឋកិច្ចសម្រាប់ឆ្នាំ២០២៣ដោយសារតែផលប៉ះពាល់នៃការកើនឡើងអត្រាការប្រាក់ ជម្លោះក្នុងប្រទេសអ៊ុយក្រែន និងការធ្លាក់ចុះនៃសេដ្ឋកិច្ចសំខាន់ៗ។ ធនាគារពិភពលោកព្យាករណ៍ថា កំណើនផលិតផលក្នុងស្រុកសរុបរបស់ពិភពលោកក្នុងឆ្នាំ២០២៣ ត្រឹមតែ ១.៧% ដែលជាអត្រាកំណើនយឺតបំផុតចាប់តាំងពីឆ្នាំ ១៩៩៣ នេះបើយោងតាមសារព័ត៌មាន Nikkei បានរាយការណ៍នៅថ្ងៃទី១១ ខែមករា។ ធនាគារពិភពលោក ក៏បានកាត់បន្ថយការព្យាករណ៍កំណើនរបស់ខ្លួនសម្រាប់សហរដ្ឋអាមេរិក និងតំបន់ចាយប្រាក់អឺរ៉ូចំនួន ០.៥% ផងដែរ។ ការ​ធ្លាក់​ចុះ​នៃ​សេដ្ឋកិច្ច​ធំៗ​ជា​ច្រើន​អាច​បង្ហាញ​ពី​ការ​ធ្លាក់​ចុះ​សេដ្ឋកិច្ច​ថ្មី។ ទន្ទឹមនឹងនេះដែរ កំណើននៅក្នុងប្រទេសចិននៅឆ្នាំនេះបាន​ធ្លាក់​ចុះ​ដល់​២.៧% ជា​អត្រា​យឺត​បំផុត​ទី​២​ ចាប់​តាំង​ពី​ពាក់​កណ្តាល​ទសវត្សរ៍​១៩៧០ និង​ក្រោយ​ឆ្នាំ​២០២០​មក ពេល​ដែល​ការ​ដាក់​កំហិត​គ្មាន​កូវីដ ឬ zero-COVID ភាព​វឹកវរ​ក្នុង​ទីផ្សារ​អចលនទ្រព្យ​និង​គ្រោះ​ទុរ្ភិក្ស បាន​ប៉ះពាល់​ដល់ការ​ប្រើប្រាស់ ផលិតកម្ម និង​វិនិយោគ ធនាគារពិភពលោកបាននិយាយថា សម្ពាធអតិផរណាមួយចំនួននឹងចាប់ផ្តើមធូរស្រាលនៅចុងឆ្នាំ២០២២ នៅពេលដែលតម្លៃថាមពល និងទំនិញធ្លាក់ចុះ។ ទោះជាយ៉ាងណាក៏ដោយ WB ក៏បានព្រមានអំពីហានិភ័យនៃការរំខានការផ្គត់ផ្គង់ និងការកើនឡើងអតិផរណាស្នូល។ ធនាគារពិភពលោកអំពាវនាវឱ្យសហគមន៍អន្តរជាតិពង្រឹងការគាំទ្រដល់ប្រទេសដែលមានចំណូលទាប ដើម្បីឆ្លើយតបទៅនឹងការប៉ះទង្គិចតម្លៃស្បៀងអាហារ និងថាមពល៕ ប្រភព៖ zingnews

(ភ្នំពេញ)៖ ហេតុការណ៍ភ្ញាក់ផ្អើលមួយបានកើតឡើង ដោយសារតែផ្ទុះបំពង់ទុយោបូមខ្សាច់ ដែលបង្កប់ក្រោមដីកាត់ទទឹងផ្លូវជាតិលេខ២ បណ្ដាលឱ្យមានការកកស្ទះចរាចរណ៍យ៉ាងខ្លាំង។ ហេតុការណ៍នេះបានកើតឡើងនៅត្រង់ចំណុចជិតសាលាអន្តរជាតិACE លេីកំណាត់ផ្លូវជាតិលេខ២ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ កាលពីវេលាម៉ោង០៦:២០នាទីព្រឹក ថ្ងៃទី១២ ខែមករា ឆ្នាំ២០២៣នេះ។ យោងតាមប្រភព ភ្លាមៗនោះ អាជ្ញាធរ​មូលដ្ឋាន ក៏បានចុះមកដល់កន្លែងកើតហេតុដើម្បីកៀរ​ប្រមូល​ខ្សាច់​ចេញ​។ ព័ត៌មានលម្អិតនឹងជម្រាបជូនពេលក្រោយទៀត៕ រូបភាព៖ rin ratanak

យោងតាមការគណនីហ្វេសប៊ុករបស់ មូលនិធិគន្ធបុប្ផាកម្ពុជា នៅថ្ងៃទី១២ ខែមករា ឆ្នាំ២០២៣ បានឱ្យដឹងថា កុមារម្នាក់ អាយុ៣ឆ្នាំ មកពីស្រុកសៀមប៉ាង ខេត្តស្ទឹងត្រែង បានលេបកាក់ចូលក្នុងបំពង់អាហារអស់រយៈពេល៣ខែ និងត្រូវបានសង្រ្គោះឱ្យរួចផុតគ្រោះថ្នាក់ ដោយក្រុមគ្រូពេទ្យនៃមន្ទីរពេទ្យជ័យវរ្ម័នទី៧ (គន្ធបុប្ផាសៀមរាប) ។ កុមារា អាយុ៣ឆ្នាំ មកពីស្រុកសៀមប៉ាង ខេត្តស្ទឹងត្រែង បានចូលមកសង្រ្គោះបន្ទាន់ បន្ទាប់ពីបានលេបកាក់ចូលក្នុងបំពង់អាហាររយៈពេល ៣ខែ និងដោយឪពុកម្តាយពុំមានលទ្ធភាពធ្វើដំណើរ ទើបគាត់មានការយឺតយ៉ាវក្នុងការមកទទួលការព្យាបាល។ កុមាររូបនេះ ត្រូវបានជួយសង្គ្រោះជាបន្ទាន់ដោយក្រុមគ្រូពេទ្យផ្នែកថតឆ្លុះព្យាបាលជំងឺប្រព័ន្ធរំលាយអាហារ នៃមន្ទីរពេទ្យគន្ធបុប្ផាសៀមរាប ដោយជោគជ័យ។ សូមជម្រាបជូនថា ជារៀងរាល់ខែមន្ទីរពេទ្យគន្ធបុប្ផាទាំង ៥ទីតាំង នៅទូទាំងព្រះរាជាណាចក្រកម្ពុជា ទទួលពិនិត្យ និងព្យាបាលកុមារជាង ៤ម៉ឺននាក់ ដោយឥតគិតថ្លៃ និងមិនមានការរើសអើង។ ដូច្នេះ ការចូលរួមបរិច្ចាគពីសំណាក់លោកអ្នកពិតជាមានតម្លៃណាស់ ក្នុងការជួយសង្រ្គោះជីវិតកុមារនៅកម្ពុជា ដែលជាអនាគតអ្នកបន្តវេនរបស់ប្រទេសជាតិ។ មូលនិធិគន្ធបុប្ផាកម្ពុជា សូមបន្តលើកទឹកចិត្តសប្បុរសជន ទាំងក្នុង និងក្រៅប្រទេស ចូលរួមបរិច្ចាគចូលជាសមាជិករបស់មូលនិធិគន្ធបុប្ផាកម្ពុជា ដែលមានពីរប្រភេទគឺ ៖ (១) សមាជិកកិត្តិយស ដោយបរិច្ចាគចាប់ពី ២០ ០០០ ០០០ (ម្ភៃលាន) […]

ការ​ប្រកួត​បវកញ្ញា​ចក្រវាល លើកទី៧១ បានកំពុងតែធ្វើឡើងនៅទីក្រុង New Orleans រដ្ឋ Louisiana សហរដ្ឋអាមេរិក ហើយនៅព្រឹកថ្ងៃទី១២ ខែមករា ឆ្នាំ២០២៣ នេះ ការប្រកួតបឋម Preliminary Show ក៏បានចាប់ផ្តើម។​ ជាមួយគ្នានេះបវកញ្ញាទាំង៨៤ប្រទេស បានធ្វើការខិតខំអស់ពីសមត្ថភាពបង្ហាញនៅមុខគណៈកម្មការ ក្នុងនោះបវរកញ្ញាចក្រវាលកម្ពុជា ហង្ស ម៉ានីតា ក៏បានសម្ដែងទាំងការណែនាំខ្លួន និង ​ឈុត​ហែល​ទឹក ពោរពេញដោយភាពជឿជាក់៕ តោះមកទស្សនាវីដេអូនៅខាងក្រោមនេះ៖